*బదిలీలకు విద్యా సంవత్సరమే* బదిలీలకు చేయబోయే చట్టంలో పాఠశాల విద్యాశాఖ మరో కీలక మార్పు చేసింది. టీచర్లు డిమాండ్ చేస్తున్నట్లుగా బదిలీలకు సాధారణ సంవత్సరం స్థానంలో విద్యా సంవత్సరాన్నే ప్రామాణికంగా తీసుకుంటుంది. దాని ప్రకారం 2 నుంచి 5 విద్యా సంవత్సరాలు పూర్తిచేసుకున్న ప్రధానోపాధ్యాయులు, 2 నుంచి 8 విద్యా సంవత్సరాలు పూర్తిచేసుకున్న టీచర్లు బదిలీలకు అర్హులు. 5 ఏళ్లు దాటిన హెచ్ఎంలు, 8ఏళ్లు దాటిన టీచర్లు తప్పనిసరి బదిలీల పరిధిలోకి వస్తారు. అయితే జీరో సర్వీసు టీచర్లకు కూడా బదిలీ అవకాశం కల్పించాలని ఉపాధ్యాయ సంఘాలు డిమాండ్ చేస్తున్నాయి. కానీ, పాఠశాల విద్యాశాఖ దానికి అవకాశం ఇవ్వకూడదని నిర్ణయించింది.