*قرآن مجید کے ایک معلم کہتے ہیں کہ میرے پاس ایک کم سن بچہ شعبہ حفظ میں داخلے کی غرض سے آیا میں نے اس سے پوچھا : کیا تمھیں کلام پاک سے کچھ یاد ہے؟* *بچے نے اثبات میں سر ہلایا* *میں نے کہا : پھر پڑھوں سورہ نباء سے۔* *بچہ پڑھنے لگا یہاں تک کہ سورہ کو مکمل پڑھ ڈالا* *میں نے پھر پوچھا : "سورہ ملک" یاد ہے؟* *کہنے لگا : جی، پوری سورت یاد ہے* *مجھے سن کر بڑا تعجب ہوا کہ اتنی چھوٹی عمر میں اتنی بڑی بڑی سورتیں یاد ہے میں نے دل ہی دل سوچا کہ کسی بڑی سورت کے بارے میں پوچھتا ہوں* *تو میں نے "سورۃ البقرۃ" کے متعلق پوچھا اس پر بھی اس نے اثبات میں جواب دیا اور پوری سورہ کو بنا کسی غلطی کے پڑھ کر سنا دیا۔* *میں نے حیرت و استعجاب کے عالم میں بچے کی جانب دیکھا اور اس سے پوچھا : بیٹے کیا تم نے پورا قرآن مجید حفظ کر لیا ہے؟* *کہا : جی* *میں نے بجے سے کہا آئندہ کل جب آنا تو اپنے والد صاحب کو بھی ساتھ میں لیتے آنا بچہ تو چلا گیا لیکن میں دن بھر اس سوچ میں ڈوبا رہا کہ جب بیٹا اس طرح ہے تو والد کس طرح ہوں گے۔* *اگلے روز صبح جب اس کے والد صاحب حاضر ہوئے تو دیکھ کر مجھے اس سے کہیں زیادہ تعجب ہوا کیوں کہ ظاہر سے نہیں لگ رہا تھا کہ یہ سنت کا اس قدر التزام کرتے ہوں گے* *میں دل ہی دل یہ سب سوچ رہا تھا کہ وہ آگے بڑھے اور کہنے لگا مجھے معلوم ہے آپ مجھے دیکھ کر تعجب کر رہے ہیں لیکن میں جلد آپ کی حیرت کو دور کر دوں گا۔* *یہ جو میرا بیٹا ہے اس کے پیچھے ایک عورت کا ہاتھ ہے جو ہزار آدمی کے برابر ہے آپ کو ایک خوش خبری سناؤں میرے تین بیٹے ہیں اور تینوں حافظ قرآن ہیں اور ایک چھوٹی بیٹی ہے جس کی عمر ابھی چار سال ہے اس نے تیسواں پارہ یاد کر لیا ہے‌۔* *اس میں کمال میرا نہیں ان کی ماں کا ہے جب بھی کوئی بچہ بات کرنے کی عمر کو پہنچتا ہے تو اس کی ماں قرآن کے ساتھ اس کا تعلق مضبوط کرنے لگتی ان کو حفظ پر خوب ابھارتی اور ان کے درمیان حفظ قرآن کے سلسلے میں مقابلہ کرواتی* *کہ آج رات جو سب سے پہلے سبق یاد کر لے گا اس کی پسند کا کھانا تیار کروں گی جو ہفتے بھر کے اسباق کا مراجعہ پہلے کرے گا اس کے اختیار میں ہو گا کہ اس ہفتہ واری چھٹی میں ہم کہاں جائیں* *سال کے آخر میں کچھ اس طرح ابھارتی کہ تم میں جو سب سے پہلے قرآن مکمل کر لے گا سالانہ چھٹی میں وہ جہاں چاہے گا ہم وہیں کا سفر کریں گے* *اور ایسا کرنے سے ان کے دل میں حفظ قرآن اور اس کے مراجعہ کے لیے تنافس اور جذبہ پیدا ہوتا ہاں تو یہ ہیں نیک عورت جب یہ ٹھیک ہو تو پورا گھر جنت نما بن جاتا ہے.* منقول