💀🎓💀🎓💀🎓💀🎓💀🎓💀🎓💀🎓💀🎓💀🎓💀🎓💀🎓💀🎓 ⚰️🩸 *HEADMASTER'S GHOST* ⚰️🩸 STORY WRITTEN BY:: ✍🏾✍🏾AUTHORESS XAMMY❣️❣️ Follow whatsapp channel👉🏾https://whatsapp.com/channel/0029VadsJv4AInPsIzpYHV1T *⚠️DO NOT COPY ,STEAL OR EDIT* ❌❌ Chapter 1️⃣ Ndakazvipinga ndokudonhera muvhu ,karokwe kese mudenga bvuu ,kabhurugwa kakabooka shure yese kachienda pamhene.lmika amuna chamakaona ndakakungura kuti dai hapo pasi pandimedza .Apo ndaive ndakakamedza pakati kanamirira netumadhoti twandainge ndamboita kuseni ndichiuya kuchikoro mubani .Ko ,mhoti zuro ndakadya mutakura wekwa Gogo Chenjerai kuita sekunge munhu anopenga .Ndakaramba ndakarara pasi ipapo dziri nyadzi dzekusimuka nekuti kudonha kwandakaita taitobva paAssembly munongoziva kuti vana vechikoro vanenge vakaita gurusvusvu kunge ndebvu. Ndakamboda kuchema asi ndakazogaya kuti nezera rangu iri munhu weForm 3 zvingaitewo here nhai veduwe kuonekwa ndichizvambatata munhu ane tuzamu twuchangotanga kubumbira kunge budzi.Ndichiri muvhu kudaro ndakanzwa izwi rechimwe chikomana chezimusoro rihombe chemu class mangu ndakanzwa chosheedzera zviye zvekuda kushamisira pavanhu ndinzwe chave kuti... Bhigi" imi chivharangozi here ichi kana kuti idhende? Vanhu vose vaivepo vainge vaungana vakabva vati bvuu kuseka .Vamwewo ndivo vasina kuda kuita hanya nazvo vaingodarikira vachienda zvavo . Polite"apo kakanunira tsvina hona hona (achinongedzera) Masciline"haagezi Danai ungati akatemerwa nyora dzemvura Paida"imi vacho munogeza makazowanei???? Akadaro sahwira wangu Paida achisvika pandiri ndokubva andibatsira kusimuka. Ndakazunza huruva ndakangotsikitsira musoro wangu pasi ndaitonyara kana nekusimudza musoro wangu ,musatambe nekusekwa pachikoro .Masciline akaswedera mudhuze achitsenga bubblegum kuita serichabuda masvisvinwa ndinzwe oti dai aive akanaka zviri nani manje naiyo body structure yake inenge guri reduru rechibage .Zvese izvi ahatombozvione anotoona kunge ndiye akasenge african beauty pachikoro chese ,iye akamuudza kuti une meso akamunyepera.. Masciline"wati kudii Paida dzokorora zvawataura tinzwe Paida"asi nzeve adzichanzwa howooo majaira kunzwa radio dzemubhawa kaa Masciline"fesi hauna ,zamu hauna ,shengenene yacho futi hauna ummmm chidzidzirawo kugeza .Uuuye kuma lesson ndikupe maNotes Paida"maitabasa neadhivhaisi vaMasirini asika musati mapa vamwe maNotes madiiwo matanga mambogadzirisa zveka skirt kako kari pabelt section .Hauone kuti chipfambi chakazara mumusoro mako here .Iwaya mazimukeya bhoizi ndoauri kuda kuti akuone here heee ???? Ummmmm bva ,saka shemu on you mudikani une zvinokunetsa Masciline "andisi kutaura newe ndiri kutaura naDanai Paida" ndabva ndakudairira nekuti ndini sahwira wake Masciline "nxaaaaaaa Akabva apira gotsi achienda achibatana nezvikomana zviye vakananga kuma classes. Danai" waitabasa Paida Paida"aiwa zvanyanya Danai stand up for yourself unosvikepi uchiitwa kanyama kanyama nembwa idzodzi Danai"zvekutaurisa andigone Paida Paida "aah ahhh aisi nyaya yekutaurisa asi inyaya yekugona kuzvimirira .Vanhu vanotora advantage yekunyarara kwako ,chii chinosekesa pakudonha kwemunhu .Stand up ,chin up uzvimirire wega Danai" ehoi ehoi ndazvinzwa Takabva tatanga kufamba takananga kuclassroom .Nasahwira wangu Paida taigara hedu kumashure-shure iye pamberi ini kumashure. Order yemu class ndoiya yekuti umwe neumwe anenge ane chair neDesk rake .Ndakadzurutsa bagpack rangu kubva kumusana ndokubuditsa mabooks angu ndikatsveta paTable .Hapana kutora nguva ,mudzidzisi Madam Ngoni vakabva vapinda.Avawo ava vanongotipfekera tutirauzi twusingambovafite kana kamwe chete zvako .Apo diro yavanoita tuma body top ayasi dai vaive netumazamu twacho zviri nani .Runyerekupe rwakambofamba kuti vanopfekera tuma sokisi mubra kuri kuda kukudza mazamu ameno kuti ichokwadi here .Chingoti iSingle mother dai vaive nemurume pamwe ingadai takanzwa chokwadi chizere manje zvevanhu zvekungofungira izvi zvoti netsei ... Mrs Ngoni"good morning class Class"good morning Ma'am Mrs Ngoni"lam fine thanks.Freddy dzima board Akabva asimuka mukomana wekureba manhini uyu ,kuda tsoka yake anenge anopfeka size ten chete uyu nekuti ummm rebero yayakaita school shoe yake kaa aiwa azvina kumira mushe .Apo ane musana wakaita kakukombama umgati ibudzi risina kusvika. Mrs Ngoni"heeey Danai zvandiri kutaura ausi kuzvinzwa here??? Ndakaita kuvhunduka kubva kutsi kwendangariro nhaimu ko ,zvandanga ndatovarairwa nekutarisa uyo mukomana murefu -refu .Ndakabva ndasimuka pachigaro changi chimbi chimbi... Danai"matii Ma'am Mrs Ngoni"pfungwa dziri kupiko ? Masciline"dziri kundari Ma'am Aifunga kuti zvaataura pane achaseka manje pakashaiwa kana umwe chete zvake ,nechemumoyo ndakangoti Mwari makanaka.. Mrs Ngoni"Masciline nyarara Masciline"sorry Ma'am Mrs Ngoni vakabva vadzosa maziso avo pandiri ... Mrs Ngoni"ndati wakanoita speech yangu yandakakuudza here?? Danai"hongu ndakaita Mrs Ngoni"okay gara hako pasi wozotaura .Masciline simuka uverenga tinzwe yako.... Ndakadzokera hangu kugara pasi ndokubva Masciline uyu aive akaita makwikwi kuda kupindawo pakuzonoita speech musi weburial service yaHeadmaster .Akasimuka achiita kuzvinzwa ungati ari kudonha mafufu eshuga .Akagadzirida pahuro pake kuda paikarakata here ameno .Mumaoko akange akabata book repaakanyora ,tinzwe... Masciline"Mhuri yaVaMabhiza Vatendi vemagumbo, Tinotenda kubvisa kubabaya kwenyu kwa kufarisa kwemudzidzi wenyu, ambayo akafa muna vhiki radarika .VaMabhiza akanga ari muridzi wechikoro ehe chinochi chiPfumandiwe Secondary school , akanga ari mudyirii wechikoro ichi. Akanga ari mwana wekereke, uyezve mwana wekunyarara.Tinotenda kubvisa kubabaya kwenyu, na kubvisa kubabaya kwemhuri yose ya .Mwari ave kutenda naingozi yake.Kwa ivai, Mhuri yelwimi,Tinotenda kuchema kwemhuri yelwimi. Mwari ave kutenda wose aiva mwana wevhu, mwanasikana wevhu.Akazvarwa dheti racho ameno kuti rinhi akaroora mukadzi wake kuwedzera vakazvara vana number six vakomana nevadzimai.Mudzidzi wenyu aiva muri wenyu, muri wekugamuchira, muri wenyu.Ndatenda Mrs Ngoni"nhaimi pane chamanzwa Class yese pakashaya kana akakwanisa kudaira vanhu vachiita kuchema nekuchema nekuseka .Vamwe vaive vatodonha pama chair vachiita kumara pasi nekuseka .Masciline akagumbuka akadzokera kugara pachair afundumwara iwo maziromo anenge shure yekahova .Seni hangu mabvu dzangu dzainge dzorwadza veduwe nekuseka .Zvii izvozvo zvatainge tanyorerwa naMasciline haiwa humwe hudofo hunotoda kubikirwa doro rezviyo chairo .Masciline aive agumbuka zvino nekusekwa neclass yose aive angogara akafundumwara anga anyadzisawo sure nezera rake nestep yaafamba achinopa speech taitoti pachabuda zvisvinu... Mrs Ngoni "everyone quiet please ,Danai simuka uuye kumberi upe speech zvauriwe uite mashura akagochwa abva kuitwa naMasciline kana mwana wegrade one chaiye haasvike apa vamwe vabereki varikurasa mari sure Ndakanosimuka ndokufamba hangu ndakadzikama ndichinomira pamberi ndokuvhura bhuku rangu paPage ranga ndakanyorera speech yangu Danai"Pamusoroi vabereki,vadzidzisi ,vana vechikoro nemi mose matikuta muzuva ranhasi apo tichichema mukuru wedu wechikoro Headmaster VaMabhiza.Chekutanga ndinoda kungokutenda mushakabvu wedu avete mukamuri yake ega ndichiti ,tinonzwa kufara isu sevana vechikoro nerudo rwenyu rwamaitipa .VaMabhiza vakatidzidzisa chinonzi rudo ,shungu ,hunhu ,huchenjeri neutsanana . Zvaiitwa nemushakabvu ndovimbawo kuti kune vachazosara vachitora chimuti pachikoro chedu achanoitawo zvimwero sezvaiitwa naVaMabhiza .Ndochitaramukawo kune idzo hama dzandaona kuti dzabva kuchando ,rega ndinomboedzawo kusvisvina chirungu chacho ko,ndoda kuratidzawo kuti aiwa VaMabhiza paEducation vaive chahwiriri kani .Ladies and gentlemen, esteemed guests, Mr Mabhiza death leaves a gaping hole in our hearts, we take comfort in the memories and lessons he left behind.As students ,we embodied the values of compassion, integrity, and excellence. He inspired us to strive for greatness, to push beyond our limits, and to never give up on our dreams. His door was always open, and his guidance was always available to those who sought it.Under his leadership, our school flourished. He championed innovation, creativity, and critical thinking. He encouraged us to ask questions, to seek answers, and to explore the world around us. He believed in the potential of every student, and he worked tirelessly to help us realize that potential.But Headmaster Mabhiza was more than just a leader; he was a mentor, a friend, and a pillar of our community. He had a way of making each of us feel seen, heard, and valued. He celebrated our successes and supported us through our struggles.As we say goodbye to this remarkable individual, we remember his wisdom, his kindness, and his generosity. We honor his legacy by continuing to strive for excellence, by supporting one another, and by making a positive impact in our world.Rest in peace, dear Headmaster Mabhiza. Your memory will live on in our hearts, and your legacy will continue to inspire us for generations to come.Thank you. Pandakapedza kupa speech yangu munhu wese akaombera vamwe vamwe vaive votochema kutoita setatove pamariro pacho izvo isu taingove muClass Mrs Ngoni' wow nice speech Danai ,enda hako unogara pasi ndiwe uchanopa speech musi we burial Danai"maitabasa Ma'am Mrs Ngoni"wabaya dede nemukanwa chaimo ,chirungu ichi ungati muvheti chaiye Ndakaseka hangu ndichidzokera kunogara pasi .Sahwira wangu Paida akanditswinyira kaziso achizevezera pasi... Paida"well done Danai"waitabasa Vakazodzidzisa havo vakabuda ,mamwe malessons atikaita zvekare kusvikira nguva dzekuchayisa dzakwana. Ko ,totanga na7 dzekuseni dzozopedza na4 zuva parinenge rakanyura muna Mai varo .Vanhu takabuda muClass tonanga kudzimba asi ndakambodarikira neku toilet ndaida kumbozvibetsere.... Danai"ndibatirewo bhegi rangu Paida"chii futi?? Danai"ahhh mudumbu macho muri kuita kunge mune ngozi Paida"nanhasi here? Danai"pakaipa iwe bhekinafaso yese iyi yave kuita kupisa zvekuti kana kudziisa sadza rogona kutodziya Paida akaita kuseka chaiko ndichimutambidza bhegi ndokumhanyira muchimbuzi ndakananga kunogara pachemba chaipo zvekumbotarisa kuti paive netsvina here yaitove too late chaiyo .Ndakaita kudurura chaiko imika ndototenda kuti chemba aina kutsemuka veUNICEF vakagona vakaunza aya ekugarira ko,dai aive achiri aye etuma komba imika anditi ingadai ndakazvitapurira sh*re yese iyi .Ndakachizotura befu zvose zvapera kubuda ndave kuchizvipukuta manje neNewspaper ko ,matishu anobvepi imi kuma girosa vanodhurisa kunge ameno ameno . Voice"ehe.....haa......tobva tatongozvipedza.....ehe.....kkkk...aaah mufunge tanga tamboedza kani asika shiri inozongofa ..kkk aiwa mufaro wega wega tave kutongoita take over finally ,ko tombonzaniko isu kkkk.... Rakadaro izwi remunhukadzi aive muNext toilet achinzwika kuti aive paPhone call asi background caller aisanzwika .Voice ndakatadza kuziva hangu kuti nderani asi ndega ndakatongoziva kuti ndere mudzidzisi.Zvenyaya dzevanhu andinei nazvo hangu ,ndakabva ndasimuka ndoku flasher nekubuda hangu pasina akandiona ndichibuda ... Danai"wuuuuw ndapona Paida"kkkk zvaDanai sooo uchinyanyawo makaro Akadaro achinditambidza bhegi rangu ndokupfurira mberi netsoka dzedu takananga kumba .Nzira yekuti tisvike kumba it was about 2 km kuti tisvike kwatogara ,ko munongoziva wani kuti zvikoro zvekumusha zvizhinji zvacho zviri kachana nedzimba.Zvisinei takafamba dzamara hedu tasvika .Paida ndiye aitanga asvika pavo ,ini ndaizongojamba dzimba mbiri ndenge ndatosvika pedu.Karunyararo kaivepo pachivanze paitoita sepasina vanhu asi ndakazonzwa mazwi evanhu vaitaura kubva kukicheni ... Ndaida kutongosvika ndakananga ko ,anditi pamusha pedu asi andina kuita sekudaro ndakamira ndokubva ndanozendama nemadziro ndichiita kakudongorera ndokuona vari baba vangu naMai Takue imwe mother nyowani yakatanga kugara munharaunda musi uno .Ndaimbenge ndanzwa karunyerekupe kuti baba vangu vari kuzama chipfambi pana Mai ava asi ndaiti manyepo.Manje apa ndaive ndaita kusvikirana navo vaviri vagere mukicheni parupasa. Kureva kaa uku kuti baba vataimira Mhamha vasipo kwakunotorana nechidzimai chitema -tema ichi kunopinda mukicheni .Mhamha vanenge vaenda kutsime chete pasara pachiitwa yese iyi .Ndakawedzera kurebesa uso hwangu ndichivadongorera hangu ,apo kusanyara baba vangu kutogara padivi nemudzimai uyu kunge mhandara nejaya zviri kudzidzira rudo .Chinzwa unzwe zvaibuda muziromo rababa vangu eheka mhoti baba vangu vane mazi lips mahombe mufunge ameno kuti vakatodza venzinza ravo upi. Ndotenda hangu kuti andina kuzoita maromo akadaro otherwise ndaishaya anozodawo kundisvisvina miromo iyi kana ndave kuitawo zvetukomana .Baba vangu ndakavanzwa voti zvino... Baba "Mai Danai chaivo ndogona kusvika ndichiziya nenzara pamba pangu pane mudzimai wangu wandakaroora asi ndowana munhu atovata mumba musina kana chabikwa. Ndongopfekera mumachira kubvunza wekubvunza wacho ndipo pasina nekuti pamusoro penzara wogona kuvata wadumbirwa nemashoko,ndokunge kwatoyedza urimo mumachira macho nekuti ndigona kuudzwa kuti ndiri kutonhora ndimbonodziisa tsoka dzangu, pamwe ndozongokotsira ndiripi parupasa muno mukicheni ndichiyedza kudziisa makumbo pachoto kuti ndigone kunovatawo ndakamonera pamukadzi wanguasi ehhh ndakaroora ngozi ini Munoziva ndichinzwa izvi ndakangozunguza musoro wangu ,haiwa ndakapa kutenda nenhema dzinorukwa naBaba vangu imi. Ndakanzwa chiblack wife chavo chiye chonyemwerera naiwo meno ane kara yeYellow kunge weti mombe ,chave kuti... Mai Simba" ahhhhh ende zvakaoma ndanzwa tsitsi mufunge haaa ngasadaro mukadzi wenyu mufunge Baba"Ndakashuva kuti dayi mai Danai vaigona pamwe chero nedumbu ndingadai ndaiva naro Ndakaona kuti zvanyanya haiwa handaingoramba ndakati tumbe ,Mai vangu vachisvibiswa zita kudaro ndakabva ndangoti bhenengende kupinda .Apo kana kuvhunduka havo baba ... Baba"ko unomgopinda semu soja anziiko Danai"maswera sei baba Baba"ndaswera ,ibva wamhoresa Mai vako vanyowani ava Ndakangotarisa baba vangu ndokuzunguza musoro zviye zvekutovashora ndichibva ndabuda kuenda hangu munhanga muimba yangu yekuvatira .Ndakachinja uniform yangu ndikaofeka rokwe rangu repamba ndokubuda ndakabata uniform ndichinotanga kuwacha .Nguva dzandaive ndakunopedzisa kuwacha uniform yangu zigadzi riye rakabva rasvika pandaive asi andina hangu kuda kusimudza musoro ndakaenderera mberi nekuwacha kwangu ,ndinzwe rave kuti.... Mai Simba"chinguri Mai vako vaenda kunochera mvura havadzoki nikisi Ini zii zvangu ko,ndaivapindura kuti kudii pahonzeri musha yakadaro... Mai Simba"ende uri vheri stabhoni Ndakabva ndatotanga hangu kuimba vachibva vadzokera mumba ndikasara ndichipedza zvandaiita .Ndainzwa nzara asi ndaida kumirira Mai pavanodzoka ndakabva ndanopinda munhanga mangu ndikatanga kunyora maAssignments angu .Ndakanzwa izwi raMai vangu kutaura panze ndikaziva kuti vadzoka nekubva ndatobuda .Ndakavawana vakamira naMai Simba vachipopotedzana .... Mai Simba"dai akuda murume wacho unoti aizotsvaga ini here? Mhamha"uri kuzvinetsereiko inga ndiri kuti murume tora kana ukatoenda naye unenge watogona asi mapoto angu ndoandiri kuramba nawo .Ndinoita ngozi apana ahiyiye makuda kundijairira manje maguta kunyarwa Mai Simba "ndichadzoka zvangu ko ,ndombonzaniko Vakabva vafamba vachienda kumba kwavo ,Baba vakatevera mumashure mavo vachibuda.Ndakangosara ndakavatarisa kudai ,maziso angu aive atozara musodzi. .. Mhamha" iwe Danai ndiri kutaura newe mhani Ndakaita zvekuvhunduka ndichitarisa kuna Mhamha. Danai"soriyi matii? Mhamha"hezvo ko ,zvaunenge unoda kuchema wani Danai"zviri kuitwa naBaba azvisi kundifadza Mhamha Mhamha"ahhhh chokwadi saka ndizvo zvaungada kuchemera izvozvo haiwa usatambise musodzi nezvisina basa rese .Zvatanga nhasi here zvechipfambi chababa vako iwe Danai .Pinda mumba umo uite zvekubika uko !!! Zuva rakatevera ndakamukira ari mangwanani chaiwo ndikagadzirira zvechikoro zvangu ndokuzooneka Mai vangu ndave kuenda .Ndakadarika nepamba pana Paida zvikanzi aive atoenda. Ndakachitanga kutedzana nayo nzira ndakananga kuchikoro dzamara ndasvika pagedhi rechikoro .Ndakambomira pagedhi ndichipukuta huruva pabhutsu dzangu nekachira .Nguva dzandakapedza pandakasimudza musoro ndave kuda kupinda mugedhi ,ndakatsauka kumira padivi ndaona mugedhi rechikoro muchibuda zimota rino zihombe rakanaka richimhanya .Mota iyi yaive iri yerudzi rweblack aya mazimota anonzi ma4by 4 .Ndakasara ndakariyeva ratove kumberi ratorova pasi ... Danai"ummmm mota yakanaka iyi Ndakadaro ndichipinda mukati ndichitaura naHeadboy aive akamira nechemukati megedhi ane umwe muPrefect aive padivi pake .Ndakatoona kuti kana ivo vakange vatovarairwa nemota yasoenda kare kare .... Headboy"pinda hako Danai"watoita inspection yacho?? Ndakamubvunza ndatoona kuti haana kana kuvhura bag rangu .Akazotozviseka achibva avhura ndokubva agutsurira musoro wake . ... Headboy"you can go hako Ndakafamba zvangu ndichipinda mukati ndakananga kuma classes .Ndakasangana naBeaula imwe classmate yangu tichibva tangofambidzana dzamara tave muClass.Vamwe vaitove vauya havo kusanganisira sahwira wangu Paida .Ndakafamba ndichienda panzvimbo yake ... Danai"wamuka nguvaiko nhasi zvandasvika uchinzi waenda? Paida"kuma 5 kkk Danai"iiiii wakasira bhururu Ndakabva ndanogara hangu panzvimbo yangu iko kubackseat ndichiisa mabooks angu pamusoro petafura .Avo sisi vekudhomoka zuro speech ndakaona vasimo muclass vanenge vari kurovha chete nhasi kuchikoro .Mudzidzisi wesvomhu haana kumbogarisa akabva atopinda tichibva tatanga zvidzidzo zvedu .Pakazonokwana ten o'clock nguva yeBreaktime ,ndakabuda nabhururu wangu tikanodyira hedu seri kwema classes .Ndaive ndatakura bhauga zvangu ,asi umwe wangu akandishamisa achibuditsa box reChicken inn .Ndakamutarisa kudai ndichishamiswa iye kutoseka hake achinditambidza mamwe machips nenyama ... Paida"ndozvatoita izvozvo kana tada Danai"ummmm asikana makazviwana kupi??? Paida"zvakauya zuro manheru naSekuru vangu vanogaravanogara Harare .Ndivo vabva vauya vachindisiya pano pachikoro kuseni nekuti vanga vachidzokera kumba kwavo kuHarare Danai"iiii hooo asi ine kakudziya kairi kuita ,inyama yakauya zuro iyoyi??? Paida"ehe Andina hangu kuzoda kubvunzisisa zvisinei neni ko ,chikuru tadya taguta .Zvebhauga ndakabva ndatosiya ndave kudya izvi zvonaka izvi zvisingashatise mukanwa .Patakapedza kudya ndakaona Paida achibuditsa foni kubva muhomwe achibva atanga anditarisa ndokusimuka achinodaira call yake neche kure mbijana ndokuzodzoka pandaive ... Danai"wane foni??? Paida"ehe ndivo Sekuru vangu ivovo vakandisira foni asi usazoudza Mhamha vangu nezve foni Ringori dhiri randaita naSekuru vangu nekuti Mhamha vakazviziva kuti ndane foni vanonditorera vachiti ndozotadza kuverenga Danai"haaa kana andimbodaro ende yakanaka tione zvayakaita Akanditambidza foni iye yaive yakanzi Samsung S22+ .Iri yeBlack yakanaka zvekuti ndaitoda kuzvitorawo pakicha manje bhera rakabva rarira ndokubva tananga kuma class .Tichangonopinda muClass ,Paida foni yake inenge yakafonwa nekuti ndakamuona achidongorera nepasi petable ndokubva asimuka achifambisa kubuda muClass.Akadzoka pakakwana five minutes achinogara pasi .Anenge ave kuitawo zvetukomana chete uyu andichamuone mushe bhururu wangu ... Mudzidzisi akatevera after break vaive vari veCommerce .Ndakabva ndabuda hangu muclass since ndisingaite subject iri .Ndakangotora kaNovel kangu ndichibva ndabuda hangu ndokunogara seri kwema classes .Class yedu yaive yakatarisa nekune Adminstration saka vanhu vose vanopinda nekubuda kana uri seri kwema class unovaona . Ndakatanga kuverenga novel rangu ndokuzombovarairwa hangu naMrs Ngoni vaye vebodystructure inenge idura rechibage.Vaive vakamira neumwe murume wandakangofungidzira kuti anogona kuve ari mubereki .Aive munhurume munhu wavakange vakamira naye uyu ,pavakapedza kutaura vose vakabva vapirana makotsi umwe kwake umwe kwake .Ndakaramba ndakatarisa kune murume uye achifamba achienda ... Achangoti fambe fambe mbijana murume uyu akabva abuditsa foni yake achibva amira achibva atarisa-tarisa kuita seane munhu waari kutarisa ndokuona achitora pikicha kuna Mrs Ngoni aive vaive vakunopinda mune imwe class. Ivo Mrs Ngoni vacho havana kana kumbozviona kuti vatorwa pikicha .Murume uye akabva adzorera foni muhomwe ndokubva atanga kufambisa achienda dzamara abuda gedhi rechikoro .Ndakasara ndichinetseka kuti anga achiedza kudii? Ambori ani chaizvo?? Ko ,pikicha raatora Mrs Ngoni nderei?? Ko ,sei azofambisa nguva dzaange ave kubuda gedhi????? Mr Ndlovu"wakagarirei panze nguva yema lessons Ndakabviswa mundangariro dzangu neumwe mudzidzisi akange achifamba achidarika achienda .Ndakabva ndavadaira reason yandaive ndakagarira vachibva vangoramba vakanyarara vachienda. Ndakachisimuka ndave kunzwa kuda kumbonozvibatsira kuchimbuzi .Ndakasimuka ndichisiya novel rangu pasi ndokufamba kunanga kuma toilets .Ndakaita weti yangu ndokugeza maoko angu pasi ndichiimbirira hangu pasi pasi... Voice"Da...na.....i Ndakabva ndacheuka kutarisa kumashure kwangu asi andina munhu wandakaona .Zvakandivhundutsa nekuti kudanwa kwezita rangu ndaive ndakunzwa .Hana yangu yakaita kakurova ndikanzwa kakumerera ndokubva ndatobuda nekukasira ndofunga ndaive ndaita manzwira chete. Ndakanotora novel rangu randaive ndasiya ndichibva ndatanga kufamba kuti ndichienda kuclass since ndaive ndatogeja time kuti mudzidzisi weCommerce anenge apedza chete... Mrs Ngoni"Danai Ndakacheuka kumashure kwangu ndokuona vari Mrs Ngoni vaitibvawo kwavari kubva vachisvika pandiri vakabata paira rema bhuku ndinzwe voti... Mrs Ngoni"ndiendeserewo kuStuffroom ,ndaona kuti kumboendako nepane nguva azvichaite ndine lesson ratotanga Danai"its okay ndigashidzei henyu Vakanditambidza mabook aye vachibva vaenda ini ndokufamba ndakananga kwandaive ndaudzwa .Ndakadzoswa mundangariro nemurume wekuvatora picture uye ndakada kumbozovabvunza asi ndakangoti rega ndisiyane nazvo pamwe vanozivana ndichibva ndasvika hangu ndikavhura door ndokupinda mukati. Makange musina kana munhu saka ndakangonanga patable paMrs Ngoni ndokutsveta mabook acho ndokupira gotsi kuti ndifambe kubuda .Ndisati ndasvika kudoor ,pane novel rakabva radonha raive paShelf yemamwe mabook. Ndakavhunduka zvokuti munongoziva wani kuti panodonha chinhu wakavarairwa hana inotorova .Ndakadzokera kunotora book riye kuti ndiri dzosera pandanga ndariwana asi maziso angu akabva amhanya kuverenga Title yakange yakanyorwa ipapo yaive yakanzi "AFTER DEATH" .Ndakatoshaya kuti ibook rudzii iri ndokuvhura front page raive riri rechirungu zvekuti ndakatomboverenga first page ndikaona riri interesting ,pandakange ndoda kuenda kuPage 2 door rakabva ravhurwa pachibva papinda vamwe Madam vanonzi Mrs Kafende .Ndakadzosera book riye nekukasira nekuti Madam Kafende munhu uye asingade zvisina basa.. Mrs Kafende"uri kutsvagei muno?? Danai "nda ..ndanga ndatumwa kuzosiya mabook naMrs Ngoni Mrs Kafende" saka kana wamasiya uchiri kuitei muno??? Danai"apana nda...ndanga ndakutobuda Ndakadaro ndichitofamba kubuda ndichifambisa asi ndakabva ndarangarira kuti maihwee ndasiya novel rangu randainge ndapinda naro .Ndakarova U-turn kunodzokera kuStaffroom kuye ndakamboda kunoka asi ndakangoti haiwa rega ndingopinda ,ndichingonovhura door ndapinda kudai ndakawana Mrs Kafende vachikata foni yavo ipapi ipapo vachiita zvekuratidza kuti vavhunduka nekupinda kwandaita .Chiona hasha dzandakaitirwa ipapo... Mrs Kafende"unongopinda usina kana kunoka kuita kunge uri kupinda mutoilet Danai"very sorry Mrs Kafende"uri kudei??? Danai"ndanga ndasiya novel rangu Mrs Kafende"tora ubva wabuda muno Nechemumoyo ndakangoti ko ,pane panga ndichigarira munomu here .Ndakatora novel rangu ndokubuda ndakanzwa vachisara vachiridza tsamwa haiwawo kana shungu. Ndakapfurira kunanga kuclass ndikawana Paida achitobvawo neimwe direction akabata plastic bag yeBlack ... Danai"ko ,uri kubvepi ende umu muneyi??? Paida"apana.... Akadaro achinopinda muclass munoziva ndakatoshamiswa nekuita kwake uku all of a sudden .Akanogara pachair yake ndokuisa plastic bag iya mubag ini ndichinogara pangu pachair ndaigara mumashure make ... Danai"Paida Akabva acheuka kunditarisa ... Paida"watii??? Danai "munei muplastic bag ??? Paida " zvinhu zvangu ....wagudzikana here??? Danai"zvinhu zvinengei??? Paida"ummmmmmm izvozvo azvisisinei newe manje Akadaro achindipira gotsi kutarisa mberi. Ndakaita kakubatikana kuti chokwadi ishamwaro yangu here uyu .Ehe hazvo zvakange zvisinei neni zviri muplastic bag make asi ndaidawo kungoziva kuti munei ,zvabvepi asi iiii rafu yandainge ndaudzwa ipapo yakabva yaita kuti ndinyarare nezvinhu zvisinei neni .Door rakabva ravhurwa pachibva papinda.... *************************** DROP YOUR COMMENTS ,NdIZIVE KUTI ndOENDERERA MBERI HERE KANA KUTI ndOGUMIRA PANP HEDU!!! 🌹 *My aim is to inspire and motivate lives through my stories* 🌹 End of chapter