BJP MIZORAM HEADQUARTERS, PRESS RELEASE DATED THE 31ST JANUARY 2025 : NO.BJP/MZ/HQR/PR-09. Vawiin 31st January, 2025 (Zirtawpni) hian Mamit District, Damparengpui khua ah mi thar lawmluhna hun Damparengpui Community Hall ah hman a ni a, Pu A. Lalropuia, BJP Mamit Mandal President-in inkhawm a kaihruaia, Pu Vanlalhmuaka, State President chuan BJP zawm thar mi 149 lawmluhna leh thusawina hun a nei a, Dr. K. Beichhua, MLA State Core Group Member-in thusawina hun anei bawk a ni. BJP Mizoram State President Pu Vanlalhmuaka chuan, "Village Council inthlan kan hnaih leh ta a, PM Scheme kal tlanga insak ṭanpuina mamawh an awm chuan, a mamawh tu dik tak te'n an dawn theih nan khawtlang hruaitute an pawimawh hle a, a dawng tur dik tak te'n insak ṭanpuina an dawn vek theih nan hma kan lak pui dawn a ni," a ti. Pu Hmuaka chuan, "PM Ayushman Bharat, Golden Card kaltlanga damdawiin a inenkawlna senso tur a thlawna hman theih pawh, dik tak leh fel taka kalpui a ni ang a, PM Schemes hi mi retheite tana hamṭhatna leh awlsamna a ni a, chuvangin heng mai nilo, PM Scheme dangah te pawh Damparengpui khaw mipuite'n BJP VC candidate palite in thlan tlin vek chuan in dawng vek dawn a ni," a ti bawk. Dr. K. Beichhua chuan thusawiin, "Ka hna pawimawh tak bansanin, kan ram leh hnam hmasawn nan politics ah ka zuanglut ve a, independent candidate niin bul ka ṭan phawt a, ka tling zo lova, party zawm neiin opposition MLA ka'n ni chho a, chumi hnuah Minister ka han ni chho leh a, Kum 2023 khan Cabinet Minister ni tura sawmna pawh lo dawng mah ila, Central Sawrkar BJP zawm ka thlang ta zawk a ni. Harsatna nasa tak paltlang chungin Pathian leh mipui zarah Siaha bialah thlan tlin ka lo ni ta a ni. Tun hmaa Politics-a ka zinkawng ang khan Opposition MLA nih leh phawt hi ka tan Pathian ruat a ni ang, tiin ka pawm thlap a ni," a ti a. "Tuna kan sawrkar hrawn mek te hi kan sawichhiat ngawt hi a thiang lo, an hna thawh dan dik tak hi han thlir ila, chutah chuan judgement kan pe tur a ni. Mipuite hian buhfai, tuialhthei, kawngpui, kuthnathawktute, khawtlang dinhmun te han ngaihtuah ila, sum leh paiah harsatna kan tawh leh tawhloh te kan ngaihtuah chian a ṭul a ni. Tuna kan sawrkar hi kan enchhin mek a, la enchhin zel ang u, kan tih leh tih loh chu mipuite'n kan khawtlang dinhmun kan teh dan aṭangin kan chhut thiam a ṭul a ni. Kan ṭhenawm Tripura ah erawh development a zuanin a zuang mek a, Keini aiin mihring tam zawk mahse hma an sawn chak zawk tlat a ni. BJP hlauhna state kan ni hi a pawi hle a ni," a ti. Dr. K. Beichhua chuan sawi chhunzawmin, "Damparengpui hall hi siam ṭhat a ngai ve tawh hle a, BJP candidate-te in thlan tlin chuan he Hall sak ṭhatna tur hian cheng nuai 1 pek in ni nghal ang. Chu chu hna kan thawh hmasak tur zinga mi a ni. Mamit District 'Aspirational District' hi Pu Modi-a'n a ngai pawimawh a, Central Minister-te'n vawi tam tak an rawn tlawh che u a. Mamit hi Pu Modi-a hian a ngai pawimawh a, min ngai pawimawhtu hmasawnna kan hmuh ve duhtu party; BJP hi kan hnawl a thiang tawhlo a ni. Tun aia dinhmun ṭha hi Damparengpui khaw mipuite leh Mamit District -te hian kan phu a ni," a ti bawk. Inkhawm ah hian Pu J. Lalrimawia, BJP Mamit District President-in lawmthu sawina hun hmangin, District hruaitute leh mi thar lawmluhte aiawha thusawina hun hman a ni bawk. Issued By IT & Media Department, BJP Mizoram Headquarters: Aizawl, Mizoram. #bjp4mizoram #mizoram #bjp #mamit #damparengpui BJP Mizoram Narendra Modi J.P.Nadda Devesh Kumar Dr. K. Beichhua Vanlal Hmuaka Delson Notlia Lalremsangi Fanai Tetei K Vanlalruati Lalhruaitluangi Vandir Ruat Bika Hmar Pachuau Mabiaki Chhangte Chawnglun Credit: LPS Chanchinthar https://www.facebook.com/share/v/1BJAmWBC8E/