https://www.facebook.com/share/v/12DTHVryHsa/ BJP MIZORAM HEADQUARTERS, PRESS RELEASE DATED THE 20TH JANUARY 2025 : NO.BJP/MZ/HQR/PR-04 Vawiin 20th January, 2025 (Monday) hian karthar inhlanna hun leh "SAMVIDHAN GAURAV ABHIYAAN" India ram Constitution chungchang zir hona neih a ni a, he hun hi Pu JB Rualchhinga, State Vice President-in a kaihruai a, Pu Lalrintluanga Hnamte, State Kisan Morcha President-in hunserh hmangin, Pu Vanupa Zathang IPS (Retd), State Vice President thusawina hun a nei bawk Pu Vanupa Zathang, IPS (Retd) chuan, 'Constitution of India' chungchang sawina hun neiin, "India ram Constitution hi khawvelah Constitution sei ber a ni a, a kim ber bawk a, India rama cheng chi tin, hnam tinte huap zo tura duan niin, he danpui hian kawng hrang hrangin; mimal, pawl, hnam angin min veng a, a ṭha êm êm a ni," a ti. Pu Vanupa chuan, "India ramah eng party pawh sawrkar sela, Indian Constitution hi India ram Parliament ah pawh, an duh ang anga siam danglam theih a ni lova, Rorellai party-te chuan an thu pass duhte chu, Party mal anga an tam avang ringawt pawhin siam dang lam mai mai theih ani lova, he Constitution thuhmahruai 'Preamble' hi paih theih a ni lova, Preamble-a ziak ho Rorelna dik, Zalenna, intluktlanna, in unauna tih hi kan hnualsuatin kan tidanglam thei lova, hemi pel hian dan siam theih a nilo a ni," a ti bawk. Samvidhan Gaurav Abhiyaan Convener Pu JB Rualchhinga pawhin thusawiin, "India ram civil chawimawina sang ber 'Bharat Ratna' lo dawng tawhtu Dr. Babasaheb Bhimrao. Ambedkar chuan caste-based inthliarhranna hi a duh lo hle a, hnam hnuaihnung zawkte dinhmun chawisan hi a thupui lian berte zinga mi a ni. Dr. BR Ambedkar chuan Congress party-in politics an khelh ṭhin danah lungawi lohna neiin casteism chungchangah Congress an inrawlh nasat ṭhin avangin a sawisel fo ṭhin a ni," a ti. Pu Chhingtea chuan sawi chhunzawmin, "Article 370 nuaibo a nih hnuah dan intluktlanna Jammu & Kashmir ah hman a nih tak avangin Architect of the Indian Constitution Pu Ambekar duhthusam a nih ngei a rinawm. CAA hian hnam hnuaihnung zawk dalits leh tribals te dinhmun a siam ṭhat avangin, hei hi a duh dan a ni bawk. Congress hian Article 356 chu a ti khawloh avangin India ramah Emergency puan a lo ngaih phah tawh a ni. OBC, ST/SC te tana dan siam ṭhat leh reservation siamte hi Pu Ambedkar hmathlira hman chhoh mek zel a ni. BJP chuan 33% reservation hmeichhiate tana hman ni se an tih pawh hi Pu Ambedkar-a'n India ram chu politics ah a kal ṭhat nan leh chanvo ṭha mi tinin kan neih theih nan tia a hmathlir a ni. India danpui 'Constitution' hi BJP chuan a ngai pawimawh a, November 26 chu Constitution Day-a puan a lo ni tawh bawk a ni," a ti bawk. Inkhawm ah hian Constitution chungchanga zawhna leh chhanna te neih niin, sawi hona hun ṭha tak neih a ni bawk. Issued By IT & Media Department, BJP Mizoram Headquarters: Aizawl, Mizoram. #bjp4mizoram #mizoram #bjp #samvidhangauravabhiyaan BJP Mizoram Narendra Modi J.P.Nadda Dr. Sambit Patra Devesh Kumar Dr. K. Beichhua Delson Notlia Lalremsangi Fanai Tetei Lalthangmawii Pachuau Mabiaki Chhangte Chawnglun Credit: LPS Chanchinthar