🔶شبكة زرط الإخوانية،،، نشرت شبكة «زرط» للدعاية الصهيونية خبر عن موقع «ميدل إيست آي» البريطاني وهو في الحقيقة موقع قطري إخواني بواجهة بريطانية ويترأسه الصحفي المرتزق «ديفيد هيرست» وهو الموقع الذي تستخدمه منظومة التنظيم الدولي لفبركة الشائعات والأكاذيب ثم إعادة تدويرها بحيث يبدو الأمر وكأنهم مجرد ناقلين للخبر وليس هم مصدر الشائعة والأكذوبة ، والفكرة طبعا لما يكون المصدر المزعوم اللي ناقلين منه اسمه أجنبي زي «Middle East Eye- ميدل إيست آي» ويكون كمان مقره «لندن» ، فده بيدي للأكذوبة مصداقية كبيرة عند القطيع والمغيبين الذين يجهلون خبايا شغل النصب الإعلامي والتزييف والتدليس والدعارة الصحفية والإعلامية الذي تمارسه شبكات ومنصات التنظيم الدولي للإخوان... . المهم الخبر المضروب يقول إن موقع «ميدل إيست آي» ذكر عن مصادر مسؤولة مجهولة أن شركة أبناء سيناء (بتاعة الشيخ العرجاني) خفضت الرسوم المفروضة للسماح بدخول شاحنات البضائع التجارية إلى #غزة من 60 ألفا إلى 20 ألف دولار، وأنها ما زالت تمارس الابتزاز للسماح بدخول بضائع معينة إلى القطاع ، بحسب زعمهم والمضحكك أنك لن تجد واحد من متابعي القطيع عنده بربع جنيه مخ ونص كبدة بالسلاطة يسأل نفسه ، هو مين اللي بيدفع الأتاوة المزعومة دي ؟ ومين الجهة اللي في غزة اللي معاها الفلوس دي كلها لدرجة انها تدفع عن كل شاحنة (تريللا) بتعدي المعبر 20 ألف دولار .. ولما نكون بنتكلم في متوسط 500 شاحنة بيمروا من المعبر يوميا فده يعني انه فيه «جهة ما» في غزة المنكوبة قادرة انها تدفع يوميا 500X 20,000 ، يعني 10 مليون دولار يوميا ..يعني 500 مليون جنيه ، يعني نص مليار جنيه يوميا مين اللي في غزة المنكوبة اللي مفيهاش طوبة على طوبة واللي أهلها كلهم أصبحوا مشردين ومش لاقيين ياكلوا أصلا يقدر يدفع يوميا وبانتظام 500 مليون جنيه كل طلعة شمس ؟ وجايب الفلوس دي كلها منين ؟!! والحاجة التانية ، إزاي حد يدفع 20 ألف دولار رسوم مرور لشاحنة كل البضاعة اللي عليها تمنها ما يوصلش لنص أو حتى ربع المبلغ ده ؟!! والحاجة التالتة، هي مين المصادر المسئولة دي في الدولة المصرية اللي ممكن تدلي بتصريح بالشكل ده لموقع إخوانجي عميل الكل عارفه وعارف توجهاته وفبركاته ؟! هو مفيش واحد فيهم عنده بربع جنيه عقل ؟ مفيش واحد فيهم عنده بربع جنيه منطق ؟ يعني لما تحب تكدب وتفبرك خللي كدبك مرتب ومنظم و بشكل يمكن تصديقه مش تكدب بالطريقة الهبلة الساذجة دي اللي تخللي اللي يسمعك يقلع اللي في رجله ويديك بيها لأنك يتستحمره وبتفترض إنك بتخاطب كائن بعقلية أميبا وحيدة الخلية،،،، بشير أبوالخير