*امریکی صدر ٹرمپ کے بیان پر حماس کا مذمتی پریس بیان* امریکی صدر ڈونلڈ ٹرمپ کے اس بیان پر کہ فلسطینیوں کو غزہ کے علاقے سے مصر اور اردن منتقل کیا جائے، اسلامی تحریک مزاحمت (حماس) درج ذیل نکات پر زور دیتی ہے: ہماری فلسطینی قوم، جس نے صیہونی قابض فوج کی طرف سے تاریخ کے بدترین مظالم اور نسل کشی کے خلاف ثابت قدمی دکھائی، اور خاص طور پر شمالی غزہ میں جبری ہجرت کی تمام کوششوں کو مسترد کیا، اپنی سرزمین سے بے دخل ہونے اور نقل مکانی کی تمام سازشوں کو مکمل طور پر مسترد کرتی ہے۔ ہم امریکی انتظامیہ سے مطالبہ کرتے ہیں کہ وہ ان تجاویز کو ترک کرے جو اسرائیلی منصوبوں کے ساتھ ہم آہنگ ہیں اور ہماری قوم کے حقوق اور اس کی آزاد مرضی کے ساتھ متصادم ہیں۔ اس کے بجائے، اسے چاہیے کہ وہ فلسطینی عوام کو ان کی آزادی حاصل کرنے، اپنی آزاد ریاست قائم کرنے، جس کا دارالحکومت القدس ہو، میں مدد فراہم کرے اور قابض مجرم حکومت پر دباؤ ڈالے تاکہ غزہ پر ظالمانہ جنگ کے نتیجے میں ہونے والی تباہی کی بحالی اور علاقے میں زندگی کو معمول پر لانے کے عمل کو تیز کیا جا سکے۔ ہم عرب اور اسلامی ممالک، خاص طور پر مصر اور اردن کے برادران سے مطالبہ کرتے ہیں کہ وہ نقل مکانی اور بے دخلی کو مسترد کرنے کے اپنے ثابت قدم مؤقف پر زور دیں، ہماری قوم کی مدد اور حمایت کے تمام ممکنہ ذرائع فراہم کریں، ان کے اپنی سرزمین پر ثابت قدم رہنے کے عزم کو تقویت دیں، اور غزہ کی پٹی پر ہونے والے فاشسٹ جارحیت کے اثرات کو ختم کرنے کے لیے تمام ضروری اقدامات کریں۔ اسلامی تحریک مزاحمت حماس اتوار: 26 رجب 1446ھ مطابق: 26 جنوری 2025ء ‎Follow the Ammar Khan Yasir Official channel on WhatsApp: https://whatsapp.com/channel/0029VaCt1edC6ZvegrJxnF3U