#آﺏِ_ﺣﯿﺎﺕ #ﺍﺯ_ﻋﻤﯿﺮﮦ_ﺍﺣﻤﺪ #قسط_نمبر_42 ﺍُﺱ ﻧﮯ ﺑﮍﮮ ﺁﺭﺍﻡ ﺳﮯ ﮐﮩﺎ ﺗﮭﺎ۔ ﮨﺸﺎﻡ ﮐﯽ ﺳﻤﺠﮫ ﻣﯿﮟ ﻧﮩﯿﮟ ﺁﯾﺎ ﻭﮦ ﺍُﺱ ﺳﮯ ﮐﯿﺎ ﮐﮩﮯ؟ ﻭﮦ ﺍُﻥ ﮐﯽ ﺩﻭﺳﺘﯽ ﮐﺎ ﺁﻏﺎﺯ ﺗﮭﺎ ﺍﻭﺭ ﻭﮦ ﺍﯾﮏ ﺩﻭﺳﺮﮮ ﮐﯽ ﺫﺍﺗﯿﺎﺕ ﻣﯿﮟ ﺩﺧﻞ ﺍﻧﺪﺍﺯﯼ ﻧﮩﯿﮟ ﮐﺮ ﺳﮑﺘﮯ ﺗﮭﮯ، ﺍُﻥ ﮐﮯ ﺩﺭﻣﯿﺎﻥ ﺍﯾﺴﯽ ﺑﮯ ﺗﮑﻠﻔﯽ ﻧﮩﯿﮟ ﺗﮭﯽ۔ ﺍُﺱ ﺷﺨﺺ ﮐﺎ ﺗﻌﺎﺭﻑ ﺑﮭﯽ ﮨﺸﺎﻡ ﺳﮯ ﺑﮩﺖ ﺟﻠﺪ ﮨﯽ ﮨﻮ ﮔﯿﺎ ﺗﮭﺎ۔ ****** ﺗﺎﻟﯿﻮﮞ ﮐﯽ ﮔﻮﻧﺞ ﻧﮯ ﺣﻤﯿﻦ ﺳﮑﻨﺪﺭ ﮐﯽ ﺗﻘﺮﯾﺮ ﮐﮯ ﺗﺴﻠﺴﻞ ﮐﻮ ﺍﯾﮏ ﺑﺎﺭ ﭘﮭﺮ ﺗﻮﮌﺍ ﺗﮭﺎ، ﺭﻭﺳﭩﺮﻡ ﮐﮯ ﭘﯿﭽﮭﮯ ﮐﮭﮍﮮ ﭼﻨﺪ ﻟﻤﺤﻮﮞ ﮐﮯ ﻟﺌﮯ ﺭُﮎ ﮐﺮ ﺍُﺱ ﻧﮯ ﺗﺎﻟﯿﻮﮞ ﮐﮯ ﺍﺱ ﺷﻮﺭ ﮐﮯ ﺗﮭﻤﻨﮯ ﮐﺎ ﺍﻧﺘﻈﺎﺭ ﮐﯿﺎ۔ ﻭﮦ MIT ﮐﮯ graduating students ﮐﺎ ﺍﺟﺘﻤﺎﻉ ﺗﮭﺎ، ﺍﻭﺭ ﻭﮦ ﻭﮨﺎﮞ commencement speaker ﮐﮯ ﻃﻮﺭ ﭘﺮ ﺑﻼﯾﺎ ﮔﯿﺎ ﺗﮭﺎ۔ ﭘﭽﮭﻠﮯ ﺳﺎﻝ ﻭﮦ MIT ﮐﮯ graduating students ﻣﯿﮟ ﺷﺎﻣﻞ ﺗﮭﺎ۔ Saloon School Of Management ﺳﮯ ﮈﺳﭩﻨﮑﺸﻦ ﮐﮯ ﺳﺎﺗﮫ ﻧﮑﻠﻨﮯ ﻭﺍﻟﻮﮞ ﻣﯿﮟ ﺳﮯ ﺍﯾﮏ ﺍﻭﺭ ﺍﺱ ﺳﺎﻝ ﻭﮦ ﯾﮩﺎﮞ graduating students ﺳﮯ ﺧﻄﺎﺏ ﮐﺮ ﺭﮨﺎ ﺗﮭﺎ۔ MIT ﻭﮦ ﻭﺍﺣﺪ ﯾﻮﻧﯿﻮﺭﺳﭩﯽ ﻧﮩﯿﮟ ﺗﮭﯽ ﺟﺲ ﻧﮯ ﺍُﺳﮯ ﺍﺱ ﺳﺎﻝ ﺍﺱ ﺍﻋﺰﺍﺯ ﮐﮯ ﻗﺎﺑﻞ ﺳﻤﺠﮭﺎ ﺗﮭﺎ۔ Ivy League ﮐﯽ ﭼﻨﺪ ﺍﻭﺭ ﻧﺎﻣﻮﺭ ﯾﻮﻧﯿﻮﺭﺳﭩﯿﺰ ﻧﮯ ﺑﮭﯽ ﺍُﺳﮯ ﻣﺪﻋﻮ ﮐﯿﺎ ﺗﮭﺎ۔ 24 ﺳﺎﻝ ﮐﯽ ﻋﻤﺮ ﻣﯿﮟ ﺣﻤﯿﻦ ﺳﮑﻨﺪﺭ ﭘﭽﮭﻠﮯ ﺗﯿﻦ ﺳﺎﻟﻮﮞ ﮐﮯ ﺩﻭﺭﺍﻥ ﺩُﻧﯿﺎ ﮐﮯ ﺑﮩﺘﺮﯾﻦ entreprenuers ﻣﯿﮟ ﺳﮯ ﺍﯾﮏ ﻣﺎﻧﺎ ﺟﺎ ﺭﮨﺎ ﺗﮭﺎ، ﺍُﺱ ﺍﯾﮏ ﺁﺋﯿﮉﯾﺎ ﮐﯽ ﻭﺟﮧ ﺳﮯ ﺟﻮ ﭘﭽﮭﻠﮯ ﮐﭽﮫ ﺳﺎﻟﻮﮞ ﻣﯿﮟ ﺍﯾﮏ ﺑﯿﺞ ﺳﮯ ﺍﯾﮏ ﺗﻨﺎﻭﺭ ﺩﺭﺧﺖ ﮐﯽ ﺷﮑﻞ ﺍﺧﺘﯿﺎﺭ ﮐﺮ ﭼﮑﺎ ﺗﮭﺎ۔ ۔ Trade an Idea ﮐﮯ ﻧﺎﻡ ﺳﮯ ﺍُﺱ ﮐﯽ ﮈﯾﺠﯿﭩﻞ ﻓﻨﺎﻧﺲ ﮐﻤﭙﻨﯽ ﻧﮯ ﭘﭽﮭﻠﮯ ﺗﯿﻦ ﺳﺎﻟﻮﮞ ﻣﯿﮟ ﮔﻠﻮﺑﻞ ﻣﺎﺭﮐﯿﭩﺲ ﻣﯿﮟ ﺩﮬﻮﻡ ﻣﭽﺎ ﺭﮐﮭﯽ ﺗﮭﯽ۔ ﺩُﻧﯿﺎ ﮐﮯ 125 ﺑﮩﺘﺮﯾﻦ ﻣﺎﻟﯿﺎﺗﯽ ﺍﻭﺭ ﮐﺎﺭﻭﺑﺎﺭﯼ ﺍﺩﺍﺭﮮ ﺍُﺱ ﮐﻤﭙﻨﯽ ﮐﮯ ﺑﺎﻗﺎﻋﺪﮦ ﮐﻼﺋﻨﭩﺲ ﺗﮭﮯ ﺍﻭﺭ ﮈﯾﮍﮪ ﮨﺰﺍﺭ ﭼﮭﻮﭨﮯ ﺍﺩﺍﺭﮮ ﺑﺎﻟﻮﺍﺳﻄﮧ ﺍُﺱ ﮐﯽ ﺧﺪﻣﺎﺕ ﺳﮯ ﻓﺎﺋﺪﮦ ﺍُﭨﮭﺎ ﺭﮨﮯ ﺗﮭﮯ۔ ﺍﻭﺭ ﯾﮧ ﺳﺐ ﺗﯿﻦ ﺳﺎﻝ ﮐﯽ ﻣﺨﺘﺼﺮ ﻣﺪّﺕ ﻣﯿﮟ ﮨﻮﺍ ﺗﮭﺎ، ﺟﺐ ﻭﮦ ﺗﻌﻠﯿﻢ ﺣﺎﺻﻞ ﮐﺮﻧﮯ ﮐﮯ ﺳﺎﺗﮫ ﺳﺎﺗﮫ ﺍﺱ ﮐﻤﭙﻨﯽ ﮐﯽ ﺑﻨﯿﺎﺩ ﺭﮐﮭﻨﮯ ﻣﯿﮟ ﺑﮭﯽ ﻣﺼﺮﻭﻑ ﺗﮭﺎ۔ ۔ Trade an Idea ﮐﺎ concept ﺑﮯ ﺣﺪ ﺩﻝ ﭼﺴﭗ ﺍﻭﺭ ﻣﻨﻔﺮﺩ ﺗﮭﺎ ﺍﻭﺭ ﺍﯾﮏ ﻋﺎﻡ user ﮐﻮ ﻭﮦ ﺍﺑﺘﺪﺍﺋﯽ ﻃﻮﺭ ﭘﺮ ﮐﺴﯽ digital game ﺟﯿﺴﺎ ﻟﮕﺘﺎ۔ ﺍُﺱ ﮐﯽ ﺍﺑﺘﺪﺍﺀ ﺑﮭﯽ ﺣﻤﯿﻦ ﺳﮑﻨﺪﺭ ﻧﮯ ﺑﮯ ﺣﺪ ﭼﮭﻮﭨﮯ ﭘﯿﻤﺎﻧﮯ ﭘﺮ ﮐﯽ ﺗﮭﯽ۔ ﺍﯾﮏ ﻭﯾﺐ ﺳﺎﺋﭧ ﭘﺮ ﺍُﺱ ﻧﮯ ﺩﻧﯿﺎ ﮐﯽ ﺳﻮ ﺑﮩﺘﺮﯾﻦ ﯾﻮﻧﯿﻮﺭﺳﭩﯿﺰ ﮐﮯ ﺍﺳﭩﻮﮈﻧﭩﺲ ﮐﻮ ﺍﯾﮏ ﺁﻥ ﻻﺋﻦ ﭼﯿﻠﻨﺞ ﺩﯾﺎ ﺗﮭﺎ۔ ﺍﯾﺴﺎ ﮐﻮﺋﯽ ﺁﺋﯿﮉﯾﺎ trade ﮐﺮﻧﮯ ﮐﮯ ﻟﺌﮯ ﺟﺲ ﮐﮯ ﻟﺌﮯ ﺍﻧﮩﯿﮟ ﯾﺎ ﺗﻮ ﻓﻨﺎﻧﺲ ﭼﺎﮨﯿﮯ ﺗﮭﺎ ﯾﺎ ﮐﺴﯽ ﮐﻤﭙﻨﯽ ﮐﯽ ﺳﭙﻮﺭﭦ ﺍﻭﺭ ﯾﺎ ﭘﮭﺮ ﻭﮦ ﺍﭘﻨﺎ idea ﮐﺴﯽ ﺧﺎﺹ ﻗﯿﻤﺖ ﭘﺮ trade ﮐﺮﻧﮯ ﮐﮯ ﻟﺌﮯ ﺗﯿّﺎﺭ ﺗﮭﮯ۔ ﻟﯿﮑﻦ trading ﺍﻭﺭ traders ﺩﻭﻧﻮﮞ ﺑﮯ ﺣﺪ ﻣﺨﺘﻠﻒ ﺗﮭﮯ۔ ﺍُﺱ ﻭﯾﺐ ﺳﺎﺋﭧ ﭘﺮ ﺗﯿﻦ ﮐﻮﺋﺰ ﺗﮭﮯ … ﺍﮮ ﮐﯿﭩﮕﺮﯼ، ﺑﯽ ﺍﻭﺭ ﺳﯽ ﮐﯿﭩﮕﺮﯼ … ﮨﺮ ﮐﻮﺋﺰ ﻣﯿﮟ ﺑﯿﺲ ﺳﻮﺍﻻ ﺕ ﺗﮭﮯ ﺍﻭﺭ ﻭﯾﺐ ﺳﺎﺋﭧ ﭘﺮ ﺭﺟﺴﭩﺮﯾﺸﻦ ﮐﮯ ﻟﺌﮯ ﺍﯾﮏ ﭘﺎﺱ ﻭﺭﮈ ﺿﺮﻭﺭﯼ ﺗﮭﺎ ﺟﻮ ﺍﺱ ﮐﻮﺋﺰ ﻣﯿﮟ ﮐﺎﻣﯿﺎﺏ ﮨﻮﻧﮯ ﮐﮯ ﺑﻌﺪ ﺑﮭﯿﺠﺎ ﺟﺎﺗﺎ ﮨﮯ ﺍﻭﺭ ﻭﮨﯽ ﻧﻤﺒﺮ ﺍُﺱ trader ﮐﯽ ID ﺗﮭﯽ۔ ﮐﯿﭩﮕﺮﯼ A ﮐﺎ ﮐﻮﺋﺰ ﻣﺸﮑﻞ ﺗﺮﯾﻦ ﺗﮭﺎ ﺍﻭﺭ ﻧﺎﮎ ﺁﺅﭦ ﮐﮯ ﺍﻧﺪﺍﺯ ﻣﯿﮟ timed ﺗﮭﺎ۔ ﮐﯿﭩﮕﺮﯼ B ﺍﻭﺭ C ﺍُﺱ ﺳﮯ ﺁﺳﺎﻥ ﺗﮭﮯ ﺍﻭﺭ ﻧﮧ timed ﺗﮭﮯ ﺍﻭﺭ ﻧﮧ ﮨﯽ ﺍُﻥ ﻣﯿﮟ ﻧﺎﮎ ﺁﺅﭦ ﮨﻮﺗﺎ ﺗﮭﺎ۔ ﯾﮧ ﺍﻥ ﺗﯿﻦ ﮐﯿﭩﮕﺮﯾﺰ ﮐﯽ ﺩﺭﺟﮧ ﺑﻨﺪﯼ ﺗﮭﯽ ﺟﻮ ﻭﮨﺎﮞ ﺁﻧﮯ ﻭﺍﻟﮯ traders ﮐﯽ ﭘﺮﻓﺎﺭﻣﻨﺲ ﭘﺮ automatically ﺍﻧﮩﯿﮟ ﻣﺨﺘﻠﻒ ﮐﯿﭩﮕﺮﯾﺰ ﻣﯿﮟ ﺭﮐﮭﺘﯽ ﺗﮭﯽ۔ ﺟﻮ A ﮐﯿﭩﮕﺮﯼ ﻣﯿﮟ ﺁﮔﮯ ﻧﮧ ﺟﺎ ﭘﺎﺗﺎ ﻭﮦ B ﮐﮯ ﮐﻮﺋﺰ ﻣﯿﮟ ﺣﺼﮧ ﻟﯿﺘﺎ ﺍﻭﺭ ﺟﻮ B ﻣﯿﮟ ﺑﮭﯽ ﺁﮔﮯ ﻧﮧ ﺟﺎﭘﺎﺗﺎ ﺗﻮ ﻭﮦ C ﻣﯿﮟ ﺍﻭﺭ ﺟﻮ C ﻣﯿﮟ ﺑﮭﯽ ﺁﮔﮯ ﻧﮧ ﺟﺎ ﭘﺎﺗﺎ ﺗﻮ ﺍُﺳﮯ Trade an Idea ﮐﯽ ﻃﺮﻑ ﺳﮯ kick out ﮐﺮ ﺩﯾﺎ ﺟﺎﺗﺎ ﺗﮭﺎ ﺍﺱ ﭘﯿﻐﺎﻡ ﮐﮯ ﺳﺎﺗﮫ ﮐﮧ ﺍﺑﮭﯽ ﺍُﺳﮯ ﺍﻭﺭ ﺳﯿﮑﮭﻨﮯ ﮐﯽ ﺿﺮﻭﺭﺕ ﮨﮯ … ﭨﺮﯾﮉﻧﮓ ﺍُﺱ ﮐﺎ ﮐﺎﻡ ﻧﮩﯿﮟ۔ ﺍﮮ ﮐﯿﭩﮕﺮﯼ ﮐﮯ ﮐﻮﺋﺰ ﻣﯿﮟ ﮐﺎﻣﯿﺎﺏ ﮨﻮ ﺟﺎﻧﮯ ﻭﺍﻟﮯ ﻏﯿﺮ ﻣﻌﻤﻮﻟﯽ ﺫﮨﻨﯽ ﺻﻼﺣﯿﺘﻮﮞ ﮐﮯ ﺣﺎﻣﻞ ﺍﻓﺮﺍﺩ ﺍﯾﮏ ﭘﺎﺱ ﻭﺭﮈ ﺣﺎﺻﻞ ﮐﺮﻧﮯ ﻣﯿﮟ ﮐﺎﻣﯿﺎﺏ ﮨﻮﺗﮯ ﺍﻭﺭ ﭘﮭﺮ ﺍﮔﻠﮯ ﻣﺮﺣﻠﮯ ﺗﮏ ﺭﺳﺎﺋﯽ ﮐﺮﺗﮯ … ﺍﯾﮏ ﺍﯾﺴﮯ ﭨﺮﯾﮉ ﺳﯿﻨﭩﺮ ﻣﯿﮟ ﺟﮩﺎﮞ ﺑﮩﺘﺮﯾﻦ ﯾﻮﻧﯿﻮﺭﺳﭩﯿﺰ ﮐﮯ ﺑﮩﺘﺮﯾﻦ ﺩﻣﺎﻍ ﺍﭘﻨﮯ ﺍﭘﻨﮯ ideas ﮐﻮ ﺭﺟﺴﭩﺮ ﮐﺮﻭﺍﻧﮯ ﮐﮯ ﺑﻌﺪ ﺁﻥ ﻻﺋﻦ ﻣﻮﺟﻮﺩ ﭨﺮﯾﮉﺭﺯ ﮐﮯ ﺳﺎﺗﮫ ﺍﭘﻨﮯ ideas ﮐﮯ ﺣﻮﺍﻟﮯ ﺳﮯ ﺑﺎﺕ ﭼﯿﺖ ﮐﺮﺗﮯ … ﻭﮦ ﮔﺮﻭﭖ ﮈﺳﮑﺸﻦ ﺑﮭﯽ ﮨﻮ ﺳﮑﺘﯽ ﺗﮭﯽ ﺍﻭﺭ ﻭﮦ ﭨﺮﯾﮉﺭﺯ ﮐﯽ ﺁﭘﺲ ﻣﯿﮟ ﮔﻔﺖ ﻭ ﺷﻨﯿﺪ ﺑﮭﯽ … ﭘﮩﻠﮯ ﻣﺮﺣﻠﮯ ﭘﺮ ﺣﻤﯿﻦ ﺻﺮﻑ ﭘﺎﻧﭻ ﺑﮍﯼ ﮐﻤﭙﻨﯿﺰ ﮐﻮ ﺍﺱ ﺑﺎﺕ ﭘﺮ ﺁﻣﺎﺩﮦ ﮐﺮ ﭘﺎﯾﺎ ﺗﮭﺎ ﮐﮧ ﻭﮦ ﺍﺱ ﭨﺮﯾﮉ ﺭﻭﻡ ﻣﯿﮟ idea ﻟﮯ ﮐﺮ ﺁﻧﮯ ﻭﺍﻟﻮﮞ ﮐﮯ ideas ﺳُﻨﯿﮟ ﺍﻭﺭ ﺍُﺱ ﭘﺮ ﺍُﻥ ﺳﮯ ﺑﺎﺕ ﭼﯿﺖ ﮐﺮﯾﮟ، ﺍﮔﺮ ﺍُﻧﮩﯿﮟ ﮐﺴﯽ ﮐﺎ idea ﭘﺴﻨﺪ ﺁﺟﺎﺋﮯ ﺗﻮ … ﺍﺱ ﮐﮯ ﻋﻮﺽ ﺍُﻧﮩﯿﮟ TAI ﮐﻮ ﺍﯾﮏ ﻣﺨﺼﻮﺹ ﻓﯿﺲ ﺍﺩﺍ ﮐﺮﻧﯽ ﺗﮭﯽ، ﺍﮔﺮ ﻭﮨﺎﮞ ﮐﻮﺋﯽ idea ﺍﻧﮩﯿﮟ ﭘﺴﻨﺪ ﺁﺟﺎﺗﺎ ﺍﻭﺭ ﻭﮦ ﺍُﺳﮯ ﺧﺮﯾﺪﻧﮯ، ﺍُﺱ ﻣﯿﮟ invest ﮐﺮﻧﮯ ﯾﺎ ﺍُﺱ ﻣﯿﮟ ﭘﺎﺭﭨﻨﺮ ﺷﭗ ﮐﺮﻧﮯ ﭘﺮ ﺗﯿﺎﺭ ﮨﻮﺗﮯ ﺗﻮ۔ ﮐﯿﭩﮕﺮﯼ ﺑﯽ ﻣﯿﮟ ﭘﯿﺶ ﮨﻮﻧﮯ ﻭﺍﻟﮯ ﺁﺋﯿﮉﯾﺎﺯ ﮐﯽ trading ﺑﮭﯽ ﺍﺳﯽ ﻓﺎﺭﻣﻮﻻ ﮐﮯ ﺗﺤﺖ ﮨﻮﺗﯽ ﺗﮭﯽ، ﻟﯿﮑﻦ ﻭﮨﺎﮞ ﺍﯾﮏ ﺍﺿﺎﻓﯽ ﭼﯿﺰ ﯾﮧ ﺗﮭﯽ ﮐﮧ ﻭﮨﺎﮞ ﺍﭘﻨﮯ ideas ﮐﮯ ﺳﺎﺗﮫ ﺁﻧﮯ ﻭﺍﻟﮯ ﻣﺨﺘﻠﻒ ﻧﻮﺟﻮﺍﻥ ﺍﻓﺮﺍﺩ interactions ﮐﮯ ﺫﺭﯾﻌﮧ ﺍﭘﻨﯽ ﭘﺴﻨﺪ ﮐﮯ ﮐﺴﯽ ﺍﯾﮏ ﺟﯿﺴﮯ idea ﭘﺮ collaboration ﮐﺮﺳﮑﺘﮯ ﺗﮭﮯ ﺍﻭﺭ ﺍﮔﺮ ﺍﯾﺴﯽ ﮐﻮﺋﯽ collaboration ﮐﺴﯽ ﺁﺋﯿﮉﯾﺎ ﮐﻮ ﻋﻤﻠﯽ ﺷﮑﻞ ﺗﮏ ﮈﮬﺎﻝ ﺩﯾﺘﺎ ﺗﻮ Trade an Idea ﺍُﺱ collaboration ﮐﮯ ﻟﺌﮯ ﺑﮭﯽ ﺍﻧﮩﯿﮟ ﺍﯾﮏ ﻓﯿﺲ ﭼﺎﺭﺝ ﮐﺮﺗﺎ۔ ﮐﯿﭩﮕﺮﯼ C ﺍﺱ ﺳﮯ ﺑﮭﯽ ﺁﺳﺎﻥ ﺗﮭﯽ، ﻭﮨﺎﮞ trade ﮐﮯ ﻟﺌﮯ ﺁﻧﮯ ﻭﺍﻟﮯ traders ﺍﭘﻨﮯ ideas ﮐﻮ barter ﺑﮭﯽ ﮐﺮ ﺳﮑﺘﮯ ﺗﮭﮯ ﯾﻌﻨﯽ ﮐﺴﯽ ﺑﮭﯽ trader ﮐﻮ ﺍﮔﺮ ﺩﻭﺳﺮﮮ ﮐﺎ idea ﭘﺴﻨﺪ ﺁﺗﺎ ﺍﻭﺭ ﻭﮦ ﺍُﺳﮯ cash ﺳﮯ ﺧﺮﯾﺪﻧﮯ ﮐﯽ ﺍﮨﻠﯿﺖ ﻧﮧ ﺭﮐﮭﺘﺎ ﮨﻮ، ﺗﻮ ﭘﮭﺮ ﻭﮦ ﺍُﺱ idea ﮐﮯ ﺑﺪﻟﮯ ﮐﭽﮫ ﺍﻭﺭ idea, skill, service ﯾﺎ ﭘﺮﻭﺟﯿﮑﭧ ﺍُﺳﮯ ﭘﯿﺶ ﮐﺮ ﺳﮑﺘﺎ ﺗﮭﺎ۔ ﻭﮦ ﺑﮩﺖ basic ﺳﺎ ﻓﺎﺭﻣﻮﻻ ﺗﮭﺎ۔ ﺟﻮ ﺣﻤﯿﻦ ﻧﮯ ﺻﺮﻑ ﺫﮨﺎﻧﺖ ﮐﻮ encash ﮐﺮﻧﮯ ﮐﯽ ﺑﻨﯿﺎﺩ ﭘﺮ ﻧﮑﺎﻻ ﺗﮭﺎ ﺍﻭﺭ ﺍﭘﻼﺋﯽ ﮐﯿﺎ ﺗﮭﺎ۔ ﭘﮩﻠﯽ ﺑﺎﺭ ﺍُﺱ ﮐﯽ ﮐﻼﺋﻨﭧ ﺑﻨﻨﮯ ﻭﺍﻟﯽ ﭘﺎﻧﭻ ﻣﯿﮟ ﺳﮯ ﺗﯿﻦ ﮐﻤﭙﻨﯿﺰ ﮐﻮ ﻭﮨﺎﮞ ﭘﮩﻠﮯ ﻣﮩﯿﻨﮯ ﻣﯿﮟ ﺗﯿﻦ ﺍﯾﺴﮯ ﺁﺋﯿﮉﯾﺎﺯ ﭘﺴﻨﺪ ﺁﮔﺌﮯ ﺗﮭﮯ ﺟﻦ ﮐﮯ traders ﮐﻮ ﺍﻧﮩﻮﮞ ﻧﮯ hire ﮐﺮﻟﯿﺎ ﺗﮭﺎ۔ ﺗﯿﻦ ﺳﺎﻝ ﭘﮩﻠﮯ ﮐﻼﺋﻨﭩﺲ ﺍﻭﺭ ﭨﺮﯾﮉﺭﺯ ﮐﯽ ﺍﯾﮏ ﻣﺤﺪﻭﺩ ﺗﻌﺪﺍﺭ ﺳﮯ ﺷﺮﻭﻉ ﮨﻮﻧﮯ ﻭﺍﻟﯽ ﮐﻤﭙﻨﯽ ﺍﺏ ﺍﻥ basic tradings ﺳﮯ ﺑﮩﺖ ﺁﮔﮯ ﺑﮍﮪ ﭼﮑﯽ ﺗﮭﯽ، ﻭﮦ ﺍﺏ ﺧﻮﺩ Trade an Idea ﭘﺮ ﺁﻧﮯ ﻭﺍﻟﮯ ﭨﺮﯾﮉﺭﺯ ﺳﮯ ﺍﯾﺴﮯ ideas ﺍﻭﺭ ﺑﺰﻧﺲ ﭘﺮﻭﭘﻮﺯﻟﺰ ﻟﮯ ﻟﯿﺘﯽ ﺟﺲ ﻣﯿﮟ ﺍﻧﮩﯿﮟ potential ﻧﻈﺮ ﺁﺗﺎ ﺍﻭﺭ ﻭﮦ ﺍﭘﻨﮯ ﺑﮍﮮ ﮐﻼﺋﻨﭩﺲ ﮐﯽ ﺿﺮﻭﺭﯾﺎﺕ ﺍﻭﺭ ﺩﻝ ﭼﺴﭙﯽ ﮐﮯ ﻣﻄﺎﺑﻖ ﻣﺨﺘﻠﻒ ideas ﺍﻭﺭ ﭘﺮﻭﺟﯿﮑﭩﺲ ﺍﻧﮩﯿﮟ ﺷﯿﺌﺮ ﮐﺮﺩﯾﺘﯽ۔ ۔ Trade an Idea ﻧﮯ ﭘﭽﮭﻠﮯ ﺗﯿﻦ ﺳﺎﻝ ﻣﯿﮟ ﺗﯿﻦ ﺳﻮ ﺍﯾﺴﯽ ﻧﺌﯽ ﮐﻤﭙﻨﯿﺰ ﮐﯽ ﺑﻨﯿﺎﺩ ﺭﮐﮭﯽ ﺗﮭﯽ ﺟﻦ ﮐﮯ ideas ﺍُﻥ ﮐﮯ ﭘﻠﯿﭧ ﻓﺎﺭﻡ ﭘﺮ ﺁﻧﮯ ﮐﮯ ﺑﻌﺪ ﻣﺨﺘﻠﻒ ﺑﯿﻦ ﺍﻻﻗﻮﺍﻣﯽ ﮐﻤﭙﻨﯿﺰ ﻧﮯ ﺍُﻥ ideas ﻣﯿﮟ investment ﮐﯽ ﺗﮭﯽ۔ Trade an Idea ﺳﮯ ﻣﻠﻨﮯ ﻭﺍﻟﮯ ideas ﭘﺮ ﺗﮑﻤﯿﻞ ﭘﺎﻧﮯ ﻭﺍﻟﮯ ﭘﺮﻭﺟﯿﮑﭩﺲ ﮐﯽ ﮐﺎﻣﯿﺎﺑﯽ ﮐﺎ %90 ratio ﺗﮭﺎ۔ ﺩُﻧﯿﺎ ﮐﮯ ﺳﻮ ﺑﮩﺘﺮﯾﻦ ﺍﺩﺍﺭﻭﮞ ﮐﮯ ﺑﮩﺘﺮﯾﻦ ﺍﺳﭩﻮﮈﻧﭩﺲ ﮐﻮ ﺍﯾﮏ ﭘﻠﯿﭧ ﻓﺎﺭﻡ ﭘﺮ ﻻﻧﮯ ﻭﺍﻻ ﯾﮧ ﺍﺩﺍﺭﮦ ﺍﺏ ﺩُﻧﯿﺎ ﮐﯽ ﮨﺰﺍﺭﻭﮞ ﯾﻮﻧﯿﻮﺭﺳﭩﯿﺰ ﮐﮯ ﻻﮐﮭﻮﮞ ﺍﺳﭩﻮﮈﻧﭩﺲ ﮐﻮ ﺍﭘﻨﮯ ﺍﭘﻨﮯ ideas ﮔﮭﺮ ﺑﯿﭩﮭﮯ ﺁﻥ ﻻﺋﻦ ﻧﺎﻣﻮﺭ ﺍﻭﺭ ﮐﺎﻣﯿﺎﺏ ﺗﺮﯾﻦ ﮐﻤﭙﻨﯿﺰ ﮐﮯ ﻧﻤﺎﺋﻨﺪﻭﮞ ﮐﮯ ﺳﺎﻣﻨﮯ ﭘﯿﺶ ﮐﺮﻧﮯ ﮐﺎ ﻣﻮﻗﻊ ﺩﮮ ﺭﮨﺎ ﺗﮭﺎ۔ ﻭﮦ ﭘﻠﯿﭧ ﻓﺎﺭﻡ ﺍﯾﮏ ﻧﺌﮯ entreprenuer ﮐﮯ ﻟﺌﮯ ﺍﯾﮏ ﮈﺭﯾﻢ ﭘﻠﯿﭧ ﻓﺎﺭﻡ ﺗﮭﺎ۔ Trade an Idea ﺍﺏ ﺍﻥ ﮨﯽ ﮐﯿﭩﮕﺮﯾﺰ ﮐﮯ ﺳﺎﺗﮫ ﺍﯾﮏ ﺍﻭﺭ ﺍﯾﺴﯽ ﮐﯿﭩﮕﺮﯼ ﮐﺎ ﺍﺿﺎﻓﮧ ﮐﺮ ﭼﮑﺎ ﺗﮭﺎ ﺟﮩﺎﮞ ﮐﻮﺋﯽ ﺑﮭﯽ ﺷﺨﺺ ﺍﭘﻨﯽ ﺧﺴﺎﺭﮮ ﻣﯿﮟ ﺟﺎﻧﮯ ﻭﺍﻟﯽ ﮐﻤﭙﻨﯽ، ﺑﺰﻧﺲ، ﺳﯿﭧ ﺍﭖ ﭘﺮﻭﺟﯿﮑﭧ ﺑﯿﭻ ﺳﮑﺘﺎ ﺗﮭﺎ ﺍﻭﺭ ﺁﻥ ﻻﺋﻦ ﮨﯽ ﺍُﺱ ﮐﯽ evaluation ﺑﮭﯽ ﮐﺮﻭﺍ ﺳﮑﺘﺎ ﺗﮭﺎ۔ ﺣﻤﯿﻦ ﺳﮑﻨﺪﺭ ﮐﺎ ﻧﺎﻡ ﺩُﻧﯿﺎ ﮐﯽ ﮐﺴﯽ ﺑﮭﯽ ﺑﮍﯼ ﻣﺎﻟﯿﺎﺗﯽ ﮐﻤﭙﻨﯽ ﮐﮯ ﻟﺌﮯ ﺍﺏ ﻧﯿﺎ ﻧﮩﯿﮟ ﺗﮭﺎ۔ ﺍُﺱ ﮐﯽ ﮐﻤﭙﻨﯽ trade ﮐﮯ ﻧﺌﮯ ﺍﺻﻮﻝ ﻟﮯ ﺁﺋﯽ ﺗﮭﯽ ﺍﻭﺭ ﺍُﻥ ﻧﺌﮯ ﺍﺻﻮﻟﻮﮞ ﭘﺮ ﮐﺎﻡ ﮐﺮﺭﮨﯽ ﺗﮭﯽ۔ ” ﺍﮐﺜﺮ ﻟﻮﮔﻮﮞ ﮐﺎ ﺧﯿﺎﻝ ﮨﮯ ﻣﯿﮟ ﺭﻭﻝ ﻣﺎﮈﻝ ﮨﻮﮞ … ﮨﻮ ﺳﮑﺘﺎ ﮨﮯ ﻣﯿﮟ ﺑﮩﺖ ﺳﺎﺭﻭﮞ ﮐﮯ ﻟﺌﮯ ﮨﻮﮞ … ﻟﯿﮑﻦ ﺧﻮﺩ ﻣﺠﮭﮯ ﺭﻭﻝ ﻣﺎﮈﻝ ﮐﯽ ﺗﻼﺵ ﮐﺒﮭﯽ ﻧﮩﯿﮟ ﺭﮨﯽ ”… ﺗﺎﻟﯿﻮﮞ ﮐﺎ ﺷﻮﺭ ﺗﮭﻢ ﺟﺎﻧﮯ ﮐﮯ ﺑﻌﺪ ﺍُﺱ ﻧﮯ ﺩﻭﺑﺎﺭﮦ ﮐﮩﻨﺎ ﺷﺮﻭﻉ ﮐﯿﺎ ﺗﮭﺎ۔ ” ﺭﻭﻝ ﻣﺎﮈﻟﺰ ﺍﻭﺭ ﺁﺋﯿﮉﯾﻠﺰ ﮐﺘﺎﺑﻮﮞ ﻣﯿﮟ ﺯﯾﺎﺩﮦ ﻣﻠﺘﮯ ﮨﯿﮟ ﺍﻭﺭ ﻣﯿﺮﮮ ﻣﺎﮞ ﺑﺎﭖ ﮐﻮ ﮨﻤﯿﺸﮧ ﻣﺠﮫ ﺳﮯ ﯾﮧ ﺷﮑﺎﯾﺖ ﺭﮨﯽ ﮐﮧ ﻣﯿﮟ ﮐﺘﺎﺑﯿﮟ ﻧﮩﯿﮟ ﭘﮍﮬﺘﺎ۔ ” ﻭﮨﺎﮞ ﺑﯿﭩﮭﮯ ﮨﻮﺋﮯ ﺍﺳﭩﻮﮈﻧﭩﺲ ﻣﯿﮟ ﮐﮭﻠﮑﮭﻼﮨﭩﯿﮟ ﺍُﺑﮭﺮﯼ ﺗﮭﯿﮟ ﺍﻭﺭ ﺍﮔﻠﯽ ﺍﯾﮏ ﻧﺸﺴﺖ ﭘﺮ ﺑﯿﭩﮭﯽ ﺍﻣﺎﻣﮧ ﺑﮭﯽ ﮨﻨﺲ ﭘﮍﯼ ﺗﮭﯽ۔ ” ﻣﯿﮟ ﻧﮯ ﺍﭘﻨﯽ ﺯﻧﺪﮔﯽ ﻣﯿﮟ ﺩﻝ ﭼﺴﭙﯽ ﺳﮯ ﺻﺮﻑ ﺍﯾﮏ ﮐﺘﺎﺏ ﭘﮍﮬﯽ ﺗﮭﯽ ﺍﻭﺭ ﻭﮦ ﻣﯿﺮﮮ ﺑﺎﭖ ﮐﯽ ﺁﭨﻮ ﺑﺎﺋﯿﻮﮔﺮﺍﻓﯽ ﺗﮭﯽ … ﻭﮦ ﺑﮭﯽ ﺑﺎﺭﮦ ﺳﺎﻝ ﮐﯽ ﻋﻤﺮ ﻣﯿﮟ ﺍﭘﻨﯽ ﻣﺎﮞ ﮐﮯ ﻟﯿﭗ ﭨﺎﭖ ﻣﯿﮟ۔ ” ﺳﺎﻣﻨﮯ ﻭﺍﻟﯽ ﻧﺸﺴﺘﻮﮞ ﭘﺮ ﺑﯿﭩﮭﯽ ﺍﻣﺎﻣﮧ ﮐﺎ ﺭﻧﮓ ﻓﻖ ﮨﻮ ﮔﯿﺎ، ﻭﮦ ﮨﻨﺴﻨﺎ ﯾﮏ ﺩﻡ ﺑﮭﻮﻝ ﮔﺌﯽ ﺗﮭﯽ۔ ” ﺍﻭﺭ ﻭﮦ ﻭﺍﺣﺪ ﮐﺘﺎﺏ ﮨﮯ ﺟﺲ ﮐﻮ ﻣﯿﮟ ﻧﮯ ﺑﺎﺭ ﺑﺎﺭ ﭘﮍﮬﺎ … ﻭﮦ۔۔۔۔۔۔۔ ﻭﮦ ﻭﺍﺣﺪ ﮐﺘﺎﺏ ﮨﮯ ﺟﻮ ﻣﯿﺮﮮ ﻟﯿﭗ ﭨﺎﭖ ﻣﯿﮟ ﺑﮭﯽ ﮨﮯ … ﻣﯿﺮﮮ ﺑﺎﭖ ﮐﯽ ﺁﭨﻮ ﺑﺎﺋﯿﻮ ﮔﺮﺍﻓﯽ ﮐﯽ ﺑﮩﺘﺮﯾﻦ ﺑﺎﺕ ﯾﮧ ﮨﮯ ﮐﮧ ﺍُﺱ ﻣﯿﮟ ﮐﻮﺋﯽ ﮨﯿﺮﻭ، ﮐﻮﺋﯽ ﺁﺋﯿﮉﯾﻞ، ﮐﻮﺋﯽ ﺭﻭﻝ ﻣﺎﮈﻝ ﻧﮩﯿﮟ ﮨﮯ، ﺍﻭﺭ ﺍُﺳﮯ ﭘﮍﮬﺘﮯ ﮨﻮﺋﮯ ﻣﺠﮭﮯ ﮨﻤﯿﺸﮧ ﯾﮧ ﺍﺣﺴﺎﺱ ﮨﻮﺍ ﮐﮧ ﻣﯿﺮﺍ ﺑﺎﭖ ﮐﺘﻨﺎ lucky ﮨﮯ ﮐﮧ ﺍُﺳﮯ ﮐﺴﯽ ﺳﮯ inspire ﮨﻮ ﮐﺮ ﺍُﺱ ﺟﯿﺴﺎ ﻧﮩﯿﮟ ﺑﻨﻨﺎ ﭘﮍﺍ، ﺯﻧﺪﮔﯽ ﮔﺰﺍﺭﻧﮯ ﮐﮯ ﺍُﻥ ﮐﮯ ﺍﭘﻨﮯ ﺍﺻﻮﻝ ﺍﻭﺭ ﻓﺎﺭﻣﻮﻻﺯ ﺍُﻥ ﮐﮯ ﺑﭽﭙﻦ ﺍﻭﺭ ﺟﻮﺍﻧﯽ ﮐﻮ dictate ﮐﺮﺗﮯ ﺭﮨﮯ۔ ” ﻭﮦ ﮐﮩﺘﺎ ﺟﺎ ﺭﮨﺎ ﺗﮭﺎ ﺍﻭﺭ ﻭﮨﺎﮞ ﺑﯿﭩﮭﯽ ﺍﻣﺎﻣﮧ ﻋﺠﯿﺐ ﺳﮯ ﺷﺎﮎ ﺍﻭﺭ ﺷﺮﻣﻨﺪﮔﯽ ﻣﯿﮟ ﺑﯿﭩﮭﯽ ﺗﮭﯽ، ﻭﮦ ﮐﺘﺎﺏ ﺟﺴﮯ ﻭﮦ ﺁﺝ ﺑﮭﯽ publish ﮐﺮﻭﺍﻧﺎ ﻧﮩﯿﮟ ﭼﺎﮨﺘﯽ ﺗﮭﯽ، ﺻﺮﻑ ﺍﺱ ﻟﺌﮯ ﮐﯿﻮﮞ ﮐﮧ ﻭﮦ ﺍﭘﻨﯽ ﺍﻭﻻﺩ ﮐﻮ ﺍُﻥ ﮐﮯ ﺑﺎﭖ ﮐﮯ ﺣﻮﺍﻟﮯ ﺳﮯ ﮐﺴﯽ ﺷﺮﻣﻨﺪﮔﯽ ﻣﯿﮟ ﻣﺒﺘﻼ ﻧﮩﯿﮟ ﺩﯾﮑﮭﻨﺎ ﭼﺎﮨﺘﯽ ﺗﮭﯽ … ﻭﮦ ﮐﺘﺎﺏ ﺍُﺱ ﮐﯽ ﺗﯿﺴﺮﯼ ﺍﻭﻻﺩ ﺑﺎﺭﮦ ﺳﺎﻝ ﮐﯽ ﻋﻤﺮ ﻣﯿﮟ ﺻﺮﻑ ﺍﯾﮏ ﺑﺎﺭ ﻧﮩﯿﮟ، ﺑﺎﺭ ﺑﺎﺭ ﭘﮍﮬﺘﺎ ﺭﮨﺎ ﺗﮭﺎ۔ ﺍُﺱ ﮐﯽ ﺍﯾﮏ ﮐﺎﭘﯽ ﺍُﺱ ﮐﮯ ﻟﯿﭗ ﭨﺎﭖ ﺗﮏ ﺑﮭﯽ ﭼﻠﯽ ﮔﺌﯽ ﺗﮭﯽ ﺍﻭﺭ ﻭﮦ ﺑﮯ ﺧﺒﺮ ﺗﮭﯽ۔ ” ﻣﯿﮟ ﻧﮯ ﺍُﺱ ﮐﺘﺎﺏ ﮐﻮ ﭘﮍﮬﻨﮯ ﮐﮯ ﺑﻌﺪ ﯾﮧ ﻃﮯ ﮐﯿﺎ ﺗﮭﺎ ﮐﮧ ﻣﺠﮭﮯ inspire ﮨﻮﻧﮯ ﺟﯿﺴﺎ ﺁﺳﺎﻥ ﮐﺎﻡ ﻧﮩﯿﮟ ﮐﺮﻧﺎ … inspire ﮐﺮﻧﮯ ﺟﯿﺴﺎ ﻣﺸﮑﻞ ﮐﺎﻡ ﮐﺮ ﮐﮯ ﺩﯾﮑﮭﻨﺎ ﮨﮯ۔ ” ﻭﮦ ﮐﮩﮧ ﺭﮨﺎ ﺗﮭﺎ۔ ” ﻣﯿﺮﺍ ﺗﻌﺎﺭﻑ ﮐﺮﻭﺍﺗﮯ ﻭﻗﺖ ﻭﮦ ﺳﺎﺭﯼ ﭼﯿﺰﯾﮟ ﮔﻨﻮﺍﺋﯽ ﮔﺌﯿﮟ ﺟﻦ ﺳﮯ ﺁﭖ ﺳﺐ ﮐﮯ ﺳﺎﻧﺲ ﺭُﮎ ﺟﺎﺋﯿﮟ، ﺁﻧﮑﮭﯿﮟ ﺟﮭﭙﮑﻨﺎ ﺑﻨﺪ ﮨﻮ ﺟﺎﺋﯿﮟ، ﻣﻨﮧ ﮐُﮭﻠﮯ ﮐﮯ ﮐُﮭﻠﮯ ﺭﮦ ﺟﺎﺋﯿﮟ … ﻣﯿﮟ ﻧﮯ ﮐﺲ ﻋﻤﺮ ﻣﯿﮟ ﮐﯿﺎ ﮐﺮ ﺩﯾﺎ، ﺍﻭﺭ ﮐﺲ ﻋﻤﺮ ﻣﯿﮟ ﮐﯿﺎ … ﺍﺱ ﺳﺎﻝ ﻣﯿﺮﯼ ﮐﻤﭙﻨﯽ ﮐﺎ ﭨﺮﻥ ﺍﻭﻭﺭ ﮐﯿﺎ ﺗﮭﺎ … ﺩُﻧﯿﺎ ﮐﮯ ﺩﺱ ﺑﮩﺘﺮﯾﻦ entreprenuer ﻣﯿﮟ، ﻣﯿﮟ ﮐﺲ ﻧﻤﺒﺮ ﭘﺮ ﮨﻮﮞ … ﺩُﻧﯿﺎ ﮐﯽ ﮐﻮﻥ ﮐﻮﻥ ﺳﯽ ﮐﻤﭙﻨﯿﺎﮞ ﻣﯿﺮﯼ ﮐﻼﺋﻨﭧ ﮨﯿﮟ … ﺁﭖ ﻣﯿﮟ ﺳﮯ ﺍﮔﺮ ﮐﻮﺋﯽ ﻣﺠﮫ ﺳﮯ ﺍﻭﺭ ﻣﯿﺮﯼ ﮐﺎﻣﯿﺎﺑﯽ ﺳﮯ ﻣﺘﺎﺛﺮ ﻧﮩﯿﮟ ﮨﻮﺍ ﯾﮧ ﺳﺐ ﺳُﻦ ﮐﺮ ﺑﮭﯽ ﺗﻮ ﻣﺠﮭﮯ ﺣﯿﺮﺕ ﮨﻮ ﮔﯽ ”… ﻭﮦ ﺭُﮐﺎ، ﺟﯿﺴﮯ ﻣﺠﻤﻊ ﮐﯽ ﺁﻧﮑﮭﻮﮞ ﻣﯿﮟ ﺁﻧﮑﮭﯿﮟ ﮈﺍﻟﺘﮯ ﮨﻮﺋﮯ ﺍُﺱ ﻧﮯ ﮐﮩﺎ۔ ” ﻟﯿﮑﻦ ﺍﺱ ﺗﻌﺎﺭﻑ ﻣﯿﮟ ﺑﮩﺖ ﺳﮯ ﺍﯾﺴﮯ facts ﺷﺎﻣﻞ ﮨﯿﮟ ﺟﻦ ﮐﻮ ﺳُﻦ ﮐﺮ ﺁﭖ ﮐﻮ ﻣﺠﮫ ﻣﯿﮟ ﺍﭘﻨﺎ ﺁﭖ ﯾﺎ ﺍﭘﻨﮯ ﺁﭖ ﻣﯿﮟ ﻣﯿﮟ ﺩِﮐﮭﻨﮯ ﻟﮕﻮﮞ ﮔﺎ … ﺟﯿﺴﮯ ﺍﺱ ﺗﻌﺎﺭﻑ ﻣﯿﮟ ﯾﮧ ﺣﻘﯿﻘﺖ ﺷﺎﻣﻞ ﻧﮩﯿﮟ ﮨﮯ ﮐﮧ ﻣﯿﮟ ﺁﺝ ﺗﮏ ﮐﻮﺷﺶ ﮐﮯ ﺑﺎﻭﺟﻮﺩ ﮐﺒﮭﯽ ﺍﭘﻨﯽ ﺑﮩﻦ ﺳﮯ ﻟﯿﺎ ﮔﯿﺎ ﻗﺮﺽ ﻭﺍﭘﺲ ﻧﮩﯿﮟ ﮐﺮ ﺳﮑﺎ۔ ” ﻣﺠﻤﻊ ﻣﯿﮟ ﮨﻠﮑﯽ ﺗﺎﻟﯿﻮﮞ ﮐﮯ ﺳﺎﺗﮫ ﻗﮩﻘﮩﮯ ﮔﻮﻧﺠﮯ۔ ﺣﻤﯿﻦ ﺑﮯ ﺣﺪ ﺳﻨﺠﯿﺪﮦ ﺗﮭﺎ۔ ” ﻟﯿﮑﻦ ﻣﯿﮟ ﺍﯾﮏ ﺩﻥ ﻭﮦ ﺳﺎﺭﯼ ﺭﻗﻢ ﻭﺍﭘﺲ ﮐﺮﻭﮞ ﮔﺎ ﯾﮧ ﻭﮦ ﻭﻋﺪﮦ ﮨﮯ ﺟﻮ ﻣﯿﮟ ﺍُﺱ ﺳﮯ 8 ﺳﺎﻝ ﮐﯽ ﻋﻤﺮ ﺳﮯ ﮐﺮ ﺭﮨﺎ ﮨﻮﮞ ﺟﺐ ﻣﯿﮟ ﻧﮯ ﺍُﺱ ﺳﮯ ﭘﮩﻠﯽ ﺑﺎﺭ ﻗﺮﺽ ﻟﯿﺎ ﺗﮭﺎ، ﺍﻭﺭ ﻣﯿﮟ ﮐﺒﮭﯽ ﻭﻋﺪﮦ ﭘﻮﺭﺍ ﻧﮩﯿﮟ ﮐﺮ ﺳﮑﺎ۔ ” ﻭﮦ ﮨﻨﺴﺘﮯ ﮨﻮﺋﮯ ﻣﺠﻤﻊ ﮐﮯ ﺳﺎﻣﻨﮯ ﺑﮯ ﺣﺪ ﺳﻨﺠﯿﺪﮔﯽ ﺳﮯ ﮐﮩﮧ ﺭﮨﺎ ﺗﮭﺎ۔ ﻣﯿﺮﯼ ﺑﮩﻦ ﮐﮯ ﭘﺎﺱ ﮈﺍﺋﺮﯾﺰ ﮐﺎ ﺍﯾﮏ ﮈﮬﯿﺮ ﮨﮯ ﺟﺲ ﻣﯿﮟ ﺍُﺱ ﻧﮯ ﺍُﺱ ﺳﮯ ﺍُﺩﮬﺎﺭ ﻟﯿﮯ ﺟﺎﻧﮯ ﻭﺍﻟﮯ ﺍﯾﮏ ﺍﯾﮏ ﺳﯿﻨﭧ ﮐﺎ ﺑﮭﯽ ﺣﺴﺎﺏ ﺭﮐﮭﺎ ﮨﻮﺍ ﮨﮯ۔ ” ﺗﺎﻟﯿﻮﮞ ﮐﮯ ﺷﻮﺭ ﻣﯿﮟ ﻭﮦ ﺭُﮐﺎ۔ ” ﺍﻭﺭ ﮨﺮ ﺍﭼﮭﮯ ﺑﺰﻧﺲ ﻣﯿﻦ ﮐﯽ ﻃﺮﺡ ﻣﯿﮟ ﺑﮭﯽ ﺍﺗﻨﯽ ﺑﮍﯼ ﺭﻗﻢ ﻓﻮﺭﯼ ﻃﻮﺭ ﭘﺮ ﮐﺴﯽ ﮐﻮ ﻧﮩﯿﮟ ﺩﮮ ﺳﮑﺘﺎ ﭼﺎﮨﮯ ﻭﮦ ﻗﺮﺿﮧ ﮐﯽ ﻭﺍﭘﺴﯽ ﮨﯽ ﮐﯿﻮﮞ ﻧﮧ ﮨﻮ ”… ﻭﮦ ﺑﻮﻝ ﺭﮨﺎ ﺗﮭﺎ۔ ” ﺍﻭﺭ ﻣﯿﮟ ﺳُﺴﺖ ﮨﻮﮞ، ﺿﺮﻭﺭﺗﺎً ﺟﮭﻮﭦ ﺑﻮﻟﺘﺎ ﮨﻮﮞ، ﭼﯿﺰﯾﮟ ﺍﮐﺜﺮ ﺑﮭﻮﻝ ﺟﺎﺗﺎ ﮨﻮﮞ، ﺩﻭﺳﺘﻮﮞ ﮐﻮ ﻣﺎﯾﻮﺱ ﮐﺮﺗﺎ ﮨﻮﮞ۔ ” ﺍُﺱ ﮐﮯ ﮨﺮ ﺟﻤﻠﮯ ﭘﺮ ﻭﮦ ﺍﺳﭩﻮﮈﻧﭩﺲ ﭘﺮ ﺟﻮﺵ ﺍﻧﺪﺍﺯ ﻣﯿﮟ ﺗﺎﻟﯿﺎﮞ ﺑﺠﺎ ﺭﮨﮯ ﺗﮭﮯ ﺟﯿﺴﮯ ﮐﺴﯽ rock star ﮐﻮ ﺩﺍﺩ ﺩﮮ ﺭﮨﮯ ﮨﻮﮞ۔ ” ﺍﻭﺭ ﺍﻥ ﺗﻤﺎﻡ ﺧﺎﻣﯿﻮﮞ ﮐﮯ ﺳﺎﺗﮫ ﺑﮭﯽ ﻣﺠﮭﮯ ﺍﮔﺮ most inspirational person ﮐﯽ ﻓﮩﺮﺳﺖ ﻣﯿﮟ ﺭﮐﮭﺎ ﺟﺎﺗﺎ ﮨﮯ ﺗﻮ ﯾﮧ ﺧﻮﻑ ﻧﺎﮎ ﺑﺎﺕ ﮨﮯ … ﺧﻮﻑ ﻧﺎﮎ ﺍﺱ ﻟﺌﮯ ﮐﯿﻮﮞ ﮐﮧ ﮨﻢ ﺍﯾﮏ ﺍﯾﺴﮯ ﺯﻣﺎﻧﮯ ﻣﯿﮟ ﺩﺍﺧﻞ ﮨﻮ ﭼﮑﮯ ﮨﯿﮟ ﺟﮩﺎﮞ ﺻﺮﻑ ﮐﺎﻣﯿﺎﺑﯽ ﮨﻤﯿﮟ ﻗﺎﺑﻞِ ﻋﺰﺕ ﺍﻭﺭ ﻗﺎﺑﻞِ ﺭﺷﮏ ﺑﻨﺎ ﺭﮨﯽ ﮨﮯ … ﮨﻤﺎﺭﯼ ﺍﻧﺴﺎﻧﯽ ﺧﺼﻮﺻﯿﺎﺕ ﺍﻭﺭ ﺧﻮﺑﯿﺎﮞ ﻧﮩﯿﮟ۔ ” ﺗﺎﻟﯿﻮﮞ ﮐﮯ ﺷﻮﺭ ﻧﮯ ﺍﯾﮏ ﺑﺎﺭ ﭘﮭﺮ ﺍُﺳﮯ ﺭُﮐﻨﮯ ﭘﺮ ﻣﺠﺒﻮﺭ ﮐﯿﺎ ﺗﮭﺎ۔ ﻣﺠﻤﻊ ﺍﺏ ﺍُﺱ ﮐﮯ ﺳﯿﻨﺲ ﺁﻑ ﮨﯿﻮﻣﺮ ﮐﻮ ﻧﮩﯿﮟ، ﺍُﺱ ﮐﮯ ﺍُﻥ ﺍﻟﻔﺎﻅ ﮐﻮ ﺳﺮﺍﮦ ﺭﮨﺎ ﺗﮭﺎ۔ ۔ MIT” ﮐﮯ graduating students ﮐﻮ ﯾﮧ ﺑﺎﺕ ﮐﮩﺘﮯ ﮨﻮﺋﮯ ﻣﯿﮟ stupid ﻟﮕﻮﮞ ﮔﺎ ﮐﮧ ﺍُﻥ ﭼﯿﺰﻭﮞ ﮐﻮ redefine ﮐﺮﯾﮟ ﺟﻮ ﮨﻤﺎﺭﮮ ﻟﺌﮯ inspirational ﮨﻮﻧﯽ ﭼﺎﮨﯿﮯ … ﻣﯿﮟ ﺩﺱ ﺳﺎﻝ ﮐﺎ ﺗﮭﺎ ﺟﺐ ﻣﯿﺮﮮ ﺑﺎﭖ ﻧﮯ ﻣﺠﮭﮯ ﺯﺑﺮﺩﺳﺘﯽ ﭘﺎﮐﺴﺘﺎﻥ ﺑﮭﯿﺞ ﺩﯾﺎ … ﻣﺠﮭﮯ ﺍﻭﺭ ﻣﯿﺮﯼ ﻓﯿﻤﻠﯽ ﮐﻮ … ﮐﯿﻮﮞ ﮐﮧ ﻣﯿﺮﮮ ﺩﺍﺩﺍ ﮐﻮ ﺍﻟﺰﺍﺋﻤﺮ ﺗﮭﺎ، ﺍﻭﺭ ﻣﯿﺮﮮ ﺑﺎﭖ ﮐﺎ ﺧﯿﺎﻝ ﺗﮭﺎ ﺍُﻧﮩﯿﮟ ﮨﻤﺎﺭﯼ ﺿﺮﻭﺭﺕ ﺗﮭﯽ … ﻣﯿﮟ ﻧﮯ ﺍﮔﻠﮯ ﭼﮭﮯ ﺳﺎﻝ ﺍﭘﻨﮯ ﺩﺍﺩﺍ ﮐﮯ ﺳﺎﺗﮫ ﮔُﺰﺍﺭﮮ ﺗﮭﮯ … ﺩﻧﯿﺎ ﮐﯽ ﮐﻮﺋﯽ ﯾﻮﻧﯿﻮﺭﺳﭩﯽ ﻣﺠﮭﮯ ﻭﮦ ﺗﺮﺑﯿﺖ ﺍﻭﺭ ﻋﻠﻢ ﻧﮩﯿﮟ ﺩﮮ ﺳﮑﺘﯽ ﺟﻮ ﺍﻟﺰﺍﺋﻤﺮ ﮐﮯ ﮨﺎﺗﮭﻮﮞ ﺍﭘﻨﯽ ﯾﺎﺩﺩﺍﺷﺖ ﮐﮭﻮﺗﮯ ﮨﻮﺋﮯ ﺍُﺱ 75 ﺳﺎﻝ ﮐﮯ ﺑﻮﮌﮬﮯ ﻧﮯ ﺍﭘﻨﮯ ﺩﺱ ﺳﺎﻝ ﮐﮯ ﭘﻮﺗﮯ ﮐﻮ ﺩﯼ … MIT ﺑﮭﯽ ﻧﮩﯿﮟ ”… ﺳﻨّﺎﭨﮯ ﮐﻮ ﺗﺎﻟﯿﻮﮞ ﻧﮯ ﺗﻮﮌﺍ ﺗﮭﺎ۔ ﭘﮭﺮ ﺍُﺱ ﮐﮯ ﻟﺌﮯ ﮐﮭﮍﮮ ﮨﻮ ﺟﺎﻧﮯ ﻭﺍﻟﮯ ﮨﺠﻮﻡ ﻧﮯ ﺍﮔﻠﮯ ﮐﺌﯽ ﻣﻨﭧ ﺍﭘﻨﮯ ﮨﺎﺗﮫ ﻧﮩﯿﮟ ﺭﻭﮐﮯ۔ ” ﻣﯿﮟ ﮨﻤﯿﺸﮧ ﺳﻮﭼﺘﺎ ﺗﮭﺎ ﺍﺱ ﺳﺐ ﮐﺎ ﻓﺎﺋﺪﮦ ﮐﯿﺎ ﺗﮭﺎ … ﻣﺠﮭﮯ ﺍﻣﺮﯾﮑﮧ ﻣﯿﮟ ﮨﻮﻧﺎ ﭼﺎﮨﯿﮯ ﺗﮭﺎ، ﺩﺍﺩﺍ ﮐﮯ ﭘﺎﺱ ﻧﮩﯿﮟ … ﻟﯿﮑﻦ ﭘﮭﺮ ﺁﮨﺴﺘﮧ ﺁﮨﺴﺘﮧ ﺳﺐ ﮐﭽﮫ ﺑﺪﻟﻨﺎ ﺷﺮﻭﻉ ﮨﻮ ﮔﯿﺎ … ﻣﺠﮭﮯ ﺍُﻥ ﮐﮯ ﺳﺎﺗﮫ ﺑﯿﭩﮭﻨﺎ، ﺑﺎﺕ ﮐﺮﻧﺎ، ﺳﻨﻨﺎ ﺍﻭﺭ ﺍُﻥ ﮐﯽ ﻣﺪﺩ ﮐﺮﻧﺎ ﺍﭼﮭﺎ ﻟﮕﻨﮯ ﻟﮕﺎ … ﺩﺱ ﺳﺎﻝ ﮐﺎ ﺑﭽﮧ ﮐﺒﮭﯽ ﯾﮧ ﻧﮩﯿﮟ ﺳﻤﺠﮫ ﺳﮑﺘﺎ ﮐﮧ ﮐﻮﺋﯽ ﺍﻧﺴﺎﻥ ﺳﺎﻣﻨﮯ ﭘﮍﯼ ﮨﻮﺋﯽ ﭼﯿﺰ ﮐﺎ ﻧﺎﻡ ﮐﯿﺴﮯ ﺑﮭﻮﻝ ﺳﮑﺘﺎ ﮨﮯ … ﻟﯿﮑﻦ ﻣﯿﮟ ﯾﮧ ﺳﺐ ﺩﯾﮑﮫ ﺭﮨﺎ ﺗﮭﺎ ﺍﻭﺭ ﺍﺱ ﺳﺐ ﻧﮯ ﻣﺠﮭﮯ ﺍﯾﮏ ﭼﯿﺰ ﺳﮑﮭﺎﺋﯽ۔ ” There is no tomorrow “ ﺟﻮ ﺑﮭﯽ ﮨﮯ، ﺁﺝ ﮨﮯ … ﺍﻭﺭ ﺁﺝ ﮐﺎ ﺑﮩﺘﺮﯾﻦ ﻣﺼﺮﻑ ﮨﻮﻧﺎ ﭼﺎﮨﯿﮯ ”… ﮐﻞ ” ﭼﺎﻧﺲ ﮨﮯ، ﮨﻮ ﺳﮑﺘﺎ ﮨﮯ، ﺁﭖ ﮐﻮ ﻧﮧ ﻣﻠﮯ۔ ” ﺍُﺱ ﻧﮯ ﺗﻘﺮﯾﺮ ﺧﺘﻢ ﮐﺮ ﺩﯼ ﺗﮭﯽ۔ ﻭﮦ ﭘﻮﺭﺍ ﻣﺠﻤﻊ ﺍﯾﮏ ﺑﺎﺭ ﭘﮭﺮ ﺍُﺱ ﮐﮯ ﻟﺌﮯ ﮐﮭﮍﺍ ﮨﻮ ﭼﮑﺎ ﺗﮭﺎ، ﺗﺎﻟﯿﺎﮞ ﺑﺠﺎﺗﮯ ﮨﻮﺋﮯ۔ ﺍﻣﺎﻣﮧ ﺑﮭﯽ ﺗﺎﻟﯿﺎﮞ ﺑﺠﺎﺭﮨﯽ ﺗﮭﯽ، ﮨﻠﮑﯽ ﻣﺴﮑﺮﺍﮨﭧ ﮐﮯ ﺳﺎﺗﮫ ﺍُﺳﮯ ﺩﯾﮑﮭﺘﮯ ﮨﻮﺋﮯ … ﺍُﺳﮯ ﺩﺍﺩ ﺩﯾﺘﮯ ﮨﻮﺋﮯ … ﺍُﺱ ﮐﯽ ﺍﻭﻻﺩ ﻧﮯ ﺍُﺳﮯ ﺍﯾﺴﮯ ﺑﮩﺖ ﺳﮯ ﻓﺨﺮﯾﮧ ﻟﻤﺤﮯ ﺩﯾﮯ ﺗﮭﮯ … ﺑﮩﺖ ﺳﺎﺭﮮ۔۔۔۔۔۔۔۔۔۔ ﺁﮨﺴﺘﮧ ﺁﮨﺴﺘﮧ ﺍُﺱ ﮔﮭﺮ ﮐﮯ ﺳﺎﺭﮮ ﭘﺮﻧﺪﮮ ﺍُﮌ ﮔﺌﮯ ﺗﮭﮯ … ﺟﺒﺮﯾﻞ، ﻋﻨﺎﯾﮧ، ﺣﻤﯿﻦ ﺭﺋﯿﺴﮧ … ﻣﮕﺮ ﮨﺮ ﺍﯾﮏ ﮐﯽ ﭘﺮﻭﺍﺯ ﺷﺎﻧﺪﺍﺭ ﺗﮭﯽ، ﻭﮦ ﺟﺲ ﺁﺳﻤﺎﻥ ﭘﺮ ﺑﮭﯽ ﺍُﮌ ﺭﮨﮯ ﺗﮭﮯ … ﻓﺎﺗﺤﺎﻧﮧ ﺍﻧﺪﺍﺯ ﻣﯿﮟ ﺍُﮌ ﺭﮨﮯ ﺗﮭﮯ۔ ” ﺗﻢ ﺳﻤﺠﮭﺪﺍﺭ ﮨﻮ ﮔﺌﮯ ﮨﻮ ﯾﺎ ﺍﯾﮑﭩﻨﮓ ﮐﺮ ﺭﮨﮯ ﺗﮭﮯ؟ ” ﻭﮨﺎﮞ ﺳﮯ ﻭﺍﭘﺴﯽ ﭘﺮ ﺍﻣﺎﻣﮧ ﻧﮯ ﺍُﺱ ﺳﮯ ﮔﺎﮌﯼ ﻣﯿﮟ ﮐﮩﺎ ﺗﮭﺎ۔ ﻭﮦ ﮈﺭﺍﺋﯿﻮﻧﮓ ﮐﺮﺗﮯ ﮨﻮﺋﮯ ﮨﻨﺲ ﭘﮍﺍ۔ ” ﺍﯾﮑﭩﻨﮓ ﮐﺮ ﺭﮨﺎ ﺗﮭﺎ، ﯾﮧ ﺗﻮ ﻇﺎﮨﺮ ﮨﮯ … ﻏﻠﻂ ﺳﻮﺍﻝ ﮐﺮﻟﯿﺎ ﺁﭖ ﻧﮯ ﻣﺠﮫ ﺳﮯ۔ ” ﺍُﺱ ﻧﮯ ﻣﺎﮞ ﮐﯽ ﺑﺎﺕ ﮐﮯ ﺟﻮﺍﺏ ﻣﯿﮟ ﮐﮩﺎ ﺗﮭﺎ۔ ” ﺗﻢ ﺑﮯ ﺣﺪ ﺧﺮﺍﺏ ﮨﻮ ﺣﻤﯿﻦ ”! ﺍﻣﺎﻣﮧ ﮐﻮ ﯾﮏ ﺩﻡ ﺟﯿﺴﮯ ﯾﺎﺩ ﺁﯾﺎ۔ ” ﻣﯿﮟ ﺑﮭﯽ ﺳﻮﭺ ﺭﮨﺎ ﺗﮭﺎ ﺁﭖ ﺑﺎﺑﺎ ﮐﯽ ﺁﭨﻮ ﺑﺎﺋﯿﻮﮔﺮﺍﻓﯽ ﺑﮭﻮﻝ ﮐﯿﺴﮯ ﮔﺌﯿﮟ؟ ” ﺣﻤﯿﻦ ﻧﮯ ﻣﺎﮞ ﮐﮯ ﺍﺱ ﺟﻤﻠﮯ ﭘﺮ ﺑﺮﻕ ﺭﻓﺘﺎﺭﯼ ﺳﮯ ﮐﮩﺎ۔ ” ﺗﻤﮩﯿﮟ ﺍُﺳﮯ ﻧﮩﯿﮟ ﭘﮍﮬﻨﺎ ﭼﺎﮨﯿﮯ ﺗﮭﺎ۔ ” ﺍﻣﺎﻣﮧ ﺍﺏ ﺑﮭﯽ ﺳﻨﺠﯿﺪﮦ ﺗﮭﯽ۔ ” ﺁﭖ ﮨﯽ ﮐﮩﺘﯽ ﮨﯿﮟ، ﮐﺘﺎﺑﯿﮟ ﭘﮍﮬﻨﺎ ﺍﭼﮭﯽ ﻋﺎﺩﺕ ﮨﮯ۔ ” ﺍُﺱ ﻧﮯ ﻣﺎﮞ ﺳﮯ ﮐﮩﺎ ” ﻣﯿﮟ ﻧﮯ ﯾﮧ ﻧﮩﯿﮟ ﮐﮩﺎ ﺗﮭﺎ ﮐﮧ ﮐﺘﺎﺑﯿﮟ ﭼﻮﺭﯼ ﮐﺮ ﮐﮯ ﺍﻭﺭ ﺑﻐﯿﺮ ﺍﺟﺎﺯﺕ ﭘﮍﮬﻮ۔ ” ﺍﻣﺎﻣﮧ ﻧﮯ ﺍُﺳﯽ ﺳﻨﺠﯿﺪﮔﯽ ﺳﮯ ﺍُﺳﮯ ﮈﺍﻧﭩﺎ۔ ” ﺯﻧﺪﮔﯽ ﻣﯿﮟ ﭘﮩﻠﯽ ﺍﻭﺭ ﺁﺧﺮﯼ ﺑﺎﺭ ﮐﻮﺋﯽ ﮐﺘﺎﺏ ﭼﻮﺭﯼ ﮐﺮ ﮐﮯ ﭘﮍﮬﯽ ﮨﮯ۔ ﺁﭖ ﺗﺴﻠّﯽ ﺭﮐﮭﯿﮟ ﻣﯿﮟ ﺍﺗﻨﺎ passionate ﻧﮩﯿﮟ ﮨﻮﮞ ﺭﯾﮉﻧﮓ ﮐﮯ ﺑﺎﺭﮮ ﻣﯿﮟ۔ ” ﺍُﺱ ﻧﮯ ﺑﮍﮮ ﺍﻃﻤﯿﻨﺎﻥ ﺳﮯ ﮐﮩﺎ۔ ﺍﻣﺎﻣﮧ ﺍﮔﺮ ﺍُﺳﮯ ﺷﺮﻣﻨﺪﮦ ﺩﯾﮑﮭﻨﺎ ﭼﺎﮨﺘﯽ ﺗﮭﯽ ﺗﻮ ﯾﮧ ﺍُﺱ ﮐﯽ ﻏﻠﻂ ﻓﮩﻤﯽ ﺗﮭﯽ۔ ﺍُﺱ ﮐﮯ ﭘﺎﺱ ﮨﺮ logic ﺍﻭﺭ ﮨﺮ ﺑﮩﺎﻧﮧ ﺗﮭﺎ۔ ﺳﺎﻻﺭ ﮐﺎ ﺑﯿﭩﺎ ﺗﮭﺎ ﺗﻮ ﺍﻥ ﭼﯿﺰﻭﮞ ﮐﯽ ﺍﻓﺮﺍﻁ ﺗﮭﯽ ﺍُﺱ ﮐﮯ ﭘﺎﺱ۔ ” ﻣﻤّﯽ ﺁﭖ ﺧﻮﺍﻣﺨﻮﺍﮦ ﮨﯽ ﭘﺮﯾﺸﺎﻥ ﮨﻮﺗﯽ ﺭﮨﺘﯽ ﮨﯿﮟ، ﮨﻢ ﺑﮍﮮ ﮨﻮ ﭼﮑﮯ ﮨﯿﮟ، ﺁﭖ ﮨﺮ ﺑﺎﺕ ﮨﻢ ﺳﮯ ﺭﺍﺯ ﻧﮩﯿﮟ ﺭﮐﮫ ﺳﮑﺘﯿﮟ۔ ” ﺍُﺱ ﻧﮯ ﻣﺎﮞ ﮐﺎ ﮐﻨﺪﮬﺎ ﺗﮭﭙﮑﺘﮯ ﮨﻮﺋﮯ ﺟﯿﺴﮯ ﺍُﺳﮯ ﯾﺎﺩ ﺩﻻﯾﺎ۔ ” ﺑﺎﻗﯽ ﺗﯿﻨﻮﮞ ﮨﻮ ﭼﮑﮯ ﮨﯿﮟ، ﺗﻢ ﻧﮩﯿﮟ ﮨﻮﺋﮯ۔ ” ﺍﻣﺎﻣﮧ ﻧﮯ ﺍُﺱ ﮐﯽ ﺑﺎﺕ ﮐﻮ ﺍﯾﮏ ﮐﺎﻥ ﺳﮯ ﺳُﻦ ﮐﺮ ﺩﻭﺳﺮﮮ ﮐﺎﻥ ﺳﮯ ﺍُﮌﺍﺗﮯ ﮨﻮﺋﮯ ﮐﮩﺎ۔٠ ۔ ” That’s not fair ﺁﭖ ﻧﮯ ﻣﯿﺮﯼ speech ﻧﮩﯿﮟ ﺳُﻨﯽ ﮐﯿﺎ؟ ” ﺍُﺱ ﻧﮯ ﺑﮯ ﺳﺎﺧﺘﮧ ﺍﻋﺘﺮﺍﺽ ﮐﺮﺗﮯ ﮨﻮﺋﮯ ﮐﮩﺎ ﺗﮭﺎ۔ ” ﻭﮦ speech ﻋﻨﺎﯾﮧ ﻧﮯ ﻟﮑﮭﯽ ﮨﻮﮔﯽ۔ ” ﺍﻣﺎﻣﮧ ﻧﮯ ﮐﮩﺎ۔ ﺍﯾﮏ ﻟﻤﺤﮧ ﮐﮯ ﻟﺌﮯ ﻭﮦ ﻻﺟﻮﺍﺏ ﮨﻮﺍ ﺍﻭﺭ ﻭﻧﮉ ﺳﮑﺮﯾﻦ ﺳﮯ ﺑﺎﮨﺮ ﺩﯾﮑﮭﺘﮯ ﮨﻮﺋﮯ ﺑﮭﯽ ﺍُﺳﮯ ﺍﻣﺎﻣﮧ ﮐﯽ ﭼﺒﮭﺘﯽ ﻧﻈﺮﻭﮞ ﮐﺎ ﺍﺣﺴﺎﺱ ﮨﻮ ﺭﮨﺎ ﺗﮭﺎ۔ ۔ ” She just edited it ” ﺍُﺱ ﻧﮯ ﺑﺎﻵﺧﺮ ﺍﻋﺘﺮﺍﻑ ﮐﯿﺎ … ۔ ” As always ” ﺍﻣﺎﻣﮧ ﻧﮯ ﺟﺘﺎﻧﮯ ﻭﺍﻟﮯ ﺍﻧﺪﺍﺯ ﻣﯿﮟ ﮐﮩﺘﮯ ﮨﻮﺋﮯ ﮔﮩﺮﺍ ﺳﺎﻧﺲ ﻟﯿﺎ۔ ۔ ” You know it very well ﻣﯿﮟ ﺳﺎﺭﯼ ﻋﻤﺮ speeches ﻟﮑﮭﺘﺎ ﺭﮨﺎ ﮨﻮﮞ، ﮐﺮﺗﺎ ﺭﮨﺎ ﮨﻮﮞ، ﯾﮧ ﻣﺸﮑﻞ ﻧﮩﯿﮟ ﮨﮯ ﻣﯿﺮﮮ ﻟﺌﮯ، ﻣﯿﮟ ﺧﻮﺩ ﺑﮭﯽ ﮐﺮ ﺳﮑﺘﺎ ﮨﻮﮞ۔ ” ” ﮐﺮ ﺳﮑﺘﮯ ﮨﻮ، ﺑﺎﻟﮑﻞ ﮐﺮ ﺳﮑﺘﮯ ﮨﻮ۔ ﻟﯿﮑﻦ ﺑﺲ ﯾﮧ ﻧﮧ ﮐﮩﻮ ﮐﮧ ﺗﻤﮩﺎﺭﯼ speech ﺳُﻦ ﮐﺮ ﺗﻤﮩﺎﺭﮮ ﺳﻤﺠﮭﺪﺍﺭ ﮨﻮﻧﮯ ﮐﺎ ﯾﻘﯿﻦ ﮐﺮ ﻟﻮﮞ۔ ” ﺍﻣﺎﻣﮧ ﻣﺰﯾﺪ ﮐﭽﮫ ﮐﮩﻨﮯ ﮐﮯ ﺑﺠﺎﺋﮯ ﺧﻔﮕﯽ ﮐﮯ ﻋﺎﻟﻢ ﻣﯿﮟ ﺧﺎﻣﻮﺵ ﮨﻮ ﮔﺌﯽ ﺍﻭﺭ ﻭﻧﮉ ﺳﮑﺮﯾﻦ ﺳﮯ ﺑﺎﮨﺮ ﺩﯾﮑﮭﻨﮯ ﻟﮕﯽ۔ ” ﻏﺼّﮯ ﻣﯿﮟ ﺁﭖ ﺑﮩﺖ ﺣﺴﯿﻦ ﻟﮕﺘﯽ ﮨﯿﮟ۔ ” ﺍُﺱ ﻧﮯ ﯾﮏ ﺩﻡ ﺑﮍﯼ ﺳﻨﺠﯿﺪﮔﯽ ﺳﮯ ﻣﺎﮞ ﺳﮯ ﮐﮩﺎ، ﺍﻣﺎﻣﮧ ﻧﮯ ﮔﺮﺩﻥ ﻣﻮﮌ ﮐﺮ ﺍُﺳﮯ ﺩﯾﮑﮭﺎ۔ ” ﯾﮧ ﺑﮭﯽ ﻣﯿﮟ ﻧﮯ ﺑﺎﺑﺎ ﮐﯽ ﮐﺘﺎﺏ ﻣﯿﮟ ﮐﮩﯿﮟ ﭘﮍﮬﺎ ﺗﮭﺎ … ﭼﯿﭙﭩﺮ ﻧﻤﺒﺮ ﻓﺎﺋﯿﻮ ﻣﯿﮟ؟ ﻧﮩﯿﮟ ﺷﺎﯾﺪ ﻓﻮﺭ ﻣﯿﮟ۔ ‘’ ﻭﮦ ﺍﺏ ﺍﭘﻨﺎ ﺑﺎﺯﻭ ﺍُﺱ ﮐﮯ ﮐﻨﺪﮬﮯ ﮐﮯ ﮔﺮﺩ ﭘﮭﯿﻼﺋﮯ ﻣﺎﮞ ﮐﻮ ﻣﻨﺎﻧﮯ ﮐﯽ ﮐﻮﺷﺶ ﮐﺮﺭﮨﺎ ﺗﮭﺎ۔ ” ﻭﺍﻗﻌﯽ ﻟﮑﮭﺎ ﮨﮯ ﺗﻤﮩﺎﺭﮮ ﺑﺎﺑﺎ ﻧﮯ؟ ” ﺍﻣﺎﻣﮧ ﻧﮯ ﺟﯿﺴﮯ ﺑﮯ ﯾﻘﯿﻨﯽ ﺳﮯ ﺍُﺳﮯ ﭘﻮﭼﮭﺎ، ﺍﺱ ﮐﮯ ﺑﺎﻭﺟﻮﺩ ﮐﮧ ﻭﮦ ﯾﮧ ﮐﺘﺎﺏ ﺩﺭﺟﻨﻮﮞ ﺑﺎﺭ ﭘﮍﮪ ﭼﮑﯽ ﺗﮭﯽ۔ ﺍﯾﮉﭦ، ﺭﯼ ﺍﯾﮉﭦ ﮐﺮ ﭼﮑﯽ ﺗﮭﯽ ﺍُﺱ ﮐﮯ ﺑﺎﻭﺟﻮﺩ ﺍﯾﮏ ﻟﻤﺤﮧ ﮐﮯ ﻟﺌﮯ ﺍُﺳﮯ ﻭﺍﻗﻌﯽ ﺷﺎﺋﺒﮧ ﮨﻮﺍ۔ ” ﻟﮑﮭﺎ ﺗﻮ ﻧﮩﯿﮟ، ﻟﯿﮑﻦ ﺍﮔﺮ ﺁﭖ ﮐﮩﯿﮟ ﺗﻮ ﻣﯿﮟ edit ﮐﺮ ﮐﮯ ﺷﺎﻣﻞ ﮐﺮ ﺩﯾﺘﺎ ﮨﻮﮞ … ﺁﭖ ﮐﻮ ﻭﯾﺴﮯ ﺑﮭﯽ ﭘﺘﮧ ﮨﮯ ﻣﯿﮟ ﻏﻠﻂ ﺑﺎﺗﻮﮞ ﮐﺎ ﭼﯿﻤﭙﺌﻦ ﮨﻮﮞ۔ ” ﺍُﺱ ﻧﮯ ﺑﮯ ﺣﺪ ﺍﻃﻤﯿﻨﺎﻥ ﺳﮯ ﻣﺎﮞ ﺳﮯ ﮐﮩﺎ۔ ﻭﮦ ﮨﻨﺲ ﭘﮍﯼ، ﻭﮦ ﻭﺍﻗﻌﯽ ﯾﮧ ﺑﮭﯽ ﮐﺮ ﺳﮑﺘﺎ ﺗﮭﺎ، ﺍُﺱ ﮐﮯ ﻟﺌﮯ ﺍُﺳﮯ ﺷﺒﮧ ﻧﮩﯿﮟ ﺗﮭﺎ۔ ****** ” ﮨﻢ ﮐﮩﯿﮟ ﻣﻞ ﺳﮑﺘﮯ ﮨﯿﮟ؟ ” ﺍﺳﮑﺮﯾﻦ ﭼﻤﮑﯽ۔ ” ﮐﮩﺎﮞ؟ ” ﺗﺤﺮﯾﺮ ﺍُﺑﮭﺮﯼ۔ ” ﺟﮩﺎﮞ ﺑﮭﯽ ﺗﻤﮩﯿﮟ ﺁﺳﺎﻧﯽ ﮨﻮ، ﻣﯿﮟ ﺁﺟﺎﺅﮞ ﮔﺎ۔ ” ﺟﻮﺍﺏ ﺁﯾﺎ۔ ” ﺍﭼﮭﺎ ﺳﻮﭼﺘﯽ ﮨﻮﮞ۔ ” ﻟﻔﻈﻮﮞ ﻧﮯ ﮐﮩﺎ۔ ﻭﮦ ﺧﺎﻧﮧ ﮐﻌﺒﮧ ﮐﮯ ﺳﺎﻣﻨﮯ ﮐﮭﮍﺍ ﺗﮭﺎ ﺍﻭﺭ ﻭﮦ ﻭﮨﺎﮞ ﻣﻘﺎﻡِ ﻣﻠﺘﺰﻡ ﮐﮯ ﺳﺎﻣﻨﮯ ﮐﮭﮍﺍ ﺗﮭﺎ ﮐﺘﻨﯽ ﺑﺎﺭ ﻭﮦ ﯾﮩﺎﮞ ﺁﯾﺎ ﺗﮭﺎ ﺍﻭﺭ ﮐﺘﻨﯽ ﺑﺎﺭ ﯾﮩﺎﮞ ﺁ ﮐﺮ ﮐﮭﮍﺍ ﮨﻮﺍ ﺗﮭﺎ، ﺍُﺳﮯ ﺍﺏ ﮔﻨﺘﯽ ﺑﮭﯽ ﺑﮭﻮﻝ ﭼﮑﯽ ﺗﮭﯽ۔ ﻟﯿﮑﻦ ﮨﺮ ﺑﺎﺭ ﮐﯽ ﻃﺮﺡ ﺍﺱ ﺑﺎﺭ ﺑﮭﯽ ﻭ ﮦ ﻭﮨﺎﮞ ﺍﺳﯽ ﺣﺎﻟﺖ ﻣﯿﮟ ﮐﮭﮍﺍ ﺗﮭﺎ۔ ﮨﯿﺒﺖ ﮐﮯ ﻋﺎﻟﻢ ﻣﯿﮟ، ﻋﺠﺰ ﮐﯽ ﮐﯿﻔﯿﺖ ﻣﯿﮟ۔ ﺩﻧﯿﺎ ﮐﯽ ﮐﻮﺋﯽ ﺟﮕﮧ ﺳﺎﻻﺭ ﺳﮑﻨﺪﺭ ﮐﻮ ﻣﭩﯽ ﻧﮩﯿﮟ ﮐﺮﺗﯽ ﺗﮭﯽ، ﺻﺮﻑ ﻭﮦ ﺟﮕﮧ ﺗﮭﯽ ﺟﻮ ﺍُﺳﮯ ﺧﺎﮎ ﺑﻨﺎ ﺩﯾﺘﯽ ﺗﮭﯽ ﺍﻭﺭ ﻭﮦ ” ﺧﺎﮎ ” ﺑﻨﻨﮯ ﮨﯽ ﻭﮨﺎﮞ ﺁﺗﺎ ﺗﮭﺎ ﮨﺮ ﺑﺎﺭ ﺍﭘﻨﯽ ﺍﻭﻗﺎﺕ ﺟﺎﻧﻨﮯ ﺍﻭﺭ ﺍُﺱ ﮐﯽ ﯾﺎﺩﺩﮨﺎﻧﯽ ﮐﮯ ﻟﺌﮯ … ﮨﺮ ﺑﺎﺭ ﺟﺐ ﺩُﻧﯿﺎ ﺍُﺳﮯ ﮐﺴﯽ ﭼﻮﭨﯽ ﭘﺮ ﺑﭩﮭﺎﺗﯽ ﺗﮭﯽ ﺗﻮ ﻭﮦ ﺍﭘﻨﮯ ﻓﺨﺮ ﺍﻭﺭ ﺗﮑﺒﺮ ﮐﻮ ﺩﻓﻨﺎﻧﮯ ﯾﮩﺎﮞ ﺁﺗﺎ ﺗﮭﺎ۔ ﺁﺝ ﺑﮭﯽ ﺁﯾﺎ ﺗﮭﺎ ﺑﻠﮑﮧ ﺑﻼﯾﺎ ﮔﯿﺎ ﺗﮭﺎ۔ ﺧﺎﻧﮧ ﮐﻌﺒﮧ ﮐﺎ ﺩﺭﻭﺍﺯﮦ ﮐﮭﻮﻻ ﺟﺎ ﺭﮨﺎ ﺗﮭﺎ۔ ﺳﯿﮍﮬﯽ ﻟﮕﯽ ﮨﻮﺋﯽ ﺗﮭﯽ۔ ﺍﻭﺭ ﻭﮦ ﺩُﻧﯿﺎ ﮐﮯ ﻣﺨﺘﻠﻒ ﺧﻄّﻮﮞ ﺳﮯ ﺁﺋﮯ ﺍُﻥ ﺩﺱ ﻣﺴﻠﻤﺎﻧﻮﮞ ﻣﯿﮟ ﺷﺎﻣﻞ ﺗﮭﺎ ﺟﻨﮩﯿﮟ ﺧﺎﻧﮧ ﮐﻌﺒﮧ ﮐﮯ ﺍﻧﺪﺭ ﮨﻮﻧﮯ ﻭﺍﻟﯽ ﺻﻔﺎﺋﯽ ﮐﯽ ﺳﻌﺎﺩﺕ ﮐﮯ ﻟﺌﮯ ﭼﻨﺎ ﮔﯿﺎ ﺗﮭﺎ۔ ﺍﻭﺭ ﯾﮧ ﺍﻋﺰﺍﺯ ﺍُﺱ ﮐﮯ ﺣﺼﮯ ﮐﺲ ﻧﯿﮑﯽ ﮐﮯ ﻋﻮﺽ ﺁﯾﺎ ﺗﮭﺎ، ﯾﮧ ﺍُﺳﮯ ﺍﺑﮭﯽ ﺗﮏ ﺳﻤﺠﮫ ﻧﮩﯿﮟ ﺁﺭﮨﺎ ﺗﮭﺎ۔ ﮐﺮﻡ ﺗﻮ ﻭﮦ ﺗﮭﺎ ﮨﯽ ﺍﻭﺭ ﮐﺮﻡ ﺗﻮ ﺍُﺱ ﭘﺮ ﺍﻟﻠﮧ ﮐﺎ ﮨﻤﯿﺸﮧ ﮨﯽ ﺭﮨﺎ ﺗﮭﺎ ﻟﯿﮑﻦ ﺍﺱ ﮐﮯ ﺑﺎﻭﺟﻮﺩ ﻭﮦ ﺍﭘﻨﮯ ﻧﺎﻣﮧ ﺍﻋﻤﺎﻝ ﻣﯿﮟ ﺍﯾﺴﯽ ﮐﻮﺋﯽ ﻧﯿﮑﯽ ﮐﮭﻮﺝ ﺭﮨﺎ ﺗﮭﺎ ﺟﻮ ﺍﯾﺴﮯ ﮐﺮﻡ ﮐﺎ ﺑﺎﻋﺚ ﺑﻨﺘﯽ۔ ﻭﮦ ﺷﺎﮨﯽ ﺧﺎﻧﺪﺍﻥ ﮐﺎ ﻣﮩﻤﺎﻥ ﺑﻦ ﮐﺮ ﭘﭽﮭﻠﮯ ﺳﺎﻟﻮﮞ ﻣﯿﮟ ﮐﺌﯽ ﺑﺎﺭ ﻋﻤﺮﮮ ﮐﯽ ﺳﻌﺎﺩﺕ ﺣﺎﺻﻞ ﮐﺮ ﭼﮑﺎ ﺗﮭﺎ۔ ﺍﻣﺎﻣﮧ ﮐﮯ ﺳﺎﺗﮫ ﺑﮭﯽ، ﺍُﺱ ﮐﮯ ﺑﻐﯿﺮ ﺑﮭﯽ۔ ﻣﮕﺮ ﯾﮧ ﺩﻋﻮﺕ ﻧﺎﻣﮧ ﺟﻮ ﻭﮨﺎﮞ ﺳﮯ ﺍﺱ ﺑﺎﺭ ﺁﯾﺎ ﺗﮭﺎ، ﻭﮦ ﺳﺎﻻﺭ ﺳﮑﻨﺪﺭ ﮐﻮ ﮐﺴﯽ ﺍﻭﺭ ﮨﯽ ﮐﯿﻔﯿﺖ ﻣﯿﮟ ﻟﮯ ﮔﯿﺎ ﺗﮭﺎ۔ ﺍﯾﺴﺎ ﺍﻧﻌﺎﻡ ﺍﻭﺭ ﺍﺗﻨﺎ ﺍﻧﻌﺎﻡ، ﺍﯾﺴﺎ ﮐﺮﻡ ﺍﻭﺭ ﺍﺗﻨﺎ ﮐﺮﻡ۔ ﻭﮦ ﺧﻄﺎ ﮐﺎﺭ ﺍﻭﺭ ﮔﻨﺎﮦ ﮔﺎﺭ ﺗﮭﺎ۔ ﺍﯾﺴﺎ ﮐﯿﺎ ﮐﺮ ﺑﯿﭩﮭﺎ ﺗﮭﺎ ﮐﮧ ﺍﺏ ﯾﻮﮞ ﺩﺭﮔﺰﺭ ﮐﺮ ﺭﮨﺎ ﺗﮭﺎ، ﯾﻮﮞ ﻋﻄﺎ ﮐﺮ ﺭﮨﺎ ﺗﮭﺎ، ﻭﮦ ﺑﮭﯽ ﺟﻮ ﻭﮨﻢ ﻭ ﮔﻤﺎﻥ ﻣﯿﮟ ﺑﮭﯽ ﻧﮧ ﺁﻧﮯ ﻭﺍﻟﯽ ﺑﺎﺗﯿﮟ ﮨﻮﮞ۔ ﻭﮦ ﺍُﺱ ﺩﻋﻮﺕ ﻧﺎﻣﮯ ﮐﻮ ﺁﻧﮑﮭﻮﮞ ﺳﮯ ﻟﮕﺎ ﮐﺮ ﺭﻭﺗﺎ ﺭﮨﺎ ﺗﮭﺎ۔ ﮐﯿﺎ ﺻﺎﻑ ﮐﺮﻧﺎ ﺗﮭﺎ ﺍُﺱ ﻧﮯ ﻭﮨﺎﮞ ﺟﺎ ﮐﺮ۔ ﺳﺐ ﺻﻔﺎﺋﯽ ﺗﻮ ﺍُﺱ ﮐﮯ ﺍﭘﻨﮯ ﺍﻧﺪﺭ ﮨﻮﻧﮯ ﻭﺍﻟﯽ ﺗﮭﯽ ﺍﻭﺭ ﮨﻮﺗﯽ ﺁ ﺭﮨﯽ ﺗﮭﯽ۔ ﺍﻣﺎﻣﮧ ﺑﮭﯽ ﻭﮨﺎﮞ ﺗﮭﯽ، ﺍﯾﮏ ﺩﻭﺳﺮﯼ ﻗﻄﺎﺭ ﻣﯿﮟ ﺍُﻥ ﮨﯽ ﺍﻓﺮﺍﺩ ﮐﯽ ﻓﯿﻤﻠﯿﺰ ﮐﮯ ﺳﺎﺗﮫ۔ ﻭﮦ ﺍُﺳﮯ ﺑﮭﯽ ﺳﺎﺗﮫ ﻻﯾﺎ ﺗﮭﺎ ﺍﻭﺭ ﻭﮦ ﺍُﺳﮯ ﺭﺷﮏ ﺳﮯ ﺩﯾﮑﮫ ﺭﮨﯽ ﺗﮭﯽ، ﺍﺱ ﮐﮯ ﻋﻼﻭﮦ ﻭﮦ ﺍﻭﺭ ﮐﯿﺎ ﮐﺮ ﺳﮑﺘﯽ ﺗﮭﯽ۔ ﺍُﺱ ﮐﮯ ﮔﮭﺮ ﺍﻣﺮﯾﮑﮧ ﺳﮯ ﺁﻧﮯ ﻭﺍﻻ ﻭﮦ ” ﻣﮩﻤﺎﻥ ” ﺍﺱ ﺑﺎﺭ ﺍُﺱ ﮐﮯ ﻟﺌﮯ ﺍﯾﺴﯽ ﺳﻌﺎﺩﺕ ﻻﻧﮯ ﻭﺍﻻ ﺗﮭﺎ، ﺍﺱ ﮐﺎ ﺍﻧﺪﺍﺯﮦ ﺗﻮ ﺍُﺳﮯ ﺗﮭﺎ ﮨﯽ ﻧﮩﯿﮟ۔ ﻭﮦ ﺍُﺳﮯ ﮨﻤﯿﺸﮧ ﺳﺮﭘﺮﺍﺋﺰ ﮐﺮﺗﺎ ﺗﮭﺎ، ﺑﻐﯿﺮ ﺑﺘﺎﺋﮯ ﺁ ﺟﺎﺗﺎ ﺗﮭﺎ ﺟﺐ ﺑﮭﯽ ﮐﺒﮭﯽ ﺍُﺳﮯ ﻭﻗﺖ ﻣﻠﺘﺎ ﺗﮭﺎ۔ ﺩﻭ ﺩﻥ ﮐﮯ ﻟﺌﮯ، ﺗﯿﻦ ﺩﻥ ﮐﮯ ﻟﺌﮯ۔ ﺍﺱ ﺑﺎﺭ ﺑﮍﮮ ﻋﺮﺻﮯ ﮐﮯ ﺑﻌﺪ ﺍُﺱ ﻧﮯ ﺍﻣﺎﻣﮧ ﮐﻮ ﺍﭘﻨﯽ ﺁﻣﺪ ﮐﮯ ﺑﺎﺭﮮ ﻣﯿﮟ ﭘﮩﻠﮯ ﺳﮯ ﺑﺘﺎﯾﺎ ﺗﮭﺎ۔ “ ﺗﻤﮩﺎﺭﮮ ﻟﺌﮯ ﺍﯾﮏ ﺳﺮﭘﺮﺍﺋﺰ ﮨﮯ۔ ” ﺍُﺱ ﻧﮯ ﺍﻣﺎﻣﮧ ﺳﮯ ﮐﮩﺎ ﺗﮭﺎ ﺍﻭﺭ ﻭﮦ ﮨﻤﯿﺸﮧ ﮐﯽ ﻃﺮﺡ ﺳﺮﭘﺮﺍﺋﺰ ﺑﻮﺟﮫ ﮔﺌﯽ ﺗﮭﯽ۔ ﺍﯾﺴﺎ ﮐﺒﮭﯽ ﻧﮩﯿﮟ ﮨﻮﺍ ﺗﮭﺎ ﺍُﺱ ﻧﮯ ﻭﮦ ﭘﮩﯿﻠﯿﺎﮞ ﻧﮧ ﺑﻮﺟﮭﯽ ﮨﻮﮞ ﺟﻮ ﺳﺎﻻﺭ ﺍُﺱ ﮐﮯ ﺳﺎﻣﻨﮯ ﺭﮐﮭﺘﺎ ﺗﮭﺎ۔ ” ﺗﻢ ﻣﺠﮭﮯ ﻋﻤﺮﮮ ﭘﺮ ﻟﮯ ﮐﺮ ﺟﺎﺅ ﮔﮯ۔ ” ﺍُﺱ ﻧﮯ ﮐﺌﯽ ﺍﻧﺪﺍﺯﮮ ﻟﮕﺎﻧﮯ ﮐﮯ ﺑﻌﺪ ﺍُﺱ ﺳﮯ ﻓﻮﻥ ﭘﺮ ﮐﮩﺎ ﺍﻭﺭ ﺍُﺱ ﮐﮯ ﮨﻨﺴﻨﮯ ﭘﺮ ﺍﻣﺎﻣﮧ ﻧﮯ ﻓﺎﺗﺤﺎﻧﮧ ﺍﻧﺪﺍﺯ ﻣﯿﮟ ﮐﮩﺎ۔ ” ﻣﺠﮭﮯ ﭘﺘﺎ ﺗﮭﺎ۔ ” ﻟﯿﮑﻦ ﺟﺲ ﺳﻌﺎﺩﺕ ﮐﮯ ﻟﺌﮯ ﺍﻟﻠﮧ ﻧﮯ ﺍُﺳﮯ ﺍﺱ ﺑﺎﺭ ﺑﻼﯾﺎ ﺗﮭﺎ ﺍُﺳﮯ ﺍﺱ ﮐﺎ ﺍﻧﺪﺍﺯﮦ ﻧﮩﯿﮟ ﺗﮭﺎ، ﻭﮦ ﺍُﺳﮯ ﻧﮩﯿﮟ ﺑﻮﺟﮫ ﺳﮑﯽ ﺗﮭﯽ ﺍﻭﺭ ﺟﺐ ﺍُﺱ ﺻﺒﺢ ﺍُﺱ ﻧﮯ ﺑﺎﻵﺧﺮ ﺍﻣﺎﻣﮧ ﮐﻮ ﻭﮦ ﺩﻋﻮﺕ ﻧﺎﻣﮧ ﺩﮐﮭﺎﯾﺎ ﺗﮭﺎ ﺗﻮ ﻭﮦ ﮔﻨﮓ ﮨﻮ ﮐﺮ ﺭﮦ ﮔﺌﯽ ﺗﮭﯽ۔ ﺍﻭﺭ ﭘﮭﺮ ﻭﮨﯽ ﮨﻮﺍ ﺗﮭﺎ ﺟﻮ ﮨﻮﺗﺎ ﺁﯾﺎ ﺗﮭﺎ، ﺟﻮ ﮨﻮﻧﺎ ﺗﮭﺎ ﻭﮦ ﭘﮭﻮﭦ ﭘﮭﻮﭦ ﮐﺮ ﺭﻭﺋﯽ ﺗﮭﯽ۔ ” ﺗﻢ ﺍﺱ ﻟﯿﮯ ﺭﻭ ﺭﮨﯽ ﮨﻮ ﮐﮧ ﯾﮧ ﺩﻋﻮﺕ ﻧﺎﻣﮧ ﺗﻤﮩﺎﺭﮮ ﻟﺌﮯ ﻧﮩﯿﮟ ﮨﮯ؟ ” ﺳﺎﻻﺭ ﻧﮯ ﺍُﺱ ﮐﮯ ﺑﮩﺘﮯ ﺁﻧﺴﻮ ﺭﻭﮐﻨﮯ ﮐﮯ ﻟﺌﮯ ﺟﯿﺴﮯ ﺍُﺳﮯ ﭼﮭﯿﮍﺍ۔ ” ﻧﮩﯿﮟ، ﻣﯿﮟ ﺻﺮﻑ ﺍﺱ ﻟﺌﮯ ﺭﻭ ﺭﮨﯽ ﮨﻮﮞ ﮐﮧ۔۔۔۔۔۔۔۔۔ ” ﻭﮦ ﺁﻧﺴﻮﺅﮞ ﮐﮯ ﺩﺭﻣﯿﺎﻥ ﺭُﮐﯽ۔ ” ﺍﻟﻠﮧ ﺗﻢ ﺳﮯ ﺍﺗﻨﺎ ﭘﯿﺎﺭ ﮐﯿﻮﮞ ﮐﺮﺗﺎ ﮨﮯ۔ ” ﻭﮦ ﭘﮭﺮ ﺭﻭﻧﮯ ﻟﮕﯽ ﺗﮭﯽ۔ ” ﺣﺴﺪ ﻧﮩﯿﮟ ﮨﮯ … ﺭﺷﮏ ﮨﮯ … ﺗﻤﮩﺎﺭﺍ ﺍﻋﺰﺍﺯ ﮨﮯ ﻟﯿﮑﻦ ﻣﺠﮭﮯ ﻟﮓ ﺭﮨﺎ ﮨﮯ ﻣﯿﺮﮮ ﺳﺮ ﭘﺮ ﺗﺎﺝ ﺑﻦ ﮐﺮ ﺳﺠﺎ ﮨﮯ۔ ” ﻭﮦ ﺁﻧﺴﻮﺅﮞ ﮐﮯ ﺑﯿﭻ ﮐﮩﺘﯽ ﺟﺎﺭﮨﯽ ﺗﮭﯽ۔ ” ﺟﻮ ﺑﮭﯽ ﺍﻋﺰﺍﺯ ﮨﯿﮟ، ﺗﻤﮩﺎﺭﯼ ﻭﺟﮧ ﺳﮯ ﮨﯽ ﺁﺋﮯ ﮨﯿﮟ ﺍﻣﺎﻣﮧ … ﭘﮩﻠﮯ ﺑﮭﯽ … ﺍﺏ ﺑﮭﯽ … ﮐﻮﺋﯽ ﺍﻭﺭ ﺯﻧﺪﮔﯽ ﮐﺎ ﺳﺎﺗﮭﯽ ﮨﻮﺗﺎ ﺗﻮ ﯾﮧ ﺳﺐ ﻧﮧ ﮨﻮﺗﺎ۔ ” ﺍُﺱ ﻧﮯ ﺟﻮﺍﺑﺎً ﺍُﺱ ﺳﮯ ﮐﮩﺎ ﺗﮭﺎ۔ ﺍﻭﺭ ﺍﺏ ﺧﺎﻧﮧ ﮐﻌﺒﮧ ﮐﮯ ﮐُﮭﻠﺘﮯ ﮨﻮﺋﮯ ﺩﺭﻭﺍﺯﮮ ﺳﮯ ﻭﮦ ﺳﺎﻻﺭ ﺳﮑﻨﺪﺭ ﮐﻮ ﺳﯿﮍﮬﯿﺎﮞ ﭼﮍﮪ ﮐﺮ ﺍﻧﺪﺭ ﺟﺎﺗﺎ ﺩﯾﮑﮫ ﺭﮨﯽ ﺗﮭﯽ۔ ﻭﮦ ﺍﻧﺪﺭ ﺟﺎﻧﮯ ﻭﺍﻻ ﺁﺧﺮﯼ ﺷﺨﺺ ﺗﮭﺎ۔ ﻣﻌﺠﺰﮦ ﮨﯽ ﺗﮭﺎ ﻭﮦ ﺯﻧﺪﮦ ﺗﮭﺎ … ﺻﺤﺖ ﻣﻨﺪ، ﺗﻨﺪﺭﺳﺖ، ﭼﺎﻕ ﻭ ﭼﻮﺑﻨﺪ … ﺍﺱ ﻋﻤﺮ ﻣﯿﮟ ﺑﮭﯽ 22-20 ﮔﮭﻨﭩﮯ ﮐﺎﻡ ﮐﺮﺗﮯ ﺭﮨﻨﮯ ﮐﯽ ﺳﮑﺖ ﮐﮯ ﺳﺎﺗﮫ۔ ﮈﺍﮐﭩﺮﺯ ﮐﮩﺘﮯ ﺗﮭﮯ ﺍُﺱ ﮐﯽ ﺯﻧﺪﮔﯽ ﻣﻌﺠﺰﮦ ﺗﮭﯽ ﺍﻭﺭ ﺍُﺱ ﮐﯽ ﺍﯾﺴﯽ ﺻﺤﺖ ﻣﻨﺪ ﺯﻧﺪﮔﯽ ﻣﻌﺠﺰﮮ ﺳﮯ ﺁﮔﮯ ﮐﯽ ﮐﻮﺋﯽ ﺷﮯ … 42 ﺳﺎﻝ ﮐﯽ ﻋﻤﺮ ﻣﯿﮟ ﺍُﺳﮯ ﭨﯿﻮﻣﺮ ﮨﻮﺍ ﺗﮭﺎ ﺍﻭﺭ ﻭﮦ ﺍﺏ 60 ﺳﺎﻝ ﮐﺎ ﺗﮭﺎ … ﺟﻮ ﭨﯿﻮﻣﺮ ﺍُﺳﮯ ﮨﻮﺍ ﺗﮭﺎ، ﻭﮦ ﺳﺎﺕ ﺳﮯ ﺩﺱ ﺳﺎﻝ ﮐﮯ ﺍﻧﺪﺭ ﺍﻧﺴﺎﻥ ﮐﻮ ﺧﺘﻢ ﮐﺮﺩﯾﺘﺎ ﺗﮭﺎ ﺍﻭﺭ ﻭﮦ 18 ﺳﺎﻝ ﺳﮯ ﺯﻧﺪﮦ ﺗﮭﺎ … ﮨﺮ ﭼﮭﮯ ﻣﮩﯿﻨﮯ ﮐﮯ ﺑﻌﺪ ﺍﭘﻨﯽ ﺭﭘﻮﺭﭨﺲ ﮐﻮ ﺩﯾﮑﮭﺘﺎ ﺗﮭﺎ … ﺍُﺱ ﮐﮯ ﺩﻣﺎﻍ ﻣﯿﮟ ﻣﻮﺟﻮﺩ ﭨﯿﻮﻣﺮ ﺁﺝ ﺑﮭﯽ ﺗﮭﺎ … ﺍُﺳﯽ ﺟﮕﮧ ﭘﺮ … ﺍُﺳﯽ ﺳﺎﺋﺰ ﻣﯿﮟ … ﺍﻭﺭ ﺑﺲ … ﻭﮦ ﺭﺏ ﺟﻮ ﺳﻤﻨﺪﺭﻭﮞ ﮐﻮ ﺑﺎﻧﺪﮪ ﺩﯾﺘﺎ ﺗﮭﺎ، ﺍﻭﺭ ﺍُﻧﮩﯿﮟ ﺍُﻥ ﮐﯽ ﺣﺪﻭﮞ ﺳﮯ ﺑﺎﮨﺮ ﻧﮑﻠﻨﮯ ﻧﮩﯿﮟ ﺩﯾﺘﺎ ﺗﮭﺎ … ﺍُﺱ ﮐﮯ ﺳﺎﻣﻨﮯ ﻭﮦ ﭼﻨﺪ ﻣﻠﯽ ﻣﯿﭩﺮ ﮐﺎ ﺍﯾﮏ ﻧﺎﺳﻮﺭ ﮐﯿﺎ ﺷﮯ ﺗﮭﺎ؟ ﻣﻮﺕ ﺍﻭﺭ ﺍُﺱ ﮐﮯ ﺑﯿﭻ ﺯﻧﺪﮔﯽ ﻧﮩﯿﮟ ﺩﻋﺎﺋﯿﮟ ﺁﮐﺮ ﮐﮭﮍﯼ ﮨﻮﺋﯽ ﺗﮭﯿﮟ ﺍﻭﺭ ﺳﺎﻻﺭ ﺳﮑﻨﺪﺭ ﮐﻮ ﺧﺎﻧﮧ ﮐﻌﺒﮧ ﮐﮯ ﺍﻧﺪﺭ ﺩﺍﺧﻞ ﮨﻮﺗﮯ ﮨﻮﺋﮯ ﺑﮭﯽ ﯾﮧ ﯾﺎﺩ ﺗﮭﺎ ﮐﮧ ﻭﮦ ﮐﺲ ﮐﯽ ﺩﻋﺎﺅﮞ ﮐﯽ ﻭﺟﮧ ﺳﮯ ﻭﮨﺎﮞ ﺁﺝ ﺑﮭﯽ ﺍﭘﻨﮯ ﻗﺪﻣﻮﮞ ﭘﺮ ﮐﮭﮍﺍ ﺗﮭﺎ۔ ﻭﮦ ﺍﻣﺎﻣﮧ ﮨﺎﺷﻢ ﮐﮯ ﻋﻼﻭﮦ ﮐﺴﯽ ﺍﻭﺭ ﮐﯽ ﺩﻋﺎﺋﯿﮟ ﮨﻮ ﮨﯽ ﻧﮩﯿﮟ ﺳﮑﺘﯽ ﺗﮭﯿﮟ ﺟﻮ ﺍُﺳﮯ ﺯﻧﺪﮔﯽ ﺑﻦ ﮐﺮ ﯾﻮﮞ ﻟﮕﯽ ﺗﮭﯿﮟ۔ ” ﮐﺘﻨﮯ ﺳﺎﻝ ﺳﮯ ﻣﯿﮟ ﻧﮯ ﺍﭘﻨﮯ ﻟﺌﮯ ﮐﻮﺋﯽ ﺩﻋﺎ ﮨﯽ ﻧﮩﯿﮟ ﮐﯽ … ﺟﻮ ﺑﮭﯽ ﺩﻋﺎ ﮐﯽ ﮨﮯ، ﺗﻤﮩﺎﺭﮮ ﺍﻭﺭ ﺑﭽﻮﮞ ﺳﮯ ﺷﺮﻭﻉ ﮨﻮﮐﺮ ﺗﻢ ﺍﻭﺭ ﺑﭽﻮﮞ ﭘﺮ ﮨﯽ ﺧﺘﻢ ﮨﻮﺟﺎﺗﯽ ﮨﮯ ﺟﺐ ﺗﮏ ﻣﺠﮭﮯ ﺍﭘﻨﺎ ﺁﭖ ﯾﺎﺩ ﺁﺗﺎ ﮨﮯ … ﻣﺠﮭﮯ ﺩﻋﺎ ﮨﯽ ﺑﮭﻮﻝ ﺟﺎﺗﯽ ﮨﮯ۔ ” ﻭﮦ ﺍﮐﺜﺮ ﺍُﺱ ﺳﮯ ﮨﻨﺴﺘﮯ ﮨﻮﺋﮯ ﮐﮩﺎ ﮐﺮﺗﯽ ﺗﮭﯽ۔ﯾﻮﮞ ﺟﯿﺴﮯ ﺍﯾﮏ ﻣﺎﮞ ﺍﻭﺭ ﺑﯿﻮﯼ ﮐﯽ ﭘﻮﺭﯼ ﮐﮩﺎﻧﯽ ﻟﮑﮫ ﺩﯾﺘﯽ ﺗﮭﯽ۔ ” ﺩﯾﮑﮭﻮ ﺍﻟﻠﮧ ﺗﻤﮩﯿﮟ ﮐﮩﺎﮞ ﮐﮩﺎﮞ ﺑﻼﺗﮯ ﮨﯿﮟ، ﮐﮩﺎﮞ ﮐﮩﺎﮞ ﺩﻋﺎ ﮐﺮﻧﮯ ﮐﺎ ﻣﻮﻗﻊ ﺩﮮ ﺭﮨﮯ ﮨﯿﮟ۔ ” ﯾﮩﺎﮞ ﺁﺗﮯ ﮨﻮﺋﮯ ﺍﻣﺎﻣﮧ ﻧﮯ ﺑﮍﯼ ﺣﺴﺮﺕ ﺳﮯ ﺍُﺱ ﺳﮯ ﮐﮩﺎ ﺗﮭﺎ ﺍﻭﺭ ﺍﺏ ﺧﺎﻧﮧ ﮐﻌﺒﮧ ﮐﮯ ﺍﻧﺪﺭ ﮐﮭﮍﮮ ﻭﮦ ﺍُﺱ ﺳﮯ ﮐﮩﻨﺎ ﭼﺎﮨﺘﺎ ﺗﮭﺎ ﮐﮧ ﻭﮦ ﺍُﺳﮯ ﺟﮩﺎﮞ ﺑﮭﯽ ﺑﻼﺗﺎ ﺗﮭﺎ ،ﻭﮦ ﺍُﺳﮯ ﮨﺮ ﺍُﺱ ﺟﮕﮧ ﭘﺮ ﺍﻣﺎﻣﮧ ﮐﻮ ﺑﮭﯽ ﯾﺎﺩ ﺭﮐﮭﻮﺍﺗﺎ ﺗﮭﺎ۔ﺟﯿﺴﮯ ﺍُﺳﮯ ﺟﺘﺎﺗﺎ ﺍﻭﺭ ﺑﺘﺎﺗﺎ ﮨﻮ ﮐﮧ ﺍُﺳﮯ ﮐﯿﺴﯽ ﺩﺭﺟﮯ ﻭﺍﻟﯽ ﻋﻮﺭﺕ ﮐﺎ ﺳﺎﺗﮫ ﻋﻄﺎ ﮐﯿﺎ ﮔﯿﺎ ﺗﮭﺎ۔ ﺍُﺱ ﮔﮭﺮ ﮐﮯ ﺍﻧﺪﺭ ﮐﯽ ﺩُﻧﯿﺎ ﺍﻭﺭ ﺩُﻧﯿﺎ ﺗﮭﯽ۔ ﺍﺱ ﮐﺎﺋﻨﺎﺕ ﮐﺎ ﺣﺼﮧ ﮨﻮﺗﮯ ﮨﻮﺋﮯ ﺑﮭﯽ ﻭﮨﺎﮞ ﮐﺮﻭﮌﻭﮞ ﻧﮩﯿﮟ ﺁﺋﮯ ﺗﮭﮯ، ﻻﮐﮭﻮﮞ ﻧﮩﯿﮟ، ﮨﺰﺍﺭﻭﮞ ﻧﮩﯿﮟ۔ ﺑﺲ ﮨﺮ ﺻﺪﯼ ﻣﯿﮟ ﭼﻨﺪ ﺳﻮ … ﺍﻭﺭ ﺍﯾﮏ ﻭﮦ ﺻﺪﯼ ﺗﮭﯽ ﺟﺐ ﻭﮨﺎﮞ ﭘﯿﻐﻤﺒﺮ ﷺ ﺁﺋﮯ ﺗﮭﮯ … ﻭﮨﺎﮞ ﮐﯽ ﮨﺮ ﺟﮕﮧ، ﮨﺮ ﺩﯾﻮﺍﺭ ﭘﺮ ﺍُﻥ ﮐﺎ ﻟﻤﺲ ﺗﮭﺎ ﺍﻭﺭ ﭘﮭﺮ ﺳﯿﻨﮑﮍﻭﮞ ﺳﺎﻝ ﺑﻌﺪ ﻭﮨﺎﮞ ﺳﺎﻻﺭ ﺳﮑﻨﺪﺭ ﺑﮭﯽ ﮐﮭﮍﺍ ﺗﮭﺎ … ﮨﯿﺒﺖ ﻧﮧ ﺁﺗﯽ ﺗﻮ ﮐﯿﺴﮯ ﻧﮧ ﺁﺗﯽ … ﺻﺎﻑ ﮐﺮﻧﺎ ﺗﮭﺎ ﺗﻮ ﮐﯿﺎ ﭼﯿﺰ ﺻﺎﻑ ﮐﺮﻧﯽ ﺗﮭﯽ … ﺍﭘﻨﮯ ﻭﺟﻮﺩ ﮐﮯ ﻋﻼﻭﮦ ﺗﻮ ﺍُﺳﮯ ﻭﮨﺎﮞ ﺻﺎﻑ ﮐﺮﻧﮯ ﻭﺍﻟﯽ ﮐﻮﺋﯽ ﺷﮯ ﻧﻈﺮ ﮨﯽ ﻧﮩﯿﮟ ﺁﺭﮨﯽ ﺗﮭﯽ۔ ” ﺗﻢ ﺍﻧﺪﺭ ﺟﺎ ﮐﺮ ﮐﯿﺎ ﻣﺎﻧﮕﻮ ﮔﮯ ﺳﺎﻻﺭ؟ ” ﺍُﺱ ﻧﮯ ﺧﺎﻧﮧ ﮐﻌﺒﮧ ﺁﺗﮯ ﮨﻮﺋﮯ ﺍُﺱ ﺳﮯ ﭘﻮﭼﮭﺎ ﺗﮭﺎ۔ ” ﺗﻢ ﺑﺘﺎﺅ ﮐﯿﺎ ﻣﺎﻧﮕﻮﮞ؟ ” ﺳﺎﻻﺭ ﻧﮯ ﺟﻮﺍﺑﺎً ﺍُﺱ ﺳﮯ ﭘﻮﭼﮭﺎ۔ ” ﭘﺘﮧ ﻧﮩﯿﮟ ﮐﭽﮫ ﺳﻤﺠﮫ ﮨﯽ ﻧﮩﯿﮟ ﺁﺭﮨﺎ۔ ” ﻭﮦ ﺭﻭﻧﮯ ﻟﮕﯽ … ﺍﻭﺭ ﺍُﺱ ﺩﻋﻮﺕ ﻧﺎﻣﮧ ﮐﻮ ﺩﯾﮑﮭﻨﮯ ﮐﮯ ﺑﻌﺪ ﺑﺎﺭ ﺑﺎﺭ ﯾﮩﯽ ﮨﻮﺭﮨﺎ ﺗﮭﺎ ﻭﮦ ﺑﺎﺭ ﺑﺎﺭ ﺑﺎﺕ ﮐﺮﺗﮯ ﮨﻮﺋﮯ ﺭﻭﻧﮯ ﻟﮕﺘﯽ ﺗﮭﯽ … ﺟﯿﺴﮯ ﺩﻝ ﺑﮭﺮ ﺁﺗﺎ ﮨﻮ … ﺟﯿﺴﮯ ﺧﻮﺷﯽ ﮐﯽ ﺣﺪ ﺧﺘﻢ ﮨﻮﺟﺎﺗﯽ ﮨﻮ۔ ” ﺗﻢ ﺳﺎﺭﮮ ﺳﺘﻮﻧﻮﮞ ﮐﻮ ﮨﺎﺗﮫ ﻟﮕﺎ ﮐﺮ ﺁﻧﺎ … ﺳﺎﺭﯼ ﺩﯾﻮﺍﺭﻭﮞ ﮐﻮ … ﺍُﻥ ﮐﻮ ﻧﺒﯽ ﭘﺎﮎ ﷺ ﻧﮯ ﺑﮭﯽ ﭼﮭﻮﺍ ﮨﻮﮔﺎ، ﮐﺴﯽ ﻧﮧ ﮐﺴﯽ ﮐﻮ … ﭘﮭﺮ ﺗﻢ ﺑﺎﮨﺮ ﺁﺅ ﮔﮯ ﺗﻮ ﺳﺐ ﺳﮯ ﭘﮩﻠﮯ ﻣﯿﮟ ﺗﻤﮩﺎﺭﺍ ﮨﺎﺗﮫ ﭼﮭﻮﺅﮞ ﮔﯽ۔ ” ﻭﮦ ﺑﭽﻮﮞ ﺟﯿﺴﮯ ﺍﻧﺪﺍﺯ ﻣﯿﮟ ﮐﮩﮧ ﺭﮨﯽ ﺗﮭﯽ۔ ﺍﻭﺭ ﺧﺎﻧﮧ ﮐﻌﺒﮧ ﮐﮯ ﺍﻧﺪﺭ ﺍُﺱ ﮐﯽ ﺩﯾﻮﺍﺭﻭﮞ، ﺳﺘﻮﻧﻮﮞ ﮐﻮ ﺁﺏِ ﺯﻡ ﺯﻡ ﺳﮯ ﺩﮬﻮﺗﮯ، ﭼﮭﻮﺗﮯ ﺳﺎﻻﺭ ﺳﮑﻨﺪﺭ ﮐﻮ ﺳﻤﺠﮫ ﺁﮔﯿﺎ ﺗﮭﺎ ﺍﻣﺎﻣﮧ ﮨﺎﺷﻢ ﮐﯿﻮﮞ ﯾﺎﺩ ﺁﺗﯽ ﮨﮯ ﺍﯾﺴﯽ ﮨﺮ ﺟﮕﮧ ﭘﺮ … ﮐﯿﻮﮞ ﺩﻋﺎ ﻭﺍﻟﯽ ﮨﺮ ﺟﮕﮧ ﭘﺮ ﺳﺐ ﺳﮯ ﭘﮩﻠﮯ ﺍُﺱ ﮐﮯ ﻟﺌﮯ ﺩﻋﺎ ﮐﺮﻧﺎ ﯾﺎﺩ ﺁﺗﺎ ﺗﮭﺎ … ﮐﯿﻮﮞ ﮐﮧ ﻭﮦ ﻋﺸﻖِ ﺭﺳﻮﻝۖ ﺗﮭﺎ … ﺧﺎﻟﺺ ﺗﮭﺎ … ﻏﺮﺽ ﮐﮯ ﺑﻐﯿﺮ ﺗﮭﺎ … ﻗﺮﺑﺎﻧﯿﻮﮞ ﺳﮯ ﮔﻨﺪﮬﺎ ﺗﮭﺎ، ﯾﮧ ﮐﯿﺴﮯ ﻣﻤﮑﻦ ﺗﮭﺎ ﻭﮨﺎﮞ ﺳﮯ ﺟﻮﺍﺏ ﻧﮧ ﻣﻠﺘﺎ … ﺑُﮭﻼ ﺩﯾﺎ ﺟﺎﺗﺎ۔ ” ﺗُﻢ ﻧﮯ ﺍﻧﺪﺭ ﺟﺎﮐﺮ ﻣﯿﺮﮮ ﻟﯿﮯ ﮐﯿﺎ ﻣﺎﻧﮕﺎ؟ ” ﺍُﺱ ﮐﮯ ﺑﺎﮨﺮ ﺁﻧﮯ ﭘﺮ ﺍﻣﺎﻣﮧ ﻧﮯ ﻋﺠﯿﺐ ﺑﮯ ﺗﺎﺑﯽ ﺳﮯ ﺍُﺱ ﺳﮯ ﭘﻮﭼﮭﺎ ﺗﮭﺎ۔ ﻭﮦ ﺍﺑﮭﯽ ﺍُﺱ ﮐﮯ ﭘﺎﺱ ﺁﯾﺎ ﮨﯽ ﺗﮭﺎ، ﺍُﺱ ﮐﮯ ﺩﻭﻧﻮﮞ ﮨﺎﺗﮫ ﭘﮑﮍﮮ ﻭﮦ ﺍﺏ ﺍُﺱ ﺳﮯ ﭘﻮﭼﮫ ﺭﮨﯽ ﺗﮭﯽ۔ ” ﻣﺎﻧﮕﺎ ﮨﮯ ﮐﭽﮫ … ﺑﺘﺎ ﻧﮩﯿﮟ ﺳﮑﺘﺎ۔ ” ﺳﺎﻻﺭ ﻧﮯ ﺟﻮﺍﺑﺎً ﻋﺠﯿﺐ ﻣﺴﮑﺮﺍﮨﭧ ﮐﮯ ﺳﺎﺗﮫ ﮐﮩﺎ ” ﺟﺐ ﭘﻮﺭﯼ ﮨﻮﺟﺎﺋﮯ ﮔﯽ ﺩُﻋﺎ ﭘﮭﺮ ﺑﺘﺎﺅﮞ ﮔﺎ۔ ” ﺍُﺱ ﻧﮯ ﺍُﺳﮯ ﺟﯿﺴﮯ ﺍﮔﻼ ﺳﻮﺍﻝ ﮐﺮﻧﮯ ﺳﮯ ﺭﻭﮎ ﺩﯾﺎ ﺗﮭﺎ۔ ” ﻣﯿﮟ ﺟﺎﻧﺘﯽ ﮨﻮﮞ ﮐﯿﺎ ﻣﺎﻧﮕﺎ ﮨﮯ … ﻟﯿﮑﻦ ﻣﯿﮟ ﺑﮭﯽ ﺑﺘﺎﺅﮞ ﮔﯽ ﻧﮩﯿﮟ، ﺩﯾﮑﮭﺘﯽ ﮨﻮﮞ ﻗﺒﻮﻝ ﮨﻮﺗﯽ ﮨﮯ ﺗﻤﮩﺎﺭﯼ ﺩﻋﺎ ﯾﺎ ﻧﮩﯿﮟ۔ ” ﺍﻣﺎﻣﮧ ﻧﮯ ﺟﻮﺍﺑﺎً ﻋﺠﯿﺐ ﺳﯽ ﻣﺴﮑﺮﺍﮨﭧ ﮐﮯ ﺳﺎﺗﮫ ﺍُﺱ ﺳﮯ ﮐﮩﺎ ﺗﮭﺎ۔ ﺍﺳﻔﻨﺪ ﮐﯽ ﻣﻮﺕ ﮐﯽ ﺍﻃﻼﻉ ﻋﺎﺋﺸﮧ ﻋﺎﺑﺪﯾﻦ ﮐﻮ ﺩﯾﻨﺎ ﺟﺒﺮﯾﻞ ﺳﮑﻨﺪﺭ ﮐﯽ ﺫﻣﮧ ﺩﺍﺭﯼ ﻧﮩﯿﮟ ﺗﮭﯽ، ﺍﺱ ﮐﮯ ﺑﺎﻭﺟﻮﺩ ﻭﮦ ﺍُﺱ ﺑﭽّﮯ ﮐﯽ ﻣﺎﮞ ﺳﮯ ﻣﻠﻨﮯ ﺁﯾﺎ ﺗﮭﺎ ﺍﻭﺭ ﻋﺎﺋﺸﮧ ﻋﺎﺑﺪﯾﻦ ﮐﻮ ﺩﯾﮑﮭﺘﮯ ﮨﯽ ﮐﭽﮫ ﺩﯾﺮ ﮐﮯ ﻟﺌﮯ ﻭﮦ ﮔﻨﮓ ﮨﻮﮔﯿﺎ ﺗﮭﺎ۔ ﮐﭽﮫ ﺍﯾﺴﺎ ﮨﯽ ﺣﺎﻝ ﻋﺎﺋﺸﮧ ﻋﺎﺑﺪﯾﻦ ﮐﺎ ﺗﮭﺎ، ﻭﮦ ﺩﻭﻧﻮﮞ ﮐﺌﯽ ﺳﺎﻟﻮﮞ ﺑﻌﺪ ﺍﯾﮏ ﺩﻭﺳﺮﮮ ﺳﮯ ﻣﻠﮯ ﺗﮭﮯ ﺍﻭﺭ ﻣﻠﺘﮯ ﮨﯽ ﺍﯾﮏ ﺩﻭﺳﺮﮮ ﮐﻮ ﭘﮩﭽﺎﻥ ﮔﺌﮯ ﺗﮭﮯ، ﺍﻭﺭ ﺍﺏ ﯾﮧ ﺷﻨﺎﺧﺖ ﺟﯿﺴﮯ ﺍُﻥ ﮐﮯ ﺣﻠﻖ ﮐﺎ ﮐﺎﻧﭩﺎ ﺑﻦ ﮔﺌﯽ ﺗﮭﯽ۔ ﻋﺎﺋﺸﮧ ﮐﻮﯾﻘﯿﻦ ﻧﮩﯿﮟ ﺁﯾﺎ ﺗﮭﺎ ﮐﮧ ﺍﻣﺮﯾﮑﮧ ﮐﮯ ﺑﮩﺘﺮﯾﻦ ﮨﺎﺳﭙﭩﻞ ﻣﯿﮟ ﺑﮩﺘﺮﯾﻦ ﮈﺍﮐﭩﺮ ﮐﮯ ﮨﺎﺗﮭﻮﮞ ﺑﮭﯽ ﺍُﺱ ﮐﮯ ﺑﭽّﮯ ﮐﯽ ﺟﺎﻥ ﺟﺎﺳﮑﺘﯽ ﺗﮭﯽ۔ ﻭﮦ ﺧﻮﺩ ﮈﺍﮐﭩﺮ ﺗﮭﯽ، ﺍﺳﻔﻨﺪ ﮐﯽ ﭼﻮﭦ ﮐﯽ ﻧﻮﻋﯿﺖ ﺍﻭﺭ ﺳﻨﮕﯿﻨﯽ ﮐﻮ ﺟﺎﻧﺘﯽ ﺗﮭﯽ ﻟﯿﮑﻦ ﻭﮦ ﺧﻮﺩ ﺟﺲ ﮨﺎﺳﭙﭩﻞ ﻣﯿﮟ ﺭﯾﺬﯾﮉﻧﺴﯽ ﮐﺮﺭﮨﯽ ﺗﮭﯽ، ﻭﮨﺎﮞ ﺍُﺱ ﻧﮯ ﺍﺱ ﺳﮯ ﺑﮭﯽ ﺯﯾﺎﺩﮦ ﺳﻨﮕﯿﻦ ﺍﻭﺭ ﭘﯿﭽﯿﺪﮦ ﻧﻮﻋﯿﺖ ﮐﮯ ﺁﭘﺮﯾﺸﻨﺰ ﮐﮯ ﺑﻌﺪ ﺑﮭﯽ ﻣﺮﯾﻀﻮﮞ ﮐﻮ ﺻﺤﺖ ﯾﺎﺏ ﮨﻮﺗﮯ ﺩﯾﮑﮭﺎ ﺗﮭﺎ۔ ﻟﯿﮑﻦ ﺍُﺱ ﮐﺎ ﺍﭘﻨﺎ ﺑﯿﭩﺎ ﺍُﻥ ﺧﻮﺵ ﻗﺴﻤﺖ ﻟﻮﮔﻮﮞ ﻣﯿﮟ ﺷﺎﻣﻞ ﮐﯿﻮﮞ ﻧﮩﯿﮟ ﮨﻮﺳﮑﺎ ﺗﮭﺎ۔ ﺍﺱ ﺳﻮﺍﻝ ﮐﺎ ﺟﻮ ﺟﻮﺍﺏ ﻋﺎﺋﺸﮧ ﻋﺎﺑﺪﯾﻦ ﻧﮯ ﮈﮬﻮﻧﮉﺍ ﺗﮭﺎ ، ﻭﮦ ﺍﯾﮏ ﻟﻤﺒﮯ ﻋﺮﺻﮧ ﺗﮏ ﺍُﺳﮯ ﺑﮭﻮﺕ ﺑﻦ ﮐﺮ ﭼﻤﭩﺎ ﺭﮨﺎﺗﮭﺎ۔ ﺍُﺱ ﻧﮯ ﻏﻢ ﮐﻮ ﭘﮩﻠﯽ ﺑﺎﺭ ﻣﺠﺴّﻢ ﺣﺎﻟﺖ ﻣﯿﮟ ﺩﯾﮑﮭﺎ ﺗﮭﺎ، ﺍُﺱ ﺷﺨﺺ ﮐﯽ ﺷﮑﻞ ﻣﯿﮞﺠﻮ ﺍُﺳﮯ ﺍُﺱ ﮐﯽ ﻣﺘﺎﻉِ ﺣﯿﺎﺕ ﭼﮭﻦ ﺟﺎﻧﮯ ﮐﯽ ﺧﺒﺮ ﺳﻨﺎﻧﮯ ﺁﯾﺎ ﺗﮭﺎ … ﺍﻭﺭ ﻭﮦ ﻭﮦ ﺷﺨﺺ ﺗﮭﺎ ﺟﺲ ﮐﮯ ﺳﺮﺍﺏ ﻧﮯ ﻋﺎﺋﺸﮧ ﻋﺎﺑﺪﯾﻦ ﮐﻮ ﺍُﺱ ﻋﺬﺍﺏ ﻣﯿﮟ ﮈﺍﻻ ﺗﮭﺎ ﺟﺲ ﻣﯿﮟ ﻭﮦ ﺗﮭﯽ۔ ﺍﯾﮏ ﮈﺍﮐﭩﺮ ﮐﯽ ﻃﺮﺡ ﺟﺒﺮﯾﻞ ﺍُﺳﮯ ﺑﺘﺎﺗﺎ ﮔﯿﺎ ﺗﮭﺎ ﮐﮧ ﺁﭘﺮﯾﺸﻦ ﮐﯿﻮﮞ ﻧﺎﮐﺎﻡ ﮨﻮﺍ، ﺍﺳﻔﻨﺪ ﮐﯽ ﺣﺎﻟﺖ ﮐﯿﻮﮞ ﺑﮕﮍﯼ … ﮐﯿﻮﮞ ﻧﮩﯿﮟ ﺳﻨﺒﮭﻞ ﺳﮑﯽ … ﺍﻭﺭ ﺍﻥ ﺗﻤﺎﻡ ﺗﻔﺼﯿﻼﺕ ﮐﻮ ﺩﮨﺮﺍﺗﮯ ﮨﻮﺋﮯ ﺟﺒﺮﯾﻞ ﺳﮑﻨﺪﺭ ﮐﮯ ﻻﺷﻌﻮﺭ ﻣﯿﮟ ﮈﺍﮐﭩﺮ ﻭﯾﺰﻝ ﮐﮯ ﮨﺎﺗﮫ ﮐﯽ ﻭﮦ ﺣﺮﮐﺖ ﺑﺎﺭ ﺑﺎﺭ ﺁﺗﯽ ﺭﮨﯽ، ﺑﺎﺭ ﺑﺎﺭ ﺳﺮ ﺳﮯ ﺟﮭﭩﮑﻨﮯ ﮐﮯ ﺑﺎﻭﺟﻮﺩ … ﻭﮦ ﺍﯾﮏ ﺑﺖ ﮐﯽ ﻃﺮﺡ ﮔﻢ ﺻﻢ ﺍُﺱ ﮐﯽ ﺑﺎﺕ ﺳﻨﺘﯽ ﺭﮨﯽ ﯾﻮﮞ ﺟﯿﺴﮯ ﻭﮦ ﺍُﺱ ﮐﮯ ﺑﯿﭩﮯ ﮐﮯ ﺑﺎﺭﮮ ﻣﯿﮟ ﻧﮩﯿﮟ ﮐﺴﯽ ﺍﻭﺭ ﮐﮯ ﺑﺎﺭﮮ ﻣﯿﮟ ﺑﺎﺕ ﮐﺮﺭﮨﺎ ﺗﮭﺎ۔ ” ﺁﭖ ﮐﮯ ﺳﺎﺗﮫ ﮐﻮﺋﯽ ﺍﻭﺭ ﮨﮯ؟ ” ﺍﭘﻨﯽ ﮐﺴﯽ ﺑﺎﺕ ﮐﮯ ﺟﻮﺍﺏ ﻣﯿﮟ ﺍﯾﮏ ﻣﮑﻤّﻞ ﺧﺎﻣﻮﺷﯽ ﺭﮐﮭﻨﮯ ﮐﮯ ﺑﺎﻭﺟﻮﺩ ﺟﺒﺮﯾﻞ ﺍُﺱ ﺳﮯ ﺍﯾﮏ ﺑﺎﺭ ﭘﮭﺮ ﭘﻮﭼﮭﮯ ﺑﻐﯿﺮ ﻧﮩﯿﮟ ﺭﮦ ﺳﮑﺎ ﺗﮭﺎ۔ ﺍُﺳﮯ ﻭﮦ ﺍﺱ ﻭﻗﺖ ﻧﺎﺭﻣﻞ ﻧﮩﯿﮟ ﻟﮓ ﺭﮨﯽ ﺗﮭﯽ ﺍﻭﺭ ﺍُﺳﮯ ﺍﺣﺴﺎﺱ ﮨﻮﺍ ﺗﮭﺎ ﮐﮧ ﺍُﺳﮯ ﺍُﺱ ﮐﯽ ﻓﯿﻤﻠﯽ ﻣﯿﮟ ﮐﺴﯽ ﺍﻭﺭ ﺳﮯ ﺑﺎﺕ ﮐﺮﻧﯽ ﭼﺎﮨﯿﮯ ﺗﮭﯽ۔ ﯾﺎ ﺍﮔﺮ ﺍﺏ ﮐﺮﺳﮑﺘﺎ ﺗﮭﺎ ﺗﻮ ﺍﺏ ﮐﺮﻟﮯ۔ ﻋﺎﺋﺸﮧ ﻋﺎﺑﺪﯾﻦ ﻧﮯ ﺍُﺱ ﮐﯽ ﺑﺎﺕ ﮐﮯ ﺟﻮﺍﺏ ﻣﯿﮟ ﻧﻔﯽ ﻣﯿﮟ ﺳﺮ ﮨﻼﺩﯾﺎ۔ ﺟﺒﺮﯾﻞ ﺍُﺱ ﮐﺎ ﭼﮩﺮﮦ ﺩﯾﮑﮭﻨﮯ ﻟﮕﺎ ﺗﮭﺎ۔ ﺍُﺳﮯ ﺳﻤﺠﮫ ﻧﮩﯿﮟ ﺁﯾﺎ ﺗﮭﺎ ﻭﮦ ﺍُﺱ ﺳﮯ ﺍﮔﻼ ﺳﻮﺍﻝ ﮐﯿﺴﮯ ﮐﺮﮮ … ﺳﻮﺍﻝ ﮨﻮﻧﮯ ﮐﮯ ﺑﺎﻭﺟﻮﺩ … ﻓﯿﻤﻠﯽ ﻧﮩﯿﮟ ﺗﮭﯽ ﺗﻮ ﮐﮩﺎﮞ ﺗﮭﯽ … ﻭﮦ ﮐﯿﺎ ﺳﻨﮕﻞ ﭘﯿﺮﻧﭧ ﮐﮯ ﻃﻮﺭ ﭘﺮ ﺍﺳﻔﻨﺪ ﮐﯽ ﭘﺮﻭﺭﺵ ﮐﺮﺭﮨﯽ ﺗﮭﯽ … ؟ ﺷﻮﮨﺮ ﺍﮔﺮ ﻧﮩﯿﮟ ﺑﮭﯽ ﺗﮭﺎ ﺗﻮ ﮐﻮﺋﯽ ﺍﻭﺭ ﺗﻮ ﻓﯿﻤﻠﯽ ﻣﯿﮟ ﮨﻮﺗﺎ … ﺍُﺱ ﮐﯽ ﻣﺎﮞ ﺍﻭﺭ ﺑﮩﻨﯿﮟ … ﻭﮦ ﻣﺰﯾﺪ ﮐﭽﮫ ﻧﮩﯿﮟ ﺳﻮﭺ ﺳﮑﺎ … ﻋﺎﺋﺸﮧ ﻧﮯ ﯾﮏ ﺩﻡ ﺍُﺱ ﺳﮯ ﮐﮩﺎ ﺗﮭﺎ ” ﺁﭖ ﺟﺎﺋﯿﮟ … ﻣﯿﮟ manage ﮐﺮﻟﻮﮞ ﮔﯽ ﺳﺐ ﮐﭽﮫ۔ ” ﺍُﺱ ﮐﯽ ﺁﻭﺍﺯ ﺟﯿﺴﮯ ﮐﺴﯽ ﮔﮩﺮﮮ ﮐﻨﻮﯾﮟ ﺳﮯ ﺁﺋﯽ ﺗﮭﯽ … ﺍُﺳﮯ ﭘﺘﮧ ﺗﮭﺎ ﻭﮦ ” ﺳﺐ ﮐُﭽﮫ ” ﮐﯿﺎ ﺗﮭﺎ ﺍﻭﺭ ﺟﺒﺮﯾﻞ ﮐﻮ ﺑﮭﯽ ﺍﻧﺪﺍﺯﮦ ﺗﮭﺎ ﻭﮦ ﮐﺲ ﻃﺮﻑ ﺍﺷﺎﺭﮦ ﮐﺮﺭﮨﯽ ﺗﮭﯽ۔ ﺍﯾﮏ ﺭﻭﺗﯽ ﺑﻠﮑﺘﯽ ﮨﻮﺋﯽ ﻣﺎﮞ ﮐﻮ ﺗﺴﻠﯽ ﺩﯾﻨﺎ ﺁﺳﺎﻥ ﮐﺎﻡ ﺗﮭﺎ، ﻟﯿﮑﻦ ﺑﻈﺎﮨﺮ ﮨﻮﺵ ﻭ ﺣﻮﺍﺱ ﻣﯿﮟ ﻧﻈﺮ ﺁﺗﯽ ﺍﯾﮏ ﺧﺎﻣﻮﺵ ﮔﻢ ﺻﻢ ﻣﺎﮞ ﮐﻮ ﺗﺴﻠﯽ ﺩﯾﻨﺎ ﺍُﺱ ﮐﻮ ﺳﻤﺠﮫ ﻧﮩﯿﮟ ﺁﺭﮨﺎ ﺗﮭﺎ۔ ﻭﮦ ﺻﺮﻑ ﭼﻨﺪ ﻣﻨﭩﻮﮞ ﮐﮯ ﻟﺌﮯ ﺍُﺱ ﺑﭽﮯ ﮐﯽ ﻓﯿﻤﻠﯽ ﺳﮯ ﻣﻠﻨﮯ ﺁﯾﺎ ﺗﮭﺎ ﺍﻭﺭ ﺍﺏ ﯾﮧ ﻣﻼﻗﺎﺕ ﺧﺘﻢ ﮐﺮﻧﺎ ﺍُﺱ ﮐﮯ ﻟﺌﮯ ﭘﮩﺎﮌ ﺑﻦ ﮔﯿﺎ ﺗﮭﺎ۔ ﺍُﺱ ﻧﮯ ﺯﻧﺪﮔﯽ ﻣﯿﮟ ﭘﮩﻠﯽ ﺑﺎﺭ ﮐﺴﯽ ﻣﺮﯾﺾ ﮐﻮ ﻣﺮﺗﮯ ﻧﮩﯿﮟ ﺩﯾﮑﮭﺎ ﺗﮭﺎ، ﻟﯿﮑﻦ ﮐﺴﯽ ﺑﭽﮯ ﮐﻮ ﭘﮩﻠﯽ ﺑﺎﺭ ﻣﺮﺗﮯ ﺩﯾﮑﮭﺎ ﺗﮭﺎ … ﻋﺎﺋﺸﮧ ﻋﺎﺑﺪﯾﻦ ﺳﮯ ﻣﻞ ﮐﺮ ﺍُﺱ ﮐﺎ ﺭﻧﺞ ﮐﭽﮫ ﺍﻭﺭ ﺑﮍﮬﺎ ﺗﮭﺎ … ﻭﮦ ﺍُﺱ ﺁﭘﺮﯾﺸﻦ ﮐﻮ lead ﻧﮩﯿﮟ ﮐﺮﺭﮨﺎ ﺗﮭﺎ ﻧﮧ ﮨﯽ ﻭﮦ ﺍﺳﻔﻨﺪ ﮐﯽ ﻣﻮﺕ ﮐﺎ ﺫﻣّﮧ ﺩﺍﺭ ﺗﮭﺎ، ﺍﺱ ﮐﮯ ﺑﺎﻭﺟﻮﺩ ﯾﮧ ﺍﺣﺴﺎﺱ ﺍُﺱ ﮐﺎ ﺳﺎﺗﮫ ﭼﮭﻮﮌﻧﮯ ﭘﺮ ﺗﯿّﺎﺭ ﻧﮩﯿﮟ ﺗﮭﺎ ﮐﮧ ﺍُﺱ ﺁﭘﺮﯾﺸﻦ ﻣﯿﮟ ﮈﺍﮐﭩﺮ ﻭﯾﺰﻝ ﺳﮯ ﮐﭽﮫ ﻏﻠﻄﯽ ﮨﻮﺋﯽ ﺗﮭﯽ، ﺁﭘﺮﯾﺸﻦ ﮐﮯ ﻓﻮﺭﺍً ﺑﻌﺪ ﮈﺍﮐﭩﺮ ﻭﯾﺰﻝ ﺍﻭﺭ ﺍُﺱ ﮐﯽ ﺑﺎﺕ ﭼﯿﺖ ﻧﮩﯿﮟ ﮨﻮﺳﮑﯽ ﺗﮭﯽ۔ ﻭﮦ ﻋﺠﯿﺐ ﺍﺿﻄﺮﺍﺏ ﺍﻭﺭ ﭘﺮﯾﺸﺎﻧﯽ ﮐﮯ ﻋﺎﻟﻢ ﻣﯿﮟ ﻭﮨﺎﮞ ﺳﮯ ﮔﺌﮯ ﺗﮭﮯ۔ ﺳﺐ ﮐﺎ ﺍﻧﺪﺍﺯﮦ ﺗﮭﺎ ﻭﮦ ﺍﺱ ﺁﺧﺮﯼ ﺁﭘﺮﯾﺸﻦ ﮐﯽ ﻧﺎﮐﺎﻣﯽ ﺳﮯ ﺍﭖ ﺳﯿﭧ ﮨﻮﺋﮯ ﺗﮭﮯ ، ﺻﺮﻑ ﺟﺒﺮﯾﻞ ﺗﮭﺎ ﺟﺲ ﮐﺎ ﺧﯿﺎﻝ ﺗﮭﺎ ﻭﮦ ﺧﻮﺩ ﺑﮭﯽ ﺍﭘﻨﯽ ﻏﻠﻄﯽ ﮐﺎ ﺍﻧﺪﺍﺯﮦ ﻟﮕﺎﭼﮑﮯ ﺗﮭﮯ ﻟﯿﮑﻦ ﺍﺏ ﺍﺱ ﺻﻮﺭﺕ ﺣﺎﻝ ﮐﮯ ﺩﺭﻣﯿﺎﻥ ﻭﮦ ﭘﮭﻨﺴﺎ ﮐﮭﮍﺍ ﺗﮭﺎ … ﺿﻤﯿﺮ ﮐﯽ ﭼﺒﮭﻦ ﺍﻭﺭ ﺍﻧﺴﺎﻧﯽ ﮨﻤﺪﺭﺩﯼ … ﻟﯿﮑﻦ ﺍُﺱ ﺳﮯ ﺑﮭﯽ ﺑﮍﮪ ﮐﺮ ﺷﻨﺎﺳﺎﺋﯽ ﮐﺎ ﻭﮦ ﭘﺮﺍﻧﺎ ﺗﻌﻠﻖ ﺟﻮ ﺍُﺱ ﮐﮯ ﺍﻭﺭ ﻋﺎﺋﺸﮧ ﻋﺎﺑﺪﯾﻦ ﮐﮯ ﺩﺭﻣﯿﺎﻥ ﻧﮑﻞ ﺁﯾﺎ ﺗﮭﺎ۔ ” ﮐﻮﺋﯽ ﺩﻭﺳﺖ ﮨﮯ ﯾﮩﺎﮞ ﺁﭖ ﮐﺎ؟ ” ﺟﺒﺮﯾﻞ ﺍﺏ ﺍُﺱ ﮐﮯ ﻗﺮﯾﺐ ﺑﯿﭩﮫ ﮔﯿﺎ ﺗﮭﺎ۔ ﺍُﺳﮯ ﺍﺑﮭﯽ ﺗﮏ ﯾﮧ ﺍﻧﺪﺍﺯﮦ ﻧﮩﯿﮟ ﮨﻮﺍ ﺗﮭﺎ ﮐﮧ ﻭﮦ ﺍُﺳﮯ ﭘﮩﭽﺎﻧﯽ ﮨﮯ ﯾﺎ ﻧﮩﯿﮟ ﺍﻭﺭ ﺍُﺳﮯ ﺍﺱ ﺻﻮﺭﺕ ﺣﺎﻝ ﻣﯿﮟ ﺍﭘﻨﺎ ﺗﻌﺎﺭﻑ ﮐﺮﻭﺍﻧﺎ ﭼﺎﮨﯿﮯ ﯾﺎ ﻧﮩﯿﮟ۔ ” ﻧﮩﯿﮟ ” ﻋﺎﺋﺸﮧ ﻧﮯ ﺳﺮ ﺟﮭﮑﺎﺋﮯ ﺍُﺳﮯ ﺩﯾﮑﮭﮯ ﺑﻐﯿﺮ ﮐﮩﺎ۔ ﻭﮦ ﺍﭘﻨﮯ ﺩﻭﻧﻮﮞ ﮨﺎﺗﮫ ﺍﭘﻨﯽ ﮔﻮﺩ ﻣﯿﮟ ﺭﮐﮭﮯ ﺍُﻥ ﭘﺮ ﻧﻈﺮﯾﮟ ﺟﻤﺎﺋﮯ ﺳﺮ ﺟﮭﮑﺎﺋﮯ ﺑﯿﭩﮭﯽ ﺗﮭﯽ … ﺟﺒﺮﯾﻞ ﺍُﺱ ﮐﮯ ﺑﺮﺍﺑﺮ ﻭﺍﻟﯽ ﮐُﺮﺳﯽ ﭘﺮ ﺑﯿﭩﮭﺎ ﮨﻮﺍ ﺗﮭﺎ۔ﺍُﺱ ﻧﮯ ﺑﮯ ﺣﺪ ﻧﺮﻣﯽ ﺳﮯ ﻋﺎﺋﺸﮧ ﮐﺎ ﺍﯾﮏ ﮨﺎﺗﮫ ﺍﭘﻨﮯ ﮨﺎﺗﮭﻮﮞ ﻣﯿﮟ ﻟﯿﺎ۔ ﻋﺎﺋﺸﮧ ﻧﮯ ﻋﺠﯿﺐ ﻭﺣﺸﺖ ﺑﮭﺮﯼ ﻧﻈﺮﻭﮞ ﺳﮯ ﺍُﺳﮯ ﺩﯾﮑﮭﺎ ﺗﮭﺎ۔ ” ﻣﯿﺮﺍ ﺧﯿﺎ ﻝ ﮨﮯ، ﮨﻢ ﺍﯾﮏ ﺩﻭﺳﺮﮮ ﮐﻮ ﺟﺎﻧﺘﮯ ﮨﯿﮟ۔ ” ﺍُﺱ ﮐﺎ ﮨﺎﺗﮫ ﺑﮍﯼ ﻧﺮﻣﯽ ﺳﮯ ﺍﭘﻨﮯ ﺩﻭﻧﻮﮞ ﮨﺎﺗﮭﻮﮞ ﻣﯿﮟ ﻟﯿﺘﮯ ﮨﻮﺋﮯ ﺟﺒﺮﯾﻞ ﻧﮯ ﺍُﺱ ﺳﮯ ﮐﮩﺎ ﺗﮭﺎ۔ ﻭﮦ ﺍُﺳﮯ ﺭﻻﻧﺎ ﻧﮩﯿﮟ ﭼﺎﮨﺘﺎ ﺗﮭﺎ ﻟﯿﮑﻦ ﺍُﺱ ﮐﺎ ﭼﮩﺮﮦ ﺩﯾﮑﮭﺘﮯ ﮨﻮﺋﮯ ﺍُﺳﮯ ﺍﻧﺪﺍﺯﮦ ﮨﻮﺍ ﺗﮭﺎ ﮐﮧ ﺍُﺳﮯ ﺍﺱ ﻭﻗﺖ ﭘﮭﻮﭦ ﭘﮭﻮﭦ ﮐﺮ ﺭﻭﻧﮯ ﮐﯽ ﺿﺮﻭﺭﺕ ﺗﮭﯽ … ﺳﮑﺘﮯ ﮐﯽ ﻭﮦ ﮐﯿﻔﯿﺖ ﻏﯿﺮ ﻓﻄﺮﯼ ﺗﮭﯽ۔ ﻣﯿﮟ ﺟﺒﺮﯾﻞ ﺳﮑﻨﺪﺭ ﮨﻮﮞ … ﻧﺴﺎ ﮐﺎ ﮐﻼﺱ ﻓﯿﻠﻮ ﺍﻭﺭ ﺩﻭﺳﺖ … ﺍﻭﺭ ﻣﺠﮭﮯ ﺑﮩﺖ ﺍﻓﺴﻮﺱ ﮨﮯ ﮐﮧ ﮨﻢ ﺍﺳﻔﻨﺪ ﮐﻮ ﻧﮩﯿﮟ ﺑﭽﺎ ﺳﮑﮯ۔ ” ﻭﮦ ﻣﺪﮨﻢ ﺁﻭﺍﺯ ﻣﯿﮟ ﺍُﺱ ﮐﺎ ﮨﺎﺗﮫ ﺗﮭﭙﮑﺘﮯ ﮨﻮﺋﮯ ﮐﮩﮧ ﺭﮨﺎ ﺗﮭﺎ۔ ﻋﺎﺋﺸﮧ ﻧﮯ ﮔﺮﺩﻥ ﻣﻮﮌ ﮐﺮﺑﮭﯽ ﺍُﺱ ﮐﻮ ﻧﮩﯿﮟ ﺩﯾﮑﮭﺎ ﺗﮭﺎ۔ ﻭﮦ ﺍﺱ ﻭﻗﺖ ﮐﺴﯽ ﮐﻮ ﭘﮩﭽﺎﻧﻨﺎ ﻧﮩﯿﮟ ﭼﺎﮨﺘﯽ ﺗﮭﯽ، ﺧﺎﺹ ﻃﻮﺭ ﭘﺮ ﺳﺎﺗﮫ ﺑﯿﭩﮭﮯ ﮨﻮﺋﮯ ﺷﺨﺺ ﮐﻮ۔ ” ﻣﺠﮭﮯ ﺑﺘﺎﺋﯿﮟ ﻣﯿﮟ ﺁﭖ ﮐﮯ ﻟﺌﮯ ﮐﯿﺎ ﮐﺮﺳﮑﺘﺎ ﮨﻮﮞ؟ ” ﺟﺒﺮﯾﻞ ﻧﮯ ﺍُﺱ ﮐﮯ ﮨﺎﺗﮭﻮﮞ ﮐﯽ ﭨﮭﻨﮉﮎ ﻣﺤﺴﻮﺱ ﮐﯽ ﺗﮭﯽ، ﯾﻮﮞ ﺟﯿﺴﮯ ﺍُﺱ ﻧﮯ ﺑﺮﻑ ﮐﻮ ﮨﺎﺗﮫ ﻣﯿﮟ ﻟﮯ ﻟﯿﺎ ﺗﮭﺎ، ﻭﮨﺎﮞ ﮐﺎ ﭨﻤﭙﺮﯾﭽﺮ ﺑﮭﯽ ﻋﺎﺋﺸﮧ ﻋﺎﺑﺪﯾﻦ ﮐﮯ ﻭﺟﻮﺩ ﮐﯽ ﭨﮭﻨﮉﮎ ﮐﻮ ﻏﺎﺋﺐ ﮐﺮﻧﮯ ﻣﯿﮟ ﻧﺎﮐﺎﻡ ﮨﻮﺭﮨﺎ ﺗﮭﺎ۔ ۔ ” Please leave me alone … ﻣﯿﺮﯼ ﻭﺟﮧ ﺳﮯ ﺍﭘﻨﺎ ﻭﻗﺖ ﺿﺎﺋﻊ ﻧﮧ ﮐﺮﯾﮟ … ﺁﭖ ﮈﺍﮐﭩﺮ ﮨﯿﮟ، ﮐﺴﯽ ﮐﻮ ﺁﭖ ﮐﯽ ﺿﺮﻭﺭﺕ ﮨﻮﮔﯽ۔ ” ﺍُﺱ ﻧﮯ ﺟﺒﺮﯾﻞ ﮐﮯ ﮨﺎﺗﮭﻮﮞ ﺳﮯ ﺍﭘﻨﺎ ﮨﺎﺗﮫ ﮐﮭﯿﻨﭽﺘﮯ ﮨﻮﺋﮯ ﺭُﮎ ﺭُﮎ ﮐﺮ ﺍُﺱ ﺳﮯ ﮐﮩﺎ ﺗﮭﺎ۔ ﻭﮦ ﺍﺏ ﺍﭘﻨﮯ ﺩﻭﻧﻮﮞ ﮨﺎﺗﮫ ﺍﭘﻨﮯ ﮔﮭﭩﻨﻮﮞ ﮐﮯ ﺑﯿﭻ ﺩﺑﺎ ﮐﺮ ﺑﯿﭩﮫ ﮔﺌﯽ ﺗﮭﯽ … ﯾﻮﮞ ﺟﯿﺴﮯ ﯾﮧ ﭼﺎﮨﺘﯽ ﻧﮧ ﮨﻮ ﮐﮧ ﮐﻮﺋﯽ ﺍُﺱ ﮐﺎ ﮨﺎﺗﮫ ﭘﮑﮍﮮ ، ﺍُﺳﮯ ﺗﺴﻠﯽ ﺩﮮ۔ﮐﺮﺳﯽ ﮐﯽ edge ﭘﺮ ﺑﯿﭩﮭﯽ ﺍﭘﻨﮯ ﻭﺟﻮﺩ ﮐﻮ ﺟﻮﺗﻮﮞ ﮐﮯ ﭘﻨﺠﻮﮞ ﭘﺮ ﭨﮑﺎﺋﮯ ﻭﮦ ﺁﮔﮯ ﭘﯿﭽﮭﮯ ﺟﮭﻮﻝ ﺭﮨﯽ ﺗﮭﯽ ﯾﻮﮞ ﺟﯿﺴﮯ ﮐﺴﯽ ﮔﮩﺮﯼ ﺳﻮﭺ ﻣﯿﮟ ﮐﺴﯽ ﺫﮨﻨﯽ ﺍﻧﺘﺸﺎﺭ ﻣﯿﮟ ﮨﭽﮑﻮﻟﮯ ﮐﮭﺎﺭﮨﯽ ﮨﻮ۔ ﻭﮦ ﭘﮩﻠﯽ ﺑﺎﺭ ﺗﮭﺎ ﮐﮧ ﺟﺒﺮﯾﻞ ﻧﮯ ﻋﺎﺋﺸﮧ ﻋﺎﺑﺪﯾﻦ ﮐﻮ ﻏﻮﺭ ﺳﮯ ﺩﯾﮑﮭﺎ ﺗﮭﺎ … ﺑﮯ ﺣﺪ ﺣﯿﺮﺍﻧﯽ ﮐﮯ ﻋﺎﻟﻢ ﻣﯿﮟ … ﺳﯿﺎﮦ ﺟﯿﻨﺰ ﺍﻭﺭ ﺳﯿﺎﮦ ﮨﯽ ﺟﯿﮑﭧ ﻣﯿﮟ ﻣﻠﺒﻮﺱ ﮔﺮﺩﻥ ﮐﮯ ﮔﺮﺩ ﺍﯾﮏ ﮔﺮﮮ ﺭﻧﮓ ﮐﺎ ﻣﻔﻠﺮ ﻟﭙﯿﭩﮯ ﺍُﺱ ﮐﯽ ﮨﻢ ﻋﻤﺮ ﻭﮦ ﻟﮍﮐﯽ ﺍﺏ ﺍُﺱ ﮐﯽ ﮨﻢ ﻋﻤﺮ ﻧﮩﯿﮟ ﻟﮓ ﺭﮨﯽ ﺗﮭﯽ … ﺍُﺱ ﮐﮯ ﮐﻨﺪﮬﻮﮞ ﺳﮯ ﻧﯿﭽﮯ ﺗﮏ ﻟﮩﺮﺍﺗﮯ ﺳﯿﺎﮦ ﭼﻤﮑﺪﺍﺭ ﺑﺎﻟﻮﮞ ﻣﯿﮟ ﺟﮕﮧ ﺟﮕﮧ ﺳﻔﯿﺪ ﺑﺎﻝ ﺗﮭﮯ … ﺍُﺱ ﮐﯽ ﺭﻧﮕﺖ ﺯﺭﺩ ﺗﮭﯽ ﺍﻭﺭ ﺁﻧﮑﮭﯿﮟ ﺳُﺮﺥ … ﯾﻮﮞ ﺟﯿﺴﮯ ﻭﮦ ﻋﺎﺩﯼ ﺭﻭﻧﮯ ﻋﺎﻟﻮﮞ ﻣﯿﮟ ﺳﮯ ﺗﮭﯽ ﯾﺎ ﭘﮭﺮ ﺳﺎﺭﯼ ﺳﺎﺭﯼ ﺭﺍﺕ ﺟﺎﮔﻨﮯ ﻭﺍﻟﻮﮞ ﻣﯿﮟ ﺳﮯ … ﺍُﺱ ﮐﮯ ﺳﺮ ﭘﺮ ﻭﮦ ﺣﺠﺎﺏ ﺑﮭﯽ ﻧﮩﯿﮟ ﺗﮭﺎ ﺟﻮ ﺳﺎﻟﻮﮞ ﭘﮩﻠﮯ ﺍُﺱ ﮐﯽ ﭘﮩﭽﺎﻥ ﺗﮭﺎ … ﮈﺍﮐﭩﺮ ﻧﻮﺭﯾﻦ ﺍﻟﮩﯽٰ ﮐﮯ ﺧﺎﻧﺪﺍﻥ ﻣﯿﮟ ﻭﮦ ﺣﺠﺎﺏ ﻟﯿﻨﮯ ﻭﺍﻟﯽ ﭘﮩﻠﯽ ﺍﻭﺭ ﻭﺍﺣﺪ ﻟﮍﮐﯽ ﺗﮭﯽ ﺍﻭﺭ ﺑﮯ ﺣﺪ ﺍﭼﮭﯽ ﺧﺎﻧﺪﺍﻧﯽ ﺍﻗﺪﺍﺭ ﺭﮐﮭﻨﮯ ﮐﮯ ﺑﺎﻭﺟﻮﺩ ﺟﺒﺮﯾﻞ ﺟﺎﻧﺘﺎ ﺗﮭﺎ ﮐﮧ ﻧﺴﺎ ﺍﻭﺭ ﺍُﺱ ﮐﮯ ﺧﺎﻧﺪﺍﻥ ﮐﺎ ﺭﺟﺤﺎﻥ ﻣﺬﮨﺐ ﮐﯽ ﻃﺮﻑ ﻧﮩﯿﮟ ﺗﮭﺎ۔ ﺻﺮﻑ ﻋﺎﺋﺸﮧ ﻋﺎﺑﺪﯾﻦ ﺗﮭﯽ ﺟﻮ ﻣﺬﮨﺒﯽ ﺭﺟﺤﺎﻥ ﺍﻭﺭ ﺑﮯ ﺣﺪ ﻭﺍﺿﺢ ﻃﻮﺭ ﭘﺮ ﺍﯾﺴﯽ ﮨﯽ ﭘﮩﭽﺎﻥ ﺑﮭﯽ ﺭﮐﮭﺘﯽ ﺗﮭﯽ ﺍﻭﺭ ﺍُﺱ ﮐﯽ ﻭﺟﮧ ﺷﺎﯾﺪ ﺍُﺱ ﮐﺎ ﭘﺎﮐﺴﺘﺎﻥ ﻣﯿﮟ ﻗﯿﺎﻡ ﭘﺬﯾﺮ ﮨﻮﻧﺎ ﺗﮭﺎ، ﯾﮧ ﺟﺒﺮﯾﻞ ﮐﺎ ﺍﻧﺪﺍﺯﮦ ﺗﮭﺎ۔ ﻋﺎﺋﺸﮧ ﺳﮯ ﺍُﺱ ﮐﯽ ﮐﺒﮭﯽ ﺍﺗﻨﯽ ﺗﻔﺼﯿﻠﯽ ﻣﻼﻗﺎﺗﯿﮟ ﻧﮩﯿﮟ ﮨﻮﺋﯿﮟ ﮐﮧ ﺍُﺳﮯ ﺍُﺱ ﮐﯽ ﺷﺨﺼﯿﺖ ﮐﺎ ﺻﺤﯿﺢ ﺍﻧﺪﺍﺯﮦ ﮨﻮﭘﺎﺗﺎ … ﻭﮦ ﺟﺲ ﻋﻤﺮ ﻣﯿﮟ ﺍُﺱ ﺳﮯ ﻣﻼ ﺗﮭﺎ، ﻭﮦ ﭨﯿﻦ ﺍﯾﺞ ﺗﮭﯽ ﺍﻭﺭ ﺍُﺱ ﻋﻤﺮ ﻣﯿﮟ ﺍُﺳﮯ ﺑﺎﺕ ﺑﺎﺕ ﭘﺮ ﻣﺴﮑﺮﺍﻧﮯ ﺍﻭﺭ ﺑﻠﺶ ﮐﺮﻧﮯ ﻭﺍﻟﯽ ﻭﮦ ﻟﮍﮐﯽ ﻋﻨﺎﯾﮧ ﺍﻭﺭ ﺭﺋﯿﺴﮧ ﺟﯿﺴﯽ ﮨﯽ ﻟﮕﯽ ﺗﮭﯽ … ﺍُﺱ ﻧﮯ ﺍﺱ ﺳﮯ ﺯﯾﺎﺩﮦ ﻏﻮﺭ ﺍﺱ ﭘﺮ ﻧﮩﯿﮟ ﮐﯿﺎ ﺗﮭﺎ، ﺍﺱ ﮐﮯ ﺑﺎﻭﺟﻮﺩ ﮐﮧ ﻭﮦ ﺍُﺱ ﮐﮯ ﻓﯿﺲ ﺑﮏ ﭘﺮ ﻣﻮﺟﻮﺩ ﺗﮭﯽ ﺍﻭﺭ ﮐﺒﮭﯽ ﮐﺒﮭﺎﺭ ﺍُﺱ ﮐﯽ ﺗﺼﻮﯾﺮﻭﮞ ﮐﻮ ﻻﺋﯿﮏ ﮐﺮﺗﯽ ﻧﻈﺮ ﺁﺗﯽ ﺗﮭﯽ، ﭘﮭﺮ ﻭﮦ ﻏﺎﺋﺐ ﮨﻮﮔﺌﯽ ﺗﮭﯽ۔ ﺍُﺳﮯ ﻧﺴﺎ ﺳﮯ ﭘﺘﮧ ﭼﻼ ﺗﮭﺎ ﮐﮧ ﻣﯿﮉﯾﺴﻦ ﮐﯽ ﺗﻌﻠﯿﻢ ﮐﮯ ﺩﻭﺭﺍﻥ ﮨﯽ ﺍُﺱ ﮐﯽ ﺷﺎﺩﯼ ﮨﻮﮔﺌﯽ ﺗﮭﯽ ﺍﻭﺭ ﺍُﺱ ﻭﻗﺖ ﺟﺒﺮﯾﻞ ﻧﮯ ﻣﺒﺎﺭﮎ ﺑﺎﺩ ﮐﺎ ﻣﯿﺴﺞ ﺍُﺱ ﮐﯽ ﻭﺍﻝ ﭘﺮ ﻟﮕﺎﻧﺎ ﭼﺎﮨﺎ ﺗﻮ ﺍُﺳﮯ ﭘﺘﮧ ﭼﻼ ﮐﮧ ﻭﮦ ﺍﺏ ﺍُﺱ ﮐﮯ contacts ﻣﯿﮟ ﻧﮩﯿﮟ ﺗﮭﯽ … ﻋﺎﺋﺸﮧ ﻋﺎﺑﺪﯾﻦ ﺳﮯ ﺍُﺱ ﮐﺎ ﻭﮦ ﭘﮩﻼ ﺗﻌﺎﺭﻑ ﺑﺲ ﯾﮩﯽ ﺗﮏ ﮨﯽ ﺭﮨﺎ ﺗﮭﺎ … ﻧﺴﺎ ﺍﻭﺭ ﻭﮦ ﺑﮩﺖ ﺟﻠﺪ ﺩﻭ ﻣﺨﺘﻠﻒ ﺳﭩﯿﭩﺲ ﮐﮯ ﮨﺎﺳﭙﭩﻠﺰ ﻣﯿﮟ ﭼﻠﮯ ﮔﺌﮯ ﺗﮭﮯ … ﺍُﻥ ﮐﮯ ﺩﺭﻣﯿﺎﻥ ﺍﯾﮏ ﺩﻭﺳﺖ ﺍﻭﺭ ﮐﻼﺱ ﻓﯿﻠﻮ ﮐﮯ ﻃﻮﺭ ﭘﺮ ﻣﻮﺟﻮﺩ ﺭﺷﺘﮧ ﺑﮭﯽ ﮐﭽﮫ ﮐﻤﺰﻭﺭ ﭘﮍﻧﮯ ﻟﮕﺎ ﺗﮭﺎ … ﻧﺴﺎ ﺍﺏ ﮐﮩﯿﮟ engaged ﺗﮭﯽ ﺍﻭﺭ ﺟﺒﺮﯾﻞ ﺍﭘﻨﮯ ﭘﺮﻭﻓﯿﺸﻦ ﻣﯿﮟ ﺑﮯ ﺣﺪ ﻣﺼﺮﻭﻑ … ﺍﻭﺭ ﺍﺱ ﺗﯿﺰ ﺭﻓﺘﺎﺭ ﺳﮯ ﮔﺰﺭﻧﮯ ﻭﺍﻟﯽ ﺯﻧﺪﮔﯽ ﻣﯿﮟ ﻋﺎﺋﺸﮧ ﻋﺎﺑﺪﯾﻦ ﮐﺴﯽ ﺳﭙﯿﮉ ﺑﺮﯾﮑﺮ ﮐﯽ ﻃﺮﺡ ﺁﺋﯽ ﺗﮭﯽ۔ ﺟﺒﺮﯾﻞ ﻧﮯ ﺍُﺱ ﮐﯽ ﺑﺎﺕ ﮐﮯ ﺟﻮﺍﺏ ﻣﯿﮟ ﮐﭽﮫ ﮐﮩﻨﮯ ﮐﮯ ﺑﺠﺎﺋﮯ ﺍﭘﻨﺎ ﺳﯿﻞ ﻓﻮﻥ ﻧﮑﺎﻝ ﮐﺮ ﺍُﺱ ﻣﯿﮟ ﺳﮯ ﻧﺴﺎ ﮐﺎ ﻧﻤﺒﺮ ﮈﮬﻮﻧﮉﻧﮯ ﮐﯽ ﮐﻮﺷﺶ ﮐﯽ ﺗﮭﯽ۔ ﭼﻨﺪ ﻟﻤﺤﻮﮞ ﻣﯿﮟ ﺍُﺳﮯ ﻧﻤﺒﺮ ﻣﻞ ﮔﯿﺎ ﺗﮭﺎ۔ #جاری