زندگی کی سب سے بڑی حقیقت یہی ہے کہ یہ غیر یقینی ہے۔ ہم جتنی بھی منصوبہ بندی کر لیں، قدرت کے فیصلے ہمیشہ ہماری سوچ سے مختلف ہوتے ہیں۔ کچھ لوگ ہمارے ساتھ ہمیشہ کے لیے رہنے والے لگتے ہیں، لیکن وقت کے ساتھ وہ بچھڑ جاتے ہیں۔ کچھ خواب ہمیں سچ ہوتے نظر آتے ہیں، مگر ایک پل میں بکھر جاتے ہیں۔ کچھ راستے ہمارے قدموں کے ہمسفر لگتے ہیں، مگر منزل سے پہلے ہی جدا ہو جاتے ہیں۔ کچھ لمحے دل کے قریب محسوس ہوتے ہیں، مگر وقت کی آندھی انہیں کہیں دور لے جاتی ہے۔ کچھ رشتے صدیوں کے لیے بنتے ہیں، مگر حالات کی گرد انہیں دھندلا کر دیتی ہے۔ کچھ وعدے پتھر کی لکیر معلوم ہوتے ہیں، مگر حقیقت کی دھوپ میں موم کی طرح پگھل جاتے ہیں۔ کچھ یادیں ہمیشہ تازہ رہنے والی لگتی ہیں، مگر وقت کے ساتھ دھندلی ہو جاتی ہیں۔ https://whatsapp.com/channel/0029VaIhMhjK5cDC2QYoE02O لیکن یہی زندگی کا حسن بھی ہے، یہ ہمیں سکھاتی ہے کہ گر کر اٹھنا، ہار مان کر بھی آگے بڑھنا، اور اندھیروں میں امید کا چراغ جلائے رکھنا ضروری ہے۔۔۔ ✍︎: ابن مظہر الکبریائی الکانفوری *سنہرے اوراق📜📜*