#آﺏِ_ﺣﯿﺎﺕ #ﺍﺯ_ﻋﻤﯿﺮﮦ_ﺍﺣﻤﺪ #قسط_نمبر_41 ﺟﺒﺮﯾﻞ ﺑﮭﯽ ﻏﺎﺋﺒﺎﻧﮧ ﻃﻮﺭ ﭘﺮ ﻋﺎﺋﺸﮧ ﺳﮯ ﻭﺍﻗﻒ ﺗﮭﺎ، ﺍﻭﺭ ﺍﺱ ﺗﻌﺎﺭﻑ ﮐﯽ ﻭﺟﮧ ﻓﯿﺲ ﺑﮏ ﭘﺮ ﻧﺴﺎﺀ ﮐﮯ status updates ﭘﺮ ﮨﻮﻧﮯ ﻭﺍﻟﮯ ﺗﺒﺼﺮﻭﮞ ﻣﯿﮟ ﺍُﻥ ﮐﺎ ﺣﺼﮧ ﻟﯿﻨﺎ ﺗﮭﺎ۔ ﺍﻭﺭ ﻧﺴﺎﺀ ﻧﮯ ﺍﭘﻨﯽ ﻭﺍﻝ ﭘﺮ ﺟﺒﺮﯾﻞ ﮐﻮ ﺍﭘﻨﯽ ﺑﮩﻦ ﺳﮯ ﻣﺘﻌﺎﺭﻑ ﮐﺮﻭﺍﯾﺎ ﺗﮭﺎ۔ ﻭﮦ ﻏﺎﺋﺒﺎﻧﮧ ﺗﻌﺎﺭﻑ ﺑﺲ ﺍﺗﻨﺎ ﮨﯽ ﺭﮨﺎ ﺗﮭﺎ ﮐﯿﻮﮞ ﮐﮧ ﺟﺒﺮﯾﻞ ﻧﮯ ﮐﺒﮭﯽ ﺍُﺱ ﮐﯽ ID ﮐﮭﻮﺟﻨﮯ ﮐﯽ ﮐﻮﺷﺶ ﻧﮩﯿﮟ ﮐﯽ ﺍﻭﺭ ﻋﺎﺋﺸﮧ ﮐﯽ ﺍﭘﻨﯽ ﻭﺍﻝ ﭘﺮ ﺗﺼﻮﯾﺮﯾﮟ ﺑﮩﺖ ﮐﻢ ﺗﮭﯿﮟ، ﺍُﺱ ﺳﮯ ﺑﮭﯽ ﺯﯾﺎﺩﮦ ﮐﻢ ﻭﮦ ﻟﻮﮒ ﺗﮭﮯ ﺟﻨﮩﯿﮟ ﺍُﺱ ﻧﮯ ﺍﭘﻨﯽ contact list ﻣﯿﮟ add ﮐﯿﺎ ﮨﻮﺍ ﺗﮭﺎ۔ ﻧﺴﺎﺀ ﮐﮯ ﺑﺮﻋﮑﺲ ﺍُﺱ ﮐﺎ ﺣﻠﻘﮧ ﺍﺣﺒﺎﺏ ﺑﮯ ﺣﺪ ﻣﺤﺪﻭﺩ ﺗﮭﺎ، ﺍﻭﺭ ﺍُﺱ ﮐﯽ ﮐﻮﺷﺶ ﺑﮭﯽ ﯾﮩﯽ ﺭﮨﺘﯽ ﺗﮭﯽ ﮐﮧ ﻭﮦ ﺍُﺳﮯ ﺍﺗﻨﺎ ﮨﯽ ﻣﺤﺪﻭﺩ ﺭﮐﮭﮯ۔ ﻋﺎﺋﺸﮧ ﮐﻮ ﺟﺒﺮﯾﻞ ﮐﮯ ﺑﺎﺭﮮ ﻣﯿﮟ ﮨﻤﯿﺸﮧ ﯾﮧ ﻏﻠﻂ ﻓﮩﻤﯽ ﺭﮨﯽ ﮐﮧ ﻭﮦ ﻧﺴﺎﺀ ﻣﯿﮟ ﺍﻧﭩﺮﺳﭩﮉ ﺗﮭﺎ ﺍﻭﺭ ﺍﺱ ﺗﺎﺛﺮ ﮐﯽ ﺑﻨﯿﺎﺩﯼ ﻭﺟﮧ ﺧﻮﺩ ﻧﺴﺎﺀ ﺗﮭﯽ ﺟﻮ ﺍﺱ ﺑﺎﺕ ﮐﻮ ﺍﯾﮉﻣﭧ ﮐﺮﻧﮯ ﻣﯿﮟ ﮐﺒﮭﯽ ﺗﺎﻣّﻞ ﻧﮩﯿﮟ ﮐﺮﺗﯽ ﺗﮭﯽ ﮐﮧ ﻋﻤﺮ ﻣﯿﮟ ﺍُﺱ ﺳﮯ ﭼﮭﻮﭨﺎ ﮨﻮﻧﮯ ﮐﮯ ﺑﺎﻭﺟﻮﺩ ﻭﮦ ﺟﺒﺮﯾﻞ ﮐﻮ ﭘﺴﻨﺪ ﮐﺮﺗﯽ ﺗﮭﯽ۔ ﺍﯾﮏ ﺩﻭﺳﺖ ﮐﮯ ﻃﻮﺭ ﭘﺮ ﺟﺒﺮﯾﻞ ﮐﯽ ﺍُﺱ ﺳﮯ ﺑﮯ ﺗﮑﻠﻔﯽ ﺗﮭﯽ، ﻭﯾﺴﯽ ﮨﯽ ﺑﮯ ﺗﮑﻠّﻔﯽ ﺟﯿﺴﯽ ﺍُﺱ ﮐﯽ ﺍﭘﻨﯽ ﺩﻭﺳﺮﯼ ﮐﻼﺱ ﻓﯿﻠﻮﺯ ﺳﮯ ﺑﮭﯽ ﺗﮭﯽ ﺍﻭﺭ ﻧﺴﺎﺀ ﻧﮯ ﮐﺒﮭﯽ ﺍﺱ ﺑﮯ ﺗﮑﻠّﻔﯽ ﮐﻮ misinterpret ﻧﮩﯿﮟ ﮐﯿﺎ ﺗﮭﺎ۔ ﮐﯿﻮﮞ ﮐﮧ ﺟﺒﺮﯾﻞ ﻟﮍﮐﯿﻮﮞ ﮐﮯ ﺳﺎﺗﮫ ﺑﮯ ﺗﮑﻠّﻔﯽ ﺍﻭﺭ ﺩﻭﺳﺘﯽ ﻣﯿﮟ ﺑﮭﯽ ﺑﮩﺖ ﺳﺎﺭﯼ ﺣﺪﻭﺩ ﻭ ﻗﯿﻮﺩ ﺭﮐﮭﺘﺎ ﺗﮭﺎ ﺍﻭﺭ ﺑﮯ ﺣﺪ ﻣﺤﺘﺎﻁ ﺗﮭﺎ۔ ﻧﺴﺎﺀ ﻋﻤﺮ ﻣﯿﮟ ﺍُﺱ ﺳﮯ ﭼﺎﺭ ﺳﺎﻝ ﺑﮍﯼ ﺗﮭﯽ۔ ﻭﮦ ﺍﭘﻨﮯ ﻗﺪ ﮐﺎﭨﮫ ﺍﻭﺭ maturity ﺩﻭﻧﻮﮞ ﺳﮯ ﭘﻨﺪﺭﮦ ﺳﻮﻟﮧ ﺳﺎﻝ ﮐﺎ ﻧﮩﯿﮟ ﻟﮕﺘﺎ ﺗﮭﺎ ﺍﻭﺭ ﻧﺴﺎﺀ ﯾﮧ ﺑﮭﯽ ﺟﺎﻧﺘﯽ ﺗﮭﯽ۔ ﯾﻮﻧﯿﻮﺭﺳﭩﯽ ﻣﯿﮟ ﺍﺗﻨﺎ ﻭﻗﺖ ﮔﺰﺍﺭ ﻟﯿﻨﮯ ﮐﮯ ﺑﺎﻭﺟﻮﺩ ﺟﺒﺮﯾﻞ ﺍﺑﮭﯽ ﺗﮏ ﮔﺮﻝ ﻓﺮﯾﻨﮉ ﻧﺎﻣﯽ ﮐﺴﯽ ﺑﮭﯽ ﭼﯿﺰ ﮐﮯ ﺑﻐﯿﺮ ﺗﮭﺎ، ﺗﻮ ﺍﯾﺴﮯ ﺣﺎﻻﺕ ﻣﯿﮟ ﺳﺎﻻﺭ ﺳﮑﻨﺪﺭ ﮐﯽ ﺍُﺱ ﻻﺋﻖ ﺍﻭﻻﺩ ﭘﺮ ﻗﺴﻤﺖ ﺁﺯﻣﺎﺋﯽ ﮐﺮﻧﮯ ﮐﮯ ﻟﺌﮯ ﮐﻮﺋﯽ ﺑﮭﯽ ﺗﯿّﺎﺭ ﮨﻮ ﺳﮑﺘﺎ ﺗﮭﺎ۔ ﺻﺮﻑ ﻧﺴﺎﺀ ﮨﯽ ﻧﮩﯿﮟ۔ ﻋﺎﺋﺸﮧ ﻋﺎﺑﺪﯾﻦ ﺍﻥ ﺳﺐ ﭼﯿﺰﻭﮞ ﺳﮯ ﻭﺍﻗﻒ ﺗﮭﯽ ﻧﺴﺎﺀ ﮐﯽ ﺟﺒﺮﯾﻞ ﻣﯿﮟ ﺩﻟﭽﺴﭙﯽ ﺍُﻥ ﮐﮯ ﮔﮭﺮ ﻣﯿﮟ ﺍﯾﮏ ﺍﻭﭘﻦ ﺳﯿﮑﺮﭦ ﺗﮭﺎ ﻟﯿﮑﻦ ﺍﻥ ﺩﻭﻧﻮﮞ ﮐﮯ future ﮐﮯ ﺣﻮﺍﻟﮯ ﺳﮯ ﻧﮧ ﺗﻮ ﺍُﻥ ﮐﻮ ﮐﻮﺋﯽ assurance ﺗﮭﯽ ﻧﮧ ﮨﯽ ﮐﺴﯽ ﺍﻭﺭ ﮐﻮ ﻧﺴﺎﺀ ﺫﮨﺎﻧﺖ ﺍﻭﺭ ﻗﺎﺑﻠﯿﺖ ﺳﮯ ﻣﺘﺎﺛﺮ ﮨﻮﻧﮯ ﻭﺍﻟﻮﮞ ﻣﯿﮟ ﺳﮯ ﺗﮭﯽ ﺍﻭﺭ ﺟﺒﺮﯾﻞ ﺳﮑﻨﺪﺭ ﻭﮦ ﭘﮩﻼ ﺷﺨﺺ ﻧﮩﯿﮟ ﺗﮭﺎ ﺟﺲ ﻧﮯ ﺍُﺳﮯ ﻣﺘﺎﺛﺮ ﮐﯿﺎ ﺗﮭﺎ، ﻣﮕﺮ ﻓﯽ ﺍﻟﺤﺎﻝ ﯾﮧ ﺟﺒﺮﯾﻞ ﮨﯽ ﺗﮭﺎ ﺟﺲ ﮐﺎ ﺫﮐﺮ ﻭﮦ ﮐﺮﺗﯽ ﺭﮨﺘﯽ ﺗﮭﯽ۔ ﻋﺎﺋﺸﮧ ﻋﺎﺑﺪﯾﻦ ﺍﯾﮏ passive observer ﮐﯽ ﻃﺮﺡ ﯾﮧ ﺳﺐ ﮐﭽﮫ ﺩﯾﮑﮭﺘﯽ ﺁﺭﮨﯽ ﺗﮭﯽ ﺍﻭﺭ ﺟﺐ ﺗﮏ ﻭﮦ ﺟﺒﺮﯾﻞ ﺳﮯ ﻣﻠﯽ، ﻭﮦ ﺍُﺱ ﺳﮯ ﭘﮩﻠﮯ ﮨﯽ ﺑﮩﺖ ﻣﺘﺎﺛﺮ ﺗﮭﯽ۔ ﯾﻮﻧﯿﻮﺭﺳﭩﯽ ﮐﮯ ﺍﯾﮏ ﻓﻨﮑﺸﻦ ﻣﯿﮟ ﻭﮦ ﭘﮩﻠﯽ ﺑﺎﺭ ﺟﺒﺮﯾﻞ ﺳﮯ ﺑﺎﻵﺧﺮ ﻣﻠﻨﮯ ﻣﯿﮟ ﮐﺎﻣﯿﺎﺏ ﮨﻮ ﮔﺌﯽ ﺗﮭﯽ۔ ﻧﺴﺎﺀ ﮐﻮ ﺍﻧﺪﺍﺯﮦ ﻧﮩﯿﮟ ﺗﮭﺎ ﮐﮧ ﻋﺎﺋﺸﮧ ﺻﺮﻑ ﺟﺒﺮﯾﻞ ﺳﮯ ﻣﻠﻨﮯ ﮐﮯ ﻟﺌﮯ ﺍُﺱ ﮐﮯ ﺳﺎﺗﮫ ﯾﻮﻧﯿﻮﺭﺳﭩﯽ ﺁﻧﮯ ﭘﺮ ﺗﯿّﺎﺭ ﮨﻮﺋﯽ ﮨﮯ، ﻭﺭﻧﮧ ﻭﮦ ﺟﺐ ﺑﮭﯽ ﺍﻣﺮﯾﮑﮧ ﺁﺗﯽ ﺍُﻥ ﺳﺐ ﮐﯽ ﮐﻮﺷﺸﻮﮞ ﮐﮯ ﺑﺎﻭﺟﻮﺩ ﺍﭘﻨﯽ ﻣﺮﺿﯽ ﮐﯽ ﺟﮕﮩﻮﮞ ﮐﮯ ﻋﻼﻭﮦ ﮐﮩﯿﮟ ﻧﮩﯿﮟ ﺟﺎﺗﯽ ﺗﮭﯽ ﯾﻮﻧﯿﻮﺭﺳﭩﯽ ﻣﯿﮟ ﮨﻮﻧﮯ ﻭﺍﻟﯽ ﮐﻮﺋﯽ ﺗﻘﺮﯾﺐ ﺗﻮ ﻭﮦ ﺷﺎﯾﺪ ﮐﻮﺋﯽ ﺁﺧﺮﯼ ﭼﯿﺰ ﺗﮭﯽ ﺟﺲ ﮐﮯ ﻟﺌﮯ ﻋﺎﺋﺸﮧ ﯾﻮﻧﯿﻮﺭﺳﭩﯽ ﺁﺗﯽ ﺍﻭﺭ ﻧﺴﺎﺀ ﻧﮯ ﯾﮧ ﺑﺎﺕ ﺟﺒﺮﯾﻞ ﺳﮯ ﺍُﺳﮯ ﻣﺘﻌﺎﺭﻑ ﮐﺮﻭﺍﺗﮯ ﮨﻮﺋﮯ ﮐﮩﮧ ﺑﮭﯽ ﺩﯼ ﺗﮭﯽ۔ ﺟﺒﺮﯾﻞ ﺳﮑﻨﺪﺭ ﻭﮦ ﭘﮩﻼ ﻟﮍﮐﺎ ﺗﮭﺎ ﺟﺴﮯ ﺩﯾﮑﮭﻨﮯ ﮐﺎ ﻋﺎﺋﺸﮧ ﻋﺎﺑﺪﯾﻦ ﮐﻮ ﺍﺷﺘﯿﺎﻕ ﮨﻮﺍ ﺗﮭﺎ ﺍﻭﺭ ﺟﺒﺮﯾﻞ ﺳﮑﻨﺪﺭ ﮨﯽ ﻭﮦ ﭘﮩﻼ ﻟﮍﮐﺎ ﺗﮭﺎ ﺟﺴﮯ ﻋﺎﺋﺸﮧ ﻋﺎﺑﺪﯾﻦ ﺍﭘﻨﮯ ﺫﮨﻦ ﺳﮯ ﻧﮑﺎﻟﻨﮯ ﻣﯿﮟ ﺍﮔﻠﮯ ﮐﺌﯽ ﺳﺎﻝ ﺗﮏ ﮐﺎﻣﯿﺎﺏ ﻧﮩﯿﮟ ﮨﻮ ﺳﮑﯽ ﺗﮭﯽ۔ ﺗﺼﻮﯾﺮﯾﮟ ﮐﺒﮭﯽ ﮐﺒﮭﺎﺭ ﮐﺴﯽ ﺷﺨﺺ ﮐﯽ ﺷﺨﺼﯿﺖ ﺍﻭﺭ ﻭﺟﺎﮨﺖ ﮐﻮ ﮐﯿﻤﻮﻓﻼﺝ ﮐﺮ ﺩﯾﺘﯽ ﮨﯿﮟ ﺍﻭﺭ ﺑﮩﺖ ﺍﭼﮭﺎ ﮐﺮﺗﯽ ﮨﯿﮟ۔ ﻣﺤﻤﺪ ﺟﺒﺮﯾﻞ ﺳﮑﻨﺪﺭ charismatic ﺗﮭﺎ ﺧﻄﺮﻧﺎﮎ ﺣﺪ ﺗﮏ ﻣﺘﺎﺛﺮ ﺍﻭﺭ ﻣﺮﻋﻮﺏ ﮐﺮﻧﮯ ﻭﺍﻟﯽ ﺷﺨﺼﯿﺖ ﺭﮐﮭﺘﺎ ﺗﮭﺎ 16 ﺳﺎﻝ ﮐﯽ ﻋﻤﺮ ﻣﯿﮟ ﺑﮭﯽ ﻭﮦ ﺗﻘﺮﯾﺒﺎً ﭼﮭﮯ ﻓﭧ ﻗﺪ ﮐﮯ ﺳﺎﺗﮫ ﺳﺎﻻﺭ ﺳﮑﻨﺪﺭ ﮐﯽ ﮔﮩﺮﯼ ﺳﯿﺎﮦ ﺁﻧﮑﮭﯿﮟ ﺍﻭﺭ ﺍﭘﻨﯽ ﻣﺎﮞ ﮐﮯ ﺗﯿﮑﮭﮯ ﻧﯿﻦ ﻧﻘﻮﺵ ﺍﻭﺭ ﺑﮯ ﺣﺪ ﺑﮭﺎﺭﯼ ﺁﻭﺍﺯ ﮐﮯ ﺳﺎﺗﮫ ﺍﯾﮏ ﻋﺠﯿﺐ ﭨﮭﮩﺮﺍﺅ ﮐﺎ ﻣﻨﺒﻊ ﺩِﮐﮭﺘﺎ ﺗﮭﺎ ﺍﯾﮏ ﺑﮯ ﺣﺪ casual ﮈﺍﺭﮎ ﺑﻠﻮ ﺟﯿﻨﺰ ﺍﻭﺭ ﺩﮬﺎﺭﯼ ﺩﺍﺭ ﺑﻠﯿﮏ ﺍﯾﻨﮉ ﻭﺍﺋﭧ ﭨﯽ ﺷﺮﭦ ﻣﯿﮟ ﻣﻠﺒﻮﺱ ﺟﺒﺮﯾﻞ ﺳﮑﻨﺪﺭ ﻣﺴﮑﺮﺍﺗﮯ ﮨﻮﺋﮯ ﭘﮩﻠﯽ ﺑﺎﺭ ﻋﺎﺋﺸﮧ ﻋﺎﺑﺪﯾﻦ ﺳﮯ ﻣﺨﺎﻃﺐ ﮨﻮﺍ ﺗﮭﺎ ﺍﻭﺭ ﻭﮦ ﺑُﺮﯼ ﻃﺮﺡ ﻧﺮﻭﺱ ﮨﻮﺋﯽ ﺗﮭﯽ ﻭﮦ ﻧﺮﻭﺱ ﮨﻮﻧﺎ ﻧﮩﯿﮟ ﭼﺎﮨﺘﯽ ﺗﮭﯽ ﻟﯿﮑﻦ ﺟﺒﺮﯾﻞ ﺳﮯ ﻭﮨﺎﮞ ﮐﮭﮍﮮ ﺻﺮﻑ ﻣﺨﺎﻃﺐ ﮨﻮﻧﺎ ﺑﮭﯽ ﺍُﺳﮯ ﺍُﺱ ﮐﮯ ﭘﯿﺮﻭﮞ ﺳﮯ ﮨﻼﻧﮯ ﮐﮯ ﻟﺌﮯ ﮐﺎﻓﯽ ﺗﮭﺎ۔ ﻭﮦ ﺻﺮﻑ ﻧﺴﺎﺀ ﮨﯽ ﻧﮩﯿﮟ ﮐﺴﯽ ﺑﮭﯽ ﻋﻤﺮ ﮐﯽ ﮐﺴﯽ ﺑﮭﯽ ﻟﮍﮐﯽ ﮐﻮ ﭘﺎﮔﻞ ﮐﺮﻧﮯ ﮐﯽ ﺻﻼﺣﯿﺖ ﺭﮐﮭﺘﺎ ﺗﮭﺎ۔ ﻋﺎﺋﺸﮧ ﻋﺎﺑﺪﯾﻦ ﻧﮯ ﺩﻝ ﮨﯽ ﺩﻝ ﻣﯿﮟ ﺍﻋﺘﺮﺍﻑ ﮐﯿﺎ ﺗﮭﺎ۔ ” ﮐﯿﻮﮞ؟ ﺁﭖ ﮐﻮ ﺍﭼﮭﺎ ﻧﮩﯿﮟ ﻟﮕﺘﺎ ﺍﻣﺮﯾﮑﮧ ﺁﮐﺮ ﮔﮭﻮﻣﻨﺎ ﭘﮭﺮﻧﺎ؟ ” ﺍُﺱ ﻧﮯ ﻧﺴﺎﺀ ﮐﮯ ﮐﺴﯽ ﺗﺒﺼﺮﮮ ﭘﺮ ﻋﺎﺋﺸﮧ ﺳﮯ ﭘﻮﭼﮭﺎ ﺗﮭﺎ۔ ” ﻧﮩﯿﮟ ﻣﺠﮭﮯ ﺍﭼﮭﺎ ﻟﮕﺘﺎ ﮨﮯ، ﻟﯿﮑﻦ ﺑﮩﺖ ﺯﯾﺎﺩﮦ ﻧﮩﯿﮟ۔ ” ﻭﮦ ﮔﮍﺑﮍﺍﺋﯽ۔ ﺍُﺱ ﻧﮯ ﺧﻮﺩ ﮐﻮ ﺳﻨﺒﮭﺎﻻ، ﭘﮭﺮ ﺟﺒﺮﯾﻞ ﮐﮯ ﺳﻮﺍﻝ ﮐﺎ ﺟﻮﺍﺏ ﺩﯾﺎ ﺟﺲ ﮐﯽ ﺁﻧﮑﮭﯿﮟ ﺍُﺳﯽ ﭘﺮ ﭨﮑﯽ ﮨﻮﺋﯽ ﺗﮭﯿﮟ۔ ﻭﮦ ﺍﺏ ﺳﯿﻨﮯ ﭘﺮ ﺑﺎﺯﻭ ﻟﭙﯿﭩﮯ ﮨﻮﺋﮯ ﺗﮭﺎ۔ ﻭﮦ ﺍُﺱ ﮐﮯ ﺟﻮﺍﺏ ﭘﺮ ﻣﺴﮑﺮﺍﯾﺎ ﺗﮭﺎ ﭘﮭﺮ ﺍُﺱ ﻧﮯ ﻧﺴﺎﺀ ﮐﻮ ﻓﻨﮑﺸﻦ ﮐﮯ ﺑﻌﺪ ﻋﺎﺋﺸﮧ ﮐﮯ ﺳﺎﺗﮫ ﮐﺴﯽ ﺭﯾﺴﭩﻮﺭﻧﭧ ﻣﯿﮟ ﮐﺎﻓﯽ ﮐﯽ ﺩﻋﻮﺕ ﺩﯼ ﺗﮭﯽ ﺟﻮ ﻧﺴﺎﺀ ﻧﮯ ﻗﺒﻮﻝ ﮐﺮ ﻟﯽ ﺗﮭﯽ، ﻭﮦ ﺩﻭﻧﻮﮞ ﺍﭘﻨﮯ ﮐﭽﮫ ﺩﻭﺳﺘﻮﮞ ﮐﺎ ﺍﻧﺘﻈﺎﺭ ﮐﺮﺗﮯ ﮨﻮﺋﮯ ﮔﭗ ﺷﭗ ﻣﯿﮟ ﻣﺼﺮﻭﻑ ﮨﻮ ﮔﺌﮯ ﺗﮭﮯ ﻋﺎﺋﺸﮧ ﺍﯾﮏ ﺑﺎﺭ ﭘﮭﺮ passive observer ﺑﻦ ﮔﺌﯽ ﺗﮭﯽ۔ ﻧﺴﺎﺀ ﺍﯾﮏ ﺑﮩﺖ dominating ﻟﮍﮐﯽ ﺗﮭﯽ ﺍﻭﺭ ﮔﮭﺮ ﻣﯿﮟ ﻭﮦ ﮨﺮ ﮐﺎﻡ ﺍﭘﻨﯽ ﻣﺮﺿﯽ ﺍﻭﺭ ﺍﭘﻨﮯ ﻃﺮﯾﻘﮯ ﺳﮯ ﮐﺮﻭﺍﻧﮯ ﮐﯽ ﻋﺎﺩﯼ ﺗﮭﯽ ﻟﯿﮑﻦ ﻋﺎﺋﺸﮧ ﻧﮯ ﻧﻮﭨﺲ ﮐﯿﺎ ﺗﮭﺎ، ﻧﺴﺎﺀ ﺟﺒﺮﯾﻞ ﮐﮯ ﺳﺎﺗﮫ ﺍُﺱ ﻃﺮﺡ ﻧﮩﯿﮟ ﮐﺮ ﺭﮨﯽ ﺗﮭﯽ۔ ﻭﮦ ﺍُﺱ ﮐﯽ ﭘﻮﺭﯼ ﺑﺎﺕ ﺳﻦ ﮐﺮ ﮐﭽﮫ ﮐﮩﺘﯽ ﺍﻭﺭ ﺍُﺱ ﮐﯽ ﺑﮩﺖ ﺳﯽ ﺑﺎﺗﻮﮞ ﺳﮯ ﺍﺗﻔﺎﻕ ﮐﺮ ﺭﮨﯽ ﺗﮭﯽ۔ ﺍﯾﮏ ﺩﻭﺳﺮﮮ ﮐﮯ ﺳﺎﺗﮫ ﮐﮭﮍﮮ ﻋﺎﺋﺸﮧ ﻋﺎﺑﺪﯾﻦ ﮐﻮ ﻭﮦ ﺑﮯ ﺣﺪ ﺍﭼﮭﮯ ﻟﮓ ﺭﮨﮯ ﺗﮭﮯ ﺍﯾﮏ ﭘﺮﻓﯿﮑﭧ ﮐﭙﻞ ﺟﺲ ﭘﺮ ﺍُﺳﮯ ﺭﺷﮏ ﺁ ﺭﮨﺎ ﺗﮭﺎ ﺍﻭﺭ ﺟﺒﺮﯾﻞ ﺳﮯ ﺍﺱ ﻃﺮﺡ ﻣﺘﺎﺛﺮ ﮨﻮﻧﮯ ﮐﮯ ﺑﺎﻭﺟﻮﺩ ﻭﮦ ﺍُﺳﮯ ﻧﺴﺎﺀ ﮐﯽ ﺯﻧﺪﮔﯽ ﮐﮯ ﺳﺎﺗﮭﯽ ﮐﮯ ﻃﻮﺭ ﭘﺮ ﮨﯽ ﺩﯾﮑﮫ ﺭﮨﯽ ﺗﮭﯽ ﻧﺴﺎﺀ ﮐﺎ taste ﺍﻭﺭ ﭼﻮﺍﺋﺲ ﮨﺮ ﭼﯿﺰ ﻣﯿﮟ ﺍﭼﮭﯽ ﺍﻭﺭ ﻣﻨﻔﺮﺩ ﺗﮭﯽ ﺍﻭﺭ ﺟﺒﺮﯾﻞ ﺍُﺱ ﮐﺎ ﺍﯾﮏ ﺍﻭﺭ ﺛﺒﻮﺕ ﮨﮯ۔ ﻓﻨﮑﺸﻦ ﮐﮯ ﺑﻌﺪ ﻭﮦ ﻧﺴﺎﺀ ﺍﻭﺭ ﺟﺒﺮﯾﻞ ﮐﮯ ﮐﭽﮫ ﺩﻭﺳﺘﻮﮞ ﮐﮯ ﺳﺎﺗﮫ ﺍﯾﮏ ﮐﯿﻔﮯ ﻣﯿﮟ ﮐﺎﻓﯽ ﭘﯿﻨﮯ ﮔﺌﯽ ﺗﮭﯽ، ﯾﮧ ﺍﯾﮏ ﺍﺗﻔﺎﻕ ﺗﮭﺎ ﯾﺎ ﺧﻮﺵ ﻗﺴﻤﺘﯽ ﮐﮧ ﭼﮭﮯ ﻟﻮﮔﻮﮞ ﮐﮯ ﺍُﺱ ﮔﺮﻭﭖ ﻣﯿﮟ ﺟﺒﺮﯾﻞ ﺍﻭﺭ ﻋﺎﺋﺸﮧ ﮐﯽ ﺳﯿﭩﺲ ﺍﯾﮏ ﺩﻭﺳﺮﮮ ﮐﮯ ﺳﺎﺗﮫ ﺗﮭﯿﮟ۔ ﻧﺴﺎﺀ ﺟﺒﺮﯾﻞ ﮐﮯ ﺑﺎﻟﻤﻘﺎﺑﻞ ﻣﯿﺰ ﮐﮯ ﺩﻭﺳﺮﯼ ﺟﺎﻧﺐ ﺗﮭﯽ ﺍﻭﺭ ﻋﺎﺋﺸﮧ ﮐﮯ ﺩﻭﺳﺮﯼ ﻃﺮﻑ ﻧﺴﺎﺀ ﮐﯽ ﺍﯾﮏ ﺍﻭﺭ ﺩﻭﺳﺖ ﺳﻮﺯﯾﻦ۔ ﻋﺎﺋﺸﮧ ﻋﺎﺑﺪﯾﻦ ﮐﯽ nervousness ﺍﺏ ﺍﭘﻨﯽ ﺍﻧﺘﮩﺎ ﮐﻮ ﺗﮭﯽ۔ ﻭﮦ ﺍُﺱ ﮐﮯ ﺍﺗﻨﮯ ﻗﺮﯾﺐ ﺗﮭﯽ ﮐﮧ ﺍُﺱ ﮐﮯ ﭘﺮﻓﯿﻮﻡ ﮐﯽ ﺧﻮﺷﺒﻮ ﻣﺤﺴﻮﺱ ﮐﺮ ﺭﮨﯽ ﺗﮭﯽ۔ ﭨﯿﺒﻞ ﭘﺮ ﺩﮬﺮﮮ ﺍُﺱ ﮐﮯ ﮨﺎﺗﮫ ﮐﯽ ﮐﻼﺋﯽ ﻣﯿﮟ ﺑﻨﺪﮬﯽ ﮔﮭﮍﯼ ﺳﮯ ﮈﺍﺋﻞ ﭘﺮ ﭨﮏ ﭨﮏ ﮐﺮﺗﯽ ﺳﻮﺋﯽ ﺩﯾﮑﮫ ﺳﮑﺘﯽ ﺗﮭﯽ ﻟﯿﮑﻦ ﺍﮔﺮ ﻭﮦ ﮐﭽﮫ ﻧﮩﯿﮟ ﮐﺮ ﺳﮑﺘﯽ ﺗﮭﯽ ﺗﻮ ﻭﮦ ﮔﺮﺩﻥ ﻣﻮﮌ ﮐﺮ ﺍُﺳﮯ ﺍﺗﻨﮯ ﻗﺮﯾﺐ ﺳﮯ ﺩﯾﮑﮭﻨﺎ ﺗﮭﺎ۔ ﻭﮦ ﻏﻠﻂ ﺟﮕﮧ ﺑﯿﭩﮫ ﮔﺌﯽ ﺗﮭﯽ ﻋﺎﺋﺸﮧ ﻋﺎﺑﺪﯾﻦ ﮐﻮﻣﯿﻨﯿﻮ ﺩﯾﮑﮭﺘﮯ ﮨﻮﺋﮯ ﺍﺣﺴﺎﺱ ﮨﻮﺍ ﺗﮭﺎ۔ ﺟﺒﺮﯾﻞ ﻣﯿﺰﺑﺎﻥ ﺗﮭﺎ ﺍﻭﺭ ﻭﮦ ﺳﺐ ﮨﯽ ﺳﮯ ﭘﻮﭼﮫ ﺭﮨﺎ ﺗﮭﺎ، ﺍُﺱ ﻧﮯ ﻋﺎﺋﺸﮧ ﺳﮯ ﺑﮭﯽ ﭘﻮﭼﮭﺎ ﺗﮭﺎ۔ ﻋﺎﺋﺸﮧ ﮐﻮ ﻣﯿﻨﯿﻮ ﮐﺎﺭﮈ ﭘﺮ ﺍُﺱ ﻭﻗﺖ ﮐﭽﮫ ﺑﮭﯽ ﻟﮑﮭﺎ ﻧﮩﯿﮟ ﺩﮐﮫ ﺭﮨﺎ ﺗﮭﺎ۔ ﺟﻮ ﺩﮐﮫ ﺑﮭﯽ ﺭﮨﺎ ﺗﮭﺎ ﻭﮦ ﺍﺱ ﺍﺣﺴﺎﺱ ﺳﮯ ﻏﺎﺋﺐ ﮨﻮ ﮔﯿﺎ ﺗﮭﺎ ﮐﮧ ﻭﮦ ﮔﺮﺩﻥ ﻣﻮﮌ ﮐﺮ ﺍُﺳﮯ ﺩﯾﮑﮫ ﺭﮨﺎ ﺗﮭﺎ۔ ” ﺟﻮ ﺳﺐ ﻟﯿﮟ ﮔﮯ ﻣﯿﮟ ﺑﮭﯽ ﻟﮯ ﻟﻮﮞ ﮔﯽ۔ ” ﻋﺎﺋﺸﮧ ﻧﮯ ﺟﯿﺴﮯ ﺳﺐ ﺳﮯ ﻣﺤﻔﻮﻅ ﺣﻞ ﺗﻼﺵ ﮐﯿﺎ ﺗﮭﺎ، ﺟﺒﺮﯾﻞ ﻣﺴﮑﺮﺍﯾﺎ ﺍﻭﺭ ﺍُﺱ ﻧﮯ ﺍﭘﻨﺎ ﺍﻭﺭ ﺍُﺱ ﮐﺎ ﺁﺭﮈﺭ ﺍﯾﮏ ﮨﯽ ﺟﯿﺴﺎ ﻧﻮﭦ ﮐﺮﻭﺍﯾﺎ۔ ﻭﮦ ﺍﯾﮏ ﻭﯾﺠﯽ ﭨﯿﺒﻞ ﭘﯿﺰﺍ ﺗﮭﺎ ﺟﺴﮯ ﺍُﺱ ﻧﮯ ﮈﺭﻧﮑﺲ ﮐﮯ ﺳﺎﺗﮫ ﺁﺭﮈﺭ ﮐﯿﺎ ﺗﮭﺎ ﺍﻭﺭ ﺑﻌﺪ ﻣﯿﮟ ﮐﺎﻓﯽ ﮐﮯ ﺳﺎﺗﮫ ﭼﺎﮐﻠﯿﭧ ﻣﻮﺯ۔ ﻧﺴﺎﺀ ﺍﭘﻨﺎ ﺁﺭﮈﺭ ﭘﮩﻠﮯ ﺩﮮ ﭼﮑﯽ ﺗﮭﯽ ﺍﻭﺭ ﺑﺎﻗﯽ ﺳﺐ ﻟﻮﮒ ﺑﮭﯽ ﺍﭘﻨﮯ ﺁﺭﮈﺭ ﻧﻮﭦ ﮐﺮﻭﺍﺭﮨﮯ ﺗﮭﮯ۔ ﮨﯿﻢ ﺑﺮﮔﺮ … ﺷﺮﻣﭙﺲ … stuffed turkey … ﯾﮧ ﺍﻣﺮﯾﮑﻦ ﺩﻭﺳﺘﻮﮞ ﮐﮯ ﺁﺭﮈﺭﺯ ﺗﮭﮯ۔ ﻧﺴﺎﺀ ﻧﮯ ﺍﯾﮏ Salmon Sandwich ﻣﻨﮕﻮﺍﯾﺎ ﺗﮭﺎ۔ ” ﻣﯿﮟ ﺍﺱ ﺳﺎﻝ ﻣﯿﮉﯾﮑﻞ ﻣﯿﮟ ﭼﻠﯽ ﺟﺎﺅﮞ ﮔﯽ، ﻣﯿﺮﺍ ﺍﯾﮉﻣﯿﺸﻦ ﮨﻮ ﮔﯿﺎ ﮨﮯ۔ ” ﺭﻭﭨﯿﻦ ﮐﯽ ﮔﻔﺘﮕﻮ ﮐﮯ ﺩﻭﺭﺍﻥ ﺟﺒﺮﯾﻞ ﮐﮯ ﺳﻮﺍﻝ ﭘﺮ ﯾﮏ ﺩﻡ ﺍُﺱ ﻧﮯ ﺑﺘﺎﯾﺎ۔ ۔ ”!Fantastic“ ﺍُﺱ ﻧﮯ ﺟﻮﺍﺑﺎً ﻣﺴﮑﺮﺍﺗﮯ ﮨﻮﺋﮯ ﮐﮩﺎ ﻟﯿﮑﻦ ﯾﮧ ﻧﮩﯿﮟ ﺑﺘﺎﯾﺎ ﮐﮧ ﻭﮦ ﺧﻮﺩ ﺑﮭﯽ ﻣﯿﮉﯾﺴﻦ ﻣﯿﮟ ﮨﯽ ﺟﺎ ﺭﮨﺎ ﺗﮭﺎ۔ ﻭﮦ ﺳﺐ ﻟﻮﮒ ﮔﻔﺘﮕﻮ ﻣﯿﮟ ﻣﺼﺮﻭﻑ ﺗﮭﮯ ﺍﻭﺭ ﺍﺱ ﮔﻔﺘﮕﻮ ﻣﯿﮟ ﺍُﺱ ﮐﯽ ﺧﺎﻣﻮﺷﯽ ﮐﻮ ﺟﺒﺮﯾﻞ ﮨﯽ ﻭﻗﺘﺎً ﻓﻮﻗﺘﺎً ﺍﯾﮏ ﺳﻮﺍﻝ ﺳﮯ ﺗﻮﮌﺗﺎ۔ ﻭﮦ ﺟﯿﺴﮯ ﺍُﺳﮯ ﺑﻮﺭﯾﺖ ﺳﮯ ﺑﭽﺎﻧﮯ ﮐﯽ ﮐﻮﺷﺶ ﮐﺮﺭﮨﺎ ﺗﮭﺎ ﯾﺎ ﭘﮭﺮ engage ﮐﺮﻧﮯ ﮐﯽ ﺍﻭﺭ ﻋﺎﺋﺸﮧ ﻧﮯ ﯾﮧ ﭼﯿﺰ ﻣﺤﺴﻮﺱ ﮐﯽ ﺗﮭﯽ۔ ﻭﮦ ﺟﻦ ﭨﯿﻦ ﺍﯾﺠﺮﺯ ﮐﻮ ﺟﺎﻧﺘﯽ ﺗﮭﯽ، ﻭﮦ ﺍﻭﺭ ﻃﺮﺡ ﮐﮯ ﺗﮭﮯ ﯾﮧ ﺍﻭﺭ ﻃﺮﺡ ﮐﺎ ﺗﮭﺎ۔ ﮐﮭﺎﻧﺎ ﺁﻧﮯ ﭘﺮ ﻭﮦ ﺍُﺳﯽ ﻃﺮﺡ ﮔﻔﺘﮕﻮ ﻣﯿﮟ ﻣﺼﺮﻭﻑ ﺧﻮﺩ ﮐﮭﺎﻧﮯ ﮐﮯ ﺳﺎﺗﮫ ﺳﺎﺗﮫ ﻋﺎﺋﺸﮧ ﮐﻮ ﺑﮭﯽ ﺳﺮﻭ ﮐﺮﺗﺎ ﺭﮨﺎ۔ ﯾﻮﮞ ﺟﯿﺴﮯ ﻭﮦ ﺭﻭﭨﯿﻦ ﻣﯿﮟ ﯾﮧ ﺳﺐ ﮐﺮﻧﮯ ﮐﺎ ﻋﺎﺩﯼ ﺭﮨﺎ ﮨﻮ۔ ﻣﺤﻤﺪ ﺟﺒﺮﯾﻞ ﺳﮑﻨﺪﺭ ﺳﮯ ﮨﻮﻧﮯ ﻭﺍﻟﯽ ﻭﮦ ﭘﮩﻠﯽ ﻣﻼﻗﺎﺕ ﺍﻭﺭ ﺍُﺱ ﻣﯿﮟ ﮨﻮﻧﮯ ﻭﺍﻟﯽ ﺍﯾﮏ ﺍﯾﮏ ﭼﯿﺰ ﻋﺎﺋﺸﮧ ﻋﺎﺑﺪﯾﻦ ﮐﮯ ﺫﮨﻦ ﺍﻭﺭ ﺩﻝ ﺩﻭﻧﻮﮞ ﭘﺮ ﻧﻘﺶ ﮨﻮ ﮔﺌﯽ ﺗﮭﯿﮟ۔ ” ﺟﺲ ﺑﮭﯽ ﻟﮍﮐﯽ ﮐﺎ ﯾﮧ ﻧﺼﯿﺐ ﮨﻮ ﮔﺎ، ﻭﮦ ﺑﮯ ﺣﺪ ﺧﻮﺵ ﻗﺴﻤﺖ ﮨﻮﮔﯽ۔ ” ﺍُﺱ ﻧﮯ ﺳﻮﭼﺎ ﺗﮭﺎ۔ ” ﮐﺎﺵ ﯾﮧ ﻧﺴﺎﺀ ﮨﯽ ﮐﻮ ﻣﻞ ﺟﺎﺋﮯ ”! ﺍُﺱ ﻧﮯ ﺑﮯ ﺣﺪ ﺩﻝ ﺳﮯ ﺧﻮﺍﮨﺶ ﺍﻭﺭ ﺩﻋﺎ ﮐﯽ ﺗﮭﯽ۔ ﺍُﺱ ﻋﻤﺮ ﻣﯿﮟ ﺑﮭﯽ ﺍُﺱ ﻧﮯ ﺍﭘﻨﯽ ﺯﻧﺪﮔﯽ ﮐﮯ ﺣﻮﺍﻟﮯ ﺳﮯ ﮐﭽﮫ ﺑﮭﯽ ﺳﻮﭼﻨﺎ ﺷﺮﻭﻉ ﻧﮩﯿﮟ ﮐﯿﺎ ﺗﮭﺎ۔ ﺍﮔﺮ ﮐﺮﺗﯽ ﺗﻮ ﺟﺒﺮﯾﻞ ﻭﮦ ﭘﮩﻼ ﻟﮍﮐﺎ ﮨﻮﺗﺎ ﺟﺲ ﺟﯿﺴﮯ ﺷﺨﺺ ﮐﯽ ﺧﻮﺍﮨﺶ ﻭﮦ ﺍﭘﻨﮯ ﻟﺌﮯ ﺑﮭﯽ ﮐﺮﺗﯽ۔ ﺟﺒﺮﯾﻞ ﻧﮯ ﺍُﺱ ﮐﮯ ﻻﺷﻌﻮﺭ ﮐﻮ ﺍُﺱ ﭘﮩﻠﯽ ﻣﻼﻗﺎﺕ ﻣﯿﮟ ﺍﺱ ﻃﺮﺡ ﺍﺛﺮ ﺍﻧﺪﺍﺯ ﮐﯿﺎ ﺗﮭﺎ۔ ” ﻣﯿﮟ ﺗﻤﮩﺎﺭﮮ ﻟﺌﮯ ﺑﮩﺖ ﺩﻋﺎ ﮐﺮ ﺭﮨﯽ ﮨﻮﮞ ﻧﺴﺎﺀ ﮐﮧ ﺗﻤﮩﺎﺭﯼ ﺷﺎﺩﯼ ﺟﺒﺮﯾﻞ ﺳﮯ ﮨﻮ ﺟﺎﺋﮯ ﺟﺐ ﺑﮭﯽ ﮨﻮ ﻭﮦ ﺑﮩﺖ ﺍﭼﮭﺎ ﮨﮯ۔ ” ﺍﺱ ﮐﯿﻔﮯ ﺳﮯ ﺍُﺱ ﺷﺎﻡ ﮔﮭﺮ ﻭﺍﭘﺲ ﺁﻧﮯ ﮐﮯ ﺑﻌﺪ ﻋﺎﺋﺸﮧ ﻧﮯ ﻧﺴﺎﺀ ﺳﮯ ﮐﮩﺎﺗﮭﺎ۔ ﻭﮦ ﺟﻮﺍﺑﺎً ﮨﻨﺴﯽ۔ ” ﺧﯿﺮ ﺍﺑﮭﯽ ﺷﺎﺩﯼ ﻭﻏﯿﺮﮦ ﮐﺎ ﺗﻮ ﮐﻮﺋﯽ ﺳﯿﻦ ﻧﮩﯿﮟ ﮨﻮ ﺳﮑﺘﺎ ﮨﻢ ﺩﻭﻧﻮﮞ ﮐﮯ ﻟﺌﮯ ﻭﮦ ﺑﮩﺖ young ﮨﮯ ﺍﻭﺭ ﻣﺠﮭﮯ ﺍﭘﻨﺎ ﮐﯿﺮﯾﺌﺮ ﺑﻨﺎﻧﺎ ﮨﮯ، ﻟﯿﮑﻦ ﻣﺠﮭﮯ ﻭﮦ ﺑﮩﺖ ﭘﺴﻨﺪ ﮨﮯ ﺍﻭﺭ ﺍﮔﺮ ﮐﺒﮭﯽ ﺑﮭﯽ ﺍُﺱ ﻧﮯ ﻣﺠﮫ ﺳﮯ ﮐﭽﮫ ﮐﮩﺎ ﺗﻮ ﻣﯿﮟ ﺍﻧﮑﺎﺭ ﻧﮩﯿﮟ ﮐﺮﻭﮞ ﮔﯽ ﮐﻮﻥ ﺍﻧﮑﺎﺭ ﮐﺮ ﺳﮑﺘﺎ ﮨﮯ ﺟﺒﺮﯾﻞ ﮐﻮ۔ ” ﺍﭘﻨﮯ ﺑﯿﮉﺭﻭﻡ ﻣﯿﮟ ﮐﭙﮍﮮ ﺗﺒﺪﯾﻞ ﮐﺮﻧﮯ ﮐﮯ ﻟﺌﮯ ﻧﮑﺎﻟﺘﮯ ﮨﻮﺋﮯ ﻧﺴﺎﺀ ﻧﮯ ﺍُﺱ ﺳﮯ ﮐﮩﺎ۔ ” ﺍُﺱ ﮐﮯ ﻣﺎﮞ ﺑﺎﭖ ﻧﮯ ﺑﮩﺖ ﺍﭼﮭﯽ ﺗﺮﺑﯿﺖ ﮐﯽ ﮨﮯ ﺍُﺱ ﮐﯽ۔ ﺗﻢ ﻧﮯ ﺩﯾﮑﮭﺎ، ﻭﮦ ﮐﺲ ﻃﺮﺡ ﺗﻤﮩﯿﮟ ﺗﻮﺟﮧ ﺩﮮ ﺭﮨﺎ ﺗﮭﺎ۔ ﻣﺠﮭﮯ ﯾﺎﺩ ﻧﮩﯿﮟ، ﻣﯿﮟ ﮐﺒﮭﯽ ﺍﭘﻨﮯ ﺳﺎﺗﮫ ﮐﻮﺋﯽ guest ﻟﮯ ﮐﺮ ﮔﺌﯽ ﮨﻮﮞ ﺍﻭﺭ ﺟﺒﺮﯾﻞ ﻧﮯ ﺍُﺳﮯ ﺍﺱ ﻃﺮﺡ attention ﻧﮧ ﺩﯼ ﮨﻮ۔ ” ﻭﮦ ﮐﮩﺘﯽ ﭼﻠﯽ ﮔﺌﯽ۔ ﻋﺎﺋﺸﮧ ﮐﺎ ﺩﻝ ﻋﺠﯿﺐ ﺍﻧﺪﺍﺯ ﻣﯿﮟ ﺑُﺠﮭﺎ۔ ﺗﻮ ﻭﮦ ﺗﻮﺟﮧ ﺳﺐ ﮨﯽ ﮐﮯ ﻟﺌﮯ ﮨﻮﺗﯽ ﺗﮭﯽ ﺍﻭﺭ ﻋﺎﺩﺕ ﺗﮭﯽ، favor ﻧﮩﯿﮟ۔ ﺍُﺱ ﻧﮯ ﮐﭽﮫ ﻣﺎﯾﻮﺳﯽ ﺳﮯ ﺳﻮﭼﺎ۔ “ Fair enough ” ” ﺗﻤﮩﯿﮟ ﭘﺘﮧ ﮨﮯ، ﻣﺠﮭﮯ ﮐﯿﻮﮞ ﺍﭼﮭﺎ ﻟﮕﺘﺎ ﮨﮯ ﻭﮦ … ؟ ” ﻧﺴﺎﺀ ﺍُﺱ ﺳﮯ ﮐﮩﮧ ﺭﮨﯽ ﺗﮭﯽ۔ ” ﻭﮦ ﺣﺎﻓﻆِ ﻗﺮﺁﻥ ﮨﮯ۔ ﺑﮯ ﺣﺪ practising ﮨﮯ۔ ﮐﺒﮭﯽ ﺗﻢ ﺍُﺱ ﮐﯽ ﺗﻼﻭﺕ ﺳﻨﻮ۔ ﻟﯿﮑﻦ ﺍﺗﻨﺎ ﻣﺬﮨﺒﯽ ﮨﻮﻧﮯ ﮐﮯ ﺑﺎﻭﺟﻮﺩ ﻭﮦ ﺑﮩﺖ ﻟﺒﺮﻝ ﮨﮯ، ﺗﻨﮓ ﻧﻈﺮ ﻧﮩﯿﮟ ﮨﮯ۔ ﺟﯿﺴﮯ ﺑﮩﺖ ﺳﺎﺭﮮ new born Muslims ﮨﻮ ﺟﺎﺗﮯ ﮨﯿﮟ۔ ﻧﮧ ﮨﯽ ﺍﺱ ﮐﻮ ﻣﯿﮟ ﻧﮯ ﮐﺒﮭﯽ ﺩﻭﺳﺮﻭﮞ ﮐﮯ ﺣﻮﺍﻟﮯ ﺳﮯ judgemental ﭘﺎﯾﺎ ﮨﮯ۔ ﻣﺠﮭﮯ ﻧﮩﯿﮟ ﯾﺎﺩ ﮐﺒﮭﯽ ﺍُﺱ ﻧﮯ ﻣﯿﺮﮮ ﯾﺎ ﮐﺴﯽ ﺍﻭﺭ ﻓﯽ ﻣﯿﻞ ﮐﻼﺱ ﻓﯿﻠﻮ ﮐﮯ ﻟﺒﺎﺱ ﮐﮯ ﺣﻮﺍﻟﮯ ﺳﮯ ﮐﭽﮫ ﮐﮩﺎ ﮨﻮ ﯾﺎ ﻭﯾﺴﮯ ﮐﺴﯽ ﮐﮯ ﺑﺎﺭﮮ ﻣﯿﮟ comment ﮐﯿﺎ ﮨﻮ۔ ۔ ”Never ﻧﺴﺎﺀ ﮐﮩﺘﯽ ﺟﺎ ﺭﮨﯽ ﺗﮭﯽ ﻭﮦ ﻟﺒﺎﺱ ﮐﮯ ﻣﻌﺎﻣﻠﮯ ﻣﯿﮟ ﺧﺎﺻﯽ ﻣﺎﮈﺭﻥ ﺗﮭﯽ ﺍﻭﺭ ﺍُﺳﮯ ﯾﮧ ﻗﺎﺑﻞِ ﻗﺒﻮﻝ ﻧﮩﯿﮟ ﮨﻮ ﺳﮑﺘﺎ ﺗﮭﺎ ﮐﮧ ﮐﻮﺋﯽ ﺍُﺱ ﭘﺮ ﺍﺱ ﺣﻮﺍﻟﮯ ﺳﮯ ﮐﻮﺋﯽ ﻗﺪﻏﻦ ﻟﮕﺎﺗﺎ ﺍﻭﺭ ﺟﺒﺮﯾﻞ ﻣﯿﮟ ﺍُﺳﮯ ﯾﮧ ﺧﻮﺑﯽ ﺑﮭﯽ ﻧﻈﺮ ﺁﮔﺌﯽ ﺗﮭﯽ۔ ﻋﺎﺋﺸﮧ ﺑﺎﻟﮑﻞ ﮐﺴﯽ ﺳﺤﺮ ﺯﺩﮦ ﻣﻌﻤﻮﻝ ﮐﯽ ﻃﺮﺡ ﯾﮧ ﺳﺐ ﺳُﻦ ﺭﮨﯽ ﺗﮭﯽ۔ ﻧﺴﺎﺀ ﮐﮯ ﺍﻧﮑﺸﺎﻓﺎﺕ ﻧﮯ ﺟﯿﺴﮯ ﻋﺎﺋﺸﮧ ﮐﮯ ﻟﺌﮯ ﺍُﺱ ﮐﯽ ﺯﻧﺪﮔﯽ ﮐﮯ ﺁﺋﯿﮉﯾﻞ ﻻﺋﻒ ﭘﺎﺭﭨﻨﺮ ﮐﯽ ﭼﯿﮏ ﻟﺴﭧ ﻣﯿﮟ ﻣﻮﺟﻮﺩ ﺍﯾﻨﭩﺮﯾﺰ ﮐﯽ ﺗﻌﺪﺍﺩ ﺑﮍﮬﺎ ﺩﯼ ﺗﮭﯽ۔ ﺍُﺱ ﺭﺍﺕ ﻋﺎﺋﺸﮧ ﻋﺎﺑﺪﯾﻦ ﻧﮯ ﺑﮍﯼ ﮨﻤّﺖ ﮐﺮ ﮐﮯ ﺟﺒﺮﯾﻞ ﮐﻮ ﻓﺮﯾﻨﮉ ﺭﯾﮑﻮﯾﺴﭧ ﺑﮭﯿﺠﯽ ﺗﮭﯽ ﺍﻭﺭ ﭘﮭﺮ ﮐﺌﯽ ﮔﮭﻨﭩﮯ ﻭﮦ ﺍﺱ ﺍﻧﺘﻈﺎﺭ ﻣﯿﮟ ﺭﮨﯽ ﮐﮧ ﻭﮦ ﮐﺐ ﺍُﺳﮯ add ﮐﺮﺗﺎ ﮨﮯ۔ ﻭﮦ ﻓﺠﺮ ﮐﮯ ﻭﻗﺖ ﻧﻤﺎﺭ ﮐﮯ ﻟﺌﮯ ﺍُﭨﮭﯽ ﺗﮭﯽ ﺍﻭﺭ ﺍُﺱ ﻭﻗﺖ ﻧﻤﺎﺯ ﭘﮍﮬﻨﮯ ﮐﮯ ﺑﻌﺪ ﺍُﺱ ﻧﮯ ﺍﯾﮏ ﺑﺎﺭ ﭘﮭﺮ ﻓﯿﺲ ﺑُﮏ ﭼﯿﮏ ﮐﯿﺎ ﺗﮭﺎ ﺍﻭﺭ ﺧﻮﺷﯽ ﮐﯽ ﺍﯾﮏ ﻋﺠﯿﺐ ﻟﮩﺮ ﺍُﺱ ﮐﮯ ﺍﻧﺪﺭ ﺳﮯ ﮔﺰﺭﯼ ﺗﮭﯽ، ﻭﮦ add ﮨﻮﭼﮑﯽ ﺗﮭﯽ۔ ﺍﻭﺭ ﺟﻮ ﭘﮩﻠﯽ ﭼﯿﺰ ﻋﺎﺋﺸﮧ ﻧﮯ ﮐﯽ ﺗﮭﯽ، ﻭﮦ ﺍُﺱ ﮐﯽ ﺗﺼﻮﯾﺮﻭﮞ ﻣﯿﮟ ﺍُﺱ ﮐﯽ ﻓﯿﻤﻠﯽ ﮐﯽ ﺗﺼﻮﯾﺮﻭﮞ ﮐﯽ ﺗﻼﺵ ﺗﮭﯽ۔ ﺍﻭﺭ ﺍُﺳﮯ ﻧﺎﮐﺎﻣﯽ ﻧﮩﯿﮟ ﮨﻮﺋﯽ ﺗﮭﯽ۔ ﺍُﺱ ﮐﮯ ﺍﮐﺎﺅﻧﭧ ﻣﯿﮟ ﺍﺱ ﮐﯽ ﻓﯿﻤﻠﯽ ﮐﯽ ﺑﮩﺖ ﺳﺎﺭﯼ ﺗﺼﺎﻭﯾﺮ ﺗﮭﯿﮟ۔ ﺳﺎﻻﺭ ﺳﮑﻨﺪﺭ ﮐﯽ، ﺣﺠﺎﺏ ﻣﯿﮟ ﻣﻠﺒﻮﺱ ﺍﻣﺎﻣﮧ ﮐﯽ، ﺍُﺱ ﮐﯽ ﭨﯿﻦ ﺍﯾﺠﺮ ﺑﮩﻦ ﻋﻨﺎﯾﮧ ﮐﯽ، ﺣﻤﯿﻦ ﮐﯽ، ﺍﻭﺭ ﺭﺋﯿﺴﮧ ﮐﯽ۔ ﺟﺒﺮﯾﻞ ﮐﮯ ﺍﻧﮑﻠﺰ ﺍﻭﺭ ﮐﺰﻧﺰ ﮐﯽ، ﺟﻮ ﺍُﻥ ﮐﯽ ﻓﯿﻤﻠﯽ ﮐﮯ ﺑﺮﻋﮑﺲ ﺑﮯ ﺣﺪ ﻣﺎﮈﺭﻥ ﻧﻈﺮ ﺁﺭﮨﮯ ﺗﮭﮯ ﻟﯿﮑﻦ ﺍُﻥ ﺳﺐ ﻣﯿﮟ ﻋﺠﯿﺐ ﮨﻢ ﺁﮨﻨﮕﯽ ﻧﻈﺮ ﺁ ﺭﮨﯽ ﺗﮭﯽ۔ ﻭﮦ ﺟﺒﺮﯾﻞ ﺳﮑﻨﺪﺭ ﺳﮯ ﺩﻭﺳﺘﯽ ﮐﺮﻧﺎ ﭼﺎﮨﺘﯽ ﺗﮭﯽ، ﻟﯿﮑﻦ ﻭﮦ ﮨﻤّﺖ ﻧﮩﯿﮟ ﮐﺮ ﭘﺎﺋﯽ ﺗﮭﯽ۔ ﻟﯿﮑﻦ ﻭﮦ ﺍﻭﺭ ﺍُﺱ ﮐﯽ ﻓﯿﻤﻠﯽ ﯾﮏ ﺩﻡ ﺟﯿﺴﮯ ﺍُﺱ ﮐﮯ ﻟﺌﮯ ﺍﯾﮏ ﺁﺋﯿﮉﯾﻞ ﻓﯿﻤﻠﯽ ﮐﯽ ﺷﮑﻞ ﺍﺧﺘﯿﺎﺭ ﮐﺮ ﮔﺌﮯ ﺗﮭﮯ۔ ﺍﯾﺴﯽ ﻓﯿﻤﻠﯽ ﺟﺲ ﮐﺎ ﻭﮦ ﺣﺼﮧ ﺑﻨﻨﺎ ﭼﺎﮨﺘﯽ ﺗﮭﯽ۔ ﻭﮦ ﺍُﺱ ﻓﯿﻤﻠﯽ ﮐﺎ ﺣﺼﮧ ﻧﮩﯿﮟ ﺑﻦ ﺳﮑﯽ ﺗﮭﯽ ﻟﯿﮑﻦ ﻋﺎﺋﺸﮧ ﻋﺎﺑﺪﯾﻦ ﮐﻮ ﺍﺣﺴﻦ ﺳﻌﺪ ﺍﻭﺭ ﺍُﺱ ﮐﯽ ﻓﯿﻤﻠﯽ ﺳﮯ ﭘﮩﻠﯽ ﺑﺎﺭ ﻣﺘﻌﺎﺭﻑ ﮨﻮ ﮐﺮ ﺑﮭﯽ ﺍﯾﺴﺎ ﮨﯽ ﻟﮕﺎ ﺗﮭﺎ ﮐﮧ ﻭﮦ ﺟﺒﺮﯾﻞ ﺳﮑﻨﺪﺭ ﺟﯿﺴﺎ ﺧﺎﻧﺪﺍﻥ ﺗﮭﺎ … ﺍﻭﺭ ﺍﺣﺴﻦ ﺳﻌﺪ ﺟﺒﺮﯾﻞ ﺳﮑﻨﺪﺭ ﺟﯿﺴﺎ ﻣﺮﺩ۔ ﻗﺎﺑﻞ، ﺑﺎﻋﻤﻞ ﻣﺴﻠﻤﺎﻥ، ﺣﺎﻓﻆِ ﻗﺮﺁﻥ۔۔۔۔۔۔۔۔۔ ﻋﺎﺋﺸﮧ ﻋﺎﺑﺪﯾﻦ ﻧﮯ ﺟﺒﺮﯾﻞ ﺳﮑﻨﺪﺭ ﮐﮯ ﺩﮬﻮﮐﮯ ﻣﯿﮟ ﺍﺣﺴﻦ ﺳﻌﺪ ﮐﻮ ﺍﭘﻨﺎﻧﮯ ﮐﺎ ﻓﯿﺼﻠﮧ ﮐﯿﺎ ﺗﮭﺎ۔ ****** ﺍﺱ ﮐﺘﺎﺏ ﮐﺎ ﭘﮩﻼ ﺑﺎﺏ ﺍﮔﻠﮯ ﻧﻮ ﺍﺑﻮﺍﺏ ﺳﮯ ﻣﺨﺘﻠﻒ ﺗﮭﺎ۔ ﺍﺳﮯ ﭘﮍﮬﻨﮯ ﻭﺍﻻ ﮐﻮﺋﯽ ﺑﮭﯽ ﺷﺨﺺ ﯾﮧ ﻓﺮﻕ ﻣﺤﺴﻮﺱ ﮐﺌﮯ ﺑﻐﯿﺮ ﻧﮩﯿﮟ ﺭﮦ ﺳﮑﺘﺎ ﺗﮭﺎ ﮐﮧ ﭘﮩﻼ ﺑﺎﺏ ﺍﻭﺭ ﺍﮔﻠﮯ ﻧﻮ ﺍﺑﻮﺍﺏ ﺍﯾﮏ ﺷﺨﺺ ﮐﮯ ﻟﮑﮭﮯ ﮨﻮﺋﮯ ﻧﮩﯿﮟ ﻟﮓ ﺭﮨﮯ ﺗﮭﮯ۔ ﻭﮦ ﺍﯾﮏ ﺷﺨﺺ ﻧﮯ ﻟﮑﮭﮯ ﺗﮭﮯ ﺑﮭﯽ ﻧﮩﯿﮟ۔ ﻭﮦ ﺟﺎﻧﺘﯽ ﺗﮭﯽ ﻭﮦ ﺍُﺱ ﮐﯽ ﺯﻧﺪﮔﯽ ﮐﯽ ﭘﮩﻠﯽ ﺑﺪ ﺩﯾﺎﻧﺘﯽ ﺗﮭﯽ، ﻟﯿﮑﻦ ﯾﮧ ﻧﮩﯿﮟ ﺟﺎﻧﺘﯽ ﺗﮭﯽ ﮐﮧ ﻭﮨﯽ ﺁﺧﺮﯼ ﺑﮭﯽ ﮨﻮ ﮔﯽ۔ ﺍﺱ ﮐﺘﺎﺏ ﮐﺎ ﭘﮩﻼ ﺑﺎﺏ ﺍﺱ ﮐﮯ ﻋﻼﻭﮦ ﺍﺏ ﺍﻭﺭ ﮐﻮﺋﯽ ﻧﮩﯿﮟ ﭘﮍﮪ ﺳﮑﺘﺎ ﺗﮭﺎ۔ ﺍُﺱ ﻧﮯ ﭘﮩﻼ ﺑﺎﺏ ﺑﺪﻝ ﺩﯾﺎ ﺗﮭﺎ۔ ﻧﻢ ﺁﻧﮑﮭﻮﮞ ﮐﮯ ﺳﺎﺗﮫ ﺍُﺱ ﻧﮯ ﭘﺮﻧﭧ ﮐﻤﺎﻧﮉ ﺩﯼ۔ ﭘﺮﻧﭩﺮ ﺑﺮﻕ ﺭﻓﺘﺎﺭﯼ ﺳﮯ ﻭﮦ ﭘﭽﺎﺱ ﺻﻔﺤﮯ ﻧﮑﺎﻟﻨﮯ ﻟﮕﺎ ﺟﻮ ﺍﺱ ﮐﺘﺎﺏ ﮐﺎ ﺗﺮﻣﯿﻢ ﺷﺪﮦ ﭘﮩﻼ ﺑﺎﺏ ﺗﮭﺎ۔ ﺍُﺱ ﻧﮯ ﭨﯿﺒﻞ ﭘﺮ ﭘﮍﯼ ﮈﺳﮏ ﺍُﭨﮭﺎﺋﯽ ﺍﻭﺭ ﺑﮯ ﺣﺪ ﺗﮭﮑﮯ ﮨﻮﺋﮯ ﺍﻧﺪﺍﺯ ﻣﯿﮟ ﺍُﺱ ﭘﺮ ﺍﯾﮏ ﻧﻈﺮ ﮈﺍﻟﯽ۔ ﭘﮭﺮ ﺍُﺱ ﻧﮯ ﺍﺳﮯ ﺩﻭ ﭨﮑﮍﻭﮞ ﻣﯿﮟ ﺗﻮﮌ ﮈﺍﻻ۔ ﭘﮭﺮ ﭼﻨﺪ ﺍﻭﺭ ﭨﮑﮍﮮ۔۔ ﺍﭘﻨﯽ ﮨﺘﮭﯿﻠﯽ ﭘﺮ ﭘﮍﮮ ﺍﻥ ﭨﮑﮍﻭﮞ ﮐﻮ ﺍﯾﮏ ﻧﻈﺮ ﺩﯾﮑﮭﻨﮯ ﮐﮯ ﺑﻌﺪ ﺍُﺱ ﻧﮯ ﺍﻧﮩﯿﮟ ﮈﺳﭧ ﺑﻦ ﻣﯿﮟ ﭘﮭﯿﻨﮏ ﺩﯾﺎ۔ ﮈﺳﮏ ﮐﺎ ﮐﻮﺭ ﺍُﭨﮭﺎ ﮐﺮ ﺍُﺱ ﻧﮯ ﺯﯾﺮِ ﻟﺐ ﺍﺱ ﭘﺮ ﻟﮑﮭﮯ ﭼﻨﺪ ﻟﻔﻈﻮﮞ ﮐﻮ ﭘﮍﮬﺎ، ﭘﮭﺮ ﭼﻨﺪ ﻟﻤﺤﮯ ﭘﮩﻠﮯ ﻟﯿﭗ ﭨﺎﭖ ﺳﮯ ﻧﮑﺎﻟﯽ ﮨﻮﺋﯽ ﮈﺳﮏ ﺍُﺱ ﻧﮯ ﺍﺱ ﮐﻮﺭ ﻣﯿﮟ ﮈﺍﻝ ﺩﯼ۔ ﭘﺮﻧﭩﺮ ﺗﺐ ﺗﮏ ﺍﭘﻨﺎ ﮐﺎﻡ ﻣﮑﻤﻞ ﮐﺮﭼﮑﺎ ﺗﮭﺎ۔ ﺍُﺱ ﻧﮯ ﭨﺮﮮ ﻣﯿﮟ ﺳﮯ ﺍﻥ ﺻﻔﺤﺎﺕ ﮐﻮ ﻧﮑﺎﻝ ﺩﯾﺎ۔ ﺑﮍﯼ ﺍﺣﺘﯿﺎﻁ ﮐﮯ ﺳﺎﺗﮫ ﺍﺱ ﻧﮯ ﺍُﻧﮩﯿﮟ ﺍﯾﮏ ﻓﺎﺋﻞ ﮐﻮﺭ ﻣﯿﮟ ﺭﮐﮫ ﮐﺮ ﺍُﻧﮩﯿﮟ ﺩﻭﺳﺮﯼ ﻓﺎﺋﻞ ﮐﻮﺭﺯ ﮐﮯ ﺳﺎﺗﮫ ﺭﮐﮫ ﺩﯾﺎ ﺟﻦ ﻣﯿﮟ ﺍﺱ ﮐﺘﺎﺏ ﮐﮯ ﺑﺎﻗﯽ ﻧﻮ ﺍﺑﻮﺍﺏ ﺗﮭﮯ۔ ﺍﯾﮏ ﮔﮩﺮﺍ ﺳﺎﻧﺲ ﻟﯿﺘﮯ ﮨﻮﺋﮯ ﻭﮦ ﺍُﭨﮫ ﮐﮭﮍﯼ ﮨﻮﺋﯽ۔ ﮐﮭﮍﮮ ﮨﻮ ﮐﺮ ﺍُﺱ ﻧﮯ ﺍﯾﮏ ﺁﺧﺮﯼ ﻧﻈﺮ ﺍُﺱ ﻟﯿﭗ ﭨﺎﭖ ﮐﯽ ﻣﺪﮬﻢ ﭘﮍﺗﯽ ﺳﮑﺮﯾﻦ ﭘﺮ ﮈﺍﻟﯽ۔ ﺍﺳﮑﺮﯾﻦ ﺗﺎﺭﯾﮏ ﮨﻮﻧﮯ ﺳﮯ ﭘﮩﻠﮯ ﺍﺱ ﭘﺮ ﺍﯾﮏ ﺗﺤﺮﯾﺮ ﺍُﺑﮭﺮﯼ ﺗﮭﯽ۔ Will!” be waiting ” ﺍُﺱ ﮐﯽ ﺁﻧﮑﮭﻮﮞ ﻣﯿﮟ ﭨﮭﮩﺮﯼ ﻧﻤﯽ ﯾﮏ ﺩﻡ ﭼﮭﻠﮏ ﭘﮍﯼ ﺗﮭﯽ۔ ﻭﮦ ﻣﺴﮑﺮﺍ ﺩﯼ۔ ﺍﺳﮑﺮﯾﻦ ﺍﺏ ﺗﺎﺭﯾﮏ ﮨﻮﻧﮯ ﻟﮕﯽ۔ ﺍُﺱ ﻧﮯ ﭘﻠﭧ ﮐﺮ ﺍﯾﮏ ﻧﻈﺮ ﮐﻤﺮﮮ ﮐﻮ ﺩﯾﮑﮭﺎ ﭘﮭﺮ ﺑﯿﮉ ﮐﯽ ﻃﺮﻑ ﭼﻠﯽ ﺁﺋﯽ۔ ﺍﯾﮏ ﻋﺠﯿﺐ ﺳﯽ ﺗﮭﮑﻦ ﺍُﺱ ﮐﮯ ﻭﺟﻮﺩ ﭘﺮ ﭼﮭﺎﻧﮯ ﻟﮕﯽ ﺗﮭﯽ۔ ﺍﺱ ﮐﮯ ﻭﺟﻮﺩ ﭘﺮ ﯾﺎ ﮨﺮ ﭼﯿﺰ ﭘﺮ … ﺑﯿﮉ ﭘﺮ ﺑﯿﭩﮫ ﮐﺮ ﭼﻨﺪ ﻟﻤﺤﮯ ﺍُﺱ ﻧﮯ ﺑﯿﮉ ﺳﺎﺋﯿﮉ ﭨﯿﺒﻞ ﭘﺮ ﭘﮍﯼ ﭼﯿﺰﻭﮞ ﭘﺮ ﻧﻈﺮ ﺩﻭﮌﺍﺋﯽ۔ ﻭﮦ ﭘﺘﮧ ﻧﮩﯿﮟ ﮐﺐ ﻭﮨﺎﮞ ﺍﭘﻨﯽ ﺭﺳﭧ ﻭﺍﭺ ﭼﮭﻮﮌ ﮔﯿﺎ ﺗﮭﺎ … ﺷﺎﯾﺪ ﺭﺍﺕ ﮐﻮ ﺟﺐ ﻭﮦ ﻭﮨﺎﮞ ﺗﮭﺎ، ﻭﮦ ﻭﺿﻮ ﮐﺮﻧﮯ ﮔﯿﺎ ﺗﮭﺎ۔ﭘﮭﺮ ﺷﺎﯾﺪ ﺍُﺳﮯ ﯾﺎﺩ ﮨﯽ ﻧﮩﯿﮟ ﺭﮨﺎ ﺗﮭﺎ۔ ﻭﮦ ﺭﺳﭧ ﻭﺍﭺ ﺍﭨﮭﺎ ﮐﺮ ﺍُﺳﮯ ﺩﯾﮑﮭﻨﮯ ﻟﮕﯽ۔ ﺳﯿﮑﻨﮉﺯ ﮐﯽ ﺳﻮﺋﯽ ﮐﺒﮭﯽ ﻧﮩﯿﮟ ﺭُﮐﺘﯽ، ﺻﺮﻑ ﻣﻨﭧ ﺍﻭﺭ ﮔﮭﻨﭩﮯ ﮨﯿﮟ ﺟﻮ ﺭُﮐﺘﮯ ﮨﻮﺋﮯ ﻧﻈﺮ ﺁﺗﮯ ﮨﯿﮟ۔ ﺳﻔﺮ ﺧﺘﻢ ﮨﻮﺗﺎ ﮨﮯ … ﺳﻔﺮ ﺷﺮﻭﻉ ﮨﻮ ﺟﺎﺗﺎ ﮨﮯ۔ ﺑﮩﺖ ﺩﯾﺮ ﺗﮏ ﺍﺱ ﮔﮭﮍﯼ ﭘﺮ ﺍﻧﮕﻠﯿﺎﮞ ﭘﮭﯿﺮﺗﯽ ﻭﮦ ﺟﯿﺴﮯ ﺍﺱ ﮐﮯ ﻟﻤﺲ ﮐﻮ ﮐﮭﻮﺟﺘﯽ ﺭﮨﯽ۔ ﻭﮦ ﻟﻤﺲ ﻭﮨﺎﮞ ﻧﮩﯿﮟ ﺗﮭﺎ۔ ﻭﮦ ﺍﺱ ﮐﮯ ﮔﮭﺮ ﮐﯽ ﻭﺍﺣﺪ ﮔﮭﮍﯼ ﺗﮭﯽ ﺟﺲ ﮐﺎ ﭨﺎﺋﻢ ﺑﺎﻟﮑﻞ ﭨﮭﯿﮏ ﮨﻮﺗﺎ ﺗﮭﺎ۔ ﻭﮦ ﭘﺘﮧ ﻧﮩﯿﮟ ﮐﺐ ﻭﮨﺎﮞ ﺍﭘﻨﯽ ﺭﺳﭧ ﻭﺍﭺ ﭼﮭﻮﮌ ﮔﯿﺎ ﺗﮭﺎ … ﺷﺎﯾﺪ ﺭﺍﺕ ﮐﻮ ﺟﺐ ﻭﮦ ﻭﮨﺎﮞ ﺗﮭﺎ، ﻭﮦ ﻭﺿﻮ ﮐﺮﻧﮯ ﮔﯿﺎ ﺗﮭﺎ۔ﭘﮭﺮ ﺷﺎﯾﺪ ﺍُﺳﮯ ﯾﺎﺩ ﮨﯽ ﻧﮩﯿﮟ ﺭﮨﺎ ﺗﮭﺎ۔ ﻭﮦ ﺭﺳﭧ ﻭﺍﭺ ﺍﭨﮭﺎ ﮐﺮ ﺍُﺳﮯ ﺩﯾﮑﮭﻨﮯ ﻟﮕﯽ۔ ﺳﯿﮑﻨﮉﺯ ﮐﯽ ﺳﻮﺋﯽ ﮐﺒﮭﯽ ﻧﮩﯿﮟ ﺭُﮐﺘﯽ، ﺻﺮﻑ ﻣﻨﭧ ﺍﻭﺭ ﮔﮭﻨﭩﮯ ﮨﯿﮟ ﺟﻮ ﺭُﮐﺘﮯ ﮨﻮﺋﮯ ﻧﻈﺮ ﺁﺗﮯ ﮨﯿﮟ۔ ﺳﻔﺮ ﺧﺘﻢ ﮨﻮﺗﺎ ﮨﮯ … ﺳﻔﺮ ﺷﺮﻭﻉ ﮨﻮ ﺟﺎﺗﺎ ﮨﮯ۔ ﺑﮩﺖ ﺩﯾﺮ ﺗﮏ ﺍﺱ ﮔﮭﮍﯼ ﭘﺮ ﺍﻧﮕﻠﯿﺎﮞ ﭘﮭﯿﺮﺗﯽ ﻭﮦ ﺟﯿﺴﮯ ﺍﺱ ﮐﮯ ﻟﻤﺲ ﮐﻮ ﮐﮭﻮﺟﺘﯽ ﺭﮨﯽ۔ ﻭﮦ ﻟﻤﺲ ﻭﮨﺎﮞ ﻧﮩﯿﮟ ﺗﮭﺎ۔ ﻭﮦ ﺍﺱ ﮐﮯ ﮔﮭﺮ ﮐﯽ ﻭﺍﺣﺪ ﮔﮭﮍﯼ ﺗﮭﯽ ﺟﺲ ﮐﺎ ﭨﺎﺋﻢ ﺑﺎﻟﮑﻞ ﭨﮭﯿﮏ ﮨﻮﺗﺎ ﺗﮭﺎ۔ ﺻﺮﻑ ﻣﻨﭧ ﻧﮩﯿﮟ …ﺳﯿﮑﻨﮉﺯ ﺗﮏ … ﮐﺎﻣﻠﯿﺖ ﺍﺱ ﮔﮭﮍﯼ ﻣﯿﮟ ﻧﮩﯿﮟ ﺗﮭﯽ، ﺍﺱ ﺷﺨﺺ ﮐﮯ ﻭﺟﻮﺩ ﻣﯿﮟ ﺗﮭﯽ ﺟﺲ ﮐﮯ ﮨﺎﺗﮫ ﭘﺮ ﻭﮦ ﮨﻮﺗﯽ ﺗﮭﯽ۔ ﺍُﺱ ﻧﮯ ﺁﻧﮑﮭﻮﮞ ﮐﯽ ﻧﻤﯽ ﺻﺎﻑ ﮐﺮﺗﮯ ﮨﻮﺋﮯ ﺍﺱ ﮔﮭﮍﯼ ﮐﻮ ﺩﻭﺑﺎﺭﮦ ﺳﺎﺋﯿﮉ ﭨﯿﺒﻞ ﭘﺮ ﺭﮐﮫ ﺩﯾﺎ۔ ﮐﻤﺒﻞ ﺍﭘﻨﮯ ﺍﻭﭘﺮ ﮐﮭﯿﻨﭽﺘﮯ ﮨﻮﺋﮯ ﻭﮦ ﺑﺴﺘﺮ ﭘﺮ ﻟﯿﭧ ﮔﺌﯽ۔ﺍُﺱ ﻧﮯ ﻻﺋﭧ ﺑﻨﺪ ﻧﮩﯿﮟ ﮐﯽ ﺗﮭﯽ۔ﺍُﺱ ﻧﮯ ﺩﺭﻭﺍﺯﮦ ﺑﮭﯽ ﻣﻘﻔﻞ ﻧﮩﯿﮟ ﮐﯿﺎ ﺗﮭﺎ۔ ﻭﮦ ﺍُﺱ ﮐﺎ ﺍﻧﺘﻈﺎﺭ ﮐﺮﺭﮨﯽ ﺗﮭﯽ۔ ﺑﻌﺾ ﺩﻓﻌﮧ ﺍﻧﺘﻈﺎﺭ ﺑﮩﺖ ” ﻟﻤﺒﺎ ” ﮨﻮﺗﺎ ﮨﮯ … ﺑﻌﺾ ﺩﻓﻌﮧ ﺍﻧﺘﻈﺎﺭ ﺑﮩﺖ ﻣﺨﺘﺼﺮ ﮨﻮﺗﺎ ﮨﮯ۔ ﺍُﺱ ﮐﯽ ﺁﻧﮑﮭﻮﮞ ﻣﯿﮟ ﻧﯿﻨﺪ ﺍُﺗﺮﻧﮯ ﻟﮕﯽ۔ ﻭﮦ ﺍﺳﮯ ﻧﯿﻨﺪ ﺳﻤﺠﮫ ﺭﮨﯽ ﺗﮭﯽ … ﮨﻤﯿﺸﮧ ﮐﯽ ﻃﺮﺡ ﺁﯾﺖ ﺍﻟﮑﺮﺳﯽ ﮐﺎ ﻭﺭﺩ ﮐﺮﺗﮯ ﮨﻮﺋﮯ ﻭﮦ ﺍُﺳﮯ ﭼﺎﺭﻭﮞ ﻃﺮﻑ ﭘﮭﻮﻧﮏ ﺭﮨﯽ ﺗﮭﯽ۔ ﺟﺐ ﺍُﺳﮯ ﻭﮦ ﯾﺎﺩ ﺁﯾﺎ۔ ﻭﮦ ﺍﺱ ﻭﻗﺖ ﻭﮨﺎﮞ ﮨﻮﺗﺎ ﺗﻮ ﺍُﺱ ﺳﮯ ﺁﯾﺖ ﺍﻟﮑﺮﺳﯽ ﺍﭘﻨﮯ ﺍﻭﭘﺮ ﭘﮭﻮﻧﮑﻨﮯ ﮐﯽ ﻓﺮﻣﺎﺋﺶ ﮐﺮﺗﺎ۔ ﺑﯿﮉ ﺳﺎﺋﯿﮉ ﭨﯿﺒﻞ ﭘﺮ ﭘﮍﮮ ﺍﯾﮏ ﻓﻮﭨﻮ ﻓﺮﯾﻢ ﮐﻮ ﺍُﭨﮭﺎ ﮐﺮ ﺍﺱ ﻧﮯ ﺑﮍﯼ ﻧﺮﻣﯽ ﮐﮯ ﺳﺎﺗﮫ ﺍُﺱ ﭘﺮ ﭘﮭﻮﻧﮏ ﻣﺎﺭﯼ۔ ﭘﮭﺮ ﻓﺮﯾﻢ ﮐﮯ ﺷﯿﺸﮯ ﭘﺮ ﺟﯿﺴﮯ ﮐﺴﯽ ﻧﻈﺮ ﻧﮧ ﺁﻧﮯ ﻭﺍﻟﯽ ﮔﺮﺩ ﮐﻮ ﺍﭘﻨﯽ ﺍﻧﮕﻠﯿﻮﮞ ﺳﮯ ﺻﺎﻑ ﮐﯿﺎ، ﭼﻨﺪ ﻟﻤﺤﮯ ﺗﮏ ﻭﮦ ﻓﺮﯾﻢ ﻣﯿﮟ ﺍﺱ ﺍﯾﮏ ﭼﮩﺮﮮ ﮐﻮ ﺩﯾﮑﮭﺘﯽ ﺭﮨﯽ ﭘﮭﺮ ﺍُﺱ ﻧﮯ ﺍﺱ ﮐﻮ ﺩﻭﺑﺎﺭﮦ ﺑﯿﮉ ﺳﺎﺋﯿﮉ ﭨﯿﺒﻞ ﭘﺮ ﺭﮐﮫ ﺩﯾﺎ۔ ﺳﺐ ﮐﭽﮫ ﺟﯿﺴﮯ ﺍﯾﮏ ﺑﺎﺭ ﭘﮭﺮ ﺳﮯ ﯾﺎﺩﺁﻧﮯ ﻟﮕﺎ ﺗﮭﺎ۔ ﺍُﺱ ﮐﺎ ﻭﺟﻮﺩ ﺍﯾﮏ ﺑﺎﺭ ﭘﮭﺮ ﺳﮯ ﺭﯾﺖ ﺑﻨﻨﮯ ﻟﮕﺎ ﺗﮭﺎ۔ﺁﻧﮑﮭﻮﮞ ﻣﯿﮟ ﺍﯾﮏ ﺑﺎﺭ ﭘﮭﺮ ﺳﮯ ﻧﻤﯽ ﺁﻧﮯ ﻟﮕﯽ ﺗﮭﯽ۔ ﺍﺱ ﻧﮯ ﺁﻧﮑﮭﯿﮟ ﺑﻨﺪ ﮐﺮﻟﯿﮟ۔ ﺁﺝ ” ﺍُﺳﮯ ” ﺑﮩﺖ ﺩﯾﺮ ﮨﻮﮔﺌﯽ ﺗﮭﯽ۔ ﺍﻣﺎﻣﮧ ﻧﮯ ﮨﮍﺑﮍﺍ ﮐﺮ ﺁﻧﮑﮭﯿﮟ ﮐﮭﻮﻟﯽ ﺗﮭﯿﮟ۔ﮐﻤﺮﮮ ﻣﯿﮟ ﻧﯿﻢ ﺗﺎﺭﯾﮑﯽ ﺗﮭﯽ۔ ﺳﺎﻻﺭ ﺍُﺱ ﮐﮯ ﺑﺮﺍﺑﺮ ﻣﯿﮟ ﺳﻮﺭﮨﺎ ﺗﮭﺎ۔ ﺍُﺱ ﻧﮯ ﻭﺍﻝ ﮐﻼﮎ ﭘﺮ ﻧﻈﺮ ﮈﺍﻟﯽ، ﺭﺍﺕ ﮐﺎ ﺁﺧﺮﯼ ﭘﮩﺮ ﺗﮭﺎ۔ ﻭﮦ ﺍُﭨﮫ ﮐﺮ ﺑﯿﭩﮫ ﮔﺌﯽ … ﻋﺠﯿﺐ ﺧﻮﺍﺏ ﺗﮭﺎ … ﻭﮦ ﮐﺲ ﮐﺎ ﺍﻧﺘﻈﺎﺭ ﮐﺮ ﺭﮨﯽ ﺗﮭﯽ ﺍُﺳﮯ ﺧﻮﺍﺏ ﻣﯿﮟ ﺑﮭﯽ ﺳﻤﺠﮫ ﻧﮩﯿﮟ ﺁﯾﺎ ﺗﮭﺎ۔ ﮐﺘﺎﺏ ﮐﮯ ﻭﮦ ﺩﺱ ﺍﺑﻮﺍﺏ ﺳﺎﻻﺭ ﮐﮯ ﺗﮭﮯ۔ ﻭﮦ ﮐﺘﺎﺏ ﺳﺎﻻﺭ ﮨﯽ ﻟﮑﮫ ﺭﮨﺎ ﺗﮭﺎ ﺍﻭﺭ ﺍﺑﮭﯽ ﺗﮏ ﺍُﺱ ﮐﮯ ﻧﻮ ﺍﺑﻮﺍﺏ ﻟﮑﮭﮯ ﺟﺎ ﭼﮑﮯ ﺗﮭﮯ۔ ﺩﺳﻮﺍﮞ ﻧﮩﯿﮟ۔ ﻭﮦ ﮔﮭﮍﯼ ﺑﮭﯽ ﺳﺎﻻﺭ ﮐﯽ ﺗﮭﯽ ﺍﻭﺭ ﺳﺎﻻﺭ ﻧﮯ ﺣﻤﯿﻦ ﮐﯽ ﭘﭽﮭﻠﯽ ﺑﺮﺗﮫ ﮈﮮ ﭘﺮ ﺍُﺱ ﮐﯽ ﺿﺪ ﺍﻭﺭ ﺍﺻﺮﺍﺭ ﭘﺮ ﺍُﺳﮯ ﺩﯼ ﺗﮭﯽ ﺍﻭﺭ ﺍﺏ ﻭﮦ ﮔﮭﮍﯼ ﺣﻤﯿﻦ ﺑﺎﻧﺪﮬﺘﺎ ﺗﮭﺎ۔ ﺍﻭﺭ ﺍُﺱ ﻧﮯ ﺧﻮﺍﺏ ﻣﯿﮟ ﺍﭘﻨﮯ ﺁﭖ ﮐﻮ ﺑﻮﮌﮬﺎ ﺩﯾﮑﮭﺎ ﺗﮭﺎ۔ ﻭﮦ ﺍُﺱ ﮐﺎ ﻣﺴﺘﻘﺒﻞ ﺗﮭﺎ۔ ﻭﮦ ﮐﺴﯽ ﮐﻮ ﯾﺎﺩ ﮐﺮ ﺭﮨﯽ ﺗﮭﯽ، ﮐﺴﯽ ﮐﮯ ﻟﺌﮯ ﺍﺩﺍﺱ ﺗﮭﯽ، ﻣﮕﺮ ﮐﺲ ﮐﮯ ﻟﺌﮯ، ﺍﻭﺭ ﻭﮦ ﮐﺴﯽ ﮐﺎ ﺍﻧﺘﻈﺎﺭ ﮐﺮ ﺭﮨﯽ ﺗﮭﯽ؟ ﺍﻭﺭ ﮐﻮﺋﯽ ﻧﮩﯿﮟ ﺁ ﺭﮨﺎ ﺗﮭﺎ۔ ﻣﮕﺮ ﮐﻮﻥ؟ ﺍﻭﺭ ﭘﮭﺮ ﻭﮦ ﺗﺤﺮﯾﺮ … Will be waiting … ﻭﮦ ﺧﻮﺍﺏ ﮐﯽ ﺍﯾﮏ ﺍﯾﮏ detail ﮐﻮ ﺩﮨﺮﺍ ﺭﮨﯽ ﺗﮭﯽ۔ ﺍﯾﮏ ﺍﯾﮏ ﺟﺰﺋﯿﺎﺕ ﮐﻮ ﺩﮨﺮﺍ ﺳﮑﺘﯽ ﺗﮭﯽ۔ ﻭﮦ ﺑﺴﺘﺮ ﺳﮯ ﺍُﭨﮫ ﮔﺌﯽ، ﺑﮯ ﺣﺪ ﺑﮯ ﭼﯿﻨﯽ ﮐﮯ ﻋﺎﻟﻢ ﻣﯿﮟ … ﺍُﻥ ﮐﯽ ﭘﯿﮑﻨﮓ ﻣﮑﻤّﻞ ﮨﻮ ﭼﮑﯽ ﺗﮭﯽ۔ ﻭﮦ ﺍﺱ ﮔﮭﺮ ﻣﯿﮟ ﺍُﻥ ﮐﯽ ﺁﺧﺮﯼ ﺭﺍﺕ ﺗﮭﯽ ﺍُﺱ ﮐﮯ ﺑﻌﺪ ﻭﮦ ﺍُﻥ ﺳﺐ ﮐﮯ ﺳﺎﺗﮫ ﭘﺎﮐﺴﺘﺎﻥ ﺟﺎﻧﮯ ﻭﺍﻟﯽ ﺗﮭﯽ ﺍﻭﺭ ﺳﺎﻻﺭ ﺍﻭﺭ ﺟﺒﺮﯾﻞ ﮐﻮ ﻭﮨﯿﮟ ﺭﮦ ﺟﺎﻧﺎ ﺗﮭﺎ۔ ﺍﯾﮏ ﺑﺎﺭ ﭘﮭﺮ ﺳﮯ ﺍُﺱ ﮐﺎ ﮔﮭﺮ ﺧﺘﻢ ﮨﻮ ﺟﺎﻧﺎ ﺗﮭﺎ۔ ﯾﮧ ﺟﯿﺴﮯ ﺍُﺱ ﮐﯽ ﺯﻧﺪﮔﯽ ﮐﺎ ﺍﯾﮏ ﭘﯿﭩﺮﻥ ﮨﯽ ﺑﻦ ﮔﯿﺎ ﺗﮭﺎ۔ ﮔﮭﺮ ﺑﻨﻨﺎ، ﮔﮭﺮ ﺧﺘﻢ ﮨﻮﻧﺎ، ﭘﮭﺮ ﺑﻨﻨﺎ، ﭘﮭﺮ ﺧﺘﻢ ﮨﻮﻧﺎ، ﺍﯾﮏ ﻋﺠﯿﺐ ﮨﺠﺮﺕ ﺗﮭﯽ ﺟﻮ ﺧﺘﻢ ﮨﯽ ﻧﮩﯿﮟ ﮨﻮﺗﯽ ﺗﮭﯽ۔ ﺍﻭﺭ ﺍﺱ ﮨﺠﺮﺕ ﻣﯿﮟ ﺍﭘﻨﮯ ﮔﮭﺮ ﮐﯽ ﻭﮦ ﺧﻮﺍﮨﺶ ﺍﻭﺭ ﺧﻮﺍﺏ ﭘﺘﮧ ﻧﮩﯿﮟ ﮐﮩﺎﮞ ﭼﻼ ﮔﯿﺎ ﺗﮭﺎ۔ ﻭﮦ ﺍُﺱ ﺭﺍﺕ ﺍﺱ ﻃﺮﺡ ﺧﻮﺍﺏ ﺳﮯ ﺟﺎﮔﻨﮯ ﮐﮯ ﺑﻌﺪ ﺑﮭﯽ ﺑﮩﺖ ﺍُﺩﺍﺱ ﺗﮭﯽ۔ ﭘﮩﻠﮯ ﻭﮦ ﺳﺎﻻﺭ ﮐﯽ ﺑﮯ ﺍﻧﺘﮩﺎ ﻣﺼﺮﻭﻓﯿﺖ ﮐﯽ ﻭﺟﮧ ﺳﮯ ﺍُﺱ ﮐﮯ ﺑﻐﯿﺮ ﺍﭘﻨﮯ ﺁﭖ ﮐﻮ ﺭﮨﻨﮯ ﮐﯽ ﻋﺎﺩﯼ ﮐﺮ ﭘﺎﺋﯽ ﺗﮭﯽ ﺍﻭﺭ ﺍﺏ ﭘﺎﮐﺴﺘﺎﻥ ﭼﻠﮯ ﺟﺎﻧﮯ ﮐﮯ ﺑﻌﺪ ﺍُﺳﮯ ﺟﺒﺮﯾﻞ ﮐﮯ ﺑﻐﯿﺮ ﺑﮭﯽ ﺭﮨﻨﺎ ﺗﮭﺎ۔ ﻭﮦ ﭼﻠﺘﮯ ﮨﻮﺋﮯ ﮐﻤﺮﮮ ﻣﯿﮟ ﻣﻮﺟﻮﺩ ﺻﻮﻓﮧ ﭘﺮ ﺟﺎ ﮐﺮ ﺑﯿﭩﮫ ﮔﺌﯽ۔ ﺍُﺳﮯ ﻟﮓ ﺭﮨﺎ ﺗﮭﺎ ﺟﯿﺴﮯ ﺍُﺱ ﮐﮯ ﺳﺮ ﻣﯿﮟ ﺩﺭﺩ ﮨﻮﻧﮯ ﻟﮕﺎ ﺗﮭﺎ ﺍﻭﺭ ﺻﻮﻓﮧ ﭘﺮ ﺑﯿﭩﮭﺘﮯ ﮨﻮﺋﮯ ﺍُﺳﮯ ﺍﯾﮏ ﺑﺎﺭ ﭘﮭﺮ ﺍُﺱ ﺧﻮﺍﺏ ﮐﺎ ﺧﯿﺎﻝ ﺁﻧﮯ ﻟﮕﺎ ﺗﮭﺎ۔ ﺍُﺱ ﺧﻮﺍﺏ ﮐﮯ ﺑﺎﺭﮮ ﻣﯿﮟ ﺳﻮﭼﺘﮯ ﺳﻮﭼﺘﮯ ﻭﮦ ﺑُﺮﯼ ﻃﺮﺡ ﭨﮭﭩﮭﮑﯽ۔ ﮐﺘﺎﺏ ﮐﮯ ﺩﺱ ﺍﺑﻮﺍﺏ، ﺍُﺱ ﮐﯽ ﺍُﺩﺍﺳﯽ، ﺍُﺱ ﮐﺎ ﺑﮍﮬﺎﭘﺎ، ﮐﺴﯽ ﮐﻮ ﯾﺎﺩ ﮐﺮﻧﺎ۔ ﺍُﺳﮯ ﯾﺎﺩ ﺁﯾﺎ ﺗﮭﺎ۔ ﺍُﺱ ﮐﺘﺎﺏ ﮐﺎ ﮨﺮ ﺑﺎﺏ ﺳﺎﻻﺭ ﮐﯽ ﺯﻧﺪﮔﯽ ﮐﮯ ﭘﺎﻧﭻ ﺳﺎﻟﻮﮞ ﭘﺮ ﻣﺸﺘﻤﻞ ﺗﮭﺎ۔ ﮈﺍﮐﭩﺮﺯ ﻧﮯ ﺳﺎﻻﺭ ﮐﻮ ﺳﺎﺕ ﺳﮯ ﺩﺱ ﺳﺎﻝ ﮐﯽ ﺯﻧﺪﮔﯽ ﮐﯽ ﻣﮩﻠﺖ ﺩﯼ ﺗﮭﯽ ﺍﻭﺭ ﮐﺘﺎﺏ ﮐﺎ ﺩﺳﻮﺍﮞ ﺑﺎﺏ 50 ﺳﺎﻝ ﮐﮯ ﺑﻌﺪ ﺧﺘﻢ ﮨﻮ ﺭﮨﺎ ﺗﮭﺎ۔ ﭘﺮﯾﺬﯾﮉﻧﭧ ﻧﮯ ﮐﺎﻓﯽ ﮐﺎ ﺧﺎﻟﯽ ﮐﭗ ﻭﺍﭘﺲ ﻣﯿﺰ ﭘﺮ ﺭﮐﮫ ﺩﯾﺎ۔ ﭘﭽﮭﻠﮯ ﭘﺎﻧﭻ ﮔﮭﻨﭩﮯ ﻣﯿﮟ ﯾﮧ ﮐﺎﻓﯽ ﮐﺎ ﺁﭨﮭﻮﺍﮞ ﮐﭗ ﺗﮭﺎ ﺟﻮ ﺍﺱ ﻧﮯ ﭘﯿﺎ ﺗﮭﺎ۔ﺍُﺱ ﻧﮯ ﺯﻧﺪﮔﯽ ﻣﯿﮟ ﮐﺒﮭﯽ ﺍﺗﻨﯽ ﮐﺎﻓﯽ ﻧﮩﯿﮟ ﭘﯽ ﺗﮭﯽ، ﻣﮕﺮ ﺯﻧﺪﮔﯽ ﻣﯿﮟ ﮐﺒﮭﯽ ﺍُﺳﮯ ﺍﺱ ﻃﺮﺡ ﮐﺎ ﻓﯿﺼﻠﮧ ﺑﮭﯽ ﻧﮩﯿﮟ ﮐﺮﻧﺎ ﭘﮍﺍ ﺗﮭﺎ۔ ﻭﮦ ﺁﮔﮯ ﮔﮍﮬﺎ ﺍﻭﺭ ﭘﯿﭽﮭﮯ ﮐﮭﺎﺋﯽ ﻭﺍﻟﯽ ﺻﻮﺭﺕ ﺣﺎﻝ ﺳﮯ ﺩﻭﭼﺎﺭ ﺗﮭﺎ ﺍﻭﺭ ﺍﭘﻨﮯ ﻋﮩﺪِ ﺻﺪﺍﺭﺕ ﮐﮯ ﺍﯾﮏ ﺑﮩﺖ ﻏﻠﻂ ﻭﻗﺖ ﭘﺮ ﺍﯾﺴﯽ ﺻﻮﺭﺕ ﺣﺎﻝ ﺳﮯ ﺩﻭﭼﺎﺭ ﮨﻮﺍ ﺗﮭﺎ۔ ﮐﺎﻧﮕﺮﯾﺲ ﮐﮯ ﺍﻟﯿﮑﺸﻨﺰ ﺳﺮ ﭘﺮ ﺗﮭﮯ ﺍﻭﺭ ﯾﮧ ﻓﯿﺼﻠﮧ ﺍﻥ ﺍﻟﯿﮑﺸﻨﺰ ﮐﮯ ﻧﺘﺎﺋﺞ ﭘﺮ ﺑﺮﯼ ﻃﺮﺡ ﺍﺛﺮ ﺍﻧﺪﺍﺯ ﮨﻮﺗﺎ۔ ﺑﺮﯼ ﻃﺮﺡ ﮐﺎ ﻟﻔﻆ ﺷﺎﯾﺪ ﻧﺎﮐﺎﻓﯽ ﺗﮭﺎ، ﺍﺱ ﮐﯽ ﭘﺎﺭﭨﯽ ﺩﺭﺍﺻﻞ ﺍﻟﯿﮑﺸﻦ ﮨﺎﺭﺟﺎﺗﯽ ﻟﯿﮑﻦ ﺍﺱ ﻓﯿﺼﻠﮧ ﮐﻮ ﻧﮧ ﮐﺮﻧﮯ ﮐﮯ ﺍﺛﺮﺍﺕ ﺯﯾﺎﺩﮦ ﻣﻀﺮ ﺗﮭﮯ۔ ﻭﮦ ﺍﺳﮯ ﺟﺘﻨﺎ ﭨﺎﻝ ﺳﮑﺘﺎ ﺗﮭﺎ ، ﭨﺎﻝ ﭼﮑﺎ ﺗﮭﺎ، ﺟﺘﻨﺎ ﮐﮭﯿﻨﭻ ﺳﮑﺘﺎ ﺗﮭﺎ، ﮐﮭﯿﻨﭻ ﭼﮑﺎ ﺗﮭﺎ۔ﺍﺏ ﺍُﺱ ﮐﮯ ﭘﺎﺱ ﺿﺎﺋﻊ ﮐﺮﻧﮯ ﮐﮯ ﻟﺌﮯ ﻭﻗﺖ ﻧﮩﯿﮟ ﺗﮭﺎ۔ ﮐﭽﮫ lobbies ﮐﯽ ﻗﻮﺕِ ﺑﺮﺩﺍﺷﺖ ﺟﻮﺍﺏ ﺩﮮ ﺭﮨﯽ ﺗﮭﯽ۔ ﮐﭽﮫ power players ﺩﺑﮯ ﻟﻔﻈﻮﮞ ﻣﯿﮟ ﺍﭘﻨﯽ ﻧﺎﺭﺍﺿﮕﯽ ﺍﻭﺭ ﺷﺪﯾﺪﺭﺩِّﻋﻤﻞ ﺳﮯ ﺍُﺳﮯ ﺧﺒﺮﺩﺍﺭ ﮐﺮﺭﮨﮯ ﺗﮭﮯ۔ ﻓﺎﺭﻥ ﺁﻓﺲ ﺍُﺳﮯ ﻣﺴﻠﺴﻞ ﻣﺘﻌﻠﻘﮧ ﻣﻤﺎﻟﮏ ﺳﮯ ﺍﻣﺮﯾﮑﯽ ﺳﻔﺎﺭﺕ ﺧﺎﻧﻮﮞ ﮐﯽ ﺗﻘﺮﯾﺒﺎً ﺭﻭﺯﺍﻧﮧ ﮐﯽ ﺑﻨﯿﺎﺩ ﭘﺮ ﺁﻧﮯ ﻭﺍﻟﯽ queries ﺍﻭﺭ concerns ﮐﮯ ﺑﺎﺭﮮ ﻣﯿﮟ ﺁﮔﺎﮦ ﮐﺮﺭﮨﺎ ﺗﮭﺎ ﺍﻭﺭ ﺧﻮﺩ ﻭﮦ ﺩﻭ ﮨﻔﺘﮯ ﮐﮯ ﺩﻭﺭﺍﻥ ﻣﺴﺘﻘﻞ ﮨﺎﭦ ﻻﺋﻦ ﭘﺮ ﺭﮨﺎ ﺗﮭﺎ۔ ﺍﻣﺮﯾﮑﮧ ﮐﯽ ﺑﯿﻦ ﺍﻻﻗﻮﺍﻣﯽ ﭘﺴﭙﺎﺋﯽ ﺍﯾﮏ ﺍﻟﯿﮑﺸﻦ ﮨﺎﺭﻧﮯ ﺳﮯ ﺯﯾﺎﺩﮦ ﺳﻨﮕﯿﻦ ﺗﮭﯽ ﻣﮕﺮ ﺍﺱ ﮐﮯ ﭘﺎﺱ ﺁﭘﺸﻨﺰ ﻧﮧ ﮨﻮﻧﮯ ﮐﮯ ﺑﺮﺍﺑﺮ ﺗﮭﮯ، ﺍﭘﻨﯽ ﮐﯿﺒﻨﭧ ﮐﮯ ﭼﮭﮯ ﺍﮨﻢ ﺗﺮﯾﻦ ﻣﻤﺒﺮﺯ ﮐﮯ ﺳﺎﺗﮫ ﭘﺎﻧﭻ ﮔﮭﻨﭩﻮﮞ ﮐﯽ ﻃﻮﯾﻞ ﮔﻔﺖ ﻭ ﺷﻨﯿﺪ ﮐﮯ ﺑﻌﺪ ﻭﮦ ﺟﯿﺴﮯ ﺗﮭﮏ ﮐﺮ ﭘﻨﺪﺭﮦ ﻣﻨﭧ ﮐﯽ ﺍﯾﮏ ﺑﺮﯾﮏ ﻟﯿﻨﮯ ﭘﺮ ﻣﺠﺒﻮﺭ ﮨﻮﮔﯿﺎ ﺗﮭﺎ۔ ﺍﻭﺭ ﺍﺱ ﻭﻗﺖ ﻭﮦ ﺍﺱ ﺑﺮﯾﮏ ﮐﮯ ﺁﺧﺮﯼ ﭼﻨﺪ ﮐﭽﮫ ﻣﻨﭧ ﮔﺰﺍﺭﺭﮨﺎ ﺗﮭﺎ۔ ﭨﯿﺒﻞ ﺳﮯ ﮐﭽﮫ ﭘﯿﭙﺮﺯ ﺍُﭨﮭﺎ ﮐﺮ ﻭﮦ ﺩﻭﺑﺎﺭﮦ ﺩﯾﮑﮭﻨﮯ ﻟﮕﺎ ﺗﮭﺎ، ﻭﮦ ﮐﯿﺒﻨﭧ ﺁﻓﺲ ﻣﯿﮟ ﮨﻮﻧﮯ ﻭﺍﻟﯽ ﭘﺎﻧﭻ ﮔﮭﻨﭩﮯ ﮐﯽ ﻃﻮﯾﻞ ﻣﯿﭩﻨﮓ ﮐﮯ ﺍﮨﻢ ﻧﮑﺎﺕ ﺗﮭﮯ۔ﺍُﺱ ﮐﯽ ﮐﯿﺒﻨﭧ ﮐﮯ ﻭﮦ ﭼﮭﮯ ﻣﻤﺒﺮﺯ ﺩﻭ ﺑﺮﺍﺑﺮ ﮔﺮﻭﭘﺲ ﻣﯿﮟ ﺑﭩﮯ ﮨﻮﺋﮯ ﺩﻭ ﻣﺨﺘﻠﻒ ﻻﺑﯿﺰ ﮐﮯ ﺳﺎﺗﮫ ﺗﮭﮯ۔ ﻭﮦ ﭨﺎﺋﯽ ﺍﺱ ﮐﮯ ﮐﺎﺳﭩﻨﮓ ﻭﻭﭦ ﺳﮯ ﭨﻮﭨﻨﮯ ﻭﺍﻟﯽ ﺗﮭﯽ ﺍﻭﺭ ﯾﮩﯽ ﭼﯿﺰ ﺍﺳﮯ ﺍﺗﻨﺎ ﺑﮯ ﺑﺲ ﮐﺮﺭﮨﯽ ﺗﮭﯽ۔ ﺍﺱ ﻓﯿﺼﻠﮯ ﮐﯽ ﺫﻣّﮧ ﺩﺍﺭﯼ ﮨﺮ ﺣﺎﻝ ﻣﯿﮟ ﺍﺳﯽ ﮐﮯ ﺳﺮ ﭘﺮ ﺁﺭﮨﯽ ﺗﮭﯽ۔ ﯾﮧ ﺍﺱ ﮐﮯ ﻋﮩﺪِ ﺻﺪﺍﺭﺕ ﻣﯿﮟ ﮨﻮﺗﺎ ﺍﻭﺭ ﺍُﺱ ﮐﮯ ﮐﺎﺳﭩﻨﮓ ﻭﻭﭦ ﺳﮯ ﮨﻮﺗﺎ۔ﺍﮔﺮ ﮨﻮﺗﺎ ﺗﻮ … ﺍﻭﺭ ﺍﺱ ﺫﻣّﮧ ﺩﺍﺭﯼ ﮐﻮ ﻭﮦ ﻻﮐﮫ ﮐﻮﺷﺶ ﮐﮯ ﺑﺎﻭﺟﻮﺩ ﮐﮩﯿﮟ ﺍﻭﺭ ﻣﻨﺘﻘﻞ ﻧﮩﯿﮟ ﮐﺮ ﭘﺎﺭﮨﺎ ﺗﮭﺎ۔ ﺍُﺱ ﻧﮯ ﮨﺎﺗﮫ ﻣﯿﮟ ﭘﮑﮍﮮ ﮐﺎﻏﺬﺍﺕ ﮐﻮ ﺍﯾﮏ ﻧﻈﺮ ﭘﮭﺮ ﺩﯾﮑﮭﻨﺎ ﺷﺮﻭﻉ ﮐﯿﺎ۔ ﻭﮦ ﺑُﻠﭧ ﭘﻮﺍﺋﻨﭩﺲ ﺍﺱ ﻭﻗﺖ ﺣﻘﯿﻘﺘﺎً ﺍُﺳﮯ ﺑُﻠﭩﺲ ﮐﯽ ﻃﺮﺡ ﻟﮓ ﺭﮨﮯ ﺗﮭﮯ۔ ﺑﺮﯾﮏ ﮐﮯ ﺁﺧﺮﯼ ﺩﻭ ﻣﻨﭧ ﺑﺎﻗﯽ ﺗﮭﮯ ﺟﺐ ﻭﮦ ﺍﯾﮏ ﻓﯿﺼﻠﮧ ﭘﺮ ﭘﮩﻨﭻ ﮔﯿﺎ ﺗﮭﺎ۔ ﺑﻌﺾ ﺩﻓﻌﮧ ﺗﺎﺭﯾﺦ ﺑﻨﺎﻧﮯ ﻭﺍﻟﮯ ﮐﮯ ﮨﺎﺗﮭﻮﮞ ﮐﻮ ﺧﻮﺩ ﺟﮑﮍ ﮐﺮ ﺧﻮﺩ ﮐﻮ ﺑﻨﻮﺍﺗﯽ ﮨﮯ۔ ﺍﻭﺭ ﺗﺎﺭﯾﺦ 17 ﺟﻨﻮﺭﯼ 2030 ﮐﻮ ﺑﮭﯽ ﯾﮩﯽ ﮐﺮ ﺭﮨﯽ ﺗﮭﯽ۔ ****** ﮨﺸﺎﻡ ﻧﮯ ﭘﮩﻠﯽ ﺑﺎﺭ ﺍُﺱ ﻟﮍﮐﯽ ﮐﻮ ﺳﻮﮈﺍﻥ ﻣﯿﮟ ﺩﯾﮑﮭﺎ ﺗﮭﺎ۔ UNHCR ﮐﮯ ﺍﯾﮏ ﮐﯿﻤﭗ ﭘﺮ ﮐﺴﯽ ﭘﻨﺎﮦ ﮔﺰﯾﻦ ﮔﻮﻧﮕﯽ ﻋﻮﺭﺕ ﮐﮯ ﺳﺎﺗﮫ ﺍﺷﺎﺭﻭﮞ ﻣﯿﮟ ﺑﺎﺕ ﮐﺮﺗﮯ ﺍﻭﺭ ﺍُﺳﮯ ﮐﭽﮫ ﺳﻤﺠﮭﺎﺗﮯ۔ ﻭﮦ ﭘﺎﮐﺴﺘﺎﻧﯽ ﯾﺎ ﺍﻧﮉﯾﻦ ﺗﮭﯽ۔ ﮨﺸﺎﻡ ﻧﮯ ﺍُﺱ ﮐﮯ ﻧﻘﻮﺵ ﺍﻭﺭ ﺭﻧﮕﺖ ﺳﮯ ﺍﻧﺪﺍﺯﮦ ﻟﮕﺎﯾﺎ ﺗﮭﺎ، ﺍﻭﺭ ﭘﮭﺮ ﺍُﺱ ﮐﮯ ﮔﻠﮯ ﻣﯿﮟ ﻟﭩﮑﮯ ﮐﺎﺭﮈ ﭘﺮ ﺍُﺱ ﮐﺎ ﻧﺎﻡ ﭘﮍﮪ ﮐﺮ ﺍُﺳﮯ ﺍُﺱ ﮐﺎ ﻧﺎﻡ ﭘﺘﮧ ﭼﻞ ﮔﯿﺎ ﺗﮭﺎ۔ ﺑﮯ ﺣﺪ ﻣﻌﻤﻮﻟﯽ ﺷﮑﻞ ﻭ ﺻﻮﺭﺕ ﮐﯽ ﺍﯾﮏ ﺑﮯ ﺣﺪ ﺩﺑﻠﯽ ﭘﺘﻠﯽ ﮔﮭﻨﮯ ﺑﺎﻟﻮﮞ ﻭﺍﻟﯽ ﺍﯾﮏ ﺳﺎﻧﻮﻟﯽ ﺭﻧﮕﺖ ﮐﯽ ﺍﯾﮏ ﺩﺭﺍﺯ ﻗﺎﻣﺖ ﻟﮍﮐﯽ … ﺍُﺱ ﮐﺎ ﭘﺎﻧﭻ ﻓﭧ ﺳﺎﺕ ﺍﻧﭻ ﻗﺪ ﺍُﺱ ﮐﯽ ﻭﺍﺣﺪ ﺧﺎﺻﯿﺖ ﻟﮕﯽ ﺗﮭﯽ ﺍُﺱ ﭘﮩﻠﯽ ﻣﻼﻗﺎﺕ ﻣﯿﮟ ﮨﺸﺎﻡ ﮐﻮ۔ ﻭﮦ ﺍﯾﮏ ﻋﻮﺭﺕ ﺳﮯ ﺑﺎﺕ ﮐﺮﺗﮯ ﮐﺮﺗﮯ ﮨﺸﺎﻡ ﮐﯽ ﻃﺮﻑ ﻣﺘﻮﺟﮧ ﮨﻮﺋﯽ، ﺍﯾﮏ co-worker ﮐﮯ ﻃﻮﺭ ﭘﺮ ﺍُﺳﮯ ﻣﺴﮑﺮﺍﮨﭧ ﺩﯼ ﺍﻭﺭ ﮨﺎﺗﮭﻮﮞ ﮐﮯ ﺍﺷﺎﺭﮮ ﺳﮯ ﮨﯿﻠﻮ ﺍﻭﺭ ﺣﺎﻝ ﭼﺎﻝ ﭘﻮﭼﮭﺎ، ﺍُﺱ ﻟﮍﮐﯽ ﻧﮯ ﺑﮭﯽ ﮨﺎﺗﮭﻮﮞ ﮐﮯ ﺍﺷﺎﺭﮮ ﺳﮯ ﺍُﺱ ﮐﻮ ﺟﻮﺍﺏ ﺩﯾﺎ۔ ﺩﻭﻧﻮﮞ ﻧﮯ ﺑﯿﮏ ﻭﻗﺖ ﺍﭘﻨﮯ ﮔﻠﮯ ﻣﯿﮟ ﻟﭩﮑﮯ ﮐﺎﺭﮈﺯ ﭘﮑﮍ ﮐﺮ ﺍﻭﭘﺮ ﮐﺮﺗﮯ ﮨﻮﺋﮯ ﺍﻭﺭ ﺍُﺱ ﭘﺮ ﺍﻧﮕﻠﯽ ﭘﮭﯿﺮﺗﮯ ﮨﻮﺋﮯ ﺟﯿﺴﮯ ﺧﻮﺩ ﮐﻮ ﻣﺘﻌﺎﺭﻑ ﮐﯿﺎ۔ ﻭﮦ CARE ﮐﯽ ﻭﺭﮐﺮ ﺗﮭﯽ، ﻭﮦ ﺭﯾﮉﮐﺮﺍﺱ ﮐﺎ ﺍﻭﺭ ﻭﮦ ﺩﻭﻧﻮﮞ USA ﺳﮯ ﺁﺋﮯ ﺗﮭﮯ۔ ﺭﺳﻤﯽ ﺗﻌﺎﺭﻑ ﺍﻭﺭ ﻭﮨﺎﮞ ﮐﮯ ﺣﺎﻻﺕ ﮐﮯ ﺑﺎﺭﮮ ﻣﯿﮟ ﺍﺷﺎﺭﻭﮞ ﻣﯿﮟ ﮨﯽ ﺑﺎﺕ ﮐﺮﻧﮯ ﮐﮯ ﺑﻌﺪ ﻭﮦ ﺩﻭﻧﻮﮞ ﺁﮔﮯ ﺑﮍﮪ ﮔﺌﮯ ﺗﮭﮯ۔ ﺍُﻥ ﮐﯽ ﺩﻭﺳﺮﯼ ﻣﻼﻗﺎﺕ ﺩﻭﺳﺮﮮ ﺩﻥ ﮨﻮﺋﯽ ﺗﮭﯽ۔ ﻟﮑﮍﯼ ﮐﮯ ﻋﺎﺭﺿﯽ ﺑﺎﺗﮫ ﺭﻭﻣﺰ ﮐﯽ ﺗﻨﺼﯿﺐ ﻭ ﺗﻌﻤﯿﺮ ﻭﺍﻟﯽ ﺟﮕﮧ ﭘﺮ۔ ﻭﮦ ﺁﺝ ﺑﮭﯽ ﺍُﺱ ﺳﮯ ﭘﮩﻠﮯ ﻭﮨﺎﮞ ﻣﻮﺟﻮﺩ ﺗﮭﯽ ﺍﻭﺭ ﮐﭽﮫ ﺗﺼﻮﯾﺮﯾﮟ ﻟﮯ ﺭﮨﯽ ﺗﮭﯽ۔ ﻭﮦ ﮐﭽﮫ ﺳﺎﻣﺎﻥ ﻟﮯ ﮐﺮ ﻭﮨﺎﮞ ﺁﯾﺎ ﺗﮭﺎ ﺍﯾﮏ ﻟﻮﮈﺭ ﮔﺎﮌﯼ ﻣﯿﮟ ﻟﭩﮑﮯ … ﺩﻭﻧﻮﮞ ﻧﮯ ﺍﯾﮏ ﺑﺎﺭ ﭘﮭﺮ ﺍﺷﺎﺭﻭﮞ ﮐﯽ ﺯﺑﺎﻥ ﻣﯿﮟ ﺭﺳﻤﯽ ﻋﻠﯿﮏ ﺳﻠﯿﮏ ﮐﯽ۔ ﺗﯿﺴﺮﯼ ﻣﻼﻗﺎﺕ ﻟﻤﺒﯽ ﺗﮭﯽ، ﻭﮦ ﺍﯾﮉ ﻭﺭﮐﺮﺯ ﮐﮯ ﺍﯾﮏ ﮈﻧﺮ ﻣﯿﮟ ﻣﻠﮯ ﺗﮭﮯ … ﮈﻧﺮ ﮨﺎﻝ ﮐﮯ ﺑﺎﮨﺮ ﮐﻮﺭﯾﮉﻭﺭ ﻣﯿﮟ … ﺩﻭﻧﻮﮞ ﺩﺱ ﻣﻨﭧ ﺍﺷﺎﺭﻭﮞ ﮐﯽ ﺯﺑﺎﻥ ﻣﯿﮟ ﺑﺎﺕ ﮐﺮﺗﮯ ﺭﮨﮯ … ﻭﮦ ﭘﺎﮐﺴﺘﺎﻥ ﺳﮯ ﺗﮭﯽ، ﻭﮦ ﺑﺤﺮﯾﻦ ﺳﮯ … ﻭﮦ ﻧﯿﻮ ﯾﺎﺭﮎ ﯾﻮﻧﯿﻮﺭﺳﭩﯽ ﻣﯿﮟ ﭘﮍﮪ ﺭﮨﺎ ﺗﮭﺎ، ﻭﮦ ﺳﭩﯽ ﯾﻮﻧﯿﻮﺭﺳﭩﯽ ﻧﯿﻮ ﯾﺎﺭﮎ ﻣﯿﮟ … ﻭﮦ ﻓﻨﺎﻧﺲ ﮐﺎ ﺍﺳﭩﻮﮈﻧﭧ ﺗﮭﺎ ، ﻭﮦ ﺳﻮﺷﻞ ﺳﺎﺋﻨﺴﺰ ﮐﯽ … ﺍﻭﺭ ﺍﻥ ﺩﻭﻧﻮﮞ ﮐﮯ ﺩﺭﻣﯿﺎﻥ ﮐﺎﻣﻦ ﭼﯿﺰ ﺻﺮﻑ ﺍﯾﮏ ﺗﮭﯽ۔ ﺭﯾﻠﯿﻒ ﻭﺭﮎ، ﺟﺲ ﻣﯿﮟ ﻭﮦ ﺩﻭﻧﻮﮞ ﺍﭘﻨﯽ ﭨﯿﻦ ﺍﯾﺞ ﺳﮯ ﺍﻧﻮﺍﻟﻮﮈ ﺗﮭﮯ … ﺍُﻥ ﺩﻭﻧﻮﮞ ﮐﺎ Academic C.V ﺍﺗﻨﺎ ﻟﻤﺒﺎ ﻧﮩﯿﮟ ﺗﮭﺎ ﺟﺘﻨﺎ ﺍُﻥ ﮐﺎ Extra-Curricular ﮐﻮﺭﯾﮉﻭﺭ ﻣﯿﮟ ﮐﮭﮍﮮ ﺍُﻥ ﺩﺱ ﻣﻨﭩﻮﮞ ﻣﯿﮟ ﺍُﻥ ﺩﻭﻧﻮﮞ ﻧﮯ ﺍﯾﮏ ﺩﻭﺳﺮﮮ ﮐﮯ ﺑﺎﺭﮮ ﻣﯿﮟ ﮨﯽ ﭘﻮﭼﮭﺎ ﺍﻭﺭ ﺟﺎﻧﺎ ﺗﮭﺎ … ﺍﺷﺎﺭﻭﮞ ﮐﯽ ﺯﺑﺎﻥ ﻣﯿﮟ ﺳﻮﺍﻻﺕ ﺑﮩﺖ ﺗﻔﺼﯿﻠﯽ ﮨﻮ ﮔﺌﮯ ﺗﮭﮯ ﻟﯿﮑﻦ ﮨﺸﺎﻡ ﮐﺎ ﺩﻝ ﭼﺎﮨﺎ ﺗﮭﺎ ﻭﮦ ﺍُﺱ ﺳﮯ ﺍﻭﺭ ﺑﮭﯽ ﺳﻮﺍﻝ ﮐﺮﺗﺎ … ﻭﮦ ﻗﻮﺕِ ﮔﻮﯾﺎﺋﯽ ﺭﮐﮭﺘﯽ ﺗﻮ ﻭﮦ ﮐﺮ ﮨﯽ ﻟﯿﺘﺎ … ﺍُﺱ ﮐﮯ ﺳﺎﺗﮫ ﮐﮭﮍﮮ ﺍُﺱ ﻧﮯ ﺳﻮﭼﺎ ﺗﮭﺎ … ﻭﮦ ﺍُﺳﮯ ﺍُﺱ ﺷﺎﻡ ﺍﺗﻨﯽ ﮨﯽ ﺩﻝ ﭼﺴﭗ ﻟﮕﯽ ﺗﮭﯽ ﺍﻭﺭ ﺍﺱ ﺳﮯ ﭘﮩﻠﮯ ﮐﮧ ﻭﮦ ﺩﻭﻧﻮﮞ ﮨﻤﯿﺸﮧ ﮐﯽ ﻃﺮﺡ ﻣﻞ ﮐﺮ ﺁﮔﮯ ﺑﮍﮪ ﺟﺎﺗﮯ … ﺍُﺱ ﮐﻮﺭﯾﮉﻭﺭ ﺳﮯ ﺑﮩﺖ ﺳﺎﺭﮮ ﮔﺰﺭﻧﮯ ﻭﺍﻟﮯ ﺍﯾﮉ ﻭﺭﮐﺮﺯ ﻣﯿﮟ ﺳﮯ ﺍﯾﮏ ﺟﻮ ﺍُﻥ ﺩﻭﻧﻮﮞ ﮐﻮ ﺟﺎﻧﺘﺎ ﺗﮭﺎ ﺍُﺱ ﻧﮯ ﺍُﻧﮩﯿﮟ ﺑﻠﻨﺪ ﺁﻭﺍﺯ ﻣﯿﮟ ﺩﻭﺭ ﺳﮯ ﻣﺨﺎﻃﺐ ﮐﺮﺗﮯ ﮨﻮﺋﮯ ﮨﯿﻠﻮ ﮐﮩﺎ ﺍﻭﺭ ﺳﺎﺗﮫ ﺣﺎﻝ ﺍﺣﻮﺍﻝ ﺩﺭﯾﺎﻓﺖ ﮐﯿﺎ۔ ﻭﮦ ﺩﻭﻧﻮﮞ ﺑﯿﮏ ﻭﻗﺖ ﺍُﺱ ﮐﯽ ﻃﺮﻑ ﻣﺨﺎﻃﺐ ﮨﻮﺋﮯ۔ ﺍﻧﮩﻮﮞ ﻧﮯ ﺑﯿﮏ ﻭﻗﺖ ﺍُﺱ ﮐﯽ ﮨﯿﻠﻮ ﮐﺎ ﺟﻮﺍﺏ ﺩﯾﺘﮯ ﮨﻮﺋﮯ ﺟﻮﺍﺑﺎً ﺍُﺱ ﮐﯽ ﺧﯿﺮﯾﺖ ﺩﺭﯾﺎﻓﺖ ﮐﯽ ﺍﻭﺭ ﭘﮭﺮ ﺩﻭﻧﻮﮞ ﻧﮯ ﺑﯿﮏ ﻭﻗﺖ ﮐﺮﻧﭧ ﮐﮭﺎ ﮐﺮ ﺍﯾﮏ ﺩﻭﺳﺮﮮ ﮐﻮ ﺩﯾﮑﮭﺎ۔ stunned silence ﻣﯿﮟ … ﺍﻭﺭ ﭘﮭﺮ ﺩﻭﻧﻮﮞ ﻗﮩﻘﮩﮧ ﻟﮕﺎ ﮐﺮ ﮨﻨﺴﮯ ﺗﮭﮯ … ﺍﻭﺭ ﮨﻨﺴﺘﮯ ﮨﯽ ﮔﺌﮯ ﺗﮭﮯ … ﺳُﺮﺥ ﮨﻮﺗﮯ ﮨﻮﺋﮯ ﭼﮩﺮﮮ ﮐﮯ ﺳﺎﺗﮫ … ﺍﭘﻨﯽ ﺷﺮﻣﻨﺪﮔﯽ ﭼﮭﭙﺎﻧﮯ ﮐﮯ ﻟﺌﮯ ﺍُﻥ ﮐﮯ ﭘﺎﺱ ﺍﺱ ﺳﮯ ﺍﭼﮭﺎ ﻃﺮﯾﻘﮧ ﮐﻮﺋﯽ ﺍﻭﺭ ﻧﮩﯿﮟ ﺗﮭﺎ ﺍُﺱ ﻭﻗﺖ … ﺍُﻥ ﺩﻭﻧﻮﮞ ﮐﺎ ﭘﮩﻼ ﺗﻌﺎﺭﻑ ” ﺧﺎﻣﻮﺷﯽ ” ﻧﮯ ﮐﺮﻭﺍﯾﺎ ﺗﮭﺎ ﺍﻭﺭ ﻭﮦ ﺧﺎﻣﻮﺷﯽ ﮨﻤﯿﺸﮧ ﺍُﻥ ﮐﮯ ﮨﺮ ﺟﺬﺑﮯ ﮐﯽ ﺁﻭﺍﺯ ﺑﻨﯽ ﺭﮨﯽ … ﻭﮦ ﺟﯿﺴﮯ ﺍُﻥ ﮐﺎ ﺳﺐ ﺳﮯ ﺩﻝ ﭼﺴﭗ ﮐﮭﯿﻞ ﺗﮭﺎ … ﺟﺐ ﺍﯾﮏ ﺩﻭﺳﺮﮮ ﺳﮯ ﮐﭽﮫ ﺑﮭﯽ ﺧﺎﺹ ﮐﮩﻨﺎ ﮨﻮﺗﺎ ﺗﻮ Sign Language ﻣﯿﮟ ﺑﺎﺕ ﮐﺮﻧﮯ ﻟﮕﺘﮯ۔ ﮨﻨﺴﺘﮯ ﮐﮭﻠﮑﮭﻼﺗﮯ، ﺑﻮﺟﮭﺘﮯ، ﺑﮭﭩﮑﺘﮯ، ﺳﻨﺒﮭﻠﺘﮯ، ﺳﻤﺠﮭﺘﮯ … ﮐﯿﺎ ﮐﮭﯿﻞ ﺗﮭﺎ !!… ﻭﮦ ﺍُﺱ ﻭﻗﺖ ﯾﻮﻧﯿﻮﺭﺳﭩﯽ ﻣﯿﮟ ﺍﺑﮭﯽ ﮔﺌﮯ ﮨﯽ ﺗﮭﮯ … ﮨﺸﺎﻡ ﮐﻮ ﺣﯿﺮﺕ ﺗﮭﯽ ﺍُﻥ ﮐﯽ ﻣﻼﻗﺎﺕ ﺍﺱ ﺳﮯ ﭘﮩﻠﮯ ﮐﯿﻮﮞ ﻧﮩﯿﮟ ﮨﻮﺋﯽ۔ ﻭﮦ ﺩﻭﻧﻮﮞ ﺍﯾﮏ ﺟﯿﺴﯽ relief agencies ﮐﮯ ﺳﺎﺗﮫ ﮐﺎﻡ ﮐﺮ ﺭﮨﮯ ﺗﮭﮯ، ﻟﯿﮑﻦ ﺍﺱ ﺳﮯ ﭘﮩﻠﮯ ﻭﮦ ﺻﺮﻑ ﺍﻣﺮﯾﮑﮧ ﮐﮯ ﺍﻧﺪﺭ ﮨﯽ ﻃﻮﻓﺎﻧﻮﮞ ﺍﻭﺭ ﺳﯿﻼﺑﻮﮞ ﮐﮯ ﺩﻭﺭﺍﻥ ﮨﻮﻧﮯ ﻭﺍﻟﮯ ﺭﯾﻠﯿﻒ ﻭﺭﮎ ﺳﮯ ﻣﻨﺴﻠﮏ ﺭﮨﮯ ﺗﮭﮯ، ﯾﮧ ﭘﮩﻼ ﻣﻮﻗﻊ ﺗﮭﺎ ﮐﮧ ﻭﮦ ﺩﻭﻧﻮﮞ ﺍﻣﺮﯾﮑﮧ ﺳﮯ ﺑﺎﮨﺮ ﮨﻮﻧﮯ ﻭﺍﻟﮯ ﮐﺴﯽ ﺭﯾﻠﯿﻒ ﮐﯿﻤﭗ ﻣﯿﮟ ﺣﺼّﮧ ﻟﯿﻨﮯ ﮐﮯ ﻟﺌﮯ ﮔﺌﮯ ﺗﮭﮯ۔ ﻧﯿﻮ ﯾﺎﺭﮎ ﻭﺍﭘﺴﯽ ﮐﮯ ﺑﻌﺪ ﺑﮭﯽ ﺍُﻥ ﺩﻭﻧﻮﮞ ﮐﺎ ﺭﺍﺑﻄﮧ ﺁﭘﺲ ﻣﯿﮟ ﺧﺘﻢ ﻧﮩﯿﮟ ﮨﻮﺍ ﺗﮭﺎ … ﺩﻭ ﻣﺨﺘﻠﻒ ﯾﻮﻧﯿﻮﺭﺳﭩﯿﺰ ﻣﯿﮟ ﮨﻮﻧﮯ ﮐﮯ ﺑﺎﻭﺟﻮﺩ ﻭﮦ ﺍﯾﮏ ﺩﻭﺳﺮﮮ ﺳﮯ ﻭﻗﺘﺎً ﻓﻮﻗﺘﺎً ﻣﺨﺘﻠﻒ ﺳﻮﺷﻞ ﺍﯾﻮﻧﭩﺲ ﻣﯿﮟ ﻣﻠﺘﮯ ﺭﮨﺘﮯ ﺗﮭﮯ ﮐﯿﻮﮞ ﮐﮧ ﺩﻭﻧﻮﮞ ﻣﺴﻠﻤﺎﻥ ﻃﻠﺒﮧ ﮐﯽ ﺗﻨﻈﯿﻢ ﺳﮯ ﺑﮭﯽ ﻭﺍﺑﺴﺘﮧ ﺗﮭﮯ … ﺍﻭﺭ ﭘﮭﺮ ﯾﮧ ﺭﺍﺑﻄﮧ ﻭﻗﺘﺎً ﻓﻮﻗﺘﺎً ﺍﻥ ﺳﻮﺷﻞ ﺍﯾﻮﻧﭩﺲ ﺳﮯ ﮨﭧ ﮐﺮ ﺑﮭﯽ ﮨﻮﻧﮯ ﻟﮕﺎ … ﻭﮦ ﺩﻭﻧﻮﮞ ﺍﯾﮏ ﺩﻭﺳﺮﮮ ﮐﯽ ﻓﯿﻤﻠﯽ ﺳﮯ ﺑﮭﯽ ﻣﻞ ﭼﮑﮯ ﺗﮭﮯ ﺍﻭﺭ ﺍﺏ ﺑﮩﺖ ﺑﺎﻗﺎﻋﺪﮔﯽ ﺳﮯ ﻣﻠﻨﮯ ﻟﮕﮯ ﺗﮭﮯ۔ ﺩﻭﻧﻮﮞ ﮐﮯ ﻭﺍﻟﺪ ﺍﯾﮏ ﺩﻭﺳﺮﮮ ﮐﻮ ﺑﮩﺖ ﺍﭼﮭﯽ ﻃﺮﺡ ﺟﺎﻧﺘﮯ ﺗﮭﮯ … ﮨﺸﺎﻡ ﺍﻣﺮﯾﮑﮧ ﻣﯿﮟ ﺑﺤﺮﯾﻦ ﮐﮯ ﺳﻔﯿﺮ ﮐﺎ ﺑﯿﭩﺎ ﺗﮭﺎ، ﺍﻭﺭ ﺑﺤﺮﯾﻦ ﮐﮯ ﺳﻔﺎﺭﺕ ﺧﺎﻧﮯ ﻣﯿﮟ ﮨﻮﻧﮯ ﻭﺍﻟﯽ ﺍﮐﺜﺮ ﮔﯿﺪﺭﻧﮕﺰ ﻣﯿﮟ ﺍُﺳﮯ ﺑﮭﯽ ﺍﻧﻮﺍﺋﯿﭧ ﮐﯿﺎ ﺟﺎﺗﺎ ﺗﮭﺎ۔ ﺍُﺱ ﮐﯽ ﻣﺎﮞ ﺍﯾﮏ ﻓﻠﺴﻄﯿﻨﯽ ﻧﮋﺍﺩ ﮈﺍﮐﭩﺮ ﺗﮭﯽ ﺍﻭﺭ ﺍﺱ ﮐﺎ ﺑﺎﭖ ﺍﻣﺮﯾﮑﮧ ﮐﮯ ﻋﻼﻭﮦ ﺑﮩﺖ ﺳﮯ ﯾﻮﺭﭘﯿﻦ ﻣﻤﺎﻟﮏ ﻣﯿﮟ ﺑﺤﺮﯾﻦ ﮐﯽ ﻧﻤﺎﺋﻨﺪﮔﯽ ﮐﺮ ﭼﮑﺎ ﺗﮭﺎ۔ ﺩﻭ ﺑﮩﻦ ﺑﮭﺎﺋﯿﻮﮞ ﻣﯿﮟ ﻭﮦ ﺑﮍﺍ ﺗﮭﺎ ﺍﻭﺭ ﺍُﺱ ﮐﯽ ﺑﮩﻦ ﺍﺑﮭﯽ ﮨﺎﺋﯽ ﺳﮑﻮﻝ ﻣﯿﮟ ﺗﮭﯽ۔ ﺭﯾﻠﯿﻒ ﻭﺭﮎ ﻣﯿﮟ ﺩﻝ ﭼﺴﭙﯽ ﮨﺸﺎﻡ ﮐﻮ ﺍﭘﻨﯽ ﻣﺎﮞ ﺳﮯ ﻭﺭﺍﺛﺖ ﻣﯿﮟ ﻣﻠﯽ ﺗﮭﯽ ﺟﻮ ﮨﺸﺎﻡ ﮐﮯ ﺑﺎﭖ ﺳﮯ ﺷﺎﺩﯼ ﺳﮯ ﭘﮩﻠﮯ ﺭﯾﮉ ﮐﺮﺍﺱ ﮐﮯ ﺳﺎﺗﮫ ﻣﻨﺴﻠﮏ ﺗﮭﯽ ﺍﻭﺭ ﻓﻠﺴﻄﯿﻦ ﻣﯿﮟ ﮨﻮﻧﮯ ﻭﺍﻟﮯ ﺭﯾﻠﯿﻒ ﮐﯿﻤﭙﺲ ﻣﯿﮟ ﺍﮐﺜﺮ ﺍُﻥ ﺍﻣﺪﺍﺩﯼ ﭨﯿﻤﻮﮞ ﮐﮯ ﺳﺎﺗﮫ ﺟﺎﺗﯽ ﺗﮭﯽ ﺟﻮ ﺍﻣﺮﯾﮑﮧ ﺳﮯ ﺟﺎﺗﯽ ﺗﮭﯿﮟ۔ ﺷﺎﺩﯼ ﮐﮯ ﺑﻌﺪ ﺍُﺱ ﮐﺎ ﻭﮦ ﮐﺎﻡ ﺻﺮﻑ ﻓﻨﮉﺯ ﺍﮐﭩﮭﮯ ﮐﺮﻧﮯ ﺍﻭﺭ donations ﺗﮏ ﻣﺤﺪﻭﺩ ﺭﮦ ﮔﯿﺎ ﺗﮭﺎ۔ ﻣﮕﺮ ﮨﺸﺎﻡ ﻧﮯ ﺍﭘﻨﯽ ﻣﺎﮞ ﻓﺎﻃﻤﮧ ﺳﮯ ﯾﮧ ﺷﻮﻕ ﻭﺭﺍﺛﺖ ﻣﯿﮟ ﻟﯿﺎ ﺗﮭﺎ۔ ﺍﻭﺭ ﻭﻗﺖ ﮔﺰﺭﻧﮯ ﮐﮯ ﺳﺎﺗﮫ ﺳﺎﺗﮫ ﻭﮦ ﺷﻮﻕ ﺑﮍﮬﺘﺎ ﮨﯽ ﮔﯿﺎ ﺗﮭﺎ۔ ﺍُﺱ ﻟﮍﮐﯽ ﺳﮯ ﻣﻠﻨﮯ ﮐﮯ ﺑﻌﺪ ﺍُﺳﮯ ﺍﭘﻨﺎ ﺷﻮﻕ ﺍﻭﺭ ﺟﻨﻮﮞ ﺑﮩﺖ ﮐﻢ ﺍﻭﺭ ﮐﻤﺘﺮ ﻟﮕﺎ ﺗﮭﺎ۔ ﻭﮦ ﺍُﺱ ﮐﻢ ﻋﻤﺮﯼ ﻣﯿﮟ ﺟﻦ ﺭﯾﻠﯿﻒ ﭘﺮﻭﺟﯿﮑﭩﺲ ﮐﮯ ﺳﺎﺗﮫ ﻣﻨﺴﻠﮏ ﺭﮨﯽ ﺗﮭﯽ، ﺑﮩﺖ ﮐﻢ ﺍﯾﺴﺎ ﮨﻮﺍ ﺗﮭﺎ ﮐﮧ ﺭﯾﻠﯿﻒ ﺁﭘﺮﯾﺸﻦ ﮐﮯ ﺑﻌﺪ ﺑﮩﺘﺮﯾﻦ ﺧﺪﻣﺎﺕ ﮐﺎ ﺳﺮﭨﯿﻔﯿﮑﯿﭧ ﺣﺎﺻﻞ ﮐﺮﻧﮯ ﻭﺍﻟﻮﮞ ﻣﯿﮟ ﺍُﺱ ﮐﺎ ﻧﺎﻡ ﻧﮧ ﮨﻮﺗﺎ۔ ﺍُﺱ ﺳﮯ ﻣﯿﻞ ﺟﻮﻝ ﮐﺎ ﺁﻏﺎﺯ ﮨﻮﻧﮯ ﮐﮯ ﺑﻌﺪ ﮨﺸﺎﻡ ﮐﻮ ﺍﺣﺴﺎﺱ ﮨﻮﺍ ﮐﮧ ﺍُﻥ ﮐﮯ ﺩﺭﻣﯿﺎﻥ ﺍﻧﺴﺎﻧﯿﺖ ﮐﯽ ﺧﺪﻣﺖ ﮐﺎ ﺟﺬﺑﮧ ﺍﯾﮏ ﻭﺍﺣﺪ ﮐﺎﻣﻦ ﭼﯿﺰ ﻧﮩﯿﮟ ﺗﮭﯽ، ﺍﻭﺭ ﺑﮭﯽ ﺑﮩﺖ ﺳﯽ ﺩﻟﭽﺴﭙﯿﺎﮞ ﻣﺸﺘﺮﮐﮧ ﺗﮭﯿﮟ ﺍﻭﺭ ﺻﺮﻑ ﺩﻟﭽﺴﭙﯿﺎﮞ ﺍﻭﺭ ﻣﺸﺎﻏﻞ ﮨﯽ ﻧﮩﯿﮟ … ﺧﺼﻮﺻﯿﺎﺕ ﺑﮭﯽ … ﺩﻭﻧﻮﮞ ﮐﺘﺎﺑﯿﮟ ﭘﮍﮬﻨﮯ ﮐﮯ ﺷﻮﻗﯿﻦ ﺗﮭﮯ ﺍﻭﺭ ﺑﮩﺖ ﺯﯾﺎﺩﮦ … ﺩﻭﻧﻮﮞ ﮐﻮ ﺗﺎﺭﯾﺦ ﻣﯿﮟ ﺩﻝ ﭼﺴﭙﯽ ﺗﮭﯽ … ﺩﻭﻧﻮﮞ ﭘﮭﺮﻧﮯ ﭘﮭﺮﺍﻧﮯ ﮐﮯ ﺷﻮﻗﯿﻦ ﺗﮭﮯ ﺍﻭﺭ ﺩﻭﻧﻮﮞ ﺑﮩﺖ ﺯﯾﺎﺩﮦ ﺑﺎﺗﻮﻧﯽ ﻧﮩﯿﮟ ﺗﮭﮯ … ﺳﻮﭺ ﺳﻤﺠﮫ ﮐﺮ ﺑﺎﺕ ﮐﺮﻧﮯ ﮐﮯ ﻋﺎﺩﯼ ﺗﮭﮯ۔ ﮨﺸﺎﻡ ﮐﯽ ﭘﻮﺭﯼ ﺯﻧﺪﮔﯽ ﻟﮍﮐﯿﻮﮞ ﮐﮯ ﺳﺎﺗﮫ ﻣﺨﻠﻮﻁ ﺗﻌﻠﯿﻤﯽ ﻣﺎﺣﻮﻝ ﺍﻭﺭ ﻣﻌﺎﺷﺮﮮ ﻣﯿﮟ ﮔﺰﺭﯼ ﺗﮭﯽ … ﻧﮧ ﺍُﺱ ﮐﮯ ﻟﺌﮯ ﻟﮍﮐﯿﺎﮞ ﻧﺌﯽ ﭼﯿﺰ ﺗﮭﯿﮟ، ﻧﮧ ﺍُﻥ ﺳﮯ ﺩﻭﺳﺘﯽ … ﻟﯿﮑﻦ ﺯﻧﺪﮔﯽ ﻣﯿﮟ ﭘﮩﻠﯽ ﺑﺎﺭ ﻭﮦ ﮐﺴﯽ ﻟﮍﮐﯽ ﺳﮯ ﻣﺘﺎﺛﺮ ﮨﻮ ﮐﺮ ﺍُﺱ ﮐﯽ ﻃﺮﻑ ﻣﺘﻮﺟﮧ ﮨﻮﺍ ﺗﮭﺎ۔ ﺍُﺱ ﮐﺎ ﮐﺒﮭﯽ ﮐﻮﺋﯽ ﺁﺋﯿﮉﯾﻞ ﻧﮩﯿﮟ ﺭﮨﺎ ﺗﮭﺎ ﻟﯿﮑﻦ ﺍُﺳﮯ ﻟﮍﮐﯿﻮﮞ ﻣﯿﮟ ﺟﻮ ﭼﯿﺰﯾﮟ ﺍﭨﺮﯾﮑﭧ ﮐﺮﺗﯽ ﺗﮭﯿﮟ، ﺍُﻥ ﻣﯿﮟ ﺳﮯ ﮐﻮﺋﯽ ﺑﮭﯽ ﭼﯿﺰ ﺍُﺱ ﻟﮍﮐﯽ ﻣﯿﮟ ﻧﮩﯿﮟ ﺗﮭﯽ … ﻧﮧ ﻭﮦ ﺣﺴﯿﻦ ﺗﮭﯽ … ﻧﮧ ﺳﭩﺎﺋﻠﺶ، ﻧﮧ ﺍﯾﺴﯽ ﺫﮨﯿﻦ ﮐﮧ ﺍﮔﻠﮯ ﮐﻮ ﭼﺎﺭﻭﮞ ﺷﺎﻧﮯ ﭼِﺖ ﮐﺮﺩﮮ ﻟﯿﮑﻦ ﺍﺱ ﮐﮯ ﺑﺎﻭﺟﻮﺩ ﻭﮦ ﺍُﺳﮯ ﮐﺴﯽ ﻣﻘﻨﺎﻃﯿﺲ ﮐﯽ ﻃﺮﺡ ﺍﭘﻨﯽ ﻃﺮﻑ ﮐﮭﯿﻨﭽﺘﯽ ﺗﮭﯽ … ﻧﻈﺮ ﮐﺎ ﺍﯾﮏ ﺟﺪﯾﺪ ﺍﻧﺪﺍﺯ ﮐﺎ ﭼﺸﻤﮧ ﻟﮕﺎﺋﮯ ﻭﮦ ﺳﺎﺩﮦ ﺳﯽ ﺟﯿﻨﺰ ﺍﻭﺭ ﮐُﺮﺗﯿﻮﮞ ﻣﯿﮟ ﺍﮐﺜﺮ flip flops ﻣﯿﮟ ﺑﮩﺖ ﺳﯽ stilleto heels ﻭﺍﻟﯽ ﻟﮍﮐﯿﻮﮞ ﮐﮯ ﺳﺎﻣﻨﮯ ﮨﺸﺎﻡ ﮐﻮ ﺯﯾﺎﺩﮦ ﭘﺮﮐﺸﺶ ﻣﺤﺴﻮﺱ ﮨﻮﺗﯽ ﺗﮭﯽ … ﺧﻮﺩ ﻣﯿﮟ ﻣﮕﻦ، ﺩﻭﺳﺮﻭﮞ ﺳﮯ ﺑﮯ ﻧﯿﺎﺯ … ﮐﺎﻟﺮﮈ ﮐُﺮﺗﯿﻮﮞ ﺍﻭﺭ ﺷﺮﭨﺲ ﻣﯿﮟ ﺳﺮ ﮐﮯ ﺑﺎﻝ ﺟُﻮﮌﮮ ﮐﯽ ﺷﮑﻞ ﻣﯿﮟ ﺑﺎﻧﺪﮬﮯ ﺍﭘﻨﯽ ﻟﻤﺒﯽ ﻧﯿﻠﯽ ﮔﺮﺩﻥ ﮐﻮ ﮐﺴﯽ ﺭﺍﺝ ﮨﻨﺲ ﮐﯽ ﻃﺮﺡ ﻟﮩﺮﺍﺗﯽ ﻭﮦ ﮨﻤﯿﺸﮧ ﺍُﺳﮯ ﻓﻮﻥ ﯾﺎ ﭨﯿﺒﻠﭧ ﮨﺎﺗﮫ ﻣﯿﮟ ﭘﮑﮍﮮ ﺍﭘﻨﮯ ﺣﺎﻝ ﻣﯿﮟ ﻣﮕﻦ ﻣﻠﺘﯽ ﺗﮭﯽ، ﺍُﻥ ﺑﮩﺖ ﺳﯽ ﺩﻭﺳﺮﯼ ﻟﮍﮐﯿﻮﮞ ﮐﮯ ﺑﺮﻋﮑﺲ ﺟﻮ ﺍُﺳﮯ ﺩﯾﮑﮭﺘﮯ ﮨﯽ ﺑﮯ ﺣﺪ attentive ﮨﻮ ﺟﺎﺗﯽ ﺗﮭﯿﮟ۔ ﮨﺸﺎﻡ ﻋﺮﺏ ﺗﮭﺎ، ﻋﻮﺭﺕ ﮐﯽ ﺍﺩﺍﺅﮞ ﺳﮯ ﺑﺨﻮﺑﯽ ﻭﺍﻗﻒ ﮨﻮﻧﮯ ﮐﮯ ﺑﺎﻭﺟﻮﺩ ﺍﺩﺍﺅﮞ ﮨﯽ ﺳﮯ ﮔﮭﺎﺋﻞ ﮨﻮﻧﮯ ﻭﺍﻻ، ﻟﯿﮑﻦ ﺍُﺱ ﻟﮍﮐﯽ ﮐﮯ ﭘﺎﺱ ﮐﻮﺋﯽ ﺍﺩﺍ ﺳﺮﮮ ﺳﮯ ﺗﮭﯽ ﮨﯽ ﻧﮩﯿﮟ ﺍﺱ ﮐﮯ ﺑﺎﻭﺟﻮﺩ ﻭﮦ ﮔﮭﺎﺋﻞ ﮨﻮﺭﮨﺎ ﺗﮭﺎ۔ ” ﻣﯿﺮﮮ ﻣﻌﺎﺷﺮﮮ ﻣﯿﮟ ﺍﮔﺮ ﻣﺮﺩ ﮐﺴﯽ ﻋﻮﺭﺕ ﮐﮯ ﺳﺎﺗﮫ ﮐﮩﯿﮟ ﺟﺎﺋﮯ ﺗﻮ ﮐﮭﺎﻧﮯ ﮐﺎ ﺑﻞ ﻭﮦ ﺩﯾﺘﺎ ﮨﮯ، ﻋﻮﺭﺕ ﻧﮩﯿﮟ۔ ” ﮨﺸﺎﻡ ﻧﮯ ﭘﮩﻠﯽ ﺑﺎﺭ ﺍُﺳﮯ ﮐﮩﯿﮟ ﮐﮭﺎﻧﮯ ﮐﯽ ﺩﻋﻮﺕ ﺩﯼ ﺗﮭﯽ ﺍﻭﺭ ﺑِﻞ ﮐﯽ ﺍﺩﺍﺋﯿﮕﯽ ﮐﮯ ﻭﻗﺖ ﺍُﺳﮯ ﭘﺮﺱ ﻧﮑﺎﻟﺘﮯ ﺩﯾﮑﮫ ﮐﺮ ﺍُﺱ ﻧﮯ ﺑﮍﯼ ﺳﻨﺠﯿﺪﮔﯽ ﺳﮯ ﺭﻭﮐﺘﮯ ﮨﻮﺋﮯ ﮐﮩﺎ ﺗﮭﺎ۔ ﻭﮦ ﺟﻮﺍﺑﺎً ﻣﺴﮑﺮﺍﺗﮯ ﮨﻮﺋﮯ ﭘﺮﺱ ﺳﮯ ﮐﭽﮫ ﻧﻮﭦ ﻧﮑﺎﻟﺘﮯ ﮨﻮﺋﮯ ﺍُﺱ ﺳﮯ ﺑﻮﻟﯽ ” ﺍﻭﺭ ﻣﯿﺮﮮ ﺑﺎﭖ ﻧﮯ ﻣﺠﮭﮯ ﮐﮩﺎ ﺗﮭﺎ ﮐﮧ ﺍﭘﻨﮯ ﺑﺎﭖ ﺍﻭﺭ ﺑﮭﺎﺋﯽ ﮐﮯ ﻋﻼﻭﮦ ﮐﺴﯽ ﻣﺮﺩ ﮐﮯ ﺳﺎﺗﮫ ﺑﮭﯽ ﮐﮭﺎﻧﺎ ﮐﮭﺎﺗﮯ ﮨﻮﺋﮯ ﺍﭘﻨﺎ ﺑﻞ ﺧﻮﺩ ﺩﯾﻨﺎ، ﯾﮧ ﺗﻤﮩﯿﮟ ﮨﺮ ﺧﻮﺵ ﻓﮩﻤﯽ ﺍﻭﺭ ﺍُﺳﮯ ﮨﺮ ﻏﻠﻂ ﻓﮩﻤﯽ ﺳﮯ ﺩﻭﺭ ﺭﮐﮭﮯ ﮔﺎ … ﺍﺱ ﻟﺌﮯ ﯾﮧ ﻣﯿﺮﮮ ﺣﺼّﮧ ﮐﺎ ﺑﻞ ”… ﺍُﺱ ﻧﮯ ﻧﻮﭦ ﻣﯿﺰ ﭘﺮ ﺭﮐﮭﺘﮯ ﮨﻮﺋﮯ ﮨﺸﺎﻡ ﺳﮯ ﮐﮩﺎ ﺗﮭﺎ۔ ﻣﺴﮑﺮﺍﺋﯽ ﻭﮦ ﺍﺏ ﺑﮭﯽ ﺗﮭﯽ، ﮨﺸﺎﻡ ﭼﻨﺪ ﻟﻤﺤﻮﮞ ﮐﮯ ﻟﺌﮯ ﻻﺟﻮﺍﺏ ﮨﻮﺍ ﺗﮭﺎ … ﻭﮦ ﺑﮍﺍ ﻣﮩﻨﮕﺎ ﺭﯾﺴﭩﻮﺭﻧﭧ ﺗﮭﺎ ﺟﮩﺎﮞ ﻭﮦ ﺍُﺳﮯ ﻻﯾﺎ ﺗﮭﺎ ﺍﻭﺭ ﻭﮦ ﺟﺐ ﺑﮭﯽ ﮐﺴﯽ ﻟﮍﮐﯽ ﮐﻮ ﻭﮨﺎﮞ ﻻ ﮐﺮ ﺑﻞ ﺧﻮﺩ ﺍﺩﺍ ﮐﯿﺎ ﮐﺮﺗﺎ ﺗﮭﺎ، ﺍُﺳﮯ ﺍُﺱ ﻟﮍﮐﯽ ﮐﯽ ﻃﺮﻑ ﺳﮯ ﺑﮯ ﺣﺪ ﻧﺎﺯ ﺑﮭﺮﺍ ﺍﻭﺭ ﻣﺼﻨﻮﻋﯽ ﺣﯿﺮﺕ ﺍﻭﺭ ﮔﺮﻡ ﺟﻮﺷﯽ ﺳﮯ ﺑﮭﺮﭘﻮﺭ ﺷﮑﺮﯾﮧ ﻣﻮﺻﻮﻝ ﮨﻮﺗﺎ ﺗﮭﺎ۔ ﺁﺝ ﮐﭽﮫ ﺧﻼﻑِ ﺗﻮﻗﻊ ﭼﯿﺰ ﮨﻮﮔﺌﯽ ﺗﮭﯽ۔ ” ﺭﯾﺴﭩﻮﺭﻧﭧ ﻣﮩﻨﮕﺎ ﺗﮭﺎ ﻣﯿﮟ ﺍﺱ ﻟﺌﮯ ﮐﮩﮧ ﺭﮨﺎ ﺗﮭﺎ۔ ” ﻭﮦ ﺟﻤﻠﮧ ﺍﮔﻠﮯ ﮐﺌﯽ ﮨﻔﺘﮯ ﮨﺸﺎﻡ ﮐﻮ ﺍﮐﯿﻠﮯ ﻣﯿﮟ ﺑﮭﯽ ﺩﺍﻧﺖ ﭘﯿﺴﻨﮯ ﭘﺮ ﻣﺠﺒﻮﺭ ﮐﺮﺗﺎ ﺭﮨﺎ ﺗﮭﺎ … ﺷﺮﻡ ﺳﺎﺭﯼ ﻣﯿﮟ ﺍُﺱ ﻧﮯ ﺯﻧﺪﮔﯽ ﺑﮭﺮ ﮐﺒﮭﯽ ﮐﺴﯽ ﻋﻮﺭﺕ ﮐﻮ ﺍﯾﺴﯽ ﺗﻮﺟﯿﮩﮧ ﻧﮩﯿﮟ ﺩﯼ ﺗﮭﯽ۔ ” ﺷﮑﺮﯾﮧ ﻟﯿﮑﻦ ﻣﯿﮟ ﺑﮩﺖ ﺍﻣﯿﺮ ﮨﻮﮞ۔ ” ﺍُﺱ ﻟﮍﮐﯽ ﻧﮯ ﺟﻮﺍﺑﺎً ﻣﺴﮑﺮﺍﺗﮯ ﮨﻮﺋﮯ ﺍُﺱ ﺳﮯ ﮐﮩﺎ۔ ” ﺍﺱ ﮐﺎ ﻣﻄﻠﺐ ﮨﮯ ﺗﻢ ﻣﯿﺮﺍ ﺑﻞ ﺑﮭﯽ ﺩﮮ ﺳﮑﺘﯽ ﮨﻮ۔ ” ﻭﮦ ﭘﺘﮧ ﻧﮩﯿﮟ ﮐﯿﻮﮞ ﮐﮩﻨﮯ ﻟﮕﺎ ﺗﮭﺎ۔ ” ﺑﻞ ﻧﮩﯿﮟ ﺩﮮ ﺳﮑﺘﯽ ﻟﯿﮑﻦ ﺑﻞ ﺩﯾﻨﮯ ﮐﮯ ﻟﺌﮯ ﺍُﺩﮬﺎﺭ ﺩﮮ ﺳﮑﺘﯽ ﮨﻮﮞ۔ ” ﺍُﺱ ﻧﮯ ﺟﻮﺍﺑﺎً ﺍُﺱ ﺳﮯ ﮐﮩﺎ۔ ۔ ” So very kind of you … ﭘﮭﺮ ﺩﮮ ﺩﻭ ”… ﮨﺸﺎﻡ ﻧﮯ ﺍُﺳﯽ ﺭﻭﺍﻧﯽ ﺳﮯ ﮐﮩﺎ۔ ﻭﮦ ﭘﮩﻠﯽ ﺑﺎﺭ ﺍُﻟﺠﮭﯽ، ﺍُﺳﮯ ﺩﯾﮑﮭﺎ ﭘﮭﺮ ﺍُﺱ ﻧﮯ ﺍﭘﻨﮯ ﭘﺮﺱ ﺳﮯ ﺑﻞ ﮐﯽ ﺑﻘﺎﯾﺎ ﺭﻗﻢ ﻧﮑﺎﻝ ﮐﺮ ﺍُﺱ ﮐﯽ ﻃﺮﻑ ﺑﮍﮬﺎﺋﯽ، ﮨﺸﺎﻡ ﻧﮯ ﻭﮦ ﺭﻗﻢ ﭘﮑﮍ ﮐﺮ ﺑﻞ ﭘﺮ ﺭﮐﮭﺘﮯ ﮨﻮﺋﮯ ﻓﻮﻟﮉﺭ ﺑﻨﺪ ﮐﺮﺗﮯ ﮨﻮﺋﮯ ﻭﯾﭩﺮ ﮐﯽ ﻃﺮﻑ ﺑﮍﮬﺎ ﺩﯾﺎ۔ ﺍُﺱ ﻟﮍﮐﯽ ﻧﮯ ﺍﺗﻨﯽ ﺩﯾﺮ ﻣﯿﮟ ﺍﭘﻨﺎ ﺑﯿﮓ ﮐﮭﻮﻝ ﻟﯿﺎ۔ ﻭﮦ ﺍُﺱ ﻣﯿﮟ ﺳﮯ ﮐﭽﮫ ﺗﻼﺵ ﮐﺮ ﺭﮨﯽ ﺗﮭﯽ، ﭼﻨﺪ ﻟﻤﺤﮯ ﮔﻮﺩ ﻣﯿﮟ ﺭﮐﮭﮯ ﺑﯿﮓ ﻣﯿﮟ ﮨﺎﺗﮫ ﻣﺎﺭﺗﮯ ﺭﮨﻨﮯ ﮐﮯ ﺑﻌﺪ ﺍُﺱ ﻧﮯ ﺑﺎﻵﺧﺮ ﺍﯾﮏ ﭼﮭﻮﭨﯽ ﮈﺍﺋﺮﯼ ﻧﮑﺎﻟﯽ ﺍﻭﺭ ﭘﮭﺮ ﺍُﺱ ﮐﮯ ﺑﻌﺪ ﭘﯿﻦ … ﻣﯿﺰ ﭘﺮ ﮈﺍﺋﺮﯼ ﺭﮐﮫ ﮐﺮ ﺍُﺱ ﻧﮯ ﺍُﺱ ﮈﺍﺋﺮﯼ ﻣﯿﮟ ﺍُﺱ ﺭﻗﻢ ﮐﺎ ﺍﻧﺪﺭﺍﺝ ﮐﯿﺎ ﺟﻮ ﺍُﺱ ﻧﮯ ﮐﭽﮫ ﺩﯾﺮ ﭘﮩﻠﮯ ﮨﺸﺎﻡ ﮐﻮ ﺍُﺩﮬﺎﺭ ﺩﯼ ﺗﮭﯽ۔ ﭘﮭﺮ ﺍُﺱ ﻧﮯ ﭘﯿﻦ ﺍﻭﺭ ﮈﺍﺋﺮﯼ ﺩﻭﻧﻮﮞ ﭨﯿﺒﻞ ﮐﮯ ﺍﻭﭘﺮ ﺳﮯ ﮨﺸﺎﻡ ﮐﯽ ﻃﺮﻑ ﺑﮍﮬﺎﺋﮯ۔ ﺍُﺱ ﻧﮯ ﮐﭽﮫ ﺣﯿﺮﺍﻥ ﮨﻮ ﮐﺮ ﺩﻭﻧﻮﮞ ﭼﯿﺰﯾﮟ ﭘﮑﮍﯾﮟ ﺍﻭﺭ ﭘﮭﺮ ﺍُﺱ ﺳﮯ ﮐﮩﺎ۔ ” ﯾﮧ ﮐﯿﺎ ﮨﮯ؟ ” ﻟﯿﮑﻦ ﺳﻮﺍﻝ ﮐﮯ ﺳﺎﺗﮫ ﮨﯽ ﺍُﺳﮯ ﭘﮩﻠﯽ ﻧﻈﺮ ﮈﺍﺋﺮﯼ ﭘﺮ ﮈﺍﻟﺘﮯ ﮨﯽ ﺟﻮﺍﺏ ﻣﻞ ﮔﯿﺎ ﺗﮭﺎ … ﻭﮦ ﺍُﺱ ﮐﮯ signatures ﺍُﺱ ﺭﻗﻢ ﮐﮯ ﺳﺎﻣﻨﮯ ﭼﺎﮨﺘﯽ ﺗﮭﯽ ﺟﮩﺎﮞ ﺍُﺱ ﻧﮯ ﺍُﺩﮬﺎﺭ ﺩﯼ ﺟﺎﻧﮯ ﻭﺍﻟﯽ ﺭﻗﻢ ﻟﮑﮭﯽ ﺗﮭﯽ۔ ﻭﮦ ﭼﻨﺪ ﻟﻤﺤﻮﮞ ﮐﮯ ﻟﺌﮯ ﺍُﺱ ﮐﯽ ﺷﮑﻞ ﺩﯾﮑﮫ ﮐﺮ ﺭﮦ ﮔﯿﺎ، ﻭﮦ ﺍﺏ ﺍﭘﻨﮯ ﮔﻼﺳﺰ ﺍُﺗﺎﺭ ﮐﺮ ﺍُﻧﮩﯿﮟ ﺻﺎﻑ ﮐﺮﺗﮯ ﮨﻮﺋﮯ ﺩﻭﺑﺎﺭﮦ ﻟﮕﺎﺭﮨﯽ ﺗﮭﯽ۔ ﻣﻌﻤﻮﻝ ﮐﯽ ﻃﺮﺡ ﺧﻮﺩ ﻣﯿﮟ ﻣﺤﻮ ﺍﻭﺭ ﺍُﺳﮯ ﻧﻈﺮ ﺍﻧﺪﺍﺯ ﮐﺌﮯ ﯾﻮﮞ ﺟﯿﺴﮯ ﯾﮧ ﺳﺐ ﺍﯾﮏ ﺭﻭﭨﯿﻦ ﮐﯽ ﺑﺎﺕ ﺗﮭﯽ۔ ﮨﺸﺎﻡ ﻧﮯ ﭘﯿﻦ ﺳﻨﺒﮭﺎﻝ ﮐﺮ ﺩﺳﺘﺨﻂ ﮐﺮﻧﮯ ﺳﮯ ﭘﮩﻠﮯ ﮈﺍﺋﺮﯼ ﮐﮯ ﺻﻔﺤﮯ ﭘﻠﭧ ﮐﺮ ﺑﮍﮮ ﺗﺠﺴﺲ ﺳﮯ ﻟﯿﮑﻦ ﻣﺤﻈﻮﻅ ﮨﻮﻧﮯ ﻭﺍﻟﮯ ﺍﻧﺪﺍﺯ ﻣﯿﮟ ﺩﯾﮑﮭﺎ … ﻭﮨﺎﮞ ﭼﮭﻮﭨﯽ ﺑﮍﯼ ﺭﻗﻤﻮﮞ ﮐﯽ ﺍﯾﮏ ﻗﻄﺎﺭ ﺗﮭﯽ ﺍﻭﺭ ﻟﯿﻨﮯ ﻭﺍﻻ ﺻﺮﻑ ﺍﯾﮏ ﮨﯽ ﺷﺨﺺ ﺗﮭﺎ ﺟﺲ ﮐﺎ ﻧﺎﻡ ﻧﮩﯿﮟ ﺗﮭﺎ ﺻﺮﻑ ﺩﺳﺘﺨﻂ ﺗﮭﮯ، ﻣﺨﺘﻠﻒ ﺗﺎﺭﯾﺨﻮﮞ ﮐﮯ ﺳﺎﺗﮫ ﻟﯿﮑﻦ ﮐﮩﯿﮟ ﺑﮭﯽ ﺍﺩﺍﺋﯿﮕﯽ ﻭﺍﻟﮯ ﺣﺼﮯ ﻣﯿﮟ ﮐﺴﯽ ﺍﯾﮏ ﺭﻗﻢ ﮐﯽ ﺑﮭﯽ ﺍﺩﺍﺋﯿﮕﯽ ﻧﮩﯿﮟ ﮐﯽ ﮔﺌﯽ ﺗﮭﯽ۔ ” ﻣﺠﮭﮯ ﺍﻧﺪﺍﺯﮦ ﻧﮩﯿﮟ ﺗﮭﺎ ﺗﻢ ﺍﺗﻨﯽ calculated ﮨﻮ … ﮨﺮ ﭼﯿﺰ ﮐﺎ ﺣﺴﺎﺏ ﺭﮐﮭﺘﯽ ﮨﻮ؟ ” ﮈﺍﺋﺮﯼ ﭘﺮ ﺩﺳﺘﺨﻂ ﮐﺮﺗﮯ ﮨﻮﺋﮯ ﮨﺸﺎﻡ ﮐﮩﮯ ﺑﻐﯿﺮ ﻧﮩﯿﮟ ﺭﮦ ﺳﮑﺎ۔ ” ﺍﮔﺮ ﻣﯿﮟ ﻟﮑﮭﻮﮞ ﮔﯽ ﻧﮩﯿﮟ ﺗﻮ ﺑﮭﻮﻝ ﺟﺎﺅﮞ ﮔﯽ ﺍﻭﺭ ﻣﻌﺎﻣﻼﺕ ﻣﯿﮟ ﺗﻮ clarity ﺿﺮﻭﺭﯼ ﮨﻮﺗﯽ ﮨﮯ۔ ” ﺍُﺱ ﻟﮍﮐﯽ ﻧﮯ ﺟﻮﺍﺑﺎً ﺍﻃﻤﯿﻨﺎﻥ ﮐﮯ ﺳﺎﺗﮫ ﮐﮩﺎ، ﻭﮦ ﺍﺏ ﺍُﺱ ﺳﮯ ﮈﺍﺋﺮﯼ ﺍﻭﺭ ﭘﯿﻦ ﻟﮯ ﮐﺮ ﻭﺍﭘﺲ ﺍﭘﻨﮯ ﺑﯿﮓ ﻣﯿﮟ ﺭﮐﮫ ﭼﮑﯽ ﺗﮭﯽ۔ ” ﮈﺍﺋﺮﯼ ﺳﮯ ﺗﻮ ﻟﮕﺘﺎ ﮨﮯ ﺗﻢ ﻭﺍﻗﻌﯽ ﺑﮩﺖ ﺍﻣﯿﺮ ﮨﻮ … ﺍﺗﻨﯽ ﺩﺭﯾﺎ ﺩﻟﯽ ﺳﮯ ﮐﺲ ﮐﻮ ﻗﺮﺽ ﺩﮮ ﺭﮨﯽ ﮨﻮ؟ ” ﭨﯿﺒﻞ ﺳﮯ ﺍُﭨﮭﺘﮯ ﮨﻮﺋﮯ ﮨﺸﺎﻡ ﻧﮯ ﺍُﺱ ﮐﻮ ﮐُﺮﯾﺪﺍ، ﻭﮦ ﺑﺎﺕ ﮔﻮﻝ ﮐﺮ ﮔﺌﯽ۔ ﺍُﻥ ﮐﮯ ﺩﺭﻣﯿﺎﻥ ﺍﺗﻨﯽ ﺑﮯ ﺗﮑﻠﻔﯽ ﻧﮩﯿﮟ ﺗﮭﯽ ﮐﮧ ﻭﮦ ﺍُﺳﮯ ﺯﯾﺎﺩﮦ ﮐُﺮﯾﺪﺗﺎ ﻣﮕﺮ ﺍُﺱ ﮈﺍﺋﺮﯼ ﻣﯿﮟ ﮐﺌﮯ ﮨﻮﺋﮯ ﺍُﺱ ﺁﺩﻣﯽ ﮐﮯ ﺩﺳﺘﺨﻂ ﺍُﺳﮯ ﯾﺎﺩ ﺭﮦ ﮔﺌﮯ ﺗﮭﮯ۔ ﻭﮦ ﺍُﻥ ﺩﺳﺘﺨﻂ ﺳﮯ ﺍﺗﻨﺎ ﺗﻮ ﺍﻧﺪﺍﺯﮦ ﻟﮕﺎ ﮨﯽ ﭼﮑﺎ ﺗﮭﺎ ﮐﮧ ﻭﮦ ﮐﺴﯽ ﻣﺮﺩ ﮐﮯ ﺩﺳﺘﺨﻂ ﺗﮭﮯ۔ ﺍﯾﮏ ﮨﻔﺘﮯ ﺑﻌﺪ ﺍُﺱ ﻧﮯ ﺍُﺱ ﻟﮍﮐﯽ ﮐﻮ ﻭﮦ ﻗﺮﺽ ﻭﺍﭘﺲ ﮐﺮﺗﮯ ﮨﻮﺋﮯ ﺍُﺱ ﮐﯽ ﮈﺍﺋﺮﯼ ﻣﯿﮟ ﺍﺩﺍﺋﯿﮕﯽ ﮐﮯ ﺣﺼّﮯ ﻣﯿﮟ ﺍﭘﻨﮯ ﺩﺳﺘﺨﻂ paid ﮐﯽ ﺗﺤﺮﯾﺮ ﮐﮯ ﺳﺎﺗﮫ ﮐﺮﺗﮯ ﮨﻮﺋﮯ ﺍﯾﮏ ﺑﺎﺭ ﭘﮭﺮ ﺳﮯ ﮈﺍﺋﺮﯼ ﺍُﻟﭧ ﭘﻠﭧ ﮐﺮ ﺩﯾﮑﮭﯽ … ﻭﮦ ﮈﺍﺋﺮﯼ ﺍُﺱ ﺳﺎﻝ ﮐﯽ ﺗﮭﯽ، ﺍﻭﺭ ﺳﺎﻝ ﮐﮯ ﺷﺮﻭﻉ ﺳﮯ ﺍُﺱ ﻣﮩﯿﻨﮯ ﺗﮏ ﮐﺴﯽ ﺻﻔﺤﮯ ﭘﺮ ﮐﻮﺋﯽ ﺍﺩﺍﺋﯿﮕﯽ ﻧﮩﯿﮟ ﺗﮭﯽ، ﻟﯿﮑﻦ ﺍُﺩﮬﺎﺭ ﻟﯿﻨﮯ ﮐﯽ ﺭﻓﺘﺎﺭ ﻣﯿﮟ ﺗﺴﻠﺴﻞ ﺗﮭﺎ … ﭼﮭﻮﭨﯽ ﺑﮍﯼ ﺭﻗﻤﯿﮟ، ﻟﯿﮑﻦ ﻻﺗﻌﺪﺍﺩ ﺑﺎﺭ۔ ” ﺍﺱ ﺳﺎﻝ ﺗﻤﮩﯿﮟ ﮐﻮﺋﯽ ﺍُﺩﮬﺎﺭ ﻭﺍﭘﺲ ﮐﺮﻧﮯ ﻭﺍﻻ ﻣﯿﮟ ﭘﮩﻼ ﺷﺨﺺ ﮨﻮﮞ۔ ” ﮨﺸﺎﻡ ﻧﮯ ﺟﯿﺴﮯ ﺑﮍﮮ ﻓﺨﺮﯾﮧ ﺍﻧﺪﺍﺯ ﻣﯿﮟ ﮐﮩﺎ، ﺍُﺱ ﻧﮯ ﻣﺴﮑﺮﺍ ﮐﺮ ﺍُﺱ ﺳﮯ ﮈﺍﺋﺮﯼ ﺍﻭﺭ ﻧﻮﭦ ﺩﻭﺑﺎﺭ ﮦ ﻭﺍﭘﺲ ﻟﺌﮯ، ﻧﻮﭨﻮﮞ ﮐﻮ ﮨﺸﺎﻡ ﮐﮯ ﺳﺎﻣﻨﮯ ﮔﻨﺎ، ﺍﭘﻨﮯ ﭘﺮﺱ ﺳﮯ ﭼﻨﺪ ﭼﮭﻮﭨﮯ ﻧﻮﭦ ﻧﮑﺎﻝ ﮐﺮ ﮨﺸﺎﻡ ﮐﻮ ﻭﺍﭘﺲ ﮐﯿﮯ ﮐﯿﻮﮞ ﮐﮧ ﺍُﺱ ﻧﮯ ﺭﺍﺅﻧﮉ ﻓﮕﺮ ﻣﯿﮟ ﺭﻗﻢ ﻭﺍﭘﺲ ﮐﯽ ﺗﮭﯽ۔ ” ﭼﮭﻮﮌﻭ ﺍﺳﮯ ﺭﮨﻨﮯ ﺩﻭ۔ ” ﮨﺸﺎﻡ ﻧﮯ ﻧﻮﭦ ﻭﺍﭘﺲ ﺩﯾﻨﮯ ﮐﯽ ﮐﻮﺷﺶ ﮐﯽ۔ ” ﺍﺗﻨﯽ ﺑﮍﯼ ﺭﻗﻢ ﻧﮩﯿﮟ ﮨﮯ ﯾﮧ۔ ” ﺍُﺱ ﻧﮯ ﺟﯿﺴﮯ ﻻﭘﺮﻭﺍﮨﯽ ﺳﮯ ﮐﮩﺎ۔ ” ﮐﺎﻓﯽ ﮐﺎ ﺍﯾﮏ ﮐﭗ ﺍﻭﺭ ﺍﯾﮏ ﮈﻭﻧﭧ ﺁﺳﮑﺘﺎ ﮨﮯ، ﺍﯾﮏ ﻭﯾﻔﻞ ﺁﺋﺲ ﮐﺮﯾﻢ ﺁﺳﮑﺘﯽ ﮨﮯ ﯾﺎ ﺍﯾﮏ ﺑﺮﮔﺮ۔ ” ﺍُﺱ ﻧﮯ ﺑﮍﮮ ﺍﻃﻤﯿﻨﺎﻥ ﺳﮯ ﺟﻮﺍﺑﺎً ﮐﮩﺎ ﺗﮭﺎ، ﻭﮦ ﮨﻨﺴﺎ۔ ” ﺗﻢ ﻭﺍﻗﻌﯽ ﺿﺮﻭﺭﺕ ﺳﮯ ﺯﯾﺎﺩﮦ ﺣﺴﺎﺏ ﮐﺘﺎﺏ ﮐﺮﺗﯽ ﮨﻮ۔ ” ” ﻣﯿﺮﯼ ﻣﺎﮞ ﮐﮩﺘﯽ ﮨﮯ ﺭﻭﭘﯿﮧ ﻣﺸﮑﻞ ﺳﮯ ﮐﻤﺎﯾﺎ ﺟﺎﺗﺎ ﮨﮯ ﺍﻭﺭ ﺍُﺱ ﮐﯽ ﻗﺪﺭ ﮐﺮﺗﮯ ﮨﻮﺋﮯ ﺍُﺳﮯ ﺧﺮﭺ ﮐﺮﻧﺎ ﭼﺎﮨﯿﮯ۔ ” ﺍُﺱ ﻧﮯ ﺟﯿﺴﮯ ﺍﯾﮏ ﺑﺎﺭ ﭘﮭﺮ ﮨﺸﺎﻡ ﮐﻮ ﻻﺟﻮﺍﺏ ﮐﯿﺎ ﺗﮭﺎ، ﺫﺭﺍ ﺳﯽ ﺷﺮﻣﻨﺪﮔﯽ ﺩﮐﮭﺎﺋﮯ ﺑﻐﯿﺮ۔ ” ﺍﺱ ﻃﺮﺡ ﺗﻮ ﺗﻢ ﻭﺍﻗﻌﯽ ﺑﮩﺖ ﺍﻣﯿﺮ ﮨﻮ ﺟﺎﺅ ﮔﯽ۔ ” ﮨﺸﺎﻡ ﻧﮯ ﺍُﺳﮯ tease ﮐﯿﺎ۔ ” ﺍﻧﺸﺎ ﺍﻟﻠﮧ ”! ﺍُﺱ ﻧﮯ ﺟﻮﺍﺑﺎً ﺍﺗﻨﮯ ﺍﻃﻤﯿﻨﺎﻥ ﺳﮯ ﮐﮩﺎ ﮐﮧ ﮨﺸﺎﻡ ﮐﻮ ﮨﻨﺴﯽ ﺁﮔﺌﯽ ﺗﮭﯽ۔ ﮨﻨﺴﻨﮯ ﮐﮯ ﺑﻌﺪ ﮨﺸﺎﻡ ﮐﻮ ﺍﺣﺴﺎﺱ ﮨﻮﺍ ﺷﺎﯾﺪ ﯾﮧ ﻣﻨﺎﺳﺐ ﻧﮩﯿﮟ ﺗﮭﺎ ﮐﯿﻮﮞ ﮐﮧ ﻭﮦ ﺍُﺳﯽ ﻃﺮﺡ ﺳﻨﺠﯿﺪﮦ ﺗﮭﯽ۔ ” ﺗﻤﮩﯿﮟ ﺑُﺮﺍ ﺗﻮ ﻧﮩﯿﮟ ﻟﮕﺎ؟ ” ﺍُﺱ ﻧﮯ ﮐﭽﮫ ﺳﻨﺒﮭﻠﺘﮯ ﮨﻮﺋﮯ ﺍُﺱ ﺳﮯ ﭘﻮﭼﮭﺎ۔ ” ﮐﯿﺎ؟ ” ” ﻣﯿﺮﺍ ﮨﻨﺴﻨﺎ ”… ” ﻧﮩﯿﮟ … ﻣﺠﮭﮯ ﮐﯿﻮﮞ ﺑُﺮﺍ ﻟﮕﮯ ﮔﺎ … ﺗﻢ ﮐﯿﺎ ﻣﺠﮫ ﭘﺮ ﮨﻨﺴﮯ ﺗﮭﮯ؟ ” ﮨﺸﺎﻡ ﻧﮯ ﺳﺮ ﮐﮭﺠﺎﯾﺎ، ﻟﮍﮐﯽ ﺳﯿﺪﮬﯽ ﺗﮭﯽ، ﺳﻮﺍﻝ ﭨﯿﮍﮬﺎ ﺗﮭﺎ۔ ” ﯾﮧ ﺟﺲ ﮐﻮ ﺍﺗﻨﮯ ﺍُﺩﮬﺎﺭ ﺩﯾﺘﯽ ﺭﮨﯽ ﮨﻮ، ﯾﮧ ﮐﻮﻥ ﮨﮯ؟ ” ﺍُﺱ ﻧﮯ ﺑﮭﯽ ﺍُﺱ ﺳﮯ ﺍﯾﮏ ﭨﯿﮍﮬﺎ ﺳﻮﺍﻝ ﮐﯿﺎ ﺗﮭﺎ۔ ” ﮨﮯ ﮐﻮﺋﯽ۔ ” ﻭﮦ ﺍﯾﮏ ﺑﺎﺭ ﭘﮭﺮ ﻧﺎﻡ ﮔﻮﻝ ﮐﺮ ﮔﺌﯽ۔ ” ﺗﻢ ﻧﺎﻡ ﺑﺘﺎﻧﺎ ﻧﮩﯿﮟ ﭼﺎﮨﺘﯽ؟ ” ﻭﮦ ﮐﮩﮯ ﺑﻐﯿﺮ ﻧﮩﯿﮟ ﺭﮦ ﺳﮑﺎ۔ ” ﻧﮩﯿﮟ۔ ” ﻭﮦ ﭼﻨﺪ ﻟﻤﺤﻮﮞ ﮐﮯ ﻟﺌﮯ ﭼُﭗ ﺭﮨﺎ ﭘﮭﺮ ﺍُﺱ ﻧﮯ ﮐﮩﺎ ” ﺑﮩﺖ ﺯﯾﺎﺩﮦ ﻗﺮﺿﮧ ﻧﮩﯿﮟ ﮨﻮ ﮔﯿﺎ ﺍﺱ ﮐﮯ ﺳﺮ؟ ” ﺍﺱ ﮐﯽ ﺳﻮﺋﯽ ﺍﺏ ﺑﮭﯽ ﻭﮨﯿﮟ ﺍﭨﮑﯽ ﮨﻮﺋﯽ ﺗﮭﯽ۔ ” ﻣﯿﮟ ﺍُﺳﮯ ﺍﻧﮑﺎﺭ ﻧﮩﯿﮟ ﮐﺮ ﺳﮑﺘﯽ ”… ﮨﺸﺎﻡ ﻋﺠﯿﺐ ﻃﺮﺡ ﺳﮯ ﺑﮯ ﭼﯿﻦ ﮨﻮﺍ۔ ” ﭘﯿﺴﮯ ﮐﮯ ﻣﻌﺎﻣﻠﮯ ﻣﯿﮟ ﮐﺴﯽ ﭘﺮﺍﻋﺘﺒﺎﺭ ﻧﮩﯿﮟ ﮐﺮﻧﺎ ﭼﺎﮨﯿﮯ۔ ” ﺷﺎﯾﺪ ﺯﻧﺪﮔﯽ ﻣﯿﮟ ﭘﮩﻠﯽ ﺑﺎﺭ ﺍُﺱ ﻧﮯ ﮐﺴﯽ ﮐﻮ ﺍﯾﺴﺎ ﻣﺸﻮﺭﮦ ﺩﯾﺎ ﺗﮭﺎ۔ ” ﭘﯿﺴﮯ ﮐﮯ ﺑﺎﺭﮮ ﻣﯿﮟ ﻧﮩﯿﮟ، ﻣﯿﮟ ﻭﯾﺴﮯ ﮨﯽ ﺍﻋﺘﺒﺎﺭ ﮐﺮﺗﯽ ﮨﻮﮞ ﺍُﺱ ﭘﺮ۔ ” ﺍُﺱ ﻧﮯ ﺑﮍﮮ ﺁﺭﺍﻡ ﺳﮯ ﮐﮩﺎ ﺗﮭﺎ۔ ﮨﺸﺎﻡ ﮐﯽ ﺳﻤﺠﮫ ﻣﯿﮟ ﻧﮩﯿﮟ ﺁﯾﺎ ﻭﮦ ﺍُﺱ ﺳﮯ ﮐﯿﺎ ﮐﮩﮯ؟ ﻭﮦ ﺍُﻥ ﮐﯽ ﺩﻭﺳﺘﯽ ﮐﺎ ﺁﻏﺎﺯ ﺗﮭﺎ ﺍﻭﺭ ﻭﮦ ﺍﯾﮏ ﺩﻭﺳﺮﮮ ﮐﯽ ﺫﺍﺗﯿﺎﺕ ﻣﯿﮟ ﺩﺧﻞ ﺍﻧﺪﺍﺯﯼ ﻧﮩﯿﮟ ﮐﺮ ﺳﮑﺘﮯ ﺗﮭﮯ، ﺍُﻥ ﮐﮯ ﺩﺭﻣﯿﺎﻥ ﺍﯾﺴﯽ ﺑﮯ ﺗﮑﻠﻔﯽ ﻧﮩﯿﮟ ﺗﮭﯽ۔ ﺍُﺱ ﺷﺨﺺ ﮐﺎ ﺗﻌﺎﺭﻑ ﺑﮭﯽ ﮨﺸﺎﻡ ﺳﮯ ﺑﮩﺖ ﺟﻠﺪ ﮨﯽ ﮨﻮ ﮔﯿﺎ ﺗﮭﺎ۔ #جاری