امریکی وزیرِ خارجہ مارکو روبیو 13 فروری 2025 کو میونخ سیکیورٹی کانفرنس کے لیے میری لینڈ میں جوائنٹ بیس اینڈریوز سے روانگی کے وقت ہوائی جہاز میں سوار ہو رہے ہیں۔ (رائٹرز) روبیو کا طیارہ مکینیکل خرابی کے باعث واپس چلا گیا ان کی آج یوکرین کے صدر سے ملاقات طے شدہ ہے شمالی امریکا اے ایف پی امریکی محکمۂ خارجہ نے کہا کہ طیارے میں میکانکی خرابی کے باعث وزیرِ خارجہ مارکو روبیو جمعرات کو اپنے دوسرے بیرونِ ملک سفر سے واپس آنے پر مجبور ہو گئے۔ اے ایف پی کے نامہ نگار کے مطابق روبیو میونخ سیکیورٹی کانفرنس میں شرکت کے لیے جا رہے تھے جب ان کا طیارہ اچانک واشنگٹن کے باہر اینڈریوز ایئر فورس بیس کی طرف واپس مڑ گیا۔ محکمۂ خارجہ کی ترجمان ٹیمی بروس نے کہا کہ جس جہاز میں سکریٹری روبیو پرواز کر رہے تھے اس میں میکینیکل خرابی ہو گئی۔ انہوں نے کہا، "طیارہ مڑ کر جوائنٹ بیس اینڈریوز پر واپس آ رہا ہے۔ سکریٹری کا ارادہ ہے کہ وہ الگ الگ طیاروں میں جرمنی اور شرقِ اوسط کا سفر جاری رکھیں گے۔" روبیو کو یوکرین کے صدر ولادیمیر زیلنسکی سے جمعے (آج) کو ہونے والی ملاقات میں امریکی نائب صدر جے ڈی وینس کے ساتھ شریک ہونا تھا۔ قبل ازیں صدر ڈونالڈ ٹرمپ نے اپنے ہم منصب ولادیمیر پوتن کے ساتھ فون پر بات کی اور کہا کہ وہ جنگ کے خاتمے کے لیے سفارت کاری کو آگے بڑھائیں گے۔ روبیو اس کے بعد اسرائیل، سعودی عرب اور متحدہ عرب امارات جا کر غزہ کی نازک جنگ بندی پر گفتگو کریں گے۔ وہ ٹرمپ کی فلسطینی باشندوں کے انخلاء والی غزہ تجویز پر بھی بات چیت کریں گے جس پر بین الاقوامی سطح پر غم و غصہ پیدا ہوا ہے۔ امریکہ میں اعلیٰ سفارت کار کو وقتاً فوقتاً میکینکل مسائل پیش آتے ہیں کیونکہ معززین کے لیے استعمال ہونے والے طیارے پرانے ہو چکے ہیں۔ #طیارہ #امریکہ #تکنیکی_خرابی #مارکو_روبیو #teampakistancyberforce