*WEEKLY POETHERAPY:POETRY OUR INTANGIBLE CULTURAL HERITAGE* Join our community for more updates https://whatsapp.com/channel/0029Vai0FQJ11ulJHRRO3r0l *MITI INORAPA* *by* *Research Team* Miti iyiiii ndipo pane mapiritsi ose ipapo nhaika Chinokosha kubata miti iyo makachena Musabate muine nyora Muzeze 🌿 Mashizha acho ayo Kuisa mumvura monwa Mudumbu muno rwadza muno pora Midzi yacho Kubikisa bota Kune vaya vari kuchaya Vano ita zvakanaka Vaya vari kurwadziwa nemabhora Vana baba, zvino pera Torai gavakava Midzi yemuzeze Munhanzva, Mufufu, Munyatera Sanganisai izvi munwe Kana iri tsvina ino buda yose Asi amai ngavanwewo Vose vane dambudziko reku fufutirwa Torai midzi ye Muzeze, Guni re dhorofiya rino bereka riya Gavakava renyu Muremberembe Mugaranyenze Sanganisai munwe mazuva matanhatu Mupfanha wembudzi Midzi yacho kungo itemera Anenge arumwa nenyoka Hayiwa nekupora chiriporipotyo Kutora muchero we mugakawenyoka Mocheka, monyika mumvura Monwa nyon'o yose inobuda Kutora ruredzo mokacha. Vaya vane mhotsi Mopota muchigeza Vhudzi hari dambuki Weti yenyu chaiyo Vane mhotsi nevaya vave kubuda mhanza Vaya vave kucheneruka vhudzi Potai muchi geza musoro wacho Neweti yenyu zvino dzoka pakanaka Kutora nhoko dzetsuro Kugeza nadzo dzimwe Kuisa mumafuta eku zora Dzino vhura mhanza Chikonzero, tsuro inodya miti yaka wandisa ino rapa kubvisa jambwa Asi moita izvi makachena nhaika Vanamai kana muri kunguva Musabate matare akaita seku suma Kupinda mumaninga, makomo, mapako, madziva Kukwesha mwana nhova Kusunungutsa akazvitakura Kuitira munhu munamato Kwete ibvai ipapo Musaisire vanababa sauti muusavi Musajambe vana baba vakarara Guvhu rababa rinokosha ndipo pane raramo yavo Musazoti vakaroiwa imi murimi mavaroya mega Kutora damba rako mbishi Cheka unyike mumvura Umbo pota uchinwa Rino rapa zvirwere zvebonde Kutora mubvamaropa Mugaranyenze Vaya vane meno anorwadza Vhaidzai mupote muchipfunda nhaika Paruvanze panowanda nyoka Itai kuti mutore mufudze wembudzi Muise ipapo hazvionani Chikonzero inodya miti yaka wanda Isinga yanani nenyoka Pamba penyu dzidzaiwo kufumura Kwamuno rasira marara uko Chifumuro chako Shandisa Bute rehondo Uye zvivanze zvenyu Chaita chikafu chingopera zvisina tsarukano Muno teiwa pamuno bikira ipapo Dzidzai kupa fumura nhaika Vana baba, vana amai Imwe nguva imimi ndimika vanamai Muri kugadzira ngozi pautano hwenyu Musade kutadza kuyenda kunguva endai mwaka wakafanira Mubuditse tsvina dzose idzo dziri muchibereko Tisazo chema negomarara remuchebereko Zviiko zvatinonzwa Kuvava kwesikarudzi Kuita weti inopisa kwekupedzisira Kubuditsa hwema hwehove Kunzwa kusema chikafu Itai kuti mumuke kuseni mumwe mukaka mumbishi Kana mazai asina kuibva Kana muine njovhera kana kuti tsvina munomhanya chete Ndati mazai ari kunhuwa humbishi Tobva tanwa zvinodzera Musafe makadya izvi Mukaka, magarine, mazai Mafuta akawanda Kana muri kurapwa zvirwere izvo Zvakaita sezve pabonde izvo nhaika Kurapa ronda Torai vana vemupangara Mupise, mupote muchirigeza Muchi zora dota racho ipapo Torai makwati emukarati Mukuye mopota muchizora ronda racho iroro. *NB:THIS IS A EDUTAINMENT PIECE WRITTEN BY ZICH MEDIA RESEARCH TEAM* Follow us on:- *FACEBOOK* *@Zimbabwe Intangible Cultural Heritage* https://www.facebook.com/share/17zXZ2WNmG/?mibextid=wwXIfr *INSTAGRAM* @ *ZICH TV MEDIA* https://www.instagram.com/zichtvmedia/profilecard/?igsh=d3N3ZmlkbTZ4a3E= *TIKTOK* *@ zichtvmedia* https://www.tiktok.com/@zichtvmedia?_t=ZG-8srTiO9lFYH&_r=1 *YOUTUBE* *@ ZICH TV* https://youtube.com/@zichtvmedia?feature=shared 🔄🔄🔄Share our Articles and documentaries with Family and friends