سیہون شریف 12 فروری 2024 *چیئرمین شہباز میلہ کمیٹی / ڈپٹی کمشنر جامشورو غضنفر علی قادری کی جانب سے حضرت لال شہباز قلندر رح کی 773 ویں عرس مبارک کے انتظامات کا جائزہ لینے کے لیے سیہون کے مختلف علاقوں کا دورہ کیا گیا* ڈی سی جامشورو سہیون لال باغ پہنچے اور تجاوزات کرنے والوں کے خلاف کارروائی کی جائے گی۔ انہوں نے کہا کہ دوبارہ تجاوزات کرنے والوں کے خلاف سخت کارروائی کی جائے گی۔ ڈی سی جامشورو نے سیہون لال باغ میں پبلک باتھ رومز کی صفائی اور ستھرائی کا جائزہ لیا۔ انہوں نے سیہون چیک پوسٹ کے قریب گاڑیوں کی پارکنگ کا بھی جائزہ لیا۔ انہوں نے پارکنگ کے قریب خواتین کے لیے پورٹیبل واش روم لگانے کے احکامات دیے۔ ڈی سی نے کہا کہ سیہون کالج اور لال باغ چیک پوسٹ کے قریب پورٹیبل واش روم لگائے جائیں گے۔ انہوں نے بتایا کہ اڑل واہ میں نہانے پر کمشنر حیدرآباد ڈویژن کی طرف سے سیکشن 144 نافذ کیا گیا ہے۔ اڑل واہ پر زائرین کے نہانے کے لیے شاور لگائے جائیں گے۔ ڈی سی جامشورو نے کہا کہ لال شہباز قلندر رح کے عرس مبارک کے موقع پر ملک کے کونے کونے سے لاکھوں کی تعداد میں زائرین آتے ہیں، جنہیں ضلعی انتظامیہ کی طرف سے ہر ممکن سہولیات فراہم کی جائیں گی۔ بعد میں، ڈی سی جامشورو نے ایس پی جامشورو، محمد صدیق چھانگا پاک آرمی اور رینجرز کے افسران کے ساتھ مل کر فلیگ مارچ بھی کیا۔ دورے کے دوران ایس ایس پی جامشورو محمد صدیق چھانگا، اسسٹنٹ کمشنر سیہون وقاص ملوک، اسٹاف آفیسر مظہر پنہور، مختار کار سیہون ، سی ایم او سیہون ، اوقاف محکمہ، سمیت دیگر متعلقہ افسران بھی موجود تھے۔