خد بالك لما بتعمل Payroll (تحويل رواتب الموظفين) للموظفين في شركتك في بنك تقليدي! الموضوع مش مجرد حساب جاري بدون فوائد بتحط فيه المرتب وخلاص، زي ما ممكن يتهيأ لك. الحقيقة الموضوع أعمق من كده! لما تعمل تحويل المرتبات (Payroll) لبنك تقليدي، انت بتسلم البنك بيانات الموظفين وضماناتهم (زي ضمان الوظيفة والمرتب)، وده بيخلّي الموظف بالنسبة للبنك “لوزة مقشّرة”، زي ما بنقول. إيه اللي بيحصل بعد كده؟ البنك بيبدأ يتواصل مع الموظف: • “تعالى خد كريدت كارد!” • بعد شوية: “إيه رأيك في قرض شخصي؟” • وبعدها: “خد قرض سيارة!” ولو البنك إسلامي؟ • هيعرض عليه Charge Card، لكن بيربطها بتورق مصرفي منظم (مرابحة السلع الدولية). • أو ممكن يعمله تورق ابتداءً لتمويله. واحد يقول: طيب وأنا ذنبي إيه؟ الحقيقة، أنت مش عليك ذنب مباشر. لكن عليك دور توعوي ومسؤولية أخلاقية. لما تعمل Payroll (تحويل رواتب الموظفين): • وضّح لهم الأحكام الشرعية للتعاملات البنكية. • اعمل ورقة شروط وأحكام مختصرة يمضي الموظف عليها، توضح فيها: “لا يجوز القيام بأي معاملات محرمة مع البنك، وأن الشركة بريئة من أي معاملة غير شرعية يقوم بها الموظف.” والأفضل؟ • تعمل حسابات الشركة والـ Payroll (تحويل رواتب الموظفين) في بنك إسلامي. حتى لو فيه مسائل عليها تحفظ في البنوك الإسلامية، فهي محل اجتهاد وخلاف، وعندهم هيئة شرعية أجازت هذه المعاملات. ودي في حد ذاتها نعمة وفضل، وربنا يحاسبهم على فتواهم. خد بالأسباب واعمل اللي عليك🤲🏻 #باسم_عليوة #شريعة_أوديت