🌍📡 ព័ត៌មានជាតិ និង អន្តរជាតិ សំខាន់ៗ ប្រចាំថ្ងៃទី ២៤ ខែកុម្ភៈ ឆ្នាំ ២០២៥៖ 🇰🇭📈💰 ធនាគារជាតិនៃកម្ពុជាបានរាយការណ៍នៅថ្ងៃទី២៤ ខែកុម្ភៈនេះថា អតិផរណាក្នុងខែមករា ឆ្នាំ២០២៥ បានកើនឡើង៦% បើធៀបនឹងខែមករា ឆ្នាំ២០២៤។ ដើមចមនៃកំណើនអតិផរណាក្នុងខែមករានេះ គឺការឡើងថ្លៃនៃក្រុមម្ហូបអាហារ និងភេសជ្ជៈមិនមែនជាតិស្រវឹង រួមទាំងម្ហូបអាហារលក់នៅតាមភោជនីយដ្ឋាន។ តែអ្នកជំនាញផ្នែកសេដ្ឋកិច្ចយល់ថា កំណើនអតិផរណា ៦% នេះមិនទាន់ជាក្តីកង្វល់ទេ ព្រោះវានឹងអាចថយចុះវិញក្នុងខែកុម្ភៈ។ https://rfi.my/BRKm 🇰🇭😰🍒 ប្រជាកសិករដែលដាំផ្លែតាង៉ែនក្នុងខេត្តឧត្តរមានជ័យបានត្អូញត្អែរពីកង្វះទីផ្សារដើម្បីលក់ផ្លែតាង៉ែនរបស់ពួកគេ។ អ្នកស្រី វណ្ណ គន្ធា កសិករមួយរូបដែលមានចំការផ្លែតាង៉ែនលក្ខណៈគ្រួសារ កំពុងប្រឈមនឹងការបង់សងបំណុលធនាគារប្រមាណជាង ១ម៉ឺនដុល្លារ បន្ទាប់ពីអ្នកស្រីបានខាតបង់ក្នុងរបរមួយនេះ រយៈពេល៣ឆ្នាំជាប់ៗគ្នា។ ដោយអស់សង្ឃឹមនឹងមុខរបរដាំផ្លែតាង៉ែន អ្នកស្រីសម្រេចចិត្តដាក់ស្លាកលក់ដីចំការ ដើម្បីបានប្រាក់យកទៅសងបំណុលធនាគារ។ https://rfi.my/BRH3 🇩🇪🗳️ ដោយ​គ្មាន​ការ​ភ្ញាក់​ផ្អើល គណបក្ស​ស្តាំ​អភិរក្ស​និយមអាល្លឺម៉ង់​ បាន​ឈ្នះ​នាំមុខ​ នៅ​ក្នុង​សម័យ​បោះឆ្នោត​សភា​ថ្ងៃ​ទី​២៣​កុម្ភៈ២០២៥។ ​ប្រធាន​គណបក្សលោក ហ្វ្រីដ្រិក មែក្ស ​បាន​ប្រកាស​ចាប់​​ផ្តើម​កិច្ចចរចា​ដើម្បី​បង្កើត​រដ្ឋាភិបាល​ថ្មី​ ឱ្យ​បាន​ឆាប់​រហ័ស ស្រប​តាម​​បរិបទ​នយោបាយអឺរ៉ុប ដែល​​ត្រូវប្រឈម​នឹង​លោក​ដូណាល់​ត្រាំ​ផង និង​រុស្ស៊ី​ផង។ https://rfi.my/BRLR