#آﺏِ_ﺣﯿﺎﺕ #ﺍﺯ_ﻋﻤﯿﺮﮦ_ﺍﺣﻤﺪ #قسط_نمبر_50 ﺍﻣﺎﻣﮧ ﺟﺒﺮﯾﻞ ﮐﺎ ﭼﮩﺮﮦ ﺩﯾﮑﮫ ﮐﺮ ﺭﮦ ﮔﺌﯽ ﺗﮭﯽ ۔ ﺍُﺳﮯ ﮐﭽﮫ ﺩﯾﺮ ﮐﮯ ﻟﺌﮯ ﺟﯿﺴﮯ ﺍُﺱ ﮐﯽ ﺑﺎﺗﯿﮟ ﺳﻤﺠﮭﻨﺎ ﮨﯽ ﻣﺸﮑﻞ ﮨﻮ ﮔﯿﺎ ﺗﮭﺎ۔ ﺍُﺱ ﻧﮯ ﺟﻮ ﻋﻨﺎﯾﮧ ﺍﻭﺭ ﻋﺒﺪﺍﻟﻠﮧ ﮐﮯ ﺣﻮﺍﻟﮯ ﺳﮯ ﮐﮩﺎ، ﺟﻮ ﺍﺣﺴﻦ ﺍﻭﺭ ﻋﺒﺪﺍﻟﻠﮧ ﮐﮯ ﺣﻮﺍﻟﮯ ﺳﮯ ﺍﻭﺭ ﺟﻮ ﺍﭘﻨﮯ ﺍﻭﺭ ﻋﺎﺋﺸﮧ ﮐﮯ ﺣﻮﺍﻟﮯ ﺳﮯ، ﻭﮦ ﺳﺐ ﮐﭽﮫ ﻋﺠﯿﺐ ﺍﻧﺪﺍﺯ ﻣﯿﮟ ﺍُﺱ ﮐﮯ ﺩﻣﺎﻍ ﻣﯿﮟ ﮔﮉﻣﮉ ﮨﻮ ﮔﯿﺎ ﺗﮭﺎ۔ ” ﻣﺠﮭﮯ ﮐﭽﮫ ﺳﻤﺠﮫ ﮨﯽ ﻧﮩﯿﮟ ﺁ ﺭﮨﺎ ﺟﺒﺮﯾﻞ۔ ” ﻭﮦ ﺑﺎﻵﺧﺮ ﺍُﺱ ﺳﮯ ﮐﮩﮯ ﺑﻐﯿﺮ ﻧﮩﯿﮟ ﺭﮦ ﺳﮑﯽ۔ ” ﻣﻤّﯽ ! I am sorry ” ﺟﺒﺮﯾﻞ ﮐﻮ ﺑﮯ ﺍﺧﺘﯿﺎﺭ ﺍﺱ ﮐﮯ ﭼﮩﺮﮮ ﮐﮯ ﺗﺎﺛﺮﺍﺕ ﺳﮯ ﺍﻧﺪﺍﺯﮦ ﮨﻮﺍ ﮐﮧ ﺍُﺱ ﻧﮯ ﻣﺎﮞ ﮐﻮ ﭘﺮﯾﺸﺎﻥ ﺍﻭﺭ ﺣﻮﺍﺱ ﺑﺎﺧﺘﮧ ﮐﺮ ﺩﯾﺎ ﺗﮭﺎ۔ ﺯﻧﺪﮔﯽ ﻣﯿﮟ ﭘﮩﻠﯽ ﺑﺎﺭ ﻭﮦ ﻣﺎﮞ ﮐﻮ ﮐﺴﯽ ﻟﮍﮐﯽ ﮐﮯ ﺣﻮﺍﻟﮯ ﺳﮯ ﺍﭘﻨﮯ ﮐﺴﯽ ” ﺍﻓﯿﺌﺮ ” ﮐﯽ ﺑﺎﺕ ﮐﺮ ﺭﮨﺎ ﺗﮭﺎ ﻭﮦ ﺑﮭﯽ ﺍﯾﮏ ﺍﯾﺴﺎ ﻣﻌﺎﻣﻠﮧ ﺟﺲ ﻣﯿﮟ ﺍُﺱ ﭘﺮ ﺍﻟﺰﺍﻣﺎﺕ ﻟﮕﺎﺋﮯ ﺟﺎ ﺭﮨﮯ ﺗﮭﮯ۔ ﻋﺎﺋﺸﮧ ﻋﺎﺑﺪﯾﻦ ﮐﻮﻥ ﺗﮭﯽ؟ ﺍﻣﺎﻣﮧ ﻧﮯ ﺯﻧﺪﮔﯽ ﻣﯿﮟ ﮐﺒﮭﯽ ﺍُﺱ ﮐﺎ ﻧﺎﻡ ﻧﮩﯿﮟ ﺳُﻨﺎ ﺗﮭﺎ ﺍﻭﺭ ﺟﺒﺮﯾﻞ ﭘﺮ ﮐﯿﻮﮞ ﺍُﺱ ﮐﮯ ﺳﺎﺗﮫ ﺍﻧﻮﺍﻟﻮﮈ ﮨﻮﻧﮯ ﮐﺎ ﺍﻟﺰﺍﻡ ﺍﯾﮏ ﺍﯾﺴﺎ ﺷﺨﺺ ﻟﮕﺎ ﺭﮨﺎ ﺗﮭﺎ ﺟﻮ ﺍُﺱ ﮐﮯ ﮨﻮﻧﮯ ﻭﺍﻟﮯ ﺩﺍﻣﺎﺩ ﮐﮯ ﻟﺌﮯ ﺍﯾﮏ inspiration ﮐﯽ ﺣﯿﺜﯿﺖ ﺭﮐﮭﺘﺎ ﺗﮭﺎ ﺍﻭﺭ ﺟﺒﺮﯾﻞ ﮐﯿﻮﮞ ﺭﻋﻨﺎﯾﮧ ﮐﯽ ﺷﺎﺩﯼ ﻋﺒﺪﺍﻟﻠﮧ ﮐﮯ ﺳﺎﺗﮫ ﮐﺮﻧﮯ ﮐﮯ ﺍﭼﺎﻧﮏ ﺧﻼﻑ ﮨﻮ ﮔﯿﺎ ﺗﮭﺎ۔ ﺟﺒﮑﮧ ﻣﺎﺿﯽ ﻣﯿﮟ ﮨﻤﯿﺸﮧ ﻭﮨﯽ ﺗﮭﺎ ﺟﻮ ﺍﻣﺎﻣﮧ ﮐﻮ ﻋﺒﺪﺍﻟﻠﮧ ﮐﮯ ﺣﻖ ﻣﯿﮟ ﻗﺎﺋﻞ ﮐﺮﻧﮯ ﮐﯽ ﮐﻮﺷﺶ ﮐﺮﺗﺎ ﺭﮨﺎ ﺗﮭﺎ۔ ” ﻣﯿﮟ ﯾﮧ ﺳﺐ ﺁﭖ ﺳﮯ ﺷﯿﺌﺮ ﻧﮩﯿﮟ ﮐﺮﻧﺎ ﭼﺎﮨﺘﺎ ﺗﮭﺎ، ﻟﯿﮑﻦ ﺍﺏ ﺍﺱ ﮐﮯ ﻋﻼﻭﮦ ﺍﻭﺭ ﮐﻮﺋﯽ ﺣﻞ ﺳﻤﺠﮫ ﻣﯿﮟ ﻧﮩﯿﮟ ﺁ ﺭﮨﺎ ﻣﺠﮭﮯ۔ ” ﻭﮦ ﺷﺮﻣﻨﺪﮦ ﺯﯾﺎﺩﮦ ﺗﮭﺎ ﯾﺎ ﭘﺮﯾﺸﺎﻥ، ﺍﻧﺪﺍﺯﮦ ﻟﮕﺎﻧﺎ ﻣﺸﮑﻞ ﺗﮭﺎ۔ ” ﻟﯿﮑﻦ ﺍﺱ ﺳﺐ ﻣﯿﮟ ﻋﻨﺎﯾﮧ ﺍﻭﺭ ﻋﺒﺪﺍﻟﻠﮧ ﮐﺎ ﮐﯿﺎ ﻗﺼﻮﺭ ﮨﮯ؟ ” ” ﻣﻤّﯽ ﺍﮔﺮ ﻭﮦ ﺍُﺱ ﺷﺨﺺ ﮐﮯ ﺯﯾﺮِ ﺍﺛﺮ ﮨﮯ ﺗﻮ ﻭﮦ ﺑﯿﻮﯼ ﮐﮯ ﺳﺎﺗﮫ ﺭﻭﯾﮯ ﮐﮯ ﻟﺤﺎﻅ ﺳﮯ ﺑﮭﯽ ﮨﻮ ﮔﺎ۔ ﺟﻮ ﮐﭽﮫ ﻣﯿﮟ ﻧﮯ ﺍﺣﺴﻦ ﺳﻌﺪ ﮐﻮ ﻋﺎﺋﺸﮧ ﮐﮯ ﺳﺎﺗﮫ ﮐﺮﺗﮯ ﺩﯾﮑﮭﺎ ﮨﮯ، ﻭﮦ ﻣﯿﮟ ﺍﭘﻨﯽ ﺑﮩﻦ ﮐﮯ ﺳﺎﺗﮫ ﮨﻮﺗﮯ ﻧﮩﯿﮟ ﺩﯾﮑﮫ ﺳﮑﺘﺎ۔ ” ﺟﺒﺮﯾﻞ ﻧﮯ ﻏﯿﺮ ﻣﺒﮩﻢ ﻟﮩﺠﮯ ﻣﯿﮟ ﮐﮩﺎ۔ ” ﺗﻢ ﻧﮯ ﻋﻨﺎﯾﮧ ﺳﮯ ﺑﺎﺕ ﮐﯽ ﮨﮯ؟ ” ﺍﻣﺎﻣﮧ ﻧﮯ ﺑﮯ ﺣﺪ ﺗﺸﻮﯾﺶ ﺳﮯ ﺍُﺱ ﺳﮯ ﭘﻮﭼﮭﺎ۔ ” ﮨﺎﮞ ﻣﯿﮟ ﻧﮯ ﮐﯽ ﮨﮯ ﺍﻭﺭ ﻭﮦ ﺑﮩﺖ ﺍﭖ ﺳﯿﭧ ﮨﻮﺋﯽ ﮨﮯ ، ﻟﯿﮑﻦ ﺍُﺱ ﻧﮯ ﮐﭽﮫ ﺑﮭﯽ ﻧﮩﯿﮟ ﮐﮩﺎ۔ ﻣﯿﮟ ﻧﮩﯿﮟ ﺟﺎﻧﺘﺎ ﻭﮦ ﮐﯿﺎ ﺳﻮﭺ ﺭﮨﯽ ﮨﮯ۔ ” ﺟﺒﺮﯾﻞ ﮐﮩﮧ ﺭﮨﺎ ﺗﮭﺎ۔ ﺍﻣﺎﻣﮧ ﺍُﺱ ﮐﺎ ﭼﮩﺮﮦ ﺩﯾﮑﮫ ﺭﮨﯽ ﺗﮭﯽ۔ ﺍُﺱ ﻧﮯ ﺟﺒﺮﯾﻞ ﮐﻮ ﮐﺒﮭﯽ ﺍﺱ ﻃﺮﺡ ﭘﺮﯾﺸﺎﻥ ﺍﻭﺭ ﺍﺱ ﻃﺮﺡ ﮐﺴﯽ ﻣﻌﺎﻣﻠﮯ ﭘﺮ ﺳﭩﯿﻨﮉ ﻟﯿﺘﮯ ﻧﮩﯿﮟ ﺩﯾﮑﮭﺎ ﺗﮭﺎ۔ ” ﺍﺗﻨﮯ ﻣﮩﯿﻨﮯ ﺳﮯ ﻋﺎﺋﺸﮧ ﻋﺎﺑﺪﯾﻦ ﮐﺎ ﻣﺴﺌﻠﮧ ﭼﻞ ﺭﮨﺎ ﮨﮯ، ﺗﻢ ﻧﮯ ﭘﮩﻠﮯ ﮐﺒﮭﯽ ﻣﺠﮭﮯ ﺍﺱ ﮐﮯ ﺑﺎﺭﮮ ﻣﯿﮟ ﮐﯿﻮﮞ ﻧﮩﯿﮟ ﺑﺘﺎﯾﺎ؟ ” ﻭﮦ ﭘﻮﭼﮭﮯ ﺑﻐﯿﺮ ﻧﮩﯿﮟ ﺭﮦ ﺳﮑﯽ۔ ﻭﮦ ﺑﮯ ﺣﺪ ﺳﻨﮕﯿﻦ ﺍﻟﺰﺍﻣﺎﺕ ﺗﮭﮯ ﺟﻮ ﺟﺒﺮﯾﻞ ﭘﺮ ﮐﺴﯽ ﻧﮯ ﻟﮕﺎﺋﮯ ﺗﮭﮯ ﺍﻭﺭ ﺍﭘﻨﯽ ﺍﻭﻻﺩ ﭘﺮ ﺍﻧﺪﮬﺎ ﺍﻋﺘﻤﺎﺩ ﮨﻮﻧﮯ ﮐﮯ ﺑﺎﻭﺟﻮﺩ ﺍﻣﺎﻣﮧ ﮨﻞ ﮐﺮ ﺭﮦ ﮔﺌﯽ ﺗﮭﯽ۔ ﺯﻧﺪﮔﯽ ﻣﯿﮟ ﭘﮩﻠﯽ ﺑﺎﺭ ﺍُﺳﮯ ﺍﭘﻨﯽ ﺍﻭﻻﺩ ﮐﮯ ﺣﻮﻟﮯ ﺳﮯ ﺍﯾﺴﯽ ﮐﺴﯽ ﺑﺎﺕ ﮐﻮ ﺳُﻨﻨﺎ ﭘﮍ ﺭﮨﺎ ﺗﮭﺎ، ﻭﮦ ﺑﮭﯽ ﺟﺒﺮﯾﻞ ﮐﮯ ﺑﺎﺭﮮ ﻣﯿﮟ۔ ﺣﻤﯿﻦ ﮐﮯ ﺣﻮﺍﻟﮯ ﺳﮯ ﮐﻮﺋﯽ ﺑﺎﺕ ﻭﮦ ﺳُﻨﺘﯽ ﺗﻮ ﺷﺎﯾﺪ ﭘﮭﺮ ﺑﮭﯽ ﺍُﺱ ﮐﮯ ﻟﺌﮯ ﻏﯿﺮ ﻣﺘﻮﻗﻊ ﻧﮧ ﮨﻮﺗﯽ، ﻭﮦ ﺣﻤﯿﻦ ﺳﮯ ﮐﭽﮫ ﺑﮭﯽ ﺗﻮﻗﻊ ﮐﺮ ﺳﮑﺘﯽ ﺗﮭﯽ، ﻟﯿﮑﻦ ﺟﺒﺮﯾﻞ۔۔۔۔۔۔۔۔۔۔۔ ” ﺑﺘﺎﻧﮯ ﮐﮯ ﻟﺌﮯ ﮐﻮﺋﯽ ﺑﺎﺕ ﺗﮭﯽ ﮨﯽ ﻧﮩﯿﮟ ﻣﻤّﯽ ”! ﺟﺒﺮﯾﻞ ﻧﮯ ﺟﯿﺴﮯ ﺻﻔﺎﺋﯽ ﺩﯾﻨﮯ ﮐﯽ ﮐﻮﺷﺶ ﮐﯽ۔ ﺍﯾﮏ ﺩﻭﺳﺖ ﮐﯽ ﺑﮩﻦ ﮨﮯ ﻭﮦ۔ ﺩﻭﺳﺖ ﻧﮯ ﺍُﺱ ﮐﯽ ﻣﺪﺩ ﮐﺮﻧﮯ ﮐﮯ ﻟﺌﮯ ﮐﮩﺎ ﺍﻭﺭ ﻣﯿﮟ ﺍﺱ ﻟﺌﮯ considerate ﺗﮭﺎ ﮐﯿﻮﻧﮑﮧ ﻣﺠﮭﮯ ﻟﮕﺎ ﺁﭘﺮﯾﺸﻦ ﻣﯿﮟ ﮐﭽﮫ ﻏﻠﻄﯽ ﮨﻮﺋﯽ ﮈﺍﮐﭩﺮ ﻭﯾﺰﻝ ﺳﮯ۔ ﺍﮔﺮﭼﮧ ﺍُﺱ ﻣﯿﮟ ﻣﯿﺮﺍ ﻗﺼﻮﺭ ﻧﮩﯿﮟ ﺗﮭﺎ، ﭘﮭﺮ ﺑﮭﯽ ﻣﯿﮟ ﺍُﺱ ﺳﮯ ﮨﻤﺪﺭﺩﯼ ﺭﮐﮫ ﺭﮨﺎ ﺗﮭﺎ۔ ﻣﺠﮭﮯ ﯾﮧ ﺗﮭﻮﮌﯼ ﭘﺘﮧ ﺗﮭﺎ ﮐﮧ ﺍﯾﮏ psycho ﺁ ﮐﺮ ﺧﻮﺍﻣﺨﻮﺍﮦ ﻣﯿﮟ ﻣﺠﮭﮯ ﺍﭘﻨﯽ ex-wife ﮐﮯ ﺳﺎﺗﮫ ﺍﻧﻮﺍﻟﻮ ﮐﺮﻧﮯ ﮐﯽ ﮐﻮﺷﺶ ﮐﺮﮮ ﮔﺎ۔ ” ﻭﮦ ﮐﮩﺘﺎ ﺟﺎ ﺭﮨﺎ ﺗﮭﺎ۔ ۔ ” That man is ”..… ﺟﺒﺮﯾﻞ ﮐﮩﺘﮯ ﮐﮩﺘﮯ ﺭُﮎ ﮔﯿﺎ، ﯾﻮﮞ ﺟﯿﺴﮯ ﺍُﺱ ﮐﮯ ﭘﺎﺱ ﺍﺣﺴﻦ ﺳﻌﺪ ﮐﻮ ﺑﯿﺎﻥ ﮐﺮﻧﮯ ﮐﮯ ﻟﺌﮯ ﻟﻔﻆ ﮨﯽ ﻧﮧ ﺭﮨﮯ ﮨﻮﮞ۔ ” ﺗﻤﮩﺎﺭﮮ ﭘﺎﭘﺎ ﺳﮯ ﺑﺎﺕ ﮐﺮﻧﯽ ﮨﻮ ﮔﯽ ﮨﻤﯿﮟ۔ ﺍﺗﻨﺎ ﺑﮍﺍ ﻓﯿﺼﻠﮧ ﮨﻢ ﺧﻮﺩ ﻧﮩﯿﮟ ﮐﺮ ﺳﮑﺘﮯ۔ ” ﺍﻣﺎﻣﮧ ﻧﮯ ﺍُﺱ ﮐﯽ ﺑﺎﺕ ﺧﺘﻢ ﮨﻮﻧﮯ ﮐﮯ ﺑﻌﺪ ﮐﮩﺎ۔ ” ﻓﯿﺼﻠﮧ ﺑﮍﺍ ﮨﻮﺍ ﯾﺎ ﭼﮭﻮﭨﺎ، ﻣﻤّﯽ ﻣﯿﮟ ﻋﻨﺎﯾﮧ ﮐﯽ ﻋﺒﺪﺍﻟﻠﮧ ﺳﮯ ﺷﺎﺩﯼ ﻧﮩﯿﮟ ﮨﻮﻧﮯ ﺩﻭﮞ ﮔﺎ۔ ” ﺟﺒﺮﯾﻞ ﻧﮯ ﺷﺎﯾﺪ ﺯﻧﺪﮔﯽ ﻣﯿﮟ ﭘﮩﻠﯽ ﺑﺎﺭ ﺍﻣﺎﻣﮧ ﺳﮯ ﮐﺴﯽ ﺑﺎﺕ ﭘﺮ ﺿﺪ ﮐﯽ ﺗﮭﯽ۔ ” ﮐﺴﯽ ﺩﻭﺳﺮﮮ ﮐﮯ ﺟﺮﻡ ﮐﯽ ﺳﺰﺍ ﮨﻢ ﻋﺒﺪﺍﻟﻠﮧ ﮐﻮ ﺗﻮ ﻧﮩﯿﮟ ﺩﮮ ﺳﮑﺘﮯ ﺟﺒﺮﯾﻞ۔ ” ﺍﻣﺎﻣﮧ ﻧﮯ ﻣﺪﮨﻢ ﺁﻭﺍﺯ ﻣﯿﮟ ﺍُﺳﮯ ﺳﻤﺠﮭﺎﻧﮯ ﮐﯽ ﮐﻮﺷﺶ ﮐﯽ۔ ” ﻋﺒﺪﺍﻟﻠﮧ ﻣﯿﺮﯼ ﺫﻣﮧ ﺩﺍﺭﯼ ﻧﮩﯿﮟ ﮨﮯ، ﻋﻨﺎﯾﮧ ﮨﮯ۔ ﻣﯿﮟ ﺭﺳﮏ ﻧﮩﯿﮟ ﻟﮯ ﺳﮑﺘﺎ ﺍﻭﺭ ﻧﮧ ﮨﯽ ﺁﭖ ﮐﻮ ﻟﯿﻨﺎ ﭼﺎﮨﯿﮯ۔ ” ﻭﮦ ﻣﺎﮞ ﮐﻮ ﺟﯿﺴﮯ ﺧﺒﺮﺩﺍﺭ ﮐﺮ ﺭﮨﺎ ﺗﮭﺎ ﺍﻭﺭ ﺍﻣﺎﻣﮧ ﺍﺏ ﻭﺍﻗﻌﯽ ﭘﺮﯾﺸﺎﻥ ﮨﻮﻧﮯ ﻟﮕﯽ ﺗﮭﯽ۔ ” ﺗﻤﮩﺎﺭﮮ ﺑﺎﺑﺎ ﺟﻮ ﺑﮭﯽ ﻓﯿﺼﻠﮧ ﮐﺮﯾﮟ ﮔﮯ، ﻭﮦ ﺑﮩﺘﺮ ﻓﯿﺼﻠﮧ ﮨﻮ ﮔﺎ۔ ﺍﻭﺭ ﺗﻢ ﭨﮭﯿﮏ ﮐﮩﺘﮯ ﮨﻮ ﮨﻢ ﻋﻨﺎﯾﮧ ﮐﮯ ﻟﺌﮯ ﮐﻮﺋﯽ ﺭﺳﮏ ﻧﮩﯿﮟ ﻟﮯ ﺳﮑﺘﮯ، ﻟﯿﮑﻦ ﮨﻢ ﻋﺒﺪﺍﻟﻠﮧ ﮐﯽ ﺑﺎﺕ ﺳُﻨﮯ ﺑﻐﯿﺮ ﺍﺱ ﻃﺮﺡ ﺍُﺱ ﺳﮯ ﻗﻄﻊ ﺗﻌﻠﻖ ﺑﮭﯽ ﻧﮩﯿﮟ ﮐﺮ ﺳﮑﺘﮯ۔ ” ﺍﻣﺎﻣﮧ ﻧﮯ ﮐﮩﺎ۔ ” ﻋﺒﺪﺍﻟﻠﮧ ﺳﮯ ﺍﯾﮏ ﺑﺎﺭ ﺑﺎﺕ ﮐﺮﻧﯽ ﭼﺎﮨﯿﮯ۔ ” ﺟﺒﺮﯾﻞ ﮐﭽﮫ ﻧﺎﺧﻮﺵ ﮨﻮ ﮐﺮ ﺍُﭨﮫ ﮐﺮ ﺟﺎﻧﮯ ﮐﮯ ﻟﺌﮯ ﮐﮭﮍﺍ ﮦ ﻭﮔﯿﺎ ﺗﮭﺎ۔ ﻭﮦ ﺩﺭﻭﺍﺯﮮ ﮐﮯ ﻗﺮﯾﺐ ﭘﮩﻨﭽﺎ ﺟﺐ ﺍﻣﺎﻣﮧ ﻧﮯ ﺍُﺳﮯ ﭘﮑﺎﺭﺍ، ﻭﮦ ﭘﻠﭩﺎ۔ ” ﺍﯾﮏ ﺑﺎﺕ ﭘﻮﺭﯼ ﺍﯾﻤﺎﻧﺪﺍﺭﯼ ﺳﮯ ﺑﺘﺎﻧﺎ ﻣﺠﮭﮯ۔ ” ﻭﮦ ﻣﺎﮞ ﮐﮯ ﺳﻮﺍﻝ ﺍﻭﺭ ﺍﻧﺪﺍﺯ ﺩﻭﻧﻮﮞ ﭘﺮ ﺣﯿﺮﺍﻥ ﮨﻮﺍ۔ ” ﺟﯽ؟ ” ” ﺗﻢ ﻋﺎﺋﺸﮧ ﻋﺎﺑﺪﯾﻦ ﮐﻮ ﭘﺴﻨﺪ ﮐﺮﺗﮯ ﮨﻮ؟ ” ﺟﺒﺮﯾﻞ ﮨﻞ ﻧﮩﯿﮟ ﺳﮑﺎ۔ ٭٭٭٭ ﻭﮦ ﻋﻨﺎﯾﮧ ﮐﮯ ﮐﮩﻨﮯ ﭘﺮ ﻋﺎﺋﺸﮧ ﻋﺎﺑﺪﯾﻦ ﺳﮯ ﻣﻠﻨﺎ ﺁﯾﺎ ﺗﮭﺎ، ﯾﻘﯿﻦ ﺍﻭﺭ ﺑﮯ ﯾﻘﯿﻨﯽ ﮐﯽ ﺍﯾﮏ ﻋﺠﯿﺐ ﮐﯿﻔﯿﺖ ﻣﯿﮟ ﺟﮭﻮﻟﺘﮯ ﮨﻮﺋﮯ۔ ﻭﮦ ﺍﺳﻼﻡ ﺳﮯ ﺍﯾﮏ ﺑﭽﮯ ﮐﮯ ﻃﻮﺭ ﭘﺮ ﻣﺘﻌﺎﺭﻑ ﮨﻮﺍ ﺗﮭﺎ، ﺍﯾﮏ ﺑﭽﮯ ﮐﮯ ﻃﻮﺭ ﭘﺮ ﻣﺘﺎﺛﺮ۔ ﻭﮦ ﺍﯾﮏ ﺍﯾﺴﮯ ﺧﺎﻧﺪﺍﻥ ﮐﮯ ﺫﺭﯾﻌﮧ ﺍُﺱ ﻣﺬﮨﺐ ﮐﮯ ﺳﺤﺮ ﻣﯿﮟ ﺁﯾﺎ ﺗﮭﺎ ﺟﯿﺴﮯ ﻟﻮﮒ ﺍُﺱ ﻧﮯ ﺩﯾﮑﮭﮯ ﮨﯽ ﻧﮩﯿﮟ ﺗﮭﮯ۔ ﺍُﻥ ﮐﯽ ﻧﺮﻣﯽ، ﻓﯿﺎﺿﯽ ﺍﻭﺭ ﮨﻤﺪﺭﺩﯼ ﻧﮯ ﺍﯾﺮﮎ ﮐﺎ ﻭﺟﻮﺩ ﻧﮩﯿﮟ ﺩﻝ ﺍﭘﻨﯽ ﻣﭩّﮭﯽ ﻣﯿﮟ ﮐﯿﺎ ﺗﮭﺎ ﺍﻭﺭ ﺍﺗﻨﮯ ﺳﺎﻟﻮﮞ ﻣﯿﮟ ﻭﮦ ﺍﺳﻼﻡ ﮐﯽ ﺍﺳﯽ ﺭﻭﺷﻦ ﺧﯿﺎﻟﯽ، ﺍﺳﯽ ﻓﯿﺎﺿﯽ ﺍﻭﺭ ﻧﺮﻣﯽ ﮐﻮ ﮨﯽ idealize ﮐﺮﺗﺎ ﺭﮨﺎ ﺗﮭﺎ۔ ﺍﻭﺭ ﺍﺏ ﻭﮦ ﺍﭘﻨﮯ mentor ﮐﮯ ﺑﺎﺭﮮ ﻣﯿﮟ ﺍﯾﺴﯽ ﺑﺎﺗﯿﮟ ﺳُﻦ ﺭﮨﺎ ﺗﮭﺎ ﺟﻮ ﺍُﺱ ﮐﮯ ﻟﺌﮯ ﻧﺎﻗﺎﺑﻞِ ﯾﻘﯿﻦ ﺗﮭﯿﮟ۔ ﻭﮦ ﺍُﺱ ﻧﮯ ﻋﻨﺎﯾﮧ ﮐﯽ ﺯﺑﺎﻥ ﺳﮯ ﻧﮧ ﺳُﻨﯽ ﮨﻮﺗﯿﮟ ﺗﻮ ﻭﮦ ﺍُﻧﮩﯿﮟ ﺟﮭﻮﭦ ﮐﮯ ﭘﻠﻨﺪﮮ ﮐﮯ ﻋﻼﻭﮦ ﺍﻭﺭ ﮐﭽﮫ ﺑﮭﯽ ﻧﮧ ﺳﻤﺠﮭﺘﺎ۔ ﮈﺍﮐﭩﺮ ﺍﺣﺴﻦ ﺳﻌﺪ ﻭﮦ ﻧﮩﯿﮟ ﮨﻮ ﺳﮑﺘﮯ ﺗﮭﮯ ﺍﻭﺭ ﻭﮦ ﻧﮩﯿﮟ ﮐﺮ ﺳﮑﺘﮯ ﺗﮭﮯ، ﺟﺲ ﮐﺎ ﺍﻟﺰﺍﻡ ﻋﻨﺎﯾﮧ ﺍُﻥ ﭘﺮ ﻟﮕﺎ ﺭﮨﯽ ﺗﮭﯽ۔ ﻋﻨﺎﯾﮧ ﻧﮯ ﺍﻣﺮﯾﮑﮧ ﭘﮩﻨﭽﻨﮯ ﮐﮯ ﻓﻮﺭﺍً ﺑﻌﺪ ﺍُﺳﮯ ﮐﺎﻝ ﮐﺮ ﮐﮯ ﺑﻠﻮﺍﯾﺎ ﺗﮭﺎ، ﺍﻭﺭ ﭘﮭﺮ ﺍﺣﺴﻦ ﺳﻌﺪ ﮐﮯ ﻣﻌﺎﻣﻠﮯ ﮐﻮ ﺍُﺱ ﺳﮯ ﮈﺳﮑﺲ ﮐﯿﺎ ﺗﮭﺎ۔ ﺟﺒﺮﯾﻞ ﭘﺮ ﮈﺍﮐﭩﺮ ﺍﺣﺴﻦ ﮐﮯ ﺍﻟﺰﺍﻣﺎﺕ ﮐﻮ ﺑﮭﯽ ﺍﻭﺭ ﻋﺎﺋﺸﮧ ﻋﺎﺑﺪﯾﻦ ﮐﮯ ﺳﺎﺗﮫ ﮨﻮﻧﮯ ﻭﺍﻟﮯ ﻣﻌﺎﻣﻼﺕ ﮐﻮ ﺑﮭﯽ۔ ﻭﮦ ﯾﻘﯿﻦ ﮐﺮﻧﮯ ﭘﺮ ﺗﯿّﺎﺭ ﻧﮩﯿﮟ ﺗﮭﺎ ﮐﮧ ﺍﺣﺴﻦ ﺳﻌﺪ، ﺍﺗﻨﺎ ﺑﮯ ﺣﺲ ﺍﻭﺭ ﺟﮭﻮﭨﺎ ﮨﻮ ﺳﮑﺘﺎ ﺗﮭﺎ۔ ﻣﮕﺮ ﺟﺲ ﭘﺮ ﻭﮦ ﺍﻟﺰﺍﻣﺎﺕ ﻟﮓ ﺭﮨﮯ ﺗﮭﮯ ﺍُﺱ ﮐﮯ ﺑﺎﺭﮮ ﻣﯿﮟ ﺑﮭﯽ ﻋﺒﺪﺍﻟﻠﮧ ﻗﺴﻢ ﮐﮭﺎ ﺳﮑﺘﺎ ﺗﮭﺎ ﮐﮧ ﻭﮦ ﯾﮧ ﻧﮩﯿﮟ ﮐﺮ ﺳﮑﺘﺎ۔ ﺩﻭﻧﻮﮞ ﮐﮯ ﺩﺭﻣﯿﺎﻥ ﺑﺤﺚ ﮨﻮﺋﯽ ﭘﮭﺮ ﺗﮑﺮﺍﺭ ﺍﻭﺭ ﭘﮭﺮ ﺍُﻥ ﮐﯽ ﺯﻧﺪﮔﯽ ﮐﺎ ﭘﮩﻼ ﺟﮭﮕﮍﺍ۔ ﺩﻭ ﺑﮯ ﺣﺪ ﭨﮭﻨﮉﮮ ﺍﻭﺭ ﺩﮬﯿﻤﮯ ﻣﺰﺍﺝ ﮐﮯ ﻟﻮﮔﻮﮞ ﻣﯿﮟ۔ ” ﻣﯿﮟ ﯾﻘﯿﻦ ﻧﮩﯿﮟ ﮐﺮ ﺳﮑﺘﺎ۔ ﻣﯿﮟ ﯾﻘﯿﻦ ﻧﮩﯿﮟ ﮐﺮ ﺳﮑﺘﺎ۔ ﮈﺍﮐﭩﺮ ﺍﺣﺴﻦ ﺳﻌﺪ ﻋﻤﻠﯽ ﻣﺴﻠﻤﺎﻥ ﮨﯿﮟ۔ ﻧﻤﺎﺯ ﮐﯽ ﺍﻣﺎﻣﺖ ﮐﺮﻭﺍﺗﮯ ﮨﯿﮟ۔ ﻭﮦ ﺍﭘﻨﯽ ﺑﯿﻮﯼ ﮐﮯ ﺳﺎﺗﮫ ﯾﮧ ﺳﻠﻮﮎ ﮐﺮﯾﮟ ﮔﮯ۔ ﯾﮧ ﺳﺐ … ؟؟ ﺍﻭﺭ ﺑﻐﯿﺮ ﻭﺟﮧ ﮐﮯ۔ ﻣﯿﮟ ﻣﺎﻥ ﮨﯽ ﻧﮩﯿﮟ ﺳﮑﺘﺎ۔ ﻣﯿﮟ ﻣﺎﻥ ﮨﯽ ﻧﮩﯿﮟ ﺳﮑﺘﺎ۔ ” ﻭﮦ ﺍﺱ ﮐﮯ ﻋﻼﻭﮦ ﮐﭽﮫ ﮐﮩﺘﺎﺑﮭﯽ ﺗﻮ ﮐﯿﺎ ﮐﮩﺘﺎ۔ ” ﺗﻮ ﺟﺎﺅ، ﺗﻢ ﭘﮭﺮ ﻋﺎﺋﺸﮧ ﺳﮯ ﻣﻞ ﻟﻮ ﺍﻭﺭ ﺧﻮﺩ ﭘﻮﭼﮫ ﻟﻮ ﮐﮧ ﮐﯿﺎ ﮨﻮﺍ ﺗﮭﺎ ﺍُﺱ ﮐﮯ ﺳﺎﺗﮫ۔ ﻟﯿﮑﻦ ﻣﯿﺮﺍ ﺑﮭﺎﺋﯽ ﺟﮭﻮﭦ ﻧﮩﯿﮟ ﺑﻮﻝ ﺳﮑﺘﺎ۔ ” ﻋﻨﺎﯾﮧ ﻧﮯ ﺑﮭﯽ ﺟﻮﺍﺑﺎً ﺑﮯ ﺣﺪ ﺧﻔﮕﯽ ﺳﮯ ﮐﮩﺎ ﺗﮭﺎ۔ ﻣﻼﻗﺎﺕ ﮐﺎ ﺍﺧﺘﺘﺎﻡ ﺑﮯ ﺣﺪ ﺗﻠﺦ ﻧﻮﭦ ﭘﺮ ﮨﻮﺍ ﺗﮭﺎ، ﺍﻭﺭ ﺍُﺱ ﻭﻗﺖ ﭘﮩﻠﯽ ﺑﺎﺭ ﻋﻨﺎﯾﮧ ﮐﻮ ﺍﺣﺴﺎﺱ ﮨﻮﺍ ﮐﮧ ﺟﺒﺮﯾﻞ ﮐﮯ ﺧﺪﺷﺎﺕ ﺑﮯ ﺟﺎ ﻧﮩﯿﮟ ﺗﮭﮯ۔ ﻋﺒﺪﺍﻟﻠﮧ ﺍﮔﺮ ﺍﺱ ﺣﺪ ﺗﮏ ﺍﺣﺴﻦ ﺳﻌﺪ ﺳﮯ ﻣﺘﺎﺛﺮ ﺗﮭﺎ ﺗﻮ ﺍُﻥ ﺩﻭﻧﻮﮞ ﮐﮯ ﺗﻌﻠﻖ ﻣﯿﮟ ﯾﮧ ﺍﺛﺮ ﺑﮩﺖ ﺟﻠﺪ ﺭﻧﮓ ﺩﮐﮭﺎﻧﮯ ﻟﮕﺘﺎ۔ ﻭﮦ ﻋﺒﺪﺍﻟﻠﮧ ﺳﮯ ﻣﻞ ﮐﺮ ﺑﮩﺖ ﮈﺳﭩﺮﺑﮉ ﮨﻮ ﮐﺮ ﺁﺋﯽ ﺗﮭﯽ۔ ﻭﮦ ﻣﺼﯿﺒﺖ ﺟﻮ ﮐﺴﯽ ﺍﻭﺭ ﮐﮯ ﮔﮭﺮ ﻣﯿﮟ ﺗﮭﯽ ﺍُﻥ ﮐﯽ ﺯﻧﺪﮔﯽ ﻣﯿﮟ ﺍﯾﺴﮯ ﺁﺋﯽ ﺗﮭﯽ ﮐﮧ ﺍُﻧﮩﯿﮟ ﺍﻧﺪﺍﺯﮦ ﺑﮭﯽ ﻧﮩﯿﮟ ﮨﻮﺍ ﺗﮭﺎ۔ ﻋﺒﺪﺍﻟﻠﮧ ﻧﮯ ﺍُﺱ ﺳﮯ ﻣﻠﻨﮯ ﮐﮯ ﺑﻌﺪ ﺍُﺳﮯ ﮐﺎﻝ ﻧﮩﯿﮟ ﮐﯽ ﺗﮭﯽ، ﺍُﺱ ﻧﮯ ﺟﺒﺮﯾﻞ ﮐﻮ ﮐﺎﻝ ﮐﯽ ﺗﮭﯽ۔ ﺍﯾﮏ ﺑﮯ ﺣﺪ ﺷﮑﺎﯾﺘﯽ ﮐﺎﻝ۔ ﯾﮧ ﭘﻮﭼﮭﻨﮯ ﮐﮯ ﻟﺌﮯ ﮐﮧ ﻭﮦ ﺍﺣﺴﻦ ﺳﻌﺪ ﮐﮯ ﺣﻮﺍﻟﮯ ﺳﮯ ﯾﮧ ﺳﺐ ﮐﯿﻮﮞ ﮐﮩﮧ ﺭﮨﺎ ﺗﮭﺎ، ﮐﯿﺎ ﻭﮦ ﻧﮩﯿﮟ ﺟﺎﻧﺘﺎ ﺗﮭﺎ، ﺍﺣﺴﻦ ﮐﺘﻨﺎ ﺍﭼﮭﺎ ﺍﻧﺴﺎﻥ ﺍﻭﺭ ﻣﺴﻠﻤﺎﻥ ﺗﮭﺎ۔ ﻭﮦ ﺑﮩﺖ ﺩﯾﺮ ﺟﺒﺮﯾﻞ ﮐﯽ ﺑﺎﺕ ﺳُﻨﮯ ﺑﻐﯿﺮ، ﺑﮯ ﺣﺪ ﺟﺬﺑﺎﺗﯽ ﺍﻧﺪﺍﺯ ﻣﯿﮟ ﺑﻮﻟﺘﺎ ﮨﯽ ﭼﻼ ﮔﯿﺎ ﺗﮭﺎ۔ ﺟﺒﺮﯾﻞ ﺳُﻨﺘﺎ ﺭﮨﺎ ﺗﮭﺎ۔ ﻭﮦ ﺍُﺱ ﮐﯽ ﺯﻧﺪﮔﯽ ﮐﮯ ﻣﺸﮑﻞ ﺗﺮﯾﻦ ﻟﻤﺤﺎﺕ ﻣﯿﮟ ﺳﮯ ﺍﯾﮏ ﺗﮭﺎ۔ ﺍﯾﮏ ﻧﻮ ﻣﺴﻠﻢ ﮐﻮ ﯾﮧ ﺑﺘﺎﻧﺎ ﮐﮧ ﺍُﺱ ﮐﮯ ﺳﺎﻣﻨﮯ ﺟﻮ ﺳﺐ ﺳﮯ ﺯﯾﺎﺩﮦ ﻋﻤﻠﯽ ﻣﺴﻠﻤﺎﻥ ﺗﮭﺎ، ﻭﮦ ﺍﭼﮭﺎ ﺍﻧﺴﺎﻥ ﺛﺎﺑﺖ ﻧﮩﯿﮟ ﮨﻮﺍ ﺗﮭﺎ۔ ﻭﮦ ﻋﺒﺪﺍﻟﻠﮧ ﮐﺎ ﺩﻝ ﻣﺴﻠﻤﺎﻧﻮﮞ ﺳﮯ ﻧﮩﯿﮟ ﺍُﭨﮭﺎﻧﺎ ﭼﺎﮨﺘﺎ ﺗﮭﺎ، ﺧﺎﺹ ﻃﻮﺭ ﭘﺮ ﺍُﻥ ﻣﺴﻠﻤﺎﻧﻮﮞ ﺳﮯ ﺟﻮ ﺗﺒﻠﯿﻎ ﮐﺎ ﮐﺎﻡ ﮐﺮ ﺭﮨﮯ ﺗﮭﮯ۔ ﻭﮦ ﺍﯾﮏ ﺣﺎﻓﻆِ ﻗﺮﺁﻥ ﮨﻮ ﮐﺮ ﺍﯾﮏ ﺩﻭﺳﺮﮮ ﺣﺎﻓﻆِ ﻗﺮﺁﻥ ﮐﮯ ﺑﺎﺭﮮ ﻣﯿﮟ ﺍﯾﮏ ﻧﻮﻣﺴﻠﻢ ﮐﻮ ﯾﮧ ﻧﮩﯿﮟ ﮐﮩﻨﺎ ﭼﺎﮨﺘﺎ ﺗﮭﺎ ﮐﮧ ﻭ ﮦ ﺟﮭﻮﭨﺎ ﺗﮭﺎ، ﻇﺎﻟﻢ ﺗﮭﺎ، ﺑﮩﺘﺎﻥ ﻟﮕﺎﻧﮯ ﻭﺍﻻ ﺍﯾﮏ ﻻﻟﭽﯽ ﺍﻧﺴﺎﻥ ﺗﮭﺎ۔ ﺍﺱ ﮐﮯ ﺑﺎﻭﺟﻮﺩ ﮐﮧ ﻭﮦ ﺻﻮﻡ ﻭ ﺻﻠﻮﺓ ﮐﺎ ﭘﺎﺑﻨﺪ ﺍﯾﮏ ﻣﺴﻠﻤﺎﻥ ﺗﮭﺎ۔ ﺟﺒﺮﯾﻞ ﺳﮑﻨﺪﺭ ﮐﺎ ﻣﺨﻤﺼﮧ ﺍﯾﮏ ﺑﮍﺍ ﻣﺨﻤﺼﮧ ﺗﮭﺎ ﻣﮕﺮ ﺍُﺱ ﮐﯽ ﺧﺎﻣﻮﺷﯽ ﺍُﺱ ﺳﮯ ﺯﯾﺎﺩﮦ ﺧﺮﺍﺑﯽ ﮐﺎ ﺑﺎﻋﺚ ﺑﻨﺘﯽ ﺗﻮ ﻭﮦ ﺧﺎﻣﻮﺵ ﻧﮩﯿﮟ ﺭﮦ ﭘﺎﯾﺎ ﺗﮭﺎ۔ ” ﺍﺣﺴﻦ ﺳﻌﺪ ﮐﮯ ﺑﺎﺭﮮ ﻣﯿﮟ ﺟﻮ ﻣﯿﮟ ﺟﺎﻧﺘﺎ ﮨﻮﮞ ﺍﻭﺭ ﺟﻮ ﻣﯿﮟ ﮐﮩﻮﮞ ﮔﺎ، ﺗﻢ ﭘﮭﺮ ﺍُﺱ ﺳﮯ hurt ﮨﻮ ﮔﮯ ﺍﺱ ﻟﺌﮯ ﺳﺐ ﺳﮯ ﺑﮩﺘﺮﯾﻦ ﺣﻞ ﯾﮧ ﮨﮯ ﮐﮧ ﺗﻢ ﺍُﺱ ﻋﻮﺭﺕ ﺳﮯ ﺟﺎ ﮐﺮ ﻣﻠﻮ ﺍﻭﺭ ﻭﮦ ﺳﺎﺭﮮ documents ﺩﯾﮑﮭﻮ ﺟﻮ ﺍُﺱ ﮐﮯ ﭘﺎﺱ ﮨﯿﮟ۔ ” ﺍُﺱ ﻧﮯ ﻋﺒﺪﺍﻟﻠﮧ ﮐﯽ ﺑﺎﺗﻮﮞ ﮐﮯ ﺟﻮﺍﺏ ﻣﯿﮟ ﺍُﺳﮯ ﮐﮩﺎ ﺗﮭﺎ۔ ﺍﻭﺭ ﺍﺏ ﻋﺒﺪﺍﻟﻠﮧ ﯾﮩﺎﮞ ﺗﮭﺎ۔ ﻋﺎﺋﺸﮧ ﻋﺎﺑﺪﯾﻦ ﮐﮯ ﺳﺎﻣﻨﮯ، ﺍُﺱ ﮐﮯ ﮔﮭﺮ ﭘﺮ۔ ﻭﮦ ﺟﺒﺮﯾﻞ ﮐﮯ ﺭﯾﻔﺮﻧﺲ ﺳﮯ ﺁﯾﺎ ﺗﮭﺎ۔ ﻋﺎﺋﺸﮧ ﻋﺎﺑﺪﯾﻦ ﺍُﺱ ﺳﮯ ﻣﻠﻨﮯ ﺳﮯ ﺍﻧﮑﺎﺭ ﻧﮩﯿﮟ ﮐﺮ ﺳﮑﯽ۔ ﻭﮦ ﺍُﺱ ﺭﺍﺕ ﺁﻥ ﮐﺎﻝ ﺗﮭﯽ ﺍﻭﺭ ﺍﺏ ﮔﮭﺮ ﺳﮯ ﻧﮑﻠﻨﮯ ﮐﯽ ﺗﯿّﺎﺭﯼ ﮐﺮ ﺭﮨﯽ ﺗﮭﯽ ﺟﺐ ﻋﺒﺪﺍﻟﻠﮧ ﻭﮨﺎﮞ ﭘﮩﻨﭽﺎ ﺗﮭﺎ ﺍﻭﺭ ﻭﮦ ﻭﮨﺎﮞ ﺍﺏ ﺍُﺱ ﮐﮯ ﺳﺎﻣﻨﮯ ﺑﯿﭩﮭﺎ ﺍُﺳﮯ ﺑﺘﺎ ﺭﮨﺎ ﺗﮭﺎ ﮐﮧ ﺍُﺱ ﮐﯽ ﻣﻨﮕﯿﺘﺮ ﻧﮯ ﺍﺣﺴﻦ ﺳﻌﺪ ﮐﮯ ﺣﻮﺍﻟﮯ ﺳﮯ ﮐﭽﮫ ﺷﺒﮩﺎﺕ ﮐﺎ ﺍﻇﮩﺎﺭ ﮐﯿﺎ ﺗﮭﺎ ﺧﺎﺹ ﻃﻮﺭ ﭘﺮ ﻋﺎﺋﺸﮧ ﻋﺎﺑﺪﯾﻦ ﮐﮯ ﺣﻮﺍﻟﮯ ﺳﮯ ﺍﻭﺭ ﻭﮦ ﺍُﻥ ﺍﻟﺰﺍﻣﺎﺕ ﮐﯽ ﺗﺼﺪﯾﻖ ﯾﺎ ﺗﺮﺩﯾﺪ ﮐﮯ ﻟﺌﮯ ﻭﮨﺎﮞ ﺁﯾﺎ ﺗﮭﺎ۔ ﻟﯿﮑﻦ ﯾﮧ ﮐﮩﻨﮯ ﺳﮯ ﭘﮩﻠﮯ ﺍُﺱ ﻧﮯ ﻋﺎﺋﺸﮧ ﮐﻮ ﺑﺘﺎﯾﺎ ﺗﮭﺎ ﮐﮧ ﻭﮦ ﺍﺣﺴﻦ ﺳﻌﺪ ﮐﻮ ﮐﯿﺎ ﺩﺭﺟﮧ ﺩﯾﺘﺎ ﺗﮭﺎ ﺍﻭﺭ ﺍُﺱ ﮐﯽ ﺯﻧﺪﮔﯽ ﮐﮯ ﭘﭽﮭﻠﮯ ﮐﭽﮫ ﺳﺎﻟﻮﮞ ﻣﯿﮟ ﻭﮦ ﺍُﺱ ﮐﮯ ﻟﺌﮯ ﺍﯾﮏ ﺭﻭﻝ ﻣﺎﮈﻝ ﺭﮨﮯ ﺗﮭﮯ۔ ﻭﮦ ﺟﯿﺴﮯ ﺍﯾﮏ ” ﺑُﺖ ” ﻟﮯ ﮐﺮ ﻋﺎﺋﺸﮧ ﻋﺎﺑﺪﯾﻦ ﮐﮯ ﭘﺎﺱ ﺁﯾﺎ ﺗﮭﺎ ﺟﺴﮯ ﭨﻮﭨﻨﮯ ﺳﮯ ﺑﭽﺎﻧﮯ ﮐﮯ ﻟﺌﮯ ﻭﮦ ﮐﺴﯽ ﺑﮭﯽ ﺣﺪ ﺗﮏ ﺟﺎ ﺳﮑﺘﺎ ﺗﮭﺎ ﺍﻭﺭ ﮔﻔﺘﮕﻮ ﮐﮯ ﺷﺮﻭﻉ ﻣﯿﮟ ﮨﯽ ﺍﺗﻨﯽ ﻟﻤﺒﯽ ﺗﻤﮩﯿﺪ ﺟﯿﺴﮯ ﺍﯾﮏ ﺣﻔﺎﻇﺘﯽ ﺩﯾﻮﺍﺭ ﺗﮭﯽ ﺟﻮ ﺍُﺱ ﻧﮯ ﺻﺮﻑ ﺍﭘﻨﮯ ﺳﺎﻣﻨﮯ ﮨﯽ ﻧﮩﯿﮟ، ﻋﺎﺋﺸﮧ ﻋﺎﺑﺪﯾﻦ ﮐﮯ ﺳﺎﻣﻨﮯ ﺑﮭﯽ ﮐﮭﮍﯼ ﮐﺮ ﺩﯼ ﺗﮭﯽ۔ ﺍُﺱ ﻧﮯ ﺑﮭﯽ ﺟﺒﺮﯾﻞ ﺟﯿﺴﯽ ﮨﯽ ﺧﺎﻣﻮﺷﯽ ﮐﮯ ﺳﺎﺗﮫ ﺍُﺱ ﮐﯽ ﺑﺎﺗﯿﮟ ﺳُﻨﯽ ﺗﮭﯿﮟ۔ ﺑﮯ ﺣﺪ ﺗﺤﻤﻞ ﺍﻭﺭ ﺳﮑﻮﻥ ﮐﮯ ﺳﺎﺗﮫ۔ ﮐﺴﯽ ﻣﺪﺍﺧﻠﺖ ﯾﺎ ﺍﻋﺘﺮﺍﺽ ﮐﮯ ﺑﻐﯿﺮ۔ ﻋﺒﺪﺍﻟﻠﮧ ﮐﻮ ﮐﻢ ﺍﺯ ﮐﻢ ﺍُﺱ ﺳﮯ ﯾﮧ ﺗﻮﻗﻊ ﻧﮩﯿﮟ ﺗﮭﯽ۔ ﻭﮦ ﯾﮩﺎﮞ ﺁﻧﮯ ﺳﮯ ﭘﮩﻠﮯ ﻋﺎﺋﺸﮧ ﻋﺎﺑﺪﯾﻦ ﮐﺎ ﺍﯾﮏ image ﺫﮨﻦ ﻣﯿﮟ ﺭﮐﮫ ﮐﺮ ﺁﯾﺎ ﺗﮭﺎ۔ ﻭﮦ ﭘﮩﻠﯽ ﻧﻈﺮ ﻣﯿﮟ ﺑﮭﯽ ﺍُﺱ image ﭘﺮ ﭘﻮﺭﯼ ﻧﮩﯿﮟ ﺍُﺗﺮﯼ ﺗﮭﯽ۔ ﺑﮯ ﺣﺠﺎﺏ ﮨﻮﻧﮯ ﮐﮯ ﺑﺎﻭﺟﻮﺩ ﺍُﺱ ﻣﯿﮟ ﻋﺒﺪﺍﻟﻠﮧ ﮐﻮ ﺑﮯ ﺣﯿﺎﺋﯽ ﻧﮩﯿﮟ ﺩﮐﮭﯽ ﺗﮭﯽ۔ ﺑﮯ ﺣﺪ ﺳﺎﺩﮦ ﻟﺒﺎﺱ ﻣﯿﮟ، ﻣﯿﮏ ﺍﭖ ﺳﮯ ﺑﮯ ﻧﯿﺎﺯ ﭼﮩﺮﮮ ﻭﺍﻟﯽ، ﺍﯾﮏ ﺑﮯ ﺣﺪ ﺣﺴﯿﻦ ﻟﮍﮐﯽ، ﺟﺲ ﮐﯽ ﺁﻧﮑﮭﯿﮟ ﺍُﺩﺍﺱ ﺗﮭﯿﮟ ﺍﻭﺭ ﺟﺲ ﮐﯽ ﺁﻭﺍﺯ ﺑﮯ ﺣﺪ ﺩﮬﯿﻤﯽ۔ ﻋﺒﺪﺍﻟﻠﮧ ﻭﮨﺎﮞ ﺍﯾﮏ ﺗﯿﺰ ﻃﺮّﺍﺭ، ﺑﮯ ﺣﺪ ﻓﯿﺸﻦ ﺍﯾﺒﻞ، ﺍﻟﭩﺮﺍ ﻣﺎﮈﺭﻥ، ﻋﻮﺭﺕ ﺳﮯ ﻣﻠﻨﮯ ﮐﯽ ﺗﻮﻗﻊ ﻟﮯ ﮐﺮ ﺁﯾﺎ ﺗﮭﺎ۔ ﺟﺴﮯ ﺍُﺱ ﮐﮯ ﺍﭘﻨﮯ ﺧﯿﺎﻝ ﺍﻭﺭ ﮈﺍﮐﭩﺮ ﺍﺣﺴﻦ ﺳﻌﺪ ﮐﮯ ﺑﺘﺎﺋﮯ ﮨﻮﺋﮯ ﮐﺮﺩﺍﺭ ﮐﮯ ﻣﻄﺎﺑﻖ ﺑﮯ ﺣﺪ ﻗﺎﺑﻞِ ﺍﻋﺘﺮﺍﺽ ﺣﻠﯿﮯ ﻣﯿﮟ ﮨﻮﻧﺎ ﭼﺎﮨﯿﮯ ﺗﮭﺎ۔ ﻣﮕﺮ ﻋﺒﺪﺍﻟﻠﮧ ﮐﯽ ﻗﺴﻤﺖ ﻣﯿﮟ ﺷﺎﯾﺪ ﺍﻭﺭ ﺣﯿﺮﺍﻥ ﮨﻮﻧﺎ ﺑﺎﻗﯽ ﺗﮭﺎ۔ ﻋﻨﺎﯾﮧ ﺍﻭﺭ ﺟﺒﺮﯾﻞ ﺩﻭﻧﻮﮞ ﻧﮯ ﺍُﺳﮯ ﮐﮩﺎ ﺗﮭﺎ ﮐﮧ ﻭﮦ ﺍُﺳﮯ documents ﺩﮐﮭﺎﺋﮯ ﮔﯽ۔ ﺍﺣﺴﻦ ﺳﻌﺪ ﺳﮯ ﻃﻼﻕ ﮐﮯ ﮐﺎﻏﺬﺍﺕ، ﻗﺎﻧﻮﻧﯽ ﮐﺎﺭﺭﻭﺍﺋﯽ ﮐﮯ ﮐﺎﻏﺬﺍﺕ، ﮐﻮﺭﭦ ﮐﯽ judgement ، ﮐﺴﭩﮉﯼ ﮐﯽ ﺗﻔﺼﯿﻼﺕ ﺍﻭﺭ ﻭﮦ ﺣﻘﺎﺋﻖ ﺟﻮ ﺻﺮﻑ ﻭﮨﯽ ﺑﺘﺎ ﺳﮑﺘﯽ ﺗﮭﯽ۔ ﻋﺎﺋﺸﮧ ﻋﺎﺑﺪﯾﻦ ﻧﮯ ﺍﯾﺴﺎ ﮐﭽﮫ ﺑﮭﯽ ﻧﮩﯿﮟ ﮐﮩﺎ ﺗﮭﺎ۔ ” ﺍﺣﺴﻦ ﺳﻌﺪ ﺑُﺮﺍ ﺷﺨﺺ ﻧﮩﯿﮟ ﮨﮯ، ﺻﺮﻑ ﻣﯿﮟ ﺍﻭﺭ ﻭﮦ compatible ﻧﮩﯿﮟ ﺗﮭﮯ، ﺍﺱ ﻟﺌﮯ ﺷﺎﺩﯼ ﻧﮩﯿﮟ ﭼﻠﯽ۔ ” ﺗﻘﺮﯾﺒﺎً ﺩﺱ ﻣﻨﭧ ﺗﮏ ﺍُﺱ ﮐﯽ ﺑﺎﺕ ﺳﻨﻨﮯ ﮐﮯ ﺑﻌﺪ ﻋﺎﺋﺸﮧ ﻧﮯ ﺑﮯ ﺣﺪ ﻣﺪﮨﻢ ﺁﻭﺍﺯ ﻣﯿﮟ ﺍُﺳﮯ ﮐﮩﺎ ﺗﮭﺎ۔ ” ﻭﮦ ﯾﻘﯿﻨﺎً ﺍﺗﻨﮯ ﮨﯽ ﺍﭼﮭﮯ ﻣﺴﻠﻤﺎﻥ ﮨﯿﮟ، ﺟﺘﻨﺎ ﺁﭖ ﺍُﺳﮯ ﺳﻤﺠﮭﺘﮯ ﮨﯿﮟ ﺍﻭﺭ ﺍُﺱ ﻣﯿﮟ ﺑﮩﺖ ﺳﺎﺭﯼ ﺧﻮﺑﯿﺎﮞ ﮨﯿﮟ۔ ﺁﭖ ﺑﮍﮮ ﺧﻮﺵ ﻗﺴﻤﺖ ﮨﯿﮟ ﮐﮧ ﺁﭖ ﮐﺎ ﻭﺍﺳﻄﮧ ﺍُﻥ ﮐﯽ ﺧﻮﺑﯿﻮﮞ ﺳﮯ ﭘﮍﺍ۔ ﻣﯿﮟ ﺷﺎﯾﺪ ﺍﺗﻨﯽ ﺧﻮﺵ ﻗﺴﻤﺖ ﻧﮩﯿﮟ ﺗﮭﯽ ﯾﺎ ﭘﮭﺮ ﻣﺠﮫ ﺳﮯ ﮐﻮﺗﺎﮨﯿﺎﮞ ﺳﺮﺯﺩ ﮨﻮﺋﯽ ﮨﻮﮞ ﮔﯽ۔ ” ﻭﮦ ﮐﮩﮧ ﺭﮨﯽ ﺗﮭﯽ ﺍﻭﺭ ﻋﺒﺪﺍﻟﻠﮧ ﮐﮯ ﺩﻝ ﮐﻮ ﺟﯿﺴﮯ ﺗﺴﻠﯽ ﻧﮩﯿﮟ ﮨﻮ ﺭﮨﯽ ﺗﮭﯽ۔ ﯾﮧ ﻭﮦ ﮐﭽﮫ ﻧﮩﯿﮟ ﺗﮭﺎ ﺟﻮ ﻭﮦ ﺳُﻨﻨﺎ ﭼﺎﮨﺘﺎ ﺗﮭﺎ۔ ﻟﯿﮑﻦ ﻭﮦ ﺑﮭﯽ ﻧﮩﯿﮟ ﺗﮭﺎ ﺟﺲ ﮐﯽ ﺍُﺳﮯ ﺗﻮﻗﻊ ﺗﮭﯽ۔ ” ﻭﮦ ﺁﭖ ﮐﮯ ﻟﺌﮯ ﺍﯾﮏ inspiration ﺍﻭﺭ ﺭﻭﻝ ﻣﺎﮈﻝ ﮨﯿﮟ، ﯾﻘﯿﻨﺎً ﮨﻮﮞ ﮔﮯ۔ ” ﻭﮦ ﮐﮩﮧ ﺭﮨﯽ ﺗﮭﯽ۔ ” ﮐﻮﺋﯽ ﺍﻧﺴﺎﻥ perfect ﻧﮩﯿﮟ ﮨﻮﺗﺎ ﻣﮕﺮ ﭼﻨﺪ ﻏﻠﻄﯿﺎﮞ ﮐﺮﻧﮯ ﭘﺮ ﮨﻢ ﮐﺴﯽ ﮐﻮ ﻧﻈﺮﻭﮞ ﺳﮯ ﻧﮩﯿﮟ ﮔﺮﺍ ﺳﮑﺘﮯ۔ ﻣﯿﺮﮮ ﺍﻭﺭ ﺍﺣﺴﻦ ﺳﻌﺪ ﮐﮯ ﺩﺭﻣﯿﺎﻥ ﺟﻮ ﺑﮭﯽ ﮨﻮﺍ، ﺍُﺱ ﻣﯿﮟ ﺍُﻥ ﺳﮯ ﺯﯾﺎﺩﮦ ﻣﯿﺮﯼ ﻏﻠﻄﯽ ﮨﮯ۔ ﺍﻭﺭ ﺁﭖ ﮐﮯ ﺳﺎﻣﻨﮯ ﻣﯿﮟ ﺍُﻥ ﮐﮯ ﺑﺎﺭﮮ ﻣﯿﮟ ﮐﭽﮫ ﺑﮭﯽ ﮐﮩﮧ ﮐﺮ ﻭﮦ ﻏﻠﻄﯽ ﭘﮭﺮ ﺳﮯ ﺩﮨﺮﺍﻧﺎ ﻧﮩﯿﮟ ﭼﺎﮨﺘﯽ۔ ” ﻋﺎﺋﺸﮧ ﻧﮯ ﺑﺎﺕ ﺧﺘﻢ ﮐﺮ ﺩﯼ ﺗﮭﯽ۔ ﻋﺒﺪﺍﻟﻠﮧ ﺍُﺱ ﮐﯽ ﺷﮑﻞ ﺩﯾﮑﮭﺘﺎ ﺭﮦ ﮔﯿﺎ ﺗﮭﺎ۔ ﺍُﺳﮯ ﺗﺴﻠﯽ ﮨﻮﻧﯽ ﭼﺎﮨﯿﮯ ﺗﮭﯽ، ﻧﮩﯿﮟ ﮨﻮﺋﯽ۔ ﻭﮦ ﻭﮨﺎﮞ ﺍﺣﺴﻦ ﺳﻌﺪ ﮐﮯ ﺑﺎﺭﮮ ﻣﯿﮟ ﮐﭽﮫ ﺟﺎﻧﻨﮯ ﺍﻭﺭ ﮐﮭﻮﺟﻨﮯ ﻧﮩﯿﮟ ﺁﯾﺎ ﺗﮭﺎ ﺍُﺱ ﮐﻮ defend ﮐﺮﻧﮯ ﺁﯾﺎ ﺗﮭﺎ۔ ﺍُﺱ ﻋﻮﺭﺕ ﮐﮯ ﺳﺎﻣﻨﮯ ﺟﻮ ﺍُﺱ ﮐﯽ ﺗﺬﻟﯿﻞ ﺍﻭﺭ ﺗﻀﺤﯿﮏ ﺍﻭﺭ ﺩﻝ ﺷﮑﻨﯽ ﮐﺎ ﺑﺎﻋﺚ ﺑﻨﯽ ﺗﮭﯽ ﻟﯿﮑﻦ ﺍُﺱ ﻋﻮﺭﺕ ﻧﮯ ﺟﯿﺴﮯ ﺍُﺱ ﮐﮯ ﺳﺎﻣﻨﮯ ﮐﻮﺋﯽ ﮔﻨﺠﺎﺋﺶ ﮨﯽ ﻧﮩﯿﮟ ﭼﮭﻮﮌﯼ ﺗﮭﯽ۔ ﮐﺴﯽ ﺻﻔﺎﺋﯽ، ﮐﺴﯽ ﻭﺿﺎﺣﺖ ﮐﯽ۔ ﺍُﺱ ﻧﮯ ﮨﺮ ﻏﻠﻄﯽ، ﮨﺮ ﮔﻨﺎﮦ، ﺧﺎﻣﻮﺷﯽ ﺳﮯ ﺍﭘﻨﮯ ﮐﮭﺎﺗﮯ ﻣﯿﮟ ﮈﺍﻝ ﻟﯿﺎ ﺗﮭﺎ۔ ﺍُﺱ ﮐﮯ ﻻﺅﻧﺞ ﻣﯿﮟ ﺑﯿﭩﮭﮯ ﻋﺒﺪﺍﻟﻠﮧ ﻧﮯ ﺩﯾﻮﺍﺭﻭﮞ ﭘﺮ ﻟﮕﯽ ﺍُﺱ ﮐﮯ ﺑﯿﭩﮯ ﮐﯽ ﺗﺼﻮﯾﺮﯾﮟ ﺩﯾﮑﮭﯽ ﺗﮭﯿﮟ، ﺍُﺱ ﮐﮯ ﮐﮭﻠﻮﻧﻮﮞ ﮐﯽ، ﺍﯾﮏ ﭼﮭﻮﭨﺎ ﺳﺎ ﺻﺎﻑ ﺳُﺘﮭﺮﺍ ﮔﮭﺮ … ۔ﻭﯾﺴﯽ ﺟﮕﮧ ﻧﮩﯿﮟ، ﺟﯿﺴﺎ ﻭﮦ ﺍُﺳﮯ ﺗﺼﻮّﺭ ﮐﺮ ﮐﮯ ﺁﯾﺎ ﺗﮭﺎ، ﮐﯿﻮﮞ ﮐﮧ ﺍﺣﺴﻦ ﺳﻌﺪ ﻧﮯ ﺍُﺳﮯ ﺍﺱ ﻋﻮﺭﺕ ﮐﮯ ” ﭘﮭﻮﮨﮍ ﭘﻦ ” ﮐﮯ ﺑﮭﯽ ﺑﮩﺖ ﻗﺼّﮯ ﺳﻨﺎ ﺭﮐﮭﮯ ﺗﮭﮯ۔ ﺟﻮ ﺍﺣﺴﻦ ﺳﻌﺪ ﮐﮯ ﮔﮭﺮ ﮐﻮ ﭼﻼﻧﮯ ﻣﯿﮟ ﻧﺎﮐﺎﻡ ﺗﮭﯽ، ﺟﺲ ﮐﺎ ﻭﺍﺣﺪ ﮐﺎﻡ ﺍﻭﺭ ﻣﺼﺮﻭﻓﯿﺖ TV ﺩﯾﮑﮭﺘﮯ ﺭﮨﻨﺎ ﯾﺎ ﺁﻭﺍﺭﮦ ﭘﮭﺮﻧﺎ ﺗﮭﺎ ﺍﻭﺭ ﺟﻮ ﮔﮭﺮ ﮐﺎ ﮐﻮﺋﯽ ﮐﺎﻡ ﮐﺮﻧﮯ ﮐﮯ ﻟﺌﮯ ﮐﮩﻨﮯ ﭘﺮ ﺑﮭﯽ ﺑﺮﮨﻢ ﮨﻮ ﺟﺎﺗﯽ ﺗﮭﯽ۔ ﻋﺒﺪﺍﻟﻠﮧ ﮐﮯ ﺩﻣﺎﻍ ﻣﯿﮟ ﮔﺮﮨﯿﮟ ﺑﮍﮬﺘﯽ ﮨﯽ ﭼﻠﯽ ﺟﺎ ﺭﮨﯽ ﺗﮭﯿﮟ۔ ﻭﮦ ﺍُﺱ ﻟﮍﮐﯽ ﺳﮯ ﻧﻔﺮﺕ ﻧﮩﯿﮟ ﮐﺮ ﺳﮑﺎ۔ ﺍُﺳﮯ ﻧﺎﭘﺴﻨﺪ ﻧﮩﯿﮟ ﮐﺮ ﺳﮑﺎ۔ ” ﺟﺒﺮﯾﻞ ﺳﮯ ﺁﭖ ﮐﺎ ﮐﯿﺎ ﺗﻌﻠﻖ ﮨﮯ؟ ” ﻭﮦ ﺑﺎﻵﺧﺮ ﺍﯾﮏ ﺁﺧﺮﯼ ﺳﻮﺍﻝ ﭘﺮ ﺁ ﮔﯿﺎ ﺗﮭﺎ ﺟﮩﺎﮞ ﺳﮯ ﯾﮧ ﺳﺎﺭﺍ ﻣﺴﺌﻠﮧ ﺷﺮﻭﻉ ﮨﻮﺍ ﺗﮭﺎ۔ ” ﻣﯿﮟ ﺍُﺱ ﺳﮯ ﭘﯿﺎﺭ ﮐﺮﺗﯽ ﮨﻮﮞ۔ ” ﻭﮦ ﺍُﺱ ﮐﮯ ﺳﻮﺍﻝ ﭘﺮ ﺑﮩﺖ ﺩﯾﺮ ﺧﺎﻣﻮﺵ ﺭﮨﯽ ﭘﮭﺮ ﺍُﺱ ﻧﮯ ﻋﺒﺪﺍﻟﻠﮧ ﺳﮯ ﮐﮩﺎ۔ ﺳﺮ ﺍُﭨﮭﺎ ﮐﺮ ﻧﻈﺮﯾﮟ ﭼﺮﺍﺋﮯ ﺑﻐﯿﺮ۔ ٭٭٭٭ ۔ ” I met your ex-wife ” ﻭﮦ ﺟﻤﻠﮧ ﻧﮩﯿﮟ ﺗﮭﺎ، ﺟﯿﺴﮯ ﺍﯾﮏ ﺑﻢ ﺗﮭﺎ ﺟﻮ ﺍُﺱ ﻧﮯ ﺍﺣﺴﻦ ﺳﻌﺪ ﮐﮯ ﺳﺮ ﭘﺮ ﭘﮭﻮﮌﺍ ﺗﮭﺎ۔ ﻋﺒﺪﺍﻟﻠﮧ ﭘﭽﮭﻠﯽ ﺭﺍﺕ ﻭﺍﭘﺲ ﭘﮩﻨﭽﺎ ﺗﮭﺎ ﺍﻭﺭ ﺍﮔﻠﮯ ﺩﻥ ﮨﺎﺳﭙﭩﻞ ﻣﯿﮟ ﺍُﺱ ﮐﯽ ﻣﻼﻗﺎﺕ ﺍﺣﺴﻦ ﺳﮯ ﮨﻮﺋﯽ ﺗﮭﯽ۔ ﺍُﺳﯽ ﻃﺮﺡ ﮨﺸﺎﺵ ﺑﺸّﺎﺵ، ﺑﺎﺍﺧﻼﻕ، ﭘﺮﺟﻮﺵ۔ ﻋﺒﺪﺍﻟﻠﮧ ﮐﮯ ﮐﺎﻧﻮﮞ ﻣﯿﮟ ﻋﻨﺎﯾﮧ ﺍﻭﺭ ﺟﺒﺮﯾﻞ ﮐﯽ ﺁﻭﺍﺯﯾﮟ ﺍﻭﺭ ﺍﻧﮑﺸﺎﻓﺎﺕ ﮔﻮﻧﺠﻨﮯ ﻟﮕﮯ ﺗﮭﮯ۔ ﺍُﺱ ﻧﮯ ﺍﺣﺴﻦ ﺳﮯ ﻣﻼﻗﺎﺕ ﮐﺎ ﻭﻗﺖ ﻣﺎﻧﮕﺎ ﺗﮭﺎ۔ ﺟﻮ ﺑﮍﯼ ﺧﻮﺵ ﺩﻟﯽ ﺳﮯ ﺩﯾﺎ ﮔﯿﺎ ﺗﮭﺎ۔ ﻭﮦ ﺩﻭﻧﻮﮞ ﺍﯾﮏ ﮨﯽ ﺍﭘﺎﺭﭨﻤﻨﭧ ﮐﯽ ﺑﻠﮉﻧﮓ ﻣﯿﮟ ﺭﮨﺘﮯ ﺗﮭﮯ۔ ﺍﺣﺴﻦ ﮐﮯ ﻭﺍﻟﺪﯾﻦ ﺍُﺱ ﮐﮯ ﺳﺎﺗﮫ ﺭﮨﺘﮯ ﺗﮭﮯ، ﺍﺱ ﻟﺌﮯ ﻭﮦ ﻣﻼﻗﺎﺕ ﺍﭘﻨﮯ ﮔﮭﺮ ﭘﺮ ﮐﺮﻧﺎ ﭼﺎﮨﺘﺎ ﺗﮭﺎ ﻣﮕﺮ ﺍﺣﺴﻦ ﺍُﺱ ﺷﺎﻡ ﮐﭽﮫ ﻣﺼﺮﻭﻑ ﺗﮭﺎ ﺗﻮ ﻋﺒﺪﺍﻟﻠﮧ ﮐﻮ ﺍُﺱ ﮨﯽ ﮐﮯ ﺍﭘﺎﺭﭨﻤﻨﭧ ﭘﺮ ﺟﺎﻧﺎ ﭘﮍﺍ۔ ﻭﮨﺎﮞ ﺍُﺱ ﮐﯽ ﻣﻼﻗﺎﺕ ﺍﺣﺴﻦ ﮐﮯ ﻭﺍﻟﺪﯾﻦ ﺳﮯ ﮨﻮﺋﯽ ﺗﮭﯽ۔ ﮨﻤﯿﺸﮧ ﮐﯽ ﻃﺮﺡ ﺍﯾﮏ ﺭﺳﻤﯽ ﮨﯿﻠﻮ ﮨﺎﺋﮯ۔ ﺍﺣﺴﻦ ﻻﺅﻧﺞ ﻣﯿﮟ ﺑﯿﭩﮭﮯ ﺑﭩﮭﺎﺋﮯ ﺍُﺱ ﺳﮯ ﺑﺎﺕ ﮐﺮﻧﺎ ﭼﺎﮨﺘﺎ ﺗﮭﺎ ﻣﮕﺮ ﻋﺒﺪﺍﻟﻠﮧ ﻧﮯ ﺍُﺱ ﺳﮯ ﻋﻠﯿﺤﺪﮔﯽ ﻣﯿﮟ ﻣﻠﻨﺎ ﭼﺎﮨﺎ ﺗﮭﺎ ﺍﻭﺭ ﺗﺐ ﻭﮦ ﺍُﺳﮯ ﺍﭘﻨﮯ ﺑﯿﮉ ﺭﻭﻡ ﻣﯿﮟ ﻟﮯ ﺁﯾﺎ ﺗﮭﺎ ﻣﮕﺮ ﻭﮦ ﮐﭽﮫ ﺍُﻟﺠﮭﺎ ﮨﻮﺍ ﺗﮭﺎ۔ ﻋﺒﺪﺍﻟﻠﮧ ﮐﺎ ﺭﻭﯾﮧ ﮐﭽﮫ ﻋﺠﯿﺐ ﺗﮭﺎ ﻣﮕﺮ ﺍﺣﺴﻦ ﺳﻌﺪ ﮐﯽ ﭼﮭﭩﯽ ﺣﺲ ﺍُﺳﮯ ﺍُﺱ ﺳﮯ ﺑﮭﯽ ﺑُﺮﮮ ﺳﮕﻨﻠﺰ ﺩﮮ ﺭﮨﮯ ﺗﮭﮯ ﺍﻭﺭ ﻭﮦ ﺑﺎﻟﮑﻞ ﭨﮭﯿﮏ ﺗﮭﮯ۔ ﻋﺒﺪﺍﻟﻠﮧ ﻧﮯ ﮐﻤﺮﮮ ﮐﮯ ﺍﻧﺪﺭ ﺁﺗﮯ ﮨﯽ ﮔﻔﺘﮕﻮ ﮐﺎ ﺁﻏﺎﺯ ﺍﺳﯽ ﺟﻤﻠﮯ ﺳﮯ ﮐﯿﺎ ﺗﮭﺎ ﺍﻭﺭ ﺍﺣﺴﻦ ﺳﻌﺪ ﮐﺎ ﻟﮩﺠﮧ، ﺍﻧﺪﺍﺯ ﺍﻭﺭ ﺗﺎﺛﺮﺍﺕ ﭘﻠﮏ ﺟﮭﭙﮑﺘﮯ ﻣﯿﮟ ﺑﺪﻟﮯ ﺗﮭﮯ۔ ﻋﺒﺪﺍﻟﻠﮧ ﻧﮯ ﺯﻧﺪﮔﯽ ﻣﯿﮟ ﭘﮩﻠﯽ ﺑﺎﺭ ﺍُﺱ ﮐﯽ ﯾﮧ ﺁﻭﺍﺯ ﺳُﻨﯽ ﺗﮭﯽ۔ ﻭﮦ ﻟﮩﺠﮧ ﺑﮯ ﺣﺪ ﺧﺸﮏ ﺍﻭﺭ ﺳﺮﺩ ﺗﮭﺎ۔ Rude ﺑﮩﺘﺮ ﻟﻔﻆ ﺗﮭﺎ ﺍُﺳﮯ ﺑﯿﺎﻥ ﮐﺮﻧﮯ ﮐﮯ ﻟﺌﮯ۔ ﺍﻭﺭ ﺍُﺱ ﮐﮯ ﻣﺎﺗﮭﮯ ﭘﺮ ﺑﻞ ﺁﺋﮯ ﺗﮭﮯ۔ ﺁﻧﮑﮭﻮﮞ ﻣﯿﮟ ﮐﮭﺎ ﺟﺎﻧﮯ ﻭﺍﻟﯽ ﻧﻔﺮﺕ، ﺑﮭﯿﻨﭽﮯ ﮨﻮﺋﮯ ﮨﻮﻧﭩﻮﮞ ﮐﮯ ﺳﺎﺗﮫ ﺍُﺱ ﻧﮯ ﻋﺒﺪﺍﻟﻠﮧ ﺳﮯ ﮐﮩﺎ۔ ” ﮐﯿﻮﮞ؟ ” ﻋﺒﺪﺍﻟﻠﮧ ﻧﮯ ﺑﮯ ﺣﺪ ﻣﺨﺘﺼﺮ ﺍﻟﻔﺎﻅ ﻣﯿﮟ ﺍُﺳﮯ ﺑﺘﺎﯾﺎ ﮐﮧ ﻋﻨﺎﯾﮧ ﻧﮯ ﺍُﺱ ﺳﮯ ﮐﮩﺎ ﺗﮭﺎ ﮐﮧ ﺟﺒﺮﯾﻞ ﺍُﺱ ﮐﯽ ﺷﺎﺩﯼ ﻋﺒﺪﺍﻟﻠﮧ ﺳﮯ ﻧﮩﯿﮟ ﮐﺮﻧﺎ ﭼﺎﮨﺘﺎ ﺍﻭﺭ ﺍُﺱ ﮐﮯ ﺍﻧﮑﺎﺭ ﮐﯽ ﻭﺟﮧ ﺍﺣﺴﻦ ﺳﻌﺪ ﺳﮯ ﺍُﺱ ﮐﺎ ﻗﺮﯾﺒﯽ ﺗﻌﻠﻖ ﺗﮭﺎ۔ ﺍُﺱ ﻧﮯ ﺍﺣﺴﻦ ﺳﻌﺪ ﮐﻮ ﺑﺘﺎﯾﺎ ﮐﮧ ﻋﻨﺎﯾﮧ ﺍﻭﺭ ﺟﺒﺮﯾﻞ ﺩﻭﻧﻮﮞ ﻧﮯ ﺍُﺱ ﭘﺮ ﺳﻨﮕﯿﻦ ﺍﻟﺰﺍﻣﺎﺕ ﻟﮕﺎﺋﮯ ﺗﮭﮯ ﺍﻭﺭ ﺍُﺳﮯ ﻋﺎﺋﺸﮧ ﻋﺎﺑﺪﯾﻦ ﺳﮯ ﻣﻠﻨﮯ ﮐﮯ ﻟﺌﮯ ﮐﮩﺎ ﺟﻮ ﺍُﺱ ﮐﮯ ﻟﺌﮯ ﺿﺮﻭﺭﯼ ﮨﻮ ﮔﯿﺎ ﺗﮭﺎ۔ ” ﺗﻮ ﺗﻢ ﻧﮯ ﺍُﻥ ﭘﺮ ﺍﻋﺘﺒﺎﺭ ﮐﯿﺎ، ﺍﭘﻨﮯ ﺍُﺳﺘﺎﺩ ﭘﺮ ﻧﮩﯿﮟ ﺍﻭﺭ ﺗﻢ ﻣﺠﮫ ﺳﮯ ﺑﺎﺕ ﯾﺎ ﻣﺸﻮﺭﮦ ﮐﺌﮯ ﺑﻐﯿﺮ ﺍُﺱ ﮐُﺘﯿﺎ ﺳﮯ ﻣﻠﻨﮯ ﭼﻠﮯ ﮔﺌﮯ، ﺍﻭﺭ ﺗﻢ ﺩﻋﻮﯼٰ ﮐﺮﺗﮯ ﮨﻮ ﮐﮧ ﺗﻢ ﻧﮯ ﻣﺠﮫ ﺳﮯ ﺳﺐ ﮐﭽﮫ ﺳﯿﮑﮫ ﻟﯿﺎ۔ ” ﺍﺣﺴﻦ ﻧﮯ ﺍُﺱ ﮐﯽ ﮔﻔﺘﮕﻮ ﮐﮯ ﺩﺭﻣﯿﺎﻥ ﮨﯽ ﺍُﺱ ﮐﯽ ﺑﺎﺕ ﺑﮯ ﺣﺪ ﺧﺸﻤﮕﯿﮟ ﻟﮩﺠﮯ ﻣﯿﮟ ﮐﺎﭨﯽ ﺗﮭﯽ۔ ﻋﺒﺪﺍﻟﻠﮧ ﺑﺎﺕ ﻭﯾﺴﮯ ﺑﮭﯽ ﮐﺮﻧﮯ ﮐﮯ ﻗﺎﺑﻞ ﻧﮩﯿﮟ ﺭﮨﺎ ﺗﮭﺎ۔ ﺍُﺱ ﻧﮯ ﺍﺣﺴﻦ ﺳﻌﺪ ﮐﯽ ﺯﺑﺎﻥ ﺳﮯ ﺍﺑﮭﯽ ﺍﺑﮭﯽ ﺍﯾﮏ ﮔﺎﻟﯽ ﺳُﻨﯽ ﺗﮭﯽ، ﻋﺎﺋﺸﮧ ﻋﺎﺑﺪﯾﻦ ﮐﮯ ﻟﺌﮯ ﻭﮦ ﮔﺎﻟﯽ ﺍُﺱ ﮐﮯ ﻟﺌﮯ ﺷﺎﮐﻨﮓ ﻧﮩﯿﮟ ﺗﮭﯽ، ﺍﺣﺴﻦ ﺳﻌﺪ ﮐﯽ ﺯﺑﺎﻥ ﺳﮯ ﺍُﺱ ﮐﺎ ﻧﮑﻠﻨﺎ ﺷﺎﮐﻨﮓ ﺗﮭﺎ۔ ﻣﮕﺮ ﻭﮦ ﺷﺎﻡ ﻋﺒﺪﺍﻟﻠﮧ ﮐﮯ ﻟﺌﮯ ﻭﮦ ﺁﺧﺮﯼ ﺷﺎﮎ ﻻﻧﮯ ﻭﺍﻟﯽ ﻧﮩﯿﮟ ﺗﮭﯽ۔ ﻭﮦ ﺟﺲ ﺑُﺖ ﮐﯽ ﭘﻮﺟﺎ ﮐﺮ ﺭﮨﺎ ﺗﮭﺎ، ﻭﮦ ﻭﮨﺎﮞ ﺍُﺱ ﺑُﺖ ﮐﻮ ﺍﻭﻧﺪﮬﮯ ﻣﻨﮧ ﮔﺮﺗﮯ ﺩﯾﮑﮭﻨﮯ ﺁﯾﺎ ﺗﮭﺎ۔ ” ﺗﻤﮩﯿﮟ ﮐﻮﺋﯽ ﺣﻖ ﻧﮩﯿﮟ ﺗﮭﺎ ﮐﮧ ﺗﻢ ﻣﯿﺮﯼ ﺳﺎﺑﻘﮧ ﺑﯿﻮﯼ ﺳﮯ ﻣﻠﺘﮯ۔ ﻣﯿﺮﮮ ﺑﺎﺭﮮ ﻣﯿﮟ ﺍﺱ ﻃﺮﺡ investigation ﮐﺮﺗﮯ، ﺗﻢ ﺍُﺱ ”……” ، ”…” ، ”…” ﮐﮯ ﭘﺎﺱ ﭘﮩﻨﭽﮯ۔ ﺟﺲ ﻧﮯ ﺗﻤﮩﯿﮟ ﻣﯿﺮﮮ ﺑﺎﺭﮮ ﻣﯿﮟ ﺟﮭﻮﭦ ﭘﮧ ﺟﮭﻮﭦ ﺑﻮﻻ ﮨﻮ ﮔﺎ۔ ” ﺍﺣﺴﻦ ﺳﻌﺪ ﮐﮯ ﺟﻤﻠﻮﮞ ﻣﯿﮟ ﺍﺏ ﻋﺎﺋﺸﮧ ﮐﮯ ﻟﺌﮯ ﮔﺎﻟﯿﺎﮞ ﺍﺱ ﻃﺮﺡ ﺁ ﺭﮨﯽ ﺗﮭﯿﮟ ﺟﯿﺴﮯ ﻭﮦ ﺍُﺳﮯ ﻣﺨﺎﻃﺐ ﮐﺮﻧﮯ ﮐﮯ ﻟﺌﮯ ﺭﻭﺯ ﻣﺮّﮦ ﮐﮯ ﺍﻟﻘﺎﺑﺎﺕ ﺗﮭﮯ ﻭﮦ ﻏﺼّﮯ ﮐﯽ ﺷﺪﺕ ﺳﮯ ﺑﮯ ﻗﺎﺑﻮ ﮨﻮ ﺭﮨﺎ ﺗﮭﺎ، ﻋﺎﺋﺸﮧ ﮐﯽ ﻧﻔﺮﺕ ﺍُﺱ ﮐﮯ ﻟﺌﮯ ﺳﻨﺒﮭﺎﻟﻨﺎ ﻣﺸﮑﻞ ﮨﻮ ﺭﮨﯽ ﺗﮭﯽ ﯾﺎ ﺍﭘﻨﺎ ﺳﺎﻟﻮﮞ ﮐﺎ ﺑﻨﺎﯾﺎ ﮨﻮﺍ image ﻣﺴﺦ ﮨﻮﻧﮯ ﮐﯽ ﺗﮑﻠﯿﻒ ﻧﮯ ﺍُﺳﮯ ﺍﺱ ﻃﺮﺡ ﺑﻠﺒﻼﻧﮯ ﭘﺮ ﻣﺠﺒﻮﺭ ﮐﺮ ﺩﯾﺎ ﺗﮭﺎ، ﻋﺒﺪﺍﻟﻠﮧ ﺳﻤﺠﮭﻨﮯ ﺳﮯ ﻗﺎﺻﺮ ﺗﮭﺎ۔ ” ﻭﮦ ﺩﮐﮭﺎﻧﮯ ﺑﯿﭩﮫ ﮔﺌﯽ ﮨﻮ ﮔﯽ ﺗﻤﮩﯿﮟ ﮐﻮﺭﭦ ﮐﮯ ﮐﺎﻏﺬﺍﺕ ﮐﻮ، ﯾﮧ ﺩﯾﮑﮭﻮ ﮐﻮﺭﭦ ﻣﯿﺮﮮ ﺷﻮﮨﺮ ﮐﻮ ﺟﮭﻮﭨﺎ ﮐﮩﮧ ﺭﮨﯽ ﮨﮯ۔۔ ﮐﻮﺭﭦ ﻧﮯ ﻣﺠﮫ ﭘﺮ ﻣﺎﺭ ﭘﯿﭧ ﮐﮯ ﺍﻟﺰﺍﻣﺎﺕ ﮐﻮ ﻣﺎﻧﺎ ﮨﮯ، ﮐﻮﺭﭦ ﻧﮯ ﺍﺣﺴﻦ ﺳﻌﺪ ﮐﻮ ﺩﻭﺳﺮﯼ ﺷﺎﺩﯼ ﮐﺮﻧﮯ ﮐﮯ ﻟﺌﮯ ﺍُﺳﮯ ﺩﮬﻮﮐﮧ ﺑﺎﺯ ﮐﮩﺎ ﮨﮯ ﺍﻭﺭ ﺍﺱ ﻟﺌﮯ ﺍُﺱ …… ﻋﻮﺭﺕ ﮐﮯ ﻃﻼﻕ ﮐﮯ ﻣﻄﺎﻟﺒﮯ ﮐﻮ ﺟﺎﺋﺰ ﻗﺮﺍﺭ ﺩﯾﺘﮯ ﮨﻮﺋﮯ ﺍُﺳﮯ ﻃﻼﻕ ﺩﻟﻮﺍ ﺩﯼ ﺍﻭﺭ ﺑﭽﮯ ﮐﯽ ﮐﺴﭩﮉﯼ ﺑﮭﯽ۔۔۔۔۔۔۔۔۔۔۔۔۔۔ ” ﻭﮦ ﺑﻮﻟﺘﺎ ﮨﯽ ﺟﺎﺭﮨﺎ ﺗﮭﺎ ﺍﻭﺭ ﻋﺒﺪﺍﻟﻠﮧ ﺳﺎﮐﺖ ﺻﺮﻑ ﺍُﺳﮯ ﺳُﻦ ﺭﮨﺎ ﺗﮭﺎ۔ ﻭﮦ ﺳﺎﺭﮮ ﺍﻧﮑﺸﺎﻓﺎﺕ ﺟﻦ ﮐﻮ ﺳُﻨﻨﮯ ﮐﮯ ﻟﺌﮯ ﺟﺒﺮﯾﻞ ﻧﮯ ﺍُﺳﮯ ﻋﺎﺋﺸﮧ ﮐﮯ ﭘﺎﺱ ﺑﮭﯿﺠﺎ ﺗﮭﺎ، ﻭﮦ ﺍﻟﺰﺍﻣﺎﺕ ﻭﮦ ﺧﻮﺩ ﺍﺣﺴﻦ ﺳﻌﺪ ﺳﮯ ﺳُﻦ ﺭﮨﺎ ﺗﮭﺎ۔ ” ﻣﯿﮟ ﺍﺱ ﻣﻠﮏ ﮐﮯ courts ﮐﻮ ﺩﻭ ﭨﮑﮯ ﮐﺎ ﻧﮩﯿﮟ ﺳﻤﺠﮭﺘﺎ۔ ﯾﮧ ﮐﺎﻓﺮﻭﮞ ﮐﯽ ﻋﺪﺍﻟﺘﯿﮟ ﮨﯿﮟ، ﺍﺳﻼﻡ ﮐﻮ ﮐﯿﺎ ﺳﻤﺠﮭﺘﯽ ﮨﻮﮞ ﮔﯽ، ﻭﮦ ﻓﯿﺼﻠﮯ ﺩﯾﺘﯽ ﮨﯿﮟ ﺟﻮ ﺷﺮﯾﻌﮧ ﮐﮯ ﺧﻼﻑ ﮨﯿﮟ۔ ﻣﯿﺮﺍ ﻣﺬﮨﺐ ﺣﻖ ﺩﯾﺘﺎ ﮨﮯ ﻣﺠﮭﮯ ﺩﻭﺳﺮﯼ ﺷﺎﺩﯼ ﮐﺎ، ﮐﺴﯽ ﺑﮭﯽ ﻭﺟﮧ ﮐﮯ ﺑﻐﯿﺮ۔ ﺗﻮ ﮐﻮﺭﭦ ﮐﻮﻥ ﮨﻮﺗﯽ ﮨﮯ ﻣﺠﮭﮯ ﺍﺱ ﻋﻤﻞ ﭘﺮ ﺩﮬﻮﮐﮧ ﺑﺎﺯ ﮐﮩﻨﮯ ﻭﺍﻟﯽ؟ ﻣﺠﮭﮯ ﺣﻖ ﮨﮯ ﮐﮧ ﻣﯿﮟ ﺍﯾﮏ ﻧﺎﻓﺮﻣﺎﻥ ﺑﯿﻮﯼ ﮐﻮ ﻣﺎﺭ ﭘﯿﭧ ﺳﮯ ﺭﺍﮦِ ﺭﺍﺳﺖ ﭘﺮ ﻻﺅﮞ، ﮐﻮﺭﭦ ﮐﺲ ﺣﻖ ﮐﮯ ﺗﺤﺖ ﻣﺠﮭﮯ ﺍﺱ ﺳﮯ ﺭﻭﮎ ﺳﮑﺘﺎ ﮨﮯ؟ ﻣﯿﮟ ﻣﺮﺩ ﮨﻮﮞ، ﻣﺠﮭﮯ ﻣﯿﺮﮮ ﺩﯾﻦ ﻧﮯ ﻋﻮﺭﺕ ﭘﺮ ﺑﺮﺗﺮﯼ ﺩﯼ ﮨﮯ، ﮐﻮﺭﭦ ﮐﯿﺴﮯ ﻣﺠﮭﮯ ﻣﺠﺒﻮﺭ ﮐﺮ ﺳﮑﺘﯽ ﮨﮯ ﮐﮧ ﻣﯿﮟ ﺍﭘﻨﯽ ﺑﯿﻮﯼ ﮐﻮ ﺑﺮﺍﺑﺮﯼ ﺩﻭﮞ؟ ﺍِﻥ ﮨﯽ ﭼﯿﺰﻭﮞ ﮐﯽ ﻭﺟﮧ ﺳﮯ ﺗﻮ ﺗﻤﮩﺎﺭﺍ ﻣﻌﺎﺷﺮﮦ ﺗﺒﺎﮦ ﮨﻮ ﮔﺎ۔ ﺑﮯ ﺣﯿﺎﺋﯽ، ﻋُﺮﯾﺎﻧﯽ، ﻣﻨﮧ ﺯﻭﺭﯼ، ﻣﺮﺩ ﮐﯽ ﻧﺎﻓﺮﻣﺎﻧﯽ، ﯾﮩﯽ ﭼﯿﺰﯾﮟ ﺗﻮ ﻟﮯ ﮈﻭﺑﯽ ﮨﯿﮟ ﺗﻤﮩﺎﺭﯼ ﻋﻮﺭﺗﻮﮞ ﮐﻮ۔ ﺍﻭﺭ ﺗﻤﮩﺎﺭﮮ ﮐﻮﺭﭨﺲ ﮐﮩﺘﮯ ﮨﯿﮟ ﮐﮧ ﮨﻢ ﺑﮭﯽ ﺑﮯ ﻏﯿﺮﺕ ﮨﻮ ﺟﺎ ﺋﯿﮟ ﺍﻭﺭ ﺍﻥ ﻋﻮﺭﺗﻮﮞ ﮐﻮ ﺑﺴﺎﺋﯿﮟ ﺍﻭﺭ ﺍُﻥ ﮐﮯ ﭘﯿﭽﮭﮯ ﮐُﺘﮯ ﮐﯽ ﻃﺮﺡ ﺩُﻡ ﮨﻼﺗﮯ ﭘﮭﺮﯾﮟ۔ ” ﻭﮦ ﺷﺨﺺ ﮐﻮﻥ ﺗﮭﺎ؟ ﻋﺒﺪﺍﻟﻠﮧ ﭘﮩﭽﺎﻥ ﮨﯽ ﻧﮩﯿﮟ ﭘﺎ ﺭﮨﺎ ﺗﮭﺎ۔ ﺍﺗﻨﺎ ﺯﮨﺮ، ﺍﯾﺴﺎ ﺗﻌﺼّﺐ، ﺍﯾﺴﮯ ﺍﻟﻔﺎﻅ ﺍﻭﺭ ﯾﮧ ﺳﻮﭺ۔ ﺍُﺱ ﻧﮯ ﮈﺍﮐﭩﺮ ﺍﺣﺴﻦ ﺳﻌﺪ ﮐﮯ ﺍﻧﺪﺭ ﯾﮧ ﭼﮭﭙﺎ ﺍﻧﺴﺎﻥ ﺗﻮ ﮐﺒﮭﯽ ﻧﮩﯿﮟ ﺩﯾﮑﮭﺎ ﺗﮭﺎ ﺟﻮ ﺍﻣﺮﯾﮑﮧ ﮐﻮ ﮨﻤﯿﺸﮧ ﺍﭘﻨﺎ ﻣﻠﮏ ﻗﺮﺍﺭ ﺩﯾﺘﮯ ﮨﻮﺋﮯ ﺍﭘﻨﮯ ﺁﭖ ﮐﻮ ﺍﯾﮏ proud American ﮐﮩﺘﺎ ﺗﮭﺎ ﺍﻭﺭ ﺁﺝ ﻭﮦ ﺍُﺳﮯ ﺗﻤﮩﺎﺭﺍ ﻣﻠﮏ، ﺗﻤﮩﺎﺭﺍ ﻣﻌﺎﺷﺮﮦ، ﺗﻤﮩﺎﺭﮮ ﮐﻮﺭﭨﺲ ﮐﮩﮧ ﮐﮩﮧ ﮐﺮ ﺑﺎﺕ ﮐﺮ ﺭﮨﺎ ﺗﮭﺎ۔ ﺍُﻣّﺖ ﺍﻭﺭ ﺍﺧﻮّﺕ ﮐﮯ ﺟﻮ ﺩﻭ ﻟﻔﻆ ﺍُﺱ ﮐﺎ ﮐﻠﻤﮧ ﺗﮭﮯ ﻭﮦ ﺩﻭﻧﻮﮞ ﯾﮏ ﺩﻡ ﮐﮩﯿﮟ ﻏﺎﺋﺐ ﮨﻮﮔﺌﮯ ﺗﮭﮯ۔ ” ﺍﺏ ﻃﻼﻕ ﻣﻨﮧ ﭘﺮ ﻣﺎﺭ ﮐﺮ ﻣﯿﮟ ﻧﮯ ﺍُﺱ ﺣﺮّﺍﻓﮧ ﮐﻮ ﭼﮭﻮﮌﺍ ﮨﻮﺍ ﮨﮯ ﺗﻮ ﺧﻮﺍﺭ ﮨﻮﺗﯽ ﭘﮭﺮ ﺭﮨﯽ ﮨﮯ۔ ﮐﺴﯽ ﮐﯽ keep ﺍﻭﺭ ﮔﺮﻝ ﻓﺮﯾﻨﮉ ﮨﯽ ﺭﮨﮯ ﮔﯽ ﻭﮦ ﺳﺎﺭﯼ ﻋﻤﺮ، ﮐﺒﮭﯽ ﺑﯿﻮﯼ ﻧﮩﯿﮟ ﺑﻨﮯ ﮔﯽ۔ ﺍُﺳﮯ ﯾﮩﯽ ﺁﺯﺍﺩﯼ ﭼﺎﮨﯿﮯ، ﺗﻤﮩﺎﺭﯼ ﺳﺐ ﻋﻮﺭﺗﻮﮞ ﮐﻮ ﯾﮩﯽ ﺳﺐ ﭼﺎﮨﯿﮯ۔ ﮔﮭﺮ، ﺧﺎﻧﺪﺍﻥ، ﭼﺎﺭﺩﯾﻮﺍﺭﯼ ﮐﺲ ﭼﮍﯾﺎ ﮐﮯ ﻧﺎﻡ ﮨﯿﮟ ﺍُﻧﮩﯿﮟ ﮐﯿﺎ ﭘﺘﮧ۔ ﻋﺼﻤﺖ ﺟﯿﺴﺎ ﻟﻔﻆ ﺍُﻥ ﮐﯽ ﮈﮐﺸﻨﺮﯼ ﻣﯿﮟ ﮨﯽ ﻧﮩﯿﮟ ﺍﻭﺭ ﭘﮭﺮ ﺍﻟﺰﺍﻡ ﻟﮕﺎﺗﯽ ﮨﯿﮟ ﺷﻮﮨﺮﻭﮞ ﭘﺮ ﺗﺸﺪّﺩ ﮐﮯ، ﮔﮭﭩﯿﺎ ﻋﻮﺭﺗﯿﮟ۔ ” ﺍُﺱ ﮐﮯ ﺟﻤﻠﻮﮞ ﻣﯿﮟ ﺍﺏ ﺑﮯ ﺭﺑﻄﮕﯽ ﺗﮭﯽ ﯾﻮﮞ ﺟﯿﺴﮯ ﻭﮦ ﺧﻮﺩ ﺑﮭﯽ ﺍﭘﻨﯽ ﺑﺎﺗﯿﮟ ﺟﻮﮌ ﻧﮧ ﭘﺎ ﺭﮨﺎ ﮨﻮ، ﻣﮕﺮ ﻭﮦ ﺧﺎﻣﻮﺵ ﮨﻮﻧﮯ ﭘﺮ ﺗﯿّﺎﺭ ﻧﮧ ﺗﮭﺎ۔ ﺍُﺱ ﮐﺎ ﻋﻠﻢ ﺑﻮﻝ ﺭﮨﺎ ﮨﻮﺗﺎ ﺗﻮ ﺍﮔﻠﮯ ﮐﺌﯽ ﮔﮭﻨﭩﮯ ﺑﮭﯽ ﻋﺒﺪﺍﻟﻠﮧ ﺍﺳﯽ ﻃﺮﺡ ﺍُﺳﮯ ﺳُﻦ ﺳﮑﺘﺎ ﺗﮭﺎ ﺟﯿﺴﮯ ﻭﮦ ﮨﻤﯿﺸﮧ ﺳﺤﺮ ﺯﺩﮦ ﻣﻌﻤﻮﻝ ﮐﯽ ﻃﺮﺡ ﺳُﻨﺘﺎ ﺭﮨﺘﺎ ﺗﮭﺎ ﻣﮕﺮ ﯾﮧ ﺍُﺱ ﮐﯽ ﺟﮩﺎﻟﺖ ﺗﮭﯽ ﺟﻮ ﮔﻔﺘﮕﻮ ﮐﺮ ﺭﮨﯽ ﺗﮭﯽ ﺍﻭﺭ ﮐﺮﺗﮯ ﮨﯽ ﺭﮨﻨﺎ ﭼﺎﮨﺘﯽ ﺗﮭﯽ۔ ﻋﺒﺪﺍﻟﻠﮧ ﺍُﺱ ﮐﯽ ﺑﺎﺕ ﮐﺎﭦ ﮐﺮ ﮐﭽﮫ ﮐﮩﻨﺎ ﭼﺎﮨﺘﺎ ﺗﮭﺎ ﻣﮕﺮ ﺍُﺱ ﺳﮯ ﭘﮩﻠﮯ ﺍﺣﺴﻦ ﺳﻌﺪ ﮐﮯ ﺩﻭﻧﻮﮞ ﻣﺎﮞ ﺑﺎﭖ ﺍﻧﺪﺭ ﺁﮒ ﺋﮯ ﺗﮭﮯ ﻭﮦ ﯾﻘﯿﻨﺎً ﺍﺣﺴﻦ ﮐﮯ ﺍﺱ ﻃﺮﺡ ﺑﻠﻨﺪ ﺁﻭﺍﺯ ﻣﯿﮟ ﺑﺎﺗﯿﮟ ﺳُﻦ ﮐﺮ ﺍﻧﺪﺭ ﺁﺋﮯ ﺗﮭﮯ۔ ” ﺍﺑّﻮ ﻣﯿﮟ ﻧﮯ ﺁﭖ ﺳﮯ ﮐﮩﺎ ﺗﮭﺎ ﻧﺎ ﮐﮧ ﺁﭖ ﮐﮯ ﺩﻭﺳﺖ ﮐﺎ ﺑﯿﭩﺎ ﻣﯿﺮﺍ ﺩﺷﻤﻦ ﮨﮯ، ﻣﺠﮭﮯ ﻧﻘﺼﺎﻥ ﭘﮩﻨﭽﺎﺋﮯ ﮔﺎ۔ ﺍﺏ ﺩﯾﮑﮫ ﻟﯿﮟ، ﻭﮨﯽ ﮨﻮ ﺭﮨﺎ ﮨﮯ۔ ﻭﮦ ﻣﺠﮭﮯ ﺟﮕﮧ ﺟﮕﮧ ﺑﺪﻧﺎﻡ ﮐﺮﺗﺎ ﭘﮭﺮ ﺭﮨﺎ ﮨﮯ۔ ” ﺍﺣﺴﻦ ﻧﮯ ﺍﭘﻨﮯ ﺑﺎﭖ ﮐﻮ ﺩﯾﮑﮭﺘﮯ ﮨﯽ ﮐﮩﺎ ﺗﮭﺎ۔ ” ﮐﻮﻥ؟ ” ﺳﻌﺪ ﻧﮯ ﮐﭽﮫ ﮨﮑﺎ ﺑﮑﺎ ﺍﻧﺪﺍﺯ ﻣﯿﮟ ﮐﮩﺎ۔ ” ﺟﺒﺮﯾﻞ۔ ” ﺍﺣﺴﻦ ﻧﮯ ﺟﻮﺍﺑﺎً ﮐﮩﺎ ﺍﻭﺭ ﻋﺒﺪﺍﻟﻠﮧ ﮐﯽ ﻃﺮﻑ ﺍﺷﺎﺭﮦ ﮐﺮﺗﮯ ﮨﻮﺋﮯ ﮐﮩﺎ۔ ” ﺍﺳﮯ ﻋﺎﺋﺸﮧ ﺳﮯ ﻣﻠﻮﺍﯾﺎ ﮨﮯ ﺍُﺱ ﻧﮯ ﺍﻭﺭ ﺍُﺱ ﻋﻮﺭﺕ ﻧﮯ ﺍﺳﮯ ﻣﯿﺮﮮ ﺑﺎﺭﮮ ﻣﯿﮟ ﺟﮭﻮﭨﯽ ﺳﭽﯽ ﺑﺎﺗﯿﮟ ﮐﮩﯿﮟ ﮨﯿﮟ، ﺯﮨﺮ ﺍﮔﻼ ﮨﮯ ﻣﯿﺮﮮ ﺑﺎﺭﮮ ﻣﯿﮟ۔ ” ﻭﮦ ﺍﯾﮏ ﭼﮭﻮﭨﮯ ﺑﭽﮯ ﮐﯽ ﻃﺮﺡ ﺑﺎﭖ ﺳﮯ ﺷﮑﺎﯾﺖ ﮐﺮ ﺭﮨﺎ ﺗﮭﺎ۔ ” ﻋﺎﺋﺸﮧ ﻧﮯ ﻣﺠﮫ ﺳﮯ ﺁﭖ ﮐﮯ ﺑﺎﺭﮮ ﻣﯿﮟ ﮐﭽﮫ ﺑﮭﯽ ﻧﮩﯿﮟ ﮐﮩﺎ۔ ﺟﻮ ﺑﮭﯽ ﺑﺘﺎﯾﺎ ﮨﮯ، ﺁﭖ ﻧﮯ ﺧﻮﺩ ﺑﺘﺎﯾﺎ ﮨﮯ۔ ” ﻋﺒﺪﺍﻟﻠﮧ ﻧﮯ ﺳﻌﺪ ﮐﮯ ﮐﭽﮫ ﮐﮩﻨﮯ ﺳﮯ ﭘﮩﻠﮯ ﮐﮩﺎ ﺗﮭﺎ۔ ” ﺍﻧﮩﻮﮞ ﻧﮯ ﻣﺠﮫ ﺳﮯ ﺻﺮﻑ ﯾﮧ ﮐﮩﺎ ﮐﮧ ﺁﭖ ﮐﮯ ﺍﻭﺭ ﺍُﻥ ﮐﮯ ﺩﺭﻣﯿﺎﻥ compatibility ﻧﮩﯿﮟ ﺗﮭﯽ، ﻣﮕﺮ ﮐﻮﺋﯽ ﮐﻮﺭﭦ ﭘﯿﭙﺮﺯ ﺍﻭﺭ ﮐﻮﺭﭦ ﻣﯿﮟ ﺁﭖ ﭘﺮ ﺛﺎﺑﺖ ﮨﻮﻧﮯ ﻭﺍﻟﮯ ﮐﺴﯽ ﺍﻟﺰﺍﻡ ﮐﯽ ﺍﻧﮩﻮﮞ ﻧﮯ ﺑﺎﺕ ﮐﯽ، ﻧﮧ ﮨﯽ ﻣﺠﮭﮯ ﮐﻮﺋﯽ ﭘﯿﭙﺮ ﺩﮐﮭﺎﯾﺎ۔ ﺟﻮ ﺑﮭﯽ ﺳُﻦ ﺭﮨﺎ ﮨﻮﮞ، ﻭﮦ ﻣﯿﮟ ﺁﭖ ﺳﮯ ﮨﯽ ﺳُﻦ ﺭﮨﺎ ﮨﻮﮞ۔ ” ﻋﺒﺪﺍﻟﻠﮧ ﮐﺎ ﺧﯿﺎﻝ ﺗﮭﺎ، ﺍﺣﺴﻦ ﺳﻌﺪ ﺣﯿﺮﺍﻥ ﺭﮦ ﺟﺎﺋﮯ ﮔﺎ ﺍﻭﺭ ﭘﮭﺮ ﺷﺮﻣﻨﺪﮦ ﮨﻮ ﮔﺎ ﺍﯾﺴﺎ ﻧﮩﯿﮟ ﮨﻮﺍ ﺗﮭﺎ۔ ” ﺗﻢ ﻣﺠﮭﮯ ﺑﮯ ﻭﻗﻮﻑ ﺑﻨﺎﻧﮯ ﮐﯽ ﮐﻮﺷﺶ ﻣﺖ ﮐﺮﻭ۔ ” ﺍﺣﺴﻦ ﺳﻌﺪ ﻧﮯ ﺍُﺳﮯ ﺩﺭﻣﯿﺎﻥ ﻣﯿﮟ ﮨﯽ ﭨﻮﮎ ﺩﯾﺎ ﺗﮭﺎ۔ ﻋﺒﺪﺍﻟﻠﮧ ﺍُﭨﮫ ﮐﺮ ﮐﮭﮍﺍ ﮨﻮ ﮔﯿﺎ۔ ﺍُﺱ ﮔﮭﺮ ﻣﯿﮟ ﯾﮏ ﺩﻡ ﮨﯽ ﺍُﺱ ﮐﺎ ﺩﻡ ﮔﮭﭩﻨﮯ ﻟﮕﺎ ﺗﮭﺎ۔ ﺍﺏ ﺻﺮﻑ ﺍﺣﺴﻦ ﺳﻌﺪ ﻧﮩﯿﮟ ﺑﻮﻝ ﺭﮨﺎ ﺗﮭﺎ، ﺍُﺱ ﮐﺎ ﺑﺎﭖ ﺍﻭﺭ ﻣﺎﮞ ﺑﮭﯽ ﺑﻮﻟﻨﮯ ﻟﮓ ﮔﺌﮯ ﺗﮭﮯ۔ ﻭﮦ ﺗﯿﻨﻮﮞ ﺑﯿﮏ ﻭﻗﺖ ﺑﻮﻝ ﺭﮨﮯ ﺗﮭﮯ ﺍﻭﺭ ﻋﺎﺋﺸﮧ ﻋﺎﺑﺪﯾﻦ ﮐﻮ ﻟﻌﻨﺖ ﻣﻼﻣﺖ ﮐﺮ ﺭﮨﮯ ﺗﮭﮯ ﺍﻭﺭ ﺟﺒﺮﯾﻞ ﮐﻮ ﺍﻭﺭ ﺳﺎﻻﺭ ﺳﮑﻨﺪﺭ ﮐﻮ ﺟﺲ ﮐﮯ ﻣﺎﺿﯽ ﮐﮯ ﺣﻮﺍﻟﮯ ﺳﮯ ﺳﻌﺪ ﮐﻮ ﯾﮏ ﺩﻡ ﺑﮩﺖ ﺳﺎﺭﯼ ﺑﺎﺗﯿﮟ ﯾﺎﺩ ﺁﻧﮯ ﻟﮕﯽ ﺗﮭﯿﮟ ﺍﻭﺭ ﺍﻣﺎﻣﮧ ﮐﮯ ﺑﺎﺭﮮ ﻣﯿﮟ۔ ﺟﺲ ﮐﺎ ﭘﮩﻼ ﻣﺬﮨﺐ ﻗﺎﺩﯾﺎﻧﯿﺖ ﺗﮭﺎ۔ ﻋﺒﺪﺍﻟﻠﮧ ﮐﻮ ﯾﮏ ﺩﻡ ﮐﮭﮍﮮ ﮐﮭﮍﮮ ﯾﮧ ﻣﺤﺴﻮﺱ ﮨﻮﻧﮯ ﻟﮕﺎ ﺗﮭﺎ ﺟﯿﺴﮯ ﻭﮦ ﺍﯾﮏ mental asylum ﻣﯿﮟ ﮐﮭﮍﺍ ﺗﮭﺎ۔ ﻭﮦ ﺍُﺱ ﮐﮯ ﮐﮭﮍﮮ ﮨﻮﻧﮯ ﭘﺮ ﺑﮭﯽ ﺍُﺳﮯ ﺟﺎﻧﮯ ﻧﮩﯿﮟ ﺩﮮ ﺭﮨﮯ ﺗﮭﮯ ﺑﻠﮑﮧ ﭼﺎﮨﺘﮯ ﺗﮭﮯ ﻭﮦ ﺍُﺱ ﮐﯽ ﮨﺮ ﺑﺎﺕ ﺳُﻦ ﮐﺮ ﺟﺎﺋﮯ۔ ﺍﯾﮏ ﺍﯾﮏ ﺑﮩﺘﺎﻥ، ﺍﯾﮏ ﺍﯾﮏ ﺭﺍﺯ ﺟﻮ ﺻﺮﻑ ﺍُﻥ ﮐﮯ ﺳﯿﻨﻮﮞ ﻣﯿﮟ ﺩﺑﺎ ﮨﻮﺍ ﺗﮭﺎ ﺍﻭﺭ ﺟﺴﮯ ﻭﮦ ﺁﺝ ﺁﺷﮑﺎﺭ ﮐﺮ ﺩﯾﻨﺎ ﭼﺎﮨﺘﮯ ﺗﮭﮯ۔ ﺍﺳﻼﻡ ﮐﺎ ﻭﮦ ﭼﮩﺮﮦ ﻋﺒﺪﺍﻟﻠﮧ ﻧﮯ ﮐﺒﮭﯽ ﻧﮩﯿﮟ ﺩﯾﮑﮭﺎ ﺗﮭﺎ ﺍﻭﺭ ﻧﮧ ﮨﯽ ﻭﮦ ﺩﯾﮑﮭﻨﺎ ﭼﺎﮨﺘﺎ ﺗﮭﺎ۔ ﻭﮦ ﻣﺬﮨﺐ ﺍُﺱ ﮐﮯ ﻟﺌﮯ ﮨﻤﯿﺸﮧ ﮨﺪﺍﯾﺖ ﺍﻭﺭ ﻣﺮﮨﻢ ﺗﮭﺎ، ﺑﮯ ﮨﺪﺍﯾﺘﯽ ﺍﻭﺭ ﺯﺧﻢ ﮐﺒﮭﯽ ﻧﮩﯿﮟ ﺑﻨﺎ ﺗﮭﺎ۔ ﻭﮦ ﻭﮨﺎﮞ ﺳﮯ ﺑﮭﺎﮒ ﺟﺎﻧﺎ ﭼﺎﮨﺘﺎ ﺗﮭﺎ۔ ﮐﺎﻧﻮﮞ ﻣﯿﮟ ﭘﮍﻧﮯ ﻭﺍﻟﯽ ﺁﻭﺍﺯﻭﮞ ﮐﻮ ﺭﻭﮎ ﺩﯾﻨﺎ ﭼﺎﮨﺘﺎ ﺗﮭﺎ۔ ﺍﺣﺴﻦ ﺳﮯ ﮐﮩﻨﺎ ﭼﺎﮨﺘﺎ ﺗﮭﺎ ﮐﮧ ﻭﮦ ﺍُﺱ ﮐﮯ ﻗﺮﺁﻥ ﮐﺎ ﺍُﺳﺘﺎﺩ ﺭﮨﺎ ﺗﮭﺎ۔ ﻭﮦ ﺑﺲ ﻭﮨﯽ ﺳﺐ ﺑﺘﺎﺋﮯ ﺍُﺳﮯ، ﯾﮧ ﺳﺐ ﻧﮧ ﺳُﻨﺎﺋﮯ۔ ” ﺑﺮﺍﺩﺭ ﺍﺣﺴﻦ ! You disappointed me ” ﻋﺒﺪﺍﻟﻠﮧ ﻧﮯ ﺑﺎﻵﺧﺮ ﺑﮩﺖ ﺩﯾﺮ ﺑﻌﺪ ﺁﻭﺍﺯﻭﮞ ﮐﮯ ﺍُﺱ ﻃﻮﻓﺎﻥ ﻣﯿﮟ ﺍﭘﻨﺎ ﭘﮩﻼ ﺟﻤﻠﮧ ﮐﮩﺎ۔ ﻃﻮﻓﺎﻥ ﺟﯿﺴﮯ ﭼﻨﺪ ﻟﻤﺤﻮﮞ ﮐﮯ ﻟﺌﮯ ﺭُﮐﺎ۔ ” ﺁﭖ ﮐﮯ ﭘﺎﺱ ﺑﮩﺖ ﻋﻠﻢ ﮨﮯ، ﻗﺮﺁﻥ ﭘﺎﮎ ﮐﺎ ﺑﮩﺖ ﺯﯾﺎﺩﮦ ﻋﻠﻢ ﮨﮯ، ﻟﯿﮑﻦ ﻧﺎﻗﺺ۔ ﺁﭖ ﻗﺮﺁﻥ ﭘﺎﮎ ﮐﻮ ﺣﻔﻆ ﺗﻮ ﮐﺌﮯ ﮨﻮﺋﮯ ﮨﯿﮟ، ﻣﮕﺮ ﻧﮧ ﺍﺱ ﮐﺎ ﻣﻔﮩﻮﻡ ﺳﻤﺠﮫ ﭘﺎﺋﮯ ﮨﯿﮟ ﻧﮧ ﺍﻟﻠﮧ ﺍﻭﺭ ﺍُﺱ ﮐﮯ ﺭﺳﻮﻝﷺۖ ﮐﯽ ﺗﻌﻠﯿﻤﺎﺕ۔ ﮐﯿﻮﻧﮑﮧ ﺁﭖ ﺳﻤﺠﮭﻨﺎ ﻧﮩﯿﮟ ﭼﺎﮨﺘﮯ ﺍُﺱ ﮐﺘﺎﺏ ﮐﻮ ﺟﻮ ﺍﭘﻨﮯ ﺁﭖ ﮐﻮ ﺳﻤﺠﮭﻨﮯ ﺍﻭﺭ ﺳﻮﭼﻨﮯ ﮐﮯ ﻟﺌﮯ ﺑﻼﺗﯽ ﮨﮯ۔ ﺁﭖ ﺳﮯ ﺍﯾﮏ ﺑﺎﺭ ﻣﯿﮟ ﻧﮯ ﺍﯾﮏ ﺁﯾﺖ ﮐﺎ ﻣﻄﻠﺐ ﭘﻮﭼﮭﺎ ﺗﮭﺎ ﮐﮧ ﻗﺮﺁﻥ ﺩﻟﻮﮞ ﭘﺮ ﻣﮩﺮ ﻟﮕﺎ ﺩﯾﻨﮯ ﮐﯽ ﺑﺎﺕ ﮐﺮﺗﺎ ﮨﮯ ﺗﻮ ﺍُﺱ ﮐﺎ ﮐﯿﺎ ﻣﻔﮩﻮﻡ ﮨﮯ۔ ﻣﺠﮭﮯ ﺍُﺱ ﮐﺎ ﻣﻔﮩﻮﻡ ﺍُﺱ ﻭﻗﺖ ﺳﻤﺠﮫ ﻧﮩﯿﮟ ﺁﯾﺎ ﺗﮭﺎ، ﺁﺝ ﺁ ﮔﯿﺎ۔ ﺁﭖ ﻣﯿﺮﮮ ﺍُﺳﺘﺎﺩ ﺭﮨﮯ ﮨﯿﮟ ﻣﮕﺮ ﻣﯿﮟ ﺩﻋﺎ ﮐﺮﺗﺎ ﮨﻮﮞ، ﺍﻟﻠﮧ ﺁﭖ ﮐﮯ ﺩﻝ ﮐﯽ ﻣﮩﺮ ﺗﻮﮌ ﺩﮮ ﺍﻭﺭ ﺁﭖ ﮐﻮ ﮨﺪﺍﯾﺖ ﻋﻄﺎ ﻓﺮﻣﺎﺋﮯ۔ ” ﻭﮦ ﺍﺣﺴﻦ ﺳﻌﺪ ﮐﻮ ﺑﯿﭻ ﺑﺎﺯﺍﺭ ﻣﯿﮟ ﺟﯿﺴﮯ ﻧﻨﮕﺎ ﮐﺮ ﮐﮯ ﭼﻼ ﮔﯿﺎ ﺗﮭﺎ۔ ﻭﮨﺎﮞ ﭨﮭﮩﺮﺍ ﻧﮩﯿﮟ ﺗﮭﺎ۔ ٭٭٭٭ ﻭﮦ ﭘﮭﺮ ﻭﮨﯿﮟ ﮐﮭﮍﺍ ﺗﮭﺎ ﺟﮩﺎﮞ ﻋﺎﺋﺸﮧ ﮐﻮ ﺗﻮﻗﻊ ﺗﮭﯽ۔ ﺍُﺱ ﮐﮯ ﺍﭘﺎﺭﭨﻤﻨﭧ ﮐﮯ ﺑﺎﮨﺮ، ﮐﻤﭙﺎﺅﻧﮉ ﻣﯿﮟ۔ ﺍﺩﮬﺮ ﺳﮯ ﺍﺩﮬﺮ ﭨﮩﻠﺘﮯ، ﮔﮩﺮﯼ ﺳﻮﭺ ﻣﯿﮟ، ﺯﻣﯿﻦ ﭘﺮ ﺍﭘﻨﮯ ﻗﺪﻣﻮﮞ ﺳﮯ ﻓﺎﺻﻠﮧ ﻣﺎﭘﺘﮯ ﮨﻮﺋﮯ۔ ﺑﺮﻑ ﺑﺎﺭﯼ ﮐﭽﮫ ﺩﯾﺮ ﭘﮩﻠﮯ ﮨﻮ ﮐﺮ ﮨﭩﯽ ﺗﮭﯽ ﺍﻭﺭ ﺟﻮ ﺑﺮﻑ ﮔﺮﯼ ﺗﮭﯽ ﻭﮦ ﺑﮩﺖ ﮨﻠﮑﯽ ﺳﯽ ﭼﺎﺩﺭ ﮐﯽ ﻃﺮﺡ ﺗﮭﯽ۔ ﺟﻮ ﺩﮬﻮﭖ ﻧﮑﻠﻨﮯ ﭘﺮ ﭘﮕﮭﻞ ﺟﺎﺗﯽ، ﻣﮕﺮ ﺁﺝ ﺩﮬﻮﭖ ﻧﮩﯿﮟ ﻧﮑﻠﯽ ﺗﮭﯽ ﺍﻭﺭ ﺍُﺱ ﺑﺮﻑ ﭘﺮ ﺟﺒﺮﯾﻞ ﮐﮯ ﻗﺪﻣﻮﮞ ﮐﮯ ﻧﺸﺎﻥ ﺗﮭﮯ ﺑﮯ ﺣﺪ ﮨﻤﻮﺍﺭ، ﺍﻭﺭ ﻣﺘﻮﺍﺯﻥ، ﺟﯿﺴﮯ ﺑﮩﺖ ﺳﻮﭺ ﺳﻤﺠﮫ ﮐﺮ ﺭﮐﮭﮯ ﺟﺎ ﺭﮨﮯ ﮨﻮﮞ۔ ﺍُﺱ ﻧﮯ ﻋﺎﺋﺸﮧ ﮐﻮ ﺑﺎﮨﺮ ﺁﺗﮯ ﻧﮩﯿﮟ ﺩﯾﮑﮭﺎ ﺗﮭﺎ ﻣﮕﺮ ﻋﺎﺋﺸﮧ ﻧﮯ ﺍُﺳﮯ ﺩﯾﮑﮫ ﻟﯿﺎ ﺗﮭﺎ۔ ﻻﻧﮓ ﮐﻮﭦ ﮐﯽ ﺩﻭﻧﻮﮞ ﺟﯿﺒﻮﮞ ﻣﯿﮟ ﮨﺎﺗﮫ ﮈﺍﻟﮯ ﻭﮦ ﺍُﺱ ﮐﯽ ﻃﺮﻑ ﺑﮍﮬﻨﮯ ﻟﮕﯽ۔ ﺟﺒﺮﯾﻞ ﻧﮯ ﺍُﺳﮯ ﮐﭽﮫ ﺩﯾﺮ ﭘﮩﻠﮯ ﻓﻮﻥ ﮐﯿﺎ ﺗﮭﺎ۔ ﻣﻠﻨﺎ ﭼﺎﮨﺘﺎ ﺗﮭﺎ۔ ” ﻣﯿﮟ ﮔﺮﻭﺳﺮﯼ ﮐﮯ ﻟﺌﮯ ﺟﺎ ﺭﮨﯽ ﮨﻮﮞ ﺍﻭﺭ ﭘﮭﺮ ﮨﺎﺳﭙﭩﻞ ﭼﻠﯽ ﺟﺎﺅﮞ ﮔﯽ۔ ” ﺍُﺱ ﻧﮯ ﺟﯿﺴﮯ ﺑﻼﻭﺍﺳﻄﮧ ﺍﻧﮑﺎﺭ ﮐﯿﺎ ﺗﮭﺎ۔ ﻭﮦ ﺍﺏ ﺍُﺱ ﮐﺎ ﺳﺎﻣﻨﺎ ﮐﺮﻧﮯ ﺳﮯ ﮐﺘﺮﺍﻧﮯ ﻟﮕﯽ ﺗﮭﯽ۔ ﺍُﺱ ﮐﮯ ﺳﺎﻣﻨﮯ ﺁﻧﺎ ﮨﯽ ﻧﮩﯿﮟ ﭼﺎﮨﺘﯽ ﺗﮭﯽ، ﺍُﺱ ﺍﯾﮏ ﮔﻔﺘﮕﻮ ﮐﮯ ﺑﻌﺪ۔ ” ﺗﻮ ﺗﻢ ﮐﻮﺭﭦ ﻣﯿﮟ ﯾﮧ ﺍﻋﺘﺮﺍﻑ ﮐﺮﻧﺎ ﭼﺎﮨﺘﯽ ﮨﻮ ﮐﮧ ﺍﺣﺴﻦ ﺳﻌﺪ ﭨﮭﯿﮏ ﮨﮯ ﺍﻭﺭ ﺗﻢ ﻧﮯ ﺍﭘﻨﮯ ﺑﯿﭩﮯ ﮐﯽ ﺩﯾﮑﮫ ﺑﮭﺎﻝ ﻣﯿﮟ ﻻﭘﺮﻭﺍﮨﯽ ﮐﺎ ﻣﻈﺎﮨﺮﮦ ﮐﯿﺎ۔ ﺗﻢ ﺍﭘﻨﯽ ﺯﻧﺪﮔﯽ ﺗﺒﺎﮦ ﮐﺮﻧﺎ ﭼﺎﮨﺘﯽ ﮨﻮ۔ ” ﺟﺒﺮﯾﻞ ﻧﮯ ﺑﮯ ﺣﺪ ﺧﻔﮕﯽ ﺳﮯ ﺍُﺳﮯ ﺗﺐ ﮐﮩﺎ. #جاری