بوست مُجمع إعادة نشر 💡💡 عيان شال ال spleen فجأة بسبب trauma او عيان هيشيله elective الفرق بينهم : أن عيان ال trauma هيبدأ التطعيمات بتاعته اسبوعين بعد العملية أو وقت ال discharge لما يتحسن .. انما عيان ال elective splenectomy هيبدأ تطعيماته اسبوعين ع الأقل قبل العملية ، بشكل أمثل قبل العملية ب ٤ - ٦ اسابيع .. التطعيمات اللي المفروض ياخدها هتكون : PCV 13 : 0.5 ml IM Hib : 0.5 ml IM Menactra: 0.5 IM Meningococcal serogroup B : 0.5 ml IM _________________________ والتطعيمات اللي هياخدها في ال follow up هتكون : *بعد شهرين من ال initial vaccination* PPSV23 ( pneumovax ) 0.5 ml IM Menactra 0.5 ml IM Meningococcal serogroup B 0.5 ml IM , "second dose " اللي المفروض بتتاخد بعد الجرعة الأولى من ال Meningococcal serogroup B بمدة على الأقل شهر من الجرعة الأولى ، احنا هنديها بعد شهرين في ال follow up visit ________________________ نتكلم على ال long term follow up بقى : PPV23 ( pneumovax) 0.5 ml IM بعد ٥ سنين من الجرعة الأولى .. Menactra 0.5 ml IM جرعة منشطة *كل ٥ سنين* مفيش جرعات تاني من Hib محتاجين نديها .. وطبعا لازم ياخد ال influenza vaccine كل سنة _________________________ فيه شوية استثناءات هنتكلم فيها : - التطعيمات دي المفروض تتاخد في ميعادها بفرض أن العيان بقى clinically stable ومش ماشي ع vassppressors ، و لا steroids وحالته استقرت عشان مناعيا يستجيب كويس للتطعيمات . والا هنستنى لحد ما حالته تتحسن تماما و بعدين نبدأ تطعيماته. -العيان اللي في تاريخ تطعيماته السابقة اخد نيموڤاكس قبل كده في السنة اللي فاتت ، لازم نستنى ع الأقل سنة كاملة عشان ياخد جرعة البريڤينار 13 ، و بعدها نفصل ٨ اسابيع ع الأقل من جرعة البريڤينار 13 و بعدين ياخد جرعته التانية من النيموڤاكس . -العيان اللي في تاريخ تطعيماته اخد جرعتين قبل كده من النيموڤاكس في السنة اللي فاتت ، بنستنى سنة كاملة و بعدين ندي جرعة البريڤينار 13 - لو العيان اخد بريڤينار 13 قبل كده ممكن يبدأ اول جرعة نيموڤاكس بعد ٨ اسابيع ع الأقل من اخر جرعة بريڤينار 13. كده قلت كل التفاصيل اللي مطلوبة في السؤال بشكل مبسط.. ---------------------------------- ملحوظة بقى مهمة جدااا لازم تتاخد في الاعتبار في ال initial vaccination لعيانين ال splenectomy عايزة اقول حاجة قريتها عن ال PCV13 و ال Menactra ال CDC كاتبين : إن ال PCV 13 ما يتاخدش مع ال Menactra ، وال Australian immunization handbook كاتبين نفس الكلام ، لأن Coadministration ممكن يقلل ال immune response لبعض ال pneumococcal serotypes ، وال PCV13 المفروض يتاخد الاول و بعدها ب ٤ اسابيع ممكن ندي ال Menactra .. و لو حصل و الأتنين اتاخدوا في نفس الوقت يبقى جرعة ال PCV 13 المفروض تتعاد بعد جرعة ال Menactra ب ٨ اسابيع كده ابقى قلت كل التفاصيل عن الموضوع ده . بمعنى في الحالات ال elective ال ideal نبدأ قبل العملية ب ٤ ل ٦ اسابيع .. يعني ممكن قبل العملية ب ٦ اسابيع نبدأ ندي ال PCV 13 و معاه ال Hib و معاه ال Meningococcal serogroup B بعدها ب ٤ اسابيع ندي ال Menactra وكده يبقى فاصل اسبوعين قبل العملية .. و السلام عليكم و رحمة الله و بركاته Dr Shrouq Sayed ElTanany