🌐​ កំពង់ផែស្វយ័តក្រុងព្រះសីហនុ (PAS) សម្រេចបានជំហានថ្មីមួយទៀត ក្នុងឌីជីថលូបនីយកម្មវិស័យភស្ដុភារកម្មរបស់កម្ពុជា ហើយ ABA មានមោទនភាព ក្នុងការចូលរួមដំណើរវឌ្ឍនភាពដ៏មានសារៈសំខាន់នេះ។ យើងខ្ញុំមានសេចក្ដីរីករាយ ដែលបានសហការជាមួយ PAS ដោយដាក់បញ្ចូលផ្លែតហ្វមទូទាត់ ABA PayWay ទៅក្នុងកម្មវិធី PAS Mobile។ ការភ្ជាប់ប្រព័ន្ធនេះ នឹងអនុញ្ញាតឲ្យម្ចាស់អាជីវកម្ម ឬធុរជន ធ្វើការទូទាត់ប្រាក់បានភ្លាមៗ និងយ៉ាងមានសុវត្ថិភាពជាមួយ ABA PAY។ មិនថាលោកអ្នក ជាក្រុមហ៊ុនដឹកជញ្ជូន, ក្រុមហ៊ុននាំចេញ, នាំចូល, អ្នកផ្ដល់សេវាភស្ដុភារ, ឬអាជីវកម្មនានាដែលពឹងផ្អែកលើចរាចរពាណិជ្ជកម្មតាមផ្លូវទឹក ​ការដាក់ដំណើរការ ABA PayWay នៅក្នុងអេប ឬវិបសាយរបស់លោកអ្នក នឹងសម្រួលដល់ដំណើរការទូទាត់យ៉ាងរលូន, កាត់បន្ថយកិច្ចការលើសន្លឹកក្រដាស និងពង្រឹងរំហូរសាច់ប្រាក់កាន់តែប្រសើរជាមួយនឹងការអាប់ដេតប្រតិបត្តិការភ្លាមៗក្នុងពេលជាក់ស្ដែង។ សូមបន្ដតាមដានវឌ្ឍនភាពថ្មីៗ ដែលកិច្ចសហការមួយនេះ នឹងរួមចំណែកដល់ការពង្រឹងប្រសិទ្ធភាពនៃវិស័យពាណិជ្ជកម្ម និងភស្ដុភារកម្មរបស់កម្ពុជា។