#آﺏِ_ﺣﯿﺎﺕ #ﺍﺯ_ﻋﻤﯿﺮﮦ_ﺍﺣﻤﺪ #قسط_نمبر_53_آخری ﺩﻭﻧﻮﮞ ﺧﺎﻣﻮﺷﯽ ﺳﮯ ﺍﯾﮏ ﺩﻭﺳﺮﮮ ﮐﻮ ﺩﯾﮑﮭﺘﮯ ﺭﮨﮯ۔ ﭘﮭﺮ ﻭ ﮦ ﺁﮔﮯ ﺑﮍﮪ ﮐﺮ ﺳﺎﻻﺭ ﺳﮯ ﻟﭙﭧ ﮔﺌﯽ ﺗﮭﯽ … ﺑﺎﻟﮑﻞ ﺍُﺱ ﮨﯽ ﻃﺮﺡ ﺟﺐ ﻭﮦ ﮈﯾﮍﮪ ﺳﺎﻝ ﮐﯽ ﻋﻤﺮ ﻣﯿﮟ ﺍُﺱ ﺳﮯ ﻟﭙﭩﯽ ﺗﮭﯽ ﺍﻭﺭ ﭘﮭﺮ ﺍﻟﮓ ﻧﮩﯿﮟ ﮨﻮﺋﯽ ﺗﮭﯽ۔ ﺳﺎﻻﺭ ﺍُﺳﮯ ﺑﭽﻮﮞ ﮐﯽ ﻃﺮﺡ ﺗﮭﭙﮑﺘﺎ ﺭﮨﺎ۔ ﻭﮦ ﺍﻣﺮﯾﮑﮧ ﻭﺍﭘﺲ ﺁﻧﮯ ﺳﮯ ﭘﮩﻠﮯ ﭘﺎﮐﺴﺘﺎﻥ ﻣﯿﮟ ﺍﯾﮏ ﭘﺮﯾﺲ ﮐﺎﻧﻔﺮﻧﺲ ﻣﯿﮟ ﺍﭘﻨﺎ Paternity Test ﺍﻭﺭ ﻏﻼﻡ ﻓﺮﯾﺪ ﮐﺎ ﺑﯿﺎﻥ ﻣﯿﮉﯾﺎ ﮐﮯ ﺳﺎﺗﮫ ﺷﯿﺌﺮ ﮐﺮ ﮐﮯ ﺁﺋﯽ ﺗﮭﯽ ﺍﻭﺭ ﺍﯾﮏ ﻭﮐﯿﻞ ﮐﮯ ﺫﺭﯾﻌﮯ ﺍﭘﻨﮯ ﺧﺎﻧﺪﺍﻥ ﮐﯽ ﻭﺍﺣﺪ ﻭﺍﺭﺙ ﮨﻮﻧﮯ ﮐﮯ ﻃﻮﺭ ﭘﺮ ﺍﭘﻨﮯ ﺑﺎﭖ ﮐﻮ ﻣﻌﺎﻑ ﮐﺮﻧﮯ ﮐﺎ ﺣﻠﻒ ﻧﺎﻣﮧ ﺑﮭﯽ۔ ﻭﮦ ﻃﻮﻓﺎﻥ ﺟﻮ ﺳﺎﻻﺭ ﺳﮑﻨﺪﺭ ﺍﻭﺭ ﺍُﺱ ﮐﮯ ﺧﺎﻧﺪﺍﻥ ﮐﻮ ﮈﺑﻮﻧﮯ ﮐﮯ ﻟﺌﮯ ﺁﯾﺎ ﺗﮭﺎ، ﻭﮦ ﺍﺱ ﺑﺎﺭ ﺭﺋﯿﺴﮧ ﻧﮯ ﺭﻭﮐﺎ ﺗﮭﺎ۔ ﺍﻭﺭ ﻭﮨﺎﮞ ﺍﺏ ﺳﺎﻻﺭ ﺳﮑﻨﺪﺭ ﮐﮯ ﺳﯿﻨﮯ ﺳﮯ ﻟﮕﯽ ﺑﭽﻮﮞ ﮐﯽ ﻃﺮﺡ ﺭﻭﺗﯽ ﺭﺋﯿﺴﮧ ﮐﻮ ﺩﯾﮑﮭﺘﮯ ﮨﻮﺋﮯ ﺍُﺳﮯ ﮐﻮﺋﯽ ﺩﻟﯿﺮ ﻧﮩﯿﮟ ﮐﮩﮧ ﺳﮑﺘﺎ ﺗﮭﺎ … ﻭﮦ ﺑﮭﯽ ﺳﺎﻻﺭ ﺳﮑﻨﺪﺭ ﮐﺎ ﮨﯽ ﺧﺎﻧﻮﺍﺩﮦ ﺗﮭﯽ۔ ﺧﻮﻥ ﮐﺎ ﺭﺷﺘﮧ ﻧﮧ ﮨﻮﻧﮯ ﮐﮯ ﺑﺎﻭﺟﻮﺩ، ﺭﺣﻢ ﺍﻭﺭ ﻣﮩﺮﺑﺎﻧﯽ ﮐﮯ ﻣﻀﺒﻮﻁ ﺗﺮﯾﻦ ﺭﺷﺘﻮﮞ ﺳﮯ ﺍُﻥ ﮐﮯ ﺳﺎﺗﮫ ﺟﻮﮌﯼ ﮔﺌﯽ۔ ﺍﭘﻨﮯ ﻧﺎﻡ ﮐﮯ ﺳﺎﺗﮫ ﺳﺎﻻﺭ ﮐﺎ ﻧﺎﻡ ﺍﺳﺘﻌﻤﺎﻝ ﮐﺮﺗﮯ ﮨﻮﺋﮯ ﺑﮭﯽ ﻭﮦ ﺍﭘﻨﮯ ﺑﺎﭖ ﮐﮯ ﻧﺎﻡ ﺳﮯ ﻭﺍﻗﻒ ﺗﮭﯽ ﻣﮕﺮ ﻭﮦ ﺑﺎﭖ ﺟﯿﻞ ﻣﯿﮟ ﺳﺰﺍﺋﮯ ﻣﻮﺕ ﮐﺎ ﺍﯾﮏ ﻗﯿﺪﯼ ﺗﮭﺎ، ﺳﺎﻻﺭ ﮐﺎ ﺩﻭﺳﺖ ﻧﮩﯿﮟ، ﻭﮦ ﺍﺱ ﺳﮯ ﻭﺍﻗﻒ ﻧﮩﯿﮟ ﺗﮭﯽ۔ ﺍﻭﺭ ﺍﺱ ” ﻭﺍﻗﻔﯿﺖ ” ﮐﮯ ﺑﻌﺪ ﺍُﺳﮯ ﺍُﺱ ﺧﺎﻧﺪﺍﻥ ﮐﯽ ﻗﺪﺭ ﻭ ﻗﯿﻤﺖ ﮐﺎ ﺍﻧﺪﺍﺯﮦ ﮨﻮﮔﯿﺎ ﺗﮭﺎ ﺟﻮ ﺍُﺱ ﮐﺎ ﺗﻌﺎﺭﻑ ﺗﮭﺎ۔ ” ﻣﯿﮟ ﻧﮯ ﺗﻤﮩﯿﮟ ﺭﻭﻧﺎ ﺗﻮ ﮐﺒﮭﯽ ﻧﮩﯿﮟ ﺳﮑﮭﺎﯾﺎ ﺭﺋﯿﺴﮧ … ﻧﮧ ﮨﯽ ﺭﻭﻧﮯ ﮐﮯ ﻟﺌﮯ ﺗﻤﮩﺎﺭﯼ ﭘﺮﻭﺭﺵ ﮐﯽ ﮨﮯ۔ ” ﺳﺎﻻﺭ ﻧﮯ ﺍُﺳﮯ ﺧﻮﺩ ﺳﮯ ﺍﻟﮓ ﮐﺮﺗﮯ ﮨﻮﺋﮯ ﮐﮩﺎ۔ ﻭﮦ ﺍﺏ ﺍﭘﻨﮯ ﺁﻧﺴﻮﺅﮞ ﭘﺮ ﻗﺎﺑﻮ ﭘﺎﺭﮨﯽ ﺗﮭﯽ۔ ﺍﻭﺭ ﺍُﺱ ﻧﮯ ﺳﺎﻻﺭ ﮐﮯ ﻋﻘﺐ ﻣﯿﮟ ﮐُﮭﻠﮯ ﺩﺭﻭﺍﺯﮮ ﺳﮯ ﺣﻤﯿﻦ ﺍﻭﺭ ﺍﻣﺎﻣﮧ ﺩﻭﻧﻮﮞ ﮐﻮ ﺩﯾﮑﮭﺎ ﺗﮭﺎ۔ ” ﺁﺧﺮﯼ ﺑﺎﺭ ﺭﻭﺋﯽ ﮨﻮﮞ ﺑﺎﺑﺎ۔ ” ﺍُﺱ ﻧﮯ ﮔﯿﻠﯽ ﺁﻧﮑﮭﻮﮞ ﮐﮯ ﺳﺎﺗﮫ ﻣﺴﮑﺮﺍﺗﮯ ﮨﻮﺋﮯ ﮐﮩﻨﮯ ﮐﯽ ﮐﻮﺷﺶ ﮐﯽ ﺍﻭﺭ ﺍُﺱ ﮐﯽ ﺁﻭﺍﺯ ﭘﮭﺮ ﺑُﮭﺮّﺍ ﮔﺌﯽ۔ ۔ ” You belong to us ” ﺳﺎﻻﺭ ﻧﮯ ﺍُﺳﮯ ﺟﺘﺎﻧﮯ ﻭﺍﻟﮯ ﺍﻧﺪﺍﺯ ﻣﯿﮟ ﮐﮩﺎ۔ ” ﺍﻭﺭ ﺗﻢ ﺳﻤﺠﮭﺪﺍﺭ ﺍﻭﺭ ﺑﮩﺖ ﺑﮩﺎﺩﺭ ﮨﻮ … ﮨﻢ ﻧﮯ ﯾﮩﯽ ﺳﮑﮭﺎﯾﺎ ﮨﮯ ﺗﻤﮩﯿﮟ۔ ” ﻭﮦ ﺟﯿﺴﮯ ﺍُﺳﮯ ﯾﺎﺩ ﺩﮨﺎﻧﯽ ﮐﺮﻭﺍ ﺭﮨﺎ ﺗﮭﺎ۔ ﻭﮦ ﺳﺮ ﮨﻼﻧﮯ ﻟﮕﯽ ﺗﮭﯽ۔ ﺯﻧﺪﮔﯽ ﻣﯿﮟ ﮐﺒﮭﯽ ﮐﻮﺋﯽ ﺍﯾﺴﺎ ﻣﻮﻗﻊ ﺁﺗﺎ ﺟﺐ ﻭﮦ ﺍُﻧﮩﯿﮟ ﺍﭘﻨﯽ ﺍﺣﺴﺎﻥ ﻣﻨﺪﯼ ﺩﮐﮭﺎ ﺳﮑﺘﯽ ﺗﻮ ﺍُﻧﮩﯿﮟ ﺑﺘﺎﺗﯽ ﮐﮧ ﺍﭘﻨﮯ ﺣﻘﯿﻘﯽ ﺑﺎﭖ ﺳﮯ ﻣﻠﻨﮯ ﮐﮯ ﺑﻌﺪ ﺍُﺳﮯ ﭘﮩﻠﯽ ﺑﺎﺭ ﯾﮧ ﺍﺣﺴﺎﺱ ﮨﻮﺍ ﺗﮭﺎ ﮐﮧ ﻭﮦ ﺑﮯ ﺣﺪ ﺧﻮﺵ ﻗﺴﻤﺖ ﺗﮭﯽ۔ ﻭﺍﻗﻌﯽ ﺧﻮﺵ ﻗﺴﻤﺖ ﺗﮭﯽ ﮐﮧ ﻭﮦ ﺳﺎﻻﺭ ﺳﮑﻨﺪﺭ ﮐﮯ ﺧﺎﻧﺪﺍﻥ ﮐﺎ ﺣﺼّﮧ ﺑﻨﯽ ﺗﮭﯽ، ﺍُﺳﮯ ﻭﮦ own ﮐﺮﺗﮯ ﺗﮭﮯ۔ ٭٭٭٭ 9:15 ﻣﻨﭧ ﭘﺮ ﺑﺎﻵﺧﺮ ﻟﻔﭧ ﮐﺎ ﺩﺭﻭﺍﺯﮦ ﮐﮭﻼ ﺗﮭﺎ ﺍﻭﺭ ﺣﻤﯿﻦ ﺳﮑﻨﺪﺭ ﺍﭘﻨﮯ ﺩﻭ ﺫﺍﺗﯽ ﻣﺤﺎﻓﻈﻮﮞ ﮐﮯ ﭘﯿﭽﮭﮯ ﺑﺎﮨﺮ ﻧﮑﻼ ﺗﮭﺎ، ﺍُﺱ ﮐﮯ ﭘﯿﭽﮭﮯ ﺍُﺱ ﮐﮯ ﻋﻤﻠﮯ ﮐﮯ ﺑﺎﻗﯽ ﺍﻓﺮﺍﺩ ﺑﺎﻗﯽ ﺗﮭﮯ۔ ﮐﻮﺭﯾﮉﻭﺭ ﻣﯿﮟ ﭘﺮﯾﺲ ﻓﻮﭨﻮ ﮔﺮﺍﻓﺮﺯ ﺍﻭﺭ ﭼﯿﻨﻠﺰ ﮐﮯ ﺍﻓﺮﺍﺩ ﺑﮭﯽ ﺗﮭﮯ ﺟﻮ ﮨﺮ ﺁﻧﮯ ﻭﺍﻟﯽ ﺍﮨﻢ ﺷﺨﺼﯿﺖ ﮐﯽ coverage ﮐﺮ ﺭﮨﮯ ﺗﮭﮯ، ﺍُﺱ ﺳﮯ ﭘﺎﻧﭻ ﻣﻨﭧ ﭘﮩﻠﮯ ﻭﮨﺎﮞ ﺳﮯ ﺳﺎﻻﺭ ﺳﮑﻨﺪﺭ ﮔﺰﺭ ﮐﺮ ﮔﯿﺎ ﺗﮭﺎ ﺍﻭﺭ ﺍﺏ ﻭﮦ ﻭﮨﺎﮞ ﺁﯾﺎ ﺗﮭﺎ ﺍُﺱ ﺗﻘﺮﯾﺐ ﮐﮯ ﺩﻭ ﺍﮨﻢ ﺗﺮﯾﻦ ﻟﻮﮒ … ﺑﮯ ﺣﺪ ﺗﯿﺰ ﺭﻓﺘﺎﺭﯼ ﺳﮯ ﻗﺪﻡ ﺍُﭨﮭﺎﺗﮯ ﺣﻤﯿﻦ ﺳﮑﻨﺪﺭ ﮐﻮﺭﯾﮉﻭﺭ ﻣﯿﮟ ﺍُﺱ ﮐﯽ ﺁﻣﺪ ﮐﯽ ﮐﻮﺭﯾﺞ ﮐﺮﺗﮯ ﭘﺮﯾﺲ ﻓﻮﭨﻮﮔﺮﺍﻓﺮﺯ ﭘﺮ ﻧﻈﺮ ﮈﺍﻟﺘﮯ ﺍﭘﻨﺎ ﺍﺳﺘﻘﺒﺎﻝ ﮐﺮﺗﮯ ﮨﻮﺋﮯ officials ﮐﮯ ﺳﺎﺗﮫ ﺑﮍﯼ ﺗﯿﺰﯼ ﺳﮯ ﺑﯿﻨﮑﻮﺋﯿﭧ ﮨﺎﻝ ﮐﮯ ﺩﺍﺧﻠﯽ ﺩﺭﻭﺍﺯﮮ ﮐﯽ ﻃﺮﻑ ﺟﺎﺭﮨﺎ ﺗﮭﺎ، ﺟﺐ ﺍُﺳﮯ ﯾﮏ ﺩﻡ ﺍﭘﻨﮯ ﻋﻘﺐ ﻣﯿﮟ ﺁﺗﮯ ﺍﭘﻨﯽ ﭨﯿﻢ ﮐﮯ ﺍﯾﮏ ﻣﻤﺒﺮ ﺳﮯ ﮐﭽﮫ ﭘﻮﭼﮭﻨﮯ ﮐﺎ ﺧﯿﺎﻝ ﺗﮭﺎ … ﺍﭘﻨﮯ Chief Finance Strategist ﺳﮯ … ﻭﮦ ﻟﻤﺤﮧ ﺑﮭﺮ ﮐﮯ ﻟﺌﮯ ﺭُﮐﺎ، ﭘﻠﭩﺎ ﺍﻭﺭ ﺍﺱ ﺳﮯ ﭘﮩﻠﮯ ﮐﮧ ﻭﮦ ﮐﭽﮫ ﮐﮩﮧ ﭘﺎﺗﺎ ﺍُﺱ ﻧﮯ ﺍﭘﻨﯽ ﮔﺮﺩﻥ ﮐﯽ ﭘﺸﺖ ﻣﯿﮟ ﮐﻮﺋﯽ ﺳﻼﺥ ﮔﮭﺴﺘﯽ ﻣﺤﺴﻮﺱ ﮨﻮﺋﯽ ﺗﮭﯽ۔ ﭘﮭﺮ ﺷﯿﺸﮧ ﭨﻮﭨﻨﮯ ﮐﯽ ﺁﻭﺍﺯﯾﮟ ﺍﻭﺭ ﭘﮭﺮ ﭼﯿﺨﻮﮞ ﮐﯽ ﺍﻭﺭ ﭘﮭﺮ ﮐﻮﺋﯽ ﺍُﺳﮯ ﺯﻣﯿﻦ ﭘﺮ ﮔﺮﺍﺗﺎ ﮨﻮﺍ ﺍُﺱ ﭘﺮ ﻟﯿﭩﺎ ﺗﮭﺎ۔ ﭘﮭﺮ ﮐﻮﺋﯽ ﭼﯿﺨﺎ ﺗﮭﺎ۔ ” ﺳﺎﻣﻨﮯ ﻭﺍﻟﯽ ﺑﻠﮉﻧﮓ ﺳﮯ ﮔﻮﻟﯽ ﭼﻼﺋﯽ ﮔﺌﯽ ﮨﮯ۔ ” ﺍﻭﺭ ﺍُﺱ ﻭﻗﺖ ﭘﮩﻠﯽ ﺑﺎﺭ ﺣﻤﯿﻦ ﮐﻮ ﺍﺣﺴﺎﺱ ﮨﻮﺍ ﺍُﺱ ﮐﯽ ﮔﺮﺩﻥ ﮐﯽ ﭘﺸﺖ ﭘﺮ ﮐﯿﺎ ﮨﻮﺍ ﺗﮭﺎ۔ ﺗﮑﻠﯿﻒ ﺷﺪﯾﺪ ﺗﮭﯽ، ﻟﯿﮑﻦ ﺗﮑﻠﯿﻒ ﻧﺎﻗﺎﺑﻞِ ﺑﺮﺩﺍﺷﺖ ﺗﮭﯽ۔ ﻭﮦ ﺣﻮﺍﺱ ﻣﯿﮟ ﺗﮭﺎ … ﺳﺐ ﮐﭽﮫ ﺳُﻦ ﺭﮨﺎ ﺗﮭﺎ … ﺍُﺳﮯ ﺍﺏ ﺯﻣﯿﻦ ﭘﮧ ﮨﯽ ﮔﮭﺴﯿﭩﺘﮯ ﺍُﺱ ﮐﯽ ﺳﯿﮑﻮﺭﭨﯽ ﭨﯿﻢ ﻭﮨﺎﮞ ﺳﮯ ﻟﻔﭧ ﮐﯽ ﻃﺮﻑ ﻟﮯ ﺟﺎ ﺭﮨﯽ ﺗﮭﯽ ﺍﻭﺭ ﺍُﺱ ﻭﻗﺖ ﺣﻤﯿﻦ ﮐﻮ ﭘﮩﻠﯽ ﺑﺎﺭ ﺳﺎﻻﺭ ﺳﮑﻨﺪﺭ ﮐﺎ ﺧﯿﺎﻝ ﺁﯾﺎ ﺗﮭﺎ ﺍﻭﺭ ﺍُﺱ ﮐﺎ ﺩﻝ ﺍﻭﺭ ﺩﻣﺎﻍ ﺑﯿﮏ ﻭﻗﺖ ﮈﻭﺑﮯ ﺗﮭﮯ۔ ٭٭٭٭ ﺳﺎﻻﺭ ﺳﮑﻨﺪﺭ ﻧﮯ ﺑﯿﻨﮑﻮﺋﯿﭧ ﮨﺎﻝ ﻣﯿﮟ ﺳﭩﯿﺞ ﭘﺮ ﺭﮐﮭﯽ ﺍﭘﻨﯽ ﻧﺸﺴﺖ ﭘﺮ ﺑﯿﭩﮭﮯ ﮨﻮﺋﮯ ﺍﭘﻨﯽ ﺗﻘﺮﯾﺮ ﮐﮯ notes ﭘﺮ ﺍﯾﮏ ﻧﻈﺮ ﮈﺍﻟﺘﮯ ﮨﻮﺋﮯ ﺍُﺱ ﺑﯿﻨﮑﻮﺋﯿﭧ ﮨﺎﻝ ﮐﯽ ﺩﺍﺧﻠﯽ ﺩﺭﻭﺍﺯﮮ ﮐﮯ ﺑﺎﻟﻤﻘﺎﺑﻞ ﺍﯾﮏ ﮐﮭﮍﮐﯽ ﮐﮯ ﺷﯿﺸﮯ ﭨﻮﭨﻨﮯ ﮐﯽ ﺁﻭﺍﺯ ﺳُﻨﯽ ﺗﮭﯽ۔ ﺍُﺱ ﻧﮯ ﺑﮯ ﯾﻘﯿﻨﯽ ﺳﮯ ﺑﮩﺖ ﺩﻭﺭ ﺍُﺱ ﺷﯿﺸﮯ ﮐﯽ ﮔﺮﺗﯽ ﮐﺮﭼﯿﺎﮞ ﺩﯾﮑﮭﯽ ﺗﮭﯿﮟ۔ ﻭﮦ ﺳﺎﺅﻧﮉ ﭘﺮﻭﻑ، ﺑﻠﭧ ﭘﺮﻭﻑ ﺷﯿﺸﮯ ﺗﮭﮯٍ۔ ﭨﻮﭦ ﮐﯿﺴﮯ ﺭﮨﮯ ﺗﮭﮯ؟ ﺍﯾﮏ ﻟﻤﺤﮧ ﮐﮯ ﻟﺌﮯ ﺍُﺱ ﻧﮯ ﺳﻮﭼﺎ ﺗﮭﺎ ﺍﻭﺭ ﭘﮭﺮ ﺍُﺱ ﻧﮯ ﮨﺎﻝ ﮐﮯ ﻋﻘﺒﯽ ﺣﺼّﮯ ﺍﻭﺭ ﺑﺎﮨﺮ ﮐﻮﺭﯾﮉﻭﺭ ﻣﯿﮟ ﺷﻮﺭ ﺳُﻨﺎ ﺗﮭﺎ ﺍﻭﺭ ﺍﺱ ﺳﮯ ﭘﮩﻠﮯ ﻭﮦ ﮐﭽﮫ ﺳﻤﺠﮫ ﺳﮑﺘﺎ، ﺍُﺱ ﺳﻤﯿﺖ ﺳﭩﯿﺞ ﭘﺮ ﺑﯿﭩﮭﮯ ﮨﻮﺋﮯ ﻟﻮﮔﻮﮞ ﮐﻮ ﺳﯿﮑﻮﺭﭨﯽ ﮔﺎﺭﮈﺯ ﻧﮯ ﮐﻮﺭ ﮐﺮﺗﮯ ﮨﻮﺋﮯ ﺳﭩﯿﺞ ﮐﮯ ﻋﻘﺐ ﻣﯿﮟ ﮐﮭﯿﻨﭽﺘﮯ ﮨﻮﺋﮯ ﻓﺮﺵ ﭘﺮ ﻟﯿﭩﻨﮯ ﮐﺎ ﮐﮩﮧ ﺭﮨﺎ ﺗﮭﺎ۔ ﮨﺎﻝ ﻣﯿﮟ ﺍﺏ ﺷﻮﺭ ﺗﮭﺎ۔ ﮔﺎﺭﮈﺯ ﭼِﻠّﺎ ﭼِﻠّﺎ ﮐﺮ orders ﺩﮮ ﺭﮨﮯ ﺗﮭﮯ ﺍﻭﺭ ﺟﺲ ﺟﺲ ﺍﮨﻢ ﺷﺨﺼﯿﺖ ﮐﮯ ﺳﺎﺗﮫ ﻭﮦ ﺳﯿﮑﻮﺭﭨﯽ ﭘﺮ ﻣﺎﻣﻮﺭ ﺗﮭﮯ۔ ﻭﮦ ﺍُﺳﮯ cover ﮐﺮﻧﮯ ﻣﯿﮟ ﻣﺼﺮﻭﻑ ﺗﮭﮯ۔ ﻭﮨﺎﮞ ﻣﻮﺟﻮﺩ ﮨﺮ ﺷﺨﺺ ﺧﺎﺹ ﺗﮭﺎ، ﺍﮨﻢ ﺗﮭﺎ۔ ﻭﮦ ﺩُﻧﯿﺎ ﮐﮯ ﺑﮩﺘﺮﯾﻦ ﺍﺛﺎﺛﻮﮞ ﮐﺎ ﻣﺠﻤﻊ ﺗﮭﺎ، ﺟﻮ ﺍﺏ ﺯﻧﺪﮔﯽ ﺑﭽﺎﻧﮯ ﮐﯽ ﺟﺪﻭﺟﮩﺪ ﻣﯿﮟ ﻣﺼﺮﻭﻑ ﺗﮭﮯ ﺍﻭﺭ ﻭﮨﺎﮞ ﺯﻣﯿﻦ ﭘﺮ ﺍﻭﻧﺪﮬﮯ ﻣﻨﮧ ﻟﯿﭩﮯ ﺳﺎﻻﺭ ﮐﻮ ﺣﻤﯿﻦ ﮐﺎ ﺧﯿﺎﻝ ﺁﯾﺎ ﺗﮭﺎ ﺍﻭﺭ ﺍُﺱ ﮐﺎ ﺩﻝ ﮐﺴﯽ ﻧﮯ ﻣﭩﮭﯽ ﻣﯿﮟ ﻟﯿﺎ ﺗﮭﺎ۔ ﮨﺎﻝ ﻣﯿﮟ ﺍُﺱ ﮐﮯ ﺑﻌﺪ ﺣﻤﯿﻦ ﺳﮑﻨﺪﺭ ﮐﻮ ﺩﺍﺧﻞ ﮨﻮﻧﺎ ﺗﮭﺎ۔ ﺍﻭﺭ ﻭﮦ ﻧﮩﯿﮟ ﺁﯾﺎ ﺗﮭﺎ … ﺗﻮ ﮐﯿﺎ ﯾﮧ ﺣﻤﻠﮧ ﺍُﺱ ﭘﺮ … ﻭﮦ ﺳﻮﭺ ﻧﮩﯿﮟ ﺳﮑﺎ، ﻭﮦ ﺯﻣﯿﻦ ﺳﮯ ﺍُﭨﮫ ﮔﯿﺎ … ﮔﺎﺭﮈﺯ ﻧﮯ ﺍُﺳﮯ ﺭﻭﮐﻨﮯ ﮐﯽ ﮐﻮﺷﺶ ﮐﯽ … ﺍُﺱ ﻧﮯ ﺍُﻧﮩﯿﮟ ﺩﮬﮑﺎ ﺩﯾﺎ ﺍﻭﺭ ﭼِﻠّﺎﯾﺎ Go” ”…away ﻭﮦ ﺍُﺱ ﮐﮯ ﭘﯿﭽﮭﮯ ﻟﭙﮑﮯ ﺗﮭﮯ۔ ﻭﮦ ﺯﻣﯿﻦ ﭘﺮ ﻟﯿﭩﮯ ﻟﻮﮔﻮﮞ ﮐﻮ ﭘﮭﻼﻧﮕﺘﺎ، ﮐﮭﮍﮮ ﮔﺎﺭﮈﺯ ﺳﮯ ﭨﮑﺮﺍﺗﺎ ﺩﺍﺧﻠﯽ ﺩﺭﻭﺍﺯﮮ ﺗﮏ ﺁ ﮔﯿﺎ ﺗﮭﺎ ﺟﻮ ﺍﺱ ﻭﻗﺖ ﺳﯿﮑﻮﺭﭨﯽ ﺁﻓﯿﺸﻠﺰ ﺳﮯ ﺑﮭﺮﺍ ﮨﻮﺍ ﺗﮭﺎ … ﺍﻭﺭ ﺍﺱ ﮨﺠﻮﻡ ﻣﯿﮟ ﺑﮭﯽ ﺍُﺱ ﻧﮯ ﺭﯾﺴﭙﺸﻦ ﺭﻧﺮ ﮐﮯ ﺳﺎﺗﮫ ﺳﻔﯿﺪ ﻣﺎﺭﺑﻞ ﮐﮯ ﻓﺮﺵ ﭘﺮ ﺧﻮﻥ ﮐﮯ ﺩﮬﺒﮯ ﺩﯾﮑﮭﮯ ﺗﮭﮯ ﺟﻮ ﭘﻮﺭﮮ ﻓﺮﺵ ﭘﺮ ﻟﻔﭧ ﺗﮏ ﮔﺌﮯ ﺗﮭﮯ۔ ” ﮐﺲ ﮐﻮ ﮔﻮﻟﯽ ﻟﮕﯽ ﮨﮯ؟ ” ﺍُﺱ ﻧﮯ ﺍﭘﻨﮯ ﺳﺮﺩ ﮨﻮﺗﮯ ﻭﺟﻮﺩ ﮐﮯ ﺳﺎﺗﮫ ﻭﮨﺎﮞ ﺍﯾﮏ ﺳﯿﮑﻮﺭﭨﯽ ﺁﻓﯿﺸﻞ ﮐﺎ ﮐﻨﺪﮬﺎ ﭘﮑﮍ ﮐﺮ ﭘﻮﭼﮭﺎ۔ ” ﺣﻤﯿﻦ ﺳﮑﻨﺪﺭ۔ ” ﺳﺎﻻﺭ ﮐﮯ ﭘﯿﺮﻭﮞ ﺳﮯ ﺟﺎﻥ ﻧﮑﻞ ﮔﺌﯽ ﺗﮭﯽ، ﻭﮦ ﻟﮍﮐﮭﮍﺍﯾﺎ ﺗﮭﺎ۔ ﺍُﻥ ﺩﻭﻧﻮﮞ ﺳﯿﮑﻮﺭﭨﯽ ﮔﺎﺭﮈﺯ ﻧﮯ ﺍُﺳﮯ ﺳﻨﺒﮭﺎﻻ۔ ۔ ?” Is he alive ” ﺍُﺱ ﻧﮯ ﺍُﺱ ﺳﯿﮑﻮﺭﭨﯽ ﺍﮨﻠﮑﺎﺭ ﺳﮯ ﺩﻭﺑﺎﺭﮦ ﭘﻮﭼﮭﺎ۔ ﺟﻮﺍﺏ ﻧﮩﯿﮟ ﺁﯾﺎ۔ ٭٭٭٭ ﺍﻣﺎﻣﮧ ﺍُﺱ ﮨﻮﭨﻞ ﮐﮯ ﺳﺎﺗﻮﯾﮟ ﻓﻠﻮﺭ ﭘﺮ ﺳﺎﻻﺭ ﺳﮑﻨﺪﺭ ﮐﮯ ﮐﻤﺮﮮ ﻣﯿﮟ ﺗﮭﮯ۔ ﻭﮦ ﺍﯾﮏ suite ﺗﮭﺎ ﺍﻭﺭ ﺍُﻥ ﮐﮯ ﺑﺮﺍﺑﺮ ﮐﮯ ﮐﻤﺮﮮ ﻣﯿﮟ ﺣﻤﯿﻦ ﺭﮦ ﺭﮨﺎ ﺗﮭﺎ۔ ﺍﻣﺮﯾﮑﮧ ﺷﻔﭧ ﮨﻮﺟﺎﻧﮯ ﮐﮯ ﺑﻌﺪ ﺍﻣﺎﻣﮧ ﺳﺎﻻﺭ ﮐﮯ ﮨﺮ ﺳﻔﺮ ﻣﯿﮟ ﺍُﺱ ﮐﮯ ﺳﺎﺗﮫ ﺟﺎﺭﮨﯽ ﺗﮭﯽ۔ ﺍﺱ ﺳﻔﺮ ﻣﯿﮟ ﺣﻤﯿﻦ ﺑﮭﯽ ﺍُﻥ ﮐﮯ ﺳﺎﺗﮫ ﺗﮭﺎ۔ ﻭﮦ ﺍُﺱ ﮨﯽ ﮐﮯ ﺫﺍﺗﯽ ﻃﯿّﺎﺭﮮ ﭘﺮ ﺁﺋﮯ ﺗﮭﮯ … ﺍﻓﺮﯾﻘﮧ ﻭﮦ ﺩﻭ ﺩﮨﺎﺋﯿﻮﮞ ﺳﮯ ﺑﮭﯽ ﺯﯾﺎﺩﮦ ﻋﺮﺻﮯ ﮐﮯ ﺑﻌﺪ ﺁﺋﯽ ﺗﮭﯽ ﺍﻭﺭ ﺍﺱ ﺑﺎﺭ ﻭﮦ Congo ﺑﮭﯽ ﺟﺎﻧﺎ ﭼﺎﮨﺘﮯ ﺗﮭﮯ … ﺍﭘﻨﯽ ﭘﺮﺍﻧﯽ ﯾﺎﺩﯾﮟ ﺗﺎﺯﮦ ﮐﺮﻧﮯ ﮐﮯ ﻟﺌﮯ … ﺍُﻥ ﺗﯿﻨﻮﮞ ﻧﮯ ﮐﭽﮫ ﺩﯾﺮ ﭘﮩﻠﮯ ﺍﮐﭩﮭﮯ ﮨﯽ ﮐﻤﺮﮮ ﻣﯿﮟ ﻧﺎﺷﺘﮧ ﮐﯿﺎ ﺗﮭﺎ … ﺍﺱ ﮐﺎﻧﻔﺮﻧﺲ ﮐﮯ ﺑﻌﺪ ﻭﮦ ﺳﮧ ﭘﮩﺮ ﮐﻮ ﮐﻨﺸﺎﺳﺎ ﺟﺎﻧﮯ ﻭﺍﻟﮯ ﺗﮭﮯ ﺍﻭﺭ ﺍﻣﺎﻣﮧ ﺍُﺱ ﻭﻗﺖ ﺍﭘﻨﯽ ﭘﯿﮑﻨﮓ ﻣﯿﮟ ﻣﺼﺮﻭﻑ ﺗﮭﯽ۔ ﻭﮦ ﮐﭽﮫ ﺩﯾﺮ ﭘﮩﻠﮯ ﺍُﺱ suite ﻣﯿﮟ ﺍﭘﻨﮯ ﺍﻭﺭ ﺣﻤﯿﻦ ﮐﮯ ﺑﯿﮉﺭﻭﻣﺰ ﮐﺎ ﺩﺭﻣﯿﺎﻧﯽ ﺩﺭﻭﺍﺯﮦ ﮐﮭﻮﻝ ﮐﺮ ﺍُﺱ ﮐﺎﺳﺎﻣﺎﻥ ﺑﮭﯽ ﭘﯿﮏ ﮐﺮ ﺁﺋﯽ ﺗﮭﯽ، ﺍﭘﻨﮯ ﺑﯿﮓ ﮐﯽ ﺯﭖ ﺑﻨﺪ ﮐﺮﺗﮯ ﮨﻮﺋﮯ ﺍُﺱ ﻧﮯ ﺍﭘﻨﮯ ﮐﻤﺮﮮ ﮐﮯ ﺩﺭﻭﺍﺯﮮ ﭘﺮ ﺯﻭﺭﺩﺍﺭ ﺩﺳﺘﮏ ﺳُﻨﯽ ﺗﮭﯽ۔ ﻭﮦ ﺑُﺮﯼ ﻃﺮﺡ ﮨﮍﺑﮍﺍﺋﯽ ، ﭘﮭﺮ ﺍُﺱ ﻧﮯ ﺟﺎﮐﺮ ﺩﺭﻭﺍﺯﮦ ﮐﮭﻮﻻ … ﭘﻮﺭﺍ ﮐﻮﺭﯾﮉﻭﺭ ﺳﯿﮑﻮﺭﭨﯽ ﺁﻓﯿﺸﻠﺰ ﺳﮯ ﺑﮭﺮﺍ ﮨﻮﺍ ﺗﮭﺎ ﺍﻭﺭ ﻭﮦ ﺗﻘﺮﯾﺒﺎً ﮨﺮ ﮐﻤﺮﮮ ﮐﮯ ﺩﺭﻭﺍﺯﮮ ﭘﺮ ﺗﮭﮯ۔ ” ﺁﭖ ﭨﮭﯿﮏ ﮨﯿﮟ؟ ” ﺍُﻥ ﻣﯿﮟ ﺳﮯ ﺍﯾﮏ ﻧﮯ ﭘﻮﭼﮭﺎ۔ ” ﮨﺎﮞ … ﮐﯿﻮﮞ؟ ” ﺍُﺱ ﻧﮯ ﺣﯿﺮﺍﻧﯽ ﺳﮯ ﮐﮩﺎ۔ ﻭﮦ ﺩﻭﻧﻮﮞ ﺑﮍﯼ ﺗﮩﺬﯾﺐ ﺳﮯ ﺍُﺳﮯ ﮨﭩﺎﺗﮯ ﮨﻮﺋﮯ ﺍﻧﺪﺭ ﭼﻠﮯ ﺁﺋﮯ ﺗﮭﮯ ﺍﻭﺭ ﺍُﻧﮩﻮﮞ ﻧﮯ ﺍﻧﺪﺭ ﺁﺗﮯ ﮨﯽ ﮐﮭﮍﮐﯽ ﮐﮯ ﮐﮭﻠﮯ ﮨﻮﺋﮯ ﺑﻼﺋﻨﮉﺯ ﺑﻨﺪ ﮐﺌﮯ ﺗﮭﮯ۔ ﭘﮭﺮ ﺍُﻥ ﻣﯿﮟ ﺳﮯ ﺍﯾﮏ ﺣﻤﯿﻦ ﮐﮯ ﮐﻤﺮﮮ ﮐﺎ ﺩﺭﻭﺍﺯﮦ ﮐﮭﻮﻝ ﮐﺮ ﺍﻧﺪﺭ ﭼﻼ ﮔﯿﺎ ﺗﮭﺎ ﺍﻭﺭ ﮐﭽﮫ ﺩﯾﺮ ﺑﻌﺪ ﻟﻮﭨﺎ۔ ” ﮐﯿﺎ ﺑﺎﺕ ﮨﮯ؟ ” ﺍﻣﺎﻣﮧ ﺍﺏ ﺷﺪﯾﺪ ﺗﺸﻮﯾﺶ ﮐﺎ ﺷﮑﺎﺭ ﮨﻮﺋﯽ ﺗﮭﯽ۔ ” ﺍﯾﮏ ﺍﯾﻤﺮﺟﻨﺴﯽ ﮨﻮ ﮔﺌﯽ ﮨﮯ … ﺁﭖ ﮐﻤﺮﮮ ﺳﮯ ﺑﺎﮨﺮ ﻣﺖ ﻧﮑﻠﯿﮟ … ﺍﮔﺮ ﮐﭽﮫ ﻣﺴﺌﻠﮧ ﮨﻮ ﺗﻮ ﮨﻤﯿﮟ ﺑﺘﺎ ﺩﯾﮟ۔ ” ﺍُﻥ ﻣﯿﮟ ﺳﮯ ﺍﯾﮏ ﺍُﺳﮯ ﮐﮩﮧ ﺭﮨﺎ ﺗﮭﺎ ﺩﻭﺳﺮﺍ ﺍُﺱ ﮐﺎ ﺑﺎﺗﮫ ﺭﻭﻡ ﺍﻭﺭ ﻭﺍﺭﮈﺭﻭﺏ ﺑﺮﻕ ﺭﻓﺘﺎﺭﯼ ﺳﮯ ﭼﯿﮏ ﮐﺮ ﺁﯾﺎ ﺗﮭﺎ۔ ﻭﮦ ﺟﺲ ﺗﯿﺰ ﺭﻓﺘﺎﺭﯼ ﺳﮯ ﺁﺋﮯ ﺗﮭﮯ، ﺍُﺱ ﮨﯽ ﺗﯿﺰ ﺭﻓﺘﺎﺭﯼ ﺳﮯ ﺑﺎﮨﺮ ﻧﮑﻞ ﮔﺌﮯ ﺗﮭﮯ … ﺍﻣﺎﻣﮧ ﮐﻮ ﺟﯿﺴﮯ panic attack ﮨﻮﺍ ﺗﮭﺎ۔ ﻭﮦ ﺳﺎﻻﺭ ﺍﻭﺭ ﺣﻤﯿﻦ ﮐﻮ ﺍُﺱ ﻭﻗﺖ ﻓﻮﻥ ﻧﮩﯿﮟ ﮐﺮ ﺳﮑﺘﯽ ﺗﮭﯽ ﮐﯿﻮﮞ ﮐﮧ ﻓﻮﻥ ﺳﺮﻭﺱ ﺍُﺱ ﻭﻗﺖ ﮐﺎﻡ ﻧﮩﯿﮟ ﮐﺮ ﺭﮨﯽ ﺗﮭﯽ، ﻣﮕﺮ ﺍُﺱ ﻧﮯ TV ﺁﻥ ﮐﺮ ﻟﯿﺎ ﺗﮭﺎ، ﺟﮩﺎﮞ ﭘﺮ ﻟﻮﮐﻞ ﺍﻭﺭ ﺑﯿﻦ ﺍﻻﻗﻮﺍﻣﯽ ﭼﯿﻨﻠﺰ ﺍﺱ ﮐﺎﻧﻔﺮﻧﺲ ﮐﯽ ﻻﺋﯿﻮ ﮐﻮﺭﯾﺞ ﮐﺮﻧﮯ ﻣﯿﮟ ﻣﺼﺮﻭﻑ ﺗﮭﮯ۔ ﺍﺳﮑﺮﯾﻦ ﭘﺮ ﭘﮩﻠﯽ ﺗﺼﻮﯾﺮ ﺍُﺑﮭﺮﺗﮯ ﮨﯽ ﺍﻣﺎﻣﮧ ﮐﮭﮍﯼ ﻧﮩﯿﮟ ﺭﮦ ﺳﮑﯽ، ﻭﮦ ﺻﻮﻓﮧ ﭘﺮ ﺑﯿﭩﮫ ﮔﺌﯽ TV ﮐﯽ ﺍﺳﮑﺮﯾﻦ ﭘﺮ ﻭﮦ ﭨﻮﭨﯽ ﮨﻮﺋﯽ ﮐﮭﮍﮐﯽ ﺗﮭﯽ … ﺍﻭﺭ ﺑﯿﻨﮑﻮﺋﯿﭧ ﮨﺎﻝ ﮐﮯ ﺑﺎﮨﺮ ﮨﻮﺍ ﺳﮯ ﮈﺭﻭﻥ ﮐﯿﻤﺮﻭﮞ ﮐﮯ ﺫﺭﯾﻌﮯ ﻓﻀﺎﺋﯽ ﻣﻨﺎﻇﺮ ﺩﮐﮭﺎﺋﮯ ﺟﺎﺭﮨﮯ ﺗﮭﮯ … ﺳﮑﺮﯾﻦ ﭘﺮ caption ﺑﺎﺭ ﺑﺎﺭ ﻧﻤﻮﺩﺍﺭ ﮨﻮ ﺭﮨﺎ ﺗﮭﺎ … ﺟﻮ ﺍُﺱ ﮔﻠﻮﺑﻞ ﮐﺎﻧﻔﺮﻧﺲ ﭘﺮ ﮨﻮﻧﮯ ﻭﺍﻟﮯ ﺣﻤﻠﮯ ﺍﻭﺭ ﻓﺎﺋﺮﻧﮓ ﮐﯽ ﺧﺒﺮ ﺑﺮﯾﮑﻨﮓ ﻧﯿﻮﺯ ﮐﯽ ﻃﺮﺡ ﺳﮯ ﭼﻼ ﺭﮨﮯ ﺗﮭﮯ … ﻣﮕﺮ ﯾﮧ ﻭﮦ caption ﻧﮩﯿﮟ ﺗﮭﺎ ﺟﺲ ﻧﮯ ﺍﻣﺎﻣﮧ ﮐﻮ ﺑﺪﺣﻮﺍﺱ ﮐﯿﺎ ﺗﮭﺎ … ﻭﮦ ﺩﻭﺳﺮﺍ ticker ﺗﮭﺎ ﺟﻮ ﺑﺎﺭ ﺑﺎﺭ ﺁﺭﮨﺎ ﺗﮭﺎ۔ ۔ TAI ﮐﮯ ﺳﺮﺑﺮﺍﮦ ﺣﻤﯿﻦ ﺳﮑﻨﺪﺭ ﺍﺱ ﺣﻤﻠﮯ ﻣﯿﮟ ﺷﺪﯾﺪ ﺯﺧﻤﯽ۔ ﺍﻣﺎﻣﮧ ﮐﻮ ﻟﮕﺎ ﺍُﺳﮯ ﺳﺎﻧﺲ ﺁﻧﺎ ﺑﻨﺪ ﮨﻮ ﮔﯿﺎ ﺗﮭﺎ۔ ﺍُﺱ ﻧﮯ ﺍُﭨﮭﻨﮯ ﮐﯽ ﮐﻮﺷﺶ ﮐﯽ … ﻭﮦ ﺍُﭨﮫ ﻧﮩﯿﮟ ﺳﮑﯽ … ﺍُﺱ ﻧﮯ ﭼﯿﺨﻨﮯ ﮐﯽ ﮐﻮﺷﺶ ﮐﯽ ﺗﮭﯽ، ﻭﮦ ﻭﮦ ﺑﮭﯽ ﻧﮩﯿﮟ ﮐﺮ ﺳﮑﯽ … ﺍﻓﺮﯾﻘﮧ ﺍُﺱ ﮐﮯ ﻟﺌﮯ ﻣﻨﺤﻮﺱ ﺗﮭﺎ۔ ﺍُﺱ ﻧﮯ ﺳﻮﭼﺎ ﺗﮭﺎ ﺍﻭﺭ ﺍﭘﻨﮯ ﮐﻤﺮﮮ ﮐﮯ ﺩﺭﻭﺍﺯﮮ ﭘﺮ ﺍُﺱ ﻧﮯ ﺩﮬﮍﺩﮬﮍﺍﮨﭧ ﺳُﻨﯽ ﺍﻭﺭ ﭘﮭﺮ ﺍُﺱ ﻧﮯ ﺣﻤﯿﻦ ﺳﮑﻨﺪﺭ ﮐﮯ ﮐﻤﺮﮮ ﮐﺎ ﺩﺭﻭﺍﺯﮦ ﮐُﮭﻠﺘﮯ ﺩﯾﮑﮭﺎ۔ ٭٭٭٭ ﺳﺎﻻﺭ ﺳﮑﻨﺪﺭ ﮐﻮ ﺳﯿﮑﻮﺭﭨﯽ ﺁﻓﯿﺸﻠﺰ ﺭﻭﮎ ﻧﮩﯿﮟ ﭘﺎﺋﮯ ﺗﮭﮯ … ﭘﮑﮍﻧﮯ، ﺳﻤﺠﮭﺎﻧﮯ، ﺁﮔﮯ ﺟﺎﻧﮯ ﺳﮯ ﺭﻭﮐﻨﮯ ﮐﯽ ﮐﻮﺷﺶ ﮐﮯ ﺑﺎﻭﺟﻮﺩ … ﻭﮦ ﺑﺮﻕ ﺭﻓﺘﺎﺭﯼ ﺳﮯ ﺍُﻥ ﭼﺎﺭ lifts ﻣﯿﮟ ﺳﮯ ﺍُﺱ ﻟﻔﭧ ﮐﯽ ﻃﺮﻑ ﮔﯿﺎ ﺗﮭﺎ ﺟﺲ ﻃﺮﻑ ﺧﻮﻥ ﮐﮯ ﻭﮦ ﺩﮬﺒﮯ ﮔﺌﮯ ﺗﮭﮯ۔ ﺳﯿﮑﻮﺭﭨﯽ ﺁﻓﯿﺸﻠﺰ ﺍﺏ ﺍُﺳﮯ ﻋﻘﺐ ﺳﮯ ﮐﻮﺭ ﮐﺮ ﺭﮨﮯ ﺗﮭﮯ۔ ﻭﮦ ﺍُﺳﯽ ﮐﮭﮍﮐﯽ ﮐﮯ ﺳﺎﻣﻨﮯ ﺧﻮﺩ ﮐﻮ ﺍﯾﮏ ﺑﺎﺭ ﭘﮭﺮ expose ﮐﺮ ﺭﮨﺎ ﺗﮭﺎ ﺟﮩﺎﮞ ﺍﺏ ﺷﯿﺸﮧ ﻧﮩﯿﮟ ﺗﮭﺎ ﺍﻭﺭ ﺍُﺱ ﮐﮯ ﺳﺎﻣﻨﮯ ﮐﯽ ﻋﻤﺎﺭﺕ ﺳﮯ ﻓﺎﺋﺮﻧﮓ ﮨﻮﺋﯽ ﺗﮭﯽ … ﺳﺎﻣﻨﮯ ﻭﺍﻟﯽ ﻋﻤﺎﺭﺕ ﮐﻮ ﺍﺏ ﮔﮭﯿﺮﮮ ﻣﯿﮟ ﻟﯿﺎ ﺟﺎ ﺭﮨﺎ ﺗﮭﺎ ﺍﻭﺭ ﺟﺐ ﺗﮏ ﻭﮨﺎﮞ security clearance ﻧﮩﯿﮟ ﮨﻮ ﺟﺎﺗﯽ ﻭﮦ ﮨﺎﻝ ﺳﮯ ﮐﺴﯽ ﮐﻮ ﺍﯾﮏ ﺑﺎﺭ ﭘﮭﺮ ﺍُﻥ ﮐﮭﮍﮐﯿﻮﮞ ﮐﮯ ﺳﺎﻣﻨﮯ ﺳﮯ ﮔﺰﺭ ﮐﺮ lifts ﺗﮏ ﺟﺎﻧﮯ ﮐﺎ ﺧﻄﺮﮦ ﻣﻮﻝ ﻟﯿﻨﺎ ﻧﮩﯿﮟ ﭼﺎﮨﺘﮯ ﺗﮭﮯ … ﻣﮕﺮ ﺳﺎﻻﺭ ﺳﮑﻨﺪﺭ ﮐﻮ ﻭﮦ ﮐﻮﺷﺶ ﮐﮯ ﺑﺎﻭﺟﻮﺩ ﻧﮩﯿﮟ ﺭﻭﮎ ﺳﮑﮯ ﺗﮭﮯ۔ ﻟﻔﭧ ﮐﺎ ﺩﺭﻭﺍﺯﮦ ﺍﺏ ﮐُﮭﻞ ﮔﯿﺎ ﺗﮭﺎ … ﺍﻭﺭ ﺍُﺱ ﮐﺎ ﻓﺮﺵ ﺑﮭﯽ ﺧﻮﻥ ﺁﻟﻮﺩ ﺗﮭﺎ … ﺑﮩﺖ ﺯﯾﺎﺩﮦ ﻧﮩﯿﮟ ﻟﯿﮑﻦ ﻓﺮﺵ ﯾﮧ ﺑﺘﺎﺭﮨﺎ ﺗﮭﺎ ﮐﮧ ﻭﮦ ﺟﻮ ﺑﮭﯽ ﺗﮭﺎ … ﺷﺪﯾﺪ ﺯﺧﻤﯽ ﺗﮭﺎ۔ ﻟﻔﭧ ﮐﮯ ﺍﻧﺪﺭ ﭘﮩﻨﭽﻨﮯ ﮐﮯ ﺑﻌﺪ ﺳﺎﻻﺭ ﮐﻮ ﺳﻤﺠﮫ ﻧﮩﯿﮟ ﺁﺋﯽ ﻭﮦ ﺍُﺱ ﮐﮯ ﺑﻌﺪ ﺁﮔﮯ ﮐﯿﺎ ﮐﺮﮮ۔ ﻭﮦ ﺍﭘﻨﮯ ﺑﯿﭩﮯ ﮐﮯ ﺧﻮﻥ ﭘﺮ ﺑﮭﯽ ﻗﺪﻡ ﺭﮐﮭﻨﮯ ﮐﯽ ﺟﺮﺍٔﺕ ﻧﮩﯿﮟ ﮐﺮ ﭘﺎ ﺭﮨﺎ ﺗﮭﺎ … ﺍُﺱ ﮐﮯ ﺍﻧﺪﺭ ﺩﺍﺧﻞ ﮨﻮﺗﮯ ﮨﯽ ﺳﯿﮑﻮﺭﭨﯽ ﺁﻓﯿﺸﻠﺰ ﺍُﺱ ﮐﮯ ﭘﯿﭽﮭﮯ ﺍﻧﺪﺭ ﮔُﮭﺴﮯ ﺗﮭﮯ ﺍﻭﺭ ﺍُﻧﮩﻮﮞ ﻧﮯ ﺩﺭﻭﺍﺯﮦ ﻓﻮﺭﯼ ﻃﻮﺭ ﭘﺮ ﺑﻨﺪ ﮐﯿﺎ ﺍﻭﺭ ﭘﮭﺮ ﺟﯿﺴﮯ ﺳﮑﻮﻥ ﮐﺎ ﺳﺎﻧﺲ ﻟﯿﺎ۔ ” ﺍُﺳﮯ ﮐﮩﺎﮞ ﻟﮯ ﮐﺮ ﮔﺌﮯ ﮨﯿﮟ؟ ” ﺳﺎﻻﺭ ﻧﮯ ﮐﮭﻮﮐﮭﻠﯽ ﺁﻭﺍﺯ ﮐﮯ ﺳﺎﺗﮫ ﮐﮩﺎ ﺗﮭﺎ۔ ” ﮨﻤﯿﮟ ﻧﮩﯿﮟ ﭘﺘﮧ ﺳﺮ ”! ﺍُﻥ ﻣﯿﮟ ﺳﮯ ﺍﯾﮏ ﻧﮯ ﺟﻮﺍﺏ ﺩﯾﺘﮯ ﮨﻮﺋﮯ 7th Floor ﮐﺎ ﺑﭩﻦ ﭘﺮﯾﺲ ﮐﺮ ﺩﯾﺎ۔ ” ﻣﺠﮭﮯ ﺣﻤﯿﻦ ﮐﮯ ﭘﺎﺱ ﺟﺎﻧﺎ ﮨﮯ۔ ” ﻭﮦ ﭼِﻠّﺎﯾﺎ ﺗﮭﺎ۔ ﻭﮦ ﺩﻭﻧﻮﮞ ﺧﺎﻣﻮﺵ ﺭﮨﮯ۔ ﻟﻔﭧ ﺑﺮﻕ ﺭﻓﺘﺎﺭﯼ ﺳﮯ ﺣﺮﮐﺖ ﻣﯿﮟ ﺗﮭﯽ۔ ٭٭٭٭ ﺣﻤﯿﻦ ﮐﮯ ﮐﻤﺮﮮ ﮐﮯ ﮐُﮭﻠﮯ ﺩﺭﻭﺍﺯﮮ ﻣﯿﮟ ﺣﻤﯿﻦ ﮐﮭﮍﺍ ﺗﮭﺎ۔ ﺍُﺱ ﮐﯽ ﺳﻔﯿﺪ ﺷﺮﭦ ﺧﻮﻥ ﺁﻟﻮﺩ ﺗﮭﯽ ﺍﻭﺭ ﻭﮦ ﺳﯿﺎﮦ ﮐﻮﭦ ﺑﮭﯽ ﺍُﺱ ﮐﮯ ﺟﺴﻢ ﭘﺮ ﻧﮩﯿﮟ ﺗﮭﺎ ﺟﻮ ﻭﮦ ﭘﮩﻦ ﮐﺮ ﮔﯿﺎ ﺗﮭﺎ۔ ﻭﮦ ﺑﮯ ﺣﺲ ﻭ ﺣﺮﮐﺖ ﺑﯿﭩﮭﯽ ﺍُﺳﮯ ﺩﯾﮑﮭﺘﯽ ﺭﮨﯽ۔ ﺍﺳﮑﺮﯾﻦ ﭘﺮ ﺍﺑﮭﯽ ﺑﮭﯽ ﺍُﺱ ﭘﺮ ﮨﻮﻧﮯ ﻭﺍﻟﮯ ﺣﻤﻠﮯ ﮐﯽ ﺗﻔﺼﯿﻼﺕ ﭼﻞ ﺭﮨﯽ ﺗﮭﯿﮟ۔ ﺍﻭﺭ ﻭﮦ ﺍﭘﻨﮯ ﭘﯿﺮﻭﮞ ﭘﺮ ﮐﮭﮍﺍ ﺍُﺳﮯ ﺩﯾﮑﮫ ﺭﮨﺎ ﺗﮭﺎ۔ ﺍﻣﺎﻣﮧ ﺍُﭨﮭﯽ۔ ﺩﻭﺑﺎﺭﮦ ﺑﯿﭩﮫ ﮔﺌﯽ … ﺍُﺱ ﮐﯽ ﺧﻮﻥ ﺁﻟﻮﺩ ﺷﺮﭦ ﺍُﺱ ﮐﯽ ﺟﺎﻥ ﻧﮑﺎﻝ ﺭﮨﯽ ﺗﮭﯽ ﺍﻭﺭ ﺍُﺱ ﮐﺎ ﺍﭘﻨﮯ ﭘﯿﺮﻭﮞ ﭘﺮ ﮐﮭﮍﺍ ﻭﺟﻮﺩ ﺍُﺳﮯ ﺯﻧﺪﮔﯽ ﺑﺨﺶ ﺭﮨﺎ ﺗﮭﺎ۔ ﻭﮦ ﺍﯾﮏ ﺑﺎﺭ ﭘﮭﺮ ﺍﭨﮭﯽ ﺍﻭﺭ ﺑﮭﺎﮔﺘﮯ ﮨﻮﺋﮯ ﺍُﺱ ﻧﮯ ﺟﺎ ﮐﺮ ﺣﻤﯿﻦ ﮐﻮ ﺍﭘﻨﮯ ﺳﺎﺗﮫ ﻟﭙﭩﺎﯾﺎ ﺗﮭﺎ۔ ” ﻣﯿﮟ ﭨﮭﯿﮏ ﮨﻮﮞ ﻣﻤّﯽ … ﻣﯿﮟ ﺑﺎﻟﮑﻞ ﭨﮭﯿﮏ ﮨﻮﮞ۔ ” ﻭﮦ ﮐﮩﮧ ﺭﮨﺎ ﺗﮭﺎ۔ ” ﺑﺎﺑﺎ ﮐﮩﺎﮞ ﮨﯿﮟ؟ ” ﺍُﺱ ﻧﮯ ﺍﻣﺎﻣﮧ ﺳﮯ ﺍﮔﻼ ﺳﻮﺍﻝ ﮐﯿﺎ ﺗﮭﺎ ﺍﻭﺭ ﺍﻣﺎﻣﮧ ﮐﻮ ﭘﮩﻠﯽ ﺑﺎﺭ ﺳﺎﻻﺭ ﮐﺎ ﺧﯿﺎﻝ ﺁﯾﺎ ۔ ﺗﺐ ﮨﯽ ﺩﺭﻭﺍﺯﮦ ﺩﻭﺑﺎﺭﮦ ﺩﮬﮍﺩﮬﮍﺍﯾﺎ ﮔﯿﺎ ﺍﻭﺭ ﻭﮦ ﺍﭘﻨﮯ ﻗﺪﻣﻮﮞ ﭘﺮ ﭼﻠﺘﺎ ﺩﺭﻭﺍﺯﮮ ﺗﮏ ﮔﯿﺎ ﺍﻭﺭ ﺍُﺱ ﻧﮯ ﺩﺭﻭﺍﺯﮦ ﮐﮭﻮﻝ ﺩﯾﺎ۔ ﺍُﺱ ﮐﮯ ﺑﺎﻟﮑﻞ ﺳﺎﻣﻨﮯ ﺳﺎﻻﺭ ﺳﮑﻨﺪﺭ ﮐﮭﮍﺍ ﺗﮭﺎ۔ ﭼﻨﺪ ﻟﻤﺤﻮﮞ ﮐﮯ ﻟﺌﮯ ﺑﺎﭖ ﺑﯿﭩﺎ ﺍﯾﮏ ﺩﻭﺳﺮﮮ ﮐﻮ ﺩﯾﮑﮫ ﮐﺮ ﻓﺮﯾﺰ ﮨﻮﺋﮯ ﺗﮭﮯ۔ ﭘﮭﺮ ﺳﺎﻻﺭ ﺁﮔﮯ ﺑﮍﮬﺎ ﺍﻭﺭ ﺷﺎﺩﯼٔ ﻣﺮﮒ ﺳﯽ ﮐﯿﻔﯿﺖ ﻣﯿﮟ ﺍُﺱ ﻧﮯ ﺣﻤﯿﻦ ﮐﻮ ﻟﭙﭩﺎﯾﺎ ﺗﮭﺎ۔ ﺯﻧﺪﮔﯽ ﻣﯿﮟ ﭘﮩﻠﯽ ﺑﺎﺭ ﺣﻤﯿﻦ ﺳﮑﻨﺪﺭ ﻧﮯ ﺳﺎﻻﺭ ﺳﮑﻨﺪﺭ ﮐﯽ ﮔﺮﻓﺖ ﮐﻮ ﺍﺗﻨﺎ ﺳﺨﺖ ﭘﺎﯾﺎ ﺗﮭﺎ ﮐﮧ ﺍُﺳﮯ ﻟﮕﺎ ﺍُﺱ ﮐﺎ ﺩﻡ ﮔُﮭﭧ ﺟﺎﺋﮯ ﮔﺎ۔ ﺍُﺳﮯ ﺍﭘﻨﯽ ﮔﺮﺩﻥ ﮐﯽ ﭘﺸﺖ ﺳﮯ ﺑﮩﺘﮯ ﺧﻮﻥ ﮐﯽ ﺍﺗﻨﯽ ﺗﮑﻠﯿﻒ ﻧﮩﯿﮟ ﮨﻮﺋﯽ ﺗﮭﯽ ﺟﺘﻨﯽ ﺍﭘﻨﮯ ﮔﺎﻟﻮﮞ ﮐﻮ ﻧﻢ ﮐﺮﺗﮯ ﺳﺎﻻﺭ ﮐﮯ ﺁﻧﺴﻮﺅﮞ ﺳﮯ۔ ﺳﺎﻻﺭ ﮐﮯ ﺧﺎﻧﺪﺍﻥ ﻣﯿﮟ ﺳﮯ ﺍُﺱ ﮐﺎ ﺟﺎﻧﺸﯿﻦ ﮐﻮﻥ ﮨﻮ ﮔﺎ ﺍُﺱ ﮐﯽ ﭘﺸﺖ ﺳﮯ ﺑﮩﺘﺎ ﺧﻮﻥ ﺍُﺱ ﮐﺎ ﺍﻋﻼﻥ ﮐﺮ ﺭﮨﺎ ﺗﮭﺎ۔ ” ﺑﺎﺑﺎ ﻣﯿﮟ ﭨﮭﯿﮏ ﮨﻮﮞ۔ ﺁﺋﯿﮟ ﺩﻭﺑﺎﺭﮦ ﭼﻠﺘﮯ ﮨﯿﮟ ﮐﺎﻧﻔﺮﻧﺲ ﮨﺎﻝ ﻣﯿﮟ۔ ” ﺳﺎﻻﺭ ﻧﮯ ﺍﭘﻨﮯ ﮐﺎﻧﻮﮞ ﻣﯿﮟ ﻣﺴﺘﺤﮑﻢ ﺁﻭﺍﺯ ﻣﯿﮟ ﮐﮩﯽ ﮨﻮﺋﯽ ﺍﯾﮏ ﺳﺮﮔﻮﺷﯽ ﺳُﻨﯽ ﺗﮭﯽ۔ ٭٭٭٭ ﻭﮦ ﺍﻓﺮﯾﻘﮧ ﮐﯽ ﺗﺎﺭﯾﺦ ﮐﺎ ﯾﺎﺩﮔﺎﺭ ﺗﺮﯾﻦ ﺩﻥ ﺗﮭﺎ ﺟﺐ ﮐﺌﯽ ﺳﺎﻟﻮﮞ ﺑﻌﺪ ﺗﺎﺭﯾﺦ ﺍﯾﮏ ﺑﺎﺭ ﭘﮭﺮ ﺩﮨﺮﺍﺋﯽ ﺟﺎ ﺭﮨﯽ ﺗﮭﯽ۔ ﺑﯿﻨﮑﻮﺋﯿﭧ ﮨﺎﻝ ﻣﯿﮟ ﺗﻤﺎﻡ delegates ﺍﯾﮏ ﺑﺎﺭ ﭘﮭﺮ ﺍﭘﻨﯽ ﺳﯿﭩﻮﮞ ﭘﺮ ﺑﺮﺍﺟﻤﺎﻥ ﺗﮭﮯ۔ ﺧﻮﻑ ﻭ ﮨﺮﺍﺱ ﮐﯽ ﺍﯾﮏ ﻋﺠﯿﺐ ﺳﯽ ﻓﻀﺎ ﻣﯿﮟ ﺑﮯ ﺣﺪ ﻧﺎﺧﻮﺵ ﻣﮕﺮ ﮐﺎﻧﻔﺮﻧﺲ ﺟﺎﺭﯼ ﺗﮭﯽ ﮐﯿﻨﺴﻞ ﻧﮩﯿﮟ ﮨﻮﺋﯽ ﺗﮭﯽ۔ ﺍُﺱ ﮐﮭﮍﮐﯽ ﮐﺎ ﻭﮦ ﺷﯿﺸﮧ ﺍُﺳﯽ ﻃﺮﺡ ﭨﻮﭨﺎ ﮨﻮﺍ ﺗﮭﺎ ﻣﮕﺮ ﺍﺏ ﺳﺎﻣﻨﮯ ﻭﺍﻟﯽ ﺑﻠﮉﻧﮓ ﺳﯿﮑﻮﺭﭨﯽ ﺁﻓﯿﺸﻠﺰ ﮐﮯ ﺣﺼﺎﺭ ﻣﯿﮟ ﺗﮭﯽ۔ ﮐﺎﻧﻔﺮﻧﺲ ﺍﯾﮏ ﮔﮭﻨﭩﮧ ﮐﯽ ﺗﺎﺧﯿﺮ ﺳﮯ ﺍﺏ ﺩﻭﺑﺎﺭﮦ ﺷﺮﻭﻉ ﮨﻮﻧﮯ ﺟﺎ ﺭﮨﯽ ﺗﮭﯽ۔ ﺳﺎﻻﺭ ﺳﮑﻨﺪﺭ ﺍﻭﺭ ﺣﻤﯿﻦ ﺩﻭﻧﻮﮞ ﺍﻣﺎﻣﮧ ﮐﮯ ﮐﻤﺮﮮ ﻣﯿﮟ ﺗﮭﮯ۔ ﻣﯿﮉﯾﮑﻞ ﭨﯿﻢ ﺣﻤﯿﻦ ﮐﻮ ﻓﺮﺳﭧ ﺍﯾﮉ ﺩﮮ ﭼﮑﮯ ﺗﮭﮯ، ﺍﻭﺭ ﻓﺮﺳﭧ ﺍﯾﮉ ﺩﯾﻨﮯ ﮐﮯ ﺩﻭﺭﺍﻥ ﺍُﻧﮩﯿﮟ ﭘﺘﮧ ﭼﻼ ﺗﮭﺎ ﮐﮧ ﮔﻮﻟﯽ ﺍُﺱ ﮐﯽ ﮔﺮﺩﻥ ﻣﯿﮟ ﻧﮩﯿﮟ ﮔﺌﯽ ﺗﮭﯽ۔ ﻭﮦ ﺍُﺱ ﮐﯽ ﮔﺮﺩﻥ ﮐﯽ ﭘﺸﺖ ﭘﺮ ﺭﮔﮍ ﮐﮭﺎﺗﯽ ﺍﻭﺭ ﺟﻠﺪ ﺍﻭﺭ ﮐﭽﮫ ﮔﻮﺷﺖ ﺍُﮌﺍﺗﮯ ﮨﻮﺋﮯ ﮔﺰﺭ ﮔﺌﯽ ﺗﮭﯽ ﺍُﺱ ﮐﯽ ﮔﺮﺩﻥ ﭘﺮ ﺗﯿﻦ ﺍﻧﭻ ﻟﻤﺒﺎ ﺍﻭﺭ ﺁﺩﮪ ﺍﻧﭻ ﮔﮩﺮﺍ ﺍﯾﮏ ﺯﺧﻢ ﺑﻨﺎﺗﮯ ﮨﻮﺋﮯ۔ ﻣﯿﮉﯾﮑﻞ ﭨﯿﻢ ﻧﮯ ﺍُﺱ ﮐﯽ ﺑﯿﻨﮉﯾﺞ ﮐﯽ ﺗﮭﯽ ﺍﻭﺭ ﭘﯿﻦ ﮐﻠﺮ ﻟﮕﺎ ﮐﺮ ﺍُﺱ ﮐﮯ ﺍﺱ ﺯﺧﻢ ﮐﻮ ﮐﭽﮫ ﺩﯾﺮ ﮐﮯ ﻟﺌﮯ ﺳُﻦ ﮐﯿﺎ ﺗﮭﺎ ﺗﺎﮐﮧ ﻭﮦ ﮐﺎﻧﻔﺮﻧﺲ ﺍﭨﯿﻨﮉ ﮐﺮ ﺳﮑﺘﺎ۔ ﺍُﺳﮯ blood ﻟﮕﻨﺎ ﺗﮭﺎ ﻟﯿﮑﻦ ﻭﮦ ﻓﻮﺭﯼ ﻃﻮﺭ ﭘﺮ ﺍُﺱ ﮐﮯ ﻟﺌﮯ ﺗﯿّﺎﺭ ﻧﮩﯿﮟ ﮨﻮﺍ ﺗﮭﺎ۔ ﺍﺱ ﻭﻗﺖ ﺍُﺱ ﮐﮯ ﻟﺌﮯ ﺍﮨﻢ ﺗﺮﯾﻦ ﭼﯿﺰ ﺍُﺱ ﮐﺎﻧﻔﺮﻧﺲ ﮨﺎﻝ ﻣﯿﮟ ﺩﻭﺑﺎﺭﮦ ﺑﯿﭩﮭﻨﺎ ﺗﮭﺎ۔ ﺍُﻥ ﻟﻮﮔﻮﮞ ﮐﺎ ﺩﮐﮭﺎﻧﺎ ﺗﮭﺎ ﮐﮧ ﻭﮦ ﺍُﻧﮩﯿﮟ ﮔﺮﺍ ﻧﮩﯿﮟ ﺳﮑﮯ … ﮈﺭﺍ ﺑﮭﯽ ﻧﮩﯿﮟ ﺳﮑﮯ۔ ﺳﺎﻻﺭ ﺳﮑﻨﺪﺭ ﺍُﺱ ﺳﮯ ﭘﮩﻠﮯ ﮐﻤﺮﮮ ﺳﮯ ﻧﮑﻼ ﺗﮭﺎ ﺍﻭﺭ ﺍﺏ ﮐﭙﮍﮮ ﺗﺒﺪﯾﻞ ﮐﺮﻧﮯ ﮐﮯ ﺑﻌﺪ ﺣﻤﯿﻦ ﺳﮑﻨﺪﺭ ﺍﻣﺎﻣﮧ ﺳﮯ ﮔﻠﮯ ﻣﻞ ﺭﮨﺎ ﺗﮭﺎ۔ ﺍﻣﺎﻣﮧ ﻧﮯ ﺍُﺳﮯ ﺭﻭﮐﻨﮯ ﮐﯽ ﮐﻮﺷﺶ ﻧﮩﯿﮟ ﮐﯽ ﺗﮭﯽ … ﻭﮦ ﺳﺎﻻﺭ ﺳﮑﻨﺪﺭ ﮐﺎ ﺑﯿﭩﺎ ﺗﮭﺎ، ﺍُﺳﮯ ﮐﻮﻥ ﺭﻭﮎ ﺳﮑﺘﺎ ﺗﮭﺎ … ﺍُﺱ ﻧﮯ ﺻﺮﻑ ﺍُﺳﮯ ﮔﻠﮯ ﻟﮕﺎﯾﺎ ﺗﮭﺎ، ﻣﺎﺗﮭﺎ ﭼﻮﻣﺎ ﺗﮭﺎ ﺍﻭﺭ ﺩﺭﻭﺍﺯﮮ ﭘﺮ ﺭﺧﺼﺖ ﮐﺮ ﺩﯾﺎ ﺗﮭﺎ۔ ﺍُﺱ ﻟﻔﭧ ﮐﺎ ﺩﺭﻭﺍﺯﮦ 10:40 ﭘﺮ ﺍﯾﮏ ﺑﺎﺭ ﭘﮭﺮ ﮐُﮭﻼ ﺗﮭﺎ … ﺍﺱ ﺑﺎﺭ ﺣﻤﯿﻦ ﺳﮑﻨﺪﺭ ﮐﮯ ﺳﺎﺗﮫ ﺳﯿﮑﻮﺭﭨﯽ ﮐﺎ ﮐﻮﺋﯽ ﺍﮨﻠﮑﺎﺭ ﻧﮩﯿﮟ ﺗﮭﺎ ﺻﺮﻑ ﺍُﺱ ﮐﮯ ﺍﭘﻨﮯ ﺳﭩﺎﻑ ﮐﮯ ﻟﻮﮒ ﺗﮭﮯ۔ ﺍُﺱ ﮐﮯ ﻟﻔﭧ ﺳﮯ ﮐﻮﺭﯾﮉﻭﺭ ﻣﯿﮟ ﻗﺪﻡ ﺭﮐﮭﺘﮯ ﮨﯽ ﻭﮨﺎﮞ ﺗﺎﻟﯿﻮﮞ ﮐﺎ ﺷﻮﺭ ﮔﻮﻧﺠﻨﺎ ﺷﺮﻭﻉ ﮨﻮﺍ ﺗﮭﺎ۔ ﻭﮦ ﭘﺮﯾﺲ ﻓﻮﭨﻮ ﮔﺮﺍﻓﺮﺯ ﺍﻭﺭ ﺍُﺱ ﮐﻮﺭﯾﮉﻭﺭ ﻣﯿﮟ ﮐﮭﮍﮮ ﺳﯿﮑﻮﺭﭨﯽ ﺍﮨﻠﮑﺎﺭ ﺗﮭﮯ ﺟﻮ ﺍُﺳﮯ ﺍُﺱ ﺩﻟﯿﺮﯼ ﮐﯽ ﺩﺍﺩ ﺩﮮ ﺭﮨﮯ ﺗﮭﮯ ﺟﻮ ﻭﮦ ﺩﮐﮭﺎ ﺭﮨﺎ ﺗﮭﺎ۔ ﻟﻤﺒﮯ ﮈﮒ ﺑﮭﺮﺗﮯ ﺍُﺱ ﻧﮯ ﭨﻮﭨﮯ ﺷﯿﺸﮯ ﻭﺍﻟﯽ ﺍُﺱ ﮐﮭﮍﮐﯽ ﮐﻮ ﺑﮭﯽ ﺩﯾﮑﮭﺎ ﺟﻮ ﮨﺎﻝ ﮐﮯ ﺩﺍﺧﻠﯽ ﺩﺭﻭﺍﺯﮮ ﮐﮯ ﺑﺎﻟﮑﻞ ﺳﺎﻣﻨﮯ ﺍﯾﮏ ﻋﺠﯿﺐ ﺳﺎ ﻣﻨﻈﺮ ﭘﯿﺶ ﮐﺮ ﺭﮨﯽ ﺗﮭﯽ، ﺍﮔﺮﭼﮧ ﺍُﺱ ﮐﮯ ﺳﺎﻣﻨﮯ ﺍﺏ ﺳﯿﮑﻮﺭﭨﯽ ﺍﮨﻠﮑﺎﺭﻭﮞ ﮐﯽ ﺍﯾﮏ ﻗﻄﺎﺭ ﺭﮨﺘﯽ ﺗﮭﯽ۔ ﺗﯿﺰ ﻗﺪﻣﻮﮞ ﺳﮯ ﻟﻤﺒﮯ ﮈﮒ ﺑﮭﺮﺗﺎ ﺣﻤﯿﻦ ﺳﮑﻨﺪﺭ ﺟﺐ ﮨﺎﻝ ﻣﯿﮟ ﺩﺍﺧﻞ ﮨﻮﺍ ﺗﮭﺎ ﺗﻮ ﮨﺎﻝ ﻣﯿﮟ ﺗﺎﻟﯿﺎﮞ ﺑﺠﻨﯽ ﺷﺮﻭﻉ ﮨﻮﺋﯽ ﺗﮭﯿﮟ، ﭘﮭﺮ ﻭﮨﺎﮞ ﺑﯿﭩﮭﮯ ﻭﻓﻮﺩ ﺍﭘﻨﯽ ﺍﭘﻨﯽ ﺳﯿﭩﻮﮞ ﺳﮯ ﮐﮭﮍﮮ ﮨﻮ ﮔﺌﮯ ﺗﮭﮯ۔ ﺣﻤﯿﻦ ﺳﮑﻨﺪﺭ ﻣﺴﮑﺮﺍﺗﺎ، ﺳﺮ ﮐﮯ ﺍﺷﺎﺭﮮ ﺳﮯ ﺍُﻥ ﺗﺎﻟﯿﻮﮞ ﮐﺎ ﺟﻮﺍﺏ ﺩﯾﺘﺎ ﺳﭩﯿﺞ ﮐﯽ ﻃﺮﻑ ﺑﮍﮪ ﺭﮨﺎ ﺗﮭﺎ ﺍﻭﺭ ﺳﭩﯿﺞ ﭘﺮ ﺑﯿﭩﮭﮯ ﮨﻮﺋﮯ ﻟﻮﮒ ﺁﮨﺴﺘﮧ ﺁﮨﺴﺘﮧ ﮐﮭﮍﺍ ﮨﻮﻧﮯ ﺷﺮﻭﻉ ﮨﻮﺋﮯ ﺗﮭﮯ ﺍﻭﺭ ﭘﮭﺮ ﺣﻤﯿﻦ ﻧﮯ ﺳﺎﻻﺭ ﺳﮑﻨﺪﺭ ﮐﻮ ﮐﮭﮍﺍ ﮨﻮﺗﮯ ﺩﯾﮑﮭﺎ ﺗﮭﺎ۔ ﺣﻤﯿﻦ ﭼﻠﺘﮯ ﭼﻠﺘﮯ ﺭُﮎ ﮔﯿﺎ ﺗﮭﺎ۔ ﻭﮦ ﺍُﺱ ﮐﮯ ﺑﺎﭖ ﮐﯽ ﻃﺮﻑ ﺳﮯ ﺍُﺱ ﮐﯽ ﺗﻌﻈﯿﻢ ﺗﮭﯽ ﺟﻮ ﺍُﺳﮯ ﭘﮩﻠﯽ ﺑﺎﺭ ﺩﯼ ﮔﺌﯽ ﺗﮭﯽ۔ ﺍﯾﮏ ﻟﻤﺤﮧ ﭨﮭﭩﮭﮑﻨﮯ ﮐﮯ ﺑﻌﺪ ﺣﻤﯿﻦ ﺳﮑﻨﺪﺭ ﻧﮯ ﺳﭩﯿﺞ ﮐﯽ ﺳﯿﮍﮬﯿﺎﮞ ﭼﮍﮬﻨﺎ ﺷﺮﻭﻉ ﮐﺮ ﺩﯾﺎ ﺗﮭﺎ۔ ﺩﻧﯿﺎ ﺑﮭﺮ ﮐﮯ TV ﭼﯿﻨﻠﺰ ﻭﮦ ﻣﻨﺎﻇﺮ live ﺩﮐﮭﺎ ﺭﮨﮯ ﺗﮭﮯ … ﺩﻟﯿﺮﯼ ﮐﺎ ﺍﯾﮏ ﻣﻈﺎﮨﺮﮦ ﻭﮦ ﺗﮭﺎ ﺟﻮ ﺩﻧﯿﺎ ﻧﮯ ﮐﺌﯽ ﺳﺎﻝ ﭘﮩﻠﮯ ﺍﺳﯽ ﺍﻓﺮﯾﻘﮧ ﻣﯿﮟ ﺳﺎﻻﺭ ﺳﮑﻨﺪﺭ ﮐﮯ ﮨﺎﺗﮭﻮﮞ ﺩﯾﮑﮭﺎ ﺗﮭﺎ، ﺟﺮﺍٔﺕ ﮐﺎ ﺍﯾﮏ ﻣﻈﺎﮨﺮﮦ ﻭﮦ ﺗﮭﺎ ﺟﻮ ﺁﺝ ﺍﺳﯽ ﺍﻓﺮﯾﻘﮧ ﻣﯿﮟ ﻭﮦ ﺣﻤﯿﻦ ﺳﮑﻨﺪﺭ ﮐﮯ ﮨﺎﺗﮭﻮﮞ ﺩﯾﮑﮫ ﺭﮨﮯ ﺗﮭﮯ۔ ﺳﭩﯿﺞ ﭘﺮ ﺍﺏ TAI ﺍﻭﺭ SIF ﮐﮯ ﺩﻭﻧﻮﮞ ﺳﺮﺑﺮﺍﮨﺎﻥ ﻣﻞ ﺭﮨﮯ ﺗﮭﮯ ﺍﻭﺭ ﺍُﺱ memorandum ﭘﺮ ﺩﺳﺘﺨﻂ ﮐﺮ ﺭﮨﮯ ﺗﮭﮯ ﺟﺲ ﮐﮯ ﻟﺌﮯ ﻭﮦ ﻭﮨﺎﮞ ﺁﺋﮯ ﺗﮭﮯ ﺍﻭﺭ ﭘﮭﺮ ﺍُﺱ ﮐﮯ ﺑﻌﺪ ﺣﻤﯿﻦ ﺳﮑﻨﺪﺭ ﻧﮯ ﺗﻘﺮﯾﺮ ﮐﯽ ﺗﮭﯽ ﺍُﺱ ﮨﯽ ﺁﺧﺮﯼ ﺧﻄﺒﮯ ﺳﮯ ﺍﭘﻨﯽ ﺗﻘﺮﯾﺮ ﮐﺎ ﺁﻏﺎﺯ ﮐﯿﺎ ﺗﮭﺎ ﺟﺲ ﮐﺎ ﺣﻮﺍﻟﮧ ﮐﺌﯽ ﺳﺎﻝ ﭘﮩﻠﮯ ﺍُﺱ ﮐﮯ ﺑﺎﭖ ﻧﮯ ﺍﻓﺮﯾﻘﮧ ﮐﮯ ﺳﭩﯿﺞ ﭘﺮ ﺩﯾﺎ ﺗﮭﺎ۔ ” ﺑﮍﯼ ﺑﺎﺑﺮﮐﺖ ﮨﮯ ﻭﮦ ﺫﺍﺕ ﺟﺲ ﮐﮯ ﮨﺎﺗﮫ ﻣﯿﮟ ﮨﮯ ﺑﺎﺩﺷﺎﮨﯽ ﺍﻭﺭ ﻭﮦ ﮨﺮ ﭼﯿﺰ ﭘﺮ ﭘﻮﺭﯼ ﻃﺮﺡ ﻗﺎﺩﺭ ﮨﮯ۔ ” ﺍُﺱ ﻧﮯ ﺳﻮﺭﺓ ﻣﻠﮏ ﮐﯽ ﺁﯾﺎﺕ ﺳﮯ ﺍﭘﻨﯽ ﺗﻘﺮﯾﺮ ﮐﺎ ﺁﻏﺎﺯ ﮐﯿﺎ۔ ” ﻭﮦ ﺫﺍﺕ ﺟﺲ ﻧﮯ ﭘﯿﺪﺍ ﮐﯿﺎ ﻣﻮﺕ ﺍﻭﺭ ﺯﻧﺪﮔﯽ ﮐﻮ ﺗﺎﮐﮧ ﺁﺯﻣﺎﺋﺶ ﮐﺮﮮ ﺗﻤﮩﺎﺭﮮ ﮐﮧ ﮐﻮﻥ ﺗﻢ ﻣﯿﮟ ﺳﮯ ﺯﯾﺎﺩﮦ ﺍﭼﮭﺎ ﮨﮯ ﻋﻤﻞ ﻣﯿﮟ … ﺍﻭﺭ ﻭﮦ ﮨﮯ ﺯﺑﺮﺩﺳﺖ، ﺑﮯ ﺍﻧﺘﮩﺎ … ﻣﻌﺎﻑ ﻓﺮﻣﺎﻧﮯ ﻭﺍﻻ۔ ” ﺍُﺱ ﮨﺎﻝ ﻣﯿﮟ ﺳﻮﺋﯽ ﮔﺮﻧﮯ ﺟﯿﺴﯽ ﺧﺎﻣﻮﺷﯽ ﺗﮭﯽ۔ ﺑﮯ ﺷﮏ ﺍﻟﻠﮧ ﺗﻌﺎﻟﯽٰ ﮨﺮ ﭼﯿﺰ ﮐﺮﻧﮯ ﭘﺮ ﻗﺎﺩﺭ ﮨﮯ ﺟﻮ ﮐُﻦ ﮐﮩﺘﺎ ﮨﮯ ﺗﻮ ﭼﯿﺰﯾﮟ ﮨﻮ ﺟﺎﺗﯽ ﮨﯿﮟ، ﺟﻮ ﺩﺷﻤﻨﻮﮞ ﮐﯽ ﭼﺎﻟﯿﮟ ﺍُﻥ ﮨﯽ ﭘﺮ ﺍُﻟﭩﺎ ﺩﯾﺘﺎ ﮨﮯ۔ ” ﮐﺌﯽ ﺳﺎﻝ ﭘﮩﻠﮯ SIF ﻧﮯ ﺳﻮﺩ ﮐﮯ ﺧﻼﻑ ﺍﭘﻨﯽ ﭘﮩﻠﯽ ﺟﺪﻭﺟﮩﺪ ﺍﻓﺮﯾﻘﮧ ﺳﮯ ﺷﺮﻭﻉ ﮐﯽ ﺗﮭﯽ، ﯾﮧ ﻭﮦ ﺯﻣﯿﻦ ﺗﮭﯽ ﺟﺲ ﭘﺮ ﻣﯿﺮﮮ ﺑﺎﭖ ﻧﮯ ﺍﯾﮏ ﺳﻮﺩﯼ ﻧﻈﺎﻡ ﮐﮯ ﺁﻟﮧٔ ﮐﺎﺭ ﮐﮯ ﻃﻮﺭ ﭘﺮ ﮐﺎﻡ ﮐﺮﺗﮯ ﮨﻮﺋﮯ ﺳﻮﺩ ﮐﮯ ﺧﻼﻑ ﮐﺎﻡ ﮐﺮﻧﮯ ﮐﺎ ﻓﯿﺼﻠﮧ ﮐﯿﺎ ﺗﮭﺎ۔ ﺍُﺱ ﺳﻮﺩ ﮐﻮ ﺟﺴﮯ ﺁﺧﺮﯼ ﺧﻄﺒﮧ ﻣﯿﮟ ﻧﺒﯽ ﺁﺧﺮﺍﻟﺰﻣﺎﻥﷺۖ ﻧﮯ ﺣﺮﺍﻡ ﻗﺮﺍﺭ ﺩﯾﺎ ﺗﮭﺎ ﺍﻭﺭ ﺍُﺱ ﺁﺧﺮﯼ ﺧﻄﺒﮯ ﻣﯿﮟ ﯾﮧ ﺻﺮﻑ ﺳﻮﺩ ﻧﮩﯿﮟ ﺗﮭﺎ ﺟﺲ ﮐﮯ ﺧﺎﺗﻤﮯ ﮐﺎ ﻓﯿﺼﻠﮧ ﮐﯿﺎ ﮔﯿﺎ ﺗﮭﺎ، ﯾﮧ ﻣﺴﺎﻭﺍﺕ ﺑﮭﯽ ﺗﮭﯽ ﺟﺲ ﮐﺎ ﺣﮑﻢ ﺩﯾﺎ ﮔﯿﺎ ﺗﮭﺎ ﺍﻧﺴﺎﻧﻮﮞ ﮐﻮ ﺍُﻥ ﮐﮯ ﺭﻧﮓ، ﻧﺴﻞ، ﺧﺎﻧﺪﺍﻧﯽ ﻧﺎﻡ ﻭ ﻧﺴﺐ ﮐﮯ ﺑﺠﺎﺋﮯ ﺻﺮﻑ ﺍُﻥ ﮐﮯ ﺗﻘﻮﯼٰ ﺍﻭﺭ ﭘﺎﺭﺳﺎﺋﯽ ﭘﺮ judge ﮐﺮﻧﮯ ﮐﺎ۔ SIF ﺍﻭﺭ TAI ﺁﺝ ﺍُﺱ ﮨﯽ ﻣﺸﻦ ﮐﻮ ﺁﮔﮯ ﺑﮍﮬﺎﻧﮯ ﮐﮯ ﻟﺌﮯ ﺩﻧﯿﺎ ﮐﮯ ﺳﺐ ﺳﮯ ﺑﮍﮮ ﮔﻠﻮﺑﻞ ﻓﻨﮉ ﮐﺎ ﻗﯿﺎﻡ ﻋﻤﻞ ﻣﯿﮟ ﻻﯾﺎ ﮨﮯ۔ ” ﻭﮦ ﺑﺎﺕ ﮐﺮ ﺭﮨﺎ ﺗﮭﺎ ﺍﻭﺭ ﭘﻮﺭﯼ ﺩُﻧﯿﺎ ﺳُﻦ ﺭﮨﯽ ﺗﮭﯽ … ﻭﮦ ﺁﺧﺮﯼ ﻧﺒﯽۖﷺ ﮐﺎ ﺣﻮﺍﻟﮧ ﺩﯾﺘﺎ ﮨﻮﺍ ﺑﺎﺕ ﮐﺮ ﺭﮨﺎ ﺗﮭﺎ ﺍﻭﺭ ﻭﮦ ﭘﮭﺮ ﺑﮭﯽ ﺳُﻨﻨﮯ ﭘﺮ ﻣﺠﺒﻮﺭ ﺗﮭﮯ … ﮐﯿﻮﻧﮑﮧ ﻭﮦ ﺑﺎﻋﻤﻞ، ﺑﮩﺘﺮﯾﻦ ﻣﺴﻠﻤﺎﻥ ﺗﮭﮯ ﺟﻦ ﮐﮯ ﻗﻮﻝ ﻭ ﻓﻌﻞ ﻣﯿﮟ ﺩُﻧﯿﺎ ﮐﻮ ﺗﻀﺎﺩ ﻧﻈﺮ ﻧﮩﯿﮟ ﺁ ﺭﮨﺎ ﺗﮭﺎ۔ ﺟﻮ ﻃﺎﻗﺖ ﻭﺭ ﺗﮭﮯ ﺗﻮ ﺩُﻧﯿﺎ ﺍُﻥ ﮐﮯ ﻣﺬﮨﺐ ﮐﻮ ﺑﮭﯽ ﻋﺰّﺕ ﺩﮮ ﺭﮨﯽ ﺗﮭﯽ ﺍﻭﺭ ﺍُﺱ ﻣﺬﮨﺐ ﮐﮯ ﭘﯿﻐﺎﻡ ﺑﺮ ﮐﻮ ﺑﮭﯽ … ﻭﮦ ﺍﯾﮏ ﮔﻮﻟﯽ ﺟﻮ ﺩُﻧﯿﺎ ﮐﯽ ﺗﺎﺭﯾﺦ ﺑﺪﻟﻨﮯ ﺁﺋﯽ ﺗﮭﯽ ﻭﮦ ﮐﺎﺗﺐِ ﺗﻘﺪﯾﺮ ﮐﮯ ﺳﺎﻣﻨﮯ ﺑﮯ ﺑﺲ ﮨﻮ ﮔﺌﯽ ﺗﮭﯽ … ﺗﺎﺭﯾﺦ ﻭﯾﺴﮯ ﮨﯽ ﻟﮑﮭﯽ ﺟﺎ ﺭﮨﯽ ﺗﮭﯽ ﺟﯿﺴﮯ ﺍﻟﻠﮧ ﺗﻌﺎﻟﯽٰ ﭼﺎﮨﺘﺎ ﺗﮭﺎ ﺍﻭﺭ ﻭﮦ ﮨﯽ ﻟﮑﮫ ﺭﮨﮯ ﺗﮭﮯ، ﺟﻦ ﮐﻮ ﺍﻟﻠﮧ ﻧﮯ ﻣﻨﺘﺨﺐ ﮐﯿﺎ ﺗﮭﺎ۔ ﺑﮯ ﺷﮏ ﻃﺎﻗﺖ ﮐﺎ ﺳﺮﭼﺸﻤﮧ ﺍﻟﻠﮧ ﮨﯽ ﮐﯽ ﺫﺍﺕ ﮨﮯ ﺟﺲ ﮐﯽ ﻣﺤﺒﺖ ﻭﮦ ﺁﺏِ ﺣﯿﺎﺕ ﮨﮯ ﺟﻮ ﺯﻧﺪﮔﯽ ﮐﻮ ﺩﻭﺍﻡ ﺑﺨﺸﺘﺎ ﮨﮯ ﺍﺱ ﺩُﻧﯿﺎ ﺳﮯ ﺍﮔﻠﯽ ﺩُﻧﯿﺎ ﺗﮏ۔ ٭٭٭٭ ﺗﺮﭖ ﮐﺎ ﭘﺘّﮧ ﻣﺎﺭﭺ 2040 ﺍﻣﺮﯾﮑﮧ ﮐﮯ ﺍُﺱ ﺍﺳﭙﺘﺎﻝ ﮐﮯ ﻧﯿﻮﺭﻭ ﺳﺮﺟﺮﯼ ﮈﭘﺎﺭﭨﻤﻨﭧ ﮐﮯ ﺁﭘﺮﯾﺸﻦ ﺗﮭﯿﭩﺮ ﻣﯿﮟ ﮈﺍﮐﭩﺮ ﺟﺲ ﺷﺨﺺ ﮐﺎ ﺩﻣﺎﻍ ﮐﮭﻮﻟﮯ ﺑﯿﭩﮭﮯ ﺗﮭﮯ ﻭﮦ ﺁﺑﺎﺩﯼ ﮐﮯ ﺍُﺱ 2.5 ﻓﯿﺼﺪ ﺣﺼّﮧ ﺳﮯ ﺗﻌﻠﻖ ﺭﮐﮭﺘﺎ ﺗﮭﺎ ﺟﻮ 150 I.Q Level ﮐﮯ ﺳﺎﺗﮫ ﻏﯿﺮ ﻣﻌﻤﻮﻟﯽ ﺻﻼﺣﯿﺘﻮﮞ ﮐﮯ ﺣﺎﻣﻞ ﺗﮭﮯ۔ ﻭﮦ ﺁﭘﺮﯾﺸﻦ ﺁﭨﮫ ﮔﮭﻨﭩﮧ ﺳﮯ ﮨﻮ ﺭﮨﺎ ﺗﮭﺎ ﺍﻭﺭ ﺍﺑﮭﯽ ﻣﺰﯾﺪ ﮐﺘﻨﯽ ﺩﯾﺮ ﺟﺎﺭﯼ ﺭﮨﻨﺎ ﺗﮭﺎ، ﯾﮧ ﮐﺴﯽ ﮐﻮ ﺍﻧﺪﺍﺯﮦ ﻧﮩﯿﮟ ﺗﮭﺎ۔ ﮈﺍﮐﭩﺮﺯ ﮐﯽ ﺍﺱ ﭨﯿﻢ ﮐﻮ lead ﮐﺮﻧﮯ ﻭﺍﻻ ﮈﺍﮐﭩﺮ ﺩُﻧﯿﺎ ﮐﮯ ﻗﺎﺑﻞ ﺗﺮﯾﻦ ﺳﺮﺟﻨﺰ ﻣﯿﮟ ﺳﮯ ﺍﯾﮏ ﻣﺎﻧﺎ ﺟﺎﺗﺎ ﺗﮭﺎ۔ ﺁﭘﺮﯾﺸﻦ ﺗﮭﯿﭩﺮ ﺳﮯ ﻣﻨﺴﻠﮏ ﺍﯾﮏ ﮔﻼﺱ ﺭﻭﻡ ﻣﯿﮟ ﺳﺮﺟﺮﯼ ﺭﯾﺬﯾﮉﻧﭩﺲ ﺍﺱ ﻭﻗﺖ ﺟﯿﺴﮯ ﺳﺤﺮ ﺯﺩﮦ ﻣﻌﻤﻮﻝ ﮐﯽ ﻃﺮﺡ ﺍﺱ ﮈﺍﮐﭩﺮ ﮐﮯ ﭼﻠﺘﮯ ﮨﻮﺋﮯ ﮨﺎﺗﮭﻮﮞ ﮐﻮ ﺑﮍﯼ ﺍﺳﮑﺮﯾﻦ ﭘﺮ ﺩﯾﮑﮫ ﺭﮨﮯ ﺗﮭﮯ ﺟﻮ ﺍُﺱ ﮐﮭﻠﮯ ﮨﻮﺋﮯ ﺩﻣﺎﻍ ﭘﺮ ﯾﻮﮞ ﮐﺎﻡ ﮐﺮ ﺭﮨﺎ ﺗﮭﺎ ﺟﯿﺴﮯ ﮐﺴﯽ pianist ﮐﯽ ﺍﻧﮕﻠﯿﺎﮞ ﺍﯾﮏ ﭘﯿﺎﻧﻮ ﭘﺮ۔ ﻭﮦ ﺍﭘﻨﯽ ﻣﮩﺎﺭﺕ ﺳﮯ ﺳﺐ ﮐﻮ ﻣﺴﻤﺮﺍﺋﺰﮈ ﮐﺌﮯ ﮨﻮﺋﮯ ﺗﮭﺎ ﺳﻮﺍﺋﮯ ﺍﺱ ﺍﯾﮏ ﺷﺨﺺ ﮐﮯ ﺟﺲ ﮐﯽ ﺯﻧﺪﮔﯽ ﺍﻭﺭ ﻣﻮﺕ ﺍﺱ ﻭﻗﺖ ﺍﺱ ﮐﮯ ﮨﺎﺗﮫ ﻣﯿﮟ ﺗﮭﯽ۔ ﺁﭘﺮﯾﺸﻦ ﮐﮯ ﺩﻭﺭﺍﻥ ﻭﮦ ﻧﯿﻮﺭﻭ ﺳﺮﺟﻦ ﭼﻨﺪ ﻟﻤﺤﻮﮞ ﮐﮯ ﻟﺌﮯ ﺭُﮐﺎ ﺗﮭﺎ۔ ﺍﯾﮏ ﻧﺮﺱ ﻧﮯ ﺑﻨﺎ ﮐﮩﮯ ﺍُﺱ ﮐﮯ ﻣﺎﺗﮭﮯ ﭘﺮ ﺍُﺑﮭﺮﻧﮯ ﻭﺍﻟﮯ ﻗﻄﺮﻭﮞ ﮐﻮ ﺍﯾﮏ ﮐﭙﮍﮮ ﺳﮯ ﺧﺸﮏ ﮐﯿﺎ۔ ﻭﮦ ﺷﺨﺺ ﺍﯾﮏ ﺑﺎﺭ ﭘﮭﺮ ﺍﭘﻨﮯ ﺳﺎﻣﻨﮯ ﺁﭘﺮﯾﺸﻦ ﺗﮭﯿﭩﺮ ﮐﯽ ﭨﯿﺒﻞ ﭘﺮ ﭘﮍﮮ ﮨﻮﺋﮯ ﺍُﺱ ﺩﻣﺎﻍ ﭘﺮ ﺟﮭﮑﺎ ﺟﻮ ﺩُﻧﯿﺎ ﮐﮯ ﺫﮨﯿﻦ ﺗﺮﯾﻦ ﺩﻣﺎﻏﻮﮞ ﻣﯿﮟ ﺳﮯ ﺍﯾﮏ ﺗﮭﺎ ﺍﻭﺭ ﺟﻮ ﺍﯾﮏ ﮔﻮﻟﯽ ﮐﺎ ﻧﺸﺎﻧﮧ ﺑﻨﻨﮯ ﮐﮯ ﺑﻌﺪ ﺍُﺱ ﮐﮯ ﺳﺎﻣﻨﮯ ﺁﯾﺎ ﺗﮭﺎ۔ ﺩُﻧﯿﺎ ﮐﯽ ﺍﮨﻢ ﺗﺮﯾﻦ ﭘﻮﺯﯾﺸﻨﺰ ﭘﺮ ﻓﺎﺋﺰ ﺭﮨﻨﮯ ﻭﺍﻟﮯ ﺍﺱ ﺷﺨﺺ ﮐﮯ ﻟﺌﮯ ﺍﺱ ﺍﯾﻤﺮﺟﯿﻨﺴﯽ ﻣﯿﮟ ﺍُﺳﮯ ﺑﻠﻮﺍﯾﺎ ﮔﯿﺎ ﺗﮭﺎ۔ ﻭﮦ ﺳﺮﺟﻦ ﺍﺏ ﺗﮏ 270 ﺍﮨﻢ ﺍﻭﺭ ﻧﺎﺯﮎ ﺗﺮﯾﻦ ﮐﺎﻣﯿﺎﺏ ﺳﺮﺟﺮﯾﺰ ﮐﺮﻧﮯ ﮐﮯ ﺑﻌﺪ ﺍﺱ ﻭﻗﺖ ﺍﻣﺮﯾﮑﮧ ﮐﯽ ﺗﺎﺭﯾﺦ ﮐﺎ ﮐﻢ ﻋﻤﺮ ﺍﻭﺭ ﺳﺐ ﺳﮯ ﻗﺎﺑﻞ ﺳﺮﺟﻦ ﺗﮭﺎ۔ ﻟﯿﮑﻦ ﺁﺝ ﭘﮩﻠﯽ ﺑﺎﺭ ﺍُﺳﮯ ﻟﮓ ﺭﮨﺎ ﺗﮭﺎ ﮐﮧ ﺍُﺱ ﮐﺎ ﻭﮦ ٪ 100 ﮐﺎﻣﯿﺎﺑﯽ ﮐﺎ ﺭﯾﮑﺎﺭﮈ ﺧﺘﻢ ﮨﻮﻧﮯ ﻭﺍﻻ ﺗﮭﺎ۔ ﻭﮦ ﺍﯾﮏ ﺑﺎﺭ ﭘﮭﺮ ﮔﮩﺮﯼ ﺳﺎﻧﺲ ﻟﮯ ﮐﺮ ﭨﯿﺒﻞ ﺳﮯ ﮨﭩﺎ۔ ﺍُﺳﮯ ﮐﺴﯽ ﭼﯿﺰ ﮐﯽ ﺿﺮﻭﺭﺕ ﭘﮍﯼ ﺗﮭﯽ ﺍﺱ ﺁﭘﺮﯾﺸﻦ ﻣﯿﮟ ﮐﺎﻣﯿﺎﺑﯽ ﮐﮯ ﻟﺌﮯ۔ ﺧﺘﻢ ﺷُﺪ ﺩﻋﺎﺅﮞ ﻣﯿﮟ ﯾﺎﺩ ﺭﮐﮭﻨﺎ۔ بہت سے قارئین کو کو ترپ کا پتہ شاید الجھا دے، آب حیات کی کہانی "تبارک الذی" پہ ختم ہورہی ہے، مگر ترپ کا پتہ وہ چیلنج ہیں جو کبھی ختم نہیں ہونگے، ایک اور دہائی میں چند کردار اور زندگی یونہی چلتی رہے گئ، ہر دہائی میں کچھ لوگ ان چیلنجز پر پورا اتریں گے اور ہر دہائی میں کچھ لوگ آب حیات پی کر لازوال بنتے رہیں گے، عمیرہ احمد