BJP MIZORAM HEADQUARTERS, PRESS RELEASE DATED THE 10TH FEBRUARY 2025 : NO.BJP/MZ/HQR/PR-12. MIZORAM SORKAR HI FAPA TLANBO DINHMUN NEN A IN ANG DAWN - DR. K. BEICHHUA, MLA. Vawiin 10th February, 2025 (Monday) hian karthar inhlanna leh Delhi Legislative Assembly Election, 2025-a BJP-in hnehna a chan lawmna hun neih a ni a, Pu Malsawmtluanga, State General Secretary-in inkhawm a kaihruaia, Pu Lalchungnung, State Kisan Morcha Vice President chuan hunserh hmangin, Dr. K. Beichhua, MLA & State Core Group Member leh Pu Vanlalhmuaka State President ten thusawina hun an nei a, Pu Vanupa Zathang IPS (Retd), State Vice President-in VC/LC Election lo awm tur chungchang a hriat tur ṭul te sawina hun a nei bawk. Pu Beichhua chuan, "Mizoram ah Congress Party chuan thu dik chanve pawh ni manglo dawt hmangin BJP an beih avangin kan la hniam deuh hlek a, nimahsela chutianga Congress Party-ina min beih lai mek chuan tuna Congress Party dinhmun chu kan hmuchiang hle a, tun ṭum Delhi-a inthlan neihah pawh Congress Party dinhmun chu Zero a ni. Mizoram ah tlem in Delhi ai chuan an ṭha hret a, a chhan chu; MLA pakhat an neih vang a ni. Delhi ah sawrkarna a zawna term hnih (2) AAP-in an chelh hnuah India ram khawpui ber Delhi ah chuan hneh takin BJP chuan Sorkarna kan la thei a, Mipuiin BJP ah rinna an nghat nasa hle a ni tih Result kan hmuh aṭang hian a lang chiang hle a ni," a ti. Dr. K. Beichhua chuan, "India ramah Congress Party chu a zung a nget tawh a, ṭhat chhuah leh a har viau dawn a ni. Chuvangin Mizoram ah pawh Congress Party hian awngrawp lam a pan a, tunah MLA pakhat an nei a, nimahsela nakin lawk ah erawh Mizoram ah pawh Gold Medal la phak si lovin, Silver Medal leh Bronze Medal lak hi an hna ber tur a ni tawh dawn a ni," a ti. Dr K Beichhua chuan sawichhunzawmin, "tun dinhmuna BJP hlaua, hnualsuat tute chu Kum lama upa tawh deuh leh tunlai thil chinchang ngaihtuah thui lutuk lo deuh te an ni tlangpui a, Congress Party-in BJP lian tur hi an hriat lawk avang leh BJP an lian a nih chuan Congress tan din chhuah leh a harsa dawn tih an hriat avangin nasa takin an lo bei lawk a, chumi rah ṭhalo tak chu Mizoram hian kan seng ta a ni, kan State Sorkar chu rethei leh harsa tak nimah ila, BJP thawhpui an hreh avangin sum puk tur zawngin an phi ruai a, thlatin mai Sum an puk ta tlauh tlauh mai a ni. Mipuia an in zawrhna an thutiam an ti hlawhtling hleithei lova, kumin February 20, 2025 Mizoram State Day, VC/LC inthlan zawh ah hian Sawhthing kan lei ang an ti a, chhuanlam dang an siam leh dawn nge an intiam angin an lei sak dawn tih chu kan lo thlir dawn a ni. Tin, kawngpui siam ṭhat nan Oil man an tisang a, Fur laiin kawng siam theihloh chhuanlam atan sum a awm vek tawh ti chung siin, ṭhal lai pawhin kawngchhiat avanga harsatna kan la tawk leh mek thung si te hi a mak hle a ni. Chuvangin ZPM Sorkar kan hrawn mek hi Fapa tlanbo dinhmun nen te pawh an inang dawn viau mai a, tunah hian min bel lovin tlan tlan mah sela, an tlanbo na ah eitur an tla chham anga, ei tur an hmuhloh hun engtikah emaw chuan inchhir hun an la neiin, an la rawn inlamlêt ngei dawn a ni," a ti bawk. Pu Beichhua Delhi inthlan chungchang sawiin, "Delhi-a AAP Sorkar khan mipui tana an tih theih tur hrang hrang an chhawpte chu kan hre awm e. Delhi mipui tana lal an duh vanga an intiamna chu Mipuite hnenah a free-a thil tihsak kha a ni hlawm a ni. Vawiinah erawh AAP tlakchhiat chhan chu Corruption a ni tih kan hre awm e. Mizorama mi tam takin an sawi dan ve thung chu BJP-in AAP an hrek vanga tla ah min puh a, nimahsela AAP hruaitu pa Arvind Kejriwal-a chu Corruption avangin a mualphova, Jail ah hial a tang a, AAP tlak chhan chu, Delhi mipuiin an duh tawh loh vang a ni" a ti bawk. Issued By IT & Media Department, BJP Mizoram Headquarters: Aizawl, Mizoram. BJP Mizoram Narendra Modi Devesh Kumar Dr. K. Beichhua Lalremsangi Fanai Tetei Delson Notlia Lalthangmawii Pachuau Durjya Dhan Chakma Dinthara Kawilam Dr. Sambit Patra K Vanlalruati Ozfelly Ozfelly #bjp4mizoram #mizoram #bjp #bjp4delhi https://www.facebook.com/share/v/18BishZ7Ve/