*"ࢪِوايَــ🩵ـات تُـࢪضِــ♡ــيه ﷻ"* *- ڪَي لا يضِيع منَّا رمضَان🫖 -* *|سِـلســلـة: نِهايةُ البِدَايةة🪦|* *`الحَــلَـــــ(2)ـــقـــة`* ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​#قصة_نهاية_البداية_بالعامية_إيمان_شلبي #الدار_الآخرة #المرحلة_الأولى_الموت #الحلقة_الثانية #صعود_روح_المؤمن_وروح_الكافر_للسماء تخيل إنك هتيجي عليك لحظة إما إنك هتحب لقاء الله؛ فربنا هيحب لقائك، أو هتكره لقائه والعياذ بالله؛ فسيكره الله لقائك هو كمان👌 لما ملائكة الرحمة تيجي عشان تقبض روحك ويبشروك بالجنة هتفرح وهتحب لقاء الله، قال رسول الله ﷺ: "الْمُؤْمِن إِذَا حَضَرَهُ الْمَوْتُ بُشِّرَ بِرِضْوَانِ اللَّهِ وَكَرَامَتِهِ فَلَيْسَ شَيْءٌ أَحَبَّ إِلَيْهِ مِمَّا أَمَامَهُ فَأَحَبَّ لِقَاءَ اللَّهِ وَأَحَبَّ اللَّهُ لِقَاءهُ...." 《صحيح البخاري》 فالملائكة هتاخد روحك وتنطلق إلى السماء وتتفتح لها أبواب السماء السبع، وكل ما روحك توصل لسماء هيشيّع روحك المقربون إلى الله في السماء دي للسماء إللي بعدها، وكل ما روحك تعدي على مجموعة من الملائكة؛ يقولوا إيه الروح الطيبة دي؟ فتقول الملائكة إللي معاها روحك: دي روح فلان بن فلان، ويسموك بأحسن اسم كنت بتتسمى بيه في الدنيا. ☆انت لو ماشي في الدنيا وحاطط عطر ريحته جميلة جدا وطول ما انت ماشي الناس عمالة تكلمك وتقولك الله ريحتك حلوة أوي؛ إحساسك هيبقى عامل إزاي؟ أهه وانت طالع السماء؛ الملائكة بتمدح في ريحة روحك الطيبة دي👌 قال رسول الله ﷺ: "فيَصْعَدُونَ بِها فلا يمُرُّونَ بها على مَلَكٍ من الملائِكَةِ، إلَّا قالُوا: ما هذا الرُّوحُ الطَّيِّبُ؟ فيقولُونَ : فُلَانُ بنُ فُلَانٍ بأَحْسَنِ أسمائِه التي كانُوا يُسَمُّونَه بها في الدُّنْيَا....." 《صحيح الجامع》 ويقول أهل السماء: روح طيبة جاءت من ناحية الأرض، صلى الله عليكِ وعلى جسد كنت تَعمُرينه، 《صحيح مسلم》 تخيل إن أهل السماء بيدعو لروحك بالرحمة👌 وتفضل روحك تصعد من سماء لسماء لحد ما تصل إلى السماء السابعة وتصل عند العرش، وهنا يقول الله عز وجل: "اكْتُبُوا كِتابَ عبدِي في علِّيِّينَ ، وأَعِيدُوا عَبدِي إلى الأرضِ، فإِنِّي مِنها خَلَقتُهم ، وفِيها أُعِيدُهُم ، ومِنها أُخْرِجُهم تارةً أُخْرَى" 《صحيح الجامع》 علِّيِّينَ! "وَمَا أَدْرَاكَ مَا عِلِّيُّونَ ۩ كِتَابٌ مَّرْقُومٌ ۩ يَشْهَدُهُ الْمُقَرَّبُونَ" 《سورة المطففين: (19⬅️21)》 يعني ربنا بيقول للملائكة إنها تسجل صحيفتك في الدرجات العالية من الجنة، ويبقى اسمك من ضمن الأبرار، ومهما اتوصف لك المنازل العالية من الجنة دي؛ عقلك مش هيُدرك ولا هيستوعب ولا هيتصور قمة الجمال والنعيم إللي هيكون فيه هؤلاء الأبرار، ويكفيك فخرا واعتزاز إن الملائكة المقربون إلى الله عز وجل يشهدوا على أعمالك الصالحة الموجودة في صحيفتك👌 وركزوا كده معايا في النقطة دي: ربنا لما أخبر الملائكة إنه هيجعل في الأرض خليفة؛ قالوا إن البشر دول هياكلوا حقوق بعض ويقتلوا بعض، فهنا بقى لما الأبرار دول حافظوا على حقوق الناس وكانوا بيتعاملوا بفضل وبيعطوا للناس حقوقهم؛ ربنا هيباهي بهم الملائكة ويقول لهم انظروا إلى هؤلاء الذين قلتم عنهم كذا وكذا، فتخيل نفسك وربنا بيباهي بيك الملائكة وبإنك صبرت على الطاعة ولم تضيّع حقوق الناس👌 بعد ما تستقبل البشارة بالدرجات العالية من الجنة ربنا يأمر الملائكة إنها ترجّع روحك لجسدك عشان لسه عندك اختبار وبعد ما تنجح في الاختبار؛ روحك هتستنى في المَكانِ إللي اتجهز لها تنتظر فيه حتى قيام الساعة، وقبل ما نعرف إيه هو الاختبار وإزاي هتنجح فيه؛ خلينا نشوف حالتك كانت هتكون إيه لو كنت من عباد الله الكفار أو الفجار أو من إللي غلبت سيئاته حسناته وكانت أكثر منها والعياذ بالله 😞 لو كنت من عباد الله الكفار والعياذ بالله وجاءتك ملائكة العذاب وبشروك بالنار؛ فساعتها هتكره لقاء الله فهيكره ربنا لقائك، "وَإِنَّ الْكَافِرَ إِذَا حُضِرَ بُشِّرَ بِعَذَابِ اللَّهِ وَعُقُوبَتِهِ فَلَيْسَ شَيْءٌ أَكْرَهَ إِلَيْهِ مِمَّا أَمَامَهُ كَرِهَ لِقَاءَ اللَّهِ وَكَرِهَ اللَّهُ لِقَاءهُ" 《صحيح البخاري》 وملائكة العذاب هتاخد روحك وتصعد بها إلى السماء الدنيا وطول ما انت صاعد للسماء؛ كل ما تعدى على ملك من الملائكة هيقول إيه الروح الخبيثة دي؟ فتقول ملائكة العذاب إللي طالعة معاك للسماء: دي روح فلان بن فلان، ويذكروا أسوأ اسم كنت بتتسمى بيه في الدنيا، قال رسول الله ﷺ: "فيصْعَدُونَ بِها، فلا يَمُرُّونَ بها على مَلَكٍ من الملائِكَةِ إلَّا قَالُوا: ما هذا الرُّوحُ الْخَبِيثُ؟ فيَقُولُونَ: فُلَانُ بنُ فُلَانٍ بأَقْبَحِ أسْمَائِهِ التي كان يُسَمَّى بِهَا في الدُّنْيَا..." وأهل السماء يقولوا: "رُوحٌ خبيثةٌ جاءتْ مِن قِبَلِ الأرضِ" ☆تخيل لو انت ماشي في الشارع واتزحلقت ووقعت في الأرض وكان في الأرض ماء مجاري وغرقت هدومك، وطول مانت ماشي؛ الناس عمالة تبص عليك وكل واحد بيغطي أنفه من ريحتك السيئة، شوف كمية الإحراج إللي هتكون فيها وهيبقى نفسك توصل البيت بأسرع وقت إزاي عشان تغير هدومك وتغتسل؟! أهه ده نفس موقفك ساعتها مع الملائكة، لكن المشكلة إنه هيبقى أشد وأقوى، ومفيش أي مجال إنك تغير ملابسك ولا تغتسل😞 رسول الله ﷺ وهو بيحكي للصحابة عن نتن روح الكافر غطى أنفه بقماشة؛ لأن الله عز وجل كشف له من نتن ريح روح الكافر فمستحملش الرائحة. أول ما توصل للسماء الدنيا؛ الملائكة إللي معاك هتطلب من حراس السماء الدنيا فتح أبواب السماء عشان يمروا للسماوات إللي بعد كده؛ فلا تُفتح لك أبواب السماء الدنيا👌 شوف ربنا بيقول عنك إيه في القرآن: "إِنَّ الَّذِينَ كَذَّبُوا بِآيَاتِنَا وَاسْتَكْبَرُوا عَنْهَا لَا تُفَتَّحُ لَهُمْ أَبْوَابُ السَّمَاءِ" 《سورة الأعراف آية (40)》 أيوة انت كذّبت بأحاديث رسول الله ﷺ لما جاءتك واستكبرت إنك تتبع أوامر الله، واستكبرت ورفضت النصيحة واتبعت هواك، وربنا كان بيرسل لك تذكير بمرض أو موت قريب أو بعيد أو بلاء وانت ولا انت هنا! فزي ما رفضت تدخل المسجد عشان تصلي، وزي ما رفضتي أوامر ربنا بلبس الحجاب الشرعي وقلتي أنا حرة ؛ واستكبرتم عن الخضوع لأوامر الله؛ أهه ربنا بيعاملكم بنفس المعاملة وقفل أبواب السماء في وشكم بعد ما تموتوا! عايشين حياتكم بالطول والعرض ومش فارق معاكم حاجة، وعايزين بعد ده كله تتساووا مع الأبرار؟! إزاي يعني؟ ربنا من أسمائه العدل يا جماعة ما لكم كيف تحكمون؟!! هو الأعمى زي البصير؟! هو الظلام زي النور؟! هو إللي بيعمل السيئات وخاربها زي إللي بيبعد عنها وبيراقب ربنا في كل خطوة وكل حركة وكل سكوت؟! أفنجعل المتقين كالفجار؟! أفنجعل المسلمين كالمجرمين؟! هل المسلم المستسلم لأوامر الله؛ يتبع ما أمر ويبعد عن إللى نهى عنه زي المجرم إللي مش بيقف عند حدود ما حرم الله؟! "أَمْ نَجْعَلُ الَّذِينَ آمَنُوا وَعَمِلُوا الصَّالِحَاتِ كَالْمُفْسِدِينَ فِي الْأَرْضِ أَمْ نَجْعَلُ الْمُتَّقِينَ كَالْفُجَّارِ" ؟! لازم وقفة مع النفس قبل فوات الأوان👌 ثم انت مفكر إن الموضوع وقف بس على إن أبواب السماء اتقفلت في وشك؟! لأ، ده التقيل لسه جاي ورا😑 ربنا في اللحظة دي هيقول للملائكة: "اكْتُبُوا كِتَابَه في سِجِّينٍ في الْأَرْضِ السُّفْلَى" سجين ده سجن ضيق في أسفل سافلين في جهنم، يعني اسمك والعياذ بالله اتحط في كتاب الفجار إللي هيتعذبوا في السجن إللي مليان بالعذاب الأليم ده، وهو موجود تحت الأرض السابعة، وبعد ما ربنا يقول كده للملائكة؛ تُطْرح روحك طَرحًا لحد ما تعاد في جسدك، يعني روحك مش هتنزل نزول عادي من السماء، لأ، دي هتترمى رمي كده من السماء زي ما بتمسك حاجة ترزعها في الأرض، فتهوي روحك من السماء لحد ما تنزل لجسدك وتستقر في جسدك عشان تؤدي هي كمان الاختبار بتاعها👌 قال رسول الله ﷺ: "حتى يَنْتَهِيَ بِهَا إلى سمَاءِ الدُّنْيَا فَيُسْتَفْتَحُ لهُ، فلا يُفْتَحُ لهُ، ثُمَّ قَرَأَ لَا تُفَتَّحُ لَهُمْ أبْوَابُ السَّمَاءِ قال : فَيَقُولُ اللَّهُ عَزَّ وجَلَّ: اكْتُبُوا كِتَابَه في سِجِّينٍ في الْأَرْضِ السُّفْلَى، قال : فَتُطْرَحُ رُوحُهُ طَرْحً" الروح الكافرة الخبيثة إللي ريحتها أَنتَن ريحة جيفة وُجدت على الأرض وأخذتها ملائكة العذاب وكفنتها في كفن من نار؛ لن تتساوى أبدا أبدا مع الروح المؤمنة إللي الملائكة بشرتها بالجنة وكفنتها وطيبتها بكفن وطِيب من الجنة واتفتحت لها أبواب السماء وباهى الله بها الملائكة، فكل واحد يختار لنفسه عايز يكون في أنهي فريق، كل واحد يضع نفسه مكان الحالتين ويعيش الموقف ويقرر 👌 لسه في فرصة للتوبة والالتزام بأوامر الله؛ فلازم نستغلها قبل ما ييجي ملك الموت وساعتها نندم ونقول: "رَبِّ ارْجِعُونِ لَعَلِّي أَعْمَلُ صَالِحًا فِيمَا تَرَكْتُ" ولن نرجع😞 احنا هنعيش مرة واحدة بس وبعدها إما روح طيبة وإما روح خبيثة؛ مفيش اختيار ثالث👌 هنا هتبدأ مرحلة ورحلة جديدة للروح، وهتتعرض لأعظم فتنة، زي بالضبط فتنة الدجال إللي حذر منها رسول الله ﷺ. إيه هي الفتنة؟ ويا ترى روحك لو كانت مؤمنة هتتعامل مع الفتنة دي إزاي؟ ولو كانت كافرة والعياذ بالله هتتعامل معاها إزاي؟ ده إللي هنعرفه في الحلقة إللي بعد حلقات الأسئلة إن شاء الله 👌 =========================== ☆ملحوظة: الحلقة الجاية وإللي بعدها عبارة عن رد عن معظم الأسئلة إللي بتيجي في دماغنا عن الجسد والروح وملك الموت، الأسئلة مهمة وهتستفيدوا إن شاء الله، خليكم متابعين 👌 ♡طبعا أي ملاحظة ياريت تقوليلي فالمؤمن مرآة أخيه❤ #eman_shalapy ✪𔘓𓊔˖ִ𔘓˖ִ𓊔˖✪𔘓𓊔˖ִ𔘓𓊔˖ִ✪𓊔˖ִ𔘓𓊔𔘓✪ *تابِــع لِـقَـنَاة🩵🖇️* *"ࢪِوايَــ🩵ـات تُـࢪضِــ♡ــيه ﷻ"* *(""الأصلية "")* https://whatsapp.com/channel/0029VaaJm3t2phHJHZwDzm3J *ڪـل مَـا هو جميــل هُـنا 🩵🖇️* ✪˖ִ𔘓𓊔˖ִ𔘓˖ִ𓊔˖ִ✪𔘓𓊔˖ִ𔘓𓊔˖ִ✪𓊔˖ִ𔘓𓊔𔘓✪