Plight Written by Floccy Chapter 1 Doreen "Maphosa utevere nema books ku staff room." vakadaro Sir Makoni avo vaitidzidzisa accounts ndikati, "Ok Sir." vakabuda vakaenda ndikasara ndichicollecta ma books. Ndakasvika paigara best friend yangu ainzi Shelton akandipa book rake akati, "Maphosa shaa ukasire tiende kumba nhasi ndiri kuda kukasira kusvika." "Kana neniwo shaa, ndine zvakawanda zvandiri kuda kusvika ndichiita." "Chiita tiende." Taive tapinda makuseni lesson ra sir Makoni ndiro raive riri rekupedzesera. Ndakapedza kucollecta mabooks ndikaenda nawo ndikadzoka Shelton atondimirira pa door akabata bag rangu ndikamuti, "Nhasi uri kuda zvekuenda kumba." akandipa bag rangu akati, "Pane movie randiri kuda kunopopedzisa kuona, manheru kana mdhara adzoka TV haioneke." "Zvako uri kutomhanyira kunoona TV, ini ndiri kuda kusvika ndichibikira vana nekuzoenda kunochera mvura ye ku stand." ndakadaro tave kufamba zvikanzi, "Gulez vako vanozokunyanyira shamwari, zvese zvese ndiwe unoita aah dai uchiramba kuita zvimwe." ndikati, "Hapana marambiro shaa ndivo vanondichengeta ndikaramba ndinozochengetwa nani? Ndinongoita simba mukaka though zvichirwadza hazvo." "Vanokubata rough zvimwe zvacho hazviite. Saka uri kunochera mvura yakawanda sei nhasi?" "Iyoyo ka yemazuva ese, hamheno kuti nhasi vanenge vaishandisa yakawanda sei mabhiridha acho." "Kana wakuenda unopfuura uchinditora ndinokubetsera." he said ndikati, "Usazvinetse Shelton ndinoita, nhasi imbonoona movie rako." aigara akandibetsera nezvakawanda, chikafu chekudya kuchikoro ndiye aindipa. "Inganakidza kuona TV yacho besty achitambura ega? Unopfuura uchinditora ndikaona usina kuuya ndinouya ndega." Takasvika mu town akati, "Hande tinotenga ma pie apo." achinongedzera shop yema filling station ndikati, "Enda hako ndokumirira pano." zvikanzi, "Usadaro Doreen hande kani." kwakubva tapinda akatenga two ma pie nema drinks acho akandipa ndikatambira ndichiti, "Thanks." Takafamba tichidya tichitaura nyaya akasvika pamba pavo akati, "Usazorega kuuya Maphosa." ndikati, "Horight Sheto ndinouya." Ndakaenda kumba ndikasvika sister yamaiguru ichiona TV pa coffee table paine ma plates akasviba avaive vadyira. She smiled pavakandiona vakati, "Hesi tete." ndikati, "Maswerasei maiguru?" zvikanzi, "Mushe. Kwanga kurisei kuchikoro?" "Kwanga kuri right zvako." ndakapindura ndichipinda mubedroom ma maiguru, imba yataigara yaive ne 3 rooms kitchen, sitting room ne 1 bedroom. Ndaigara ne brother yangu baba Tatenda nemhuri yavo asi ivo vaishanda kune imwe town vari manager weimwe cotton company vachiuya pama weekends. Nguva zhinji ndaigara namaiguru mai Tatenda avo vaive a primary school teacher. Vaive nevana 2, Tatenda aive grade 2 na Tinotenda aienda ku crèche. Kwaidzidzisa maiguru hakusiriko kwaidzidza vana vavo. Ndakabvisa uniform ndikapfeka hembe dzepamba ndikabuda nema uniforms ndikanomaisa panze pataiwachira. Ndakapinda mukitchen kwave kuona musingatarisike netsvina ndikatanga ndaisa mvura yekubika rice pastove ndokutanga kutsvaira. Ndakazobika 1 cup yerice yevana, ndaisabvumidzwa kuridya zvichinzi rinokasira kupera ringoita revana chete. Kubva zvavaive vakatanga kuvaka ndaive ndave kudya zvakangodaro daro chikafu chichinzi ndechevana asi ivo vachidya. Ndakapedza kubika ndikapakurira vana ndikavhara maplates avo ndikadya turice tushoma twandaive ndasiya mupoto. Tatenda akasvika ndave kusuka ma plates ndikamuti, "Enda unobvisa uniform yako unoiisa panze pane yangu." akaenda akadzoka ndikamupa chikafu chake ndikazonowacha. "Ndakuenda kustand." ndakadaro kuna maiguru Fortue ndapedza kuwacha zvikanzi, "Horight, ndingadai ndaenda nemi asi ka musoro kangu kari kutema aka." ndikati, "Zororai zvenyu maiguru." Handina kupfuura ndichideedza Shelton ndakangonanga ku stand ndikasvikofara ndaona drum 1 chete risina mvura. Mabhiridha aitoda zvenyaya neni but handina kuda kuva entertainer ndikatora mabuckets angu ndikaenda kwataichera mvura. Pandakadzokera nebucket rechi two ndakasvika Shelton auya akati, "Ndazviziva zvangu kuti haauye." and I laughed ndikati, "Ndinenge ndisingade kukunetsa." zvikanzi, "Kundinetsa kwekuita sei? Kana ndati ndoda kukubetsera handina kuti uri kundinetsa. What are friends for ndikasakubetsera?" ndikati, "Asi movie rawanga uchiona iNigerian?" "Ayehwa. Why wadaro?" "Ndanzwa wati, 'what are friends for' ma Nigerians ndiwo anodaro?" "Hooo zviya, ndangotaurawo ini. Chihande tinochera mvura yacho handiti Tino ari kuda kuzonotorwa?" he said ndikati, "Ehe." Akandibetsera kuchera mvura tikakurumidza kupedza. Nguva dzaibuda Tino dzaive dzichiripo kuti dzikwane Shelton ndokuti, "Une basa here kumba kwenyu? Tiende kumba kwedu tinomirira time dzinobuda Tino tiri ikoko." ndikati, "Handina ndasiya ndaita zvese ndikasasvika mai guru Fortue vasvibisa mumba." akati, "Vakasvibisa vanocleana, hande tinoona movie rangu." Takaenda Shelton akandipa drink nechingwa zvandisina kuramba ndikadya. Takaona movie yacho iyo yaisatombondinakidza asi umwe wangu ainakidzwa. Yaive action movie apa ini ndaifairira maAfrican aive asingadawe naShelton. Nguva dzinobuda Tino dzaive dzave kukwana ndikati, "Hande Shelton kana uchiri kuda kundiperekedza." achibva adzima TV tikaenda ku creche kwana Tino. Takamutora Shelton akaenda kumba kwavo isu tikaenda kwedu uko kwatakasvika maiguru mai Tatenda vauya. Ndakavamhorosa ndikachinja Tinotenda nekumupa chikafu ndikawacha ma uniforms ake. Ndakabika zvemanheru tikadya ndikasuka. "Tete Doreen ndokumbirawo munotora ma books ari mumota mangu ari kuda kumakwa." mai Tatenda said ndave kuda kuwaridza kuti ndirare. Vakandipa ma keys emota ndikaenda ndichivatukirira mumoyo because ndaiziva kuti ndini ndaimamarker. Aive akatowanda mabooks acho ndikamatora ese ndikapihwa marking scheme yacho kwave kunogara patable ndikatanga ku marker. Ndakazomapedza ese vamwe vatorara kwakubva ndawaridza ndikarara. Mai Tatenda vakandimutsa pakati pehusiku vakati, "Tiri kuenda kuHarare tete ndiri kuperekedza sisi Fortue vave kudzokera ku South kwavo ndinodzoka zvangu manheru. Ndaisa mari ye school fees yaTatenda mudrawer rekitchen unit pamunodzoka kuchikoro masikati muende munobhadhara." ndikati, "Ehoyi." zvikanzi, "Makuseni madam Chatambura vachauya pano muvape ma books amaimarka ayo. Manheru mubike chicken, muibike zvakanaka baba Tate vanogona kuuya." ndikati, "Ehoyi." "Chimukai muvhare door." vakadaro ndikamuka vakabuda ndave kuda kuvhara door zvikanzi namaiguru Fortue, "Aaah ndakaganwa mvura yangu nhai, endai munonditorerawo mufridge tete Doreen kana kuti regai henyu ndinotora ndega." vakaenda vakadzoka vachivhara handbag ravo ndikavhara door ndikadzokera kunorara. Ndakazomuka nguva dzangu dzekumuka dzakwana ndikaisa mvura yekugeza pa stove. Ndakatsvaira mumba ndikagezesa vana porridge ravo riri pa stove. Ndakazovasiya vachidya porridge ndichiendawo kunogeza. Madam Chatambura vakauya ndikavapa ma books Tatenda akaenda kuchikoro ndikabereka Tino tikaenda kwana Shelton uyo wandakasvika atondimirira kuroad. "Zvirisei? Ndipe bag ndibate." he said ndikamupa tikanosiya Tino kwave kuzoenda kuchikoro kwedu. Takadzidza nguva dzekubuda dzikakwana ndikamirira Shelton aitaura neumwe mukomana. Akatora kanguva achibva azouya ndikamuti, "Wanga uchiri kuitei?" zvikanzi, "Ndanga ndichinyengererwa." ndikati, "Kunyengererwa chii?" zvikanzi, "Kuti ndikuudze kuti anokuda." "Ukwane iwewe, ubva watomuudza munhu wako iyeye kuti handiite zvevakomana. Hande ndiri kuda kusvika ndichienda kuchikoro kwana Tatenda kuno bhadhara school fees yake." "Inga munhu bhoo wani, ingotaura naye two minutes chete." he said ndikati, "Sara uchitaura naye iwe, ini ndakuenda." ndikatanga kufamba kwakubva anditevera achiseka akati, "Kutya kwako kunyengwa kuri serious." ndikamuignowa achibva azochinja nyaya. Ndakasvika kumba ndikafunga kutanga ndanobhadhara fees yemwana ndikavhura madrawers ese epa kitchen unit ndikashaya mari. Ndakafunga kuti maybe vaive varesva kuti madrawers emu kitchen ivo vaisa epawardrobe ndokuenda mubedroom ndikavhura ese zvawo ndikaishaya. Ndakavhura chese chinonzi drawer chaive mumba ndikatarisa pese pandaifungira but handina kuiona mari. End of chapter