: ہم مصروفیت کو کمائی بناتے ہیں اور پھر اِس کمائی کے استعمال کیلئے الگ مصروف ہوتے ہیں - - - : " زندگی مصروفیّت میں گزر جاتی ہے اور پھر اچانک اس حقیقت کا اِنکشاف ہوتا ہے کہ __اگر مرنا ہی تھا، تو مرمر کے جینا کیوں تھا-! ____ : کتنے ناپ تول کے قدم رکھے تھے، کتنی احتیاط کی تھی، کیسے کیسے جتن کیے تھے- - - - - اور فرصت کے چند لمحات نہ ملے، " اور جب ملنے لگے تو موت نے مہلت نہ دی- - - - " "پہلے زندگی مہلت نہیں دیتی اور پھر موت آڑے آ جاتی ہے- - : کیا ہمارا مقصد مصروف رہنا ہی ہے؟ : کیا ہم کبھی آزاد نہیں ہو سکتے؟ : کیا ہمارے پاس اِس خوبصورت کائنات کو دیکھنے کیلئے وقت نہیں ہوگا؟ : کیا ہم نکلتے اور ڈوبتے سورج کے مناظر کبھی نہیں دیکھ سکیں گے؟ : کیا چاند رات اور چاندنی رات ہمارے لئے نہیں ہیں؟ : کیا ہم تاریک مصروفیت کی اماوس رات میں بھٹکتے رہیں گے----؟ : جب تک انسان مصروفیّت کے عقوبت خانے سے آزاد نہ ہو جائے، ___ اسے زندگی کا حُسن نظر نہیں آسکتا-___ : زندگی شِکم پروری ہی تو نہیں - : تسکینِ قلب و نظر کا بھی اہتمام ہونا چاہیے - : فطرت کا حُسن، فاطرِ کائنات کی منشا کے مطابق دیکھا جائے- - -!