*عصر کی چار رکعت سنت کی فضیلت* حضرت عبداللہ بن عمر رضی اللہ عنہ فرماتے ہیں کہ نبی کریمﷺ نے عصر سے پہلے چار رکعت پڑھنے والے کو دعاء دیتے ہوئے فرمایا: اللہ تعالیٰ اُس پر رحمت نازل فرمائے جو عصر کی نماز سے پہلے چار رکعت پڑھے۔ (ابوداؤد:1271) اِرشادِ نبوی ہے: جس نے عصر سے پہلے چار رکعت پڑھی اُسے جہنم کی آگ نہیں چھوئے گی۔ (طبرانی اوسط:2580) حضرت امِّ سلمہ نبی کریم ﷺ کا یہ اِرشاد نقل فرماتی ہیں: جس نے عصر کی نماز سے پہلےچار رکعت پڑھی اللہ تعالیٰ اُس کے بدن کو جہنم کی آگ پر حرام کردیں گے۔ (طبرانی کبیر:23/281) حضرت علی کرّم اللہ وجہہ نبی کریم ﷺ کا یہ اِرشاد نقل فرماتے ہیں: میری امّت عصر سے پہلے اِن چار رکعت کو مستقل پڑھتی رہے گی یہاں تک کہ وہ لوگ زمین پر یقینی طور پر مغفرت یافتہ ہوکر چلیں گے۔ (طبرانی اوسط:5131) حضرت امّ حبیبہ فرماتی ہیں کہ نبی کریم ﷺ نے اِرشاد فرمایا: جس نے عصر سے پہلے چار رکعت کی حفاظت کی اللہ تعالیٰ اُس کے لئے جنّت میں گھر بنادیں گے۔ (مسند ابو یعلیٰ موصلی:7137) *کتاب الصلوۃ*