https://www.facebook.com/share/p/1KK815vc5B/ BJP MIZORAM HEADQUARTERS, PRESS RELEASE DATED THE 25TH JANUARY 2025 : NO.BJP/MZ/HQR/PR-06 MIZORAM CHAKKHAI LAK LUHNA KAWNGPUI ENFIAH. BJP Mizoram chuan vawiin 25th January, 2025 hian Mizoram mipui mamawh chakkhai lakna ber kawngpui chu a hmunah tlawhin Sairang aṭanga Kolasib inkar kawngpui chu enfiahna a, harsatna awm leh hmalak mek dan te enfiah a ni. He hunah hian BJP State President, Pu Vanlalhmuaka leh Dr. K. Beichhua, MLA, State Core Group Member leh State Media Convener leh hruaitu dangte bakah thuthar thehdarhtu ṭhenkhatte nen he hunah hian kalin thil awm dan a hmunah enfiah a ni. Pu Vanlalhmuaka, BJP State President chuan, "Mizoram chakkhai lakna ber kawngpui chu Mizoram Sorkar leh NHIDCL-te inmawhpuh kual mai mai lova, Mizoram kawngpui pawimawh a nih avangin, Mizoram Sorkar chuan heng ah hian mawh an phur a, a neitu tak tak State Sorkar hian kan kawngpui pawimawh a ṭhatna tur hian Monitoring Committee din a, hnathawh dan viltu tur leh uluk taka enfiahna neitu tur Committee din ngei turin Sorkar hian hma la ngei se a tha hle dawn a, chutiang taka kan ngaihsak chuan kawngpui hi chu a ṭha ngei ngei dawn a ni," a ti. Pu Hmuaka chuan, "National Highway-a four lane Vairengte to Sairang Road hi Kum 2020 khan Central sorkarin kawng a siam hi phalsakin, kum hnih chhung a zo thei turin a lo approve tawh a. Nimahsela Mizoram Sorkar leh NHIDCL te inkarah ah Forest Clearance chungchang ah leh Compensation chungchangah harsatna a awm avangin hna ṭan theih a ni ta lova, chuvangin Mizoram chakkhai lakna pawimawh ber chu a chhe ta hle a, kum tin kan buai phah ta bawk a ni. Chuvangin Mizoram Sorkar hian he four lane siam a nih theihna tur hian chak takin hma la sela, BJP Mizoram pawhin a theihna apiangah puih kan inhuam bawk a, ram tana kan rawngbawl chhan Mizoram mipuite mai bakah, lirthei khalh tuten hetiang taka kawng ṭhat loh avanga harsatna an tawh tawh lohna tura, rang taka hma la turin State Sorkar pawh kan phut tlat a ni," a ti bawk. Dr. K. Beichhua, MLA pawhin thusawiin, "inkalpawhna kawng pangngai piah lamah kan ei leh bar lakluhna bul ber kawngpui ṭha lo leh thyal lai pawh a, Truck lian khalhtute nawrh ngai khawpa ngaihsak loh a ni hi State Sorkar mawhphurhna a ni a, tuna kawngpui thawm ṭhat dan en hi chuan fur pui thlen hmaa kawng an hnawhna hi a chhiat leh hman mai a hlauhawm hle a, Mizoram Sorkar hian hetiang lo deuha kawngpui hi thawm ṭhat hna thawk turin ka ngen a, he kawngpui chhe lai bik siamna tur atana sum an dah ₹1.25 Cr hian rin tlaka kawngpui hi a siam theih dawn loh avangin, Mizoram Sorkar hian ngaihtuahna seng nawn leh tur leh kawng daih rei zawk Kum 15 daih em em nilo mahsela, fur harsat zual lai thleng tala ṭha tura kawng siamna tur sum MPWD te ruahman sak turin kan ngen bawk a, mipui mamawh lakluhna ber a nih avangin a ṭul anga sum pawh ruahman sak turin kan ngen bawk a ni," a ti a. Dr K Beichhua chuan sawi chhunzawmin, "Mizoram chaklakna kawngpui hian chawkawng Cancer a vei mek a, tuna kawng an thawmṭhat dan en hi chuan nachhawkna inpek ang chauh niin, reilo te ah hei aia nasaa natna chhuak leh thei ang a ni a ti a, Buichali lei aṭanga New Khamrang thleng hi MPWD te'n an siam hleihtheih loh avangin tunah hian BR Goyel Company te chuan kawng siam hna hi thawkin, kumin 2025 March thla chhunga siam zawh hman an inbeisei a, NHIDCL hnuaia kawng siam dang pawh ṭhal chhunga siam ṭhat theih an inrin thu NHIDCL hruaitute chuan BJP State hruaitute chu an lo hrilh a ni. He tih lai hian Mizoram PWD te'n kawng an siam ve tur bik pawh siam ṭan mek niin, kawng siam tur enin State Sorkarin sum hman tur an ruahman hi a bei tham avangin kan chaklakna kawngpui hi hetiang chauha thawm ṭhat a nih chuan rei lo te ah a chhiat leh mai a hlauhawm hle bawk a. Chuvangin Mizoram Sorkar hian mipui te'n harsatna lian zawk kan tawh loh nan kawngpui hi rang taka siam ṭha a, furpui thlen hma ngeia siam ṭha turin kan ngen bawk a ni," a ti bawk. BJP hruaitute hian NHIDCL hruaitute leh NHIDCL hnuaia Contractor hna thawktu Company hotute kawmna hun nei nghalin kawng siam chungchanga harsatna awm te ngun takin an sawipui bawk a ni. Issued By IT & Media Department, BJP Mizoram Headquarters: Aizawl, Mizoram. BJP Mizoram J.P.Nadda Devesh Kumar Dr. K. Beichhua Vanlal Hmuaka Delson Notlia Johny Lalthanpuia Ruat Bika Hmar Pachuau Mabiaki Chhangte Chawnglun K Vanlalruati Lalremsangi Fanai Tetei #bjp4mizoram #bjp #mizoram #nhidcl #mpwd @everyone