khaled Khater Channel
6.4K subscribers
Similar Channels
Swipe to see more
Posts
زيادة مرتب الأطباء 900 جنيه بعد الاستقطاعات بداية من الشهر القادم ❤️ معلش الامتياز طلبة بياخدوا مكافاة مش موظفين في الحكومة فالزيادة لا تنطبق عليهم
أيفنت لذيذ في النقابة العامة للأطباء "دار الحكمة" في القاهرة من تنظيم زملائنا في Quest med إن شاء الله أيفنت قوي ومفيد لينك فورم التسجيل https://forms.gle/aNx3nZWrotjFwB3N6 لينك الإيڤنت https://facebook.com/events/s/quest-medical-career-summit/674348015313548/ وبالتوفيق إن شاء الله ❤️
ساعدوا زملائكم الأصغر سنا الي لسا داخلين سنة أولي يختاروا وربنا يجعله في ميزان حسناتكم جميعا https://www.facebook.com/share/p/15ZomvzZBx/
القائمة الكاملة بكل كليات الطب الحكومية والخاصة و الأهلية و الدولية و الأزهرية والعسكرية القائمة بالفعل أو قيد الإنشاء توتال 94 كلية طب تنويه :تم احتساب البرامج الخاصة بالجامعات الحكومية ككليات مستقلة و عددهم 13 [ كليات الطب الحكومية ] كلية طب القصر العيني كلية طب جامعة حلوان كلية الطب بجامعة الإسكندرية كلية الطب بجامعة عين شمس كلية طب جامعة أسيوط كلية طب جامعة المنصورة كلية طب جامعة الفيوم كلية طب جامعة المنيا كلية طب جامعة بنها كلية طب جامعة بني سويف كلية طب جامعة كفر الشيخ كلية طب جامعة المنوفية كلية طب جامعة جنوب الوادي كلية طب جامعة قناة السويس كلية طب جامعة طنطا كلية طب جامعة الزقازيق كلية طب جامعة الزقازيق فرع فاقوس كلية طب جامعة سوهاج كلية طب جامعة بورسعيد كلية طب جامعة أسوان كلية طب جامعة دمياط كلية طب جامعة السويس كلية طب جامعة الوادي الجديد كلية الطب جامعة الأقصر كلية الطب جامعة العريش [ الاقسام الخاصة في الجامعات الحكومية ] - النظام الدولي ( جامعة اسكندرية ) - نظام مانشيستر ( جامعة اسكندرية ) - الEMP ( جامعة عين شمس ) -الIPKA ( جامعة القاهرة ) - المنصورة مانشستر - القسم الخاص جامعة طنطا - القسم الخاص جامعة المنصورة - القسم الخاص جامعة الزقازيق - القسم الخاص جامعة بني سويف - القسم الخاص جامعة أسيوط - القسم الخاص جامعة سوهاج - نظام دراسة الطب باللغة الفرنسية ( جامعة الإسكندرية ) - نظام دراسة الطب باللغة الفرنسية ( جامعة القاهرة ) [ كليات طب جامعة الأزهر ] طب أزهر بنين قاهرة طب أزهر بنات قاهرة طب أزهر بنين أسيوط طب أزهر بنات أسيوط طب أزهر دمياط "مختلط" القسم الخاص جامعة الازهر "تم الاعلان عنه" [ كلية طب القوات المسلحة ] [ كليات الطب البشري الخاصة ] كلية طب جامعة 6 أكتوبر كلية طب جامعة مصر للعلوم والتكنولوجيا (MUST) كلية طب فرع جامعة MUST بالأقصر جامعه الجيزة الجديدة (NGU) كليه طب جامعة النهضة nub كلية طب جامعة بدر بالقاهرة buc كليه طب الجامعة الحديثة MTI كلية طب جامعة الدلتا Delta كلية طب جامعة ميريت Mue كلية الطب البشري جامعة حورس كلية الطب البشري الجامعة المصرية الصينية ECU كلية الطب البشري جامعة ممفيس "القاهرة الجديدة" كلية طب الأكاديمية البحرية "العلمين" كلية طب جامعة سفنكس "أسيوط الجديدة" كلية طب جامعة الابتكار "العاشر من رمضان" كلية طب جامعة اللوتس "المنيا الجديدة" كلية طب جامعة الحياة كلية طب جامعة الاهرام الكندية كلية طب جامعة دراية بالمنيا كلية طب جامعة هليوبوليس كلية طب جامعة السلام كلية طب الجامعة الألمانية بالقاهرة GUC تمهيدي طب Premed الجامعة الامريكية AUC كلية طب جامعة البحر المتوسط الخاصة بالإسكندرية كلية طب جامعة باديا كلية طب جامعة كازان الدولية كلية طب جامعة سانت بيطرسبيرغ الدولية [ كليات الطب البشري الاهلية ] كلية طب جامعة القاهرة الأهلية كلية طب جامعة اسكندرية الاهلية كلية طب جامعة بنها الاهلية كلية طب جامعة المنصورة الجديدة كلية طب جامعة المنصورة الاهلية كلية طب جامعة الاسماعيلية الجديدة الأهلية كلية طب جامعة شرق بورسعيد الاهلية كلية طب جامعة الزقازيق الاهلية كلية طب جامعة بني سويف الاهلية كلية طب جامعة أسيوط الأهلية كلية طب جامعة المنيا الأهلية كلية طب جامعة طنطا الأهلية كلية طب جامعة سوهاج الأهلية كلية طب جامعة كفر الشيخ الأهلية كلية طب جامعة عين شمس الأهلية كلية طب جامعة الفيوم الأهلية كلية طب جامعة قنا الاهلية كلية طب جامعة حلوان الأهلية كلية طب جامعة المنوفية الأهلية كلية طب جامعة الجلالة Gu كلية طب جامعة الملك سلمان KISU كلية طب جامعة طنطا الأهلية
بوست مفتوح للاسئلة والاستفسارات اكتب سؤالك في الكومنتات ولو اقدر اساعدك هجاوبك https://www.facebook.com/share/p/1AzHmTQ3Zi/
خبر هام للمهتمين بالUSMLE https://www.facebook.com/share/p/1Bp7zt7erN/
الاثار المتوقعة و المثيرة للقلق فيما يتعلق بموجة تعويم الطب الحالية طبعا وجود جامعات جديدة يستلزم وجود مستشفيات جامعية جديدة وده بيوظف استاف كتير وكان سابقا وجود المستشفي شرط لتشغيل الكلية ولكن تم تغيير القانون وتم افتتاح كليات كتير بدون مستشفي جامعي اعتمادا علي مستشفيات حكومية أخري --------» المطلوب إجبار الجامعات علشان سرعة تنفيذ مستشفيات جامعية و تقدم خدمة مجانية أو شبه مجانية ومتكونش استثمارية زي مستشفي جامعة 6 أكتوبر و MUST لان دي حاجة هتمس جودة الخريجين المشكلة التانية هو عدم وجود بنية تحتية من مدرجات وقاعات امتحانات ومعامل واستاف يكفي عدد الطلبة الي بيدخلوا كل جامعة و ده كان واضح جدا في الجامعات الأهلية الي بتفتح ومعندهاش اي حاجة تذكر يعني وبناء عليه تتحول الجامعة الي تعليم اونلاين او منازل و فئة قليلة هي الي بتحضر و تستفيد -------» المطلوب إجبار الجامعات علي عدد محدد من الطلبة يتناسب مع البنية التحتية و عدد الأستاف المتوفرين طبعا وجود عدد كبير من الخريجين سيؤدي لتشبع منظومة التكليف و ايضا التخصصات الملحة غصب عنهم لانه لن يكون هناك بديل و ده عظيم بالنسبة للحكومة و لكن المشكلة هتحصل في سوق البرايفت الي بالفعل بينكمش بسبب الظروف الاقتصادية الصعبة فعدد خريجين كبير = زيادة في المعروض مع قلة في الطلب في حالة ثبات الاسعار فهنبدأ نشوف ظاهرة الحرق في المرتبات و الاسعار و ده هيخلي حالة الأطباء المادية تنحدر و بشدة -------» المطلوب التشديد في منع الطلبة و الامتياز من العمل في سوق البرايفت و حصره علي النواب و الاخصائيين والاستشاريين كما ينص القانون و تخفيف الأعباء المادية علي الطبيب زي أعباء الدراسات العليا و كورسات الCME و اي مصاريف يتحملها الطبيب بوجه عام ومنحهم امتيازات إضافية المشكلة الأكبر هتتمثل في الفرصة التعليمية الpostgrad في كل التخصصات تقريبا حيث أن المستشفيات المميزة عددها قليل و البرامج التعليمية زي الزمالة بتاخد بالكتير الفين متدرب سنويا و الماستر و الدبلومات فيها وسايط و تحيزات و بتفضل خريجين الجامعات أنفسهم و تقريبا كل الجامعات الخاصة والأهلية الجديدة مافيهاش برامج ماجستير ففرص التدريب هتكون قليلة جدا جدا و هتكون المجاميع المطلوبة كبيرة جدا خصوصا أن برامج التعليم بينافس عليها كل الخريجين القدامي و الجدد و الحل البديل هيكون برامج زي البورد العربي و العسكري و ماستر الجامعات الخاصة والزمالات الأجنبية والطبيب الزائر و دي كلها برامج مكلفة جدا جدا وستكون فقط لمن استطاع إليها سبيلا خصوصا وأن الوافدين بينافسوا علي المقاعد دي و ممكن تلاقي برامج تدريبية بدون مرتب زي الاردن الشقيقة كدا -------» الحل المقترح التوسع في برامج التدريب في الزمالة المصرية و برامج الماستر و الدكتوراة في الجامعات المختلفة و تخصيص كوتة لحديثي التخرج الحقيقة أن كل الحلول صعبة ومكلفة جدا و حتي الان مش مطروحة علي اجندة خطة تطوير المنظومة الصحية في مصر الي بتتبناها الحكومة الحالية و استمرار الوضع بدون تلك الحلول هيؤدي الي تخريج أطباء ضعفاء علميا و مهنيا وبدون تدريب حقيقي أو شهادات post-grad و جزء كبير منهم بدون تخصص اصلا و تحت أعباء مالية كبيرة و ده هيقلل من قيمتهم كخريجين و يضرب السمعة عالميا و سيكون النجاح والبقاء لفئة قليلة جدا من الفائقيين علميا أو المقتدرين ماديا و لكن عموم الأطباء وللأسف ولأول مرة ستصيبهم البطالة كما أصابت تخصصات اخر زي التجارة و الحقوق و مؤخرا الصيدلة والأسنان والعلاج الطبيعي خصوصا أنه اكيد التكليف في مرحلة ما هيحصله تشبع أيضا و هتبقي مخير بين التكليف و الشغل البرايفت زي الصيادلة أو بتتنافس مع زميلك علي التكليف زي اسنان توقعي الشخصي أن الكلام ده هيحصل في خلال 10-15 سنة من الآن في حالة ثبات الوضع علي ما هو عليه نتمني إن حد مسئول يطلع يطمننا و يناقش التوقعات والتخوفات دي بمنطق وأفعال ! المشكلة أن الموجة دي حاصلة بالتزامن مع موجة أخري من زيادة صعوبة فرص السفر اتكلمنا قبل كدا أن الخليج محتاج استشاريين فقط و يمكن السعودية الي لسا عايزة اخصائيين بدرجة أقل في بعض التخصصات مش كلها و المرتبات نزلت و ظروف العمل بقت اصعب و غربا بريطانيا بتتشبع بشكل كتير و التراك بقي صعب و مكلف و تراك امريكا مكلف جدا جدا و الظروف السياسية هناك حاليا زودت الموضوع صعوبة واحنا في انتظار أن تتكشف طرق جديدة لم نكن نعلم عنها أو زوال الغمة زملائي شباب المهنة من الامتياز و التكليف لو عندي نصيحة اقدمها لنفسي وليكمفي الوقت الحالي هي أنه المطلوب حاليا انك وفي اسرع وقت ( خلال ال10 سنوات القادمة ) تاخد اكبر قدر ممكن من الشهادات العلمية و الخبرة العملية و تتميز في جانب محدد وتعمل لنفسك فيه اسم وسمعة و بعدين يبقي عندك your own business في مجالك أو تسافر كإستشاري أو تدرس post grad يدوبك نلحق قبل ما موجة تعويم الطب تطولنا 😅 اما عن زملائي الأصغر الي لسا داخلين الكلية بصراحة انتم الآن في خريف الطب و هتتخرجوا علي وضع عمره ما عدي علي أطباء مصر فمحتاج تتميز اوي علميا بأنك تجيب اعلي درجات ممكنة أو تتميز ماديا فتقدر تشق طريقك بالفلوس بعد التخرج الي ما بين الاتنين دول موقفك صعب بس الأرزاق بيد الله مطلوب منك تتميز بحاجة في وسط ال29 ألف خريج و مطلوب تفكر و تشتغل علي ده من بدري وبالتوفيق للجميع إن شاء الله