صوبائی اسمبلی خیبر پختونخوا کی قائمہ کمیٹی برائے قواعد و ضوابط، طریقہ کار، استحقاقات اور سرکاری یقین دہانیوں پر عمل درآمد کا اجلاس آج کمیٹی کی چئیرپرسن و ڈپٹی سپیکر، ثریا بی بی کی زیر صدارت اسمبلی سیکریٹریٹ کے کانفرنس روم میں منعقد ہوا۔ اجلاس میں ممبرانِ صوبائی اسمبلی و کمیٹی مشتاق احمد غنی، تاج محمد ترند،ملک عدیل منیر حسین لغمانی، عبدالسلام آفریدی، میاں عمر کاکا خیل اور محکمہ قانون کے حکام شریک ہوئے، جبکہ سابقہ سپیشل سیکریٹری و چیئرمین ٹیکنیکل کمیٹی صوبائی اسمبلی، امجد علی خان نے خصوصی طور پر شرکت کی۔ اجلاس میں گزشتہ نشستوں میں زیر غور آنے والی بحث کو جاری رکھتے ہوئے، صوبائی اسمبلی خیبر پختونخوا کے قواعد و ضوابط میں تجویز کردہ ترامیم پر تفصیلی گفتگو کی گئی۔ علاوہ ازیں، اجلاس میں سپیکر اور ڈپٹی سپیکر کی نامزدگی، انتخاب، اختیارات اور عدم موجودگی کی صورت میں کارروائی کے طریقہ کار سے متعلقہ ترامیم پر غور کیا گیا۔اجلاس میں وزیر اعلیٰ کے خلاف عدم اعتماد کی تحریک کے طریقہ کار اور اس کی ترتیب میں مجوزہ ترامیم پر بحث و مباحثہ کیا گیا اجلاس کے دوران مسودہ کے اضافی چیپٹر قائد حزب اختلاف کے تقرری، برطرفی اور استع