شعبان کے مہینے کو کسی مخصوص عبادت کے ساتھ خاص نہیں کیا گیا اور نہ ہی اس کے کسی دن یا رات، جیسے کہ شبِ برات (نصف شعبان کی رات) کو کسی مخصوص عمل کے لیے مختص کیا گیا ہے۔ اسی وجہ سے ایک مسلمان کو اس بات کا پختہ یقین رکھنا چاہیے کہ جو عمل رسولِ ہدایت ﷺ نے نہیں کیا، وہ بھی نہ کرے۔ کیا رسول اللہ ﷺ نے شبِ برات منائی؟ کیا حضرت ابو بکر، حضرت عمر، حضرت عثمان، حضرت علی اور تمام صحابہ کرام و تابعین رضی اللہ عنہم نے اس رات کو کوئی خاص عبادت کی؟ جمهور محققین کا یہی موقف ہے کہ شبِ برات دیگر عام راتوں کی طرح ہے، اس میں کسی مخصوص فضیلت یا عبادت کا کوئی ثبوت نہیں۔ اس لیے مسلمانوں کو اپنے رب کی توحید کو خالص کرنا چاہیے، اپنے محبوب ﷺ کی پیروی کرنی چاہیے، اور خواہشاتِ نفس، دین میں بے جا نئی چیزیں شامل کرنے، گناہوں اور منکرات سے بچنا چاہیے۔ (شیخ عبد الرحمن السدیس)