Lanxa Abanye Bemsola, uTrump Uqina Ngokuthi iMelika Izathatha Isihlenge seGaza WASHINGTON DC — UMongameli weMelika uMnu Donald Trump usegcizelele amazwi akhe okuthi ilizwe lakhe lizathatha njalo lilawule isihlenge seGaza, lapho okulezigidi zabantu basePalestine abahlaselwe yimpi ephakathi kweIsrael leqembu leHamas. Eloba enkundleni yakhe yokuxhumana, i-Truth Social, namuhla uTrump uthe eleIsrael yilo elizanikeza eleMelika iGaza nxa impi isiphelile liyakhe kutsha. Ngokunjalo, uthe akulamabutho eMelika azathunyelwa kulesisihlenge. UMongameli Trump uthi abantu baseGaza kumele bathuthe bayehlaliswa emazweni afana leEgypt leJordan, kodwa amazwe la kavumelani lalumbono. Olandela ezombusazwe zeMelika uMnu Difa Dube uthi abantu abahlala eGaza labo balakho ukwala ukusuka kulindawo. https://www.facebook.com/share/p/1MKC6Cn4vW/