ليه الإحباط ؟ كل شهادة و فرصة تدريبية في مصر ليها ميزة وعيب و تقدر تشوف كل حاجة بشكل سلبي بس او ايجابي بس أو بشكل واقعي الجامعة : هتتفحت شغل و هتبقي في ستريس طول الوقت بس هتتعلم Subspecialty و Intervention بدري و اسم استاف الجامعة التعليمي والأمانة : هتبذل مجهود كبير اه بس ستريس أقل من الجامعة و هتتعلم احسن من المركزي والعام في الصحة العام و المركزي : بزرميط بس الميزة بتشتغل كام ساعة في الأسبوع و شكرا فتقدر تاخد اي شهادات أو تتعلم مع نفسك أو تشتغل برايفت بسهولة نفس الكلام علي مستوي الشهادات الزمالة : دخل فيها مستشفيات كتير مش كويسة و التقديم ليها بواسطة بس تدريب اكلينكي من اول يوم و امتحانات عادلة الماستر : التقديم و القبول صعب و كمية مذاكرة ضخمة بس شهادة كويسة حتي الان و تقدر تاخدها جنب شغلك بسهولة من غير ما يتعبوك في الشغل الديرتي بحجة التعليم الMRC : طويلة و مكلفة و مذاكرتها صعبة بس انتا ماشي براحتك و لا سألوك علي مجموعك التراكمي وشهادة ليها قيمتها ولا تخضع لأي مشاكل بيروقراطية كل حاجة من دول ليها إيجابياتها وسلبياتها و كل واحدة من دول بتضيفلك حاجة معينة في بناءك الشخصي كدكتور والدكتور الشاطر عمره ما بيقعد محله سر بيفضل يطور من نفسه و ياخد شهادة ثم التانية و بيشتغل في أي Setting ولا يهمه وكدا كدا محدش هياخدك من ايدك يعلمك كل حاجة جاهزة بدون تعب بدون مقابل لوجه الله كدا زي ما كان بيحصل في الكلية هيحصل في ما بعد الكلية و هتتعلم بنفسك و تاخد كورسات و تحاول تستغل الSetting أو الفرصة المتاحة باحسن شكل ممكن المهم متخسرش نفسيتك في القلق من انك متاخدش فرصة كويسة لانه مافيش فرص كويسة اصلا كله بتمنه سواء وقت أو مجهود أو فلوس أو صحة فإستمتع بالرحلة وربنا يرزقنا الوصول