#ഉണരുംമുൻപേ... "നിന്റെ ദൈവമായ കർത്താവ് നീ ചെയ്യുന്ന എല്ലാ ജോലികളിലും നീ ആരംഭിക്കുന്ന എല്ലാ പ്രവൃത്തികളിലും നിന്നെ അനുഗ്രഹിക്കും..." (നിയമാവർത്തനം 15/10). സർവ്വശക്തനായ ദൈവമേ, അവിടുന്നു കനിഞ്ഞനുഗ്രഹിച്ചു നൽകിയ ഈ പ്രഭാതത്തെയും ഞങ്ങൾ പുഞ്ചിരിയോടു കൂടെ അവിടുത്തെ കരങ്ങളിൽ നിന്നും സ്വീകരിക്കുകയും ഞങ്ങളുടെ ആത്മശരീരങ്ങളെ പൂർണമായി അവിടുത്തെ സന്നിധിയിലണച്ചു പ്രാർത്ഥിക്കുകയും ചെയ്യുന്നു... ജീവിതത്തിൽ ചിലപ്പോഴെങ്കിലും ഞങ്ങളുടെ ഭവനങ്ങളിലോ... തൊഴിലിടങ്ങളിലോ വിട്ടുമാറാത്ത അസ്വസ്ഥതകളും പ്രശ്നങ്ങളുമൊക്കെയുണ്ടാകുമ്പോൾ... മുന്നോട്ടുള്ള ഞങ്ങളുടെ ജീവിതയാത്രകളിലും ലക്ഷ്യങ്ങളിലും പൂർത്തിയാക്കാനാവാത്ത വിധം തടസ്സങ്ങളും പരാജയങ്ങളുമുണ്ടാകുമ്പോൾ ആരൊക്കെയോ ഞങ്ങൾക്കെതിരായി പ്രവർത്തിക്കുന്നുവെന്നോ എന്തൊക്കെയോ ദോഷങ്ങൾ ഞങ്ങൾക്കു ചുറ്റുമുണ്ടെന്നോ ഉള്ള ദുർചിന്തയും ആശങ്കയും പലപ്പോഴും ഞങ്ങളെ ഭീതിയിലാഴ്ത്താറുണ്ട്... കർത്താവീശോയെ, ഞങ്ങളിൽ അവിടുത്തെ കരുണ ചൊരിയണമേ... എല്ലാവിധ വ്യർത്ഥഭയങ്ങളിൽ നിന്നും ആപത്തനർത്ഥങ്ങളിൽ നിന്നും ഞങ്ങളെ മോചിപ്പിക്കണേ... അങ്ങയിൽ പൂർണ ഹൃദയത്തോടെ വിശ്വാസമർപ്പിക്കാനും ഞങ്ങളുടെ എല്ലാ ആഗ്രഹങ്ങളും പ്രവൃത്തികളും ദൈവവിചാരത്തോടെയാവനും കൃപ ചെയ്തരുളണമേ... എല്ലാറ്റിലുമുപരിയായി ഞങ്ങളുടെ ജീവിതത്തെ അങ്ങയിൽ ഒരനുഗ്രഹമാക്കി മാറ്റുകയും ചെയ്യണമേ... ആമ്മേൻ. സകലത്തെയും ആശീർവദിക്കുന്നവന്റെ അനുഗ്രഹവും സർവ്വത്തെയും സ്വാന്തനപ്പെടുത്തുന്നവന്റെ സമാശ്വാസവും എല്ലാറ്റിലും കൃപ ചൊരിയുന്നവന്റെ കാരുണ്യവും സംരക്ഷണവും നമ്മിലും നമ്മുടെ കുടുംബത്തിലും നമ്മുടെ സമൂഹത്തിലും മനുഷ്യവർഗ്ഗം മുഴുവനും ഉണ്ടായിരിക്കട്ടെ, +ഇപ്പോഴും, +എപ്പോഴും, +എന്നേയ്ക്കും, ആമ്മേൻ. ഏവർക്കും വിശുദ്ധ സെബസ്റ്റ്യാനോസിൻ്റെ തിരുനാൾ മംഗളങ്ങൾ! 1സ്വർഗ. 1നന്മ. 1എത്രയും ദയയുള്ള മാതാവേ.1ത്രിത്വ. Keep praying, your moment awaits! -നീ പ്രാർത്ഥിച്ചാൽ കേൾക്കുന്നൊരു ദൈവമുണ്ട്.... -പ്രാർത്ഥനാ നിയോഗങ്ങൾ ഞങ്ങൾക്ക് E-Mail ചെയ്യാവുന്നതാണ്: [email protected] Nasraayan Media Whatsapp Channel: https://whatsapp.com/channel/0029Va4UeozHltYB3DdB3q1V Nasraayan Media WhatsApp: https://chat.whatsapp.com/H31GsFSyUtF5LJLBIqvftL Insta Nasraayan: https://www.instagram.com/nasraayanmedia/ Facebook| https://www.facebook.com/Nasraayantekoode Telegram| https://t.me/nasraayantekoodeOfficial Subscribe| http://youtube.com/nasraayantekoode