بوست للعناية الشخصية عليكم الله وعليكم الله حبو نفسكم وارحموها وابسطوها ماتقصري في حق نفسك ابدا مهما كان ... اتظبطي واتجيهي عشان نفسك قبل الناس ﻻنك حتشعري بي رضا تام وراحة ومن ثم بعد ذلك برتاحو ليك الناس ﻻنك نضيفة ومجيهة واخيرا بديك فارس احﻻمك الفي قسمتك ...ما تنسي مرات بكون هو ماشافك لكن شافتك واحدة وعجبتيها لشنو ؟ لانك ماشاء الله مافيك وﻻ كلمة . الجيهة والنضافة والمسيح ماكل الناس بقدرو عليهو ماعشان الفلس لكن المواظبة صععبة ما كل الناس بقدرو عليها انتي وقدرتك عندك قروش اشتري واتمسحي واتجيهي والبسي ماعندك قدر العندك اعملي عروكات في البيت استخدمي الحاجات المتوفرة في البيت جففي قشور الفواكة واسحنيها واعملي منها عروكة ... عروكة البن والدقيق ﻻنها ارخص من عروكة الجزر والبطاطس اتمسحي زيت الزيتون بالليل ...بالليل بس وغسليهو الصباح بي  صابونة وشك العادية ... جسمك غسليهو بي صابونة جزر او اي صابونة تفتيح بتظبطك بي مرور الوقت .. وشك ..جيبي رز بسييبط وختيهو في النار لما ينجض شيلي حبة واهرسيهو واعملي ماسك في وشك وطلعيهو براااحة من غير دعك شديد بديك نضارة ...الخميرة والليمون اخلطيهم واعمليهم ماسك في وشك ..بتظبطك البيض بالبن لي وشك ماسك ..... شعرك كل جمعة لمدة تﻻت جمع اعملي ليهو خلطة بيضو وزبادي ومعلقة زيت زيتون( ناس الشيب ) اعملو ملعقة صغيرة حناء ماتكتروها بتنشف الشعر ........ لما تغسلي شعرك اقلبي راسك لي تحت وادعكي الفروة بي حركة بسيطة بطول الشعر . التسريح برضو اقلبي راسك لي تحت ودنقري مسافة الحركة دي بي مرور الوقت بتطول شعرك ... الناس القاعدة في البيت عليكم الله براكم  غيرو جوكم كل يوم استحمي وغيري وسرحي شعرك ...واتريحي والله الريحة بترد الروح  ان شاء الله تركيبة ماعندك ان شاء الله بدرة جونسون حتحسي بي راحة ...وعليكم الله الفساتين المكرفسة اكويها والشعر اهم شي مايكون منكوش تمام ....انا عاااارفة في زهجة كدة الواحدة مابتسرح تقول ليك زهجانة وﻻ تلبس فستان قديييم تكون مزاجها معكر ..عليك الله زبظطيهو براااك .. بعد داك اعملي الشئ البتحبيهو تقري كتاب رواية ..احضري البرنامج البتحبيهو ..استمعي لي قرآن موسيقي .اي شئ انتي والحاجة البتحبيها .... نجي للاكل والشراب ممكن تشربي عصير ليمون تمام او كاكاو اواشتري ليك شكوﻻتة بي اي مبلغ او اي بسكويت فيهو شوكوﻻتة لانها بااجد بتعدل المزاج ..اشربي قهوة ....ناس الوزن الزائد اشربي شاي اخضر .... الناس العندهم مشاكل وماعايزين يحكوها لي زول وﻻ حتي لي اقرب الاقربين او الصحبات ...جيبي ورقة وقلم اكتبي المشكلة في ورقة وحاولي فضفضي في الورقة دي وقولي كل العندك وبعد تخلصي احرقيها ...دة في الطب النفسي عشان تتخلصي من الضغط النفسي الشديد . عندكم مناسبة في الجيران سماية عرس اي شئ امشي جاملي واحضري ماتتحججي وتقولي ماعندي لبسة وهدومي ما مكوية وماعندي مزاج اطلعي من البيت البيت اطلعي منو كل حركة معاها بركة ...... ماف اي مناسبة اطلعي انتي وصحبتك امشو اكلو اسكربم ماعندك صحبة امشي براك ...ناس الوزن الزايد اتمشو قدر ماتقدرو انا ماف شئ خسسني غير المشي وبسرعة شوية ماخطوة خطوة تمام ..المهم تطلعي تغيري جو .. امشي جنب البحر اقعدي سااااي اتفرجي عليهو برضو والله راحة نفسية مبااااااااااااااااااالغة طبعا النظر للبحر في علم النفس والتأمل فيهو لمدة ربع ساعة بعادل الجلوس مع طبيب نفسي لمدة ساعة طيب اسهل لينا البحر بدل نقعد لما يسوقونا للدكتور النفسي بعد الشر علي وعليكم .....دي كلها معلومات صحيحة مية في المية ومجرب . نجي للحاجات المفروض تكون جاهزة لو باغتك عريس فجأة وفي نفس الوقت  بتحتاج لي زمن عطري خشمك اكلي هبهانة وخليها مسافة وبعداك طلعيها او قرنفلة برضو بتخلي ريحة خشمك حلوة او لبان مستكة دة للناس المابحبو النعناع وللبحبوهو لبان No1حلو اسنانك فيها اصفرار جيبي ملح وختيهو في الفرشة وادعكي اسنانك تمام . في ناس بقولو الفحم تسحنيهو ناعم وتختيهو في الفرشة وتتسوكيي بيهو لكن انا ما وقع لي . التهاب اللثة بغير ريحة الخشم اعملي مضمضة بي موية فيها تومة واحدة مهروسة ....حار لكن بعالج التهاب اللثة اتسوكي صباح ومساء بتحافظي علي اسنانك اكتر . رموشك جيبي  زيت خروع من العطارة بي عشرين جنيه واعملي منو في رموشك كل يوم بالليل عشان تطول وممكن في الحواجب للناس الحواجبها خفيفة فراغات الشعر جيبي الزباد الجامد في واحدة كانت كاتبة الطريقة الصحيحة لاستخدامو انو تغسلي الفراغ وتمسحي كمية بسيطة منو يوميا لمدة شهر وبتﻻحظي الفرق برضوو ممكن تجيبي تومة وتهرسيها وتدعكي بيها بتمﻻ الفراغ لكن الشعر البقوم بكون خشن . دي حاجات بسيطة ممكن تعمليها في البيت بتساعدك عشان لما ماتكوني جاهزة ويجي عريس فجأة بتتعبي وبتعبو صحباتك واهلك وانتي اكتر زول ممكن تتعبي من كترة ما حيشتغلو ليك فشنو خليك جااااهزة ...