Bangladesh Constitutional Changes యూనస్​ నేతృత్వంలో తాత్కాలిక ప్రభుత్వం రాజ్యాంగ సంస్కరణల కమిషన్ ఏర్పాటు చేసింది. ఈ కమిషన్ దేశంలో ద్విసభ పార్లమెంట్​ను ఏర్పాటు చేయాలని, అలాగే ప్రధాని పదవికి టూ-టెర్మ్ లిమిట్​ మాత్రమే ఉండాలని ప్రతిపాదించింది. అంటే బంగ్లాదేశ్ ప్రధాని పదవిని ఎవరైనా కేవలం రెండు సార్లు మాత్రమే చేపట్టడానికి అవకాశం ఉండాలని సూచించింది. బంగ్లాదేశ్ రాజ్యాంగ ప్రవేశికలో లౌకికవాదం, సోషలిజం, జాతీయవాదం, ప్రజాస్వామ్యం అనే 4 ప్రాథమిక భావనలు ఉన్నాయి. వీటిలో మొదటి మూడింటిని తొలగించాలని కమిషన్​ సూచించింది. కేవలం 'ప్రజాస్వామ్యం' అనే పదం మాత్రమే రాజ్యాంగ ప్రవేశికలో ఉంచాలని పేర్కొంది. కొత్తగా సమానత్వం, గౌరవం, సామాజిక న్యాయం, బహుళత్వం (ప్లూరలిజం) సూత్రాలను ప్రతిపాదించింది.