😄* *نحوی دلہن کامبتداشوہر* 😄 اہل مدارس کےلۓ۔ فراغت کے بعد جب لڑکی مدرسہ سےاپنےگھر آئی ،تو چند دنوں بعد اس کی ماں نے پوچھا : "بیٹی !میں چاہتی ہوں کہ اب تیری شادی کر دی جائے _بتا تجھے شوہر کیسا چاہیے____?" لڑکی بولی : "اماں ! میرا شوہر "مبتدا" ہوناچاہیۓ _جب میں اس کی زندگی میں "خبر" بن کر جاؤں، تو ہماری زندگی کی "ترکیب" اسمیہ خبریہ" بن کر رہے ماں حیرت سےمنہ تکنےلگی۔ پھر مسکرا کر بولی: " بیٹی ! تواگر"فعل "بنےاور تیرا شوہر "فاعل" تو بھی تو زندگی کی "ترکیب" مکمل ہو جائے گی بیٹی نے تن کرکہا : "نہیں اماں ! میرا شوہر مبتداہی ہونا چاہیے۔ جانتی ہو! جو مبتدا ہوتا ہے، وہ لفظی اور معنوی عوامل سے خالی ہوتا ہے ۔ میں نہیں چاہتی کہ میرا شوہر جسمانی اور مالی مشکلات کا شکار ہو _ شوہر اگر مبتداہوا، تو زمانے کے "جار"،"مجرور" اس پر اثر انداز نہیں ہو سکتے ماں کو ہنسی آگئی۔ اس نے کہا: میری نحوی بیٹی !توجس مبتداکے فضائل بیان کر رہی ہے ،وہ کبھی کبھی "موخر"بھی ہوجاتا ہےفرض کرو تمہارے شوہر کی زندگی میں اگر تم سے پہلے ہی کوئی بیوی خبر بن کر آ چکی ہو، تو پھر تیراشوہر تیرے لیے "مبتدا موخر" ہی ثابت ہوگا ۔" بیٹی بولی : "اماں !میں نے اسی لئے تومبتداپسندکیاہے۔وہ موخرہویامقدم،ہمیشہ مبتداہی ہوتاہے_ اور ایک فائدہ یہ بھی ہے کہ ایک فعل کاہمیشہ ایک ہی فاعل ہوتاہے ۔جبکہ ایک مبتدا اگر چاہے تو اس کی چار چارخبریں ہو سکتی ہیں۔ بس ماں ! دعا کرو کہ ہم دونوں جب شادی بعد "معطوف علیہ" بنیں۔تو خوشیوں کے"معطوفات" کم نہ ہوں__جب ہم شادی کےبعد"موصوف "بنیں۔ تو اولاد کی "صفت "ہمیشہ قائم رہے _ساس جب "اعراب" بن کر سامنے آئے' تو میں "مبنی" کی طرح ڈٹی ر ہوں _خود "غیر منصرف "ر ہوں -مگر اپنی نند کو "منصرف" بنا کر رکھوں ماں نےہاتھ اٹھاۓ،اورکہا: " مولا !میری "ذوالحال" بیٹی کو اپنی رحمت کے "حال" سے مالا مال فرما ! دنیا کے" نکرہ" سے بچا کر اپنی معرفت کا "معرفہ "بنا ! فتنوں کے "ممیزات" کے بیچ ا سے "تمیز "کی حیثیت عطا فرما! اگر ہم اس دنیا سے "محذوف "بھی ہو جائیں تو ہماری دعائیں ہماری بیٹی کی زندگی میں "ضمیر" کی طرح موجود رہیں آمین یا رب العالمین