https://www.facebook.com/share/v/1DjQ1wfjBt/ BJP MIZORAM HEADQUARTERS, PRESS RELEASE DATED THE 17TH JANUARY 2025 : NO.BJP/MZ/HQR/PR-03 BJP Mizoram chuan vawiin 17th January, 2025 (Friday) hian Friday Political Session neiin, Pi Lalthangmawii, State General Secretary-in inkhawm a kaihruaia, Pu Vanlalhmuaka, State President-in thusawina hun a nei bawk. Pu Vanlalhmuaka chuan, "Mizoram ah Khawthlang inrelbawlna atana inthlanpui neih a ni dawn ta a, he hun hi Mizoram leh khawtlang tana malsawmna kan dawnna kailawn tur a nih avang leh Central Scheme tam tak Local Level hruaitute'n kalpui a ngaihna chin a awm avangin BJP Mizoram chuan VC/LC inthlan atan a tam thei ang ber chuh turin hma kan la dawn a ni," a ti. Pu Vanlalhmuaka chuan, "Mizoram ah Sorkarna chelh mek tute tan fiahna hun a nih theihna a awm a, Mizoram mipuite hian Vote kan thlak hian Party Politics kan ruihchilh ṭhin avangin, Political Party te'n inthlan hmaa thu min tiamte kan chhut nawn tawh ngai lova, hei vang hian a ram pum huap anga hmasawn a har phah hle a ni. Chuvangin LC/VC Election lo awm turah pawh rilru fim tak nen kan khawtlang hmasawnna a thlen theih nan ngaihtuahna seng ṭheuh turin Mizoram mipuite kan sawm che u a ni," a ti a. Pu Hmuaka chuan sawi chhunzawmin, "kum 2022 bawr vel khan, Mizoramin kan hmun pawimawh ZMC leh Lengpui Airport Mizoram rohlu chu Opposition Party ten hralh an tum tiin beih a ni a. An indawrnaah pawh thil harsa leh sawi fel ngai a tam hle pawhin a rinawm election a hnaih avang khan chu tih laia sorkar MNF chuan duh angin hma a la hman ta lo pawh a ang hle. A enga pawh chu ni se, kan ram leh kan hnam tana ṭha turah chuan keini ang hnam tlem te hi chu kan ṭanrual thiam a ngai a ni. Party anga kan inbeihnaah pawh hian inbeih dan chin tawk kan thiam a, kan ram leh hnam tana ṭha turah chuan party dangte hmalakna pawh kan thlawp thiam chang a awm a ṭul hle. Kan ram, kan hnam leh kan Sakhua lungphum tihmelhem zawnga Politics hi kan khelh loh a ṭha in, politics chu ram leh hnam rawngbawlna hmanrua, platform pawimawh tak a nih hi kan hriat deuh deuh a ngai a ni. Keini BJP te chuan Mizoram tana thil ṭha ah chuan tu pawh Sorkar sela, Party Politics tel lovin Mizoram tan a nih angin theihtawp chhuahin kan thlawp zel dawn a, chutiang rilru pu tur chuan Political Party dangte pawh kan chah duh a ni," a ti bawk. Inkhawmna hun neih zawh hian Local Council/Village Council inthlan lo awm tur atana thil ṭul hrang hrangte sawihona hun State President Chamber ah neih a ni bawk. Issued By IT & Media Department, BJP Mizoram Headquarters: Aizawl, Mizoram. #bjp4mizoram #mizoram #bjp BJP Mizoram Devesh Kumar Vanlal Hmuaka Lalthangmawii Pachuau Dr. K. Beichhua Lalremsangi Fanai Tetei Delson Notlia Credit: Zonet Chanchinthar