#ഉണരുംമുൻപേ... "കര്‍ത്താവേ, അങ്ങയുടെ വഴിഎനിക്കു കാണിച്ചുതരണമേ; എനിക്കു ശത്രുക്കളുള്ളതിനാല്‍എന്നെ നിരപ്പായ വഴിയിലൂടെ നയിക്കണമേ... (സങ്കീര്‍ത്തനങ്ങള്‍ 27/11). സ്നേഹപിതാവായ ദൈവമേ, അനുഗ്രഹീതമായൊരു പുതിയ പ്രഭാതത്തിലേക്ക് ഞങ്ങളെ ഉണർത്തിയ അവിടുത്തെ കാരുണ്യത്തിനും... ഓരോ നിമിഷവും ഞങ്ങളെ കാത്തുപാലിക്കുന്ന അവിടുത്തെ വൻകൃപയ്ക്കും നിറഞ്ഞ മനസ്സോടെ ഞങ്ങളിതാ നന്ദി പറയുന്നു... ജീവിതത്തിൽ നല്ലതു മാത്രം ചെയ്തിട്ടും നല്ല ജീവിതം നയിച്ചിട്ടും ഞങ്ങൾക്കെന്നും കഷ്ടപ്പാടും ദുരിതങ്ങളും മാത്രം അനുഭവിക്കേണ്ടി വരുമ്പോഴും... രാപകൽ അധ്വാനിച്ചിട്ടും വിശ്രമമറിയാതെ ജീവിച്ചിട്ടും കടഭാരങ്ങളും ദാരിദ്ര്യവും മാത്രം എന്നും കൈമുതലാവുമ്പോഴും ഞങ്ങളുടെ ജീവിതം ഇങ്ങനെയൊക്കെ തന്നെ അവസാനിക്കാറായെന്നും ഇനിയും നല്ലതു ചെയ്യാനോ നല്ലകാലം ഉണ്ടാവാനോ ഞങ്ങളുടെ ജീവിതത്തിൽ സാധ്യതകൾ ഒന്നുമില്ലെന്നുമുള്ള നിരാശയുടെ വാക്കുകൾ പലപ്പോഴും മടുപ്പോടെ ഞങ്ങളും പറഞ്ഞു പോയിട്ടുണ്ട്... കർത്താവേ, കനിവോടെ അങ്ങു ഞങ്ങളെ ഓർക്കുകയും കാരുണ്യപൂർവ്വം കടാക്ഷിക്കുകയും ചെയ്യണമേ... ഞങ്ങൾ ഇപ്പോൾ അഭിമുഖീകരിക്കുന്ന എല്ലാ തിക്താനുഭവങ്ങളിൽ നിന്നും മോചിപ്പിക്കുകയും അങ്ങു ഞങ്ങൾക്കായി ഒരുക്കിയിരിക്കുന്ന രക്ഷയിലേക്കും അനുഗ്രഹങ്ങളിലേക്കും അങ്ങു തന്നെ ഞങ്ങളെ വഴിനടത്തുകയും ചെയ്യണമേ... ഞങ്ങളുടെ ജീവനും പ്രത്യാശയുമായ അങ്ങയോടൊപ്പം എല്ലാ പ്രതിസന്ധികളെയും വിപരീത ചിന്തകളെയും അതിജീവിക്കാനുള്ള ശക്തിയും കൃപയുമേകി നിത്യവും അങ്ങു ഞങ്ങളെ കാത്തുകൊള്ളുകയും ചെയ്യണമേ... ആമ്മേൻ. സകലത്തെയും ആശീർവദിക്കുന്നവന്റെ അനുഗ്രഹവും സർവ്വത്തെയും സ്വാന്തനപ്പെടുത്തുന്നവന്റെ സമാശ്വാസവും എല്ലാറ്റിലും കൃപ ചൊരിയുന്നവന്റെ കാരുണ്യവും സംരക്ഷണവും നമ്മിലും നമ്മുടെ കുടുംബത്തിലും നമ്മുടെ സമൂഹത്തിലും മനുഷ്യവർഗ്ഗം മുഴുവനും ഉണ്ടായിരിക്കട്ടെ, +ഇപ്പോഴും, +എപ്പോഴും, +എന്നേയ്ക്കും, ആമ്മേൻ. ഏവർക്കും വിശുദ്ധ സെബസ്റ്റ്യാനോസിൻ്റെ തിരുനാൾ മംഗളങ്ങൾ! 1സ്വർഗ. 1നന്മ. 1എത്രയും ദയയുള്ള മാതാവേ.1ത്രിത്വ. Keep praying, your moment awaits! -നീ പ്രാർത്ഥിച്ചാൽ കേൾക്കുന്നൊരു ദൈവമുണ്ട്.... -പ്രാർത്ഥനാ നിയോഗങ്ങൾ ഞങ്ങൾക്ക് E-Mail ചെയ്യാവുന്നതാണ്: [email protected] Nasraayan Media Whatsapp Channel: https://whatsapp.com/channel/0029Va4UeozHltYB3DdB3q1V Nasraayan Media WhatsApp: https://chat.whatsapp.com/H31GsFSyUtF5LJLBIqvftL Insta Nasraayan: https://www.instagram.com/nasraayanmedia/ Facebook| https://www.facebook.com/Nasraayantekoode Telegram| https://t.me/nasraayantekoodeOfficial Subscribe| http://youtube.com/nasraayantekoode