☁️ کیا ہم نے بارش کے لیے اپنے رب سے دعا کی؟ اس بار پاکستان میں نہ ہی سردیوں میں ٹھنڈ ٹھیک سے پڑی اور نہ ہی بارش ہوئی۔ زمین خشک ہو رہی ہے، پانی کی قلت بڑھ رہی ہے، اور کھیتوں میں فصلیں بھی صحیح طرح نہیں اُگ سکیں۔ پھلوں اور سبزیوں کی پیداوار متاثر ہو رہی ہے، اور یہ سب کچھ ہمیں یاد دلاتا ہے کہ بارش اللہ کی بہت بڑی نعمت ہے۔ جب بارش رک جائے، زمین پیاسی ہو، اور ہر طرف خشکی کا راج ہو، تو ہمیں اپنے رب سے رجوع کرنا چاہیے، کیونکہ وہی بارش برسانے والا اور رحمت نازل کرنے والا ہے۔ ہمیں چاہیے کہ ہم دعا کریں اور اللہ تعالیٰ سے بارش مانگیں۔ 🌧️ بارش کی دعا: اللَّهُمَّ اسْقِنَا غَيْثًا مُغِيثًا، مَرِيئًا مَرِيعًا، نَافِعًا غَيْرَ ضَارٍّ، عَاجِلًا غَيْرَ آجِلٍ 📖 اے اللہ! ہمیں ایسی بارش عطا فرما جو سیراب کرنے والی ہو، خوشگوار اور زرخیز ہو، فائدہ دینے والی ہو، نقصان دہ نہ ہو، اور جلد آنے والی ہو، تاخیر والی نہ ہو۔ 📜 سنن أبی داود 1169، سنن ابن ماجہ 1269