Kuqhubekela phambili ukubotshwa kwabathenga bethengisa impahla emadolobheni abanye babo besithi amapholisa abathwalise nzima. Bathi sokunzima ukuziphilisa ngoba bathathelwa impahla yonke okucatshangelwa ukuba ithengwa kwamanye amazwe okungekho emthethweni. Uhulumende uthi abantu laba bathengisa impahla etshiyeneyo bengahlawuli imithelo yamakhansili kanye leyelizwe okwenza bebhidlize amabhizimusi afana leOK Stores lamanye asevale kwamanye amadolobho esithi sebethathelwe okokwenza ngabathengisa emigwaqweni. Abamabhizimusi amakhulu bathi okunye okubahluphayo yikuthi kunzima ukuthengisa impahla ngeZimbabwe Gold bona beyithenga ngedollar leMelika. Kulamanye njalo amabhizimusi athwele nzima agoqela ibhanga leCommercial Bank of Zimbabwe asebexotshe umsebenzi izisebenzi ezingamakhulu amathathu lamatshumi phose amahlanu – 347. Ingcwethi kwezomnotho zithi usudonsa nzima umnotho weZimbabwe ngenxa yokugugudeka kweZ-I-G lokunye. UNkosazana Charity Mpofu othenga ethengisa impahla emigwaqweni laye uyakhala. https://www.facebook.com/share/p/14vUXuGX3i/ Landela i-WhatsApp channel yethu: https://whatsapp.com/channel/0029Va8UmWzBA1epPC1D9e1d