بلوچ یکجہتی کمیٹی (BYC) چاغی زون نے آج چاغی اور امین آباد میں میٹنگ کا انعقاد کیا تاکہ لوگوں کو 25 جنوری کو دالبندین میں ہونے والے بلوچ نسل کشی یادگاری دن کے لیے متحرک کیا جا سکے۔ اس تقریب میں BYC کی مرکزی رکن ڈاکٹر صبیحہ بلوچ نے شرکت کی اور خطاب کرتے ہوئے کہا کہ پاکستانی ریاست بلوچ عوام کے خلاف ٹارگٹ کلنگ، جبری گمشدگیاں، انفراسٹرکچر کی تباہی، سرحدی پابندیاں اور کینسر جیسی وباؤں کے ذریعے نسل کشی کر رہی ہے۔ انہوں نے اس ظلم کو روکنے کی ضرورت پر زور دیا اور عوام سے قومی تحریک میں شامل ہونے کی اپیل کی۔ ڈاکٹر صبیحہ بلوچ نے ماؤں کی جرات اور شہداء کو خراج عقیدت پیش کیا اور چاغی کے عوام سے درخواست کی کہ وہ اپنے خاندانوں کے ساتھ 25 جنوری کو دالبندین میں ہونے والی جلسے میں شرکت کریں۔ #stopbalochgenocide #balochgenocideremembranceday