BJP MIZORAM HEADQUARTERS, PRESS RELEASE DATED THE 3RD FEBRUARY 2025 : NO.BJP/MZ/HQR/PR-10. Vawiin 3rd February, 2025 (Monday) hian BJP Mizoram State Office, Mipui Rûn, Upper Republic ah Karthar Inhlanna leh Political Session hun hman niin, Pu Malsawmtluanga, State General Secretary-in inkhawm a kaihruaia, Pu Lalbiaknunga, Ex Freedom Fighter Chairman-in hunserh hmangin, Tv Lalramdinfela, State IT Convener-in Party Activity report pe in, Pu Vanupa Zathang, IPS (Retd), State Vice President-in thusawina hun a nei bawk. Pu Vanupa Zathang, State Vice President chuan thusawiin, "India ramah 2025-2026 Finance Budget pharh a ni a, tun Budget lo awm turah hian India ram mipui Middle Class 32% vel bawrte tana Kum khata Nuai 12 la lut tlinglote tan income tax an tih bo te hian, Pu Modi Sorkarin m irethei leh harsa zawkte a hmangaih zia a tilang chiang hle a, Union Budget chungchang pawh ngunthluk taka Mizoram mipuite pawh hian kan zir a, kan tana hamṭhatna Central Sorkarin a siam te kan lo hriat fiah ve hi a pawimawh a ni," a ti. Pu Vanupa Zathang chuan, "India ram ah pawh BJP chuan nasa takin hma kan sawn a, India Constitution Preamble-a inziak angin Welfare State tin te hamṭhatna tur hi India Sorkar chuan a ngaihtuah ṭhin a, BJP Sorkar lohna State ah pawh mipuite khawsak awlsamna leh hmasawnna tur hi Sorkar chuan a ngaihtuah reng tho a, a ram mipuite harsatna sutkian hi a 'Goal' pawimawh pakhat a ni. Delhi MLA Election kan hmachhawn tur mek ah pawh AAP MLA pariat (8) laite chuan BJP an zawm a, Mizote chuan AAP te chu Kristian Party ang thawthangin kan ngai a, nimahsela an hotupa ber man a ngai ta hial mai a, AAP mi leh sa te chuan zui tlak ah an ngai tawh lo nge ni? BJP an rawn zawm ta a, Delhi khawpui ah pawh BJP chuan Sorkarna chang thei hial turin beiseina sang tak a nei bawk a ni," a ti a. Pu Vanupa Zathang chuan sawi chhunzawmin, "Mizoram ah pawh BJP hmasawnna kan hmu a, tunah CADC ah pawh BJP kaihhruai Sorkar ah beiseina sang tak an neih avangin, Sorkarna siam a ni dawn bawk a, Mizoram Sorkar ngei pawh hian BJP-a inchhunluh mai duhna emaw thawhdunna ṭha tak neih hi an la duh hial maithei a ni. A chhan chu, keini ang ram rethei tan chuan Central aṭanga sum lo kal tur hi a pawimawhin Central sawrkar thawhpui thiam hi a pawimawh êm a, mahni kut ke ngawt chuan kal ngaihna a awm lo a ni. Chuvangin India ram ah kan awm a, India pawisa lo hman tur kan nei chuang si lova, Pu Modi-a Sorkar mi retheite hmangaihtu duhsakna hi kan chan a, Mizoramin hmasawnna ṭha zawk kan hmuh ngei theihna turin BJP pawh Mizoram Sorkar hian lo thawhpui pawh ni se Mizoram mipuite hian kan hrethiamin a rinawm a ni," a ti bawk. Issued By IT & Media Department, BJP Mizoram Headquarters: Aizawl, Mizoram. BJP Mizoram J.P.Nadda Devesh Kumar Dr. K. Beichhua Lalremsangi Fanai Tetei Lalthangmawii Pachuau Delson Notlia Lalhruaitluangi Vandir K Vanlalruati Ruat Bika Hmar Pachuau Mabiaki Chhangte Chawnglun Dinthara Kawilam Durjya Dhan Chakma #bjp4mizoram #mizoram #bjp Credit: Zonet Chanchinthar https://www.facebook.com/share/v/1Dx2t4iZ1o/