اس تصویر میں چار افراد ایک شیشے کے سامنے کھڑے ہیں، لیکن ہر ایک کی دنیا کو دیکھنے کا زاویہ اور تجربہ مختلف ہے۔ یہ چار افراد دراصل زندگی کے مختلف رویوں اور نقطۂ نظر کی عکاسی کرتے ہیں۔ پہلا شخص جو صرف دولت کے انبار پر کھڑا ہے، وہ سب سے بلند ہے لیکن عجیب بات یہ ہے کہ اُسے زیادہ کچھ دکھائی ہی نہیں دے رہا۔ اُس کی اونچائی اسے ایک ایسی سطح پر لے آئی ہے جہاں منظر دھندلا ہو چکا ہے۔ شاید یہ اس بات کی علامت ہے کہ جب ہم صرف دولت کے پیچھے بھاگتے ہیں، تو ہم زندگی کے اصل حسن اور معنی کو کھو دیتے ہیں۔ دوسرا شخص نہ کتابوں پر کھڑا ہے نہ دولت پر وہ بالکل سطح پر ہے، زمین پر کھڑا۔ اُسے کچھ بھی نظر نہیں آ رہا، جیسے وہ زندگی کی سچائیوں سے مکمل طور پر بے بہرہ ہے۔ شاید یہ اس شخص کی عکاسی کرتا ہے جو نہ علم کے لیے جستجو کرتا ہے نہ دنیاوی کامیابیوں کے پیچھے بھاگتا ہے، اور نتیجتاً زندگی کی بصیرت سے محروم رہتا ہے۔ تیسرا شخص، جو کتابوں کے ڈھیر پر کھڑا ہے، ایک بہتر منظر دیکھ رہا ہے مگر مکمل نہیں۔ یہ اس بات کی علامت ہے کہ علم آپ کو حقیقت کا بڑا حصہ دکھا دیتا ہے، لیکن اگر آپ زندگی کی عملی حقیقتوں کو نظر انداز کریں تو شاید آپ مکمل تصویر سے