این او سی (No Objection Certificate) اگر آپ محکمہ تعلیم میں پہلے سے ہی پرائمری اسکول ٹیچر (PST) کے عہدے پر کام کر رہے ہیں اور اب ایٹا کے ذریعے کسی دوسرے عہدے کے لیے درخواست دینا چاہتے ہیں تو آپ کو باقاعدہ اجازت، یعنی این او سی (NOC) حاصل کرنا ہوگا۔ این او سی (NOC) حاصل کرنے سے آپ کو موجودہ سروس کی مدت شمار ہونے، پے پروٹیکشن، اور لیئن جیسی سہولتیں حاصل ہونگی۔ این او سی حاصل کرنے کا طریقہ کار: 1. پوسٹ میں دیے گئے فارمیٹ کے مطابق سادہ کاغذ پر یا کمپیوٹرائزڈ درخواست لکھیں۔ 2. اپنی درخواست پر متعلقہ اسکول کے ہیڈ ٹیچر سے دستخط اور مہر لگوائیں۔ 3. درخواست کے ساتھ اپنا تقرری نامہ (Appointment Order) اور شناختی کارڈ منسلک کریں۔ 4. تمام دستاویزات متعلقہ سرکل آفس/ ASDEO آفس میں جمع کروائیں۔ 5. سرکل آفس میں ASDEO آپ کی درخواست پر مہر اور دستخط کر کے اسے متعلقہ SDEO کو بھیجے گا۔ 6. متعلقہ SDEO آپ کی درخواست پر مہر اور دستخط کر کے مزید کارروائی کے لیے اسے DEO آفس بھیجے گا۔ 7. اس کے بعد آپ کو DEO آفس سے این او سی (NOC) جاری کر دیا جائے گا۔ نوٹ: ایڈہاک اساتذہ بھی این او سی (NOC) کیلئے اپلائی کرسکتے ہیں۔😊