BJP MIZORAM HEADQUARTERS, PRESS RELEASE DATED THE 24TH JANUARY 2025 : NO.BJP/MZ/HQR/PR-05 Vawiin 24th January, 2025 (Friday) hian Friday Political Session, BJP Mizoram State Office, Mipui Rûn, Upper Republic ah neih niin, Pu VL Awia, State Secretary-in inkhawm a kaihruaia, Dr. K. Beichhua, MLA State Core Group Member-in thusawina hun a nei bawk. Dr. K. Beichhua, MLA, BJP State Core Group Member chuan thusawiin, "tuna Mizoramin Sorkar kan hrawn mek hi Enchhin Sorkar an ni tih hi kan hriat a ngai a, Budget Session vawihnihna kan ṭhutkhawm leh hunah chuan kan enchhin Sorkar nihna hi a lang chiang leh zual ang a, enchhin an dawl em? tih hi mipui te'n kan hre zel dawn a ni," a ti. Dr. K. Beichhua chuan, "India rama Sorkar mek BJP Party ah keini hi kan awm a, Kum 10 India rama kan Sorkar chhunga India ram hmasawnna nasat zia kan hmu in, kan hria a, BJP chuan Vision mumal tak leh Ram hmasawnna tur atana tum mumal tak nei kan nih zia a lang chiang a, India ram pum hmasawnna tur Manifesto-te hmanga ram tana hna kan thawhna hi India ram mipuite hian kan chhawr meka, mi retheite leh mi hausate tan pawh nasa takin kan hlawk pui mek a ni. Keini State ah chuan Party ṭhenkhat tena Politics kan khelh dan leh BJP-in Politics kan khelh dan hi a dang hle a, BJP chuan Real Politics, Ram hmasawnna leh Ram ṭhanna tak tak kan khel a, Party dangte erawh hi chuan Party Politics leh Ram ṭhatna lam hawi hi an khel ve hman meuh lova, lalna leh thuneihna hi an khelh pui ber niin a lang a, chutiang an neihna turin Party dang beihna tur buaiin an hmanhlel êm êm a ni," a ti a. Pu Beichhua chuan BJP chungchang sawi chhunzawmin, "BJP huatna rilru kan neih tlatna hi rilru lam damlohna, natna chi khat, mi pangngailo leh rilru lam dik tawk lohna leh Kum upa lam, tun hmaa Politics tuinu lo in tawh te kha anni tlangpui a, tun hnuah erawh chuan ṭhalai tam tak leh mi vengva tak takte chuan BJP hi Political Party pakhat ve mai a nih hriain hlauh en in an en tawh lo thung a, Sorkar kal tawh leh Sorkar mek te en hian Mipui rintlak Sorkar kan duh tih a chiang tawh a, Mizoram mipui tam zawk leh thalai vengva, eizawnna hna zawng tan chuan a beidawnthlak hle a ni. Tun hunah chuan mi pangngai tan mahni chawbel do tlat hi tih chi a nilo a ni. Chuvangin keini State rethei leh chawmhlawm, thla tin mai Sum puktur dap ngai, Fur lai pawh nilo, Ṭhal lai pawha, kan ei leh bar lakna ber Kawng chhiat vanga Motor lian (Truck) tlan hlauhawm khawpa kan awm ringawt mai te hi a zialo hle a, Mizoram mipuite zah lohna leh mipui ngaih pawimawh lohna lian tak ah ka ngai hial a ni," a ti bawk. He hunah hian Village Council/Local Council inthlanpui chungchang hriattur ṭulte Pu Vanupa Zathang ,State Vice President chuan a sawi bawk a ni. Issued By IT & Media Department, BJP Mizoram Headquarters: Aizawl, Mizoram. #bjp4mizoram #mizoram #bjp BJP Mizoram Devesh Kumar Dr. K. Beichhua Delson Notlia Fela Khiangte Kanihhi Lalremsangi Fanai Tetei Mabiaki Chhangte Chawnglun K Vanlalruati Durjya Dhan Chakma Ruat Bika Hmar Pachuau @everyone https://www.facebook.com/share/p/1BNu6hKXzK/