علشان الناس تبقي فاهمة كيرف التعليم ماشي ازاي احسن فرصة تعليمية في مستشفي جامعي سيادتك هتحضر في حوادث القسم علي الساعة 5 دي بتبقي الحالات الي هي جاية من الطوارئ علي الShort stay و هتتحجز الحالة دلوقتي Stable سيادتك بتاخد Full history و بتعمل Full examination و بتطلب Labs و ممكن مناظير أو أشعة و بعدها ؟ بتكتب كل ده في ورق و تمسك كتبك و تقعد تفكر و تدور و تحط الاحتمالات الممكنة و تناقش الحالة مع زمايلك النواب والمدرس المساعد المسئول عنكم وبعدين ؟ يكون اليوم خلص يدوبك تلحق تنام كام ساعة في المستشفي علشان تاني يوم الساعة 7 الصبح مرور الاستشاري هيجي الاستاذ مستعجل جدا عايز يعدي علي كل الحالات و هيجي الدور عليك هتقدم الحالة بتاعتك هيهزقك طبعا اكيد ناسي حاجة أو قولت حاجة غلط منتا مش نايم كويس و الاستاذ شايف أنه اكيد القسوة بتعلمك و بيتدخل المدرس المساعد بيحاول يدافع عنك المهم الاستاذ هيقلب الحالة يمين شمال وهيراجع علي الي عملته و هيطلع حاجات أنتا مش هتبقي عارف انها في الطب اصلا و يقولك الحالة دي محتاجة كذا كذا و ممكن يبقي تشخيصها كذا وبعدين ؟ هتكمل لف معاه علي باقي الحالات اجباري و يمكن تستفيد حاجة فين المشكلة ؟ مكنش عندك وقت تعرف تفاصيل كل الحالات التانية كدا ايه الي حصل ؟ 17 ساعة منهم 3-4 ساعات نوم أو راحة و كل الي طلعت بيه هو حالة واحدة بس فهمت تفاصيلها و المفروض كنت تبص علي ايه و تفكر فيها ازاي وبعدين ؟ محتاج تشوف كام حالة بنفس الطريقة علشان تتعلم و تتقن التخصص ؟ ما بالك لو تخصصك حاجة واسعة اوي زي الباطنة العامة 😅 ودي المفروض أن هي احسن فرصة تعليمية في مصر لا بجد يعني كدا انتا بتتعلم قصاد مستشفيات الصحة ذات الريت الهادئ بس الميزة أن الحالة الي هتعدي عليك مش هتعرف تنساها ولو جاتلك بعد كدا هتعرف تتعامل معاها يعني القصد أن دي طبيعة الطب نفسه فخد بالك بجد تعليم الطب تراك طويل مافيهوش Shortcuts الكلام بتاع أن الامتياز بيفهم احسن من النائب أو أن كلها سنة في النيابة و تعرف بعدها تنزل تفتح عيادة ده كلام فاضي Trust the process , everything takes time , somethings simply can't be rushed