#ഉണരുംമുൻപേ... "കർത്താവിൽ ആശ്രയിക്കുന്നവർ അചഞ്ചലമായി എന്നേക്കും നിലകൊള്ളുന്ന സീയോൻ പർവതം പോലെയാണ്..." (സങ്കീർത്തനം 125/1) സർവ്വശക്തനും പരമകാരുണ്യവാനുമായ ദൈവമേ, അങ്ങു ഞങ്ങൾക്കായി ഒരുക്കിയ ഈ മനോഹരമായ പ്രഭാതത്തെയോർത്ത് ഞങ്ങൾ അങ്ങേയ്ക്കു നന്ദി പറയുന്നു... അവിടുത്തെ നന്മയിലും കരുണയിലും ആശ്രയിച്ചു കൊണ്ട് ഇന്നേ ദിവസത്തെ ഞങ്ങളുടെ എല്ലാ പ്രയത്നങ്ങളെയും, ആഗ്രഹങ്ങളെയും, ആവശ്യങ്ങളെയും അങ്ങേയ്ക്കു സമർപ്പിച്ചു പ്രാർത്ഥിക്കുന്നു... അവിടുത്തെ തിരുമനസ്സു പോലെ ഞങ്ങളിൽ നിറവേറ്റണമേ... പലപ്പോഴും ഞങ്ങളുടെ ആഗ്രഹങ്ങൾക്കെതിരായ കാര്യങ്ങൾ ജീവിതത്തിൽ സംഭവിക്കുമ്പോഴും... പ്രാർത്ഥനകളൊക്കെ നിഷ്ഫലമായിപ്പോയോ എന്നു തോന്നിപ്പിക്കുന്ന അനേകം പ്രതികൂലസാഹചര്യങ്ങളിലൂടെ കടന്നു പോകേണ്ടി വരുമ്പോഴും ഞങ്ങൾ ഇത്രത്തോളം പ്രാർത്ഥിച്ചിട്ടും... വിശ്വാസത്തിലും പ്രവൃത്തിയിലും നിനക്കു പ്രിയപ്പെട്ടതു മാത്രം ചെയ്തിട്ടും അങ്ങു ഞങ്ങൾക്കു വേണ്ടി ഒന്നും ചെയ്തില്ലല്ലോ എന്ന പരാതിയോടെ അങ്ങയോടുള്ള ആശ്രയത്വത്തിൽ നിന്നും പലപ്പോഴും ഞങ്ങൾ വ്യതിചലിച്ചു പോയി... കർത്താവേ, കരുണയോടെ ഞങ്ങളെ അവിടുന്ന് ശ്രവിക്കണമേ... അറിയാതെ വന്നു പോയ ഇടർച്ചകളിൽ നിന്നും ഞങ്ങളെ മോചിപ്പിക്കണേ... ജീവിതത്തിലെ ഏതവസ്ഥയിലും അങ്ങയുടെ കൈവിട്ടു പിരിയാതെ അറിഞ്ഞു സ്നേഹിക്കുകയും വിശ്വസിക്കുകയും ചെയ്യുന്ന പ്രത്യാശയും സ്ഥിരതയുമേകി സർവ്വശക്തിയിലും ഞങ്ങളെ ദൃഢചിത്തരാക്കണമേ...ആമ്മേൻ. സകലത്തെയും ആശീർവദിക്കുന്നവന്റെ അനുഗ്രഹവും സർവ്വത്തെയും സ്വാന്തനപ്പെടുത്തുന്നവന്റെ സമാശ്വാസവും എല്ലാറ്റിലും കൃപ ചൊരിയുന്നവന്റെ കാരുണ്യവും സംരക്ഷണവും നമ്മിലും നമ്മുടെ കുടുംബത്തിലും നമ്മുടെ സമൂഹത്തിലും മനുഷ്യവർഗ്ഗം മുഴുവനും ഉണ്ടായിരിക്കട്ടെ, +ഇപ്പോഴും, +എപ്പോഴും, +എന്നേയ്ക്കും, ആമ്മേൻ. ഏവർക്കും വിശുദ്ധ സെബസ്റ്റ്യാനോസിൻ്റെ തിരുനാൾ മംഗളങ്ങൾ! 1സ്വർഗ. 1നന്മ. 1എത്രയും ദയയുള്ള മാതാവേ.1ത്രിത്വ. Keep praying, your moment awaits! -നീ പ്രാർത്ഥിച്ചാൽ കേൾക്കുന്നൊരു ദൈവമുണ്ട്.... -പ്രാർത്ഥനാ നിയോഗങ്ങൾ ഞങ്ങൾക്ക് E-Mail ചെയ്യാവുന്നതാണ്: [email protected] Nasraayan Media Whatsapp Channel: https://whatsapp.com/channel/0029Va4UeozHltYB3DdB3q1V Nasraayan Media WhatsApp: https://chat.whatsapp.com/H31GsFSyUtF5LJLBIqvftL Insta Nasraayan: https://www.instagram.com/nasraayanmedia/ Facebook| https://www.facebook.com/Nasraayantekoode Telegram| https://t.me/nasraayantekoodeOfficial Subscribe| http://youtube.com/nasraayantekoode