::: *عقل کے ہتھیار سے حسن کا وار سہ لیا جائے* ::: #الحب_و_العشق 35 *سیدی حارث المحاسبی* نے فرمایا `فقدنا ثلاثة أشياء حسن الوجه مع الصِّيانة وحسن القول مع الأمانة وحسن الإخاء مع الوفاء` ہم نے تین چیزیں گنوا دی ہیں خوبصورت چہرہ پاکیزگی کے ساتھ اچھی بات امانت کے ساتھ اچھی دوستی وفاء داری کے ساتھ | *سراج الملوك لأبي بكر الطُّرطوشي* | یعنی *خوبصورت چہرہ پاک صاف ہو آج کے دور میں کم ہی ہے* *عیون الاخبار* میں ہے ایک شخص نے کسی دانا سے شادی کا مشورہ کیا تو دانا نے کہا ضرور کرو مگر `إيّاك والجمال الفائق فإنه مرعى أنيق` انتہائی خوبصورتی سے بچو کیونکہ وہ عمدہ چراگاہ ہوتی ہے وہ شخص کہنے لگا آپ اسی بات سے روک رہے ہیں جو میں کرنا چاہتا ہوں { *یعنی میں خوبصورت سے شادی کرنا چاہتا ہوں اور آپ روک رہے ہیں* } دانا شخص نے کہا تم نے شاعر کا شعر نہیں سنا `ولن تصادف مرعى ممرعا أبدا إلا وجدت به آثار منتجع` تو کسی چراگاہ کی جستجو نہیں کرے مگر وہاں کسی کی طلب کے نشان پائے گا *یعنی جس بھی خوبصورت چہرے کی طلب کرے گا وہاں پہلے طالب ہوگا* اور اس خوبصورت چہرے پر اس کی طلب کے آثار و نشانات ہوں گے طالبین کی نگاہیں وہاں پہنچتی ہوں گی اور جب تجھ سے پہلے وہاں پہنچنے والے پہنچ چکے تو تیرے لیئے جگہ خالی ہوگی ؟ `پہلے آئے پہلے پائے کے اصول کے مطابق عین ممکن ہے وہ خوبصورت کسی کے زیرِ اثر ہو پھر ؟` دوسری بات اچھی بات امانت کے ساتھ نایاب ہے *لوگ باتیں اچھی کرتے ہیں مگر عمل خائنوں والا کرتے ہیں* تیسری بات دوستی وفاء کے ساتھ نایاب ہے *تو ایسا ہی ہے دعویٰ دوستی آسان ہے مگر وفاء یعنی دوستی کے حقوق پورے کرنا بہت کم لوگوں کا کام ہے* `یہ اکثر عوام کا حال ہے` سب حسین میلے کردار والے نہیں سب اچھی بات کرنے والے خائن نہیں سب دوست بے وفاء نہیں آٹے میں نمک کی مقدار حسین ایسے ہیں جن پر نگاہِ غیر نہ پڑی ہو آٹے میں نمک کی مقدار دوست وفاء دار ہیں `حسن و جمال کا اثر مرد کی ذات پر پڑتا ہے` کہ دل بلا اختیار مائل ہو جاتا ہے مگر *مردِ کامل وہی ہے جو حسن کے وار کو عقل کی ڈھال سے برداشت کرے* عقل والے حسن والوں کو یوں کہتے ہیں تم میں ضیائے حسن ہے ہم میں ضیائے عقل تم اپنے گھر کے چاند ہو ہم اپنے گھر کے چاند *جو مرد حسن و جمال دیکھ کر باؤلا ہو جاتا ہے وہ کم عقل ہے* اور پھر کسی ایسے شہدے کی شادی خوبصورت عورت سے ہو جائے تو جورو کا غلام بن جاتا ہے اور پھر `سب مَردوں پر دھبہ بن جاتا ہے` عقل کا ہتھیار حسن کے وار کو کاٹ دیتا ہے اس ہتھیار کو تیز رکھا کریں ✍️ #سیدمہتاب_عالم