📍 विधान भवन, पुणे आज उपमुख्यमंत्री तथा माननीय पालकमंत्री श्री. अजितदादा पवार यांच्या अध्यक्षतेखाली पुणे जिल्हा नियोजन समितीची बैठक पुण्यात संपन्न झाली. यावेळी जिल्ह्यातील कायदा व सुव्यवस्था, सध्या चालू असलेली तसेच प्रस्तावित विकासकामे, विविध समस्या व अडीअडचणीसंदर्भात चर्चा झाली. जिल्हा वार्षिक योजना, अनुसूचित जाती उपयोजना, आदिवासी उपयोजना यांना एकत्रितपणे १,२९९ कोटी ५८ लाख रुपयांच्या प्रारूप आराखड्यास व ७५३ कोटी रुपयांच्या अतिरिक्त मागणीस मान्यता देण्यात आली.