#آﺏِ_ﺣﯿﺎﺕ #ﺍﺯ_ﻋﻤﯿﺮﮦ_ﺍﺣﻤﺪ #قسط_نمبر_44 ﺳﮑﻨﺪ ﺭ ﻋﺜﻤﺎﻥ ﺧﺎﻟﯽ ﻧﻈﺮﻭﮞ ﺳﮯ ﺍُﺳﮯ ﺩﯾﮑﮫ ﺍﻭﺭ ﺳُﻦ ﺭﮨﮯ ﺗﮭﮯ۔ ﻭﮦ ﺟﺎﻧﺘﺎ ﺗﮭﺎ ﻭﮦ ﮐﭽﮫ ﺑﮭﯽ ﺳﻤﺠﮫ ﻧﮩﯿﮟ ﭘﺎ ﺭﮨﮯ ﺗﮭﮯ۔ ﻟﯿﮑﻦ ﯾﮧ ﺍﯾﮏ ﺭﺳﻢ ﺗﮭﯽ ﺟﻮ ﻭﮦ ﮨﻤﯿﺸﮧ ﺍﺩﺍ ﮐﺮﺗﺎ ﺗﮭﺎ۔ ﺍُﺱ ﻧﮯ ﺍﭘﻨﯽ ﺑﺎﺕ ﺧﺘﻢ ﮐﺮﻧﮯ ﮐﮯ ﺑﻌﺪ ﺑﺎﭖ ﮐﮯ ﮨﺎﺗﮫ ﭼﻮﻣﮯ ﭘﮭﺮ ﺍُﻧﮩﯿﮟ ﻟﭩﺎ ﮐﺮ ﮐﻤﺒﻞ ﺍﻭﮌﮬﺎ ﺩﯾﺎ، ﺍﻭﺭ ﮐﭽﮫ ﺩﯾﺮ ﺑﮯ ﻣﻘﺼﺪ ﺑﯿﮉ ﮐﮯ ﭘﺎﺱ ﮐﮭﮍﺍ ﺍُﻧﮩﯿﮟ ﺩﯾﮑﮭﺘﺎ ﺭﮨﺎ ﺗﮭﺎ۔ ﺍُﺱ ﮐﮯ ﺑﻌﺪ ﭘﺘﮧ ﻧﮩﯿﮟ ﮐﺐ ﻭﮦ ﺍﭘﻨﮯ ﺑﺎﭖ ﮐﮯ ﭘﺎﺱ ﺁﻧﮯ ﮐﮯ ﻗﺎﺑﻞ ﮨﻮﺗﺎ۔ ﺳﺎﻻﺭ ﯾﮧ ﻧﮩﯿﮟ ﺟﺎﻧﺘﺎ ﺗﮭﺎ ﻭﮦ ﺁﺧﺮﯼ ﮐﮭﺎﻧﺎ ﺗﮭﺎ ﺟﻮ ﺍُﺱ ﻧﮯ ﺍﭘﻨﮯ ﺑﺎﭖ ﮐﮯ ﺳﺎﺗﮫ ﮐﮭﺎﯾﺎ ﺗﮭﺎ۔ ﺗﺎﺵ ﮐﺎ ﺗﺮﭖ ﮐﺎ ﭘﺘّﮧ ﭘﮭﯿﻨﮑﺎ ﺟﺎﻧﮯ ﻭﺍﻻ ﺗﮭﺎ ﺍﻭﺭ ” ﻣﮩﻠﺖ ” ﺧﺘﻢ ﮨﻮﻧﮯ ﻭﺍﻟﯽ ﺗﮭﯽ۔۔۔۔۔ ***************** ﻻﮎ ﺍﭖ ﻣﯿﮟ ﺑﯿﭩﮭﮯ ﺍُﺱ ﺭﺍﺕ ﻋﺎﺋﺸﮧ ﻋﺎﺑﺪﯾﻦ ﻧﮯ ﺍﭘﻨﯽ ﺯﻧﺪﮔﯽ ﮐﻮ recap ﮐﺮﻧﮯ ﮐﯽ ﮐﻮﺷﺶ ﮐﯽ ﺗﮭﯽ۔ ﻣﮕﺮ ﺍُﺱ ﮐﯽ ﺯﻧﺪﮔﯽ ﻣﯿﮟ ﺍﺗﻨﺎ ﺑﮩﺖ ﮐﭽﮫ ﮨﻮ ﭼﮑﺎ ﺗﮭﺎ ﮐﮧ ﻭﮦ ﺍﺱ ﮐﻮﺷﺶ ﻣﯿﮟ ﺑﮭﯽ ﻧﺎﮐﺎﻡ ﮨﻮ ﺭﮨﯽ ﺗﮭﯽ۔ ﯾﻮﮞ ﺟﯿﺴﮯ ﻭﮦ 28 ﺳﺎﻝ ﮐﯽ ﺯﻧﺪﮔﯽ ﻧﮩﯿﮟ ﺗﮭﯽ ﺁﭨﮫ ﺳﻮ ﺳﺎﻝ ﮐﯽ ﺯﻧﺪﮔﯽ ﺗﮭﯽ۔ ﮐﻮﺋﯽ ﺑﮭﯽ ﻭﺍﻗﻌﮧ ﺍُﺱ ﺗﺮﺗﯿﺐ ﺳﮯ ﯾﺎﺩ ﻧﮩﯿﮟ ﺁ ﺭﮨﺎ ﺗﮭﺎ ﺟﺲ ﺗﺮﺗﯿﺐ ﺳﮯ ﻭﮦ ﺍُﺱ ﮐﯽ ﺯﻧﺪﮔﯽ ﻣﯿﮟ ﮨﻮﺍ ﺗﮭﺎ ﺍﻭﺭ ﻭﮦ ﯾﺎﺩ ﮐﺮﻧﺎ ﭼﺎﮨﺘﯽ ﺗﮭﯽ۔ ﻻﮎ ﺍﭖ ﮐﮯ ﺑﺴﺘﺮ ﭘﺮ ﭼﺖ ﻟﯿﭩﮯ، ﭼﮭﺖ ﮐﻮ ﮔﮭﻮﺭﺗﮯ ﮨﻮﺋﮯ ﺍُﺱ ﻧﮯ ﯾﮧ ﺳﻮﭼﻨﮯ ﮐﯽ ﮐﻮﺷﺶ ﮐﯽ ﺗﮭﯽ ﮐﮧ ﺍُﺱ ﮐﯽ ﺯﻧﺪﮔﯽ ﮐﺎ ﺳﺐ ﺳﮯ ﺑﺪﺗﺮﯾﻦ ﻭﺍﻗﻌﮧ ﮐﯿﺎ ﺗﮭﺎ۔ ﺳﺐ ﺳﮯ ﺗﮑﻠﯿﻒ ﺩﮦ ﺗﺠﺮﺑﮧ ﺍﻭﺭ ﺩﻭﺭ۔۔۔۔۔۔۔۔ ﺑﺎﭖ ﮐﮯ ﺑﻐﯿﺮ ﺯﻧﺪﮔﯽ ﮔﺰﺍﺭﻧﺎ؟ ﺍﺣﺴﻦ ﺳﻌﺪ ﺳﮯ ﺷﺎﺩﯼ؟ ﺍُﺱ ﮐﮯ ﺳﺎﺗﮫ، ﺍُﺱ ﮐﮯ ﮔﮭﺮ ﻣﯿﮟ ﮔﺰﺍﺭﺍ ﮨﻮﺍ ﻭﻗﺖ؟ ﺍﯾﮏ ﻣﻌﺬﻭﺭ ﺑﯿﭩﮯ ﮐﯽ ﭘﯿﺪﺍﺋﺶ؟ ﺍﺣﺴﻦ ﺳﻌﺪ ﺳﮯ ﻃﻼﻕ؟ ﺍﺳﻔﻨﺪ ﮐﯽ ﻣﻮﺕ؟ ﯾﺎ ﭘﮭﺮ ﺍﭘﻨﮯ ﮨﯽ ﺑﯿﭩﮯ ﮐﮯ ﻗﺘﻞ ﮐﮯ ﺍﻟﺰﺍﻡ ﻣﯿﮟ ﺩﻥ ﺩﮨﺎﮌﮮ ﮨﺎﺳﭙﭩﻞ ﺳﮯ ﭘﻮﻟﯿﺲ ﮐﮯ ﮨﺎﺗﮭﻮﮞ ﮔﺮﻓﺘﺎﺭ ﮨﻮﻧﺎ؟ ﺍﻭﺭ ﺍﻥ ﺳﺎﺭﮮ ﻭﺍﻗﻌﺎﺕ ﮐﮯ ﺑﯿﭽﻮﮞ ﺑﯿﭻ ﮐﺌﯽ ﺍﻭﺭ ﺍﯾﺴﮯ ﺗﮑﻠﯿﻒ ﺩﮦ ﻭﺍﻗﻌﺎﺕ ﺟﻮ ﺍُﺱ ﮐﮯ ﺫﮨﻦ ﮐﯽ ﺩﯾﻮﺍﺭ ﭘﺮ ﺍﭘﻨﯽ ﺟﮭﻠﮏ ﺩﮐﮭﺎﺗﮯ ﮨﻮﺋﮯ ﺟﯿﺴﮯ ﺍُﺱ ﻓﮩﺮﺳﺖ ﻣﯿﮟ ﺷﺎﻣﻞ ﮨﻮﻧﮯ ﮐﮯ ﻟﺌﮯ ﺑﮯ ﻗﺮﺍﺭ ﺗﮭﮯ۔ ﻭﮦ ﻃﮯ ﻧﮩﯿﮟ ﮐﺮ ﺳﮑﯽ۔ ﮨﺮ ﺗﺠﺮﺑﮧ، ﮨﺮ ﺣﺎﺩﺛﮧ، ﺍﭘﻨﯽ ﺟﮕﮧ ﺗﮑﻠﯿﻒ ﺩﮦ ﺗﮭﺎ، ﺍﭘﻨﯽ ﻃﺮﺡ ﺳﮯ ﮨﻮﻟﻨﺎﮎ۔ ﻭﮦ ﺍُﻥ ﮐﮯ ﺑﺎﺭﮮ ﻣﯿﮟ ﺳﻮﭼﺘﮯ ﮨﻮﺋﮯ ﺟﯿﺴﮯ ﺯﻧﺪﮔﯽ ﮐﮯ ﻭﮦ ﺩﻥ ﺟﯿﻨﮯ ﻟﮕﯽ ﺗﮭﯽ ﺍﻭﺭ ﺍﮔﻠﮯ ﻭﺍﻗﻌﮧ ﮐﮯ ﺑﺎﺭﮮ ﻣﯿﮟ ﺳﻮﭼﻨﺎ ﺷﺮﻭﻉ ﮐﺮﺗﮯ ﮨﻮﺋﮯ ﺍُﺳﮯ ﯾﮧ ﺍﻧﺪﺍﺯﮦ ﻟﮕﺎﻧﺎ ﻣﺸﮑﻞ ﮨﻮ ﺭﮨﺎ ﺗﮭﺎ ﮐﮧ ﭘﭽﮭﻼ ﻭﺍﻗﻌﮧ ﺯﯾﺎﺩﮦ ﺗﮑﻠﯿﻒ ﺩﮦ ﺗﮭﺎ ﯾﺎ ﭘﮭﺮ ﺟﻮ ﺍُﺳﮯ ﺍﺏ ﯾﺎﺩ ﺁ ﺭﮨﺎ ﺗﮭﺎ۔ ﮐﺒﮭﯽ ﮐﺒﮭﺎﺭ ﻋﺎﺋﺸﮧ ﻋﺎﺑﺪﯾﻦ ﮐﻮ ﻟﮕﺘﺎ ﺗﮭﺎ ﮐﮧ ﻭﮦ ﮈﮬﯿﭧ ﺗﮭﯽ۔ ﺗﮑﻠﯿﻒ ﺍﻭﺭ ﺫﻟّﺖ ﺳﮩﮧ ﺳﮩﮧ ﮐﺮ ﻭﮦ ﺍﺏ ﺷﺮﻣﻨﺪﮦ ﮨﻮﻧﺎ ﺍﻭﺭ ﺩﺭﺩ ﺳﮯ ﻣﺘﺎﺛﺮ ﮨﻮﻧﺎ ﭼﮭﻮﮌ ﭼﮑﯽ ﺗﮭﯽ۔ ﺯﻧﺪﮔﯽ ﻣﯿﮟ ﻭﮦ ﺍﺗﻨﯽ ﺫﻟّﺖ ﺍﻭﺭ ﺗﮑﻠﯿﻒ ﺳﮩﮧ ﭼﮑﯽ ﺗﮭﯽ ﮐﮧ ﺷﺮﻡ ﺍﻭﺭ ﺷﺮﻣﻨﺪﮔﯽ ﮐﮯ ﻟﻔﻆ ﺟﯿﺴﮯ ﺍُﺱ ﮐﯽ ﺯﻧﺪﮔﯽ ﺳﮯ ﺧﺎﺭﺝ ﮨﻮ ﮔﺌﮯ ﺗﮭﮯ۔ ﻭﮦ ﺍﺗﻨﯽ ﮈﮬﯿﭧ ﮨﻮ ﭼﮑﯽ ﺗﮭﯽ ﮐﮧ ﻣﺮﻧﺎ ﺑﮭﯽ ﺑﮭﻮﻝ ﮔﺌﯽ ﺗﮭﯽ۔ ﺍُﺳﮯ ﮐﺴﯽ ﺗﮑﻠﯿﻒ ﺳﮯ ﮐﭽﮫ ﻧﮩﯿﮟ ﮨﻮﺗﺎ ﺗﮭﺎ۔ ﺩﻝ ﺗﮭﺎ ﺗﻮ ﻭﮦ ﺍﺗﻨﮯ ﭨﮑﮍﮮ ﮨﻮ ﭼﮑﺎ ﺗﮭﺎ ﮐﮧ ﺍﺏ ﺍﻭﺭ ﭨﻮﭨﻨﺎ ﺍُﺱ ﮐﮯ ﺑﺲ ﻣﯿﮟ ﻧﮩﯿﮟ ﺭﮨﺎ ﺗﮭﺎ۔ ﺫﮨﻦ ﺗﮭﺎ ﺗﻮ ﺍُﺱ ﭘﺮ ﺟﺎﻟﮯ ﮨﯽ ﺟﺎﻟﮯ ﺗﮭﮯ۔ ﻋﺰﺕِ ﻧﻔﺲ، ﺫﻟّﺖ، ﻋﺰّﺕ ﺟﯿﺴﮯ ﻟﻔﻈﻮﮞ ﮐﻮ ﭼﮭﭙﺎ ﺩﯾﻨﮯ ﻭﺍﻟﮯ ﺟﺎﻟﮯ۔ ﯾﮧ ﺳﻮﭼﻨﺎ ﺍُﺱ ﻧﮯ ﮐﺐ ﮐﺎ ﭼﮭﻮﮌﺩﯾﺎ ﺗﮭﺎ ﮐﮧ ﯾﮧ ﺳﺐ ﺍُﺱ ﮐﮯ ﺳﺎﺗﮫ ﮨﯽ ﮐﯿﻮﮞ ﮨﻮﺗﺎ ﺗﮭﺎ، ﺍُﺱ ﻧﮯ ﺗﻮ ﮐﺴﯽ ﮐﺎ ﮐﭽﮫ ﻧﮩﯿﮟ ﺑﮕﺎﮌﺍ ﺗﮭﺎ۔ ﺍﺱ ﺳﻮﺍﻝ ﮐﺎ ﺟﻮﺍﺏ ﻭﯾﺴﮯ ﺑﮭﯽ ﺍُﺳﮯ ﺍﺣﺴﻦ ﺳﻌﺪ ﻧﮯ ﺭﭨﻮﺍ ﺩﯾﺎ ﺗﮭﺎ۔ ” ﻟﮑﮭﻮ ! ﺍﺱ ﮐﺎﻏﺬ ﭘﺮ ﮐﮧ ﺗﻢ ﮔﻨﺎﮦ ﮔﺎﺭ ﮨﻮ۔ ﺍﻟﻠﮧ ﺳﮯ ﻣﻌﺎﻓﯽ ﻣﺎﻧﮕﻮ، ﭘﮭﺮ ﻣﺠﮫ ﺳﮯ ﻣﻌﺎﻓﯽ ﻣﺎﻧﮕﻮ، ﭘﮭﺮ ﻣﯿﺮﮮ ﮔﮭﺮ ﻭﺍﻟﻮﮞ ﺳﮯ ﻣﻌﺎﻓﯽ ﻣﺎﻧﮕﻮ، ﺑﮯ ﺣﯿﺎ ﻋﻮﺭﺕ ”! ﭘﺘﮧ ﻧﮩﯿﮟ ﯾﮧ ﺁﻭﺍﺯ ﺍُﺱ ﮐﮯ ﮐﺎﻧﻮﮞ ﻣﯿﮟ ﮔﻮﻧﺠﻨﺎ ﺑﻨﺪ ﮐﯿﻮﮞ ﻧﮩﯿﮟ ﮨﻮﺗﯽ ﺗﮭﯽ۔ ﺩﻥ ﻣﯿﮟ، ﺭﺍﺕ ﻣﯿﮟ، ﺳﯿﻨﮑﮍﻭﮞ ﺑﺎﺭ ﺍﻥ ﺟﻤﻠﻮﮞ ﮐﯽ ﺑﺎﺯﮔﺸﺖ ﺍُﺳﮯ ﺍُﺱ ﮐﮯ ﺍﺱ ﺳﻮﺍﻝ ﮐﺎ ﺟﻮﺍﺏ ﺩﯾﺘﯽ ﺭﮨﺘﯽ ﺗﮭﯽ ﮐﮧ ﯾﮧ ﺳﺐ ﺍُﺱ ﮐﮯ ﺳﺎﺗﮫ ﮨﯽ ﮐﯿﻮﮞ ﮨﻮﺗﺎ ﺗﮭﺎ۔ ﻭﮦ ﺍﯾﮏ ﮔﻨﺎﮦ ﮔﺎﺭ ﻋﻮﺭﺕ ﺗﮭﯽ۔ ﯾﮧ ﺟﻤﻠﮧ ﺍُﺱ ﻧﮯ ﺍﺗﻨﯽ ﺑﺎﺭ ﺍﭘﻨﮯ ﮨﺎﺗﮫ ﺳﮯ ﮐﺎﻏﺬ ﭘﺮ ﻟﮑﮫ ﮐﺮ ﺍﺣﺴﻦ ﺳﻌﺪ ﮐﻮ ﺩﯾﺎ ﺗﮭﺎ ﮐﮧ ﺍﺏ ﺍُﺳﮯ ﯾﻘﯿﻦ ﮨﻮ ﮔﯿﺎ ﺗﮭﺎ ﮐﮧ ﻭﮦ ﺟﻤﻠﮧ ﺣﻘﯿﻘﺖ ﺗﮭﺎ۔ ﺍُﺱ ﮐﺎ ﮔﻨﺎﮦ ﮐﯿﺎ ﺗﮭﺎ، ﺻﺮﻑ ﯾﮧ ﺍُﺳﮯ ﯾﺎﺩ ﻧﮩﯿﮟ ﺁﺗﺎ ﺗﮭﺎ۔ ﻣﮕﺮ ﺍُﺳﮯ ﭘﮭﺮ ﺑﮭﯽ ﯾﻘﯿﻦ ﺗﮭﺎ ﮐﮧ ﺟﻮ ﺑﮭﯽ ﮔﻨﺎﮦ ﺍُﺱ ﻧﮯ ﮐﺒﮭﯽ ﺯﻧﺪﮔﯽ ﻣﯿﮟ ﮐﯿﺎ ﮨﻮ ﮔﺎ۔ ﺑﮩﺖ ﺑﮍﺍ ﮨﯽ ﮐﯿﺎ ﮨﻮ ﮔﺎ۔ ﺍﺗﻨﺎ ﺑﮍﺍ ﮐﮧ ﺍﻟﻠﮧ ﺗﻌﺎﻟﯽٰ ﺍُﺳﮯ ﯾﻮﮞ ﺑﺎﺭ ﺑﺎﺭ ” ﺳﺰﺍ ” ﺩﮮ ﺭﮨﺎ ﺗﮭﺎ … ﺳﺰﺍ ﮐﺎ ﻟﻔﻆ ﺑﮭﯽ ﺍُﺱ ﻧﮯ ﺍﺣﺴﻦ ﺳﻌﺪ ﺍﻭﺭ ﺍُﺱ ﮐﮯ ﮔﮭﺮ ﻣﯿﮟ ﮨﯽ ﺳُﻨﺎ ﺍﻭﺭ ﺳﯿﮑﮭﺎ ﺗﮭﺎ … ﺟﮩﺎﮞ ﮔﻨﺎﮦ ﺍﻭﺭ ﺳﺰﺍ ﮐﮯ ﻟﻔﻆ ﮐﺴﯽ ﻭﺭﺩ ﮐﯽ ﻃﺮﺡ ﺩﮨﺮﺍﺋﮯ ﺟﺎﺗﮯ ﺗﮭﮯ … ﻭﺭﻧﮧ ﻋﺎﺋﺸﮧ ﻋﺎﺑﺪﯾﻦ ﻧﮯ ﺗﻮ ﺍﺣﺴﻦ ﺳﻌﺪ ﮐﯽ ﺯﻧﺪﮔﯽ ﻣﯿﮟ ﺷﺎﻣﻞ ﮨﻮﻧﮯ ﺳﮯ ﭘﮩﻠﮯ ﺍﻟﻠﮧ ﮐﻮ ﺧﻮﺩ ﭘﺮ ﺻﺮﻑ ” ﻣﮩﺮﺑﺎﻥ ” ﺩﯾﮑﮭﺎ ﺗﮭﺎ۔ ” ﺑﮯ ﺣﯿﺎ ﻋﻮﺭﺕ ”! ﻭﮦ ﮔﺎﻟﯽ ﺍُﺱ ﮐﮯ ﻟﺌﮯ ﺗﮭﯽ۔ ﻋﺎﺋﺸﮧ ﻋﺎﺑﺪﯾﻦ ﮐﻮ ﮔﺎﻟﯽ ﺳُﻦ ﮐﺮ ﺑﮭﯽ ﯾﮧ ﯾﻘﯿﻦ ﻧﮩﯿﮟ ﺁﯾﺎ ﺗﮭﺎ … ﺯﻧﺪﮔﯽ ﻣﯿﮟ ﭘﮩﻠﯽ ﺑﺎﺭ ﺍﯾﮏ ﮔﺎﻟﯽ ﺍﭘﻨﮯ ﻟﺌﮯ ﺳُﻦ ﮐﺮ ﻭﮦ ﮔﻨﮓ ﺭﮦ ﮔﺌﯽ ﺗﮭﯽ … ﮐﺴﯽ ﻣﺠﺴﻤﮯ ﮐﯽ ﻃﺮﺡ … ﮐﮭﮍﯼ ﮐﯽ ﮐﮭﮍﯼ … ﯾﻮﮞ ﺟﯿﺴﮯ ﺍُﺱ ﻧﮯ ﮐﻮﺋﯽ ﺳﺎﻧﭗ ﯾﺎ ﺍﮊﺩﮨﺎ ﺩﯾﮑﮫ ﻟﯿﺎ ﺗﮭﺎ … ﻭﮦ ﻧﺎﺯ ﻭ ﻧﻌﻢ ﻣﯿﮟ ﭘﻠﯽ ﺗﮭﯽ … ﮔﺎﻟﯽ ﺗﻮ ﺍﯾﮏ ﻃﺮﻑ، ﺍُﺱ ﻧﮯ ﮐﺒﮭﯽ ﺍﭘﻨﮯ ﻧﺎﻧﺎ ﻧﺎﻧﯽ ﯾﺎ ﻣﺎﮞ ﺳﮯ ﺍﭘﻨﮯ ﻟﺌﮯ ﮐﻮﺋﯽ ﺳﺨﺖ ﻟﻔﻆ ﺑﮭﯽ ﻧﮩﯿﮟ ﺳُﻨﺎ ﺗﮭﺎ … ﺍﯾﺴﺎ ﻟﻔﻆ ﺟﺲ ﻣﯿﮟ ﻋﺎﺋﺸﮧ ﮐﮯ ﻟﺌﮯ ﺗﻮﮨﯿﻦ ﯾﺎ ﺗﻀﺤﯿﮏ ﮨﻮﺗﯽ ﺍﻭﺭ ﺍﺏ ﺍُﺱ ﻧﮯ ﺍﭘﻨﮯ ﺷﻮﮨﺮ ﺳﮯ ﺍﭘﻨﮯ ﻟﺌﮯ ﺟﻮ ﻟﻔﻆ ﺳُﻨﺎ ﺗﮭﺎ ﺍُﺱ ﻣﯿﮟ ﺗﻮ ﺍﻟﺰﺍﻡ ﺍﻭﺭ ﺗﮩﻤﺖ ﺗﮭﯽ … ﻭﮦ ” ﺑﮯ ﺣﯿﺎ ” ﺗﮭﯽ … ﻋﺎﺋﺸﮧ ﻋﺎﺑﺪﯾﻦ ﻧﮯ ﺍﭘﻨﮯ ﺁﭖ ﮐﻮ ﺑﮩﻼﯾﺎ ﺗﮭﺎ، ﺳﻮ ﺗﺎﻭﯾﻠﯿﮟ ﺩﮮ ﮐﺮ ﮐﮧ ﯾﮧ ﮔﺎﻟﯽ ﺍُﺱ ﮐﮯ ﻟﺌﮯ ﮐﯿﺴﮯ ﮨﻮﺳﮑﺘﯽ ﺗﮭﯽ … ﯾﺎ ﺷﺎﯾﺪ ﺍُﺱ ﻧﮯ ﻏﻠﻂ ﺳُﻨﺎ ﺗﮭﺎ … ﯾﺎ ﭘﮭﺮ ﺍُﻥ ﺍﻟﻔﺎﻅ ﮐﺎ ﻣﻄﻠﺐ ﻭﮦ ﻧﮩﯿﮟ ﺗﮭﺎ ﺟﻮ ﻭﮦ ﺳﻤﺠﮫ ﺭﮨﯽ ﺗﮭﯽ … ﻭﮦ ﺍُﺱ ﮐﯿﻔﯿﺖ ﭘﺮ ﺍﯾﮏ ﮐﺘﺎﺏ ﻟﮑﮫ ﺳﮑﺘﯽ ﺗﮭﯽ ۔ ﺍﻥ ﺗﻮﺟﯿﮩﺎﺕ، ﺍُﻥ ﻭﺿﺎﺣﺘﻮﮞ ﭘﺮ ﺟﻮ ﭘﮩﻠﮯ ﮔﺎﻟﯽ ﺳُﻨﻨﮯ ﮐﮯ ﺑﻌﺪ ﺍﮔﻠﮯ ﮐﺌﯽ ﺩﻥ ﻋﺎﺋﺸﮧ ﻋﺎﺑﺪﯾﻦ ﻧﮯ ﺍﭘﻨﮯ ﺁﭖ ﮐﻮ ﺩﯾﮟ ﺗﮭﯿﮟ … ﺍﭘﻨﯽ ﻋﺰّﺕِ ﻧﻔﺲ ﮐﻮ ﺩﻭﺑﺎﺭﮦ ﺑﺤﺎﻝ ﮐﺮﻧﮯ ﮐﮯ ﻟﺌﮯ … Antibiotics ﮐﮯ ﺍﯾﮏ ﮐﻮﺭﺱ ﮐﯽ ﻃﺮﺡ … ﻟﯿﮑﻦ ﯾﮧ ﺳﺐ ﺻﺮﻑ ﭘﮩﻠﯽ ﮔﺎﻟﯽ ﮐﯽ ﺩﻓﻌﮧ ﮨﻮﺍ ﺗﮭﺎ، ﭘﮭﺮ ﺁﮨﺴﺘﮧ ﺁﮨﺴﺘﮧ ﻋﺎﺋﺸﮧ ﻋﺎﺑﺪﯾﻦ ﻧﮯ ﺳﺎﺭﯼ ﺗﻮﺟﯿﮩﺎﺕ ﺍﻭﺭ ﻭﺿﺎﺣﺘﻮﮞ ﮐﻮ ﺩﻓﻦ ﮐﺮﺩﯾﺎ ﺗﮭﺎ … ﻭﮦ ﺍﺏ ﮔﺎﻟﯿﺎﮞ ﮐﮭﺎﺗﯽ ﺗﮭﯽ ﺍﻭﺭ ﺑﮯ ﺣﺪ ﺧﺎﻣﻮﺷﯽ ﺳﮯ ﮐﮭﺎﺗﯽ ﺗﮭﯽ، ﺍﻭﺭ ﺑﮩﺖ ﺑﮍﯼ ﺑﮍﯼ … ﺍﻭﺭ ﺍُﺳﮯ ﯾﻘﯿﻦ ﺗﮭﺎ ﮐﮧ ﻭﮦ ﯾﮧ ﮔﺎﻟﯿﺎﮞ deserve ﮐﺮﺗﯽ ﺗﮭﯽ ﮐﯿﻮﻧﮑﮧ ﺍﺣﺴﻦ ﺳﻌﺪ ﺍُﺳﮯ ﯾﮧ ﮐﮩﺘﺎ ﺗﮭﺎ … ﭘﮭﺮ ﻭﮦ ﻣﺎﺭﺍ ﮐﮭﺎﻧﺎ ﺑﮭﯽ ﺍﺳﯽ ﺳﮩﻮﻟﺖ ﺳﮯ ﺳﯿﮑﮫ ﮔﺌﯽ ﺗﮭﯽ … ﺍﭘﻨﯽ ﻋﺰّﺕِ ﻧﻔﺲ ﮐﻮ ﺍﯾﮏ ﺍﻭﺭ ﺳﻠﯿﭙﻨﮓ ﮈﻭﺯ ﺩﯾﺘﮯ ﮨﻮﺋﮯ … ﭘﺎﻧﭻ ﺍﻓﺮﺍﺩ ﮐﺎ ﻭﮦ ﮔﮭﺮﺍﻧﮧ ﺍُﺳﮯ ﯾﮧ ﯾﻘﯿﻦ ﺩﻻﻧﮯ ﻣﯿﮟ ﮐﺎﻣﯿﺎﺏ ﮨﻮ ﮔﯿﺎ ﺗﮭﺎ ﮐﮧ ﺍُﺱ ﮐﮯ ﺳﺎﺗﮫ ﺟﻮ ﮐﭽﮫ ﺑﮭﯽ ﮨﻮ ﺭﮨﺎ ﺗﮭﺎ، ﻭﮦ ﺍُﺳﮯ deserve ﮐﺮ ﺭﮨﯽ ﺗﮭﯽ ۔ ﻭﮦ ﻣﻮﻣﻨﯿﻦ ﮐﮯ ﺍﯾﮏ ﺍﯾﺴﮯ ﮔﺮﻭﮦ ﻣﯿﮟ ﭘﮭﻨﺲ ﮔﺌﯽ ﺗﮭﯽ ﺟﻮ ﺯﺑﺎﻥ ﮐﮯ ﭘﺘﮭﺮﻭﮞ ﺳﮯ ﺍُﺳﮯ ﺑﮭﯽ ﻣﻮﻣﻦ ﺑﻨﺎﻧﺎ ﭼﺎﮨﺘﮯ ﺗﮭﮯ ﮐﯿﻮﻧﮑﮧ ﻭﮦ ” ﮔﻨﺎﮦ ﮔﺎﺭ ” ﺗﮭﯽ۔ ﺍﺣﺴﻦ ﺳﻌﺪ ﺍُﺱ ﮐﯽ ﺯﻧﺪﮔﯽ ﻣﯿﮟ ﮐﯿﺴﮯ ﺁﯾﺎ ﺗﮭﺎ ﺍﻭﺭ ﮐﯿﻮﮞ ﺁ ﮔﯿﺎ ﺗﮭﺎ … ﺍﯾﮏ ﻭﻗﺖ ﺗﮭﺎ ﺍُﺳﮯ ﻟﮕﺘﺎ ﺗﮭﺎ ﻭﮦ ﺍُﺱ ﮐﯽ ﺧﻮﺵ ﻗﺴﻤﺘﯽ ﺑﻦ ﮐﺮ ﺍُﺱ ﮐﯽ ﺯﻧﺪﮔﯽ ﻣﯿﮟ ﺁﯾﺎ ﺗﮭﺎ ﺍﻭﺭ ﭘﮭﺮ ﺍﯾﮏ ﻭﮦ ﻭﻗﺖ ﺗﮭﺎ ﺟﺐ ﺍُﺳﮯ ﻭﮦ ﺍﯾﮏ ﮈﺭﺍﺅﻧﺎ ﺧﻮﺍﺏ ﻟﮕﻨﮯ ﻟﮕﺎ ﺗﮭﺎ، ﺟﺲ ﮐﮯ ﺧﺘﻢ ﮨﻮﻧﮯ ﮐﺎ ﺍﻧﺘﻈﺎﺭ ﻭﮦ ﺷﺪّ ﻭ ﻣﺪ ﺳﮯ ﮐﺮﺗﯽ ﺗﮭﯽ … ﺍﻭﺭ ﺍﺏ ﺍﺳﮯ ﻟﮕﺘﺎ ﺗﮭﺎ ﻭﮦ ﻭﮦ ﻋﺬﺍﺏ ﺗﮭﺎ ﺟﻮ ﺍﻟﻠﮧ ﺗﻌﺎﻟﯽٰ ﻧﮯ ﺍُﺳﮯ ﺍُﺱ ﮐﮯ ﮐﺮﺩﮦ، ﻧﺎﮐﺮﺩﮦ ﮔﻨﺎﮨﻮﮞ ﭘﺮ ﺍﺱ ﺩﻧﯿﺎ ﻣﯿﮟ ﮨﯽ ﺩﮮ ﺩﯾﺎ ﺗﮭﺎ۔ ﻭﮦ ﮨﺎﺅﺱ ﺟﺎﺏ ﮐﺮﺭﮨﯽ ﺗﮭﯽ ﺟﺐ ﺍﺣﺴﻦ ﺳﻌﺪ ﮐﺎ ﭘﺮﻭﭘﻮﺯﻝ ﺍُﺱ ﮐﮯ ﻟﺌﮯ ﺁﯾﺎ ﺗﮭﺎ۔ ﻋﺎﺋﺸﮧ ﮐﮯ ﻟﺌﮯ ﯾﮧ ﮐﻮﺋﯽ ﺍﻧﻮﮐﮭﯽ ﺑﺎﺕ ﻧﮩﯿﮟ ﺗﮭﯽ۔ ﺍُﺱ ﮐﮯ ﻟﺌﮯ ﺩﺭﺟﻨﻮﮞ ﭘﺮﻭﭘﻮﺯﻟﺰﭘﮩﻠﮯ ﺑﮭﯽ ﺁﭼﮑﮯ ﺗﮭﮯ ﺍﻭﺭ ﺍﺱ ﮐﮯ ﻧﺎﻧﺎ ﻧﺎﻧﯽ ﮐﮯ ﮨﺎﺗﮭﻮﮞ ﺭﺩ ﺑﮭﯽ ﮨﻮﭼﮑﮯ ﺗﮭﮯ۔ ﺍُﺱ ﮐﺎ ﺧﯿﺎﻝ ﺗﮭﺎ ﮐﮧ ﯾﮧ ﭘﺮﻭﭘﻮﺯﻝ ﺑﮭﯽ ﮐﺴﯽ ﻏﻮﺭ ﮐﮯ ﺑﻐﯿﺮ ﺭﺩ ﮐﺮ ﺩﯾﺎ ﺟﺎﺋﮯ ﮔﺎ ﮐﯿﻮﻧﮑﮧ ﺍُﺱ ﮐﮯ ﻧﺎﻧﺎ، ﻧﺎﻧﯽ ﺍُﺱ ﮐﯽ ﺗﻌﻠﯿﻢ ﻣﮑﻤﻞ ﮨﻮﺋﮯ ﺑﻐﯿﺮ ﺍُﺳﮯ ﮐﺴﯽ ﻗﺴﻢ ﮐﮯ ﺭﺷﺘﮯ ﻣﯿﮟ ﺑﺎﻧﺪﮬﻨﮯ ﭘﺮ ﺗﯿﺎﺭ ﻧﮩﯿﮟ ﺗﮭﮯ۔ ﻣﮕﺮ ﺍﺱ ﺑﺎﺭ ﺍﯾﺴﺎ ﻧﮩﯿﮟ ﮨﻮﺍ ﺗﮭﺎ … ﺍﺣﺴﻦ ﺳﻌﺪ ﮐﮯ ﻭﺍﻟﺪﯾﻦ ﮐﯽ ﻣﯿﭩﮭﯽ ﺯﺑﺎﻥ ﻋﺎﺋﺸﮧ ﻋﺎﺑﺪﯾﻦ ﮐﯽ ﻓﯿﻤﻠﯽ ﭘﺮ ﺍﺛﺮ ﮐﺮﮔﺌﯽ ﺗﮭﯽ، ﺍﻭﺭ ﺍﺱ ﭘﺮ ﺑﮭﯽ۔ ” ﮨﻤﯿﮟ ﺻﺮﻑ ﺍﯾﮏ ﻧﯿﮏ ﺍﻭﺭ ﺍﭼﮭﯽ ﺑﭽﯽ ﭼﺎﮨﯿﮯ، ﺍﭘﻨﮯ ﺑﯿﭩﮯ ﮐﮯ ﻟﺌﮯ … ﺑﺎﻗﯽ ﺳﺐ ﮐﭽﮫ ﮨﮯ ﮨﻤﺎﺭﯼ ﭘﺎﺱ، ﮐﺴﯽ ﭼﯿﺰ ﮐﯽ ﮐﻤﯽ ﻧﮩﯿﮟ ﮨﮯ … ﺍﻭﺭ ﺁﭖ ﮐﯽ ﺑﯿﭩﯽ ﮐﯽ ﺍﺗﻨﯽ ﺗﻌﺮﯾﻔﯿﮟ ﺳﻨﯽ ﮨﯿﮟ ﮨﻢ ﻟﻮﮔﻮﮞ ﻧﮯ ﮐﮧ ﺑﺲ ﮨﻢ ﺁﭖ ﮐﮯ ﮨﺎﮞﺠﮭﻮﻟﯽ ﭘﮭﯿﻼ ﮐﺮ ﺁﺋﮯ ﺑﻐﯿﺮ ﻧﮩﯿﮟ ﺭﮦ ﺳﮑﮯ ” ﺍﺣﺴﻦ ﮐﮯ ﺑﺎﭖ ﻧﮯ ﺍُﺱ ﮐﮯ ﻧﺎﻧﺎ ﺳﮯ ﮐﮩﺎ ﺗﮭﺎ۔ ﻋﺎﺋﺸﮧ ﻋﺎﺑﺪﯾﻦ ﺟﻮ ﺟﺐ ﭘﺘﮧ ﭼﻼ ﺗﮭﺎ ﮐﮧ ﺍُﺱ ﮐﯽ ﺍﯾﮏ ﻧﻨﺪ ﺍُﺱ ﮐﮯ ﺳﺎﺗﮫ ﻣﯿﮉﯾﮑﻞ ﮐﺎﻟﺞ ﻣﯿﮟ ﮨﯽ ﭘﮍﮬﺘﯽ ﺗﮭﯽ … ﺍُﻥ ﺩﻭﻧﻮﮞ ﮐﺎ ﺁﭘﺲ ﻣﯿﮟ ﺑﮩﺖ ﺭﺳﻤﯽ ﺳﺎ ﺗﻌﺎﺭﻑ ﺗﮭﺎ … ﻣﮕﺮ ﺍُﺳﮯ ﺣﯿﺮﺕ ﮨﻮﺋﯽ ﺗﮭﯽ ﮐﮧ ﺍُﺱ ﺭﺳﻤﯽ ﺗﻌﺎﺭﻑ ﭘﺮ ﺑﮭﯽ ﺍُﺱ ﮐﯽ ﺍﺗﻨﯽ ﺗﻌﺮﯾﻔﯿﮟ ﻭﮦ ﻟﮍﮐﯽ ﺍﭘﻨﯽ ﻓﯿﻤﻠﯽ ﻣﯿﮟ ﮐﺮﺳﮑﺘﯽ ﺗﮭﯽ ﺟﻮ ﮐﺎﻟﺞ ﻣﯿﮟ ﺑﺎﻟﮑﻞ ﺧﺎﻣﻮﺵ ﺍﻭﺭ ﻟﺌﮯ ﺩﯾﮯ ﺭﮨﺘﯽ ﺗﮭﯽ … ﻋﺎﺋﺸﮧ ﻋﺎﺑﺪﯾﻦ ﮐﮯ ﻟﺌﮯ ﮐﺴﯽ ﮐﯽ ﺯﺑﺎﻥ ﺳﮯ ﺍﭘﻨﯽ ﺗﻌﺮﯾﻔﯿﮟ ﺳُﻨﻨﺎ ﮐﻮﺋﯽ ﺍﭼﮭﻨﺒﮯ ﮐﯽ ﺑﺎﺕ ﻧﮩﯿﮟ ﺗﮭﯽ، ﻭﮦ ﮐﺎﻟﺞ ﮐﮯ ﺳﺐ ﺳﮯ ﻧﻤﺎﯾﺎﮞ ﺳﭩﻮﮈﻧﭩﺲ ﻣﯿﮟ ﺳﮯ ﺍﯾﮏ ﺗﮭﯽ، ﺍﻭﺭ ﻭﮦ ﮨﺮ ﻃﺮﺡ ﺳﮯ ﻧﻤﺎﯾﺎﮞ ﺗﮭﯽ، academic ﻗﺎﺑﻠﯿﺖ ﻣﯿﮟ، ﻧﺼﺎﺑﯽ ﺍﻭﺭ ﻏﯿﺮ ﻧﺼﺎﺑﯽ ﺳﺮﮔﺮﻣﯿﻮﮞ ﻣﯿﮟ ﺍﻭﺭ ﭘﮭﺮ ﺍﭘﻨﯽ personality ﮐﯽ ﻭﺟﮧ ﺳﮯ ﺑﮭﯽ … ﻭﮦ ﺍﭘﻨﮯ batch ﮐﯽ ﻧﮧ ﺻﺮﻑ ﺣﺴﯿﻦ ﺑﻠﮑﮧ ﺑﮯ ﺣﺪ ﺳﭩﺎﺋﻠﺶ ﻟﮍﮐﯿﻮﮞ ﻣﯿﮟ ﮔﺮﺩﺍﻧﯽ ﺟﺎﺗﯽ ﺗﮭﯽ … ﺑﮯ ﺣﺪ practicing ﻣﺴﻠﻤﺎﻥ ﮨﻮﺗﮯ ﮨﻮﺋﮯ ﺑﮭﯽ ﺍﻭﺭ ﻣﮑﻤﻞ ﻃﻮﺭ ﭘﺮ ﺣﺠﺎﺏ ﺍﻭﮌﮬﮯ ﮨﻮﺋﮯ ﺑﮭﯽ … ﺣﺠﺎﺏ ﻋﺎﺋﺸﮧ ﻋﺎﺑﺪﯾﻦ ﭘﺮ ﺳﺠﺘﺎ ﺗﮭﺎ … ﯾﮧ ﺍُﺱ ﮐﮯ charisma ﮐﻮ ﺑﮍﮬﺎﻧﮯ ﮐﯽ ﭼﯿﺰ ﺗﮭﯽ ﺍﻭﺭ ﯾﮧ ﺭﺍﺋﮯ ﺍُﺱ ﮐﮯ ﺑﺎﺭﮮ ﻣﯿﮟ ﻟﮍﮐﮯ ﺍﻭﺭ ﻟﮍﮐﯿﻮﮞ ﮐﯽ ﻣﺘﻔﻘﮧ ﺭﺍﺋﮯ ﺗﮭﯽ … ﺍﻭﺭ ﺍﺏ ﺍُﺱ ﻟﮍﮐﯽ ﮐﮯ ﻟﺌﮯ ﺍﺣﺴﻦ ﺳﻌﺪ ﮐﺎ ﭘﺮﻭﭘﻮﺯﻝ ﺁﯾﺎ ﺗﮭﺎ، ﺟﺲ ﮐﯽ ﻓﯿﻤﻠﯽ ﮐﻮ ﺍُﺱ ﮐﮯ ﻧﺎﻧﺎ ﻧﺎﻧﯽ ﻧﮯ ﭘﮩﻠﯽ ﻣﻼﻗﺎﺕ ﻣﯿﮟ ﮨﯽ Ok ﮐﺮ ﺩﯾﺎ ﺗﮭﺎ۔ ﭘﺘﮧ ﻧﮩﯿﮟ ﮐﻮﻥ ” ﺳﺎﺩﮦ ” ﺗﮭﺎ … ﺍُﺱ ﮐﮯ ﻧﺎﻧﺎ، ﻧﺎﻧﯽ ﺟﻨﮩﯿﮟ ﺍﺣﺴﻦ ﮐﮯ ﻣﺎﮞ ﺑﺎﭖ ﺑﮩﺖ ﺷﺮﯾﻒ ﺍﻭﺭ ﺳﺎﺩﮦ ﻟﮕﮯ ﺗﮭﮯ ﯾﺎ ﭘﮭﺮ ﻭﮦ ﺧﻮﺩ ﮐﮧ ﺍﻧﮩﻮﮞ ﻧﮯ ﺍُﺱ ﺧﺎﻧﺪﺍﻥ ﮐﮯ ﺑﺎﺭﮮ ﻣﯿﮟ ﻟﻤﺒﯽ ﭼﻮﮌﯼ ﺗﺤﻘﯿﻖ ﺻﺮﻑ ﺍﺱ ﻟﺌﮯ ﻧﮩﯿﮟ ﮐﺮﻭﺍﺋﯽ ﮐﯿﻮﻧﮑﮧ ﺍﻧﮩﻮﮞ ﻧﮯ ﺍﺣﺴﻦ ﺳﻌﺪ ﮐﮯ ﻣﺎﮞ ﺑﺎﭖ ﮐﯽ ﺩﯾﻨﺪﺍﺭﯼ ﮐﺎ ﭘﺎﺱ ﮐﯿﺎ ﺗﮭﺎ۔ ﻟﯿﮑﻦ ﺍﺱ ﮐﮯ ﺑﺎﻭﺟﻮﺩ ﺍﻧﮩﻮﮞ ﻧﮯ ﺷﺎﺩﯼ ﺳﮯ ﭘﮩﻠﮯ ﺍﺣﺴﻦ ﺳﻌﺪ ﺍﻭﺭ ﻋﺎﺋﺸﮧ ﮐﯽ ﺍﯾﮏ ﻣﻼﻗﺎﺕ ﮐﺮﻭﺍﻧﺎ ﺿﺮﻭﺭﯼ ﺳﻤﺠﮭﺎﺗﮭﺎ … ﺍﺣﺴﻦ ﺳﻌﺪ ﺍُﺱ ﻭﻗﺖ ﺍﻣﺮﯾﮑﮧ ﻣﯿﮟ ﺭﯾﺬﯾﮉﻧﺴﯽ ﮐﺮﺭﮨﺎ ﺗﮭﺎ ﺍﻭﺭ ﭼﮭﭩﯿﻮﮞ ﻣﯿﮟ ﭘﺎﮐﺴﺘﺎﻥ ﺁﯾﺎ ﮨﻮﺍ ﺗﮭﺎ۔ ﺍﺣﺴﻦ ﺳﻌﺪ ﺳﮯ ﭘﮩﻠﯽ ﻣﻼﻗﺎﺕ ﻣﯿﮟ ﻋﺎﺋﺸﮧ ﮐﻮ ﺍﯾﮏ ﻟﻤﺒﮯ ﻋﺮﺻﮧ ﮐﮯ ﺑﻌﺪ ﺟﺒﺮﯾﻞ ﯾﺎﺩ ﺁﯾﺎ ﺗﮭﺎ … ﺍُﺳﮯ ﻭﮦ ﺟﺒﺮﯾﻞ ﮐﯽ ﻃﺮﺡ ﮐﯿﻮﮞ ﻟﮕﺎ ﺗﮭﺎ، ﻋﺎﺋﺸﮧ ﮐﻮ ﺍﺱ ﺳﻮﺍﻝ ﮐﺎ ﺟﻮﺍﺏ ﮐﺒﮭﯽ ﻧﮩﯿﮟ ﻣﻼ۔ ﻭﮦ ﺷﮑﻞ ﻭ ﺻﻮﺭﺕ ﻣﯿﮟ ﺻﺮﻑ ﻣﻨﺎﺳﺐ ﺗﮭﺎ، ﺗﻌﻠﯿﻤﯽ ﻗﺎﺑﻠﯿﺖ ﻣﯿﮟ ﺑﮯ ﺣﺪ ﺍﭼﮭﺎ … ﺍﻭﺭ ﺑﺎﺕ ﭼﯿﺖ ﻣﯿﮟ ﺑﮯ ﺣﺪ ﻣﺤﺘﺎﻁ … ﺍُﺱ ﮐﺎ ﭘﺴﻨﺪﯾﺪﮦ ﻣﻮﺿﻮﻉ ﺻﺮﻑ ﺍﯾﮏ ﺗﮭﺎ ﻣﺬﮨﺐ، ﺟﺲ ﭘﺮ ﻭﮦ ﮔﮭﻨﭩﻮﮞ ﺑﺎﺕ ﮐﺮﺳﮑﺘﺎ ﺗﮭﺎ ﺍﻭﺭ ﺍُﺱ ﮐﮯ ﺍﻭﺭ ﻋﺎﺋﺸﮧ ﻋﺎﺑﺪﯾﻦ ﮐﮯ ﺩﺭﻣﯿﺎﻥ connecting factor ﯾﮩﯽ ﺗﮭﺎ … ﭘﮩﻠﯽ ﮨﯽ ﻣﻼﻗﺎﺕ ﻣﯿﮟ ﻭﮦ ﺩﻭﻧﻮﮞ ﻣﺬﮨﺐ ﮐﯽ ﺑﺎﺕ ﮐﺮﻧﮯ ﻟﮕﮯ ﺗﮭﮯ ﺍﻭﺭ ﻋﺎﺋﺸﮧ ﻋﺎﺑﺪﯾﻦ ﺍُﺱ ﮐﮯ awe ﻣﯿﮟ ﺁﺋﯽ ﺗﮭﯽ۔ ﻭﮦ ﺣﺎﻓﻆِ ﻗﺮﺁﻥ ﺗﮭﺎ ﺍﻭﺭ ﻭﮦ ﺍُﺳﮯ ﺑﺘﺎﺭﮨﺎ ﺗﮭﺎ ﮐﮧ ﺍُﺱ ﮐﯽ ﺯﻧﺪﮔﯽ ﻣﯿﮟ ﮐﺒﮭﯽ ﮐﺴﯽ ﻟﮍﮐﯽ ﮐﮯ ﺳﺎﺗﮫ ﺩﻭﺳﺘﯽ ﻧﮩﯿﮟ ﺭﮨﯽ، ﻭﮦ ﻋﺎﻡ ﻟﮍﮐﻮﮞ ﮐﯽ ﻃﺮﺡ ﮐﺴﯽ ﺍُﻟﭩﯽ ﺳﯿﺪﮬﯽ ﺣﺮﮐﺘﻮﮞ ﻣﯿﮟ ﻧﮩﯿﮟ ﭘﮍﺍ … ﻭﮦ ﻣﺬﮨﺐ ﮐﮯ ﺑﺎﺭﮮ ﻣﯿﮟ ﺟﺎﻣﻊ ﻣﻌﻠﻮﻣﺎﺕ ﺭﮐﮭﺘﺎ ﺗﮭﺎ … ﺍﻭﺭ ﻭﮦ ﻣﻌﻠﻮﻣﺎﺕ ﻋﺎﺋﺸﮧ ﺳﮯ ﺑﮯ ﺣﺪ ﺯﯾﺎﺩﮦ ﺗﮭﯿﮟ ﻟﯿﮑﻦ ﻭﮦ ﺍﯾﮏ ﺳﺎﺩﮦ ﺯﻧﺪﮔﯽ ﮔﺰﺍﺭﻧﺎ ﭼﺎﮨﺘﺎ ﺗﮭﺎ ﺍﻭﺭ ﻋﺎﺋﺸﮧ ﺑﮭﯽ ﯾﮩﯽ ﭼﺎﮨﺘﯽ ﺗﮭﯽ … ﺍﯾﮏ ﻋﻤﻠﯽ ﻣﺴﻠﻤﺎﻥ ﮔﮭﺮﺍﻧﮯ ﮐﮯ ﺧﻮﺍﺏ ﺩﯾﮑﮭﺘﮯ ﮨﻮﺋﮯ … ﻭﮦ ﺍﺣﺴﻦ ﺳﻌﺪ ﺳﮯ ﻣﺘﺎﺛﺮ ﮨﻮﺋﯽ ﺗﮭﯽ ﺍﻭﺭ ﺍُﺱ ﮐﺎ ﺧﯿﺎ ﻝ ﺗﮭﺎ ﻭﮦ ﺍﭘﻨﯽ ﻋﻤﺮ ﮐﮯ ﺩﻭﺳﺮﮮ ﻟﮍﮐﻮﮞ ﺳﮯ ﺑﮯ ﺣﺪ mature ﺍﻭﺭ ﻣﺨﺘﻠﻒ ﺗﮭﺎ … ﻭﮦ ﺍﮔﺮ ﮐﺒﮭﯽ ﺷﺎﺩﯼ ﮐﺮﻧﮯ ﮐﺎ ﺳﻮﭼﺘﯽ ﺗﮭﯽ ﺗﻮ ﺍﯾﺴﮯ ﮨﯽ ﺁﺩﻣﯽ ﺳﮯ ﺷﺎﺩﯼ ﮐﺮﻧﮯ ﮐﺎ ﺳﻮﭼﺘﯽ ﺗﮭﯽ … ﺍﺣﺴﻦ ﺳﻌﺪ ﭘﮩﻠﯽ ﻣﻼﻗﺎﺕ ﻣﯿﮟ ﺍُﺳﮯ ﻣﺘﺎﺛﺮ ﮐﺮﻧﮯ ﻣﯿﮟ ﮐﺎﻣﯿﺎﺏ ﺭﮨﺎ … ﺍُﺱ ﮐﯽ ﻓﯿﻤﻠﯽ ﺍُﺱ ﮐﮯ ﮔﮭﺮ ﻭﺍﻟﻮﮞ ﺳﮯ ﭘﮩﻠﮯ ﮨﯽ ﻣﺘﺎﺛﺮ ﺗﮭﯽ … ﯾﮧ ﺻﺮﻑ ﻧﻮﺭﯾﻦ ﺍﻟﮩﯽٰ ﺗﮭﯽ ﺟﺲ ﻧﮯ ﺍﺣﺴﻦ ﮐﯽ ﻓﯿﻤﻠﯽ ﭘﺮ ﮐﭽﮫ ﺍﻋﺘﺮﺍﺿﺎﺕ ﮐﺌﮯ ﺗﮭﮯ۔ ﺍُﺳﮯ ﻭﮦ ﺑﮯ ﺣﺪ ” ﮐﭩّﺮ ” ﻟﮕﮯ ﺗﮭﮯ ﺍﻭﺭ ﺍُﺱ ﮐﯽ ﺍﺱ ﺭﺍﺋﮯ ﮐﻮ ﺍُﺱ ﮐﮯ ﺍﭘﻨﮯ ﻣﺎﮞ ﺑﺎﭖ ﻧﮯ ﯾﮧ ﮐﮩﺘﮯ ﮨﻮﺋﮯ ﺭﺩ ﮐﺮﺩﯾﺎ ﺗﮭﺎ ﮐﮧ ﻭﮦ ﺧﻮﺩ ﺿﺮﻭﺭﺕ ﺳﮯ ﺯﯾﺎﺩﮦ ﻟﺒﺮﻝ ﺗﮭﯽ ﺍﺱ ﻟﺌﮯ ﻭﮦ ﺍُﻧﮩﯿﮟ ﺍﺱ ﻧﻈﺮ ﺳﮯ ﺩﯾﮑﮫ ﺭﮨﯽ ﺗﮭﯽ۔ ﻧﻮﺭﯾﻦ ﺷﺎﯾﺪ ﮐﭽﮫ ﺍﻭﺭ ﺑﺤﺚ ﻭ ﻣﺒﺎﺣﺜﮧ ﮐﺮﺗﯽ ﺍﮔﺮ ﺍُﺳﮯ ﯾﮧ ﻧﮧ ﻣﺤﺴﻮﺱ ﮨﻮﺟﺎﺗﺎ ﮐﮧ ﻋﺎﺋﺸﮧ ﻋﺎﺑﺪﯾﻦ ﺑﮭﯽ ﻭﮨﯽ ﭼﺎﮨﺘﯽ ﺗﮭﯽ ﺟﻮ ﺍُﺱ ﮐﮯ ﻣﺎﮞ ﺑﺎﭖ ﭼﺎﮨﺘﮯ ﺗﮭﮯ۔ ﻧﻮﺭﯾﻦ ﺍﻟﮩﯽٰ ﻧﮯ ﺍﭘﻨﮯ ﺫﮨﻦ ﻣﯿﮟ ﺍﺑﮭﺮﻧﮯ ﻭﺍﻟﮯ ﺗﻤﺎﻡ ﺧﺪﺷﺎﺕ ﮐﻮ ﯾﮧ ﮐﮩﮧ ﮐﺮ ﺳُﻼ ﺩﯾﺎ ﺗﮭﺎ ﮐﮧ ﻋﺎﺋﺸﮧ ﮐﻮ ﺍﺣﺴﻦ ﮐﮯ ﻭﺍﻟﺪﯾﻦ ﮐﮯ ﭘﺎﺱ ﻧﮩﯿﮟ ﺭﮨﻨﺎ ﺗﮭﺎ … ﺍﻣﺮﯾﮑﮧ ﺍﺣﺴﻦ ﮐﮯ ﺳﺎﺗﮫ ﺭﮨﻨﺎ ﺗﮭﺎ ﺍﻭﺭ ﺍﻣﺮﯾﮑﮧ ﮐﺎ ﻣﺎﺣﻮﻝ ﺑﮍﮮ ﺑﮍﻭﮞ ﮐﻮ moderate ﮐﺮ ﺩﯾﺘﺎ ﺗﮭﺎ۔ ﺷﺎﺩﯼ ﺑﮩﺖ ﺟﻠﺪﯼ ﮨﻮﺋﯽ ﺗﮭﯽ ﺍﻭﺭ ﺑﮯ ﺣﺪ ﺳﺎﺩﮔﯽ ﺳﮯ … ﯾﮧ ﺍﺣﺴﻦ ﺳﻌﺪ ﮐﮯ ﻭﺍﻟﺪﯾﻦ ﮐﺎ ﻣﻄﺎﻟﺒﮧ ﺗﮭﺎ ﺍﻭﺭ ﻋﺎﺋﺸﮧ ﺍﻭﺭ ﺍُﺱ ﮐﮯ ﻧﺎﻧﺎ، ﻧﺎﻧﯽ ﺍُﺱ ﭘﺮ ﺑﮯ ﺣﺪ ﺧﻮﺵ ﺗﮭﮯ … ﻋﺎﺋﺸﮧ ﺍﯾﺴﯽ ﮨﯽ ﺷﺎﺩﯼ ﭼﺎﮨﺘﯽ ﺗﮭﯽ ﺍﻭﺭ ﯾﮧ ﺍُﺳﮯ ﺍﭘﻨﯽ ﺧﻮﺵ ﻗﺴﻤﺘﯽ ﻟﮕﯽ ﺗﮭﯽ ﮐﮧ ﺍُﺳﮯ ﺍﯾﺴﯽ ﺳﻮﭺ ﺭﮐﮭﻨﮯ ﻭﺍﻻ ﺳﺴﺮﺍﻝ ﻣﻞ ﮔﯿﺎ ﺗﮭﺎ۔ ﺍﺣﺴﻦ ﺳﻌﺪ ﮐﯽ ﻓﯿﻤﻠﯽ ﮐﯽ ﻃﺮﻑ ﺳﮯ ﺟﮩﯿﺰ ﮐﮯ ﺣﻮﺍﻟﮯ ﺳﮯ ﮐﻮﺋﯽ ﻣﻄﺎﻟﺒﮧ ﻧﮩﯿﮟ ﺁﯾﺎ ﺗﮭﺎ ﺑﻠﮑﮧ ﺍﻧﮩﻮﮞ ﻧﮯ ﺳﺨﺘﯽ ﺳﮯ ﻋﺎﺋﺸﮧ ﮐﮯ ﻧﺎﻧﺎ ﻧﺎﻧﯽ ﮐﻮ ﺍُﻥ ﺭﻭﺍﯾﺘﯽ ﺗﮑﻠﻔﺎﺕ ﺳﮯ ﻣﻨﻊ ﮐﯿﺎ ﺗﮭﺎ۔ ﻣﮕﺮ ﯾﮧ ﻋﺎﺋﺸﮧ ﮐﯽ ﻓﯿﻤﻠﯽ ﮐﮯ ﻟﺌﮯ ﺍﺱ ﻟﺌﮯ ﻣﻤﮑﻦ ﻧﮩﯿﮟ ﺗﮭﺎ ﮐﯿﻮﻧﮑﮧ ﻋﺎﺋﺸﮧ ﮐﮯ ﻟﺌﮯ ﺍُﺱ ﮐﮯ ﻧﺎﻧﺎ ﻧﺎﻧﯽ ﺑﮩﺖ ﮐﭽﮫ ﺧﺮﯾﺪﺗﮯ ﺭﮨﺘﮯ ﺗﮭﮯ ﺍﻭﺭ ﺟﺲ ﮐﻼﺱ ﺳﮯ ﻭﮦ ﺗﻌﻠﻖ ﺭﮐﮭﺘﯽ ﺗﮭﯽ ، ﻭﮨﺎﮞ ﺟﮩﯿﺰ ﺳﮯ ﺯﯾﺎﺩﮦ ﻣﺎﻟﯿﺖ ﮐﮯ ﺗﺤﺎﺋﻒ ﺩﻟﮩﻦ ﮐﮯ ﺧﺎﻧﺪﺍﻥ ﮐﯽ ﻃﺮﻑ ﺳﮯ ﻣﻮﺻﻮﻝ ﮨﻮﺟﺎﺗﮯ ﺗﮭﮯ ﺍﻭﺭ ﻋﺎﺋﺸﮧ ﮐﯽ ﺷﺎﺩﯼ ﮐﯽ ﺗﻘﺮﯾﺐ ﻣﯿﮟ ﺑﮭﯽ ﺍﯾﺴﺎ ﮨﯽ ﮨﻮﺍ ﺗﮭﺎ۔ ﺑﮩﺖ ﺳﺎﺩﮔﯽ ﺳﮯ ﮐﯽ ﺟﺎﻧﮯ ﻭﺍﻟﯽ ﺗﻘﺮﯾﺐ ﺑﮭﯽ ﺷﮩﺮ ﮐﮯ ﺍﯾﮏ ﺑﮩﺘﺮﯾﻦ ﮨﻮﭨﻞ ﻣﯿﮟ ﻣﻨﻌﻘﺪ ﮨﻮﺋﯽ ﺗﮭﯽ، ﺍﺣﺴﻦ ﺳﻌﺪ ﺍﻭﺭ ﺍُﺱ ﮐﮯ ﺧﺎﻧﺪﺍﻥ ﮐﻮ ﻋﺎﺋﺸﮧ ﺍﻭﺭ ﺍُﺱ ﮐﯽ ﻓﯿﻤﻠﯽ ﮐﯽ ﻃﺮﻑ ﺳﮯ ﺩﯾﮯ ﺟﺎﻧﮯ ﻭﺍﻟﮯ ﺗﺤﺎﺋﻒ ﮐﯽ ﻣﺎﻟﯿﺖ ﺑﮯ ﺷﮏ ﻻﮐﮭﻮﮞ ﻣﯿﮟ ﺗﮭﯽ ﻣﮕﺮ ﺍﺱ ﮐﮯ ﺑﺮﻋﮑﺲ ﺷﺎﺩﯼ ﭘﺮ ﺩﯾﮯ ﺟﺎﻧﮯ ﻭﺍﻟﮯ ﻋﺎﺋﺸﮧ ﮐﮯ ﻣﻠﺒﻮﺳﺎﺕ ﺍﻭﺭ ﺯﯾﻮﺭﺍﺕ ﺍﺣﺴﻦ ﺳﻌﺪ ﮐﮯ ﺧﺎﻧﺪﺍﻧﯽ ﺭﮐﮫ ﺭﮐﮭﺎﺅ ﺍﻭﺭ ﻣﺎﻟﯽ ﺣﯿﺜﯿﺖ ﺳﮯ ﻣﻄﺎﺑﻘﺖ ﻧﮩﯿﮟ ﺭﮐﮭﺘﮯ ﺗﮭﮯ … ﻭﮦ ﺻﺮﻑ ﻣﻨﺎﺳﺐ ﺗﮭﮯ … ﻋﺎﺋﺸﮧ ﮐﯽ ﻓﯿﻤﻠﯽ ﮐﺎ ﺩﻝ ﺑﺮﺍ ﮨﻮﺍ ﺗﮭﺎ ﻟﯿﮑﻦ ﻋﺎﺋﺸﮧ ﻧﮯ ﺍُﻧﮩﯿﮟ ﺳﻤﺠﮭﺎﯾﺎ ﺗﮭﺎ ﺍُﺱ ﮐﺎ ﺧﯿﺎﻝ ﺗﮭﺎ، ﻭﮦ ” ﺳﺎﺩﮔﯽ ” ﺳﮯ ﺷﺎﺩﯼ ﮐﺮﻧﺎ ﭼﺎﮨﺘﮯ ﺗﮭﮯ ﺍﻭﺭ ﺍﮔﺮ ﺍﻧﮩﻮﮞ ﻧﮯ ﺯﯾﻮﺭﺍﺕ ﺍﻭﺭ ﺷﺎﺩﯼ ﮐﮯ ﻣﻠﺒﻮﺳﺎﺕ ﭘﺮ ﺑﮭﯽ ﺑﮩﺖ ﺯﯾﺎﺩﮦ ﭘﯿﺴﮧ ﺧﺮﭺ ﻧﮩﯿﮟ ﮐﯿﺎ ﺗﻮ ﺑﮭﯽ ﯾﮧ ﻧﺎﺧﻮﺵ ﮨﻮﻧﮯ ﻭﺍﻟﯽ ﺑﺎﺕ ﻧﮩﯿﮟ ﺗﮭﯽ، ﮐﻢ ﺍﺯ ﮐﻢ ﺍُﺱ ﮐﺎ ﺩﻝ ﺻﺮﻑ ﺍﻥ ﭼﮭﻮﭨﯽ ﻣﻮﭨﯽ ﺑﺎﺗﻮﮞ ﮐﯽ ﻭﺟﮧ ﺳﮯ ﮐﮭﭩّﺎ ﻧﮩﯿﮟ ﮨﻮﺍ ﺗﮭﺎ۔ ﺍُﺱ ﮐﺎ ﺩﻝ ﺷﺎﺩﯼ ﮐﯽ ﺭﺍﺕ ﺍُﺱ ﻭﻗﺖ ﺑﮭﯽ ﮐﮭﭩّﺎ ﻧﮩﯿﮟ ﮨﻮﺍ ﺗﮭﺎ، ﺟﺐ ﮐﻤﺮﮮ ﻣﯿﮟ ﺁﻧﮯ ﮐﮯ ﺑﻌﺪ ﺍُﺱ ﮐﮯ ﻗﺮﯾﺐ ﺑﯿﭩﮫ ﮐﺮ ﭘﮩﻼ ﺟﻤﻠﮧ ﺍﺣﺴﻦ ﺳﻌﺪ ﻧﮯ ﺍﭘﻨﯽ ﻧﺌﯽ ﻧﻮﯾﻠﯽ ﺩﻟﮩﻦ ﺍﻭﺭ ﺍُﺱ ﮐﮯ ﺣﺴﻦ ﭘﺮ ﻧﮩﯿﮟ ﮐﮩﺎ ﺗﮭﺎ ﺑﻠﮑﮧ ﺍُﺱ ﮐﯽ ﻣﺎﮞ ﮐﮯ ﺣﻮﺍﻟﮯ ﺳﮯ ﮐﮩﺎ ﺗﮭﺎ۔ ” ﺗﻤﮩﺎﺭﯼ ﻣﺎﮞ ﮐﻮ ﺷﺮﻡ ﻧﮩﯿﮟ ﺁﺗﯽ … ﺍﺱ ﻋﻤﺮ ﻣﯿﮟ ﻓﺎﺣﺸﺎﺅﮞ ﮐﯽ ﻃﺮﺡ sleeveless ﻟﺒﺎﺱ ﭘﮩﻦ ﮐﺮ ﻣﺮﺩﻭﮞ ﮐﮯ ﺳﺎﺗﮫ ﭨﮭﭩﮭﮯ ﻟﮕﺎﺗﯽ ﭘﮭﺮ ﺭﮨﯽ ﮨﮯ … ﺍﻭﺭ ﺍُﺳﯽ ﻃﺮﺡ ﺗﻤﮩﺎﺭﯼ ﺑﮩﻨﯿﮟ ﺍﻭﺭ ﺗﻤﮩﺎﺭﮮ ﺧﺎﻧﺪﺍﻥ ﮐﯽ ﺳﺎﺭﯼ ﻋﻮﺭﺗﯿﮟ ﭘﺘﮧ ﻧﮩﯿﮟ ﺁﺝ ﮐﯿﺎ ﭘﮩﻦ ﮐﺮ ﺷﺎﺩﯼ ﻣﯿﮟ ﺷﺮﮐﺖ ﮐﺮﻧﮯ ﭘﮩﻨﭽﯽ ﮨﻮﺋﯽ ﺗﮭﯿﮟ۔ ” ﻋﺎﺋﺸﮧ ﮐﺎ ﺍﻧﺪﺭ ﮐﺎ ﺳﺎﻧﺲ ﺍﻧﺪﺭ ﺍﻭﺭ ﺑﺎﮨﺮ ﮐﺎ ﺑﺎﮨﺮ ﺭﮦ ﮔﯿﺎ ﺗﮭﺎ، ﺟﻮ ﺍُﺱ ﻧﮯ ﺍﭘﻨﮯ ﮐﺎﻧﻮﮞ ﺳﮯ ﺳُﻨﺎ ﺗﮭﺎ، ﺍُﺳﮯ ﺍُﺱ ﭘﺮ ﯾﻘﯿﻦ ﻧﮩﯿﮟ ﺁﯾﺎ ﺗﮭﺎ ، ﺍﺣﺴﻦ ﮐﺎ ﯾﮧ ﻟﺐ ﻭﻟﮩﺠﮧ ﺍﺗﻨﺎ ﻧﯿﺎ ﺍﻭﺭ ﺍﺟﻨﺒﯽ ﺗﮭﺎ ﮐﮧ ﺍُﺳﮯ ﯾﻘﯿﻦ ﺁ ﺑﮭﯽ ﻧﮩﯿﮟ ﺳﮑﺘﺎ ﺗﮭﺎ، ﺍُﻥ ﮐﮯ ﺩﺭﻣﯿﺎﻥ ﻧﺴﺒﺖ ﻃﮯ ﮨﻮﻧﮯ ﮐﮯ ﺑﻌﺪ ﻭﻗﺘﺎً ﻓﻮﻗﺘﺎً ﺑﺎﺕ ﭼﯿﺖ ﮨﻮﺗﯽ ﺭﮨﯽ ﺗﮭﯽ ﺍﻭﺭ ﻭﮦ ﮨﻤﯿﺸﮧ ﺑﮍﮮ ﺧﻮﺷﮕﻮﺍﺭ ﺍﻧﺪﺍﺯ ﺍﻭﺭ ﺩﮬﯿﻤﮯ ﻟﺐ ﻭ ﻟﮩﺠﮧ ﻣﯿﮟ ﺑﮍﯼ ﺷﺎﺋﺴﺘﮕﯽ ﺍﻭﺭ ﺗﻤﯿﺰ ﮐﮯ ﺳﺎﺗﮫ ﺑﺎﺕ ﮐﺮﺗﺎ ﺗﮭﺎ، ﺍﺗﻨﺎ ﺍﮐﮭﮍ ﻟﮩﺠﮧ ﺍُﺱ ﻧﮯ ﭘﮩﻠﯽ ﺑﺎﺭ ﺳُﻨﺎ ﺗﮭﺎ ﺍﻭﺭ ﺟﻮ ﻟﻔﻆ ﻭﮦ ﺍُﺱ ﮐﯽ ﻣﺎﮞ ﺍﻭﺭ ﺧﺎﻧﺪﺍﻥ ﮐﯽ ﻋﻮﺭﺗﻮﮞ ﮐﮯ ﻟﺌﮯ ﺍﺳﺘﻌﻤﺎﻝ ﮐﺮ ﺭﮨﺎ ﺗﮭﺎ، ﻭﮦ ﻋﺎﺋﺸﮧ ﻋﺎﺑﺪﯾﻦ ﮐﮯ ﻟﺌﮯ ﻧﺎﻗﺎﺑﻞِ ﯾﻘﯿﻦ ﺗﮭﮯ۔ ” ﺗﻤﮩﺎﺭﯼ ﻣﺎﮞ ﮐﻮ ﮐﯿﺎ ﺁﺧﺮﺕ ﮐﺎ ﺧﻮﻑ ﻧﮩﯿﮟ ﮨﮯ؟ ﻣﺴﻠﻤﺎﻥ ﮔﮭﺮﺍﻧﮯ ﮐﯽ ﻋﻮﺭﺕ ﺍﯾﺴﯽ ﮨﻮﺗﯽ ﮨﮯ؟ ﺍﻭﺭ ﭘﮭﺮ ﺑﯿﻮﮦ ﮨﮯ ﻭﮦ۔ ” ﻋﺎﺋﺸﮧ ﺁﻧﮑﮭﯿﮟ ﭘﮭﺎﮌﮮ ﺍُﺱ ﮐﺎ ﭼﮩﺮﮦ ﺩﯾﮑﮫ ﺭﮨﯽ ﺗﮭﯽ، ﻭﮦ ﺍُﺳﮯ ﯾﮧ ﺳﺐ ﮐﯿﻮﮞ ﺳُﻨﺎ ﺭﮨﺎ ﺗﮭﺎ؟ ﺍُﺱ ﮐﯽ ﺳﻤﺠﮫ ﻣﯿﮟ ﻧﮩﯿﮟ ﺁﺭﮨﺎ ﺗﮭﺎ۔ ﻭﮦ ﺍﯾﮏ ﺩﻥ ﮐﯽ ﺩﻟﮩﻦ ﺗﮭﯽ ﺍﻭﺭ ﯾﮧ ﻭﮦ ﻟﻔﻆ ﻧﮩﯿﮟ ﺗﮭﮯ ﺟﻮ ﻭﮦ ﺳﻨﻨﮯ ﮐﮯ ﻟﺌﮯ ﺍﭘﻨﯽ ﺯﻧﺪﮔﯽ ﮐﮯ ﺍﯾﮏ ﺍﮨﻢ ﺩﻥ ﮐﮯ ﺍﻧﺘﻈﺎﺭ ﻣﯿﮟ ﺗﮭﯽ۔ ﻭﮦ ﺁﺩﮬﺎ ﮔﮭﻨﭩﮧ ﺍﯾﺴﯽ ﻋﻮﺭﺗﻮﮞ ﮐﮯ ﺑﺎﺭﮮ ﻣﯿﮟ ﻟﻌﻨﺖ ﻣﻼﻣﺖ ﮐﺮﺗﺎ ﺭﮨﺎ ﺗﮭﺎ ﺍﻭﺭ ﺍُﺳﮯ ﯾﮧ ﺑﮭﯽ ﺑﺘﺎﺗﺎ ﺭﮨﺎ ﺗﮭﺎ ﮐﮧ ﺍُﺱ ﮐﯽ ﻓﯿﻤﻠﯽ ﮐﻮ ﯾﮧ ﺍﻧﺪﺍﺯﮦ ﻧﮩﯿﮟ ﺗﮭﺎ ﮐﮧ ﺍُﺱ ﮐﯽ ﻣﺎﮞ ﺍﻭﺭ ﺑﮩﻨﯿﮟ ﺍﺗﻨﯽ ﺁﺯﺍﺩ ﺧﯿﺎﻝ ﺗﮭﯿﮟ ﺍﻭﺭ ﺍﻣﺮﯾﮑﮧ ﻣﯿﮟ ﺍُﻥ ﮐﺎ ﯾﮧ ﻻﺋﻒ ﺳﭩﺎﺋﻞ ﺗﮭﺎ … ﺍﻧﮩﻮﮞ ﻧﮯ ﺗﻮ ﺍُﺱ ﮐﮯ ﻧﺎﻧﺎ ﻧﺎﻧﯽ ﺍﻭﺭ ﺧﻮﺩ ﺍُﺳﮯ ﺩﯾﮑﮫ ﮐﺮ ﯾﮧ ﺭﺷﺘﮧ ﻃﮯ ﮐﯿﺎ ﺗﮭﺎ۔ ﻭﮦ ﺍﺣﺴﻦ ﺳﻌﺪ ﺳﮯ ﯾﮧ ﮐﮩﻨﮯ ﮐﯽ ﺟﺮﺍﺕ ﻧﮩﯿﮟ ﮐﺮﺳﮑﯽ ﮐﮧ ﻭﮦ ﺍﺱ ﺭﺷﺘﮧ ﮐﮯ ﻃﮯ ﮨﻮﻧﮯ ﭘﮩﻠﮯ ﺍﻣﺮﯾﮑﮧ ﻣﯿﮟ ﺩﻭ ﺗﯿﻦ ﺑﺎﺭ ﺍُﺱ ﮐﯽ ﻣﺎﮞ ﺍﻭﺭ ﺑﮩﻨﻮﮞ ﺳﮯ ﻣﻞ ﭼﮑﺎ ﺗﮭﺎ … ﺍﻭﺭ ﻧﺴﺒﺖ ﻃﮯ ﮨﻮﺗﮯ ﮨﻮﺋﮯ ﺑﮭﯽ ﺍُﺱ ﮐﯽ ﻓﯿﻤﻠﯽ ﺍُﺱ ﮐﯽ ﻣﺎﮞ ﺍﻭﺭ ﺑﮩﻨﻮﮞ ﺳﮯ ﻣﻞ ﭼﮑﯽ ﺗﮭﯽ … ﻭﮦ ﺁﺯﺍﺩ ﺧﯿﺎﻝ ﺗﮭﮯ ﺗﻮ ﯾﮧ ﺍُﻥ ﺳﮯ ﭼﮭﭙﺎ ﮨﻮﺍ ﻧﮩﯿﮟ ﺗﮭﺎ ﺟﺲ ﮐﺎ ﺍﻧﮑﺸﺎﻑ ﺍُﺱ ﺭﺍﺕ ﮨﻮﻧﮯ ﭘﺮ ﻭﮦ ﯾﻮﮞ ﺻﺪﻣﮧ ﺯﺩﮦ ﮨﻮﮔﺌﮯ ﺗﮭﮯ۔ ﺍﺣﺴﻦ ﺳﻌﺪ ﮐﮯ ﭘﺎ ﺱ ﻣﺬﮨﺐ ﮐﯽ ﺍﯾﺴﯽ ﺗﻠﻮﺍﺭ ﺗﮭﯽ ﺟﺲ ﮐﮯ ﺳﺎﻣﻨﮯ ﻋﺎﺋﺸﮧ ﻋﺎﺑﺪﯾﻦ ﺑﻮﻟﻨﮯ ﮐﯽ ﮨﻤﺖ ﻧﮩﯿﮟ ﮐﺮﺳﮑﺘﯽ ﺗﮭﯽ۔ ﺍُﺱ ﻧﮯ ﺩﻝ ﮨﯽ ﺩﻝ ﻣﯿﮟ ﯾﮧ ﻣﺎﻥ ﻟﯿﺎ ﺗﮭﺎ ﮐﮧ ﻏﻠﻄﯽ ﺍُﺱ ﮐﯽ ﻣﺎﮞ ﺍﻭﺭ ﺑﮩﻨﻮﮞ ﮨﯽ ﮐﯽ ﺗﮭﯽ … ﻭﮦ ﺍﺳﻼﻣﯽ ﻟﺤﺎﻅ ﺳﮯ ﻣﻨﺎﺳﺐ ﻟﺒﺎﺱ ﻣﯿﮟ ﻧﮩﯿﮟ ﺗﮭﯿﮟ ﺍﻭﺭ ﺍﺣﺴﻦ ﺍﻭﺭ ﺍُﺱ ﮐﯽ ﻓﯿﻤﻠﯽ ﺍﮔﺮ ﺧﻔﺎ ﺗﮭﯽ ﺗﻮ ﺷﺎﯾﺪ ﯾﮧ ﺟﺎﺋﺰ ﮨﯽ ﺗﮭﺎ۔ ﺍُﺱ ﺭﺍﺕ ﺍﺣﺴﻦ ﺳﻌﺪ ﻧﮯ ﺍﺱ ﺍﺑﺘﺪﺍﺋﯿﮯ ﮐﮯ ﺑﻌﺪ ﺍﯾﮏ ﻟﻤﺒﯽ ﺗﻘﺮﯾﺮ ﻣﯿﮟ ﺍُﺳﮯ ﺑﯿﻮﯼ ﺍﻭﺭ ﺍﯾﮏ ﻋﻮﺭﺕ ﮐﯽ ﺣﯿﺜﯿﺖ ﺳﮯ ﺍُﺱ ﮐﺎ ﺩﺭﺟﮧ ﺍﻭﺭ ﻣﻘﺎﻡ ﺳﻨﺎ ﺍﻭﺭ ﺳﻤﺠﮭﺎ ﺩﯾﺎ ﺗﮭﺎ … ﺟﻮ ﺳﯿﮑﻨﮉﺭﯼ ﺗﮭﺎ … ﻭﮦ ﺳﺮ ﮨﻼﺗﯽ ﺭﮨﯽ ﺗﮭﯽ … ﻭﮦ ﺳﺎﺭﯼ ﺁﯾﺎﺕ ﺍﻭﺭ ﺍﺣﺎﺩﯾﺚ ﮐﮯ ﺣﻮﺍﻟﮯ ﺁﺝ ﮐﯽ ﺭﺍﺕ ﮐﮯ ﻟﺌﮯ ﮨﯽ ﺟﯿﺴﮯ ﺍﮐﭩﮭﺎ ﮐﺮﺗﺎ ﺭﮨﺎ ﺗﮭﺎ … ﻭﮦ ﺑﮯ ﺣﺪ ﺧﺎﻣﻮﺷﯽ ﺳﮯ ﺳﺐ ﮐﭽﮫ ﺳُﻨﺘﯽ ﮔﺌﯽ ﺗﮭﯽ … ﻭﮦ ﻭﻗﺘﯽ ﻏﺼﮧ ﻧﮩﯿﮟ ﺗﮭﺎ، ﻭﮦ ﺍﺭﺍﺩﺗﺎً ﺗﮭﺎ … ﻭﮦ ﺍُﺳﮯ ﻧﻔﺴﯿﺎﺗﯽ ﻃﻮﺭ ﭘﺮ ﮨﻼﺩﯾﻨﺎ ﭼﺎﮨﺘﺎ ﺗﮭﺎ ﺍﻭﺭ ﻭﮦ ﺍُﺱ ﻣﯿﮟ ﮐﺎﻣﯿﺎﺏ ﺭﮨﺎ ﺗﮭﺎ۔ﻋﺎﺋﺸﮧ ﺟﯿﺴﯽ ﭘﺮ ﺍﻋﺘﻤﺎﺩ ﻟﮍﮐﯽ ﮐﯽ ﺷﺨﺼﯿﺖ ﭘﺮ ﯾﮧ ﭘﮩﻠﯽ ﺿﺮﺏ ﺗﮭﯽ ﺟﻮ ﺍُﺱ ﻧﮯ ﻟﮕﺎﺋﯽ ﺗﮭﯽ … ﺍُﺱ ﻧﮯ ﺍُﺳﮯ ﺑﺘﺎﯾﺎ ﺗﮭﺎ ﮐﮧ ﺍُﺱ ﮔﮭﺮ ﺍﻭﺭ ﺍُﺱ ﮐﯽ ﺯﻧﺪﮔﯽ ﻣﯿﮟ ﻭﮦ ﺍُﺱ ﮐﮯ ﻣﺎﮞ ﺑﺎﭖ ﺍﻭﺭ ﺑﮩﻨﻮﮞ ﮐﮯ ﺑﻌﺪ ﺁﺗﯽ ﮨﮯ … ﺍﻭﺭ ﮨﺎﮞ ﺍﺱ ﻓﮩﺮﺳﺖ ﻣﯿﮟ ﺍُﺱ ﻧﮯ ﺍﻟﻠﮧ ﮐﻮ ﺑﮭﯽ ﭘﮩﻠﮯ ﻧﻤﺒﺮ ﭘﺮ ﺭﮐﮭﺎ ﺗﮭﺎ … ﻋﺎﺋﺸﮧ ﻋﺎﺑﺪﯾﻦ ﮐﻮ ﺍُﺱ ﻧﮯ ﺟﯿﺴﮯ ﺍُﺱ ﺩﺍﺋﺮﮮ ﺳﮯ ﺑﺎﮨﺮ ﮐﮭﮍﺍ ﮐﺮﺩﯾﺎ ﺗﮭﺎ ﺟﺲ ﮐﮯ ﺍﻧﺪﺭ ﺍُﺱ ﮐﯽ ﺍﭘﻨﯽ ﺯﻧﺪﮔﯽ ﮔﮭﻮﻣﺘﯽ ﺗﮭﯽ۔ 21 ﺳﺎﻝ ﮐﯽ ﺍﯾﮏ ﻧﻮﻋﻤﺮ ﻟﮍﮐﯽ ﺟﺲ ﻃﺮﺡ ﮨﺮﺍﺳﺎﮞ ﮨﻮﺳﮑﺘﯽ ﻭﮦ ﻭﯾﺴﮯ ﮨﯽ ﮨﺮﺍﺳﺎﮞ ﺍﻭﺭ ﺣﻮﺍﺱ ﺑﺎﺧﺘﮧ ﮨﻮﺋﯽ ﺗﮭﯽ۔ﺍﺣﺴﻦ ﺳﻌﺪ ﻧﮯ ﺍُﺱ ﺳﮯ ﮐﮩﺎ ﺗﮭﺎ ﺍُﺱ ﮐﮯ ﺍﻭﺭ ﻋﺎﺋﺸﮧ ﮐﮯ ﺩﺭﻣﯿﺎﻥ ﺟﻮ ﺑﺎﺕ ﭼﯿﺖ ﮨﻮﮔﯽ ﻋﺎﺋﺸﮧ ﺍُﺳﮯ ﮐﺴﯽ ﺳﮯ share ﻧﮩﯿﮟ ﮐﺮﮮ ﮔﺎ … ﻋﺎﺋﺸﮧ ﻧﮯ ﺍُﺱ ﮐﯽ ﺑﮭﯽ ﺣﺎﻣﯽ ﺑﮭﺮﻟﯽ ﺗﮭﯽ، ﺍُﺱ ﮐﺎ ﺧﯿﺎﻝ ﺗﮭﺎ ﯾﮧ ﺍﯾﮏ ﻋﺎﻡ ﻭﻋﺪﮦ ﺗﮭﺎ ﺟﻮ ﮨﺮ ﻣﺮﺩ ﺑﯿﻮﯼ ﺳﮯ ﻟﯿﺘﺎ ﺗﮭﺎ … ﻣﮕﺮ ﻭﮦ ﺍﯾﮏ ﻋﺎﻡ ﻭﻋﺪﮦ ﻧﮩﯿﮟ ﺗﮭﺎ، ﺍﺣﺴﻦ ﺳﻌﺪ ﻧﮯ ﺍُﺱ ﮐﮯ ﺑﻌﺪ ﺍُﺱ ﺳﮯ ﻗﺮﺁﻥ ﭘﺎﮎ ﭘﺮ ﺭﺍﺯﺩﺍﺭﯼ ﮐﺎ ﺣﻠﻒ ﻟﯿﺎ ﺗﮭﺎ ﯾﮧ ﮐﮩﺘﮯ ﮨﻮﺋﮯ ﮐﮧ ﻭﮦ ﺍُﺱ ﮐﯽ ﺑﯿﻮﯼ ﺗﮭﯽ ﺍﻭﺭ ﺷﻮﮨﺮ ﮐﮯ ﻃﻮﺭ ﭘﺮ ﻭﮦ ﯾﮧ ﺍﺳﺘﺤﻘﺎﻕ ﺭﮐﮭﺘﺎ ﺗﮭﺎ ﮐﮧ ﻭﮦ ﺍُﺳﮯ ﺟﻮ ﮐﮩﮯ ﻭﮦ ﺍُﺱ ﮐﯽ ﺍﻃﺎﻋﺖ ﮐﺮﮮ … 21 ﺳﺎﻝ ﮐﯽ ﻋﻤﺮ ﺗﮏ ﻭﮦ ﻋﺎﺋﺸﮧ ﻋﺎﺑﺪﯾﻦ ﮐﯽ ﺯﻧﺪﮔﯽ ﮐﯽ ﺳﺐ ﺳﮯ ﺑُﺮﯼ ﺭﺍﺕ ﺗﮭﯽ ﻟﯿﮑﻦ ﺍُﺳﮯ ﯾﮧ ﺍﻧﺪﺍﺯﮦ ﻧﮩﯿﮟ ﺗﮭﺎ ﮐﮧ ﻭﮦ ﺍﺱ ﮐﮯ ﺑﻌﺪ ﺑُﺮﯼ ﺭﺍﺗﻮﮞ ﮐﯽ ﮔﻨﺘﯽ ﺑﮭﯽ ﺑﮭﻮﻟﻨﮯ ﻭﺍﻟﯽ ﺗﮭﯽ۔ ﺍُﺱ ﺭﺍﺕ ﺍﺣﺴﻦ ﺳﻌﺪ ﮐﺎ ﻏﺼّﮧ ﺍﻭﺭ ﺭﻭﯾّﮧ ﺻﺮﻑ ﺍُﺱ ﮐﺎ ﻏﺼّﮧ ﺍﻭﺭ ﺭﻭﯾّﮧ ﻧﮩﯿﮟ ﺗﮭﺎ۔ ﺍﮔﻠﯽ ﺻﺒﺢ ﻋﺎﺋﺸﮧ ﻋﺎﺑﺪﯾﻦ ﮐﻮ ﺍُﺱ ﮐﯽ ﻓﯿﻤﻠﯽ ﺑﮭﯽ ﺍُﺳﯽ ﺍﻧﺪﺍﺯ ﻣﯿﮟ ﻣﻠﯽ ﺗﮭﯽ … ﺑﮯ ﺣﺪ ﺳﺮﺩ ﻣﮩﺮﯼ، ﺑﮯ ﺣﺪ ﺍﮐﮭﮍﺍ ﮨﻮﺍ ﻟﮩﺠﮧ، ﺍُﺱ ﮐﺎ ﺍﺣﺴﺎﺱِ ﺟﺮﻡ ﺍﻭﺭ ﺑﮍﮬﺎ ﺗﮭﺎ ﺍﻭﺭ ﺍُﺱ ﻧﮯ ﺩﻋﺎ ﮐﯽ ﺗﮭﯽ ﮐﮧ ﺍُﺱ ﺭﺍﺕ ﻭﻟﯿﻤﮧ ﮐﯽ ﺗﻘﺮﯾﺐ ﻣﯿﮟ ﺍُﺱ ﮐﯽ ﻣﺎﮞ ﺍﻭﺭ ﺑﮩﻨﯿﮟ ﺍﯾﺴﮯ ﮐﻮﺋﯽ ﻟﺒﺎﺱ ﻧﮧ ﭘﮩﻨﯿﮟ ﺟﺲ ﭘﺮ ﺍُﺳﮯ ﺍﯾﮏ ﺍﻭﺭ ﻃﻮﻓﺎﻥ ﮐﺎ ﺳﺎﻣﻨﺎ ﮐﺮﻧﺎ ﭘﮍﮮ۔ ﻟﯿﮑﻦ ﺷﺎﺩﯼ ﮐﮯ ﭼﻨﺪ ﺩﻧﻮﮞ ﮐﮯ ﺍﻧﺪﺭ ﺍُﺳﮯ ﺍﻧﺪﺍﺯﮦ ﮨﻮ ﮔﯿﺎ ﺗﮭﺎ ﮐﮧ ﺍُﺱ ﮐﯽ ﻓﯿﻤﻠﯽ ﮐﯽ ﺧﻔﮕﯽ ﮐﯽ ﻭﺟﮧ ﺍُﺱ ﮐﯽ ﺍﭘﻨﯽ ﻓﯿﻤﻠﯽ ﮐﺎ ﺁﺯﺍﺩ ﺧﯿﺎﻝ ﮨﻮﻧﺎ ﻧﮩﯿﮟ ﺗﮭﺎ … ﺍُﻥ ﮐﯽ ﺧﻔﮕﯽ ﮐﯽ ﻭﺟﮧ ﺍُﻥ ﮐﯽ ﺗﻮﻗﻌﺎﺕ ﮐﺎ ﭘﻮﺭﺍ ﻧﮧ ﮨﻮﻧﺎ ﺗﮭﺎ ﺟﻮ ﻭﮦ ﻋﺎﺋﺸﮧ ﮐﯽ ﻓﯿﻤﻠﯽ ﺳﮯ ﻟﮕﺎﺋﮯ ﺑﯿﭩﮭﮯ ﺗﮭﮯ، ﺷﺎﺩﯼ ﺳﺎﺩﮔﯽ ﺳﮯ ﮐﺮﻧﮯ ﺍﻭﺭ ﺟﮩﯿﺰ ﯾﺎ ﮐﭽﮫ ﺑﮭﯽ ﻧﮧ ﻻﻧﮯ ﮐﺎ ﻣﻄﻠﺐ ” ﮐﭽﮫ ﺑﮭﯽ ” ﻧﮧ ﻻﻧﺎ ﻧﮩﯿﮟ ﺗﮭﺎ۔ ﺍُﻥ ﮐﻮ ﺗﻮﻗﻊ ﺗﮭﯽ ﮐﮧ ﺍُﻥ ﮐﮯ ﺍﮐﻠﻮﺗﮯ ﺍﻭﺭ ﺍﺗﻨﮯ ﻗﺎﺑﻞ ﺑﯿﭩﮯ ﮐﻮ ﻋﺎﺋﺸﮧ ﮐﯽ ﻓﯿﻤﻠﯽ ﮐﻮﺋﯽ ﺑﮍﯼ ﮔﺎﮌﯼ ﺿﺮﻭﺭ ﺩﯾﺘﯽ … ﻋﺎﺋﺸﮧ ﮐﮯ ﻧﺎﻡ ﮐﻮﺋﯽ ﮔﮭﺮ، ﮐﻮﺋﯽ ﭘﻼﭦ ، ﮐﻮﺋﯽ ﺑﯿﻨﮏ ﺑﯿﻠﻨﺲ ﺿﺮﻭﺭ ﮐﯿﺎ ﺟﺎﺗﺎ … ﺟﯿﺴﮯ ﺍُﻥ ﮐﮯ ﺧﺎﻧﺪﺍﻥ ﮐﯽ ﺩﻭﺳﺮﯼ ﺑﮩﻮﺅﮞ ﮐﮯ ﻧﺎﻡ ﮨﻮﺗﺎ ﺗﮭﺎ … ﺷﺎﺩﯼ ﺳﺎﺩﮔﯽ ﺳﮯ ﮨﻮﻧﮯ ﮐﺎ ﻣﻄﻠﺐ ﺍُﻥ ﮐﮯ ﻧﺰﺩﯾﮏ ﺻﺮﻑ ﺷﺎﺩﯼ ﮐﯽ ﺗﻘﺮﯾﺒﺎﺕ ﮐﺎ ﺳﺎﺩﮦ ﮨﻮﻧﺎ ﺗﮭﺎ۔ ﺷﺎﺩﯼ ﮐﮯ ﺗﯿﺴﺮﮮ ﺩﻥ ﯾﮧ ﮔﻠﮯ ﺷﮑﻮﮮ ﻋﺎﺋﺸﮧ ﺳﮯ ﮐﺮ ﻟﯿﮯ ﮔﺌﮯ ﺗﮭﮯ ﺍﻭﺭ ﺍﺱ ﮐﻮﺷﺶ ﮐﮯ ﺳﺎﺗﮫ ﮐﮧ ﻭﮦ ﺍﻧﮩﯿﮟ ﺍﭘﻨﯽ ﻓﯿﻤﻠﯽ ﺗﮏ ﭘﮩﻨﭽﺎﺋﮯ ﺟﻮ ﻋﺎﺋﺸﮧ ﻧﮯ ﭘﮩﻨﭽﺎ ﺩﺋﯿﮯ ﺗﮭﮯ ﺍﺏ ﺷﺎﮐﮉ ﮨﻮﻧﮯ ﮐﯽ ﺑﺎﺭﯼ ﺍﺱ ﮐﯽ ﻓﯿﻤﻠﯽ ﮐﯽ ﺗﮭﯽ۔ ﺷﺎﺩﯼ ﮐﮯ ﺗﯿﻦ ﺩﻥ ﺑﻌﺪ ﭘﮩﻠﯽ ﺑﺎﺭ ﻧﻮﺭﯾﻦ ﺍﻟﮩﯽٰ ﻧﮯ ﺍﭘﻨﯽ ﺑﯿﭩﯽ ﮐﻮ ﯾﮧ ﺁﭘﺸﻦ ﺩﯾﺎ ﺗﮭﺎ ﮐﮧ ﻭﮦ ﺍﺑﮭﯽ ﺍُﺱ ﺭﺷﺘﮧ ﮐﮯ ﺑﺎﺭﮮ ﻣﯿﮟ ﺍﭼﮭﯽ ﻃﺮﺡ ﺳﻮﭺ ﻟﮯ … ﺟﻮ ﻟﻮﮒ ﺗﯿﺴﺮﮮ ﺩﻥ ﺍﯾﺴﮯ ﻣﻄﺎﻟﺒﮯ ﮐﺮﺳﮑﺘﮯ ﮨﯿﮟ، ﻭﮦ ﺁﮔﮯ ﭼﻞ ﮐﺮ ﺍُﺳﮯ ﺍﻭﺭ ﺑﮭﯽ ﭘﺮﯾﺸﺎﻥ ﮐﺮﺳﮑﺘﮯ ﺗﮭﮯ، ﻋﺎﺋﺸﮧ ﮨﻤﺖ ﻧﮩﯿﮟ ﮐﺮﺳﮑﯽ ﺗﮭﯽ … ﺍﭘﻨﯽ ﺩﻭﺳﺘﻮﮞ ﺍﻭﺭ ﮐﺰﻧﺰ ﮐﮯ ﭨﯿﮑﺴﭧ ﻣﯿﺴﺠﺰ ﺍﻭﺭ ﮐﺎﻟﺰ ﺍﻭﺭ ﭼﮭﯿﮍ ﭼﮭﺎﮌ ﮐﮯ ﺩﻭﺭﺍﻥ ﻭﮦ ﯾﮧ ﮨﻤّﺖ ﻧﮩﯿﮟ ﮐﺮ ﺳﮑﯽ ﺗﮭﯽ ﮐﮧ ﻭﮦ ﻣﺎﮞ ﺳﮯ ﮐﮩﮧ ﺩﯾﺘﯽ ﮐﮧ ﺍُﺳﮯ ﻃﻼﻕ ﭼﺎﮨﯿﮯ ﺗﮭﮯ۔ ﺍُﺱ ﻧﮯ ﻭﮨﯽ ﺭﺍﺳﺘﮧ ﭼُﻨﺎ ﺗﮭﺎ ﺟﻮ ﺍﺱ ﻣﻌﺎﺷﺮﮮ ﻣﯿﮟ ﺳﺐ ﭼﻨﺘﮯ ﺗﮭﮯ … ﺳﻤﺠﮭﻮﺗﮯ ﮐﺎ ﺍﻭﺭ ﺍﭼﮭﮯ ﻭﻗﺖ ﮐﮯ ﺍﻧﺘﻈﺎﺭ ﮐﺎ … ﺍُﺱ ﮐﺎ ﺧﯿﺎﻝ ﺗﮭﺎ ﯾﮧ ﺳﺐ ﮐﭽﮫ ﻭﻗﺘﯽ ﺗﮭﺎ … ﯾﮧ ﭼﻨﺪ ﻣﻄﺎﻟﺒﮯ ﭘﻮﺭﮮ ﮨﻮﻧﮯ ﮐﮯ ﺑﻌﺪ ﺳﺐ ﮐﭽﮫ ﺑﺪﻝ ﺟﺎﻧﮯ ﻭﺍﻻ ﺗﮭﺎ ﺍﻭﺭ ﭘﮭﺮ ﺍﯾﮏ ﺑﺎﺭ ﻭﮦ ﺍﺣﺴﻦ ﮐﮯ ﺳﺎﺗﮫ ﺍﻣﺮﯾﮑﮧ ﭼﻠﯽ ﺟﺎﺗﯽ ﺗﻮ ﻭﮦ ﺍﻭﺭ ﺍﺣﺴﻦ ﺍﻭﺭ ﻃﺮﯾﻘﮯ ﺳﮯ ﺯﻧﺪﮔﯽ ﮔﺰﺍﺭﺗﮯ۔ ﺍﺣﺴﻦ ﮐﯽ ﻓﯿﻤﻠﯽ ﮐﯽ ﺳﺎﺭﯼ ﺷﮑﺎﯾﺎﺕ ﺧﺘﻢ ﮐﺮ ﺩﯼ ﮔﺌﯽ ﺗﮭﯿﮟ۔ ﺍُﺳﮯ ﺷﺎﺩﯼ ﮐﮯ ﺍﯾﮏ ﮨﻔﺘﮧ ﮐﮯ ﺑﻌﺪ ﺍﯾﮏ ﺑﮍﯼ ﮔﺎﮌﯼ ﺩﯼ ﮔﺌﯽ ﺗﮭﯽ، ﻋﺎﺋﺸﮧ ﮐﮯ ﻧﺎﻡ ﻧﻮﺭﯾﻦ ﻧﮯ ﺍﭘﻨﺎ ﺍﯾﮏ ﭘﻼﭦ ﭨﺮﺍﻧﺴﻔﺮ ﮐﺮﺩﯾﺎ ﺗﮭﺎ ﺍﻭﺭ ﻋﺎﺋﺸﮧ ﮐﮯ ﻧﺎﻧﺎ ﻧﮯ ﺍُﺱ ﮐﻮ ﮐﭽﮫ ﺭﻗﻢ ﺗﺤﻔﮯ ﻣﯿﮟ ﺩﯼ ﺗﮭﯽ ﺟﻮ ﺍُﺱ ﻧﮯ ﺍﺣﺴﻦ ﮐﮯ ﻣﻄﺎﻟﺒﮯ ﭘﺮ ﺍُﺱ ﮐﮯ ﺍﮐﺎﺅﻧﭧ ﻣﯿﮟ ﭨﺮﺍﻧﺴﻔﺮ ﮐﺮﺩﯼ ﺗﮭﯽ۔ ﻭﮦ ﺍُﺱ ﮐﮯ ﺑﻌﺪ ﺩﻭ ﮨﻔﺘﻮﮞ ﮐﮯ ﻟﺌﮯ ﮨﻨﯽ ﻣﻮﻥ ﻣﻨﺎﻧﮯ ﺑﯿﺮﻭﻥِ ﻣﻠﮏ ﭼﻠﮯ ﮔﺌﮯ ﺗﮭﮯ۔ ﺍﺣﺴﻦ ﺳﻌﺪ ﻧﮯ ﭘﮩﻠﯽ ﺑﺎﺭ ﺍُﺱ ﭘﺮ ﮨﺎﺗﮫ ﺑﮭﯽ ﮨﻨﯽ ﻣﻮﻥ ﮐﮯ ﺩﻭﺭﺍﻥ ﮐﺴﯽ ﺑﺎ ﺕ ﭘﺮ ﺑﺮﮨﻢ ﮨﻮ ﮐﺮ ﺍُﭨﮭﺎﯾﺎ ﺗﮭﺎ۔ ﺍُﺱ ﺳﮯ ﭘﮩﻠﮯ ﺍُﺱ ﻧﮯ ﺍُﺳﮯ ﮔﺎﻟﯿﺎﮞ ﺩﯼ ﺗﮭﯿﮟ … ﻋﺎﺋﺸﮧ ﻋﺎﺑﺪﯾﻦ ﺳﮯ ﺑﮩﺖ ﺑﮍﯼ ﻏﻠﻄﯽ ﮨﻮ ﮔﺌﯽ ﺗﮭﯽ، ﺍﭘﻨﯽ ﺯﻧﺪﮔﯽ ﮐﮯ ﺑﺎﺭﮮ ﻣﯿﮟ … ﻋﺎﺋﺸﮧ ﻧﮯ ﺟﺎﻥ ﻟﯿﺎ ﺗﮭﺎ … ﺍُﺱ ﮐﺎ ﺷﻮﮨﺮ ﺑﮩﺖ ﺍﭼﮭﺎ ﻣﺴﻠﻤﺎﻥ ﺗﮭﺎ ﻟﯿﮑﻦ ﺍﭼﮭﺎ ﺍﻧﺴﺎﻥ ﻧﮩﯿﮟ ﺗﮭﺎ ﺍﻭﺭ ﻋﺎﺋﺸﮧ ﻧﮯ ﺍُﺱ ﮐﺎ ﺍﻧﺘﺨﺎﺏ ﺍُﺱ ﮐﮯ ﺍﭼﮭﮯ ﻣﺴﻠﻤﺎﻥ ﮨﻮﻧﮯ ﮐﯽ ﻭﺟﮧ ﺳﮯ ﮐﯿﺎ ﺗﮭﺎ، ﺍﺱ ﺩﮬﻮﮐﮯ ﻣﯿﮟ ﺟﺲ ﻣﯿﮟ ﻭﮦ ﺍُﻥ ﺑﮩﺖ ﺳﺎﺭﮮ ﺍﭼﮭﮯ ﻣﺴﻠﻤﺎﻧﻮﮞ ﺍﻭﺭ ﺍﻧﺴﺎﻧﻮﮞ ﮐﯽ ﻭﺟﮧ ﺳﮯ ﺁﺋﯽ ﺗﮭﯽ ﺟﻮ ﻣﻨﺎﻓﻖ ﺍﻭﺭ ﺩﻭ ﺭُﺧﮯ ﻧﮩﯿﮟ ﺗﮭﮯ۔ ﻭﮦ ﺍﯾﮏ ﻣﮩﯿﻨﮧ ﮐﮯ ﺑﻌﺪ ﻭﺍﭘﺲ ﺍﻣﺮﯾﮑﮧ ﭼﻼ ﮔﯿﺎ ﺗﮭﺎ ﻟﯿﮑﻦ ﺍﯾﮏ ﻣﮩﯿﻨﮧ ﻣﯿﮟ ﻋﺎﺋﺸﮧ ﺑﺪﻝ ﮔﺌﯽ ﺗﮭﯽ۔ ﻭﮦ ﺍﯾﮏ ﻋﺠﯿﺐ ﻭ ﻏﺮﯾﺐ ﺧﺎﻧﺪﺍﻥ ﻣﯿﮟ ﺁﮔﺌﯽ ﺗﮭﯽ۔ ﺟﻮ ﺑﻈﺎﮨﺮ ﺗﻌﻠﯿﻢ ﯾﺎﻓﺘﮧ ﺍﻭﺭ ﺭﻭﺷﻦ ﺧﯿﺎﻝ ﺗﮭﺎ ﻟﯿﮑﻦ ﺍﻧﺪﺭ ﺳﮯ ﺑﮯ ﺣﺪ ﮔﮭﭩﻦ ﺫﺩﮦ ﺗﮭﺎ ﺍﻭﺭ ﺍﺱ ﮔﮭﭩﻦ ﺍﻭﺭ ﻣﻨﺎﻓﻘﺖ ﮐﺎ ﻣﻨﺒﻊ ﺍﺣﺴﻦ ﺳﻌﺪ ﮐﺎ ﺑﺎﭖ ﺗﮭﺎ ﺍﺱ ﮐﺎ ﺍﻧﺪﺍﺯﮦ ﺍُﺳﮯ ﺑﮩﺖ ﺟﻠﺪ ﮨﻮ ﮔﯿﺎ ﺗﮭﺎ … ﺍﺣﺴﻦ ﺻﺮﻑ ﺍﭘﻨﮯ ﺑﺎﭖ ﮐﯽ copy ﺑﻦ ﮔﯿﺎ ﺗﮭﺎ ﺍﻭﺭ ﺍُﺳﮯ ﺍﭘﻨﯽ ﻣﺎﮞ ﮐﯽ copy ﺑﻨﺎﻧﺎ ﭼﺎﮨﺘﺎ ﺗﮭﺎ ﺟﺴﮯ ﻭﮦ ﺍﯾﮏ ﺁﺋﯿﮉﯾﻞ ﻣﺴﻠﻤﺎﻥ ﻋﻮﺭﺕ ﺳﻤﺠﮭﺘﺎ ﺗﮭﺎ … ﻭﮦ ﺍﻭﺭ ﺍُﺱ ﮐﯽ ﺑﮩﻨﯿﮟ، ﻭﮦ ﻋﺎﺋﺸﮧ ﻋﺎﺑﺪﯾﻦ ﮐﻮ ﺍُﻥ ﮐﮯ ﺟﯿﺴﺎ ﺑﻨﺎﻧﺎ ﭼﺎﮨﺘﺎ ﺗﮭﺎ … ﺍﻭﺭ ﻋﺎﺋﺸﮧ ﻋﺎﺑﺪﯾﻦ ﮐﻮ ﺑﮩﺖ ﺟﻠﺪ ﺍﻧﺪﺍﺯﮦ ﮨﻮ ﮔﯿﺎ ﺗﮭﺎ ﻭﮦ ” ﺁﺋﯿﮉﯾﻞ ﻣﺴﻠﻢ ﻋﻮﺭﺗﯿﮟ ” ﻧﻔﺴﯿﺎﺗﯽ ﻣﺴﺎﺋﻞ ﮐﺎ ﺷﮑﺎﺭ ﺗﮭﯿﮟ، ﺍُﺱ ﮔﮭﺮ ﮐﮯ ﻣﺎﺣﻮﻝ ﺍﻭﺭ ﺳﻌﺪ ﮐﮯ ﺭﻭﯾﮯ ﺍﻭﺭ ﻣﺰﺍﺝ ﮐﯽ ﻭﺟﮧ ﺳﮯ … ﺍُﺱ ﮐﯽ ﻧﻨﺪﻭﮞ ﮐﮯ ﻟﺌﮯ ﺭﺷﺘﻮﮞ ﮐﯽ ﺗﻼﺵ ﺟﺎﺭﯼ ﺗﮭﯽ، ﻟﯿﮑﻦ ﻋﺎﺋﺸﮧ ﮐﻮ ﯾﻘﯿﻦ ﺗﮭﺎ ﺟﻮ ﻣﻌﯿﺎﺭ ﺍﺣﺴﻦ ﺍﻭﺭ ﺳﻌﺪ ﺍُﻥ ﺩﻭﻧﻮﮞ ﮐﮯ ﻟﺌﮯ ﻟﮯ ﮐﺮ ﺑﯿﭩﮭﮯ ﺗﮭﮯ ، ﺍﻥ ﮐﮯ ﻟﺌﮯ ﺭﺷﺘﻮﮞ ﮐﯽ ﺗﻼﺵ ﺍﻭﺭ ﺑﮭﯽ ﻣﺸﮑﻞ ﮨﻮﺟﺎﺗﯽ ﺗﮭﯽ۔ ﻋﺎﺋﺸﮧ ﺷﺎﺩﯼ ﮐﮯ ﺩﻭ ﻣﮩﯿﻨﻮﮞ ﮐﮯ ﺍﻧﺪﺭ ﺍﻧﺪﺭ ﺍُﺱ ﻣﺎﺣﻮﻝ ﺳﮯ ﻭﺣﺸﺖ ﺫﺩﮦ ﮨﻮﮔﺌﯽ ﺗﮭﯽ۔ ﺍﻭﺭ ﺍﺱ ﺳﮯ ﭘﮩﻠﮯ ﮐﮧ ﻭﮦ ﺍﺣﺴﻦ ﺳﻌﺪ ﮐﺎ ﻟﯿﺎ ﮨﻮﺍ ﺣﻠﻒ ﺗﻮﮌ ﮐﺮ ﺍﭘﻨﮯ ﻧﺎﻧﺎ، ﻧﺎﻧﯽ ﺳﮯ ﺳﺐ ﮐﭽﮫ share ﮐﺮﺗﯽ ﺍﻭﺭ ﺍﻧﮩﯿﮟ ﮐﮩﺘﯽ ﮐﮧ ﻭﮦ ﺍُﺳﮯ ﺍﺱ ﺟﮩﻨﻢ ﺳﮯ ﻧﮑﺎﻝ ﻟﯿﮟ … ﺍُﺳﮯ ﭘﺘﮧ ﭼﻼ ﺗﮭﺎ ﮐﮧ ﻭﮦ ﭘﺮﯾﮕﻨﻨﭧ ﺗﮭﯽ … ﻭﮦ ﺧﺒﺮ ﺟﻮ ﺍُﺱ ﻭﻗﺖ ﺍُﺳﮯ ﺧﻮﺵ ﻗﺴﻤﺘﯽ ﻟﮕﺘﯽ، ﺍُﺳﮯ ﺍﭘﻨﯽ ﺑﺪﻗﺴﻤﺘﯽ ﻟﮕﯽ ﺗﮭﯽ۔ﻋﺎﺋﺸﮧ ﻋﺎﺑﺪﯾﻦ ﺍﯾﮏ ﺑﺎﺭ ﭘﮭﺮ ﺳﻤﺠﮭﻮﺗﮧ ﮐﺮﻧﮯ ﭘﺮ ﺗﯿﺎﺭ ﮨﻮﮔﺌﯽ، ﺍﯾﮏ ﺑﺎﺭ ﭘﮭﺮ ﺍﺱ ﺍُﻣﯿﺪ ﮐﮯ ﺳﺎﺗﮫ ﮐﮧ ﺑﭽﮧ ﺍﺱ ﮔﮭﺮ ﻣﯿﮟ ﺍُﺱ ﮐﮯ ﺳﭩﯿﭩﺲ ﮐﻮ ﺑﺪﻝ ﺩﯾﻨﮯ ﻭﺍﻻ ﺗﮭﺎ ﺍﻭﺭ ﮐﭽﮫ ﻧﮩﯿﮟ ﺗﻮ ﮐﻢ ﺍﺯ ﮐﻢ ﺍُﺱ ﮐﮯ ﺍﻭﺭ ﺍﺣﺴﻦ ﺳﻌﺪ ﮐﮯ ﺗﻌﻠﻖ ﮐﻮ ﺗﻮ … ﯾﮧ ﺑﮭﯽ ﺍُﺱ ﮐﯽ ﺧﻮﺵ ﻓﮩﻤﯽ ﺗﮭﯽ، ﻭﮦ ﭘﺮﯾﮕﻨﻨﺴﯽ ﺍُﺱ ﮐﮯ ﻟﺌﮯ ﺍﯾﮏ ﺍﻭﺭ ﭘﮭﻨﺪﮦ ﺛﺎﺑﺖ ﮨﻮﺍ ﺗﮭﺎ۔ ﺍﺣﺴﻦ ﺳﻌﺪ ﺍﻭﺭ ﺍُﺱ ﮐﯽ ﻓﯿﻤﻠﯽ ﻧﮯ ﯾﮧ ﻓﯿﺼﻠﮧ ﮐﯿﺎ ﺗﮭﺎ ﮐﮧ ﻭﮦ ﺑﭽﮯ ﮐﯽ ﭘﯿﺪﺍﺋﺶ ﺗﮏ ﭘﺎﮐﺴﺘﺎﻥ ﻣﯿﮟ ﮨﯽ ﺭﮨﮯ ﮔﯽ۔ ﻋﺎﺋﺸﮧ ﻧﮯ ﻧﻮ ﻣﮩﯿﻨﮯ ﺟﺘﻨﮯ ﺻﺒﺮ ﺍﻭﺭ ﺗﺤﻤﻞ ﮐﮯ ﺳﺎﺗﮫ ﮔﺰﺍﺭﮮ ﺗﮭﮯ، ﺻﺮﻑ ﻭﮦ ﮨﯽ ﺟﺎﻧﺘﯽ ﺗﮭﯽ۔ ﻭﮦ ﮨﺎﺅﺱ ﺟﺎﺏ ﮐﮯ ﺑﻌﺪ ﺟﺎﺏ ﮐﺮﻧﺎ ﭼﺎﮨﺘﯽ ﺗﮭﯽ ﻟﯿﮑﻦ ﺍُﺱ ﮐﮯ ﺳﺴﺮﺍﻝ ﻭﺍﻟﻮﮞ ﺍﻭﺭ ﺍﺣﺴﻦ ﮐﻮ ﯾﮧ ﭘﺴﻨﺪ ﻧﮩﯿﮟ ﺗﮭﺎ ﺍﺱ ﻟﺌﮯ ﻋﺎﺋﺸﮧ ﻧﮯ ﺍُﺱ ﭘﺮ ﺍﺻﺮﺍﺭ ﻧﮩﯿﮟ ﮐﯿﺎ۔ ﺍُﺱ ﮐﮯ ﺳﺴﺮﺍﻝ ﻭﺍﻟﻮﮞ ﮐﻮ ﻋﺎﺋﺸﮧ ﮐﺎ ﺑﺎﺭ ﺑﺎﺭ ﺍﭘﻨﮯ ﻧﺎﻧﺎ ﻧﺎﻧﯽ ﮐﮯ ﮔﮭﺮ ﺟﺎﻧﺎ ﺍﻭﺭ ﺍُﻥ ﮐﺎ ﺍﭘﻨﮯ ﮔﮭﺮ ﺁﻧﺎ ﺑﮭﯽ ﭘﺴﻨﺪ ﻧﮩﯿﮟ ﺗﮭﺎ ﺗﻮ ﻋﺎﺋﺸﮧ ﻧﮯ ﯾﮧ ﺑﺎﺕ ﺑﮭﯽ ﺑﻨﺎ ﭼﻮﮞ ﭼﺮﺍﮞ ﮐﮯ ﻣﺎﻥ ﻟﯽ ﺗﮭﯽ۔ ﻭﮦ ﺍﺏ ﮐﺴﯽ ﺳﻮﺷﻞ ﻣﯿﮉﯾﺎ ﻓﻮﺭﻡ ﭘﺮ ﻧﮩﯿﮟ ﺗﮭﯽ ﮐﯿﻮﮞ ﮐﮧ ﺍﺣﺴﻦ ﮐﻮ ﺧﻮﺩ ﮨﺮ ﻓﻮﺭﻡ ﭘﺮ ﮨﻮﻧﮯ ﮐﮯ ﺑﺎﻭﺟﻮﺩ ﯾﮧ ﭘﺴﻨﺪ ﻧﮩﯿﮟ ﺗﮭﺎ ﮐﮧ ﻭﮦ ﻭﮨﺎﮞ ﮨﻮ ﺍﻭﺭ ﺍُﺱ ﮐﮯ contacts ﻣﯿﮟ ﮐﻮﺋﯽ ﻣﺮﺩ ﮨﻮ، ﭼﺎﮨﮯ ﻭﮦ ﺍُﺱ ﮐﺎ ﮐﻮﺋﯽ ﺭﺷﺘﮧ ﺩﺍﺭ ﯾﺎ ﮐﻼﺱ ﻓﯿﻠﻮ ﮨﯽ ﮐﯿﻮﮞ ﻧﮧ ﮨﻮ ﺍﻭﺭ ﻋﺎﺋﺸﮧ ﻧﮯ ﺍﭘﻨﯽ ﺑﮩﻨﻮﮞ ﮐﮯ ﺍﻋﺘﺮﺍﺿﺎﺕ ﮐﮯ ﺑﺎﻭﺟﻮﺩ ﺍﭘﻨﯽ ID ﺧﺘﻢ ﮐﺮ ﺩﯼ ﺗﮭﯽ، ﺍُﺱ ﮐﮯ ﭘﺎﺱ ﻭﯾﺴﮯ ﺑﮭﯽ ﮐﻮﺋﯽ ﺍﯾﺴﯽ ﺑﺎﺕ ﻧﮩﯿﮟ ﺗﮭﯽ ﺟﺲ ﮐﮯ ﺍﻇﮩﺎﺭ ﮐﮯ ﻟﺌﮯ ﺍُﺳﮯ ﻓﯿﺲ ﺑﮏ ﮐﮯ ﮐﺴﯽ ﺍﮐﺎﺅﻧﭧ ﮐﯽ ﺿﺮﻭﺭﺕ ﭘﮍﺗﯽ۔ ﺍﺣﺴﻦ ﺳﻌﺪ ﮐﯽ ﻣﺎﮞ ﮐﻮ ﯾﮧ ﭘﺴﻨﺪ ﻧﮩﯿﮟ ﺗﮭﺎ ﮐﮧ ﻭﮦ ﺍﭘﻨﮯ ﮐﻤﺮﮮ ﻣﯿﮟ ﺍﮐﯿﻠﮯ ﺑﯿﭩﮭﮯ، ﺻﺒﺢ ﺩﯾﺮ ﺗﮏ ﺳﻮﺗﯽ ﺭﮨﮯ، ﻋﺎﺋﺸﮧ ﺻﺒﺢ ﺳﻮﯾﺮﮮ ﻓﺠﺮ ﮐﯽ ﻧﻤﺎﺯ ﭘﮍﮬﻨﮯ ﮐﮯ ﺑﻌﺪ ﮨﺮ ﺣﺎﻟﺖ ﻣﯿﮟ ﻻﺅﻧﺞ ﻣﯿﮟ ﺁﺟﺎﺗﯽ ﺗﮭﯽ۔ ﮔﮭﺮ ﻣﯿﮟ ﻣﻼﺯﻡ ﺗﮭﮯ ﻟﯿﮑﻦ ﺳﺎﺱ ﺳﺴﺮ ﮐﯽ ﺧﺪﻣﺎﺕ ﺍُﺱ ﮐﯽ ﺫﻣﮧ ﺩﺍﺭﯼ ﺗﮭﯽ ﺍﻭﺭ ﺍُﺳﮯ ﺍﺱ ﭘﺮ ﺑﮭﯽ ﺍﻋﺘﺮﺍﺽ ﻧﮩﯿﮟ ﮨﻮﺗﺎ ﺗﮭﺎ۔ ﮐﮭﺎﻧﺎ ﺑﻨﺎﻧﮯ ﮐﯽ ﻭﮦ ﺫﻣﮧ ﺩﺍﺭﯼ ﺟﻮ ﺍﺱ ﺳﮯ ﭘﮩﻠﮯ ﺗﯿﻦ ﺧﻮﺍﺗﯿﻦ ﻣﯿﮟ ﺗﻘﺴﯿﻢ ﺗﮭﯽ، ﺍﺏ ﻋﺎﺋﺸﮧ ﮐﯽ ﺫﻣﮧ ﺩﺍﺭﯼ ﺗﮭﯽ ﺍﻭﺭ ﯾﮧ ﺑﮭﯽ ﻭﮦ ﭼﯿﺰ ﻧﮩﯿﮟ ﺗﮭﯽ ﺟﺲ ﺳﮯ ﺍُﺳﮯ ﺗﮑﻠﯿﻒ ﭘﮩﻨﭽﺘﯽ … ﻭﮦ ﺑﮩﺖ ﺗﯿﺰ ﮐﺎﻡ ﮐﺮﻧﮯ ﮐﯽ ﻋﺎﺩﯼ ﺗﮭﯽ ﺍﻭﺭ ﻧﺎﻧﺎ ﻧﺎﻧﯽ ﮐﮯ ﮔﮭﺮ ﻣﯿﮟ ﺑﮭﯽ ﻭﮦ ﺑﮍﮮ ﺷﻮﻕ ﺳﮯ ﺍُﻥ ﮐﮯ ﻟﺌﮯ ﮐﺒﮭﯽ ﮐﺒﮭﺎﺭ ﮐﮭﺎﻧﺎ ﺑﻨﺎﯾﺎ ﮐﺮﺗﯽ ﺗﮭﯽ … ﻭﮦ ﺫﻣﮧ ﺩﺍﺭﯾﻮﮞ ﺳﮯ ﻧﮩﯿﮟ ﮔﮭﺒﺮﺍﺗﯽ ﺗﮭﯽ، ﺗﺬﻟﯿﻞ ﺳﮯ ﮔﮭﺒﺮﺍﺗﯽ ﺗﮭﯽ۔ ﺍُﺱ ﮔﮭﺮ ﮐﮯ ﺍﻓﺮﺍﺩ ﺳﺘﺎﺋﺶ ﺍﻭﺭ ﺣﻮﺻﻠﮧ ﺍﻓﺰﺍﺋﯽ ﺟﯿﺴﮯ ﻟﻔﻈﻮﮞ ﺳﮯ ﻧﺎ ﺁﺷﻨﺎ ﺗﮭﮯ … ﻭﮦ ﺗﻨﻘﯿﺪ ﮐﺮﺳﮑﺘﮯ ﺗﮭﮯ، ﺗﻌﺮﯾﻒ ﻧﮩﯿﮟ … ﯾﮧ ﺻﺮﻑ ﻋﺎﺋﺸﮧ ﻧﮩﯿﮟ ﺗﮭﯽ ﺟﺲ ﮐﯽ ﺧﺪﻣﺖ ﮔﺰﺍﺭﯼ ﮐﻮ ﻭﮦ ﺳﺮﺍﮨﻨﮯ ﺳﮯ ﻗﺎﺻﺮ ﺗﮭﮯ، ﻭﮨﺎﮞ ﮐﻮﺋﯽ ﺑﮭﯽ ﮐﺴﯽ ﮐﻮ ﺳﺮﺍﮨﺘﺎ ﻧﮩﯿﮟ ﺗﮭﺎ۔ ﻭﮦ ﺍﺱ ﮔﮭﺮ ﻣﯿﮟ ﯾﮧ ﺳﻮﺍﻝ ﮐﺮﺗﯽ ﺗﻮ ﺍﭘﻨﮯ ﺁﭖ ﮐﻮ ﮨﯽ ﺍﺣﻤﻖ ﻟﮕﺘﯽ ﮐﮧ ﺍُﺱ ﻧﮯ ﮐﮭﺎﻧﺎ ﮐﯿﺴﺎ ﺑﻨﺎﯾﺎ ﺗﮭﺎ … ﺷﺮﻭﻉ ﺷﺮﻭﻉ ﻣﯿﮟ ﺑﮍﮮ ﺷﻮﻕ ﺳﮯ ﮐﯿﮯ ﺟﺎﻧﮯ ﻭﺍﻟﮯ ﺍﻥ ﺳﻮﺍﻻﺕ ﮐﺎ ﺟﻮﺍﺏ ﺍُﺳﮯ ﺑﮯ ﺣﺪ ﺗﻀﺤﯿﮏ ﺁﻣﯿﺰ ﺟﻤﻠﻮﮞ ﺍﻭﺭ ﺗﻤﺴﺨﺮ ﺳﮯ ﻣﻼ ﺗﮭﺎ، ﮐﺒﮭﯽ ﮐﺒﮭﺎﺭ ﺍُﺳﮯ ﻟﮕﺘﺎ ﻭﮦ ﺑﮭﯽ ﻧﻔﺴﯿﺎﺗﯽ ﮨﻮﻧﺎ ﺷﺮﻭﻉ ﮨﻮ ﮔﺌﯽ ﺗﮭﯽ۔ ﺍﺣﺴﻦ ﺳﻌﺪ ﺍُﺱ ﮐﮯ ﻟﺌﮯ ﺍﯾﮏ ﺍﯾﺴﺎ ﺿﺎﺑﻄﮧ ﻃﮯ ﮐﺮ ﮔﯿﺎ ﺗﮭﺎ، ﻭﮦ ﻏﻠﻄﯽ ﮐﺮﮮ ﮔﯽ ﺗﻮ ﮐﺎﻏﺬ ﭘﺮ ﻟﮑﮫ ﮐﺮ ﺍﭘﻨﯽ ﻏﻠﻄﯽ ﮐﺎ ﺍﻋﺘﺮﺍﻑ ﮐﺮﮮ ﮔﯽ … ﺍﻟﻠﮧ ﺳﮯ ﺣﮑﻢ ﻋﺪﻭﻟﯽ ﮐﯽ ﻣﻌﺎﻓﯽ ﻣﺎﻧﮕﮯ ﮔﯽ، ﭘﮭﺮ ﺍُﺱ ﺷﺨﺺ ﺳﮯ ﺟﺲ ﮐﯽ ﺍُﺱ ﻧﮯ ﻧﺎﻓﺮﻣﺎﻧﯽ ﮐﯽ ﮨﻮ۔ ﺍﺣﺴﻦ ﺳﻌﺪ ﺍُﺱ ﮐﮯ ﻟﺌﮯ ﺍﯾﮏ ﺍﯾﺴﺎ ﺿﺎﺑﻄﮧ ﻃﮯ ﮐﺮ ﮔﯿﺎ ﺗﮭﺎ، ﻭﮦ ﻏﻠﻄﯽ ﮐﺮﮮ ﮔﯽ ﺗﻮ ﮐﺎﻏﺬ ﭘﺮ ﻟﮑﮫ ﮐﺮ ﺍﭘﻨﯽ ﻏﻠﻄﯽ ﮐﺎ ﺍﻋﺘﺮﺍﻑ ﮐﺮﮮ ﮔﯽ … ﺍﻟﻠﮧ ﺳﮯ ﺣﮑﻢ ﻋﺪﻭﻟﯽ ﮐﯽ ﻣﻌﺎﻓﯽ ﻣﺎﻧﮕﮯ ﮔﯽ، ﭘﮭﺮ ﺍُﺱ ﺷﺨﺺ ﺳﮯ ﺟﺲ ﮐﯽ ﺍُﺱ ﻧﮯ ﻧﺎﻓﺮﻣﺎﻧﯽ ﮐﯽ ﮨﻮ۔ ﺍﯾﮏ ﮨﻔﺘﮯ ﻣﯿﮟ ﮐﻢ ﺍﺯ ﮐﻢ ﺍﯾﮏ ﺑﺎﺭ ﻋﺎﺋﺸﮧ ﺍﯾﺴﺎ ﺍﯾﮏ ﻣﻌﺎﻓﯽ ﻧﺎﻣﮧ ﮔﮭﺮ ﮐﮯ ﮐﺴﯽ ﻧﮧ ﮐﺴﯽ ﻓﺮﺩ ﮐﮯ ﻧﺎﻡ ﻟﮑﮫ ﺭﮨﯽ ﮨﻮﺗﯽ ﺗﮭﯽ ﺍﻭﺭ ﭘﮭﺮ ﺁﮨﺴﺘﮧ ﺁﮨﺴﺘﮧ ﺍُﺳﮯ ﺍﻧﺪﺍﺯﮦ ﮨﻮﺍ، ﻭﮦ ﻣﻌﺎﻓﯽ ﻧﺎﻣﮧ ﺑﮭﯽ ﺳﻌﺪ ﮐﯽ ﺍﯾﺠﺎﺩ ﺗﮭﯽ … ﺍﺣﺴﻦ ﺳﻌﺪ ﺍﭘﻨﺎ ﺳﺎﺭﺍ ﺑﭽﭙﻦ ﺍﭘﻨﯽ ﻏﻠﻄﯿﻮﮞ ﮐﮯ ﻟﺌﮯ ﺍﭘﻨﮯ ﺑﺎﭖ ﮐﻮ ﺍﯾﺴﮯ ﻣﻌﺎﻓﯽ ﻧﺎﻣﮯ ﻟﮑﮫ ﻟﮑﮫ ﮐﺮ ﺩﯾﺘﺎ ﺭﮨﺘﺎ ﺗﮭﺎ ﺍﻭﺭ ﺍﺏ ﺍﭘﻨﯽ ﺑﯿﻮﯼ ﮐﮯ ﮔﻠﮯ ﻣﯿﮟ ﺍُﺱ ﻧﮯ ﻭﮨﯽ ﺭﺳﯽ ﮈﺍﻝ ﺩﯼ ﺗﮭﯽ۔ ﻋﺎﺋﺸﮧ ﭘﮩﻠﮯ ﺣﺠﺎﺏ ﮐﺮﺗﯽ ﺗﮭﯽ، ﺍﺏ ﻭﮦ ﻧﻘﺎﺏ ﺍﻭﺭ ﺩﺳﺘﺎﻧﮯ ﭘﮩﻨﻨﺎ ﺑﮭﯽ ﺷﺮﻭﻉ ﮨﻮ ﮔﺌﯽ ﺗﮭﯽ۔ ﺍُﺱ ﻧﮯ ﺑﺎﻝ ﮐﭩﻮﺍﻧﺎ ﭼﮭﻮﮌ ﺩﯾﺎ ﺗﮭﺎ، ﺑﮭﻨﻮﺅﮞ ﮐﯽ ﺗﺮﺍﺵ ﺧﺮﺍﺵ، ﭼﮩﺮﮮ ﮐﮯ ﺑﺎﻟﻮﮞ ﮐﯽ ﺻﻔﺎﺋﯽ، ﺳﺐ ﮐﭽﮫ ﭼﮭﻮﮌ ﺩﯾﺎ ﺗﮭﺎ ﮐﯿﻮﻧﮑﮧ ﺍُﺱ ﮔﮭﺮ ﮐﯽ ﻋﻮﺭﺗﯿﮟ ﺍﻥ ﻣﯿﮟ ﺳﮯ ﮐﻮﺋﯽ ﮐﺎﻡ ﻧﮩﯿﮟ ﮐﺮﺗﯽ ﺗﮭﯿﮟ … ﻭﮦ ﺁﺋﯿﮉﯾﻞ ﻋﻮﺭﺗﯿﮟ ﺗﮭﯿﮟ ﺍﻭﺭ ﻋﺎﺋﺸﮧ ﻋﺎﺑﺪﯾﻦ ﮐﻮ ﺍﭘﻨﮯ ﺁﭖ ﮐﻮ ﺍُﻥ ﮐﮯ ﻣﻄﺎﺑﻖ ﮈﮬﺎﻟﻨﺎ ﺗﮭﺎ۔ ﺍﭘﻨﮯ ﺑﺎﮨﺮ ﮐﻮ ﺩﻭﺳﺮﻭﮞ ﮐﮯ ﺑﻨﺎﺋﮯ ﮨﻮﺋﮯ ﺳﺎﻧﭽﻮﮞ ﻣﯿﮟ ﮈﮬﺎﻟﺘﮯ ﮈﮬﺎﻟﺘﮯ ﻋﺎﺋﺸﮧ ﻋﺎﺑﺪﯾﻦ ﮐﮯ ﺍﻧﺪﺭ ﮐﮯ ﺳﺎﺭﮮ ﺳﺎﻧﭽﮯ ﭨﻮﭨﻨﺎ ﺷﺮﻭﻉ ﮨﻮ ﮔﺌﮯ ﺗﮭﮯ۔ ﺍُﺱ ﮐﮯ ﻧﺎﻧﺎ، ﻧﺎﻧﯽ ﺍﻭﺭ ﻓﯿﻤﻠﯽ ﮐﻮ ﯾﮧ ﭘﺘﮧ ﺗﮭﺎ ﮐﮧ ﺍُﺱ ﮐﮯ ﺳﺴﺮﺍﻝ ﻭﺍﻟﮯ ﺍﭼﮭﮯ ﻟﻮﮒ ﻧﮩﯿﮟ ﺗﮭﮯ، ﻟﯿﮑﻦ ﻋﺎﺋﺸﮧ ﺍُﺱ ﮔﮭﺮ ﻣﯿﮟ ﮐﯿﺎ ﺑﺮﺩﺍﺷﺖ ﮐﺮﺭﮨﯽ ﺗﮭﯽ، ﺍُﻧﮩﯿﮟ ﺍﺱ ﮐﺎ ﺍﻧﺪﺍﺯﮦ ﻧﮩﯿﮟ ﺗﮭﺎ … ﻭﮦ ﺍُﺱ ﺣﻠﻒ ﮐﻮ ﻧﺒﮭﺎﺭ ﮨﯽ ﺗﮭﯽ ﺟﻮ ﻭﮦ ﺷﺎﺩﯼ ﮐﯽ ﭘﮩﻠﯽ ﺭﺍﺕ ﻟﮯ ﺑﯿﭩﮭﯽ ﺗﮭﯽ، ﮐﻮﺋﯽ ﺑﮭﯽ ﺍُﺱ ﺳﮯ ﻣﻠﻨﮯ ﭘﺮ ﺍُﺱ ﺳﮯ ﻓﻮﻥ ﭘﺮ ﺑﺎﺕ ﮐﺮﻧﮯ ﭘﺮ ﺍُﺳﮯ ﮐﺮﯾﺪﺗﺎ ﺭﮨﺘﺎ ﻋﺎﺋﺸﮧ ﮐﮯ ﭘﺎﺱ ﺑﺘﺎﻧﮯ ﮐﻮ ﮐﭽﮫ ﺑﮭﯽ ﻧﮩﯿﮟ ﮨﻮﺗﺎ ﺗﮭﺎ ﺳﻮﺍﺋﮯ ﺍﺱ ﮐﮯ ﮐﮧ ﻭﮦ ﺍﭘﻨﮯ ﮔﮭﺮ ﻣﯿﮟ ﺑﮩﺖ ﺧﻮﺵ ﺗﮭﯽ ﺍﻭﺭ ﺍُﺱ ﮐﯽ ﻧﺎﺧﻮﺷﯽ ﺩﻭﺳﺮﮮ ﮐﯽ ﻏﻠﻂ ﻓﮩﻤﯽ ﺗﮭﯽ ﺍﻭﺭ ﺍﻥ ﻧﻮ ﻣﮩﯿﻨﻮﮞ ﮐﮯ ﺩﻭﺭﺍﻥ ﺍُﺱ ﮐﺎ ﺍﻭﺭ ﺍﺣﺴﻦ ﺳﻌﺪ ﮐﺎ ﺗﻌﻠﻖ ﻧﮧ ﮨﻮﻧﮯ ﮐﮯ ﺑﺮﺍﺑﺮ ﺗﮭﺎ … ﻭﮦ ﺷﺎﺩﯼ ﭘﺮ ﻭﺍﭘﺲ ﺟﺎﻧﮯ ﮐﮯ ﺑﻌﺪ ﺑﭽﮯ ﮐﯽ ﭘﯿﺪﺍﺋﺶ ﺗﮏ ﺩﻭﺑﺎﺭﮦ ﻭﺍﭘﺲ ﻧﮩﯿﮟ ﺁﯾﺎ ﺗﮭﺎ، ﺍﻥ ﮐﮯ ﺩﺭﻣﯿﺎﻥ ﻓﻮﻥ ﭘﺮ ﺍﻭﺭ skype ﭘﺮ ﺑﺎﺕ ﺑﮭﯽ ﺑﮩﺖ ﻣﺨﺘﺼﺮ ﮨﻮﺗﯽ ﺍﻭﺭ ﺍُﺱ ﻣﯿﮟ ﺗﺐ ﻭﻗﻔﮧ ﭘﮍ ﺟﺎﺗﺎ ﺟﺐ ﺍﺣﺴﻦ ﮐﮯ ﮔﮭﺮ ﻣﯿﮟ ﮐﻮﺋﯽ ﺍُﺱ ﺳﮯ ﺧﻔﺎ ﮨﻮﺗﺎ، ﻭﮦ ﺍﻣﺮﯾﮑﮧ ﻣﯿﮟ ﮨﻮﻧﮯ ﮐﮯ ﺑﺎﻭﺟﻮﺩ ﮔﮭﺮ ﻣﯿﮟ ﮨﻮﻧﮯ ﻭﺍﻟﮯ ﮨﺮ ﻣﻌﺎﻣﻠﮯ ﺳﮯ ﺁﮔﺎﮦ ﺭﮐﮭﺎ ﺟﺎ ﺭﮨﺎ ﺗﮭﺎ، ﺧﺎﺹ ﻃﻮﺭ ﭘﺮ ﻋﺎﺋﺸﮧ ﮐﮯ ﺣﻮﺍﻟﮯ ﺳﮯ۔ ﻋﺎﺋﺸﮧ ﮐﻮ ﮐﺒﮭﯽ ﮐﺒﮭﺎﺭ ﻟﮕﺘﺎ ﺗﮭﺎ ﻭﮦ ﺷﻮﮨﺮ ﺍﻭﺭ ﺑﯿﻮﯼ ﮐﺎ ﺭﺷﺘﮧ ﻧﮩﯿﮟ ﺗﮭﺎ، ﺍﯾﮏ ﺑﺎﺩﺷﺎﮦ ﺍﻭﺭ ﮐﻨﯿﺰ ﮐﺎ ﺭﺷﺘﮧ ﺗﮭﺎ۔ﺍﺣﺴﻦ ﺳﻌﺪ ﮐﻮ ﺍُﺱ ﻣﯿﮟ ﻭﯾﺴﯽ ﮨﯽ ﺍﻃﺎﻋﺖ ﭼﺎﮨﯿﮯ ﺗﮭﯽ ﺍﻭﺭ ﻭﮦ ﺍﭘﻨﮯ ﺩﻝ ﭘﺮ ﺟﺒﺮ ﮐﺮﺗﮯ ﮨﻮﺋﮯ ﻭﮦ ﺑﯿﻮﯼ ﺑﻨﻨﮯ ﮐﯽ ﮐﻮﺷﺶ ﮐﺮ ﺭﮨﯽ ﺗﮭﯽ ﺟﻮ ﺑﯿﻮﯼ ﺍﺣﺴﻦ ﺳﻌﺪ ﮐﻮ ﭼﺎﮨﯿﮯ ﺗﮭﯽ۔ ﺍﺳﻔﻨﺪ ﮐﯽ ﭘﯿﺪﺍﺋﺶ ﺗﮏ ﮐﮯ ﻋﺮﺻﮯ ﻣﯿﮟ ﻋﺎﺋﺸﮧ ﻋﺎﺑﺪﯾﻦ ﮐﭽﮫ ﮐﯽ ﮐﭽﮫ ﮨﻮﭼﮑﯽ ﺗﮭﯽ۔ ﺟﺲ ﮔﮭﭩﻦ ﻣﯿﮟ ﻭﮦ ﺟﯽ ﺭﮨﯽ ﺗﮭﯽ، ﺍُﺱ ﮔﮭﭩﻦ ﻧﮯ ﺍﺱ ﮐﮯ ﺑﭽﮯ ﮐﻮ ﺑﮭﯽ ﻣﺘﺎﺛﺮ ﮐﯿﺎ ﺗﮭﺎ … ﺍُﺱ ﮐﺎ ﺑﯿﭩﺎ ﺍﺳﻔﻨﺪ ﻧﺎﺭﻣﻞ ﻧﮩﯿﮟ ﺗﮭﺎ۔ ﯾﮧ ﻋﺎﺋﺸﮧ ﻋﺎﺑﺪﯾﻦ ﮐﺎ ﺍﯾﮏ ﺍﻭﺭ ﺑﮍﺍ ﮔﻨﺎﮦ ﺗﮭﺎ۔ ****** ﺍﻭﻭﻝ ﺁﻓﺲ ﺳﮯ ﻣﻠﺤﻘﮧ ﺍﯾﮏ ﭼﮭﻮﭨﮯ ﺳﮯ ﮐﻤﺮﮮ ﻣﯿﮟ ﭘﺮﻭﭨﻮﮐﻮﻝ ﺁﻓﯿﺴﺮ ﮐﯽ ﺭﮨﻨﻤﺎﺋﯽ ﻣﯿﮟ ﺩﺍﺧﻞ ﮨﻮﺗﮯ ﮨﻮﺋﮯ ﺳﺎﻻﺭ ﺳﮑﻨﺪﺭ ﮐﮯ ﺍﻧﺪﺍﺯ ﻣﯿﮟ ﺍُﺱ ﺟﮕﮧ ﺳﮯ ﻭﺍﻗﻔﯿﺖ ﮐﺎ ﻋﻨﺼﺮ ﺑﮯ ﺣﺪ ﻧﻤﺎﯾﺎﮞ ﺗﮭﺎ۔ ﻭﮦ ﺑﮍﮮ ﻣﺎﻧﻮﺱ ﺍﻧﺪﺍﺯ ﻣﯿﮟ ﭼﻠﺘﮯ ﮨﻮﺋﮯ ﻭﮨﺎﮞ ﺁﯾﺎ ﺗﮭﺎ ﺍﻭﺭ ﺍُﺱ ﮐﮯ ﺑﻌﺪ ﮨﻮﻧﮯ ﻭﺍﻟﮯ ﺗﻤﺎﻡ ”rituals“ ﺳﮯ ﺑﮭﯽ ﻭﮦ ﻭﺍﻗﻒ ﺗﮭﺎ۔ ﻭﮦ ﯾﮩﺎﮞ ﮐﺌﯽ ﺑﺎﺭ ﺁﭼﮑﺎ ﺗﮭﺎ … ﮐﺌﯽ ﻭﻓﻮﺩ ﮐﺎ ﺣﺼّﮧ ﺑﻦ ﮐﺮ … ﻟﯿﮑﻦ ﯾﮧ ﭘﮩﻼ ﻣﻮﻗﻊ ﺗﮭﺎ ﺟﺐ ﻭﮦ ﻭﮨﺎﮞ ﺗﻨﮩﺎ ﺑُﻼﯾﺎ ﮔﯿﺎ ﺗﮭﺎ۔ ﺍُﺳﮯ ﺑﭩﮭﺎﻧﮯ ﮐﮯ ﺑﻌﺪ ﻭﮦ ﺁﻓﯿﺴﺮ ﺍﻧﺪﺭﻭﻧﯽ ﺩﺭﻭﺍﺯﮮ ﺳﮯ ﻏﺎﺋﺐ ﮨﻮ ﮔﯿﺎ ﺗﮭﺎ … ﻭﮦ ﭘﻨﺪﺭﮦ ﻣﻨﭧ ﮐﯽ ﺍﯾﮏ ﻣﻼﻗﺎﺕ ﺗﮭﯽ ﺟﺲ ﮐﮯ ﺑﻠﭧ ﭘﻮﺍﺋﻨﭩﺲ ﻭﮦ ﺍﺱ ﻭﻗﺖ ﺫﮨﻦ ﻣﯿﮟ ﺩﮨﺮﺍ ﺭﮨﺎ ﺗﮭﺎ، ﻭﮦ ﺍﻣﺮﯾﮑﮧ ﮐﮯ ﺑﮩﺖ ﺳﺎﺭﮮ ﺻﺪﻭﺭ ﺳﮯ ﻣﻞ ﭼﮑﺎ، ﻟﯿﮑﻦ ﺟﺲ ﺻﺪﺭ ﺳﮯ ﻭﮦ ﺍُﺱ ﻭﻗﺖ ﻣﻠﻨﮯ ﺁﯾﺎ ﺗﮭﺎ … ” ﺧﺎﺹ ” ﺗﮭﺎ … ﮐﺌﯽ ﺣﻮﺍﻟﻮﮞ ﺳﮯ۔ ﻭﺍﻝ ﮐﻼﮎ ﭘﺮ ﺍﺑﮭﯽ 9:55 ﮨﻮﺋﮯ ﺗﮭﮯ … ﺻﺪﺭ ﮐﮯ ﺍﻧﺪﺭ ﺁﻧﮯ ﻣﯿﮟ ﭘﺎﻧﭻ ﻣﻨﭧ ﺑﺎﻗﯽ ﺗﮭﮯ … ﺍُﺱ ﺳﮯ ﭘﮩﻠﮯ 9:56 ﭘﺮ ﺍﯾﮏ ﻭﯾﭩﺮ ﺍُﺱ ﮐﻮ ﭘﺎﻧﯽ serve ﮐﺮ ﮐﮯ ﮔﯿﺎ ﺗﮭﺎ … ﺍُﺱ ﻧﮯ ﮔﻼﺱ ﺍُﭨﮭﺎ ﮐﺮ ﺭﮐﮫ ﺩﯾﺎ ﺗﮭﺎ۔ 9:57 ﭘﺮ ﺍﯾﮏ ﺍﻭﺭ ﺍﭨﯿﻨﮉﻧﭧ ﺍُﺳﮯ ﮐﺎﻓﯽ ﺳﺮﻭ ﮐﺮﻧﮯ ﺁﯾﺎ ﺗﮭﺎ۔ﺍُﺱ ﻧﮯ ﻣﻨﻊ ﮐﺮﺩﯾﺎ۔ 9:59 ﭘﺮ ﺍﻭﻭﻝ ﺁﻓﺲ ﮐﺎ ﺩﺭﻭﺍﺯﮦ ﮐﮭﻼ ﺍﻭﺭ ﺻﺪﺭ ﮐﯽ ﺁﻣﺪ ﮐﺎ ﺍﻋﻼﻥ ﮨﻮﺍ … ﺳﺎﻻﺭ ﺍُﭨﮫ ﮐﺮ ﮐﮭﮍﺍ ﮨﻮﮔﯿﺎ ﺗﮭﺎ ۔ ﺍﻭﻭﻝ ﺁﻓﺲ ﮐﮯ ﺩﺭﻭﺍﺯﮮ ﺳﮯ ﺍُﺱ ﮐﻤﺮﮮ ﻣﯿﮟ ﺁﻧﮯ ﻭﺍﻻ ﺻﺪﺭ، ﺍﻣﺮﯾﮑﮧ ﮐﯽ ﺗﺎﺭﯾﺦ ﮐﺎ ﮐﻤﺰﻭﺭ ﺗﺮﯾﻦ ﺻﺪﺭ ﺗﮭﺎ … ﻭﮦ 2030 ﮐﺎ ﺍﻣﺮﯾﮑﮧ ﺗﮭﺎ … ﺑﮯ ﺷﻤﺎﺭ ﺍﻧﺪﺭﻭﻧﯽ ﺍﻭﺭ ﺑﯿﺮﻭﻧﯽ ﻣﺴﺎﺋﻞ ﺳﮯ ﺩﻭﭼﺎﺭ ﺍﯾﮏ ﮐﻤﺰﻭﺭ ﻣﻠﮏ … ﺟﺲ ﮐﯽ ﮐﭽﮫ ﺭﯾﺎﺳﺘﻮﮞ ﻣﯿﮟ ﺍﺱ ﻭﻗﺖ ﺧﺎﻧﮧ ﺟﻨﮕﯽ ﺟﺎﺭﯼ ﺗﮭﯽ … ﮐﭽﮫ ﺩﻭﺳﺮﯼ ﻣﯿﮟ ﻧﺴﻠﯽ ﻓﺴﺎﺩﺍﺕ … ﺍﻭﺭ ﺍﻥ ﺳﺐ ﻣﯿﮟ ﻭﮦ ﺍﻣﺮﯾﮑﮧ ﮐﺎ ﻭﮦ ﭘﮩﻼ ﺻﺪﺭ ﺗﮭﺎ ﺟﺲ ﮐﯽ ﮐﯿﺒﻨﭧ ﺍﻭﺭ ﺗﮭﻨﮏ ﭨﯿﻨﮑﺲ ﻣﯿﮟ ﻣﺴﻠﻤﺎﻧﻮﮞ ﺍﻭﺭ ﯾﮩﻮﺩﯾﻮﮞ ﮐﯽ ﺗﻌﺪﺍﺩ ﺍﺏ ﺑﺮﺍﺑﺮ ﮨﻮﭼﮑﯽ ﺗﮭﯽ، ﺍُﺱ ﮐﯽ policies ﮐﮯ ﺳﺎﺗﮫ ﺳﺎﺗﮫ ﮔﻮﺭﻧﻤﻨﭧ ﺑﮭﯽ ﺍﻧﺪﺭﻭﻧﯽ ﺧﻠﻔﺸﺎﺭ ﮐﺎ ﺷﮑﺎﺭ ﺗﮭﯽ … ﻟﯿﮑﻦ ﯾﮧ ﻭﮦ ﻣﺴﺎﺋﻞ ﻧﮩﯿﮟ ﺗﮭﮯ ﺟﻦ ﮐﯽ ﻭﺟﮧ ﺳﮯ ﺍﻣﺮﯾﮑﮧ ﮐﺎ ﺻﺪﺭ ﺍُﺱ ﺳﮯ ﻣﻼﻗﺎﺕ ﮐﺮﺭﮨﺎ ﺗﮭﺎ۔ ﺍﻣﺮﯾﮑﮧ ﺍﭘﻨﯽ ﺗﺎﺭﯾﺦ ﮐﮯ ﺳﺐ ﺳﮯ ﺑﮍﮮ ﻣﺎﻟﯿﺎﺗﯽ ﺍﻭﺭ ﺑﯿﻨﮑﻨﮓ ﺑﺤﺮﺍﻥ ﮐﮯ ﺩﻭﺭﺍﻥ ﺍﭘﻨﯽ ﺑﯿﻦ ﺍﻻﻗﻮﺍﻣﯽ ﭘﻮﺯﯾﺸﻦ ﺍﻭﺭ ﺳﺎﮐﮫ ﮐﻮ ﺑﭽﺎﻧﮯ ﮐﮯ ﻟﺌﮯ ﺳﺮ ﺗﻮﮌ ﮐﻮﺷﺶ ﮐﺮﺭﮨﺎ ﺗﮭﺎ ﺍﻭﺭ SIF ﮐﮯ ﺳﺮﺑﺮﺍﮦ ﺳﮯ ﻭﮦ ﻣﻼﻗﺎﺕ ﺍُﻥ ﮨﯽ ﮐﻮﺷﺸﻮﮞ ﮐﺎ ﺍﯾﮏ ﺣﺼّﮧ ﺗﮭﯽ … ﺍُﻥ ﺁﺋﯿﻨﯽ ﺗﺮﺍﻣﯿﻢ ﮐﮯ ﺑﻌﺪ ﺟﻮ ﺍﻣﺮﯾﮑﮧ ﮐﻮ ﺍﭘﻨﮯ ﻣﻠﮏ ﮐﯽ economy ﮐﻮ ﻣﮑﻤﻞ ﻃﻮﺭ ﭘﺮ ﮈﻭﺑﻨﮯ ﺳﮯ ﺑﭽﺎﻧﮯ ﮐﮯ ﻟﺌﮯ ﮐﺮﻧﯽ ﭘﮍﯼ ﺗﮭﯿﮟ۔ ﺍﭘﻨﯽ ﺗﺎﺭﯾﺦ ﮐﮯ ﺍﺱ ﺳﺐ ﺳﮯ ﺑﮍﮮ ﻣﺎﻟﯿﺎﺗﯽ ﺑﺤﺮﺍﻥ ﻣﯿﮟ ﺟﺐ ﺍﻣﺮﯾﮑﮧ ﮐﯽ ﺍﺳﭩﺎﮎ ﺍﯾﮑﺴﭽﯿﻨﺞ ﮐﺮﯾﺶ ﮐﺮ ﮔﺌﯽ ﺗﮭﯽ … ﺍُﺱ ﮐﮯ ﺑﮍﮮ ﻣﺎﻟﯿﺎﺗﯽ ﺍﺩﺍﺭﮮ ﺩﯾﻮﺍﻟﯿﮧ ﮨﻮ ﺭﮨﮯ ﺗﮭﮯ … ﮈﺍﻟﺮ ﮐﯽ ﻣﺴﻠﺴﻞ ﮔﺮﺗﯽ ﮨﻮﺋﯽ ﻭﯾﻠﯿﻮ ﮐﻮ ﮐﺴﯽ ﺍﯾﮏ ﺟﮕﮧ ﺭﻭﮐﻨﺎ ﻣﺸﮑﻞ ﮨﻮ ﮔﯿﺎ ﺗﮭﺎ ﺍﻭﺭ ﺍﻣﺮﯾﮑﮧ ﮐﻮ ﺗﯿﻦ ﻣﮩﯿﻨﮯ ﮐﮯ ﺩﻭﺭﺍﻥ ﺗﯿﻦ ﺑﺎﺭ ﺍﭘﻨﯽ ﮐﺮﻧﺴﯽ ﮐﻮ ﺍﺳﺘﺤﮑﺎﻡ ﺩﯾﻨﮯ ﮐﮯ ﻟﺌﮯ ﺍُﺱ ﮐﯽ ﻭﯾﻠﯿﻮ ﺧﻮﺩ ﮐﻢ ﮐﺮﻧﯽ ﭘﮍﯼ ﺗﮭﯽ … ﺻﺮﻑ ﺍﯾﮏ ﺍﺩﺍﺭﮦ ﺗﮭﺎ ﺟﻮ ﺍﺱ ﻣﺎﻟﯿﺎﺗﯽ ﺑﺤﺮﺍﻥ ﮐﻮ ﺟﮭﯿﻞ ﮔﯿﺎ ﺗﮭﺎ … ﻟﮍﮐﮭﮍﺍﻧﮯ ﮐﮯ ﺑﺎﻭﺟﻮﺩ ﻭﮦ ﺍﻣﺮﯾﮑﮧ ﮐﮯ ﺑﮍﮮ ﻣﺎﻟﯿﺎﺗﯽ ﺍﺩﺍﺭﻭﮞ ﮐﯽ ﻃﺮﺡ ﺯﻣﯿﻦ ﺑﻮﺱ ﻧﮩﯿﮟ ﮨﻮﺍ ﺗﮭﺎ، ﻧﮧ ﮨﯽ ﺍﺱ ﻧﮯ ﮈﺍﺅﻥ ﺳﺎﺋﺰﻧﮓ ﮐﯽ ﺗﮭﯽ، ﻧﮧ ﺑﯿﻞ ﺁﺅﭦ ﭘﯿﮑﺠﺰ ﻣﺎﻧﮕﮯ ﺗﮭﮯ … ﺍﻭﺭ ﻭﮦ SIF ﺗﮭﺎ … ﭘﻨﺪﺭﮦ ﺳﺎﻝ ﻣﯿﮟ ﻭﮦ ﺍﯾﮏ ﺑﯿﻦ ﺍﻻﻗﻮﺍﻣﯽ ﻣﺎﻟﯿﺎﺗﯽ ﺍﺩﺍﺭﮮ ﮐﮯ ﻃﻮﺭ ﭘﺮ ﺍﭘﻨﯽ ﺷﺎﻧﺪﺍﺭ ﺳﺎﮐﮫ ﺍﻭﺭ ﻧﺎﻡ ﺑﻨﺎ ﭼﮑﺎ ﺗﮭﺎ ﺍﻭﺭ ﺍﻣﺮﯾﮑﮧ ﺍﻭﺭ ﺑﮩﺖ ﺳﮯ ﺩﻭﺳﺮﮮ ﭼﮭﻮﭨﮯ ﻣﻠﮑﻮﮞ ﻣﯿﮟ ﻭﮦ ﺑﮩﺖ ﺳﮯ ﭼﮭﻮﭨﮯ ﺑﮍﮮ ﺍﺩﺍﺭﻭﮞ ﮐﻮ mergers ﮐﮯ ﺫﺭﯾﻌﮯ ﺍﭘﻨﯽ ﭼﮭﺘﺮﯼ ﺗﻠﮯ ﻻﭼﮑﺎ ﺗﮭﺎ ﺍﻭﺭ ﻭﮦ ﭼﮭﺘﺮﯼ ﻣﻐﺮﺑﯽ ﻣﺎﻟﯿﺎﺗﯽ ﺍﺩﺍﺭﻭﮞ ﮐﯽ ﺷﺪﯾﺪ ﻣﺨﺎﺻﻤﺖ ﺍﻭﺭ ﻣﻐﺮﺑﯽ ﺣﮑﻮﻣﺘﻮﮞ ﮐﮯ ﺳﺨﺖ ﺗﺮﯾﻦ ﺍﻣﺘﯿﺎﺯﯼ ﻗﻮﺍﻧﯿﻦ ﮐﮯ ﺑﺎﻭﺟﻮﺩ ﭘﮭﯿﻠﺘﯽ ﭼﻠﯽ ﮔﺌﯽ ﺗﮭﯽ … ﭘﻨﺪﺭﮦ ﺳﺎﻟﻮﮞ ﻣﯿﮟ SIF ﻧﮯ ﺍﭘﻨﯽ survival ﺍﻭﺭ ﺗﺮﻗﯽ ﮐﮯ ﻟﺌﮯ ﺑﮩﺖ ﺳﺎﺭﯼ ﺟﻨﮕﯿﮟ ﻟﮍﯼ ﺗﮭﯿﮟ ﺍﻭﺭ ﺍﻥ ﻣﯿﮟ ﺳﮯ ﮨﺮ ﺟﻨﮓ ﭼﻮﻣﮑﮭﯽ ﺗﮭﯽ ﻟﯿﮑﻦ SIF ﺍﻭﺭ ﺍُﺱ ﺳﮯ ﻣﻨﺴﻠﮏ ﺍﻓﺮﺍﺩ ﮈﭨﮯ ﺭﮨﮯ ﺗﮭﮯ ﺍﻭﺭ ﭘﻨﺪﺭﮦ ﺳﺎﻝ ﮐﯽ ﺍﺱ ﻣﺨﺘﺼﺮ ﻣﺪﺕ ﻣﯿﮟ ﻣﺎﻟﯿﺎﺗﯽ ﺩﻧﯿﺎ ﮐﺎ ﺍﯾﮏ ﺑﮍﺍ ﻣﮕﺮﻣﭽﮫ ﺍﺏ SIF ﺑﮭﯽ ﺗﮭﺎ ﺟﻮ ﺍﭘﻨﮯ ﺑﻘﺎ ﮐﮯ ﻟﺌﮯ ﻟﮍﯼ ﺟﺎﻧﮯ ﻭﺍﻟﯽ ﺍﻥ ﺗﻤﺎﻡ ﺟﻨﮕﻮﮞ ﮐﮯ ﺑﻌﺪ ﺍﺏ ﺑﮯ ﺣﺪ ﻣﻀﺒﻮﻁ ﮨﻮﭼﮑﺎ ﺗﮭﺎ … ﺍﻣﺮﯾﮑﮧ، ﯾﻮﺭﭖ ﺍﻭﺭ ﺍﯾﺸﯿﺎ ﺍُﺱ ﮐﯽ ﺑﮍﯼ ﻣﺎﺭﮐﯿﭩﺲ ﺗﮭﯿﮟ ﻟﯿﮑﻦ ﯾﮧ ﺍﻓﺮﯾﻘﮧ ﺗﮭﺎ ﺟﺲ ﭘﺮ SIF ﻣﮑﻤﻞ ﻃﻮﺭ ﭘﺮ ﻗﺎﺑﺾ ﺗﮭﺎ … ﻭﮦ ﺍﻓﺮﯾﻘﮧ ﺟﺲ ﻣﯿﮟ ﮐﻮﺋﯽ ﮔﻮﺭﺍ 2030 ﻣﯿﮟ SIF ﮐﮯ ﺑﻐﯿﺮ ﮐﻮﺋﯽ ﻣﺎﻟﯿﺎﺗﯽ ﭨﺮﺍﻧﺰﯾﮑﺸﻦ ﮐﺮﻧﮯ ﮐﺎ ﺗﺼﻮﺭ ﺑﮭﯽ ﻧﮩﯿﮟ ﮐﺮﺳﮑﺘﺎ ﺗﮭﺎ … ﺍﻓﺮﯾﻘﮧ SIF ﮐﮯ ﮨﺎﺗﮫ ﻣﯿﮟ ﻧﮩﯿﮟ ﺗﮭﺎ، ﺳﺎﻻﺭ ﺳﮑﻨﺪﺭ ﮐﮯ ﮨﺎﺗﮫ ﻣﯿﮟ ﺗﮭﺎ ﺟﺴﮯ ﺍﻓﺮﯾﻘﮧ ﺍﻭﺭ ﺍُﺱ ﮐﮯ leaders ﻧﺎﻡ ﺍﻭﺭ ﭼﮩﺮﮮ ﺳﮯ ﭘﮩﭽﺎﻧﺘﮯ ﺗﮭﮯ … ﭘﭽﮭﻠﮯ ﭘﻨﺪﺭﮦ ﺳﺎﻟﻮﮞ ﻣﯿﮟ ﺻﺮﻑ ﺳﺎﻻﺭ ﮐﺎ ﺍﺩﺍﺭﮦ ﻭﮦ ﻭﺍﺣﺪﺍﺩﺍﺭﮦ ﺗﮭﺎ ﺟﻮ ﺍﻓﺮﯾﻘﮧ ﮐﮯ ﮐﺌﯽ ﻣﻤﺎﻟﮏ ﻣﯿﮟ ﺑﺪﺗﺮﯾﻦ ﺧﺎﻧﮧ ﺟﻨﮕﯽ ﮐﮯ ﺩﻭﺭﺍﻥ ﺑﮭﯽ ﮐﺎﻡ ﮐﺮﺗﺎ ﺭﮨﺎ ﺗﮭﺎ ﺍﻭﺭ ﺍُﺱ ﺳﮯ ﻣﻨﺴﻠﮏ ﻭﮨﺎﮞ ﮐﺎﻡ ﮐﺮﻧﮯ ﻭﺍﻟﮯ ﺳﺐ ﺍﻓﺮﯾﻘﯽ ﺗﮭﮯ ﺍﻭﺭ SIF ﮐﮯ mission statement ﭘﺮ ﯾﻘﯿﻦ ﺭﮐﮭﻨﮯ ﻭﺍﻟﮯ … ﺟﻮ ﯾﮧ ﺟﺎﻧﺘﮯ ﺗﮭﮯ ﺟﻮ ﮐﭽﮫ SIF ﺍﻥ ﮐﮯ ﻟﺌﮯ ﮐﺮﺭﮨﺎ ﺗﮭﺎ، ﺍﻭﺭ ﮐﺮﺳﮑﺘﺎ ﺗﮭﺎ ﻭﮨﺎﮞ ﺩﻧﯿﺎ ﮐﺎ ﮐﻮﺋﯽ ﺍﻭﺭ ﻣﺎﻟﯿﺎﺗﯽ ﺍﺩﺍﺭﮦ ﻧﮩﯿﮟ ﮐﺮﺳﮑﺘﺎ ﺗﮭﺎ۔ SIF ﺍﻓﺮﯾﻘﮧ ﻣﯿﮟ ﺍﺑﺘﺪﺍﺋﯽ ﺩﻭﺭ ﻣﯿﮟ ﮐﺌﯽ ﺑﺎﺭ ﻧﻘﺼﺎﻥ ﺍُﭨﮭﺎﻧﮯ ﮐﮯ ﺑﺎﻭﺟﻮﺩ ﻭﮨﺎﮞ ﺳﮯ ﻧﮑﻼ ﻧﮩﯿﮟ ﺗﮭﺎ، ﻭﮦ ﻭﮨﺎﮞ ﺟﻤﺎ ﺍﻭﺭ ﮈﭨﺎ ﺭﮨﺎ ﺗﮭﺎ ﺍﻭﺭ ﺍُﺱ ﮐﯽ ﻭﮨﺎﮞ ﺑﻘﺎ ﮐﯽ ﺑﻨﯿﺎﺩﯼ ﻭﺟﮧ ﺳﻮﺩ ﺳﮯ ﭘﺎﮎ ﻭﮦ ﻣﺎﻟﯿﺎﺗﯽ ﻧﻈﺎﻡ ﺗﮭﺎ ﺟﻮ ﻭﮨﺎﮞ ﮐﯽ ﻟﻮﮐﻞ ﺍﻧﮉﺳﭩﺮﯼ ﺍﻭﺭ ﺍﻧﮉﺳﭩﺮﯾﻠﺴﭩﺲ ﮐﻮ ﻧﮧ ﺻﺮﻑ ﺳﻮﺩ ﺳﮯ ﭘﺎﮎ ﻗﺮﺿﮯ ﺩﮮ ﺭﮨﺎ ﺗﮭﺎ ﺑﻠﮑﮧ ﺍُﻧﮩﯿﮟ ﺍﭘﻨﮯ ﻭﺳﺎﺋﻞ ﺳﮯ ﺍُﺱ ﺍﻧﮉﺳﭩﺮﯼ ﮐﻮ ﮐﮭﮍﺍ ﮐﺮﻧﮯ ﻣﯿﮟ ﺍﻧﺴﺎﻧﯽ ﻭﺳﺎﺋﻞ ﺑﮭﯽ ﻓﺮﺍﮨﻢ ﮐﺮ ﺭﮨﺎ ﺗﮭﺎ۔ ﭘﭽﮭﻠﮯ ﭘﻨﺪﺭﮦ ﺳﺎﻟﻮﮞ ﻣﯿﮟ SIF ﮐﯽ ﺍﻓﺮﯾﻘﮧ ﻣﯿﮟ ﺗﺮﻗﯽ ﮐﯽ ﺷﺮﺡ ﺍﯾﮏ ﺳﭩﯿﺞ ﭘﺮ ﺍﺗﻨﯽ ﺑﮍﺣﮫ ﮔﺌﯽ ﺗﮭﯽ ﮐﮧ ﺑﮩﺖ ﺳﮯ ﺩﻭﺳﺮﮮ ﻣﺎﻟﯿﺎﺗﯽ ﺍﺩﺍﺭﻭﮞ ﮐﻮ ﺍﻓﺮﯾﻘﮧ ﻣﯿﮟ ﺍﭘﻨﺎ ﻭﺟﻮﺩ ﻗﺎﺋﻢ ﺭﮐﮭﻨﮯ ﮐﮯ ﻟﺌﮯ SIF ﮐﺎ ﺳﮩﺎﺭﺍ ﻟﯿﻨﺎ ﭘﮍﺍ ﺗﮭﺎ۔ ﺳﺎﻻﺭ ﺳﮑﻨﺪﺭ ﺳﯿﺎﮦ ﻓﺎﻣﻮﮞ ﮐﯽ ﺩُﻧﯿﺎ ﮐﺎ ﺑﮯ ﺗﺎﺝ ﺑﺎﺩﺷﺎﮦ ﺗﮭﺎ ﺍﻭﺭ ﺍُﺱ ﮐﯽ ﯾﮧ ﭘﮩﭽﺎﻥ ﺑﯿﻦ ﺍﻻﻗﻮﺍﻣﯽ ﺗﮭﯽ۔ ﺍﻓﺮﯾﻘﮧ ﮐﮯ ﻣﺎﻟﯿﺎﺗﯽ ﻧﻈﺎﻡ ﮐﯽ ﮐﻨﺠﯽ SIF ﮐﮯ ﭘﺎﺱ ﺗﮭﯽ ﺍﻭﺭ ﺳﺎﻻﺭ ﺳﮑﻨﺪﺭ ﮐﮯ ﺍُﺱ ﺩﻥ ﻭﺍﺋﭧ ﮨﺎﺅﺱ ﻣﯿﮟ ﺑﯿﭩﮭﮯ ﮨﻮﻧﮯ ﮐﯽ ﺍﯾﮏ ﻭﺟﮧ ﯾﮧ ﺑﮭﯽ ﺗﮭﯽ۔ ﺍﻣﺮﯾﮑﮧ ﻭﺭﻟﮉ ﺑﯿﻨﮏ ﮐﻮ ﺩﯾﮯ ﺟﺎﻧﮯ ﻭﺍﻟﮯ ﻓﻨﮉﺯ ﻣﯿﮟ ﺍﭘﻨﺎ ﺣﺼﮧ ﺍﺩﺍ ﮐﺮﻧﮯ ﮐﮯ ﻗﺎﺑﻞ ﻧﮩﯿﮟ ﺭﮨﺎ ﺗﮭﺎ ﺍﻭﺭ ﻭﺭﻟﮉ ﺑﯿﻨﮏ ﮐﻮ ﻓﻨﮉﺯ ﮐﯽ ﻓﺮﺍﮨﻤﯽ ﻣﯿﮟ ﻧﺎﮐﺎﻡ ﺭﮨﻨﮯ ﮐﮯ ﺑﻌﺪ ﺍُﺱ ﺳﮯ ﺳﺮﮐﺎﺭﯼ ﻃﻮﺭ ﭘﺮ ﻋﻠﯿﺤﺪﮔﯽ ﺍﺧﺘﯿﺎﺭ ﮐﺮﺭﮨﺎ ﺗﮭﺎ … ﻭﺭﻟﮉ ﺑﯿﻨﮏ ﺍُﺱ ﺳﮯ ﭘﮩﻠﮯ ﮨﯽ ﺍﯾﮏ ﻣﺎﻟﯿﺎﺗﯽ ﺍﺩﺍﺭﮮ ﮐﮯ ﻃﻮﺭ ﭘﺮ ﺑُﺮﯼ ﻃﺮﺡ ﻟﮍﮐﮭﮍﺍ ﺭﮨﺎ ﺗﮭﺎ … ﯾﮧ ﺻﺮﻑ ﺍﻣﺮﯾﮑﮧ ﻧﮩﯿﮟ ﺗﮭﺎ ﺟﻮ ﻣﺎﻟﯿﺎﺗﯽ ﺑﺤﺮﺍﻥ ﮐﺎ ﺷﮑﺎﺭ ﺗﮭﺎ، ﺩُﻧﯿﺎ ﮐﮯ ﺑﮩﺖ ﺳﮯ ﺩﻭﺳﺮﮮ ﻣﻤﺎﻟﮏ ﺑﮭﯽ ﺍﺳﯽ ﮐﺴﺎﺩ ﺑﺎﺯﺍﺭﯼ ﮐﺎ ﺷﮑﺎﺭ ﺗﮭﮯ ﺍﻭﺭ ﺍﺱ ﺍﻓﺮﺍﺗﻔﺮﯼ ﻣﯿﮟ ﮨﺮ ﺍﯾﮏ ﮐﻮ ﺻﺮﻑ ﺍﭘﻨﮯ ﻣﻠﮏ ﮐﯽ ﺍﮐﺎﻧﻮﻣﯽ ﮐﯽ ﭘﺮﻭﺍ ﺗﮭﯽ، ﺍﻗﻮﺍﻡِ ﻣﺘﺤﺪﮦ ﺳﮯ ﻣﻨﺴﻠﮏ ﻭﺭﻟﮉ ﺑﯿﻨﮏ ﺍﻭﺭ ﺁﺋﯽ ﺍﯾﻢ ﺍﯾﻒ ﺟﯿﺴﮯ ﺍﺩﺍﺭﻭﮞ ﮐﮯ ﺫﺭﯾﻌﮯ ﺗﺮﻗﯽ ﭘﺬﯾﺮ ﻣﻤﺎﻟﮏ ﮐﯽ ﺍﻗﺘﺼﺎﺩﯾﺎﺕ ﭘﺮ ﻗﺎﺑﺾ ﺭﮨﻨﺎ ﺍﺏ ﻧﮧ ﺻﺮﻑ ﻧﺎﻣﻤﮑﻦ ﮨﻮﮔﯿﺎ ﺗﮭﺎ ﺑﻠﮑﮧ ﺩُﻧﯿﺎ ﮐﮯ ﺗﺮﻗﯽ ﯾﺎﻓﺘﮧ ﻣﻤﺎﻟﮏ ﻣﯿﮟ ﺁﺋﮯ ﮨﻮﺋﮯ ﻣﺎﻟﯿﺎﺗﯽ ﺑﺤﺮﺍﻥ ﮐﮯ ﺑﻌﺪ ﺍﺏ ﯾﮧ ﺑﮯ ﮐﺎﺭ ﺑﮭﯽ ﮨﻮﮔﯿﺎ ﺗﮭﺎ … #جاری