اكتر حاجة بتستفزني هو جروبات الدفعة في ليالي ما قبل الامتحانات 1- اسئلة اختلف عليها أهل الأرض كلهم و نقاش علمي محتدم عالجروب و ده جايب سورس للمعلومة منPubmed و التاني جايب من تيكست و انتا تقرر أن السؤال ده صعب اوي مستحيل يجي و المشكلة أنه بيجي فعلا اول سؤال في الامتحان ومبتبقاش عارف مين الصح و مين الغلط و تكتب الإجابة الي فاكرها 2- وفيه نقطة بقي الدكتور لما بينقل السؤال من سورس معين كوبي بيست بس هو السؤال محلول في السورس الي جاب منه حاجة و هو في المحاضرة قال حاجة تانية فهل الإجابة برضو كوبي بيست ولا الدكتور بيعدل علي الإجابة حسب المحاضرة ؟ 3- وتيجي بقي فقرة الاسئلة المتألفة علي معلومات المحاضرة بChat GPT ولا يدويا كدا بنقعد نهري في نفسنا كتير في محاولة حل السؤال و بعدها بيطلع فيه غلطة في السؤال 4- فيه بقي الدكتور الي هو معروف بيجيب الاسئلة كوبي بيست من كام مصدر وفجأة يجي علي حظك النحس و يغير سورس الاسئلة الي جاب منه 5- صراع العمالقة بقي لما تلاقي مثلا دكتور old school شوية شرح في الجامعة أن الدواء X ممنوع في حالة Y و تلاقي الدكتور رئيس القسم في المراجعة بيقولك لا ده الNew Guidelines بتقول ان الدواء X ده بالذات مفيد جدا و بنستخدمه في الحالات دي أيوة يعني انا اسمع كلام مين دلوقتي ؟ مين هيحط الامتحان و نموذج الإجابة ؟ و هل كلام رئيس القسم حجة عالدكتور الي شرح المحاضرة ولا المراجعة دي حاجة اكسترا و احنا ملتزمين بالمحاضرة ؟ 6- فيه بقي الدكتور الرخم الي هو حاطط السؤال ده trick هو جايبه من السنة الي فاتت بس مغير حاجة بسيطة في السؤال فالي مبصمج هيقع ويغلط 7- عندك بقي الدكتور الزهايمر الي هو جاب السؤال السنة الي فاتت و قالك الإجابة الصح كذا و جه الترم ده ولما الطلبة سألته علي نفس السؤال غير الإجابة أيوة أنا أثق في كلامك ازاي دلوقتي ؟ أثق في انهي نسخة من كلامك ؟ 8 - ويطلعلك من تحت الركام كدا بين الأنقاض واحد يقولك يجماعة هو ايه الي داخل في الامتحان بكرا هيهيهيهيهي و لو حد يبعت شرح الدكتور هيهيهيهي 9 - فيه بقي الدكتور الي مركز مع بتوع الكورسات بتاع الكورس قال المعلومة كذا انا هجيب سؤال عكسه حتي لو غلط علميا بس كل الي بياخد الكورس ده لازم يغلط علشان يخلوا الكورسات تنفعهم 10 - واختلاف السرعات بقي الامتحان باقي عليه 4 ايام كل الناس لسا بتبدأ تفتح المادة تشوف الكلام علي ايه وتلاقي واحد بدأ يبعت اسئلة السنين السابقة علي الجروب و حد بيجاوب عليه ازاي حضرتك ؟ لسا بدري علي الفقرة دي أنا لسا مخلصتششش علشان تعرف بس أنه في الاخر هي بتعدي بكرم ربنا وستره والله مش اكتر من كدا