*محبوب کی مار کا بھی خوف نہ ہونا* حضرت شبلی علیہ الرحمہ کو دیوانگی کے الزام میں شفا خانہ میں داخل کر دیا گیا۔ کچھ لوگ بغرضِ ملاقات ان کے پاس گئے۔ آپ نے ان سے پوچھا: "تم کون ہو؟" لوگوں نے کہا: `ہم آپ سے محبت کرنے والے ہیں۔` یہ سن کر حضرت شبلی علیہ الرحمہ نے ایک پتھر مارنے کیلئے اٹھایا، تو سب بھاگ کھڑے ہوئے۔ اس وقت آپ نے فرمایا: `اگر تم واقعی مجھ سے سچی محبت کرنے والے ہوتے تو مار کے ڈر سے نہ بھاگتے` کیونکہ محبت کرنے والے اپنے محبوب کی بلا سے بھاگا نہیں کرتے۔" (کشف المحجوب ص 451)